Kəzəɗ tə Mələɓ iyi 21
21
Pawl a nda əŋ Urusalima
1Əŋ nini mə lim ley wuɗak abə tata seh, nini nda tini abə kambuwal dəre əŋ Kwas. Garaha kafa ta, nini gwar əŋ Rawdes. Mar tə a namba, nini nda əŋ Patara. 2A namba, nini lim kambuwal ley nda əŋ Finikiya. Nini tap, ɓa, nini nda tini. 3Nini gwar əŋ dəməs tə talafay seh, nini kəlim Kiprus kəɗi əŋ kəv tə teyek tə hayak tə əŋ dəməs tə yim ta ley taŋ kəɗi əŋ Siriya. Nini gwaraha əŋ Tirʉs, amba i bəreŋgehe məsəkəŋ tə əŋ kambuwal iyi. 4Nini kəlim hedi makuw ma iyi za a namba, nini nja waŋ dʉsəlʉɗ abə tata. Hedi iyi ta Mimiɗ sə Kweɗek kəgwaɗta za, i zlapaŋ əŋ Pawl a mba i nda əŋ Urusalima səku. 5Ama əŋ cukwaɗ tə waŋ dʉsəlʉɗ ta seh, nini gar, nini nda tini. I kəlahanini za tata fuk, abə wala tata iyi, abə wuziyi tata iyi ha taŋ berne. Nini dar malakw a meɗek talafay, ɓa, nini ɗal mbuh. 6Abə dawaŋ ta, ɓa, nini ɗal mbele ntaɗ ntaɗ əŋ faŋw tini, nini tap əŋ kambuwal, tata bahayim i ziŋ tata əŋ wuta. 7Nini kəcukwaɗ pik tini za ley nda abə kambuwal əŋ Tirʉs abə əŋ Patawlemayis. Abə dawaŋ tə nini kəɗalaŋta mbele kwata əŋ zliŋge tə əŋ berne iyi ta seh, nini nja waŋ ntaɗ abə tata. 8Garaha kafa ta, nini nda tini, nini gwar əŋ Kaysariya. A namba, nini nda əŋ ge Filip hedi mə giz ma tə Bizlaf, nini waŋ a ge ŋga. Ar hedi ntaɗ tə əŋ faŋw tə hedi sə dʉsəlʉɗ iyi i mə mamayta tə əŋ Urusalima sey. 9Mbiŋ abə hazləma iyi nfaɗ mə tak dəm muwul iyi a ge ŋga, i kəgiz ma abə miya tə Bizlaf. 10Nini mbə a namba ha waŋ mbeh səku, əŋ hedi mə giz ma abə miya tə Bizlaf, miya ŋga Agabus mə gwaraha tə əŋ Yahudiya. 11A ndaha əŋ kelek tini, a ɓət magandaw tə Pawl, a jaw ŋgas ŋga iyi abə ndəra ŋga iyi abə mbiŋ, ɓa, a zlap, a zla: «Ehe, Mimiɗ sə Kweɗek mə zlap, a zla: “Hedi tə magandaw wa, hedi səndawl tə Yahuda iyi tə əŋ Urusalima i jawza za mənaŋ wa, ɓa, i nda i vəlu əŋ ndəra hedi Yahuda iyi səku.”» 12Abə dawaŋ tə nini mə zlim ma iyi tə wa seh, nini abə talaŋ tini liŋ zliŋge tə əŋ Kaysariya iyi, nini kərək Pawl za, a mba i nda əŋ Urusalima səku ba. 13Ama Pawl a ziŋgeŋ zlap, a zla: «Heni haŋ seh, məŋgəvday a mey? Hi pələk ley mbireke nəf vaw? Sa seh, sa kəsla wucum za, ar amba i mə nahaka əŋ daŋgay taataɗ dap səku, ama baha kwa ley məc əŋ Urusalima məŋgəvday Bay Bayta Yesu seh kwata.» 14Mənaŋ wa, nini gula i buw wulək ŋga səku ba. Abə dawaŋ ta, nini yaku, nini zla: «Mba tə Bay Bayta mə ɗal.»
15Abə dawaŋ tə waŋ mbizek, nini sla wucum, nini nda tini əŋ Urusalima. 16Hedi makuw ma tə əŋ Kaysariya iyi i lahanini əŋ namba. I deɓenini ley waŋgaha a ge Manasaŋw, hedi mə ndaha tə əŋ Kiprus, mbiŋ seh, ar gula tə Yesu mar zlezle.
Pawl a nda i gəraha Yakuba
17Əŋ gwaraha tini əŋ Urusalima seh, zliŋgeŋ iyi i kuwanini abə səsəm. 18Garaha kafa ta, Pawl a nda abə nini əŋ ge Yakuba, a namba, hedi mə ɗal yawa iyi tə əŋ jam talaŋ tə hedi makuw ma iyi fuk i kəkwas za a namba. 19Pawl a ɗalaŋta mbele, ɓa, a gizeŋta məsəkəŋ Bizlaf mə ɗal abə kəzəɗ ŋga əŋ faŋw tə hedi Yahuda iyi səku. 20Abə dawaŋ tə i mə zlim ma tə wa seh, i həmən Bizlaf. Ɓa, i zlapaŋ əŋ Pawl, i zla: «Zliŋmana tini, hwa kəlim Yahuda iyi gabal mbeh səku i kəmbaɗ za əŋ hedi tə Almasihu iyi, tata fuk i kəziber ma majaw tə Musa tədayday. 21Ehe, ma i mə gizeŋta tə a talaŋ təkwa, i zla: hwa kəsərək Yahuda iyi manja tə əŋ faŋw tə hedi Yahuda iyi səku ley yak i kuw ma majaw tə Musa. Baha, hwa kəzlapaŋta i mba i zla viɗe tə wuziyi tata iyi səku, i mba i ziber kukus tə Yahuda iyi səku. 22Nakwa iyi nda i ɗal seh viŋgey? I nda i zlim seh məndiwiŋ hwa kəgwaraha za. 23Məŋgəvday a ɗek, ɗal məsəkəŋ nini mə nda i zlapah. Hedi iyi nfaɗ əŋ faŋw tini a nawa aka, i kəzlap za ley ɗal məsəkəŋ. 24Ŋgaslta, nda abə tata əŋ jam talaŋ kə baŋ hem mənaŋ kukus mə zlap, mineŋta dala tata, tata i mə gay, amba tata i lim ley fəɗ talaŋ tata. Mənaŋ wa, hedi iyi fuk, i səŋ za məsəkəŋ i mə giz tə a talaŋ təkwa wa fuk haya, ar ma sə delele səku, ama hwa bahayim, hwa kəwaŋgaŋ talaŋ əŋ ma majaw tə Musa. 25Əŋ zliŋmana takwa dakayta iyi Yahuda iyi səku mambaɗ əŋ hedi tə Almasihu iyi, nini kəgizeŋta wulək tini nini mə ɓət iyi za kəɗi əŋ letir, nini zlapaŋta seh, i mba i zəm zli mandaha tə kukus mavəl əŋ kuli iyi səku, i mba i zəm məmbəz səku, i mba i zəm zli tə məsəkəŋ mandaham maɓərət, i ɓərət iyi səku, i mba i ɗal barlaw səku.» 26Pawl a ŋgasl hedi sə nfaɗ iyi sey. Garaha kafa ta, a jam abə tata əŋ kwas talaŋ kə baŋ hem. I təɗ əŋ biŋ tə Bizlaf ley giz əŋ waŋ vitikey baŋ hem ta mə nda i cukwaɗ, mənaŋ zlap ta seh, əŋ waŋ vitikey i nda i vəl məsəkəŋ əŋ faŋw tata ley baŋ hem#21:26 1 Kwarintʉ iyi 9:20..
I kəməl Pawl za əŋ biŋ tə Bizlaf
27Əŋ waŋ dʉsəlʉɗ mbeh kwata ley cukwaɗ seh, Yahuda iyi i mə ndaha mar tə əŋ Aziya i lim Pawl əŋ biŋ tə Bizlaf. I gaɗ hedi makwas iyi fuk ley məl Pawl. 28I ja varay, i zla: «Lə Israyila iyi, hi təranini! Ehe, hedi mə sərək lə Israyila iyi kwa a tikey, a tikey abə ma madawar a talaŋ lə Israyila iyi, a talaŋ ma majaw tə Musa liŋ a talaŋ biŋ tə Bizlaf. Mənjawa, kətəɗaha hedi Yahuda iyi səku za əŋ biŋ tə Bizlaf, baha, a kədakal lay sə Kweɗek wa!» 29I zlap mənaŋ wa seh, məŋgəvday i kəlim Tawrafimus hedi tə əŋ Efesʉ za abə Pawl əŋ berne ta, i wulək seh Pawl kətəɗza za əŋ biŋ tə Bizlaf#21:29 Ezekiyel 44:7.. 30Ma ta wa, kəkʉkweɗ za əŋ berne ta fuk, ha hedi tə ɗəməŋ iyi fuk i hiyaha kwa kəɗi əŋ kəv vitikey. Hedi iyi ta i məl Pawl, i ŋgaslahaw a biŋ tə Bizlaf əŋ palah. Mbehmbeh mba, i pek medigiɗ tə biŋ tə Bizlaf iyi ta. 31I pələk ley ja Pawl, əŋ labara ta mə gwaraŋ əŋ hedi səndawl tə a talaŋ sewje tə Rawma iyi gabal sey, hedi tə əŋ Urusalima iyi fuk i kəhuɓəl ley ɗal kurzlay. 32Mbehmbeh mba, hedi səndawl tə a talaŋ sewje iyi a ɓət sewje iyi abə səndawl tə sewje iyi temere, ɓa, i hiy kəɗi əŋ kelek hedi makwas iyi. Əŋ hedi iyi i mə lim hedi səndawl tə a talaŋ sewje iyi gabal abə sewje iyi sey, i yak ley taw Pawl. 33Hedi səndawl tə a talaŋ sewje iyi gabal a kərəɗaha əŋ kelek Pawl, a məlu, a zlapaŋta əŋ hedi iyi i mə jawu abə calalu iyi bək. Ɓa, a ɗəp hedi makwas iyi, a zla: «Ar seh viyey? A ɗal seh mey?» 34Ama əŋ faŋw tə hedi makwas iyi, hedi dakayta iyi i kəja varay mənaŋ tata mə mba. Hedi səndawl tə a talaŋ sewje iyi sey a gula i zlim ma ta lawlaw səku, məŋgəvday pakwam tə hedi iyi. Ɓa, a zlapaŋta i mə deɓ Pawl ta əŋ biŋ tə sewje iyi. 35Əŋ Pawl mə gwar a lay kə tap əŋ biŋ seh, sewje iyi i ɓətu, məŋgəvday hedi makwas iyi i kəɗal məsəkəŋ madawar abə fagay a talaŋ ŋga, 36məŋgəvday hedi iyi mbeh səku i kəziberʉ abə ja varay, i zla: «Hi ju!»
Pawl a giz ma ŋga iyi
37Əŋ sewje iyi mbeh kwata ley təɗ Pawl əŋ biŋ tata seh, a zlapaŋ əŋ hedi səndawl tə a talaŋ sewje iyi ta, a zla: «Kataf əŋ sa ley zlapah ma ntaɗ seh aka vaw?» Hedi səndawl tə a talaŋ sewje iyi ta a ɗəpu, a zla: «Hwa kəsəŋ ley zlap ma Gərek vaw? 38Ar hwa lə Misra mə ɗal kurzlay wa səku vah? Mə deɓ hedi iyi gabal temere nfaɗ əŋ təp damu ley gay ma tə Rawma iyi wa səku vaw?» 39Pawl a ziŋgeŋta zlap, a zla: «Sa seh, sa lə Yahuda, mambuwaha tə əŋ Tarsʉs əŋ hayak tə Silikiya, sa seh, sa mbu tə əŋ berne səndawl. Sa kəɗalah a mbuh, vəlaka kataf ley zlapaŋta əŋ hedi iyi wa.» 40Hedi səndawl tə a talaŋ sewje iyi sey, a vəlaŋ kataf. Pawl a gar a lay kə tap əŋ biŋ sey, ɓa, a kaf ndəra ŋga əŋ hedi iyi. Tata fuk i nja tete, Pawl a zlapaŋta abə ma tə Ibraniŋki iyi, a zla:
ទើបបានជ្រើសរើសហើយ៖
Kəzəɗ tə Mələɓ iyi 21: xmd
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Kəzəɗ tə Mələɓ iyi 21
21
Pawl a nda əŋ Urusalima
1Əŋ nini mə lim ley wuɗak abə tata seh, nini nda tini abə kambuwal dəre əŋ Kwas. Garaha kafa ta, nini gwar əŋ Rawdes. Mar tə a namba, nini nda əŋ Patara. 2A namba, nini lim kambuwal ley nda əŋ Finikiya. Nini tap, ɓa, nini nda tini. 3Nini gwar əŋ dəməs tə talafay seh, nini kəlim Kiprus kəɗi əŋ kəv tə teyek tə hayak tə əŋ dəməs tə yim ta ley taŋ kəɗi əŋ Siriya. Nini gwaraha əŋ Tirʉs, amba i bəreŋgehe məsəkəŋ tə əŋ kambuwal iyi. 4Nini kəlim hedi makuw ma iyi za a namba, nini nja waŋ dʉsəlʉɗ abə tata. Hedi iyi ta Mimiɗ sə Kweɗek kəgwaɗta za, i zlapaŋ əŋ Pawl a mba i nda əŋ Urusalima səku. 5Ama əŋ cukwaɗ tə waŋ dʉsəlʉɗ ta seh, nini gar, nini nda tini. I kəlahanini za tata fuk, abə wala tata iyi, abə wuziyi tata iyi ha taŋ berne. Nini dar malakw a meɗek talafay, ɓa, nini ɗal mbuh. 6Abə dawaŋ ta, ɓa, nini ɗal mbele ntaɗ ntaɗ əŋ faŋw tini, nini tap əŋ kambuwal, tata bahayim i ziŋ tata əŋ wuta. 7Nini kəcukwaɗ pik tini za ley nda abə kambuwal əŋ Tirʉs abə əŋ Patawlemayis. Abə dawaŋ tə nini kəɗalaŋta mbele kwata əŋ zliŋge tə əŋ berne iyi ta seh, nini nja waŋ ntaɗ abə tata. 8Garaha kafa ta, nini nda tini, nini gwar əŋ Kaysariya. A namba, nini nda əŋ ge Filip hedi mə giz ma tə Bizlaf, nini waŋ a ge ŋga. Ar hedi ntaɗ tə əŋ faŋw tə hedi sə dʉsəlʉɗ iyi i mə mamayta tə əŋ Urusalima sey. 9Mbiŋ abə hazləma iyi nfaɗ mə tak dəm muwul iyi a ge ŋga, i kəgiz ma abə miya tə Bizlaf. 10Nini mbə a namba ha waŋ mbeh səku, əŋ hedi mə giz ma abə miya tə Bizlaf, miya ŋga Agabus mə gwaraha tə əŋ Yahudiya. 11A ndaha əŋ kelek tini, a ɓət magandaw tə Pawl, a jaw ŋgas ŋga iyi abə ndəra ŋga iyi abə mbiŋ, ɓa, a zlap, a zla: «Ehe, Mimiɗ sə Kweɗek mə zlap, a zla: “Hedi tə magandaw wa, hedi səndawl tə Yahuda iyi tə əŋ Urusalima i jawza za mənaŋ wa, ɓa, i nda i vəlu əŋ ndəra hedi Yahuda iyi səku.”» 12Abə dawaŋ tə nini mə zlim ma iyi tə wa seh, nini abə talaŋ tini liŋ zliŋge tə əŋ Kaysariya iyi, nini kərək Pawl za, a mba i nda əŋ Urusalima səku ba. 13Ama Pawl a ziŋgeŋ zlap, a zla: «Heni haŋ seh, məŋgəvday a mey? Hi pələk ley mbireke nəf vaw? Sa seh, sa kəsla wucum za, ar amba i mə nahaka əŋ daŋgay taataɗ dap səku, ama baha kwa ley məc əŋ Urusalima məŋgəvday Bay Bayta Yesu seh kwata.» 14Mənaŋ wa, nini gula i buw wulək ŋga səku ba. Abə dawaŋ ta, nini yaku, nini zla: «Mba tə Bay Bayta mə ɗal.»
15Abə dawaŋ tə waŋ mbizek, nini sla wucum, nini nda tini əŋ Urusalima. 16Hedi makuw ma tə əŋ Kaysariya iyi i lahanini əŋ namba. I deɓenini ley waŋgaha a ge Manasaŋw, hedi mə ndaha tə əŋ Kiprus, mbiŋ seh, ar gula tə Yesu mar zlezle.
Pawl a nda i gəraha Yakuba
17Əŋ gwaraha tini əŋ Urusalima seh, zliŋgeŋ iyi i kuwanini abə səsəm. 18Garaha kafa ta, Pawl a nda abə nini əŋ ge Yakuba, a namba, hedi mə ɗal yawa iyi tə əŋ jam talaŋ tə hedi makuw ma iyi fuk i kəkwas za a namba. 19Pawl a ɗalaŋta mbele, ɓa, a gizeŋta məsəkəŋ Bizlaf mə ɗal abə kəzəɗ ŋga əŋ faŋw tə hedi Yahuda iyi səku. 20Abə dawaŋ tə i mə zlim ma tə wa seh, i həmən Bizlaf. Ɓa, i zlapaŋ əŋ Pawl, i zla: «Zliŋmana tini, hwa kəlim Yahuda iyi gabal mbeh səku i kəmbaɗ za əŋ hedi tə Almasihu iyi, tata fuk i kəziber ma majaw tə Musa tədayday. 21Ehe, ma i mə gizeŋta tə a talaŋ təkwa, i zla: hwa kəsərək Yahuda iyi manja tə əŋ faŋw tə hedi Yahuda iyi səku ley yak i kuw ma majaw tə Musa. Baha, hwa kəzlapaŋta i mba i zla viɗe tə wuziyi tata iyi səku, i mba i ziber kukus tə Yahuda iyi səku. 22Nakwa iyi nda i ɗal seh viŋgey? I nda i zlim seh məndiwiŋ hwa kəgwaraha za. 23Məŋgəvday a ɗek, ɗal məsəkəŋ nini mə nda i zlapah. Hedi iyi nfaɗ əŋ faŋw tini a nawa aka, i kəzlap za ley ɗal məsəkəŋ. 24Ŋgaslta, nda abə tata əŋ jam talaŋ kə baŋ hem mənaŋ kukus mə zlap, mineŋta dala tata, tata i mə gay, amba tata i lim ley fəɗ talaŋ tata. Mənaŋ wa, hedi iyi fuk, i səŋ za məsəkəŋ i mə giz tə a talaŋ təkwa wa fuk haya, ar ma sə delele səku, ama hwa bahayim, hwa kəwaŋgaŋ talaŋ əŋ ma majaw tə Musa. 25Əŋ zliŋmana takwa dakayta iyi Yahuda iyi səku mambaɗ əŋ hedi tə Almasihu iyi, nini kəgizeŋta wulək tini nini mə ɓət iyi za kəɗi əŋ letir, nini zlapaŋta seh, i mba i zəm zli mandaha tə kukus mavəl əŋ kuli iyi səku, i mba i zəm məmbəz səku, i mba i zəm zli tə məsəkəŋ mandaham maɓərət, i ɓərət iyi səku, i mba i ɗal barlaw səku.» 26Pawl a ŋgasl hedi sə nfaɗ iyi sey. Garaha kafa ta, a jam abə tata əŋ kwas talaŋ kə baŋ hem. I təɗ əŋ biŋ tə Bizlaf ley giz əŋ waŋ vitikey baŋ hem ta mə nda i cukwaɗ, mənaŋ zlap ta seh, əŋ waŋ vitikey i nda i vəl məsəkəŋ əŋ faŋw tata ley baŋ hem#21:26 1 Kwarintʉ iyi 9:20..
I kəməl Pawl za əŋ biŋ tə Bizlaf
27Əŋ waŋ dʉsəlʉɗ mbeh kwata ley cukwaɗ seh, Yahuda iyi i mə ndaha mar tə əŋ Aziya i lim Pawl əŋ biŋ tə Bizlaf. I gaɗ hedi makwas iyi fuk ley məl Pawl. 28I ja varay, i zla: «Lə Israyila iyi, hi təranini! Ehe, hedi mə sərək lə Israyila iyi kwa a tikey, a tikey abə ma madawar a talaŋ lə Israyila iyi, a talaŋ ma majaw tə Musa liŋ a talaŋ biŋ tə Bizlaf. Mənjawa, kətəɗaha hedi Yahuda iyi səku za əŋ biŋ tə Bizlaf, baha, a kədakal lay sə Kweɗek wa!» 29I zlap mənaŋ wa seh, məŋgəvday i kəlim Tawrafimus hedi tə əŋ Efesʉ za abə Pawl əŋ berne ta, i wulək seh Pawl kətəɗza za əŋ biŋ tə Bizlaf#21:29 Ezekiyel 44:7.. 30Ma ta wa, kəkʉkweɗ za əŋ berne ta fuk, ha hedi tə ɗəməŋ iyi fuk i hiyaha kwa kəɗi əŋ kəv vitikey. Hedi iyi ta i məl Pawl, i ŋgaslahaw a biŋ tə Bizlaf əŋ palah. Mbehmbeh mba, i pek medigiɗ tə biŋ tə Bizlaf iyi ta. 31I pələk ley ja Pawl, əŋ labara ta mə gwaraŋ əŋ hedi səndawl tə a talaŋ sewje tə Rawma iyi gabal sey, hedi tə əŋ Urusalima iyi fuk i kəhuɓəl ley ɗal kurzlay. 32Mbehmbeh mba, hedi səndawl tə a talaŋ sewje iyi a ɓət sewje iyi abə səndawl tə sewje iyi temere, ɓa, i hiy kəɗi əŋ kelek hedi makwas iyi. Əŋ hedi iyi i mə lim hedi səndawl tə a talaŋ sewje iyi gabal abə sewje iyi sey, i yak ley taw Pawl. 33Hedi səndawl tə a talaŋ sewje iyi gabal a kərəɗaha əŋ kelek Pawl, a məlu, a zlapaŋta əŋ hedi iyi i mə jawu abə calalu iyi bək. Ɓa, a ɗəp hedi makwas iyi, a zla: «Ar seh viyey? A ɗal seh mey?» 34Ama əŋ faŋw tə hedi makwas iyi, hedi dakayta iyi i kəja varay mənaŋ tata mə mba. Hedi səndawl tə a talaŋ sewje iyi sey a gula i zlim ma ta lawlaw səku, məŋgəvday pakwam tə hedi iyi. Ɓa, a zlapaŋta i mə deɓ Pawl ta əŋ biŋ tə sewje iyi. 35Əŋ Pawl mə gwar a lay kə tap əŋ biŋ seh, sewje iyi i ɓətu, məŋgəvday hedi makwas iyi i kəɗal məsəkəŋ madawar abə fagay a talaŋ ŋga, 36məŋgəvday hedi iyi mbeh səku i kəziberʉ abə ja varay, i zla: «Hi ju!»
Pawl a giz ma ŋga iyi
37Əŋ sewje iyi mbeh kwata ley təɗ Pawl əŋ biŋ tata seh, a zlapaŋ əŋ hedi səndawl tə a talaŋ sewje iyi ta, a zla: «Kataf əŋ sa ley zlapah ma ntaɗ seh aka vaw?» Hedi səndawl tə a talaŋ sewje iyi ta a ɗəpu, a zla: «Hwa kəsəŋ ley zlap ma Gərek vaw? 38Ar hwa lə Misra mə ɗal kurzlay wa səku vah? Mə deɓ hedi iyi gabal temere nfaɗ əŋ təp damu ley gay ma tə Rawma iyi wa səku vaw?» 39Pawl a ziŋgeŋta zlap, a zla: «Sa seh, sa lə Yahuda, mambuwaha tə əŋ Tarsʉs əŋ hayak tə Silikiya, sa seh, sa mbu tə əŋ berne səndawl. Sa kəɗalah a mbuh, vəlaka kataf ley zlapaŋta əŋ hedi iyi wa.» 40Hedi səndawl tə a talaŋ sewje iyi sey, a vəlaŋ kataf. Pawl a gar a lay kə tap əŋ biŋ sey, ɓa, a kaf ndəra ŋga əŋ hedi iyi. Tata fuk i nja tete, Pawl a zlapaŋta abə ma tə Ibraniŋki iyi, a zla:
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល