Málákuse 14
14
Bagɔn guóŋon Yésu ɛdɔgɛ
(Mat 26.1-5; Lúk 22.1-2; Sáŋ 11.47,49,53)
1Ká gúbálá gabá budɔ́mb bá Pásíka na bá bɛnyɔka bɛ́nyá kand ginudúgíné, bɔgɔ́gɔ na befúnyifúny bisele abáb gá guamba nŋili yá guadɛgɛn Yésu agá niɔsɛg ká bɔɔ́n wɔ́. 2Bɔ́mɔbiɔ́yɔ́n bɔ́bɔ́ na bɔ́bɔ́ ká: «Didiál bú gigúl gá budɔmb, emény búgebueŋidi band.»
Agánd gusugunen Yésu megud má ɔlɔ́f agá ɔduɔ́
(Mat 26.6-13; Sáŋ 12.1-8; Lúk 7.36-38)
3Yésu mabá Betaní agá gians gá Símune umáanɔ́mɛ́d nŋun. Umáal unyá gúnyánan, agánd uwanadɔ́g na idógodóg ɛlɔŋán na nɛdany bá bɛ́laná ká alabátɛl. Ímabiánán megud má ɔlɔ́f mɔ́ŋunɔnɔ́ muonyi giod, bámadábɔ́ná mɔ́ na tígine wa gigud bábɛ́laná ká nál. Uwabáŋɔ́n ɔduɔ́ wá ndóko iyaány, uwedúm gusugunen Yésu megud agá ɔduɔ́. 4Ubuénit band bómodió bámáabá ány, abáb gá gubiɔ́yɔɔn bɔ́bɔ́ na bɔ́bɔ́ ká: «Umásɛŋɛ́n megud eme gɔg gá giág e? 5Mámábá mégúbídú buanda bágɔ́dɔ́mb imbámb sá muonyi dɔgɔ́n dúdadɔ, báfaan basɔ́gasɔga!» Ebédúm guánsaan wɔ́. 6Yésu ganyɛ ká: «Ánutɛ́n wɔ́, nuguánsan wɔ́ gá giág e? Umáŋala ginɔ́g gá buanda. 7Basɔ́gasɔga gabá nanɔ bigúl bim, ta niík nugenúbíléne, nunyɛ bégúdúgúne bɔ́. Yaŋuá, ndɛgabá bigúl bim nanɔ. 8Agánd ewe máal gág gɛdám, umákɛ́n guŋág megud má ɔlɔ́f,#14.8 Beyudɛ́n mabá bákɛn gufú gɛlɔŋ ɔ megud u má ɔlɔ́fɔ bábád gunyo gɛ́. Buanda agánd ewe mál mabá gianta gá bulinsi bá nigú ná Yésu, ɔwɔ́ gɔg udɛmalɛnsan nɔ́ munyon mám mányɛ múdísíam. 9Agá meliŋítas, ngúnuɔ́yɔɔn ká kɔɔ́m gidigid gá gus ɔgɔ́ bɔ́gɔnuɔ́yɔ Ndág ya Nsɔ́m, bɔ́nuɔ́yɔ sɔ́n buanda ubú agánd ewe máal, bónd bábídáaga wɔ́.»
Yúdasa mándɛ́n Yésu ɛdɔg
(Mat 26.14-16; Lúk 22.3-6)
10Agá gélem ány, Yúdasa Ísikalioto umáabá agá ɔlɔŋ wá bát na bándɛ, uwɔɔb agá bɔgɔ́gɔ gá guandɛ́n Yésu ɛdɔg. 11Bámáal bɔ́mɔ́bɛ́dɔ́lɛ́gɔɔn wɔ́, ebédúm guɔ́bɔn bese, abádánɛ́n wɔ́ ká bégéŋin wɔ́ muonyi. Uwedúm guamba ginɔ́g gá gɛsɛgɛl ká úduún bɔ́ Yésu.
Bɛbiándɛ́nɛ́nɛ́ bá ɔnyɔ́ wá budɔ́mb bá Pásíka
(Mat 26.17-19; Lúk 22.7-13)
12Buɔ́s bá busió bá budɔ́mb bá bɛnyɔka bá kand ginudúgíné, búbú buád bɔ́nɔɔ́nɔ́ bɛdɔ́mba gá gúnámba buɔ́s bá Pásíka, bafɔ́nɔfɔ́n bág ganyɛ gág ká: «Náany ambaná ká dɛɛ́b guanámbá manyán má Pásíka e?» 13Uwadɔ́m bafɔ́nɔfɔ́n bándɛ, uganyɛ gɔb ká: «Ánɔ́b agá tísɔn, nugegúlumen na mɔnd na isény yá madɛ́ga agá ɔduɔ́, núlád wɔ́, 14kɔɔ́m ugegúnúbíŋíni, nubíŋín, nuɔ́yɛdɛn muát nuyá ká: “Ofúnyifúny máal ká: Gɛndaŋiá ɛgɛ́ ngegúnúdúmbenyi Pásika na bafɔ́nɔfɔ́n bám nyɛ nanyɛ e?” 15Ugegúnúdíye gianta gá giéns gá gians ugumuana, gínyɛ na buanda gidigid buófonó, núdídábɔ́nɛn Pásika kɔ́.» 16Abádɔg, abáb agá tísɔn, ɔbɔ́fuɔg buanda gidigid gɔɔ́gɔ anyɛ́ umɔ́ɔyɔɔ́n bɔ́, abábɛ́dábɔ́na Pásíka.
Eŋénd muala agá ɔnyɔ́
(Mat 26.20-35; Lúk 22.14; Sáŋ 13.21-30)
17Na niɔ́b, Yésu uwasiám na bát na bándɛ. 18Bámáal bányá gúnyánana, uganyɛ ká: «Agá meliŋítas, ngúnuɔ́yɔ́n ká, ɔdɔgɛdɔ́g nyɛ aya, unyánaná nam ugegúŋdú.» 19Umáal na gugálɛ́d anaány, ubuál bafɔ́nɔfɔ́n bɔbɛ, ebédúm guákɛ́nan, sig mɔnd wófún Yésu ká: «Saá yaŋuá ɔ́gɔɔ́?» 20Uganyɛ gɔ́b ká: «Omoom agán gá ɔlɔŋ wá bát na bándɛ ugegúnúyugin ɔmbɔ́g agá gɛsuá gímoom nám, ɔwɔ́ ugegúnúŋdú. 21Oóo, yaŋuá Mɔɔn mɔnd ngegú Kɔɔ́kɔ anyɛ́ búnyá buɔ́ŋɔ́n agá mbɔbɔnɔ ya Gɔdányá gám góbúsió, gɔsɔ́g na ewe gɔg ugenúŋdú. Búgubá mény bese ká mɔnd uwaány dibíbién!»
Manyán má Ɔgúnɔ́
(Mat 26.26-29; Lúk 22.15-20; 1Kɔ 11.23-26)
22Bámáal bányá gúnyánan anaány, Yésu uwɔgɔ́l gɛnyɔka, uwéŋin Gɔdányá nukany, uwánsa gɛ́, uwéŋin bɔ́, uganyɛ ká: «Ɔ́nukɔɔ́, nuɔ́l nám unuány.» 23Uwɔgɔ́l sɔ́n endeŋe wá magɛ́b, uwéŋin Gɔdányá nukany, uwéŋin bɔ́, abábúwá bɔ́bɔ́ bem. 24Uwad gual gɔ́b ká: «Manɔŋ mám eme, mɔ́mɔ́ málaná ká band bá bulada na Gɔdányá, módood góbusió bá giod gá band. 25Agá meliŋítas, ngúnuɔ́yɔɔn, ta buɔ́s ndɛgand gubúwá magɛ́b, guám buɔ́s ubú nganúbúwá mɔ́ mɔgɔ́s agá Bufuŋ bá Gɔdányá.»
Yésu mɔ́yɛ́d ká Piéle gabɛ́sáŋɔ́n wɔ́
(Mat 26.30-35; Lúk 22.33-34; Sáŋ 13.37-38)
26Bámáal bɔ́mɔ́dɔ́ŋɔ ɛsag, abaám gá gɔb agá nɔgɔnd ná bolifié. 27Yésu ganyɛ gɔ́b ká: «Nugambɛ́yɛ́bɛd banuá bem gágual ká búnyɛ buɔ́ŋɔ́n agá mbɔbɔnɔ ya Gɔdányá ká, ngɔɔ́n ogiíg bɛ́dɔ́mba, sálámand. 28Uganyɛ sɔ́n ká, ta anaány, anyɛ́ nganuányɔg aga ebeguén, ngenenúbídényí agá giéns gá gus bábɛ́laná Galilé.» 29Piéle sɛ gág ká: «Ta bɔsɔ́gɔ́ gidigid gubɛ́yɛ́bɛd, yaŋuá ndɛbá bágúgubɛ́yɛ́bɛd!» 30Uganyɛ gág ká: «Agá meliŋítas, imɔ́guɔyɛ́dɛ́n, na budug bá ínen ebue, ká gided sién gɛ́dádɛ́d gá gɛsɛgɛl gá gándɛ, agagúbá amámbɛ́sáŋɔ́n bɛsɛgɛl bɛ́dadɔ.» 31Ta anaány, Piéle uwondinyi magɔ́gɔ́n ká: «Ta búbá ká digú nam nɔw, ndɛbá bágúgubɛ́sáŋɔ́n.» Bafɔ́nɔfɔ́n gidigid mɔyɔ́ Kɔɔ́kɔ nɔ́.
Mbísógól yá Yésu Gesemané
(Mat 26.36-46; Lúk 22.40-46)
32Ebénege agá kɔɔ́m bábɛ́laná ká Gesemané, uganyɛ gá bafɔ́nɔfɔ́n bág ká: «Ánuál gúlɔb aya gɛsɛgɛl ngagúnúbá mbísógolonyi.» 33Uwadɔ́mbán Piéle, na Sáka, na Sáŋa. Nuɔ́l nág unuál nyuaaaa, gianta gá buwa igiádɛgɛn wɔ́. 34Uganyɛ gá bafɔ́nɔfɔ́n bág ká: «Ɛdány yám guála anyɛ ígeguélíki, ɔ́nulɔbɛ́n aya, nudɛɛ́b gá dunɔ́.» 35Uwabɛ́sɛdɛn enéné, uwesúbímin egegus, uwedúm gúbísógólonyi wɔyɔ ká búmábá fɛɛ́dɛfɛ́d, mbágɛ́n nusésídény ɔnɔgɔn númbídenyé. 36Umɔyɔ́ ká: «Ába#14.36 Ába: Nyɛ ombílígínyó na Nualameyeŋ wɔ́yɔnɔ ká: Babá, , Babá, buanda dɛ́bá meyú ɔgɔwɔ, mbagɛ́n endeŋé wá meyú ewe! Saá gám gá gubílén, gɔɔ́gɔ gá ugɔ́w!» 37Ká úsiondo gá mbísógól, uwɔfuɔg bɔ́ gá dunɔ́. Uganyɛ gá Piéle ká: «Símune, agúbɛ́dɛ́man e, adɛmábia magɛ́nda mɔ́gúlɔbɛn nŋanyuá ta gá mɔɔn wá gɛsɛgɛl e? 38Énubíbídényí, nubísógólonyi ká nudɛguɛ́n agá mbuge. Ɔdɛm wá mɔnd nyɛ na bɛnɔg bá ɛmbɛ́dágɛ́dɛ́n, gɔg ká, nuɔ́l nyɛ́ na masɛ́nɛn.» 39Uwand gubɛ́hɛd gá gándɛ gá mbísógól, uwondidononyi mbísógól yaád imoom. 40Úsiondó kɔɔ́m bafɔ́nɔfɔ́n bág máabá, uwɔfuɔgɛn bɔ́ bábɛ́dɛ́maan; gágual ká bɔ́dimɔ́d gukúle. Badɛmalɛns ta buóny bɔ́guɔyɛdɛn wɔ́. 41Anyɛ́ umánd gúsiondo gá gádadɔ, uganyɛ gɔ́b ká: «Oo buam, ánɔbɛ́dɛ́maán nudúke bese, búmámana, gɛsɛgɛl meége: Bámámán guŋdú yaŋuá Mɔɔn wá mɔnd aga bafalafal. 42Ánuadɔ́g dɛ́dɔ́mb! Ɔdɔgɛdɔ́g wuŋduénené gɔ́b ganyɛ aya!»
Giadɛgɛna gá Yésu
(Mat 26.47-56; Lúk 22.47-53; Sáŋ 18.2-11)
43Umáal unyá gúgála, Yúdasa, omoom wa ɔlɔŋ wá báta na bándɛ guámɛ́nɛn na giŋi gá band, bámabiánán muɔ́nɔnɔ́ má gúya na iŋúmb. Bɔgɔ́gɔ, na befúnyifúny bisele, na bagɔn bá Beyúdɛn bámáadɔ́m bɔ́. 44Yúdasa umáabá ká ugegúdú Yésu mɔ́yɛ́dɛ́n bɔ́ busiŋíd ubú uganuál, uganyɛ ká: «Mɔnd ɔwɔ́ ngɔgúnúgɔ́l wɔ́ gɛsas, nɔ́lɛns ká uwaány! Nuadɛgɛn wɔ́, núbílád wɔ́ bese ná bese, núdɔ́mbaán wɔ́.» 45Bámáal na gusiám, uwabɛ́nyɛkɛnɛn Yésu, uganyɛ gág ká: «Ofúnyifúny!» Uwɔgɔ́l Yésu gɛsas. 46Bɔsɔ́gɔ́ bóndodi gubílúgin Yésu, guadɛgɛn wɔ́. 47Agá band bámáabá ány, ondodio uwɔsɔmɔn yɔ́nɔnɔ yá gúya, uwafɛ́lɛ́d odú wá eŋél buol wa ɔgɔn wa bɔgɔ́gɔ#14.47 Dɛ́málɛ́ŋɛ́d Sáŋa 18.10 búnyɛ́ buɔyɛ́dɔ́n kɔ́ ká Piéle umáasɔ́mb udu wa eŋeli i buól uwány . 48Yésu ganyɛ ká: «Nuguádúgán na muɔ́nɔnɔ má gúya, na iŋúmb ká nusɛŋadɛ́gɛn Kɔɔ́kɔ anyɛ inyɛ gɛmbuánsɛl. 49Nánié ngubá nanɔ agá ɔnyɛb wá Gɔdányá mɔɔ́s mem, mfúnyifunyi, banuá ta guŋadɛgɛn. Búmabiál nɔ́ Kɔɔ́kɔ anyɛ́ búnyá buɔ́ŋɔ́n agá mbɔbɔnɔ ya Gɔdányá.» 50Bɔ́bɔ́ bem ebéyiy wɔ́, ɔbɔ́bɛ́nɔnɔn. 51Giɔmfɔ gá mɔnd maládán Yésu na sanda abɛ́gágálɛ́dán agá nuɔ́l. Bámáal bádɛgɛn wɔ́, 52ewebísúdúnin bɔ́ sanda, uwɔbínɔ inú gɔdɔ.
Yésu agá nɛgál ná Beyúdɛn
(Mat 26.57-68; Lúk 22.54-55,63-71; Sáŋ 18.12-18)
53Abábaan Yésu aga ɔgɔn wa bɔgɔ́gɔ wa gigúl igiány. Agá kɔɔ́m agány bɔgɔ́gɔ gidigid, na bagɔn bá Beyúdɛn na befúnyifúny bisele máasɛ́bɛ́gɔ́sá. 54Piéle mabá ayáyá agá gélem uládaan Yésu, uwɔb guáma agá ɔɔ́nd wa ɔgɔn wa bɔgɔ́gɔ. Uwelukumin ány ɔlɔŋɔ na begiíg, uwedúm gubiésébe yoóg. 55Bɔgɔ́gɔ na Sanedelɛ́ŋ gidigid#14.55 Sanedelɛŋ nyɛ besumb bɛsan abagɔn bá Beyúdɛná. mambá gɛ́mbɛ́n gá gúsɔ́mɛ́n Yésu ká bɔɔ́n wɔ́, bɔ́bɔ́ ta guán. 56Búnyɛ ká band giod masúmbaán wɔ́ moóny, ta anaány, bɔ́dimɔɔ́bɔ́n ɔgɔ́b gá bugél. 57Bóndodió ebédélímin gá gúsɔ́mbɛ́n wɔ́ buóny, bágányɛ ká: 58«Dɛmɔ́ɔb wɔ́ wɔyɔ ká: “Ngagad ɔnyɛb wá Gɔdányá ewe ɔwɔ́ band máafuága na ɛmbɔ́g, mfuág óndodió agá medug mádadɔ. Údɛgabá afuágán na ɛmbɔ́g sá band.”» 59Ta anaány sɔ́n bɔ́dɛmɔɔ́bɔnɛn ɔgɔ́b gá bugél. 60Ɔgɔ́n wa bɔgɔ́gɔ uwedélímin agá ɔdɛm wá band uwófún Yésu ká: «Adɛbá na ɛmbɛ́ságɛna agá moóny eme band ebe ɔ́yɔnɔ e?» 61Uwelúŋ, ta guás. Mɔnd uwaány guand guófún wɔ́ ká: «Anyɛ Mesí, gúgúnyá Kilíse, Mɔɔn wá ewe dikanyaná e?» 62Uganyɛ gág ká: «Ŋɛ́ɛ, inyɛ, banuá bem nugaŋán yaŋuá Mɔɔn wá mɔnd ilukié agá ɔmbɔ́g wá ɔnɛ́m wá ewe unyá na bugaga bum, nuónd nuán wɔ́ sɔ́n wadúgán ugumuana agá gɛlɔndɔ.» 63Ɔgɔ́n uwaány máal na guɔ́b anaány, ilób iyádɛgɛn wɔ́, uwalaf gɛla gág, uganyɛ ká: «Eŋél gɛ́laluá wa giág sɔ́n diandá guamba e? 64Saá numɔ́biɔ́bɛ́n banuá muát nsɛgɛ e, nugúanan bú nanyá e?» Bem obóndinyi ká: usagua gɛsan, ugúsɛgɛmanan na nigú. 65Gɛdam gá band gíndondió igiábanyɛg gutúnen wɔ́ bité, gɛ́bɔgan wɔ́ eŋís, gɛ́bɔ́maan wɔ́ bibúm, giɔ́yɔ gág ká: «Diɔ́yɛ́dɛ́n mɔnd umánúgunáŋɛ́d!» Begiíg ɔbɔ́gɔ́l wɔ́, abásába wɔ́ ɛmbɛl.
Piéle mábɛ́sáŋɔ́n Yésu
(Mat 26.69-75; Lúk 22.56-62; Sáŋ 18.17,25-27)
66Piéle mabá umányɛ gɛmbádá agá ɔɔnd, agánd ondodió, eŋél buol wa ɔgɔn wa bɔgɔ́gɔ uwasiam. 67Umáal wánaan Piéle ubiésébe yoóg, uwobísónyi wɔ́ bese, uganyɛ gág ká: «Saá aŋuá sɔ́n águbá agá ɔlɔŋ wá Yésu gɛnɔ́g gá Násalɛd e?» 68Piéle gubɛ́sáŋɔ́n uganyɛ ká: «Ndɛgɔ́lɛnsan, ndiguɔ́bɔɔn ubú ambaná ká ɔ́yɛd.» Uwadɔ́mb, uwonóndo agá nibíŋínín ná ɔmɛndɛ. 69Agánd uwaány uwand guán Piéle, uwondidonyi ogóbusió bá band bámáabá ány ká: «Mɔnd uwaány nyɛ ɔgɔ́b gá ɔlɔŋ!» 70Uwand gubɛ́sáŋɔ́n. Mɔɔn wá gɛsɛgɛl máal na gɔdɔ́mb, band bámáabá ány ganyɛ gág sɔ́n ká: «Búnyɛ nɔ́, anyɛ mɔnd wa ɔlɔŋ wɔ́b! Na nɔ́ sɔ́n, anyɛ gɛnɔ́g gá Galilé.» 71Uwedúm guɔyɔ ká: «Yaán babá uméegú ímábá ngúnéŋe. Agá meliŋítas, ndɛgúlɛnsaan mɔnd uwaány!» 72Ádɛ ány, gided igiédúmbi gudádɛ́d gá gɛsɛgɛl gá gándɛ. Uwabɛ́dágɛ́d anyɛ́ Yésu máal gág ká: «Ká gided sién gɛ́dádɛ́d gá gɛsɛgɛl gá gándɛ, agabá amámbɛ́sáŋɔ́n bigúl bɛ́dadɔ.» Uwaám fiaŋ fiaŋ, uwedúm gubaŋa.
ទើបបានជ្រើសរើសហើយ៖
Málákuse 14: MMU2
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Málákuse 14
14
Bagɔn guóŋon Yésu ɛdɔgɛ
(Mat 26.1-5; Lúk 22.1-2; Sáŋ 11.47,49,53)
1Ká gúbálá gabá budɔ́mb bá Pásíka na bá bɛnyɔka bɛ́nyá kand ginudúgíné, bɔgɔ́gɔ na befúnyifúny bisele abáb gá guamba nŋili yá guadɛgɛn Yésu agá niɔsɛg ká bɔɔ́n wɔ́. 2Bɔ́mɔbiɔ́yɔ́n bɔ́bɔ́ na bɔ́bɔ́ ká: «Didiál bú gigúl gá budɔmb, emény búgebueŋidi band.»
Agánd gusugunen Yésu megud má ɔlɔ́f agá ɔduɔ́
(Mat 26.6-13; Sáŋ 12.1-8; Lúk 7.36-38)
3Yésu mabá Betaní agá gians gá Símune umáanɔ́mɛ́d nŋun. Umáal unyá gúnyánan, agánd uwanadɔ́g na idógodóg ɛlɔŋán na nɛdany bá bɛ́laná ká alabátɛl. Ímabiánán megud má ɔlɔ́f mɔ́ŋunɔnɔ́ muonyi giod, bámadábɔ́ná mɔ́ na tígine wa gigud bábɛ́laná ká nál. Uwabáŋɔ́n ɔduɔ́ wá ndóko iyaány, uwedúm gusugunen Yésu megud agá ɔduɔ́. 4Ubuénit band bómodió bámáabá ány, abáb gá gubiɔ́yɔɔn bɔ́bɔ́ na bɔ́bɔ́ ká: «Umásɛŋɛ́n megud eme gɔg gá giág e? 5Mámábá mégúbídú buanda bágɔ́dɔ́mb imbámb sá muonyi dɔgɔ́n dúdadɔ, báfaan basɔ́gasɔga!» Ebédúm guánsaan wɔ́. 6Yésu ganyɛ ká: «Ánutɛ́n wɔ́, nuguánsan wɔ́ gá giág e? Umáŋala ginɔ́g gá buanda. 7Basɔ́gasɔga gabá nanɔ bigúl bim, ta niík nugenúbíléne, nunyɛ bégúdúgúne bɔ́. Yaŋuá, ndɛgabá bigúl bim nanɔ. 8Agánd ewe máal gág gɛdám, umákɛ́n guŋág megud má ɔlɔ́f,#14.8 Beyudɛ́n mabá bákɛn gufú gɛlɔŋ ɔ megud u má ɔlɔ́fɔ bábád gunyo gɛ́. Buanda agánd ewe mál mabá gianta gá bulinsi bá nigú ná Yésu, ɔwɔ́ gɔg udɛmalɛnsan nɔ́ munyon mám mányɛ múdísíam. 9Agá meliŋítas, ngúnuɔ́yɔɔn ká kɔɔ́m gidigid gá gus ɔgɔ́ bɔ́gɔnuɔ́yɔ Ndág ya Nsɔ́m, bɔ́nuɔ́yɔ sɔ́n buanda ubú agánd ewe máal, bónd bábídáaga wɔ́.»
Yúdasa mándɛ́n Yésu ɛdɔg
(Mat 26.14-16; Lúk 22.3-6)
10Agá gélem ány, Yúdasa Ísikalioto umáabá agá ɔlɔŋ wá bát na bándɛ, uwɔɔb agá bɔgɔ́gɔ gá guandɛ́n Yésu ɛdɔg. 11Bámáal bɔ́mɔ́bɛ́dɔ́lɛ́gɔɔn wɔ́, ebédúm guɔ́bɔn bese, abádánɛ́n wɔ́ ká bégéŋin wɔ́ muonyi. Uwedúm guamba ginɔ́g gá gɛsɛgɛl ká úduún bɔ́ Yésu.
Bɛbiándɛ́nɛ́nɛ́ bá ɔnyɔ́ wá budɔ́mb bá Pásíka
(Mat 26.17-19; Lúk 22.7-13)
12Buɔ́s bá busió bá budɔ́mb bá bɛnyɔka bá kand ginudúgíné, búbú buád bɔ́nɔɔ́nɔ́ bɛdɔ́mba gá gúnámba buɔ́s bá Pásíka, bafɔ́nɔfɔ́n bág ganyɛ gág ká: «Náany ambaná ká dɛɛ́b guanámbá manyán má Pásíka e?» 13Uwadɔ́m bafɔ́nɔfɔ́n bándɛ, uganyɛ gɔb ká: «Ánɔ́b agá tísɔn, nugegúlumen na mɔnd na isény yá madɛ́ga agá ɔduɔ́, núlád wɔ́, 14kɔɔ́m ugegúnúbíŋíni, nubíŋín, nuɔ́yɛdɛn muát nuyá ká: “Ofúnyifúny máal ká: Gɛndaŋiá ɛgɛ́ ngegúnúdúmbenyi Pásika na bafɔ́nɔfɔ́n bám nyɛ nanyɛ e?” 15Ugegúnúdíye gianta gá giéns gá gians ugumuana, gínyɛ na buanda gidigid buófonó, núdídábɔ́nɛn Pásika kɔ́.» 16Abádɔg, abáb agá tísɔn, ɔbɔ́fuɔg buanda gidigid gɔɔ́gɔ anyɛ́ umɔ́ɔyɔɔ́n bɔ́, abábɛ́dábɔ́na Pásíka.
Eŋénd muala agá ɔnyɔ́
(Mat 26.20-35; Lúk 22.14; Sáŋ 13.21-30)
17Na niɔ́b, Yésu uwasiám na bát na bándɛ. 18Bámáal bányá gúnyánana, uganyɛ ká: «Agá meliŋítas, ngúnuɔ́yɔ́n ká, ɔdɔgɛdɔ́g nyɛ aya, unyánaná nam ugegúŋdú.» 19Umáal na gugálɛ́d anaány, ubuál bafɔ́nɔfɔ́n bɔbɛ, ebédúm guákɛ́nan, sig mɔnd wófún Yésu ká: «Saá yaŋuá ɔ́gɔɔ́?» 20Uganyɛ gɔ́b ká: «Omoom agán gá ɔlɔŋ wá bát na bándɛ ugegúnúyugin ɔmbɔ́g agá gɛsuá gímoom nám, ɔwɔ́ ugegúnúŋdú. 21Oóo, yaŋuá Mɔɔn mɔnd ngegú Kɔɔ́kɔ anyɛ́ búnyá buɔ́ŋɔ́n agá mbɔbɔnɔ ya Gɔdányá gám góbúsió, gɔsɔ́g na ewe gɔg ugenúŋdú. Búgubá mény bese ká mɔnd uwaány dibíbién!»
Manyán má Ɔgúnɔ́
(Mat 26.26-29; Lúk 22.15-20; 1Kɔ 11.23-26)
22Bámáal bányá gúnyánan anaány, Yésu uwɔgɔ́l gɛnyɔka, uwéŋin Gɔdányá nukany, uwánsa gɛ́, uwéŋin bɔ́, uganyɛ ká: «Ɔ́nukɔɔ́, nuɔ́l nám unuány.» 23Uwɔgɔ́l sɔ́n endeŋe wá magɛ́b, uwéŋin Gɔdányá nukany, uwéŋin bɔ́, abábúwá bɔ́bɔ́ bem. 24Uwad gual gɔ́b ká: «Manɔŋ mám eme, mɔ́mɔ́ málaná ká band bá bulada na Gɔdányá, módood góbusió bá giod gá band. 25Agá meliŋítas, ngúnuɔ́yɔɔn, ta buɔ́s ndɛgand gubúwá magɛ́b, guám buɔ́s ubú nganúbúwá mɔ́ mɔgɔ́s agá Bufuŋ bá Gɔdányá.»
Yésu mɔ́yɛ́d ká Piéle gabɛ́sáŋɔ́n wɔ́
(Mat 26.30-35; Lúk 22.33-34; Sáŋ 13.37-38)
26Bámáal bɔ́mɔ́dɔ́ŋɔ ɛsag, abaám gá gɔb agá nɔgɔnd ná bolifié. 27Yésu ganyɛ gɔ́b ká: «Nugambɛ́yɛ́bɛd banuá bem gágual ká búnyɛ buɔ́ŋɔ́n agá mbɔbɔnɔ ya Gɔdányá ká, ngɔɔ́n ogiíg bɛ́dɔ́mba, sálámand. 28Uganyɛ sɔ́n ká, ta anaány, anyɛ́ nganuányɔg aga ebeguén, ngenenúbídényí agá giéns gá gus bábɛ́laná Galilé.» 29Piéle sɛ gág ká: «Ta bɔsɔ́gɔ́ gidigid gubɛ́yɛ́bɛd, yaŋuá ndɛbá bágúgubɛ́yɛ́bɛd!» 30Uganyɛ gág ká: «Agá meliŋítas, imɔ́guɔyɛ́dɛ́n, na budug bá ínen ebue, ká gided sién gɛ́dádɛ́d gá gɛsɛgɛl gá gándɛ, agagúbá amámbɛ́sáŋɔ́n bɛsɛgɛl bɛ́dadɔ.» 31Ta anaány, Piéle uwondinyi magɔ́gɔ́n ká: «Ta búbá ká digú nam nɔw, ndɛbá bágúgubɛ́sáŋɔ́n.» Bafɔ́nɔfɔ́n gidigid mɔyɔ́ Kɔɔ́kɔ nɔ́.
Mbísógól yá Yésu Gesemané
(Mat 26.36-46; Lúk 22.40-46)
32Ebénege agá kɔɔ́m bábɛ́laná ká Gesemané, uganyɛ gá bafɔ́nɔfɔ́n bág ká: «Ánuál gúlɔb aya gɛsɛgɛl ngagúnúbá mbísógolonyi.» 33Uwadɔ́mbán Piéle, na Sáka, na Sáŋa. Nuɔ́l nág unuál nyuaaaa, gianta gá buwa igiádɛgɛn wɔ́. 34Uganyɛ gá bafɔ́nɔfɔ́n bág ká: «Ɛdány yám guála anyɛ ígeguélíki, ɔ́nulɔbɛ́n aya, nudɛɛ́b gá dunɔ́.» 35Uwabɛ́sɛdɛn enéné, uwesúbímin egegus, uwedúm gúbísógólonyi wɔyɔ ká búmábá fɛɛ́dɛfɛ́d, mbágɛ́n nusésídény ɔnɔgɔn númbídenyé. 36Umɔyɔ́ ká: «Ába#14.36 Ába: Nyɛ ombílígínyó na Nualameyeŋ wɔ́yɔnɔ ká: Babá, , Babá, buanda dɛ́bá meyú ɔgɔwɔ, mbagɛ́n endeŋé wá meyú ewe! Saá gám gá gubílén, gɔɔ́gɔ gá ugɔ́w!» 37Ká úsiondo gá mbísógól, uwɔfuɔg bɔ́ gá dunɔ́. Uganyɛ gá Piéle ká: «Símune, agúbɛ́dɛ́man e, adɛmábia magɛ́nda mɔ́gúlɔbɛn nŋanyuá ta gá mɔɔn wá gɛsɛgɛl e? 38Énubíbídényí, nubísógólonyi ká nudɛguɛ́n agá mbuge. Ɔdɛm wá mɔnd nyɛ na bɛnɔg bá ɛmbɛ́dágɛ́dɛ́n, gɔg ká, nuɔ́l nyɛ́ na masɛ́nɛn.» 39Uwand gubɛ́hɛd gá gándɛ gá mbísógól, uwondidononyi mbísógól yaád imoom. 40Úsiondó kɔɔ́m bafɔ́nɔfɔ́n bág máabá, uwɔfuɔgɛn bɔ́ bábɛ́dɛ́maan; gágual ká bɔ́dimɔ́d gukúle. Badɛmalɛns ta buóny bɔ́guɔyɛdɛn wɔ́. 41Anyɛ́ umánd gúsiondo gá gádadɔ, uganyɛ gɔ́b ká: «Oo buam, ánɔbɛ́dɛ́maán nudúke bese, búmámana, gɛsɛgɛl meége: Bámámán guŋdú yaŋuá Mɔɔn wá mɔnd aga bafalafal. 42Ánuadɔ́g dɛ́dɔ́mb! Ɔdɔgɛdɔ́g wuŋduénené gɔ́b ganyɛ aya!»
Giadɛgɛna gá Yésu
(Mat 26.47-56; Lúk 22.47-53; Sáŋ 18.2-11)
43Umáal unyá gúgála, Yúdasa, omoom wa ɔlɔŋ wá báta na bándɛ guámɛ́nɛn na giŋi gá band, bámabiánán muɔ́nɔnɔ́ má gúya na iŋúmb. Bɔgɔ́gɔ, na befúnyifúny bisele, na bagɔn bá Beyúdɛn bámáadɔ́m bɔ́. 44Yúdasa umáabá ká ugegúdú Yésu mɔ́yɛ́dɛ́n bɔ́ busiŋíd ubú uganuál, uganyɛ ká: «Mɔnd ɔwɔ́ ngɔgúnúgɔ́l wɔ́ gɛsas, nɔ́lɛns ká uwaány! Nuadɛgɛn wɔ́, núbílád wɔ́ bese ná bese, núdɔ́mbaán wɔ́.» 45Bámáal na gusiám, uwabɛ́nyɛkɛnɛn Yésu, uganyɛ gág ká: «Ofúnyifúny!» Uwɔgɔ́l Yésu gɛsas. 46Bɔsɔ́gɔ́ bóndodi gubílúgin Yésu, guadɛgɛn wɔ́. 47Agá band bámáabá ány, ondodio uwɔsɔmɔn yɔ́nɔnɔ yá gúya, uwafɛ́lɛ́d odú wá eŋél buol wa ɔgɔn wa bɔgɔ́gɔ#14.47 Dɛ́málɛ́ŋɛ́d Sáŋa 18.10 búnyɛ́ buɔyɛ́dɔ́n kɔ́ ká Piéle umáasɔ́mb udu wa eŋeli i buól uwány . 48Yésu ganyɛ ká: «Nuguádúgán na muɔ́nɔnɔ má gúya, na iŋúmb ká nusɛŋadɛ́gɛn Kɔɔ́kɔ anyɛ inyɛ gɛmbuánsɛl. 49Nánié ngubá nanɔ agá ɔnyɛb wá Gɔdányá mɔɔ́s mem, mfúnyifunyi, banuá ta guŋadɛgɛn. Búmabiál nɔ́ Kɔɔ́kɔ anyɛ́ búnyá buɔ́ŋɔ́n agá mbɔbɔnɔ ya Gɔdányá.» 50Bɔ́bɔ́ bem ebéyiy wɔ́, ɔbɔ́bɛ́nɔnɔn. 51Giɔmfɔ gá mɔnd maládán Yésu na sanda abɛ́gágálɛ́dán agá nuɔ́l. Bámáal bádɛgɛn wɔ́, 52ewebísúdúnin bɔ́ sanda, uwɔbínɔ inú gɔdɔ.
Yésu agá nɛgál ná Beyúdɛn
(Mat 26.57-68; Lúk 22.54-55,63-71; Sáŋ 18.12-18)
53Abábaan Yésu aga ɔgɔn wa bɔgɔ́gɔ wa gigúl igiány. Agá kɔɔ́m agány bɔgɔ́gɔ gidigid, na bagɔn bá Beyúdɛn na befúnyifúny bisele máasɛ́bɛ́gɔ́sá. 54Piéle mabá ayáyá agá gélem uládaan Yésu, uwɔb guáma agá ɔɔ́nd wa ɔgɔn wa bɔgɔ́gɔ. Uwelukumin ány ɔlɔŋɔ na begiíg, uwedúm gubiésébe yoóg. 55Bɔgɔ́gɔ na Sanedelɛ́ŋ gidigid#14.55 Sanedelɛŋ nyɛ besumb bɛsan abagɔn bá Beyúdɛná. mambá gɛ́mbɛ́n gá gúsɔ́mɛ́n Yésu ká bɔɔ́n wɔ́, bɔ́bɔ́ ta guán. 56Búnyɛ ká band giod masúmbaán wɔ́ moóny, ta anaány, bɔ́dimɔɔ́bɔ́n ɔgɔ́b gá bugél. 57Bóndodió ebédélímin gá gúsɔ́mbɛ́n wɔ́ buóny, bágányɛ ká: 58«Dɛmɔ́ɔb wɔ́ wɔyɔ ká: “Ngagad ɔnyɛb wá Gɔdányá ewe ɔwɔ́ band máafuága na ɛmbɔ́g, mfuág óndodió agá medug mádadɔ. Údɛgabá afuágán na ɛmbɔ́g sá band.”» 59Ta anaány sɔ́n bɔ́dɛmɔɔ́bɔnɛn ɔgɔ́b gá bugél. 60Ɔgɔ́n wa bɔgɔ́gɔ uwedélímin agá ɔdɛm wá band uwófún Yésu ká: «Adɛbá na ɛmbɛ́ságɛna agá moóny eme band ebe ɔ́yɔnɔ e?» 61Uwelúŋ, ta guás. Mɔnd uwaány guand guófún wɔ́ ká: «Anyɛ Mesí, gúgúnyá Kilíse, Mɔɔn wá ewe dikanyaná e?» 62Uganyɛ gág ká: «Ŋɛ́ɛ, inyɛ, banuá bem nugaŋán yaŋuá Mɔɔn wá mɔnd ilukié agá ɔmbɔ́g wá ɔnɛ́m wá ewe unyá na bugaga bum, nuónd nuán wɔ́ sɔ́n wadúgán ugumuana agá gɛlɔndɔ.» 63Ɔgɔ́n uwaány máal na guɔ́b anaány, ilób iyádɛgɛn wɔ́, uwalaf gɛla gág, uganyɛ ká: «Eŋél gɛ́laluá wa giág sɔ́n diandá guamba e? 64Saá numɔ́biɔ́bɛ́n banuá muát nsɛgɛ e, nugúanan bú nanyá e?» Bem obóndinyi ká: usagua gɛsan, ugúsɛgɛmanan na nigú. 65Gɛdam gá band gíndondió igiábanyɛg gutúnen wɔ́ bité, gɛ́bɔgan wɔ́ eŋís, gɛ́bɔ́maan wɔ́ bibúm, giɔ́yɔ gág ká: «Diɔ́yɛ́dɛ́n mɔnd umánúgunáŋɛ́d!» Begiíg ɔbɔ́gɔ́l wɔ́, abásába wɔ́ ɛmbɛl.
Piéle mábɛ́sáŋɔ́n Yésu
(Mat 26.69-75; Lúk 22.56-62; Sáŋ 18.17,25-27)
66Piéle mabá umányɛ gɛmbádá agá ɔɔnd, agánd ondodió, eŋél buol wa ɔgɔn wa bɔgɔ́gɔ uwasiam. 67Umáal wánaan Piéle ubiésébe yoóg, uwobísónyi wɔ́ bese, uganyɛ gág ká: «Saá aŋuá sɔ́n águbá agá ɔlɔŋ wá Yésu gɛnɔ́g gá Násalɛd e?» 68Piéle gubɛ́sáŋɔ́n uganyɛ ká: «Ndɛgɔ́lɛnsan, ndiguɔ́bɔɔn ubú ambaná ká ɔ́yɛd.» Uwadɔ́mb, uwonóndo agá nibíŋínín ná ɔmɛndɛ. 69Agánd uwaány uwand guán Piéle, uwondidonyi ogóbusió bá band bámáabá ány ká: «Mɔnd uwaány nyɛ ɔgɔ́b gá ɔlɔŋ!» 70Uwand gubɛ́sáŋɔ́n. Mɔɔn wá gɛsɛgɛl máal na gɔdɔ́mb, band bámáabá ány ganyɛ gág sɔ́n ká: «Búnyɛ nɔ́, anyɛ mɔnd wa ɔlɔŋ wɔ́b! Na nɔ́ sɔ́n, anyɛ gɛnɔ́g gá Galilé.» 71Uwedúm guɔyɔ ká: «Yaán babá uméegú ímábá ngúnéŋe. Agá meliŋítas, ndɛgúlɛnsaan mɔnd uwaány!» 72Ádɛ ány, gided igiédúmbi gudádɛ́d gá gɛsɛgɛl gá gándɛ. Uwabɛ́dágɛ́d anyɛ́ Yésu máal gág ká: «Ká gided sién gɛ́dádɛ́d gá gɛsɛgɛl gá gándɛ, agabá amámbɛ́sáŋɔ́n bigúl bɛ́dadɔ.» Uwaám fiaŋ fiaŋ, uwedúm gubaŋa.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល