Lúkasa 9
9
Yésu mádɔ́m bá bát na bándɛ
(Mat 10.1-9,11-14; Mál 6.6-13)
1Yésu gugɔ́sɛ́d bát na bándɛ bág, uwéŋin bɔ́ bugaga na gɛmányɛgɛnɛna gá gúkúŋa biád bá bíliíndié gidigid, uwond uwafá bɔ́ bugaga bá guéŋúgenyi ɛgɔnɔ gidigid. 2Uwadɔ́man bɔ́ gá guúl gúdúmbényí ndág ya nsɔ́m ya Bufuŋ bá Gɔdányá na guéŋúgenyi band. 3Uganyɛ gɔ́b ká: «Anyɛ́ nubaná, sig mɔnd a gɔ́l gɛla gímoom, nudɛgɔ́l buanda bá gúnya, ta gidímbe, ta gɛgad, ta muonyi, ta buanda búmodió 4Agá duyá udú nugenúbíŋen, ánubábá kɔ́ guám anyɛ́ nugonuónd. 5Bémeén gunúgɛ́ndɛ́gɛn, nuganyɛ ká núdɔ́mbɔ, nugidid otuútu únyá agán gá bɛgɔnd ká bálɛ́ns ká bámáal giád gá gɛnana.» 6Abábaan agá bɛdɔŋ anyɛ bɛdɔŋ, bɔ́yɔ ndág ya nsɔ́m, bógódonyinyi kɔɔ́m gidigid.
Nŋágɛ́nɛ́n ya Elódo
(Mat 14.1-2; Mál 6.14-16)
7Ngɔ́mɔnɔ wa giéns gá gus gá Galilé ɔfɛ́n ká Elodo Antípasa, mɔ́ɔb buanda gidigid búmáabɛ́dɔ́mbaán, udɛlɛns ubú unyá ká úbɛ́dágɛd, gágual ká band mɔyɔ́ ká Sáŋa águanyɔg aga ebeguén, 8gɛdám mɔyɔ́ ká Elí wɔ́, bóndodió ɔ́yɔ ká ibús yás yá bɛ́nsua ínyá guanyɔg aga ebeguén. 9Elódo ganyɛ ká, yaŋuá muát imɔ́ɔyɛ́d ká: «Bégégun Sáŋa ɔduɔ́, unúm mɔnd ewe gɔg yɔ́bɔnɔ́ bɔ́yɔ moóny gág góbusió e?» Uwedúm guamba nŋili yá guán Yésu.
Yésu máfɛ́n band
(Mat 14.13-21; Mál 6.30-44)
10Anyɛ́ bedúmeb mósióndo ɔbɔ́yɔɔn Yésu manda gidigid bámáal. Uwɔbɛ́gɔ́gɛ́d nɔbɔ agá buáy bá tísɔn unyá ɔfɛ́n ká Bɛ́tɛ́sayída. 11Anyɛ́ biŋi bá band málɛns anaány, ibiálád wɔ́, uwagɛ́ndɛ́gɛn bɛ́. Uwedúm guɔyɔn bɛ́ manda málɛ́ŋaná Bufuŋ bá Gɔdányá, uwéŋúgenyi band bámáambá guéŋúg. 12Buɔ́s máal búgányá gúmanan, bát na bándɛ abábɛ́sɛdɛnɛn wɔ́, bágányɛ gág ká: «Gúgí band, bábɛ́dɛ́maán agá bɛdɔŋ bínyá egúy na aya ká bámbá buanda bágúnyá, gágual ká kɔɔ́m ege dinyá nyɛ giɔ́sɔ́ŋɔliɔ́.» 13Uwondinyi bɔ́ ká: «Banuá muát ánuafɛ́n bɔ́.» Bágányɛ gág ká: «Dinyɛ Kɔɔ́kɔ na bɛnyɔka bɛ́tán, na muɔbɔ muándɛ, aguámba ká diɔ́nd manyán basuá muát gá guoyonyi band ebe gidigid e?» 14Banɔ́mandɔ mabá dɔns dútaán. Yésu ganyɛ gá bafɔ́nɔfɔ́n bág ká: «Énulukúményí band agá bimbi, sig gimbi band buanda bá etín ándɛ na bát.» 15Ebélukumenyi band anyɛ́ umɔ́ɔyɛ́d. 16Uwɔgɔ́l bɛnyɔka bɛ́tán na muɔbɔ muándɛ́, uwedugi eŋís ugumuaná, uwéŋin Gɔdányá nukany, uwánsa bɛnyɔka na muɔbɔ, uwéŋen bafɔ́nɔfɔ́n bág ká báfaan band. 17Band gidigid abányánan obódúg. Bámagɔ́sá biéns bá muɔbɔ na bɛnyɔka bíméesiénén, ibiófuógi insada siát na ɛ́yandɛ.
Yésu nyɛ ányá e?
(Mat 16.13-21; Mál 8.27-31)
18Buɔ́s búmodió, Yésu mabá na bafɔ́nɔfɔ́n bág, ɔbɔ́bígɔ́gɛ́d gá gúbísógólonyi, uwad guófún bɔ́ ká: «Band guɔ́yɔ ká inyɛ ányá e?» 19Bágányɛ ká: «Gɛdám guɔ́yɔ ká anyɛ Sáŋa Batísite, bómodió ɔ́yɔ ká Elí, bóndodi ɔ́yɔ ká, Ibús yás ya nsua ínyá guanyɔg aga ebeguén.» 20«Banuá gɔg nuguɔ́yɔ ká inyɛ ányá e?» Piéle gugɔ́l gugál uganyɛ ká: «Anyɛ Kilíse uwɔ́ Gɔdányá nyá gɔdɔ́m.» 21Uwasásɛ́d bɔ́ ká bɔ́diɔyɛ́dɛ́n ta mɔnd bú. 22«Uwɔ́yɛ́kɛnɛn ká: Búguófon ká yaŋuá Mɔɔn wá mɔnd yɔ́bɛ́gɔɔn giod. Bagɔn bá gɛdɔŋ, na bɔgɔ́gɔ na bóŋ bisele bámbɛ́sáŋɔ́n, bɔ́ŋɔ́n, buɔ́s bá gádadɔ, yányɔg aga ebeguén.»
Nanyá buófonó guládan Yésu
(Mat 16.24-28; Mál 8.34–9.1)
23Uwad guɔyɛd gɔ́b bem ká: «Mɔnd mámbá ká wúŋlád, ugúbianan ká úbíbísáŋɔ́n uwɔ́ muát, wúŋládaan medug mem ta búbá ká úgú#9.23 Búnyɛ buɔyɛ́dɔn ká: «úbɛ́dɔ́gan ɛgɔnɔ yág sig buɔ́siɔ́, wúŋlád.». 24Kányɛ gúnyá mɔnd mén ká úgú gám góbusió agá gus egue, ugenyími gusɔ́d gá kand nɛmanɛ́ná; ewe uganuádáb ká úgú gámɛ góbusió, ugadáŋáb gusɔ́d gá kand nɛmanɛ́ná. 25Mɔnd mábia bɔnɛ́m bá gus gidigid, kás buanda udáŋábaná búmánɛ́g ká umáyɛ́n gusɔ́d gá kand nɛmanɛ́ná, ɔ́gɔ ká umásɛŋɛ́n gusɔ́d gág e? 26Mɔnd mɔ́bɔɔn ɔduɔ́ gɔnɔ́ nam, na moóny mám, yaŋuá sɔ́n Mɔɔn wá mɔnd ngabia ɔduɔ́ gɔnɔ́ naga gigúl ngenuúl agám gá nugúm, na agá nugúm ná Babá, ná musámb má ɛngɛlɛs. 27Ngúnuɔ́yɔn agá meliŋítas, gɛdám gá band gínyá aya nɛ́nuán digegú kand ká bámán Bufuŋ bá Gɔdányá.»
Nugúm ná mɔɔn wa Gɔdányá
(Mat 17.1-8; Mál 9.2-8)
28Medúg mányímanyɛ máal mámáadɔ́mb, ány Yésu máman guɔyɔ moóny eme, uwɔgɔ́l Piéle, Sáŋa, Sáka uwabɔ́lɛ́g nɔbɔ agá nɔgɔnd gá guobísógolónyí. 29Bámáal bágányá gúbísógólonyi, busió bá Yésu ubuénúgi, bɛla bág ibiésiíl fúuum bíségédé. 30Band bándɛ mɔyɔ́ moóny naga, bámabá: na Moyíso na Elí; 31bémesegímíné na nugúm, bɔ́yɔ nɛnama ɛnɛ́ Yésu genúyíb buol bág agá nigú Yelúsalɛm. 32Piéle na begúl bág magɔ́nd na dunɔ́. Gigúl bámáanyɔ́g, abaán nugúm ná Yésu na band bándɛ ɔbɔ́ umáabá wɔ́yɔ moóny nɔbɔ. 33Anyɛ́ band abaány máadɔ́gán na Yésu, Piéle ganyɛ gá Yésu ká: «Ofúnyífúnyi, búnyɛ bese ká dɛ́bá aya; dɛ́núfuágɛn muans múdadɔ: aŋuá ímoom, Moyíso ímoom, Elí ímoom.» Piéle dɛmalɛnsaan buanda umɔ́ɔyɔ́. 34Umáal unyá gúgála, nugánd unuásiám, unuábɔgɛn bɔ́ na giwewe gág, buwa ubuádɛgɛn bafɔ́nɔfɔ́n gigúl béméebíŋén agá nugánd. 35Ekelu uwuúlín agá nugánd unuány wɔ́yɔ ká: «Unyɛ Mɔɔn wám inyá gudɔ́bɔ́n, ɔ́nubɛ́dɔ́lɛ́gɔ́n wɔ́!» 36Ekelu máal úmágálɛ́d, bábɛ́lɛ́ŋɛ́dɛ́nɛ, ta guand guán mɔnd, kɔɔ́kɔ Yésu bámáan. Ebélúŋ pɔ́ɔ agá gɛsɛgɛl igiány ta guɔyɛdɛn mɔnd buanda ubú bámaán.
Gieŋugie gá mɔ́nɔmbɔ umáabiánán giád gá gíliíndié
(Mat 17.14; Mál 9.14-27)
37Mémbelibéli, anyɛ́ bémédúnúgén nɔgɔnd, gianta gá giŋi ɛgɛ́b gá guelumén na Yésu. 38Agá gadágadá wa giŋi igiány, mɔnd uwánsɛ́d kɔ́ magɔ́gɔ́n uganyɛ ká: «Ofúnyifúny, ngúgubísógólonyi, gɔ́l gɛ́sɛgɛl na gímoomuo gám gá mɔɔn. 39Giád gá gíliíndié ganyɛ gímádɛgɛn wɔ́, giál ká wánsɛ́d, gɛ́fɔgɛ́dɛn wɔ́, udúm guémenyi bibus, gídíyo gunɛn wɔ́, gɛtɛ́n wɔ́ uganyɛ na imféŋ. 40Nsobísógólonyi bafɔ́nɔfɔ́n bɔ́w ká bákɔ́ŋɛd gɛ́, gímáyág bɔ́.» 41Yésu guand gugɔ́l gugál uganyɛ ká: «Banuá band bá ínen, góbusió bágiág nudiábiánáná giondiɔdɛ́mɔ́ aga Gɔdányá e? Nunyɛ na ɔduɔ́ gulal, ngabá nanɔ guám niík, yond yɔ́mínɔɔn nanɔ e? Ólón mɔɔn wɔ́w aya.» 42Mɔ́nɔmbɔ máal négudúm gubaan, giád gá gíliíndié igiáfɔ́gɛ́dɛn wɔ́, igiádiá wɔ́ egegus. Yésu guánsɛ́dɛn gɛ́, mɔ́nɔmbɔ guéŋúg, Yésu guondinyi mɔnd uwaány mɔɔn waga. 43Band gidigid bámáabá ány, ebédúm guméŋeméŋ anyɛ́ bámaán bugaga bá Gɔdányá búnyá gianta.
Yésu mánd guɔ́yɛd nigú nág
(Mat 17.22-23; Mál 9.30-32)
Anyɛ́ band gidigid máabá bámányá gúméŋémeŋ manda ɔmɔ́ Yésu máalá, uganyɛ gá bafɔ́nɔfɔ́n ká: 44«Ɔ́nubɛ́dɔ́lɛ́gɛ́n bese buanda ubú ngɔgúnunuɔ́yɛdɛn: yaŋuá Mɔɔn wá mɔnd, bégendú aga band.» 45Bafɔ́nɔfɔ́n dɛmasɔ́ŋɔ́na buóny Yésu máamba guɔyɛd, búmɔlɔ́b agá niɔs ká bádɛ́sɔ́ŋɔ́n. Ababia buwa gá guófún wɔ́ gúsigúsié wa buóny ubuány.
Ányá unyá ɔgɔn
(Mat 18.1-5; Mál 9.33-37)
46Bafɔ́nɔfɔ́n bá Yésu mesuŋénényí ká bálɛ́ns mɔnd unyá ɔgɔn ɔgɔ́b gá ɔlɔŋ. 47Anyɛ́ Yésu málɛnsán mbɛ́dágɛ́dɛ́n imáabá ɔgɔ́b gá ɛdɛm, uwɔgɔ́l yábayábáy, uwedényígenyi yɛ́ agág gá masiá, 48uganyɛ gɔ́b ká: «Mɔnd ugólonyó mɔ́nɔmbɔ anyɛ ewe agám gá ɔfɛ́n, gúŋgólonyi yaŋuá muát, ewe wuŋgólonyó, gúgólonyi mɔnd umáandɔ́m. Buád buanda, ewe unyá siɔdɛd agán gá ɔlɔŋ, uwɔ́ waád uganúbá ɔgɔn.»
Mɔnd udiénúnúsényé nyɛ nanɔ
(Mál 9.38-41)
49Sáŋa ganyɛ gá Yésu ká: «Ofúnyifúny, dɛsaán mɔnd ukɔ́ŋa biád bá bíliíndié na ɔfɛ́n wɔ́w, dimáal dílég wɔ́, gágual ká udíbá ɔlɔŋ nasɔ.» 50Yésu ganyɛ gág ká: «Nudilég wɔ́, gágual ká, ewe udiénúnúsényé, nyɛ nanɔ.»
Gɛdam gá band bá Samalí mén gúgóli Yésu
51Gɛsɛgɛl gá gual ká Yésu élíki egegus máal gígány egúy, uwɔyɛd ká, ugɔ́baan Yelúsalɛm cácácá. 52Uwesuŋinyi band. Agá nŋili, ebébíŋín agá gɛdɔŋ gá Samalí gíndodió ká bámbɛdɛn wɔ́ kɔɔ́m gá gúbɛ́dɛ́mɛn. 53Band bá gɛdɔŋ gá Samalí igiány ebeén gugóli wɔ́, gágual ká umabaán Yelúsalɛm. 54Bafɔ́nɔfɔ́n bá Yésu, Sáka na Sáŋa máal ná guán anaány, bágányɛ gág ká: «Ɔgúnɔ́ aguámba ká diɔ́yɛd ká yoóg sem ífúfi band ebe e?» 55Yésu gubɛ́guagalɛd, uwánsɛ́dɛn bɔ́. 56Abáb nobusió agá gɛdɔŋ gíndodi.
Nɛɛ́n manda mɔ́w gidigid ká álád Yésu
(Mat 8.19-22)
57Anyɛ́ Bámáabá bámányɛ agá nŋili, mɔnd uwɔsiɔyɛ́dɛ́n Yésu ká: «Ngaguládaan kɔɔ́m gidigid ɔgɔ́ aganɔ́b.» 58Yésu guondinyi wɔ́ ká: «Dubóg nyɛ́ na meés, munoní bianan aŋana, yaŋuá Mɔɔn wá mɔnd ndɛbá na kɔɔ́m gá gudál ɔduɔ́.» 59Uganyɛ gá sɔ́gɔ́ ondodió ká: «Ɛ́lad!» Sɔ́gɔ́ uwaány guondinyi wɔ́ ká: «Ɔgúnɔ́, ál guɔ́b yónyó babá.» 60Yésu guondinyi wɔ́: «Tɛ́n band ebeguén bónyonon bɛlɔŋ bɔ́b, aŋuá, ɛmbɛ́ gedúmbényí Bufuŋ bá Gɔdányá.» 61Sɔ́gɔ́ ondodi ganyɛ sɔ́n gá Yésu ká: «Ɔgúnɔ́, ngágulád, ál guŋtɛ́n yɔ́yɛ́dɛ́n band bám ká: oó oo.» 62Yésu guondinyi wɔ́ ká: «Gɛsɛgɛl mɔnd álaná buol úlɛ́ŋa agá gélem, udɛbá bágual buol agá Bufuŋ bá Gɔdányá.»
ទើបបានជ្រើសរើសហើយ៖
Lúkasa 9: MMU2
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Lúkasa 9
9
Yésu mádɔ́m bá bát na bándɛ
(Mat 10.1-9,11-14; Mál 6.6-13)
1Yésu gugɔ́sɛ́d bát na bándɛ bág, uwéŋin bɔ́ bugaga na gɛmányɛgɛnɛna gá gúkúŋa biád bá bíliíndié gidigid, uwond uwafá bɔ́ bugaga bá guéŋúgenyi ɛgɔnɔ gidigid. 2Uwadɔ́man bɔ́ gá guúl gúdúmbényí ndág ya nsɔ́m ya Bufuŋ bá Gɔdányá na guéŋúgenyi band. 3Uganyɛ gɔ́b ká: «Anyɛ́ nubaná, sig mɔnd a gɔ́l gɛla gímoom, nudɛgɔ́l buanda bá gúnya, ta gidímbe, ta gɛgad, ta muonyi, ta buanda búmodió 4Agá duyá udú nugenúbíŋen, ánubábá kɔ́ guám anyɛ́ nugonuónd. 5Bémeén gunúgɛ́ndɛ́gɛn, nuganyɛ ká núdɔ́mbɔ, nugidid otuútu únyá agán gá bɛgɔnd ká bálɛ́ns ká bámáal giád gá gɛnana.» 6Abábaan agá bɛdɔŋ anyɛ bɛdɔŋ, bɔ́yɔ ndág ya nsɔ́m, bógódonyinyi kɔɔ́m gidigid.
Nŋágɛ́nɛ́n ya Elódo
(Mat 14.1-2; Mál 6.14-16)
7Ngɔ́mɔnɔ wa giéns gá gus gá Galilé ɔfɛ́n ká Elodo Antípasa, mɔ́ɔb buanda gidigid búmáabɛ́dɔ́mbaán, udɛlɛns ubú unyá ká úbɛ́dágɛd, gágual ká band mɔyɔ́ ká Sáŋa águanyɔg aga ebeguén, 8gɛdám mɔyɔ́ ká Elí wɔ́, bóndodió ɔ́yɔ ká ibús yás yá bɛ́nsua ínyá guanyɔg aga ebeguén. 9Elódo ganyɛ ká, yaŋuá muát imɔ́ɔyɛ́d ká: «Bégégun Sáŋa ɔduɔ́, unúm mɔnd ewe gɔg yɔ́bɔnɔ́ bɔ́yɔ moóny gág góbusió e?» Uwedúm guamba nŋili yá guán Yésu.
Yésu máfɛ́n band
(Mat 14.13-21; Mál 6.30-44)
10Anyɛ́ bedúmeb mósióndo ɔbɔ́yɔɔn Yésu manda gidigid bámáal. Uwɔbɛ́gɔ́gɛ́d nɔbɔ agá buáy bá tísɔn unyá ɔfɛ́n ká Bɛ́tɛ́sayída. 11Anyɛ́ biŋi bá band málɛns anaány, ibiálád wɔ́, uwagɛ́ndɛ́gɛn bɛ́. Uwedúm guɔyɔn bɛ́ manda málɛ́ŋaná Bufuŋ bá Gɔdányá, uwéŋúgenyi band bámáambá guéŋúg. 12Buɔ́s máal búgányá gúmanan, bát na bándɛ abábɛ́sɛdɛnɛn wɔ́, bágányɛ gág ká: «Gúgí band, bábɛ́dɛ́maán agá bɛdɔŋ bínyá egúy na aya ká bámbá buanda bágúnyá, gágual ká kɔɔ́m ege dinyá nyɛ giɔ́sɔ́ŋɔliɔ́.» 13Uwondinyi bɔ́ ká: «Banuá muát ánuafɛ́n bɔ́.» Bágányɛ gág ká: «Dinyɛ Kɔɔ́kɔ na bɛnyɔka bɛ́tán, na muɔbɔ muándɛ, aguámba ká diɔ́nd manyán basuá muát gá guoyonyi band ebe gidigid e?» 14Banɔ́mandɔ mabá dɔns dútaán. Yésu ganyɛ gá bafɔ́nɔfɔ́n bág ká: «Énulukúményí band agá bimbi, sig gimbi band buanda bá etín ándɛ na bát.» 15Ebélukumenyi band anyɛ́ umɔ́ɔyɛ́d. 16Uwɔgɔ́l bɛnyɔka bɛ́tán na muɔbɔ muándɛ́, uwedugi eŋís ugumuaná, uwéŋin Gɔdányá nukany, uwánsa bɛnyɔka na muɔbɔ, uwéŋen bafɔ́nɔfɔ́n bág ká báfaan band. 17Band gidigid abányánan obódúg. Bámagɔ́sá biéns bá muɔbɔ na bɛnyɔka bíméesiénén, ibiófuógi insada siát na ɛ́yandɛ.
Yésu nyɛ ányá e?
(Mat 16.13-21; Mál 8.27-31)
18Buɔ́s búmodió, Yésu mabá na bafɔ́nɔfɔ́n bág, ɔbɔ́bígɔ́gɛ́d gá gúbísógólonyi, uwad guófún bɔ́ ká: «Band guɔ́yɔ ká inyɛ ányá e?» 19Bágányɛ ká: «Gɛdám guɔ́yɔ ká anyɛ Sáŋa Batísite, bómodió ɔ́yɔ ká Elí, bóndodi ɔ́yɔ ká, Ibús yás ya nsua ínyá guanyɔg aga ebeguén.» 20«Banuá gɔg nuguɔ́yɔ ká inyɛ ányá e?» Piéle gugɔ́l gugál uganyɛ ká: «Anyɛ Kilíse uwɔ́ Gɔdányá nyá gɔdɔ́m.» 21Uwasásɛ́d bɔ́ ká bɔ́diɔyɛ́dɛ́n ta mɔnd bú. 22«Uwɔ́yɛ́kɛnɛn ká: Búguófon ká yaŋuá Mɔɔn wá mɔnd yɔ́bɛ́gɔɔn giod. Bagɔn bá gɛdɔŋ, na bɔgɔ́gɔ na bóŋ bisele bámbɛ́sáŋɔ́n, bɔ́ŋɔ́n, buɔ́s bá gádadɔ, yányɔg aga ebeguén.»
Nanyá buófonó guládan Yésu
(Mat 16.24-28; Mál 8.34–9.1)
23Uwad guɔyɛd gɔ́b bem ká: «Mɔnd mámbá ká wúŋlád, ugúbianan ká úbíbísáŋɔ́n uwɔ́ muát, wúŋládaan medug mem ta búbá ká úgú#9.23 Búnyɛ buɔyɛ́dɔn ká: «úbɛ́dɔ́gan ɛgɔnɔ yág sig buɔ́siɔ́, wúŋlád.». 24Kányɛ gúnyá mɔnd mén ká úgú gám góbusió agá gus egue, ugenyími gusɔ́d gá kand nɛmanɛ́ná; ewe uganuádáb ká úgú gámɛ góbusió, ugadáŋáb gusɔ́d gá kand nɛmanɛ́ná. 25Mɔnd mábia bɔnɛ́m bá gus gidigid, kás buanda udáŋábaná búmánɛ́g ká umáyɛ́n gusɔ́d gá kand nɛmanɛ́ná, ɔ́gɔ ká umásɛŋɛ́n gusɔ́d gág e? 26Mɔnd mɔ́bɔɔn ɔduɔ́ gɔnɔ́ nam, na moóny mám, yaŋuá sɔ́n Mɔɔn wá mɔnd ngabia ɔduɔ́ gɔnɔ́ naga gigúl ngenuúl agám gá nugúm, na agá nugúm ná Babá, ná musámb má ɛngɛlɛs. 27Ngúnuɔ́yɔn agá meliŋítas, gɛdám gá band gínyá aya nɛ́nuán digegú kand ká bámán Bufuŋ bá Gɔdányá.»
Nugúm ná mɔɔn wa Gɔdányá
(Mat 17.1-8; Mál 9.2-8)
28Medúg mányímanyɛ máal mámáadɔ́mb, ány Yésu máman guɔyɔ moóny eme, uwɔgɔ́l Piéle, Sáŋa, Sáka uwabɔ́lɛ́g nɔbɔ agá nɔgɔnd gá guobísógolónyí. 29Bámáal bágányá gúbísógólonyi, busió bá Yésu ubuénúgi, bɛla bág ibiésiíl fúuum bíségédé. 30Band bándɛ mɔyɔ́ moóny naga, bámabá: na Moyíso na Elí; 31bémesegímíné na nugúm, bɔ́yɔ nɛnama ɛnɛ́ Yésu genúyíb buol bág agá nigú Yelúsalɛm. 32Piéle na begúl bág magɔ́nd na dunɔ́. Gigúl bámáanyɔ́g, abaán nugúm ná Yésu na band bándɛ ɔbɔ́ umáabá wɔ́yɔ moóny nɔbɔ. 33Anyɛ́ band abaány máadɔ́gán na Yésu, Piéle ganyɛ gá Yésu ká: «Ofúnyífúnyi, búnyɛ bese ká dɛ́bá aya; dɛ́núfuágɛn muans múdadɔ: aŋuá ímoom, Moyíso ímoom, Elí ímoom.» Piéle dɛmalɛnsaan buanda umɔ́ɔyɔ́. 34Umáal unyá gúgála, nugánd unuásiám, unuábɔgɛn bɔ́ na giwewe gág, buwa ubuádɛgɛn bafɔ́nɔfɔ́n gigúl béméebíŋén agá nugánd. 35Ekelu uwuúlín agá nugánd unuány wɔ́yɔ ká: «Unyɛ Mɔɔn wám inyá gudɔ́bɔ́n, ɔ́nubɛ́dɔ́lɛ́gɔ́n wɔ́!» 36Ekelu máal úmágálɛ́d, bábɛ́lɛ́ŋɛ́dɛ́nɛ, ta guand guán mɔnd, kɔɔ́kɔ Yésu bámáan. Ebélúŋ pɔ́ɔ agá gɛsɛgɛl igiány ta guɔyɛdɛn mɔnd buanda ubú bámaán.
Gieŋugie gá mɔ́nɔmbɔ umáabiánán giád gá gíliíndié
(Mat 17.14; Mál 9.14-27)
37Mémbelibéli, anyɛ́ bémédúnúgén nɔgɔnd, gianta gá giŋi ɛgɛ́b gá guelumén na Yésu. 38Agá gadágadá wa giŋi igiány, mɔnd uwánsɛ́d kɔ́ magɔ́gɔ́n uganyɛ ká: «Ofúnyifúny, ngúgubísógólonyi, gɔ́l gɛ́sɛgɛl na gímoomuo gám gá mɔɔn. 39Giád gá gíliíndié ganyɛ gímádɛgɛn wɔ́, giál ká wánsɛ́d, gɛ́fɔgɛ́dɛn wɔ́, udúm guémenyi bibus, gídíyo gunɛn wɔ́, gɛtɛ́n wɔ́ uganyɛ na imféŋ. 40Nsobísógólonyi bafɔ́nɔfɔ́n bɔ́w ká bákɔ́ŋɛd gɛ́, gímáyág bɔ́.» 41Yésu guand gugɔ́l gugál uganyɛ ká: «Banuá band bá ínen, góbusió bágiág nudiábiánáná giondiɔdɛ́mɔ́ aga Gɔdányá e? Nunyɛ na ɔduɔ́ gulal, ngabá nanɔ guám niík, yond yɔ́mínɔɔn nanɔ e? Ólón mɔɔn wɔ́w aya.» 42Mɔ́nɔmbɔ máal négudúm gubaan, giád gá gíliíndié igiáfɔ́gɛ́dɛn wɔ́, igiádiá wɔ́ egegus. Yésu guánsɛ́dɛn gɛ́, mɔ́nɔmbɔ guéŋúg, Yésu guondinyi mɔnd uwaány mɔɔn waga. 43Band gidigid bámáabá ány, ebédúm guméŋeméŋ anyɛ́ bámaán bugaga bá Gɔdányá búnyá gianta.
Yésu mánd guɔ́yɛd nigú nág
(Mat 17.22-23; Mál 9.30-32)
Anyɛ́ band gidigid máabá bámányá gúméŋémeŋ manda ɔmɔ́ Yésu máalá, uganyɛ gá bafɔ́nɔfɔ́n ká: 44«Ɔ́nubɛ́dɔ́lɛ́gɛ́n bese buanda ubú ngɔgúnunuɔ́yɛdɛn: yaŋuá Mɔɔn wá mɔnd, bégendú aga band.» 45Bafɔ́nɔfɔ́n dɛmasɔ́ŋɔ́na buóny Yésu máamba guɔyɛd, búmɔlɔ́b agá niɔs ká bádɛ́sɔ́ŋɔ́n. Ababia buwa gá guófún wɔ́ gúsigúsié wa buóny ubuány.
Ányá unyá ɔgɔn
(Mat 18.1-5; Mál 9.33-37)
46Bafɔ́nɔfɔ́n bá Yésu mesuŋénényí ká bálɛ́ns mɔnd unyá ɔgɔn ɔgɔ́b gá ɔlɔŋ. 47Anyɛ́ Yésu málɛnsán mbɛ́dágɛ́dɛ́n imáabá ɔgɔ́b gá ɛdɛm, uwɔgɔ́l yábayábáy, uwedényígenyi yɛ́ agág gá masiá, 48uganyɛ gɔ́b ká: «Mɔnd ugólonyó mɔ́nɔmbɔ anyɛ ewe agám gá ɔfɛ́n, gúŋgólonyi yaŋuá muát, ewe wuŋgólonyó, gúgólonyi mɔnd umáandɔ́m. Buád buanda, ewe unyá siɔdɛd agán gá ɔlɔŋ, uwɔ́ waád uganúbá ɔgɔn.»
Mɔnd udiénúnúsényé nyɛ nanɔ
(Mál 9.38-41)
49Sáŋa ganyɛ gá Yésu ká: «Ofúnyifúny, dɛsaán mɔnd ukɔ́ŋa biád bá bíliíndié na ɔfɛ́n wɔ́w, dimáal dílég wɔ́, gágual ká udíbá ɔlɔŋ nasɔ.» 50Yésu ganyɛ gág ká: «Nudilég wɔ́, gágual ká, ewe udiénúnúsényé, nyɛ nanɔ.»
Gɛdam gá band bá Samalí mén gúgóli Yésu
51Gɛsɛgɛl gá gual ká Yésu élíki egegus máal gígány egúy, uwɔyɛd ká, ugɔ́baan Yelúsalɛm cácácá. 52Uwesuŋinyi band. Agá nŋili, ebébíŋín agá gɛdɔŋ gá Samalí gíndodió ká bámbɛdɛn wɔ́ kɔɔ́m gá gúbɛ́dɛ́mɛn. 53Band bá gɛdɔŋ gá Samalí igiány ebeén gugóli wɔ́, gágual ká umabaán Yelúsalɛm. 54Bafɔ́nɔfɔ́n bá Yésu, Sáka na Sáŋa máal ná guán anaány, bágányɛ gág ká: «Ɔgúnɔ́ aguámba ká diɔ́yɛd ká yoóg sem ífúfi band ebe e?» 55Yésu gubɛ́guagalɛd, uwánsɛ́dɛn bɔ́. 56Abáb nobusió agá gɛdɔŋ gíndodi.
Nɛɛ́n manda mɔ́w gidigid ká álád Yésu
(Mat 8.19-22)
57Anyɛ́ Bámáabá bámányɛ agá nŋili, mɔnd uwɔsiɔyɛ́dɛ́n Yésu ká: «Ngaguládaan kɔɔ́m gidigid ɔgɔ́ aganɔ́b.» 58Yésu guondinyi wɔ́ ká: «Dubóg nyɛ́ na meés, munoní bianan aŋana, yaŋuá Mɔɔn wá mɔnd ndɛbá na kɔɔ́m gá gudál ɔduɔ́.» 59Uganyɛ gá sɔ́gɔ́ ondodió ká: «Ɛ́lad!» Sɔ́gɔ́ uwaány guondinyi wɔ́ ká: «Ɔgúnɔ́, ál guɔ́b yónyó babá.» 60Yésu guondinyi wɔ́: «Tɛ́n band ebeguén bónyonon bɛlɔŋ bɔ́b, aŋuá, ɛmbɛ́ gedúmbényí Bufuŋ bá Gɔdányá.» 61Sɔ́gɔ́ ondodi ganyɛ sɔ́n gá Yésu ká: «Ɔgúnɔ́, ngágulád, ál guŋtɛ́n yɔ́yɛ́dɛ́n band bám ká: oó oo.» 62Yésu guondinyi wɔ́ ká: «Gɛsɛgɛl mɔnd álaná buol úlɛ́ŋa agá gélem, udɛbá bágual buol agá Bufuŋ bá Gɔdányá.»
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល