Sáŋa 3
3
Na Yésu na Nikodɛ́ma guɔ́yɔ moóny
1Agá ɔlɔŋ wá Bafalisiɛ́ŋ, ɔgɔn wa Beyúdɛn omodió mabá kɔ́ ɔfɛ́n ká Nikodɛ́ma. 2Uwɔb agá Yésu na budug, uganyɛ gág ká: «Ofúnyifúny, dɛgɔ́lɛnsan ká anyɛ ofúnyifúny ɔwɔ́ Gɔdányá máadɔ́m. Gágual ká ta mɔnd udɛbá báguala mesey ɔmɔ́ alaná, Gɔdányá máal ɔdɛbá naga.» 3Yésu guondinyi wɔ́ ká: «Agá meliŋítas, ngúguɔyɔɔn ká, mɔnd máal udibíbién nubiényé nugɔ́s, udɛbá báguán Bufuŋ bá Gɔdányá.» 4Uganyɛ gá Yésu ká: «Mɔnd ganyɛ gilunu, nanyá unyá báguand gubíbién gɛsɛgɛl uganyá gilunu e? Unyɛ wa guand gúbíŋín agá dúna dá inyódió ká úbíbién e?» 5Yésu guondinyi wɔ́ ká: «Agá meliŋítas, ngúguɔyɔɔn ká mɔnd dɛbá bégúbíŋín agá Bufuŋ bá Gɔdányá umáal udibíbién agá madɛ́ga na agá Ɛsámb yá Mefúny. 6Mɔnd ubíbiénené anyɛ́ dibíbiénené, nyɛ mɔnd. Ubú Ɛsámb yá Mefúny biénené nyɛ mefúny. 7Ediméŋeméŋ gágual ká imɔ́guɔyɛ́dɛ́n ká: “Nugúbianan ká núbíbién gá gándɛ”. 8Ofufuny gúfiŋile kɔɔ́m úbílénené, ɔ́bɔɔ́n giduŋul gág, adɛlɛ́nsɛ nílín ná wɔ́, ta kɔɔ́m wɔ́baná. Anaány gɔg búnyá na ewé uménúbíbién agá Mefúny má Gɔdányá.» 9Nikodɛ́ma ganyɛ gág ká: «Nanyá búnyá wagubiál e?» 10Yésu guondinyi wɔ́ ká: «Gianta gá gigúmín gá ofúnyifúny anyɛ aŋuá agá gus gá Ísalayɛ́la, adɛgɔ́lɛnsan buanda ubuány e? 11Agá meliŋítas ngúguɔyɔɔn ká: diguɔ́yɔ ubú dɛlɛnsaná, diond diɔyɔ bese na bese ubú dimáan. Ta anaány nudiguádábaan niɔy nás. 12Númén nudiádáb gɛsɛgɛl inuɔ́yɔnɔ́ manda má gus, nanyá nuganuádáb manda ma muana e? 13Ta mɔnd umányɛ ɔdɛbɔ́lɛ́g ugumuana, asiá Mɔɔn wá mɔnd umóolín kɔ́. 14Nɛnam nímoom Moyíso mébúlígí nnyɔ́k ya gɛkɔ́ŋ agá bɔdɛ́d agá giɔ́lɔ, anaány buófonó ká bébúlígi Mɔɔn wá mɔnd ugumuana, 15ká mɔnd gidigid wádábaná wɔ́ bia gusɔ́d gá medug mem. 16Gɔdányá malɛ́g band bá gus táaa, uwéŋin ímoósió yág yá Mɔɔn, ká mɔnd gidigid wádábaná wɔ́ dinyim, údáŋáb gusɔ́d gá kand nɛmanɛ́ná. 17Gɔdányá dɛmadɔ́m Mɔɔn wág egegus ká wágaan band agá gɛgua, umadɔ́m wɔ́ ká úsódi bɔ́. 18Mɔnd wádábaná Mɔɔn dɛbá agá gɛgua, ewe udiádábáná wɔ́ ganyɛ agá gɛgua gágual ká udɛmáadáb ímoósió yá Mɔɔn wá Gɔdányá. 19Band nyɛ na gɛgua agá eŋís yá Gɔdányá góbusió ká: Anyɛ́ gise móol egegus, band ebébíléne mbíné gudɔ́mb gise gágual ká biélínyelínyé bɔ́b mabá bɔbɛ. 20Mɔnd gidigid walaná bɔbɛ gúfɛma gise, udɛbá bágɔɔb agá másiá má gɛ́, góbusió ká unyɛ na buwa ká biád bág bá bielínyélínyé gadambɔg. 21Mɔnd gidigid wɔyɔnɔ́ meliŋítas guúlen agá gise ká bánaán geŋulugeŋul ká manda walaná gúlumenen na mbɛ́dágɛ́dɛ́n yá Gɔdányá.»
Na Yésu na Sáŋa
22Agá gélem ány, Yésu na bafɔ́nɔfɔ́n bág gɔb agá giéns gá gus gá Yudé, abábábɛd kɔ́, uweduenen band. 23Sáŋa mabá uduenen band agá kɔɔ́m bábɛ́laná ká Enɔ́ŋɔ, egúy na Salime kɔɔ́m madɛ́ga nyá giod. Band mabaán kɔ́, uweduenen bɔ́. 24Bámabá bámányɛ bédífúgín Sáŋa agá gians gá mbíne. 25Nségié iyagua góbusió bá gɛsɔgɔna na mɔɔn wa Beyúdɛn, na bafɔ́nɔfɔ́n bá Sáŋa. 26Oboól kɔɔ́m Sáŋa máabá, bágányɛ gág ká: «Lábi, mɔnd amáabá nág negúné wa Yuludɛ́ŋ, mɔnd eméelí gɛ́laluá gág góbusió, ɔdiɔ́b ká uganyá guduenin e! Nɛ́nuán Band gidigid gúbaan agagá.» 27Uwondinyi bɔ́ ká: «Mɔnd dɛbá bágubia ta buanda Gɔdányá meén udɛfá wɔ́. 28Banuá muát nunyɛ bél bɛ́laluá bám ká nsɔyɛd ká: “Yaŋuá ndɛbá Kilíse, inyɛ ewe bámáadɔ́m agág góbusió.” 29Muát agánd nyɛ ɔnɛ́m, agá giáy gɛ́lɛ́ŋaná ogúl wa ɔnɛ́m gɔg, ogúl uwaány gúdélímen ány agá masiá má muát agánd, ubɛ́dɔ́lɛ́gɔn wɔ́, ekelu wa ɔnɛ́m gúfuógonyi wɔ́ na bɛdɔdɛn, anaány ɔdɛm wám nyá ofuógón na bɛdɔdɛn. 30Búguófoon ká bugaga bág gúman, bám ónigoon.
Mɔnd wúleniné ugumuana
31«Mɔnd wúleniné ugumuana nyɛ gianta gudɔ́mb band gidigid. Ewe unyá wa gus guɔ́bɔnɛn gus, wond ugála manda má gus. Ewe wúleniné ugumuana gúmányɛ́ganɛn buanda gidigid. 32Uguɔ́yɔ buanda ubú uságuán na ubú usɔ́guɔ́b, ta nɔ́ mɔnd dɛguádábaan ubú wɔyɔnɔ. 33Mɔnd umánuádáb buóny ubú wɔyɔnɔ gúdiyenyi ká Gɔdányá nyɛ́ meliŋítas. 34Mɔnd Gɔdányá máadɔ́m guɔ́yɔ moóny má Gɔdányá gágual ká Gɔdányá guála ká Ɛsámb yá Mefúny bá aga mɔnd uwaány busió bum. 35Sié Gúbíléne Mɔɔn, kányɛ uméeŋín wɔ́ buanda gidigid. 36Mɔnd wádábaná Mɔɔn gúbianan gusɔ́d gugɔ́s gá medug mem. Ewe udiádábáná Mɔɔn dɛ́núbia gusɔ́d, ilób yá Gɔdányá ɔ́núlɔ́bɛn agagá.»
ទើបបានជ្រើសរើសហើយ៖
Sáŋa 3: MMU2
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Sáŋa 3
3
Na Yésu na Nikodɛ́ma guɔ́yɔ moóny
1Agá ɔlɔŋ wá Bafalisiɛ́ŋ, ɔgɔn wa Beyúdɛn omodió mabá kɔ́ ɔfɛ́n ká Nikodɛ́ma. 2Uwɔb agá Yésu na budug, uganyɛ gág ká: «Ofúnyifúny, dɛgɔ́lɛnsan ká anyɛ ofúnyifúny ɔwɔ́ Gɔdányá máadɔ́m. Gágual ká ta mɔnd udɛbá báguala mesey ɔmɔ́ alaná, Gɔdányá máal ɔdɛbá naga.» 3Yésu guondinyi wɔ́ ká: «Agá meliŋítas, ngúguɔyɔɔn ká, mɔnd máal udibíbién nubiényé nugɔ́s, udɛbá báguán Bufuŋ bá Gɔdányá.» 4Uganyɛ gá Yésu ká: «Mɔnd ganyɛ gilunu, nanyá unyá báguand gubíbién gɛsɛgɛl uganyá gilunu e? Unyɛ wa guand gúbíŋín agá dúna dá inyódió ká úbíbién e?» 5Yésu guondinyi wɔ́ ká: «Agá meliŋítas, ngúguɔyɔɔn ká mɔnd dɛbá bégúbíŋín agá Bufuŋ bá Gɔdányá umáal udibíbién agá madɛ́ga na agá Ɛsámb yá Mefúny. 6Mɔnd ubíbiénené anyɛ́ dibíbiénené, nyɛ mɔnd. Ubú Ɛsámb yá Mefúny biénené nyɛ mefúny. 7Ediméŋeméŋ gágual ká imɔ́guɔyɛ́dɛ́n ká: “Nugúbianan ká núbíbién gá gándɛ”. 8Ofufuny gúfiŋile kɔɔ́m úbílénené, ɔ́bɔɔ́n giduŋul gág, adɛlɛ́nsɛ nílín ná wɔ́, ta kɔɔ́m wɔ́baná. Anaány gɔg búnyá na ewé uménúbíbién agá Mefúny má Gɔdányá.» 9Nikodɛ́ma ganyɛ gág ká: «Nanyá búnyá wagubiál e?» 10Yésu guondinyi wɔ́ ká: «Gianta gá gigúmín gá ofúnyifúny anyɛ aŋuá agá gus gá Ísalayɛ́la, adɛgɔ́lɛnsan buanda ubuány e? 11Agá meliŋítas ngúguɔyɔɔn ká: diguɔ́yɔ ubú dɛlɛnsaná, diond diɔyɔ bese na bese ubú dimáan. Ta anaány nudiguádábaan niɔy nás. 12Númén nudiádáb gɛsɛgɛl inuɔ́yɔnɔ́ manda má gus, nanyá nuganuádáb manda ma muana e? 13Ta mɔnd umányɛ ɔdɛbɔ́lɛ́g ugumuana, asiá Mɔɔn wá mɔnd umóolín kɔ́. 14Nɛnam nímoom Moyíso mébúlígí nnyɔ́k ya gɛkɔ́ŋ agá bɔdɛ́d agá giɔ́lɔ, anaány buófonó ká bébúlígi Mɔɔn wá mɔnd ugumuana, 15ká mɔnd gidigid wádábaná wɔ́ bia gusɔ́d gá medug mem. 16Gɔdányá malɛ́g band bá gus táaa, uwéŋin ímoósió yág yá Mɔɔn, ká mɔnd gidigid wádábaná wɔ́ dinyim, údáŋáb gusɔ́d gá kand nɛmanɛ́ná. 17Gɔdányá dɛmadɔ́m Mɔɔn wág egegus ká wágaan band agá gɛgua, umadɔ́m wɔ́ ká úsódi bɔ́. 18Mɔnd wádábaná Mɔɔn dɛbá agá gɛgua, ewe udiádábáná wɔ́ ganyɛ agá gɛgua gágual ká udɛmáadáb ímoósió yá Mɔɔn wá Gɔdányá. 19Band nyɛ na gɛgua agá eŋís yá Gɔdányá góbusió ká: Anyɛ́ gise móol egegus, band ebébíléne mbíné gudɔ́mb gise gágual ká biélínyelínyé bɔ́b mabá bɔbɛ. 20Mɔnd gidigid walaná bɔbɛ gúfɛma gise, udɛbá bágɔɔb agá másiá má gɛ́, góbusió ká unyɛ na buwa ká biád bág bá bielínyélínyé gadambɔg. 21Mɔnd gidigid wɔyɔnɔ́ meliŋítas guúlen agá gise ká bánaán geŋulugeŋul ká manda walaná gúlumenen na mbɛ́dágɛ́dɛ́n yá Gɔdányá.»
Na Yésu na Sáŋa
22Agá gélem ány, Yésu na bafɔ́nɔfɔ́n bág gɔb agá giéns gá gus gá Yudé, abábábɛd kɔ́, uweduenen band. 23Sáŋa mabá uduenen band agá kɔɔ́m bábɛ́laná ká Enɔ́ŋɔ, egúy na Salime kɔɔ́m madɛ́ga nyá giod. Band mabaán kɔ́, uweduenen bɔ́. 24Bámabá bámányɛ bédífúgín Sáŋa agá gians gá mbíne. 25Nségié iyagua góbusió bá gɛsɔgɔna na mɔɔn wa Beyúdɛn, na bafɔ́nɔfɔ́n bá Sáŋa. 26Oboól kɔɔ́m Sáŋa máabá, bágányɛ gág ká: «Lábi, mɔnd amáabá nág negúné wa Yuludɛ́ŋ, mɔnd eméelí gɛ́laluá gág góbusió, ɔdiɔ́b ká uganyá guduenin e! Nɛ́nuán Band gidigid gúbaan agagá.» 27Uwondinyi bɔ́ ká: «Mɔnd dɛbá bágubia ta buanda Gɔdányá meén udɛfá wɔ́. 28Banuá muát nunyɛ bél bɛ́laluá bám ká nsɔyɛd ká: “Yaŋuá ndɛbá Kilíse, inyɛ ewe bámáadɔ́m agág góbusió.” 29Muát agánd nyɛ ɔnɛ́m, agá giáy gɛ́lɛ́ŋaná ogúl wa ɔnɛ́m gɔg, ogúl uwaány gúdélímen ány agá masiá má muát agánd, ubɛ́dɔ́lɛ́gɔn wɔ́, ekelu wa ɔnɛ́m gúfuógonyi wɔ́ na bɛdɔdɛn, anaány ɔdɛm wám nyá ofuógón na bɛdɔdɛn. 30Búguófoon ká bugaga bág gúman, bám ónigoon.
Mɔnd wúleniné ugumuana
31«Mɔnd wúleniné ugumuana nyɛ gianta gudɔ́mb band gidigid. Ewe unyá wa gus guɔ́bɔnɛn gus, wond ugála manda má gus. Ewe wúleniné ugumuana gúmányɛ́ganɛn buanda gidigid. 32Uguɔ́yɔ buanda ubú uságuán na ubú usɔ́guɔ́b, ta nɔ́ mɔnd dɛguádábaan ubú wɔyɔnɔ. 33Mɔnd umánuádáb buóny ubú wɔyɔnɔ gúdiyenyi ká Gɔdányá nyɛ́ meliŋítas. 34Mɔnd Gɔdányá máadɔ́m guɔ́yɔ moóny má Gɔdányá gágual ká Gɔdányá guála ká Ɛsámb yá Mefúny bá aga mɔnd uwaány busió bum. 35Sié Gúbíléne Mɔɔn, kányɛ uméeŋín wɔ́ buanda gidigid. 36Mɔnd wádábaná Mɔɔn gúbianan gusɔ́d gugɔ́s gá medug mem. Ewe udiádábáná Mɔɔn dɛ́núbia gusɔ́d, ilób yá Gɔdányá ɔ́núlɔ́bɛn agagá.»
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល