Lúkasa 18
18
Nsab ya agánd na esúmb bɛsan
1Yésu gudúmín bɔ́ nsab eye ká údíye bɔ́ ká bágúbianan ká bóbísógólonyi gigúl gidigid bádɛ́biá masɛ́nɛn. 2Uganyɛ gɔ́b ká: «Osúmb bɛsan mabá agá tísɔn ondodi. Udɛmabianan buwa ta na Gɔdányá ta na mɔnd ondodi. 3Agá tísɔn uwaány, gisi gá agánd mabá kɔ́. Gɛ́mabá gíleen agá osúmb besan uwaány gigúl gidigid, gísiɔyɔɔ́n wɔ́ ká, búguófon ká “úsɔ́mb bɛsan bág na ɔmbɛ́lɛmbɛ́l waga.” 4Bigúl giod, osúmb besan uwaány énen. Gɛsɛgɛl máal gɛ́mádɔ́mb, uwɔbiɔ́yɛdɛn ɔwɔ́ muát ká: “Ta anyɛ́ ndiédínéné Gɔdányá, ndigɔ́lɔɔ́n gɛsɛgɛl ta na mɔnd, 5anyɛ́ gisi egie ényúŋúnyuŋié, búguófoon ká nsɔ́mb gɛsan gɔ́b, udiánd gúsinyúŋínyúŋí.”» 6Ɔgúnɔ́ guɔ́yɛ́kɛnɛn ká: «Ɔ́nubɛ́dɔ́lɛ́gɛ́n gugál gá giád gá osúmb besan ewe bese ná bese. 7Kánɛ́ nubɛ́dáganá ká nɛɛ́m ná Gɔdányá agá giáy gá band ɔbɔ́ uméeyíd, bóbísógólonyo wɔ́ na budug na buɔ́s, geéliíl e? 8Ngúnuɔ́yɔɔn ká ugéŋin bɔ́ nɛɛ́m fiaŋ fiaŋ. Anyɛ́ gɔ́g Mɔɔn wá mɔnd genuúl, ugɔfuɔg guádáb egegus e?»
Nsab ya Falisiɛ́ŋ na eduús tás
9Uwand gudúmín band béfénené bɔsɔ́gɔ́, bɔ́biɔ́yɔ ká bányɛ besi bá band nsab eye ká: 10«Band bándɛ máab agá gians gá Gɔdányá gá guobísógólónyi, uwomoom mabá Falisiɛ́ŋ, wa gándɛ mabá eduús tás. 11Falisiɛ́ŋ mabá ndényé ubísógólonyi wɔyɔ ká: “Gɔdányá, ngúguéŋen nɔkanyɛ gágual ká ndɛbá anyɛ bɔsɔ́gɔ́ bányá beéb, ɛmɔnd, bénd musɔm ɔ́gɔ anyɛ eduús tás ewúné. 12Ngúbílégen manyán medug mándɛ gá sɔ́ndiɔ, yónd nguéŋen niaf nímoom agá aŋaf át yá bɔnɛ́m bám gidigid.” 13Edús tás mabá fát enéné ɔlɔŋɛ́mɛ́dɔ́n ɛmbɔ́g agá ɔduɔ́ ubísógólonyi wɔyɔ ká: “Gɔdányá nŋán gɔsɔ́g gágual ká nnyɛ afalafal.” 14Yésu guɔ́yɛ́kɛnɛn ká: Edús tás uwaány megúg agagá Gɔdányá mámán guondi wɔ́ osi. Búdɛ́mabá nɔ́ gá Falisiɛ́ŋ gágual ká, mɔnd gidigid ubíbúlígenyé, bégeseli wɔ́, ewe ubísélenyé, bégebúlígi wɔ́.»
Bufuŋ bá Gɔdányá nyɛ gá band bányá anyɛ bábayɔ
(Mat 19.13-15; Mál 10.13-16)
15Band móolónín sɔ́n Yésu duábayábáy ká událaán dú ɛmbɔ́g. Bafɔ́nɔfɔ́n máal na guán anaány, abáb gá guánsaan bebiény. 16Yésu ganyɛ ká bábɛ́sɛdɛnɛn wɔ́ na duábayábáy, uganyɛ ká: «Ánutɛ́n duábayábáy dúleen agamia, nudiélegén dú, gágual ká Bufuŋ bá Gɔdányá nyɛ gá band bányá anyɛ bɔ́bɔ́. 17Agá meliŋítas ngúnuɔ́yɔɔn ká, ewe udiágɛ́ndɛ́gáná Bufuŋ bá Gɔdányá anyɛ yábayábáy digebíŋín gá bú.»
Ɛnɔ́m ya mɔnd
(Mat 19.16-30; Mál 10.17-31)
18Ɔgúnɔ́ wá Beyúdɛn uwófún Yésu ká: «Ɔgúnɔ́ aŋuá ányá bese, yaál nanyá ká mbia gusɔ́d gá kand nɛmanɛ́na e?» 19Yésu guondinyi wɔ́ ká: «Góbusió bá giag ɔyɔnɔ́ ká nnyɛ bese e? Ta mɔnd wa bese udɛbá, asiá Gɔdányá. 20Agúlɛnsan bisele ebie bínyá ká: Adiánd ɛ́sɔm, ɔdiɔ́n mɔnd, ediéb, adɛsɔ́mbɛ́n sɔ́gɔ́ buóny ɔ́bɔ́nɛ́n tiɔ́ na nigódió.» 21Mɔnd uwaány guondinyi wɔ́ ká: «Ngúfuógonyi bisele ibiány gidigid gutɔ guedúm buábayuá bám.» 22Yésu máal ná gubɛ́dɔ́lɛ́gɔɔn gugál gá mɔnd uwaány, uganyɛ ká: «Amányɛ adiál buanda búmoom, dú bɔnɛ́m bɔ́w gidigid, ɔ́gɔ́l muonyi má ondúnó umuány gidigid, áfaan basɔ́gasɔga, agadáŋáb bɔnɛ́m búnyá ugumuana, ónd oól, álád.» 23Anɛ́ mɔnd mɔ́ɔb anaány, uwelidid busió gágual ká umabiánán bɔnɛ́m ta bɔ́guɔyɔ. 24Anɛ́ yésu máan anaány, uganyɛ ká: «Búnyɛ́ muyú ká ɛnɔ́m sá band bíŋín agá Bufuŋ bá Gɔdányá. 25Búnyɛ meyú ká nnyam inyá ɔfɛ́n ká samó dɔ́mbɛ́n agá giés gá ndɔndɔ, Kɔɔ́kɔ anyɛ́ búnyá sɔ́n menyí meyú ká ɛnɔ́m sá band bíŋín agá Bufuŋ bá Gɔdányá.» 26Band bɔ́mɔɔ́bɛ́dɔ́lɛ́gɔ́n wɔ́ ganyɛ ká: «Ányá gɔg unyá wɔgusɔ́d e?» 27Ɔwɔ́ gɔ́b ká: «Buanda ubú band diábáná bágual, Gɔdányá uwɔ́ uguála.» 28Piéle ganyɛ gág ká: «Basuá dɛ́gɔnɛn manda más gidigid idiagɔlád.» 29Uwondinyi bɔ́ ká: «Agá meliŋítas ngúnuɔ́yɔɔn ká, mɔnd mánɛɛn nuyá nág, agány waga, belimen bág, bebiény ɔgɔ́ ká baan bág gobusió bá Bufuŋ bá Gɔdányá, 30mɔnd uwaány gadáŋáb giod gudúmbídenyi nɛ́nuán, na agá gigúl gílené, gusɔ́d gá kand nɛmanɛ́ná.»
Yésu móndídónyi guɔyɛd nigú nág
(Mat 20.17-19; Mál 10.32-34)
31Yésu gugɔ́l bát na bándɛ uganyɛ gɔ́b ká: «Gás gúbúlígi egue yelósalɛm. Uguány, buanda gidigid ubú Mubús mɔ́ɔŋ agá giáy gá Mɔɔn wá mɔnd gogúnúbífuógidonyi. 32Bégedú wɔ́ agá band bádiálɛnsáná Gɔdányá. Bɔ́bɔ́ bád bégenúfénen wɔ́, básɛ́ga wɔ́, bétúnen wɔ́ bité; 33bágaal bémégide wɔ́, bɔɔ́n wɔ́, gá buɔ́s bágádadɔ, wányɔ́g aga ebeguen.» 34Bɔ́bɔ́ ta gusɔ́ŋɔ́n gugál uguány. Gudɛmabá sáŋŋ, bɔdimɔ́b buanda Yésu máambá guɔyɛd.
Giéŋugie gá obúdobudo Yelíko
(Mat 20.29-34; Mál 10.46-52)
35Anyɛ́ Yésu máabá uganyɛ egúy na Yelíko, obúdobudo mabá agá nŋili wɔŋɔɔn manda. 36Umáal na guɔ́b giŋi gá band dɔ́mbana, uwófuún buanda búbɛ́dɔ́mbaná. 37Bágányɛ gág ká: «Yésu wa Násalɛd uwaány udúmbaná.» 38Ɔwɔ́ guánsɛ́d uganyɛ ká: «Yésu Mɔɔn wá Défide, nŋán gɔsɔ́g.» 39Band bámáabá bákɛnan agá busió, abáb gá gúbífíme wɔ́ ká úlúŋ, ta anaány, ɔwɔ́ wubaan gubaan na busió na guansá wɔyɔ ká: «Mɔɔn wá Défide, nŋán gɔsɔ́g.» 40Yésu gudélímin, uganyɛ ká bólónin wɔ́ obúdobudo uwaány. Umáal úmésiégín wɔ́, Yésu guófún wɔ́ ká: 41«Aguámba ká yaál nanyá nɔ́w e.» Obúdobudo ganyɛ ká: «Ɔgúnɔ́, ál ká yánd guánaan.» 42Yésu ganyɛ gág ká: «Ooo, ánaán, giondiɔdɛ́mɔ́ gɔ́w méguéŋúgí.» 43Kɔ́ nɔ kɔ́, uwedúm guánan, uwaládán Yésu, wuúl úgúményi Gɔdányá. Giŋi gá band gímaán bú, gɛ́gɛ́ sɔ́n, egiédúm gugúményi Gɔdányá.
ទើបបានជ្រើសរើសហើយ៖
Lúkasa 18: MMU2
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Lúkasa 18
18
Nsab ya agánd na esúmb bɛsan
1Yésu gudúmín bɔ́ nsab eye ká údíye bɔ́ ká bágúbianan ká bóbísógólonyi gigúl gidigid bádɛ́biá masɛ́nɛn. 2Uganyɛ gɔ́b ká: «Osúmb bɛsan mabá agá tísɔn ondodi. Udɛmabianan buwa ta na Gɔdányá ta na mɔnd ondodi. 3Agá tísɔn uwaány, gisi gá agánd mabá kɔ́. Gɛ́mabá gíleen agá osúmb besan uwaány gigúl gidigid, gísiɔyɔɔ́n wɔ́ ká, búguófon ká “úsɔ́mb bɛsan bág na ɔmbɛ́lɛmbɛ́l waga.” 4Bigúl giod, osúmb besan uwaány énen. Gɛsɛgɛl máal gɛ́mádɔ́mb, uwɔbiɔ́yɛdɛn ɔwɔ́ muát ká: “Ta anyɛ́ ndiédínéné Gɔdányá, ndigɔ́lɔɔ́n gɛsɛgɛl ta na mɔnd, 5anyɛ́ gisi egie ényúŋúnyuŋié, búguófoon ká nsɔ́mb gɛsan gɔ́b, udiánd gúsinyúŋínyúŋí.”» 6Ɔgúnɔ́ guɔ́yɛ́kɛnɛn ká: «Ɔ́nubɛ́dɔ́lɛ́gɛ́n gugál gá giád gá osúmb besan ewe bese ná bese. 7Kánɛ́ nubɛ́dáganá ká nɛɛ́m ná Gɔdányá agá giáy gá band ɔbɔ́ uméeyíd, bóbísógólonyo wɔ́ na budug na buɔ́s, geéliíl e? 8Ngúnuɔ́yɔɔn ká ugéŋin bɔ́ nɛɛ́m fiaŋ fiaŋ. Anyɛ́ gɔ́g Mɔɔn wá mɔnd genuúl, ugɔfuɔg guádáb egegus e?»
Nsab ya Falisiɛ́ŋ na eduús tás
9Uwand gudúmín band béfénené bɔsɔ́gɔ́, bɔ́biɔ́yɔ ká bányɛ besi bá band nsab eye ká: 10«Band bándɛ máab agá gians gá Gɔdányá gá guobísógólónyi, uwomoom mabá Falisiɛ́ŋ, wa gándɛ mabá eduús tás. 11Falisiɛ́ŋ mabá ndényé ubísógólonyi wɔyɔ ká: “Gɔdányá, ngúguéŋen nɔkanyɛ gágual ká ndɛbá anyɛ bɔsɔ́gɔ́ bányá beéb, ɛmɔnd, bénd musɔm ɔ́gɔ anyɛ eduús tás ewúné. 12Ngúbílégen manyán medug mándɛ gá sɔ́ndiɔ, yónd nguéŋen niaf nímoom agá aŋaf át yá bɔnɛ́m bám gidigid.” 13Edús tás mabá fát enéné ɔlɔŋɛ́mɛ́dɔ́n ɛmbɔ́g agá ɔduɔ́ ubísógólonyi wɔyɔ ká: “Gɔdányá nŋán gɔsɔ́g gágual ká nnyɛ afalafal.” 14Yésu guɔ́yɛ́kɛnɛn ká: Edús tás uwaány megúg agagá Gɔdányá mámán guondi wɔ́ osi. Búdɛ́mabá nɔ́ gá Falisiɛ́ŋ gágual ká, mɔnd gidigid ubíbúlígenyé, bégeseli wɔ́, ewe ubísélenyé, bégebúlígi wɔ́.»
Bufuŋ bá Gɔdányá nyɛ gá band bányá anyɛ bábayɔ
(Mat 19.13-15; Mál 10.13-16)
15Band móolónín sɔ́n Yésu duábayábáy ká událaán dú ɛmbɔ́g. Bafɔ́nɔfɔ́n máal na guán anaány, abáb gá guánsaan bebiény. 16Yésu ganyɛ ká bábɛ́sɛdɛnɛn wɔ́ na duábayábáy, uganyɛ ká: «Ánutɛ́n duábayábáy dúleen agamia, nudiélegén dú, gágual ká Bufuŋ bá Gɔdányá nyɛ gá band bányá anyɛ bɔ́bɔ́. 17Agá meliŋítas ngúnuɔ́yɔɔn ká, ewe udiágɛ́ndɛ́gáná Bufuŋ bá Gɔdányá anyɛ yábayábáy digebíŋín gá bú.»
Ɛnɔ́m ya mɔnd
(Mat 19.16-30; Mál 10.17-31)
18Ɔgúnɔ́ wá Beyúdɛn uwófún Yésu ká: «Ɔgúnɔ́ aŋuá ányá bese, yaál nanyá ká mbia gusɔ́d gá kand nɛmanɛ́na e?» 19Yésu guondinyi wɔ́ ká: «Góbusió bá giag ɔyɔnɔ́ ká nnyɛ bese e? Ta mɔnd wa bese udɛbá, asiá Gɔdányá. 20Agúlɛnsan bisele ebie bínyá ká: Adiánd ɛ́sɔm, ɔdiɔ́n mɔnd, ediéb, adɛsɔ́mbɛ́n sɔ́gɔ́ buóny ɔ́bɔ́nɛ́n tiɔ́ na nigódió.» 21Mɔnd uwaány guondinyi wɔ́ ká: «Ngúfuógonyi bisele ibiány gidigid gutɔ guedúm buábayuá bám.» 22Yésu máal ná gubɛ́dɔ́lɛ́gɔɔn gugál gá mɔnd uwaány, uganyɛ ká: «Amányɛ adiál buanda búmoom, dú bɔnɛ́m bɔ́w gidigid, ɔ́gɔ́l muonyi má ondúnó umuány gidigid, áfaan basɔ́gasɔga, agadáŋáb bɔnɛ́m búnyá ugumuana, ónd oól, álád.» 23Anɛ́ mɔnd mɔ́ɔb anaány, uwelidid busió gágual ká umabiánán bɔnɛ́m ta bɔ́guɔyɔ. 24Anɛ́ yésu máan anaány, uganyɛ ká: «Búnyɛ́ muyú ká ɛnɔ́m sá band bíŋín agá Bufuŋ bá Gɔdányá. 25Búnyɛ meyú ká nnyam inyá ɔfɛ́n ká samó dɔ́mbɛ́n agá giés gá ndɔndɔ, Kɔɔ́kɔ anyɛ́ búnyá sɔ́n menyí meyú ká ɛnɔ́m sá band bíŋín agá Bufuŋ bá Gɔdányá.» 26Band bɔ́mɔɔ́bɛ́dɔ́lɛ́gɔ́n wɔ́ ganyɛ ká: «Ányá gɔg unyá wɔgusɔ́d e?» 27Ɔwɔ́ gɔ́b ká: «Buanda ubú band diábáná bágual, Gɔdányá uwɔ́ uguála.» 28Piéle ganyɛ gág ká: «Basuá dɛ́gɔnɛn manda más gidigid idiagɔlád.» 29Uwondinyi bɔ́ ká: «Agá meliŋítas ngúnuɔ́yɔɔn ká, mɔnd mánɛɛn nuyá nág, agány waga, belimen bág, bebiény ɔgɔ́ ká baan bág gobusió bá Bufuŋ bá Gɔdányá, 30mɔnd uwaány gadáŋáb giod gudúmbídenyi nɛ́nuán, na agá gigúl gílené, gusɔ́d gá kand nɛmanɛ́ná.»
Yésu móndídónyi guɔyɛd nigú nág
(Mat 20.17-19; Mál 10.32-34)
31Yésu gugɔ́l bát na bándɛ uganyɛ gɔ́b ká: «Gás gúbúlígi egue yelósalɛm. Uguány, buanda gidigid ubú Mubús mɔ́ɔŋ agá giáy gá Mɔɔn wá mɔnd gogúnúbífuógidonyi. 32Bégedú wɔ́ agá band bádiálɛnsáná Gɔdányá. Bɔ́bɔ́ bád bégenúfénen wɔ́, básɛ́ga wɔ́, bétúnen wɔ́ bité; 33bágaal bémégide wɔ́, bɔɔ́n wɔ́, gá buɔ́s bágádadɔ, wányɔ́g aga ebeguen.» 34Bɔ́bɔ́ ta gusɔ́ŋɔ́n gugál uguány. Gudɛmabá sáŋŋ, bɔdimɔ́b buanda Yésu máambá guɔyɛd.
Giéŋugie gá obúdobudo Yelíko
(Mat 20.29-34; Mál 10.46-52)
35Anyɛ́ Yésu máabá uganyɛ egúy na Yelíko, obúdobudo mabá agá nŋili wɔŋɔɔn manda. 36Umáal na guɔ́b giŋi gá band dɔ́mbana, uwófuún buanda búbɛ́dɔ́mbaná. 37Bágányɛ gág ká: «Yésu wa Násalɛd uwaány udúmbaná.» 38Ɔwɔ́ guánsɛ́d uganyɛ ká: «Yésu Mɔɔn wá Défide, nŋán gɔsɔ́g.» 39Band bámáabá bákɛnan agá busió, abáb gá gúbífíme wɔ́ ká úlúŋ, ta anaány, ɔwɔ́ wubaan gubaan na busió na guansá wɔyɔ ká: «Mɔɔn wá Défide, nŋán gɔsɔ́g.» 40Yésu gudélímin, uganyɛ ká bólónin wɔ́ obúdobudo uwaány. Umáal úmésiégín wɔ́, Yésu guófún wɔ́ ká: 41«Aguámba ká yaál nanyá nɔ́w e.» Obúdobudo ganyɛ ká: «Ɔgúnɔ́, ál ká yánd guánaan.» 42Yésu ganyɛ gág ká: «Ooo, ánaán, giondiɔdɛ́mɔ́ gɔ́w méguéŋúgí.» 43Kɔ́ nɔ kɔ́, uwedúm guánan, uwaládán Yésu, wuúl úgúményi Gɔdányá. Giŋi gá band gímaán bú, gɛ́gɛ́ sɔ́n, egiédúm gugúményi Gɔdányá.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល