Lúkasa 3
3
Sáŋa Batísit guɔ́yɔn band ndág ya nsɔ́m
1Tibɛ́la ofuŋ uwɔgɔn mabá uganyɛ na buanda anyɛ duɔŋ bunyo dá búfuŋ. Pɔ́ŋɔsɔ Pilata ngɔ́mɔnɔ wa giéns gá gus gá Yudé; Elodo Antípasa ngɔ́mɔnɔ wa giéns gá gus gá Galilé; Fílibe endimen uwɔgɔn wá Elodo ngɔ́mɔnɔ wa biéns bá gus bínyá gudúm Itulé guám Talakonite; Lisaniasa ngɔ́mɔnɔ wa Abilɛnɛ. 2Agá giád gigúl sɔ́nɔ, na Ána na Káyife mabá bɔgɔ́gɔ. Ekelu wá Gɔdányá uwɔ́bɛgɛn mɔɔn wá Sakalíasa ɔfɛ́n ká Sáŋa agá gɛsɛ́sɛ. 3Sáŋa uwuúl wúbán agá biéns bá gus gidigid bínyá egúy na asa wá Yuludɛ́ŋ; wɔyɔ ká, énunúgí gusɔ́d gán, núbídu, ány Gɔdányá ganúnútɛ́nɛn bɛfal báan. 4Gɔ́ɔgɔ anyɛ́ búnyá buɔ́ŋɔ́n agá mbɔbɔnɔ ya Ibús Isayí ká:
Ekelu guámanɛn agá giɔ́ndɔ́ wɔ́yɔ ká:
Ánudábɔ́ná nŋili ya Ɔgúnɔ́, núdényígenyi yɛ́.
5Núgínden bifofo
Núsása dɔgɔnd na bɛny;
Núdényígenyi mɔkɔ́m mányá gɔndɔ́n gɔndɔ́n,
Núfuógonyi iŋili sínyá na bifogi,
6anaány band ganuán gisódio igí Gɔdányá éŋeniné.
7Sáŋa mabá wɔyɔɔn biŋi bá band bómóolón gá gúsibídúenén ká: «Siád ɛmfɛ́ny! Ányá unyá gunúdíye nŋili yá gual ká núbísáamb ilób yá Gɔdányá yílené e? 8Ánualá gɔg binɔ́g bá bielínyélínyé bídíyenyé ká gusɔ́d gán égunúgi; nudɛɛ́b gá gúbiɔ́yɔɔn banuá muát ká: “Ábalaháma nyɛ sié ɔgúnɔ wasɔ”. Ngúnuɔ́yɔn anaány gágual ká adány eye nuánaná, Gɔdányá nyɛ béguíyi yɔ́ baan bá Ábalaháma. 9Ooo! Ɛyá gányɛ ɛdábɔ́nán gá gúsɔ́mbá ɛŋaŋa sá madɛ́d; bágasɔ́mb bɔdɛ́d gidigid búdiómónó binɔ́g bá bɛsamɔ, baág bú agá yoóg.»
Bɛsamɔ bá gɔ́bɛ́gɔ́ŋɔ́n
10Band obófún wɔ́ ká: «Diál gɔg nanyá e?» 11Uganyɛ gɔ́b ká: «Mɔnd mábianan bɔsɔ́d bándɛ, nsɛ́ wéŋin omoom gá sɔ́gɔ́ udiábiánáná; mɔnd mábianan buanda bágúnyá, nsɛ́ wáfɛdan na sɔ́gɔ́ udiábiánáná.» 12Band bɔ́gɔ́lɔnɔ́ Tás, oboól gá gúsibíduú; bágányɛ gág sɔ́n ká: «Ɔgúnɔ́gɔn, diál nanyá e?» 13Uganyɛ gɔ́g ká: «Ɔ́nugɔ́lɔɔ́n tás, Kɔɔ́kɔ gɛdam gínyá giɔyɛ́dɔ́n.» 14Musia guófún wɔ́ sɔ́n ká: «Basuá diál nanyá e?» Uganyɛ gɔ́b ká: «Nudiɔgɔ́ muonyi má mɔnd gá bugaga; ɔ́gɔ ká nudɛsɔ́mbɛ́n mɔnd agá nsiŋi yá gual ká únúfá muonyi, ɔ́nuɔ́bɔ́n bese na bɛnama ɛbɛ́ nudáŋábaná.»
Sáŋa mɔ́yɛ́d ewe wúlené
(Mat 3.11-12; Mál 1.7-8)
15Band mebídényí, bóndonyi ɔdɛm, na mɔɔn a ubiɔ́yɔɔn ká, ala Sáŋa unyá Kilíse#3.15 Kilíse gúgúnyá Mesí ewe uwɔ́ Gɔdányá mádánɛ́n bá Yúdɛn.. 16Uganyɛ gɔ́b bɔ́bɔ́ bem ká: «Mɔnd gúsién wuúlén, unyɛ na bugaga wundúmban, ndɛbá na nɔndɔ ná gúgudimid ká nsúŋun nuoli nág ná mfaŋáŋá.#3.16 Uguámba guɔyɛd ká udɛba na edényi wá giɔ́l agá eŋís yá Yésu Yaŋuá ngúnúduenen na madɛ́ga, ɔwɔ́, ugenúduenen na Ɛsámb yá Mefúny na yoóg. 17Unyɛ na gifúnyídín agá ɛmbɔ́g ká wádúna insamɔ na dufun. Ugabɛ́dɛ́gɛn insamɔ sá nkene agá gɛsasɔ, dufun, wág agá yoóg ídínufuénéné ta buɔ́s.» 18Sáŋa mabán nobusió na guéŋen band ɛsɔ́m wɔyɔɔn bɔ́ ndág ya nsɔ́m.
Sáŋa agá gians gá mbíne
(Mat 14.3-4; Mál 6.17-18)
19Ngɔ́mɔnɔ Elódo Antípasa mɔ́g agány endimen waga, uwond uwala anama yá bɛnana giod, Kányɛ Sáŋa máagálán wɔ́. Agánd uwaány mabá ɔfɛ́n ká Elodiád. 20Uwand gual gianta gá gɛnana gíndodió: Uwɔgɔ́l Sáŋa, uwétí wɔ́ agá gians gá mbíne.
Nduén yá Yésu
(Mat 3.13-17; Mál 1.9-11)
21Band gidigid máal bémébídú, Yésu sɔ́n uwebídu#3.21 Sáŋa medú Yésu gisiósio ká bág wɔ́ agá gians gá mbíne. Anyɛ́ umáabá ubísógólonyi, muana umuébífun.
22Ɛsámb yá Mefúny iyéselin wɔ́, na nuɔ́l anyɛ nɔlɛŋ, ekelu uwúlín muana wɔ́yɔ ká: «Anyɛ mɔɔn wám wa ɔdɛm, nguɔ́bɔn bese nɔ́w.»
Nugɔgɔ ná Yésu
(Mat 1.1-16)
23Yésu mabanyɛ́g guɔyɔ ndág yá nsɔ́m uganyɛ buanda bá duɔŋ nitín na duát. Bámabɛ́dágá ká sié waga umáabá Yɔ́sɛba, mɔɔn wá Elí, 24Elí mabá mɔɔn wá Matata, Matata mɔɔn wá Léfi, Léfi mɔɔn wá Meléki, Meléki mɔɔn wá Yanáya, Yanáya mɔɔn wá Yɔ́sɛba, 25Yɔ́sɛba mɔɔn wá Matátiasa, Matátiasa mɔɔn wá Amóso, Amóso mɔɔn wá Nawúme, Nawúme mɔɔn wá Eseli, Eseli mɔɔn wá Nagayá, 26Nagayá mɔɔn wá Mata, Mata mɔɔn wá Matatatiasa, Matatatiasa mɔɔn wá Semeyíne, Semeyíne mɔɔn wá Yóseka, Yóseka mɔɔn wá Ioda 27Ioda mɔɔn wá Yohanána, Yohanána mɔɔn wá Lésa, Lésa mɔɔn wá Solobabɛ́la, Solobabɛ́la mɔɔn wá Seatéla, Seatéla mɔɔn wá Néli, 28Néli mɔɔn wá Méléki, Méléki mɔɔn wá Adi, Adi mɔɔn wá Kosama, Kosama mɔɔn wá Elémadama, Elemadama mɔɔn wá Ɛ́la, 29Ɛ́la mɔɔn wá Yésu, Yésu mɔɔn wá Eliesɛ́la, Eliesɛ́la mɔɔn wá Yolimo, Yolimo, mɔɔn wá Matata, Matata, mɔɔn wá Léfi, 30Léfi mɔɔn wá Símiyono, Símiyono, mɔɔn wá Yudá, Yudá, mɔɔn wá Yɔ́sɛba, Yɔ́sɛba, mɔɔn wá Yónama, Yónama, mɔɔn wá Eliákime, 31Eliakime, mɔɔn wá Meléya, Meléya, mɔɔn wá Ména, Ména, mɔɔn wá Matata, Matata, mɔɔn wá Natama, 32Natama, mɔɔn wá Défide, Défide, mɔɔn wá Yése, Yése, mɔɔn wá Iyobɛta, Iyobɛta, mɔɔn wá Bóso, Bóso mɔɔn wá Sala, Sala mɔɔn wá Násɔ́ŋa, 33Násɔ́ŋa mɔɔn wá Aminadába, Aminadába mɔɔn wá Ádamayíne, Ádamayíne mɔɔn wá Aláni, Aláni mɔɔn wá Ɛ́sɛlɔmɔ, Ɛ́sɛlɔmɔ mɔɔn wá Fálɛ́sa, Fálɛsa mɔɔn wá Yúda, 34Yúda mɔɔn wá Yácɔba, Yácɔba mɔɔn wá Sáka, Sáka mɔɔn wá Ábalaháma, Ábalaháma mɔɔn wá Tala, Tala mɔɔn wá Nahɔ́la, 35Nahɔ́la mɔɔn wá Sélúge, Sélúge mɔɔn wá Lágo, Lágo mɔɔn wá Fálɛga, Fálɛga mɔɔn wá Ebelɛ́la, Ebelɛ́lá mɔɔn wá Sala, 36Sala mɔɔn wá Kayínama, Kayínama mɔɔn wá Alapasáda, Alapasáda mɔɔn wá Sɛ́ma, Sɛ́ma mɔɔn wá Nowé, Nowé mɔɔn wá Lémɛga, Lémɛga 37mɔɔn wá Matusalá, Matusalá mɔɔn wá Énɔka, Énɔka mɔɔn wá Iyalɛ́da, Iyalɛ́da mɔɔn wá Maléléyɛla, Maléléyela mɔɔn wá Káyínama, Káyínama 38mɔɔn wá Énoso, Énoso mɔɔn wá Sɛ́da, Sɛ́da mɔɔn wá Adáma, Adáma mɔɔn wá Gɔdányá.
ទើបបានជ្រើសរើសហើយ៖
Lúkasa 3: MMU2
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Lúkasa 3
3
Sáŋa Batísit guɔ́yɔn band ndág ya nsɔ́m
1Tibɛ́la ofuŋ uwɔgɔn mabá uganyɛ na buanda anyɛ duɔŋ bunyo dá búfuŋ. Pɔ́ŋɔsɔ Pilata ngɔ́mɔnɔ wa giéns gá gus gá Yudé; Elodo Antípasa ngɔ́mɔnɔ wa giéns gá gus gá Galilé; Fílibe endimen uwɔgɔn wá Elodo ngɔ́mɔnɔ wa biéns bá gus bínyá gudúm Itulé guám Talakonite; Lisaniasa ngɔ́mɔnɔ wa Abilɛnɛ. 2Agá giád gigúl sɔ́nɔ, na Ána na Káyife mabá bɔgɔ́gɔ. Ekelu wá Gɔdányá uwɔ́bɛgɛn mɔɔn wá Sakalíasa ɔfɛ́n ká Sáŋa agá gɛsɛ́sɛ. 3Sáŋa uwuúl wúbán agá biéns bá gus gidigid bínyá egúy na asa wá Yuludɛ́ŋ; wɔyɔ ká, énunúgí gusɔ́d gán, núbídu, ány Gɔdányá ganúnútɛ́nɛn bɛfal báan. 4Gɔ́ɔgɔ anyɛ́ búnyá buɔ́ŋɔ́n agá mbɔbɔnɔ ya Ibús Isayí ká:
Ekelu guámanɛn agá giɔ́ndɔ́ wɔ́yɔ ká:
Ánudábɔ́ná nŋili ya Ɔgúnɔ́, núdényígenyi yɛ́.
5Núgínden bifofo
Núsása dɔgɔnd na bɛny;
Núdényígenyi mɔkɔ́m mányá gɔndɔ́n gɔndɔ́n,
Núfuógonyi iŋili sínyá na bifogi,
6anaány band ganuán gisódio igí Gɔdányá éŋeniné.
7Sáŋa mabá wɔyɔɔn biŋi bá band bómóolón gá gúsibídúenén ká: «Siád ɛmfɛ́ny! Ányá unyá gunúdíye nŋili yá gual ká núbísáamb ilób yá Gɔdányá yílené e? 8Ánualá gɔg binɔ́g bá bielínyélínyé bídíyenyé ká gusɔ́d gán égunúgi; nudɛɛ́b gá gúbiɔ́yɔɔn banuá muát ká: “Ábalaháma nyɛ sié ɔgúnɔ wasɔ”. Ngúnuɔ́yɔn anaány gágual ká adány eye nuánaná, Gɔdányá nyɛ béguíyi yɔ́ baan bá Ábalaháma. 9Ooo! Ɛyá gányɛ ɛdábɔ́nán gá gúsɔ́mbá ɛŋaŋa sá madɛ́d; bágasɔ́mb bɔdɛ́d gidigid búdiómónó binɔ́g bá bɛsamɔ, baág bú agá yoóg.»
Bɛsamɔ bá gɔ́bɛ́gɔ́ŋɔ́n
10Band obófún wɔ́ ká: «Diál gɔg nanyá e?» 11Uganyɛ gɔ́b ká: «Mɔnd mábianan bɔsɔ́d bándɛ, nsɛ́ wéŋin omoom gá sɔ́gɔ́ udiábiánáná; mɔnd mábianan buanda bágúnyá, nsɛ́ wáfɛdan na sɔ́gɔ́ udiábiánáná.» 12Band bɔ́gɔ́lɔnɔ́ Tás, oboól gá gúsibíduú; bágányɛ gág sɔ́n ká: «Ɔgúnɔ́gɔn, diál nanyá e?» 13Uganyɛ gɔ́g ká: «Ɔ́nugɔ́lɔɔ́n tás, Kɔɔ́kɔ gɛdam gínyá giɔyɛ́dɔ́n.» 14Musia guófún wɔ́ sɔ́n ká: «Basuá diál nanyá e?» Uganyɛ gɔ́b ká: «Nudiɔgɔ́ muonyi má mɔnd gá bugaga; ɔ́gɔ ká nudɛsɔ́mbɛ́n mɔnd agá nsiŋi yá gual ká únúfá muonyi, ɔ́nuɔ́bɔ́n bese na bɛnama ɛbɛ́ nudáŋábaná.»
Sáŋa mɔ́yɛ́d ewe wúlené
(Mat 3.11-12; Mál 1.7-8)
15Band mebídényí, bóndonyi ɔdɛm, na mɔɔn a ubiɔ́yɔɔn ká, ala Sáŋa unyá Kilíse#3.15 Kilíse gúgúnyá Mesí ewe uwɔ́ Gɔdányá mádánɛ́n bá Yúdɛn.. 16Uganyɛ gɔ́b bɔ́bɔ́ bem ká: «Mɔnd gúsién wuúlén, unyɛ na bugaga wundúmban, ndɛbá na nɔndɔ ná gúgudimid ká nsúŋun nuoli nág ná mfaŋáŋá.#3.16 Uguámba guɔyɛd ká udɛba na edényi wá giɔ́l agá eŋís yá Yésu Yaŋuá ngúnúduenen na madɛ́ga, ɔwɔ́, ugenúduenen na Ɛsámb yá Mefúny na yoóg. 17Unyɛ na gifúnyídín agá ɛmbɔ́g ká wádúna insamɔ na dufun. Ugabɛ́dɛ́gɛn insamɔ sá nkene agá gɛsasɔ, dufun, wág agá yoóg ídínufuénéné ta buɔ́s.» 18Sáŋa mabán nobusió na guéŋen band ɛsɔ́m wɔyɔɔn bɔ́ ndág ya nsɔ́m.
Sáŋa agá gians gá mbíne
(Mat 14.3-4; Mál 6.17-18)
19Ngɔ́mɔnɔ Elódo Antípasa mɔ́g agány endimen waga, uwond uwala anama yá bɛnana giod, Kányɛ Sáŋa máagálán wɔ́. Agánd uwaány mabá ɔfɛ́n ká Elodiád. 20Uwand gual gianta gá gɛnana gíndodió: Uwɔgɔ́l Sáŋa, uwétí wɔ́ agá gians gá mbíne.
Nduén yá Yésu
(Mat 3.13-17; Mál 1.9-11)
21Band gidigid máal bémébídú, Yésu sɔ́n uwebídu#3.21 Sáŋa medú Yésu gisiósio ká bág wɔ́ agá gians gá mbíne. Anyɛ́ umáabá ubísógólonyi, muana umuébífun.
22Ɛsámb yá Mefúny iyéselin wɔ́, na nuɔ́l anyɛ nɔlɛŋ, ekelu uwúlín muana wɔ́yɔ ká: «Anyɛ mɔɔn wám wa ɔdɛm, nguɔ́bɔn bese nɔ́w.»
Nugɔgɔ ná Yésu
(Mat 1.1-16)
23Yésu mabanyɛ́g guɔyɔ ndág yá nsɔ́m uganyɛ buanda bá duɔŋ nitín na duát. Bámabɛ́dágá ká sié waga umáabá Yɔ́sɛba, mɔɔn wá Elí, 24Elí mabá mɔɔn wá Matata, Matata mɔɔn wá Léfi, Léfi mɔɔn wá Meléki, Meléki mɔɔn wá Yanáya, Yanáya mɔɔn wá Yɔ́sɛba, 25Yɔ́sɛba mɔɔn wá Matátiasa, Matátiasa mɔɔn wá Amóso, Amóso mɔɔn wá Nawúme, Nawúme mɔɔn wá Eseli, Eseli mɔɔn wá Nagayá, 26Nagayá mɔɔn wá Mata, Mata mɔɔn wá Matatatiasa, Matatatiasa mɔɔn wá Semeyíne, Semeyíne mɔɔn wá Yóseka, Yóseka mɔɔn wá Ioda 27Ioda mɔɔn wá Yohanána, Yohanána mɔɔn wá Lésa, Lésa mɔɔn wá Solobabɛ́la, Solobabɛ́la mɔɔn wá Seatéla, Seatéla mɔɔn wá Néli, 28Néli mɔɔn wá Méléki, Méléki mɔɔn wá Adi, Adi mɔɔn wá Kosama, Kosama mɔɔn wá Elémadama, Elemadama mɔɔn wá Ɛ́la, 29Ɛ́la mɔɔn wá Yésu, Yésu mɔɔn wá Eliesɛ́la, Eliesɛ́la mɔɔn wá Yolimo, Yolimo, mɔɔn wá Matata, Matata, mɔɔn wá Léfi, 30Léfi mɔɔn wá Símiyono, Símiyono, mɔɔn wá Yudá, Yudá, mɔɔn wá Yɔ́sɛba, Yɔ́sɛba, mɔɔn wá Yónama, Yónama, mɔɔn wá Eliákime, 31Eliakime, mɔɔn wá Meléya, Meléya, mɔɔn wá Ména, Ména, mɔɔn wá Matata, Matata, mɔɔn wá Natama, 32Natama, mɔɔn wá Défide, Défide, mɔɔn wá Yése, Yése, mɔɔn wá Iyobɛta, Iyobɛta, mɔɔn wá Bóso, Bóso mɔɔn wá Sala, Sala mɔɔn wá Násɔ́ŋa, 33Násɔ́ŋa mɔɔn wá Aminadába, Aminadába mɔɔn wá Ádamayíne, Ádamayíne mɔɔn wá Aláni, Aláni mɔɔn wá Ɛ́sɛlɔmɔ, Ɛ́sɛlɔmɔ mɔɔn wá Fálɛ́sa, Fálɛsa mɔɔn wá Yúda, 34Yúda mɔɔn wá Yácɔba, Yácɔba mɔɔn wá Sáka, Sáka mɔɔn wá Ábalaháma, Ábalaháma mɔɔn wá Tala, Tala mɔɔn wá Nahɔ́la, 35Nahɔ́la mɔɔn wá Sélúge, Sélúge mɔɔn wá Lágo, Lágo mɔɔn wá Fálɛga, Fálɛga mɔɔn wá Ebelɛ́la, Ebelɛ́lá mɔɔn wá Sala, 36Sala mɔɔn wá Kayínama, Kayínama mɔɔn wá Alapasáda, Alapasáda mɔɔn wá Sɛ́ma, Sɛ́ma mɔɔn wá Nowé, Nowé mɔɔn wá Lémɛga, Lémɛga 37mɔɔn wá Matusalá, Matusalá mɔɔn wá Énɔka, Énɔka mɔɔn wá Iyalɛ́da, Iyalɛ́da mɔɔn wá Maléléyɛla, Maléléyela mɔɔn wá Káyínama, Káyínama 38mɔɔn wá Énoso, Énoso mɔɔn wá Sɛ́da, Sɛ́da mɔɔn wá Adáma, Adáma mɔɔn wá Gɔdányá.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល