Filipiɛ́ŋ 3
3
1Belimen, gugál gám gá gusúgúdenyi egue, nugúbianan ká nuɔ́bɔɔn bese góbusió bá nɛlad nán na Ɔgúnɔ́. Búdigúnsésenyi ká ínuɔ́ŋɔɔn maád manda mómoóm, búnyɛ bese gán góbusió. 2Ánubɛ́nyáŋanyáŋ na biád bá bél buol bányá anyɛ imbuá, bɔgúgɔ́lɔɔn buensi anyɛ gianta gá buanda. 3Básuá dinyá mbanda band bányá bansan gágual ká basuá dialaná Gɔdányá buol agá bugaga bá Ɛsámb yá Mefúny. Nukany nás nyɛ aga Yésu Kilíse, didiguóndonyi ɔdɛm agasuá muát.
4Nánié inyɛ bágual yondonyi ɔdɛm yaŋuá muat. Mɔnd mábɛ́dága ká ugúbianan nɛɛ́m nógubióndonyi ɔdɛm, yaŋuá inyɛ báguand gubɛ́dágɛd gudúmbídenyi. 5Bámaŋansa medug mányɛ́manyɛ agá gélem gá nubiényé nám. Inyɛ mɔɔn wa Ísalayɛ́l, wa nigúl ná Bɛnsamɛ́ŋa. Besié Ɔgúnɔ́ bám nyɛ Beyúdɛn, imaládán bisele bá Beyúdɛn anyɛ́ Falisiɛ́ŋ biananá úládaan. 6Nɛnama ná gubiéŋin nám máal ká nsésenyi beédéb. Imaládán bisele ta bɔ́guɔyɔ anyɛ́ guɔ́fonó, mɔnd dibá na buóny bɔ́guŋɔyɛdɛn gá igiány giáy. 7Imabɛ́dágá ká manda amaány gidigid nyɛ mfí gám góbusió. Nɛ́nuán gɔg, mádɛ́bá ta onkól góbusió bá Kilíse. 8-9Yésu Kilíse inyá gɔlɛns anyɛ Ɔgúnɔ́ wam, nyɛ gianta gá buanda. Buanda díbá búnyá mɔnd mádáŋáb bú, búdɔ́mb ubuány. Ngunɛɛn manda gidigid gág góbúsió ká mbá sɔ́n bulada naga. Manda mómodió, ngúlɛ́ŋa mɔ́ anyɛ bigud. Ndɛbá osi gágual ká nguálaan bisele nŋɔ́bɛnɔ, nnyɛ osi gágual ká nguádában Kilíse. Gɔdányá wondonyó mɔnd osi, mɔnd wádábaná, uguóndonyi wɔ́ osi. 10Gɔbaan nobusió na gɔlɛnsaan Kilíse, na bugaga búméenyúgí wɔ́ aga ebeguén nyɛ buanda yambaná. Nguámba ká mbɛ́fuág wɔ́ agá guɔ́bɛ́g, gutɔ guám agá nigú. 11Anaány inyá waguág ɔdɛm ká yaŋuá sɔ́n inyɛ báguanyɔg aga ebeguén.
12Ndiguɔ́yɔ ká nsaman gubia buanda buófonó ká mbia, gúmén ká inyɛ kandɛ gɛbɔ́liɔ́. Imányá gubaan gɔg nobusió na ɔdɛd ká mbia andáŋáb, gágual ká Yésu Kilíse saman gundɔ́bɔ́n. 13Belimen, ndigúbɛ́dága ká nsaman gugɔ́l andáŋáb. Ngúbiélibieli gɔg buanda gidigid búnyá agá gélem gám, mbiágaan makányá gá gubaan nobusió ká yeég agá buanda táŋ búmoóm búnyá mfí, 14búnyá ndíne ká mbia andáŋáb. Gɔdányá madɛ́bɛ́lɛ́gɛ́n ká dɛ́bia wɔ́ ugumuana, góbusió ká dɛnyɛ bulada na Yésu Kilíse. 15Mbɛ́dágɛ́dɛ́n iyaány ibiananá ká ídiéndenyi «basuá diganyá bagúnínán agá nŋili ya Gɔdányá». Búmánɛ́g ká ɛmbɛ́dágɛ́dɛ́n sán guádɔ́ganan gá nɛnama ná buanda búmodió, Gɔdányá genúdémbúgi. 16Ta búbá nanyá, búguófon ká dɛ́baan nobusió na guládaan nŋili imoom anyɛ́ dɛmáabanyɛ́g. 17Belimen, énumbígédényí, nubísónonyi gusɔ́d gá ebe báládaná nɛnama nás ná gubá. 18Ubú inuɔ́yɔnɔ́ nsua na nsua, búbue yandaná gunuɔ́yɔɔn nɛ́nuán agá malɛlɛ, anaány gúnyá ká: band giod gúbɛ́gɔ́lɔɔn anyɛ bambɛ́lɛmbɛ́l bá Kilíse uméegú agá bɔdɛ́d bá gɛsanda. 19Band abaány gesúgúdenyi agá bunyím, duna dɔ́b dúnyá Gɔdányá wɔbɔ. Bágúbíkánya na buanda buáganá bɔ́ ɔduɔ́ gɔnɔ́, manda má gus eme gusúg bábɛ́dáganá. 20Nánié basuá dɛnyɛ band bá muana, digúbídenyi Ɔgúnɔ́ Yésu Kilíse ugenúlín kɔ́ ká údísódi. 21Anyɛ́ ugenuúl, ugenúgi duɔ́l dás dúdiábiánáná bugaga ká dúbífuág nág núnyá na nugúm. Ugal bú na bugaga buálaná ká manda álaan wɔ́ nŋɔ́bɛnɔ.
ទើបបានជ្រើសរើសហើយ៖
Filipiɛ́ŋ 3: MMU2
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Filipiɛ́ŋ 3
3
1Belimen, gugál gám gá gusúgúdenyi egue, nugúbianan ká nuɔ́bɔɔn bese góbusió bá nɛlad nán na Ɔgúnɔ́. Búdigúnsésenyi ká ínuɔ́ŋɔɔn maád manda mómoóm, búnyɛ bese gán góbusió. 2Ánubɛ́nyáŋanyáŋ na biád bá bél buol bányá anyɛ imbuá, bɔgúgɔ́lɔɔn buensi anyɛ gianta gá buanda. 3Básuá dinyá mbanda band bányá bansan gágual ká basuá dialaná Gɔdányá buol agá bugaga bá Ɛsámb yá Mefúny. Nukany nás nyɛ aga Yésu Kilíse, didiguóndonyi ɔdɛm agasuá muát.
4Nánié inyɛ bágual yondonyi ɔdɛm yaŋuá muat. Mɔnd mábɛ́dága ká ugúbianan nɛɛ́m nógubióndonyi ɔdɛm, yaŋuá inyɛ báguand gubɛ́dágɛd gudúmbídenyi. 5Bámaŋansa medug mányɛ́manyɛ agá gélem gá nubiényé nám. Inyɛ mɔɔn wa Ísalayɛ́l, wa nigúl ná Bɛnsamɛ́ŋa. Besié Ɔgúnɔ́ bám nyɛ Beyúdɛn, imaládán bisele bá Beyúdɛn anyɛ́ Falisiɛ́ŋ biananá úládaan. 6Nɛnama ná gubiéŋin nám máal ká nsésenyi beédéb. Imaládán bisele ta bɔ́guɔyɔ anyɛ́ guɔ́fonó, mɔnd dibá na buóny bɔ́guŋɔyɛdɛn gá igiány giáy. 7Imabɛ́dágá ká manda amaány gidigid nyɛ mfí gám góbusió. Nɛ́nuán gɔg, mádɛ́bá ta onkól góbusió bá Kilíse. 8-9Yésu Kilíse inyá gɔlɛns anyɛ Ɔgúnɔ́ wam, nyɛ gianta gá buanda. Buanda díbá búnyá mɔnd mádáŋáb bú, búdɔ́mb ubuány. Ngunɛɛn manda gidigid gág góbúsió ká mbá sɔ́n bulada naga. Manda mómodió, ngúlɛ́ŋa mɔ́ anyɛ bigud. Ndɛbá osi gágual ká nguálaan bisele nŋɔ́bɛnɔ, nnyɛ osi gágual ká nguádában Kilíse. Gɔdányá wondonyó mɔnd osi, mɔnd wádábaná, uguóndonyi wɔ́ osi. 10Gɔbaan nobusió na gɔlɛnsaan Kilíse, na bugaga búméenyúgí wɔ́ aga ebeguén nyɛ buanda yambaná. Nguámba ká mbɛ́fuág wɔ́ agá guɔ́bɛ́g, gutɔ guám agá nigú. 11Anaány inyá waguág ɔdɛm ká yaŋuá sɔ́n inyɛ báguanyɔg aga ebeguén.
12Ndiguɔ́yɔ ká nsaman gubia buanda buófonó ká mbia, gúmén ká inyɛ kandɛ gɛbɔ́liɔ́. Imányá gubaan gɔg nobusió na ɔdɛd ká mbia andáŋáb, gágual ká Yésu Kilíse saman gundɔ́bɔ́n. 13Belimen, ndigúbɛ́dága ká nsaman gugɔ́l andáŋáb. Ngúbiélibieli gɔg buanda gidigid búnyá agá gélem gám, mbiágaan makányá gá gubaan nobusió ká yeég agá buanda táŋ búmoóm búnyá mfí, 14búnyá ndíne ká mbia andáŋáb. Gɔdányá madɛ́bɛ́lɛ́gɛ́n ká dɛ́bia wɔ́ ugumuana, góbusió ká dɛnyɛ bulada na Yésu Kilíse. 15Mbɛ́dágɛ́dɛ́n iyaány ibiananá ká ídiéndenyi «basuá diganyá bagúnínán agá nŋili ya Gɔdányá». Búmánɛ́g ká ɛmbɛ́dágɛ́dɛ́n sán guádɔ́ganan gá nɛnama ná buanda búmodió, Gɔdányá genúdémbúgi. 16Ta búbá nanyá, búguófon ká dɛ́baan nobusió na guládaan nŋili imoom anyɛ́ dɛmáabanyɛ́g. 17Belimen, énumbígédényí, nubísónonyi gusɔ́d gá ebe báládaná nɛnama nás ná gubá. 18Ubú inuɔ́yɔnɔ́ nsua na nsua, búbue yandaná gunuɔ́yɔɔn nɛ́nuán agá malɛlɛ, anaány gúnyá ká: band giod gúbɛ́gɔ́lɔɔn anyɛ bambɛ́lɛmbɛ́l bá Kilíse uméegú agá bɔdɛ́d bá gɛsanda. 19Band abaány gesúgúdenyi agá bunyím, duna dɔ́b dúnyá Gɔdányá wɔbɔ. Bágúbíkánya na buanda buáganá bɔ́ ɔduɔ́ gɔnɔ́, manda má gus eme gusúg bábɛ́dáganá. 20Nánié basuá dɛnyɛ band bá muana, digúbídenyi Ɔgúnɔ́ Yésu Kilíse ugenúlín kɔ́ ká údísódi. 21Anyɛ́ ugenuúl, ugenúgi duɔ́l dás dúdiábiánáná bugaga ká dúbífuág nág núnyá na nugúm. Ugal bú na bugaga buálaná ká manda álaan wɔ́ nŋɔ́bɛnɔ.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល