Kəzəɗ tə Mələɓ iyi 11
11
Piyer a zlap a ma tə hedi tə əŋ jam talaŋ tə makuw ma iyi tə əŋ Urusalima a talaŋ ma tə Kwarneliyus
1Mələɓ iyi abə hedi makuw ma iyi tə əŋ hayak tə Yahudiya i zlim hedi Yahuda iyi səku bahayim i kəkuw ma tə Bizlaf za. 2Əŋ Piyer mə ziŋ əŋ Urusalima seh, Yahuda iyi i kəɗal pakwam abə mbiŋ mənaŋ wa, 3i zla: «Hwa kətəɗ za əŋ ge hedi mə tak zla viɗe iyi, hwa kəzəm məsəkəŋ za abə tata!» 4Abə dawaŋ ta izey, Piyer a gizeŋta məsəkəŋ mataŋ iyi fuk abə ziber ta, a zla: 5«Sa mbə əŋ Jawpe, sa kəɗal mbuh. Abə dawaŋ ta, Bizlaf kəgizeke mazla za, sa lim məsəkəŋ mənaŋ gwedere səndawl a kəbəreŋgehe əŋ kelek na, mə mili kəɗi əŋ kəv nfaɗ tata iyi fuk, a bəreŋgehe a wuzlaf, a ndaha ha əŋ kelek na. 6Sa kəgərza za lawlaw, sa lim məsəkəŋ mandaham tə abə ŋgas sə nfaɗ iyi, məsəkəŋ tə damu iyi, məsəkəŋ mandaham mə nda tə abə dəməs iyi abə vigem tə wuzlaf iyi. 7Abə dawaŋ ta izey, sa zlim wula, mə zlapaku, a zla: “Piyer, gar, fat məsəkəŋ mandaham iyi wa, zəmta!” 8Ama sa ziŋgeŋ zlap, sa zla: “Kay, Bay Bayta, məŋgəvday məsəkəŋ kukus mə taku, aka səku məsəkəŋ tə abə ndəra dəlay seh, a kətəɗ əŋ pakwam na səku.” 9Wula a zlimehe a wuzlaf baha, a zla: “Məsəkəŋ Bizlaf mə zlap səntaŋ ley zəm seh, hwa mba i ɗiyu əŋ məsəkəŋ tə abə ndəra dəlay səku.” 10Məsəkəŋ ta, kəɗal za əŋ ŋgas maakaɗ, ɓa, məsəkəŋ ta, a ziŋ ŋga əŋ wuzlaf. 11Mbehmbeh mba, hedi iyi maakaɗ, i mə ləɓakata mar tə əŋ Kaysariya, i gwaraha əŋ ge nini tə ɗəməŋ. 12Mimiɗ sə Kweɗek a zlapaka ley nda abə tata viyu, kwa abə ley ɗal wulək par seh halla. Zliŋmana sə ŋkuh iyi sa mə dahata əŋ nawa ley lahaka əŋ Kaysariya wa, nini kətəɗ za fuk əŋ ge Kwarneliyus. 13Kwarneliyus ta seh, a gizenini əŋ mbiŋ mə lim mələɓ tə Bizlaf mə geri a ge ŋga, a kəzlapaŋgu, a zla: “Ləɓ hedi əŋ Jawpe ley ɗafaŋ ma əŋ Simaŋw, i mə ɗafaŋ ma Piyer. 14A zlapah ma iyi za, mə nda i dahah reh əŋ hwa, abə hedi tə ge təkwa iyi fuk.” 15Əŋ sa kəmar ley zlap seh, Mimiɗ sə Kweɗek a bəreŋgehe a talaŋ tata mənaŋ mə bəreŋgehe tə a talaŋ takwa titʉz sey. 16Mbehmbeh mba, sa kəsəŋ kenek za a ma tə Bay Bayta mə zlapaku sey, a zla: “Yahwana kəɗal batem za abə yim, ama heni seh, heni nda i lim batem abə Mimiɗ sə Kweɗek.” 17Mənaŋ wa seh, Bizlaf kəvəlaŋta Mimiɗ sə Kweɗek za mənaŋ mbiŋ mə vəlanakwa, əŋ nakwa iyi mə kuw Bay Bayta takwa Yesu Almasihu, mənaŋ wa, sa seh, sa viyey amba sa tak məsəkəŋ Bizlaf mə mba ley ɗal wa?» 18Əŋ hedi makuw ma iyi i mə zlim ma iyi ta wa, i bes tete, i kəhəmən Bizlaf, i zla: «Ar məndiwiŋ, Bizlaf kəvəlaŋta kataf za əŋ hedi Yahuda iyi səku ley zlambaɗ nja tata bahayim amba ley lim mədəŋcur məndiwiŋ.»
Əŋ Antakiya, gula tə Yesu iyi seh, i kəɗafaŋta ma hedi tə Almasihu iyi
19Abə dawaŋ tə i mə ja Etiyen seh, i kəmar za ley zləŋgaŋta takwaŋ əŋ hedi makuw ma iyi, i kəwʉweɗ tata za kwa əŋ vey fuk. Hedi dakayta iyi tə əŋ faŋw tata i kənda za ha əŋ Finikiya, əŋ Kiprus, əŋ Antakiya. Ama i kəgizeŋta ma tə Bizlaf əŋ kwa viyey seh halla, sey əŋ Yahuda iyi. 20Ama hedi dakayta iyi tə əŋ faŋw tata, mandaha tə əŋ Kiprus, tə əŋ Sirene i nda tata əŋ Antakiya. A namba, i kəgizeŋta ma tə Bizlaf za əŋ hedi Yahuda iyi səku bahayim, i gizeŋta Labara Səntaŋ Lawayaŋ tə Bay Bayta Yesu. 21Fagay tə Bay Bayta mbə abə tata, hedi iyi mbeh səku i kəbuw nja tata za, i kəkuw Bay Bayta za. 22Hedi tə əŋ jam talaŋ tə hedi makuw ma iyi tə əŋ Urusalima, i zlim ma ta seh, i ləɓ Barnabas əŋ Antakiya. 23Əŋ mbiŋ mə gwar, a gər əŋ Bizlaf mə pireŋta ma əŋ hedi iyi ta wa seh, a səsəm, a vəlaŋta fagay fuk amba ley nja əŋ kuw ma tə Bay Bayta abə nəf ntaɗ. 24Barnabas seh, ar hedi səntaŋ, mə gweɗi abə Mimiɗ sə Kweɗek liŋ abə kuw ma. Hedi iyi mbeh səku i kəkuw Bay Bayta za. 25Abə dawaŋ ta izey, Barnabas a nda i pələkaha Sawl əŋ Tarsʉs. 26Əŋ mbiŋ mə limʉ a namba seh, a dahaw əŋ Antakiya. I nja a namba va ntaɗ ley ɗal kəzəɗ a lay ta əŋ jam talaŋ tə hedi makuw ma iyi ta, i kəsərək hedi iyi mbeh səku əŋ kuw ma. Ar seh əŋ Antakiya, hedi makuw ma iyi i mə mar ley ɗafaŋta ma hedi tə Almasihu iyi. 27Əŋ hala ta mba, hedi mə giz ma abə miya tə Bizlaf dakayta iyi i gar a Urusalima, i nda əŋ Antakiya. 28Hedi ntaɗ tə əŋ faŋw tata aka, miya ŋga Agabus, a gar əŋ faŋw tə hedi iyi, abə mazla tə Mimiɗ sə Kweɗek, a zlap, a zla: «Mətis səndawl a ɗal za əŋ məŋhayak fuk.» Məndiwiŋ kəɗal za, əŋ va tə Kalawdiyus, bay tə Rawma. 29Gula iyi i kəɗal wulək za, kwa viyey əŋ faŋw tata a vəl məsəkəŋ mbiŋ mə gula i lim amba ley ləɓaŋta əŋ hedi makuw ma iyi tə əŋ hayak tə Yahudiya ley tərta. 30I kəɗal za mənaŋ mba. I ləɓaŋta məsəkəŋ iyi ta kəɗi əŋ ndəra Barnabas abə Sawl, i vəlaŋta əŋ hedi mə ɗal yawa tə əŋ Yahudiya iyi.
ទើបបានជ្រើសរើសហើយ៖
Kəzəɗ tə Mələɓ iyi 11: xmd
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Kəzəɗ tə Mələɓ iyi 11
11
Piyer a zlap a ma tə hedi tə əŋ jam talaŋ tə makuw ma iyi tə əŋ Urusalima a talaŋ ma tə Kwarneliyus
1Mələɓ iyi abə hedi makuw ma iyi tə əŋ hayak tə Yahudiya i zlim hedi Yahuda iyi səku bahayim i kəkuw ma tə Bizlaf za. 2Əŋ Piyer mə ziŋ əŋ Urusalima seh, Yahuda iyi i kəɗal pakwam abə mbiŋ mənaŋ wa, 3i zla: «Hwa kətəɗ za əŋ ge hedi mə tak zla viɗe iyi, hwa kəzəm məsəkəŋ za abə tata!» 4Abə dawaŋ ta izey, Piyer a gizeŋta məsəkəŋ mataŋ iyi fuk abə ziber ta, a zla: 5«Sa mbə əŋ Jawpe, sa kəɗal mbuh. Abə dawaŋ ta, Bizlaf kəgizeke mazla za, sa lim məsəkəŋ mənaŋ gwedere səndawl a kəbəreŋgehe əŋ kelek na, mə mili kəɗi əŋ kəv nfaɗ tata iyi fuk, a bəreŋgehe a wuzlaf, a ndaha ha əŋ kelek na. 6Sa kəgərza za lawlaw, sa lim məsəkəŋ mandaham tə abə ŋgas sə nfaɗ iyi, məsəkəŋ tə damu iyi, məsəkəŋ mandaham mə nda tə abə dəməs iyi abə vigem tə wuzlaf iyi. 7Abə dawaŋ ta izey, sa zlim wula, mə zlapaku, a zla: “Piyer, gar, fat məsəkəŋ mandaham iyi wa, zəmta!” 8Ama sa ziŋgeŋ zlap, sa zla: “Kay, Bay Bayta, məŋgəvday məsəkəŋ kukus mə taku, aka səku məsəkəŋ tə abə ndəra dəlay seh, a kətəɗ əŋ pakwam na səku.” 9Wula a zlimehe a wuzlaf baha, a zla: “Məsəkəŋ Bizlaf mə zlap səntaŋ ley zəm seh, hwa mba i ɗiyu əŋ məsəkəŋ tə abə ndəra dəlay səku.” 10Məsəkəŋ ta, kəɗal za əŋ ŋgas maakaɗ, ɓa, məsəkəŋ ta, a ziŋ ŋga əŋ wuzlaf. 11Mbehmbeh mba, hedi iyi maakaɗ, i mə ləɓakata mar tə əŋ Kaysariya, i gwaraha əŋ ge nini tə ɗəməŋ. 12Mimiɗ sə Kweɗek a zlapaka ley nda abə tata viyu, kwa abə ley ɗal wulək par seh halla. Zliŋmana sə ŋkuh iyi sa mə dahata əŋ nawa ley lahaka əŋ Kaysariya wa, nini kətəɗ za fuk əŋ ge Kwarneliyus. 13Kwarneliyus ta seh, a gizenini əŋ mbiŋ mə lim mələɓ tə Bizlaf mə geri a ge ŋga, a kəzlapaŋgu, a zla: “Ləɓ hedi əŋ Jawpe ley ɗafaŋ ma əŋ Simaŋw, i mə ɗafaŋ ma Piyer. 14A zlapah ma iyi za, mə nda i dahah reh əŋ hwa, abə hedi tə ge təkwa iyi fuk.” 15Əŋ sa kəmar ley zlap seh, Mimiɗ sə Kweɗek a bəreŋgehe a talaŋ tata mənaŋ mə bəreŋgehe tə a talaŋ takwa titʉz sey. 16Mbehmbeh mba, sa kəsəŋ kenek za a ma tə Bay Bayta mə zlapaku sey, a zla: “Yahwana kəɗal batem za abə yim, ama heni seh, heni nda i lim batem abə Mimiɗ sə Kweɗek.” 17Mənaŋ wa seh, Bizlaf kəvəlaŋta Mimiɗ sə Kweɗek za mənaŋ mbiŋ mə vəlanakwa, əŋ nakwa iyi mə kuw Bay Bayta takwa Yesu Almasihu, mənaŋ wa, sa seh, sa viyey amba sa tak məsəkəŋ Bizlaf mə mba ley ɗal wa?» 18Əŋ hedi makuw ma iyi i mə zlim ma iyi ta wa, i bes tete, i kəhəmən Bizlaf, i zla: «Ar məndiwiŋ, Bizlaf kəvəlaŋta kataf za əŋ hedi Yahuda iyi səku ley zlambaɗ nja tata bahayim amba ley lim mədəŋcur məndiwiŋ.»
Əŋ Antakiya, gula tə Yesu iyi seh, i kəɗafaŋta ma hedi tə Almasihu iyi
19Abə dawaŋ tə i mə ja Etiyen seh, i kəmar za ley zləŋgaŋta takwaŋ əŋ hedi makuw ma iyi, i kəwʉweɗ tata za kwa əŋ vey fuk. Hedi dakayta iyi tə əŋ faŋw tata i kənda za ha əŋ Finikiya, əŋ Kiprus, əŋ Antakiya. Ama i kəgizeŋta ma tə Bizlaf əŋ kwa viyey seh halla, sey əŋ Yahuda iyi. 20Ama hedi dakayta iyi tə əŋ faŋw tata, mandaha tə əŋ Kiprus, tə əŋ Sirene i nda tata əŋ Antakiya. A namba, i kəgizeŋta ma tə Bizlaf za əŋ hedi Yahuda iyi səku bahayim, i gizeŋta Labara Səntaŋ Lawayaŋ tə Bay Bayta Yesu. 21Fagay tə Bay Bayta mbə abə tata, hedi iyi mbeh səku i kəbuw nja tata za, i kəkuw Bay Bayta za. 22Hedi tə əŋ jam talaŋ tə hedi makuw ma iyi tə əŋ Urusalima, i zlim ma ta seh, i ləɓ Barnabas əŋ Antakiya. 23Əŋ mbiŋ mə gwar, a gər əŋ Bizlaf mə pireŋta ma əŋ hedi iyi ta wa seh, a səsəm, a vəlaŋta fagay fuk amba ley nja əŋ kuw ma tə Bay Bayta abə nəf ntaɗ. 24Barnabas seh, ar hedi səntaŋ, mə gweɗi abə Mimiɗ sə Kweɗek liŋ abə kuw ma. Hedi iyi mbeh səku i kəkuw Bay Bayta za. 25Abə dawaŋ ta izey, Barnabas a nda i pələkaha Sawl əŋ Tarsʉs. 26Əŋ mbiŋ mə limʉ a namba seh, a dahaw əŋ Antakiya. I nja a namba va ntaɗ ley ɗal kəzəɗ a lay ta əŋ jam talaŋ tə hedi makuw ma iyi ta, i kəsərək hedi iyi mbeh səku əŋ kuw ma. Ar seh əŋ Antakiya, hedi makuw ma iyi i mə mar ley ɗafaŋta ma hedi tə Almasihu iyi. 27Əŋ hala ta mba, hedi mə giz ma abə miya tə Bizlaf dakayta iyi i gar a Urusalima, i nda əŋ Antakiya. 28Hedi ntaɗ tə əŋ faŋw tata aka, miya ŋga Agabus, a gar əŋ faŋw tə hedi iyi, abə mazla tə Mimiɗ sə Kweɗek, a zlap, a zla: «Mətis səndawl a ɗal za əŋ məŋhayak fuk.» Məndiwiŋ kəɗal za, əŋ va tə Kalawdiyus, bay tə Rawma. 29Gula iyi i kəɗal wulək za, kwa viyey əŋ faŋw tata a vəl məsəkəŋ mbiŋ mə gula i lim amba ley ləɓaŋta əŋ hedi makuw ma iyi tə əŋ hayak tə Yahudiya ley tərta. 30I kəɗal za mənaŋ mba. I ləɓaŋta məsəkəŋ iyi ta kəɗi əŋ ndəra Barnabas abə Sawl, i vəlaŋta əŋ hedi mə ɗal yawa tə əŋ Yahudiya iyi.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល