Sáŋa 18
18
Giadɛgɛna gá Yésu
(Mat 26.47-56; Mál 14.43-50; Lúk 22.47-53)
1Yésu máal úmágála anaány, uwɔb na bafɔ́nɔfɔ́n bág negúné wa onyimbi wá Sedelɔ́ŋ; gisién mabá kɔ́, uwebíŋín kɔ́ na bafɔ́nɔfɔ́n bág. 2Nánié Yúdasa umáabá ká ugedú wɔ́ malɛnsaán kɔɔ́m agany, gágual ká Yésu mabá wubaan kɔ́ nɔbɔ. 3Yúdasa mabá agá ɔduɔ́ wá ɔlɔŋ wá giŋi gá musia na begiíg, abáb agá gisién. Musia umuány na begiíg, bɔgɔ́gɔ na ɛdɔg yá Bafalisiɛ́ŋ múmáadɔ́m bɔ́; bámabaán kɔ́ na mukémbúny, na balámba, na malaŋ má bide. 4Yésu umáabá ulɛnsaan buánd gidigid búmáabá báguámɛ́n wɔ́, gubɛ́nyɛkɛnɛn bɔ́ uganyɛ ká: «Ányá nuambaná?» 5Bágányɛ gág ká: «Yésu wa Násalɛd.» Uwɔ́ guondinyi bɔ́ ká: «Yaŋuá wɔ́.» Yúdasa umáabá ká ugegúdú Yésu mabá ɔlɔŋ nɔbɔ. 6Yésu máal úmɔ́yɛd gɔ́b ká: «Yaŋuá wɔ́», obóndoon na gélem, abáguanan. 7Uwand guófún bɔ́ ká: «Ányá nuambana e?» Obóndinyi ká: «Yésu wa Násalɛd.» 8Uwondinyi bɔ́ ká: «Nsaal gán ká yaŋuá waád ewe. Ímábá yaŋuá nuambaná, ánɔnɛɛ́n bɔsɔ́gɔ́ ebe bádɔ́mb.» 9Anaány gugál gá Yésu umáagálá mábiánán ká gúbífuógidonyi, umɔyɛ́d ká: «Ndiígunyími ta omoom wa ebe amáamfá.» 10Símune Piéle gusɔmɔn yɔ́nɔnɔ yá bide umáabiánán, uwádɛ́n eŋél buol wa ɔgɔ́gɔ uwɔgɔn, uwafálɔ́n wɔ́ odú wá ɔmbɔ́g ɔnɛ́m. Eŋél buol uwaány mabá ɔfɛ́n ká Malacúse. 11Yésu ganyɛ gá Piéle ká: «Ondí yɔ́nɔnɔ yɔ́w yá bide agá gɛ́bágál. Agúbɛ́dága ká endeŋe wá guɔ́bɛ́g Babá máamfá ngɔgúbɛ́nɔɔn wɔ e?» 12Giŋi gá musia na ɔgɔ́n wɔbɔ na begiíg bá bagɔn bá Beyúdɛn guadɛgɛn gɔg Yésu abágɔ́d wɔ́.
Bámabán Yésu agá Ána, ɔgɔ́gɔ uwɔgɔn
13Abákɛn gɔban Yésu aga mɔnd bábɛ́laná ká Ána. Ána uwaány mabá oŋini wá Kayífe, ɔwɔ́ umáabá ɔgɔ́gɔ ɔwɔgɔ́n yɔŋ iyaány. 14Nánié Kayífe waád uwaány uméeŋín Beyúdɛn ɛsɔ́m ká: Búnyɛ́ bese gán góbúsió ká mɔnd omoom gú góbúsió bá nigúl gidigid.
(Mat 26.69-70; Mál 14.66-68; Lúk 22.55-57)
15Símune Piéle na ɔfɔ́nɔfɔ́n omodió mabá báládaan Yésu. Ɔgɔ́gɔ uwɔgɔn malɛnsaán ɔfɔ́nɔfɔ́n uwaány, buád buanda uméebíŋín ɔlɔŋ na Yésu agá ɔɔ́nd wá mɔnd uwaány. 16Piéle mɔlɔbɛ́n agá ɔɔ́nd, egúy na niíd ná gians; ɔfɔ́nɔfɔ́n uwaány bámálɛnsánɛ́n na ɔgɔ́gɔ uwɔgɔ́n guám, uwagálɛ́d gá agánd umáabá ogiíg agá nibíŋínín uwond uwebíŋínyi Piéle. 17Agánd uwaány ganyɛ gá Piéle ká: «Anyɛ sɔ́n ɔfɔ́nɔfɔ́n omodió wa mɔnd ewe e?» Uwondinyi ká: «Ágó ta buandá!» 18Bel buol na begiíg mabá bébiésébe yoóg bámáafuán gágual ká niyo mabá kɔ́; Piéle sɔ́n mabá kɔ́ nɔ́bɔ ubiésébe.
(Mat 26.59-66; Mál 14.55-64; Lúk 22.66-71)
19Ɔgɔ́gɔ uwɔgɔn gudúm guófoón Yésu iŋófuny gá giáy gɛ́lɛ́ŋaná bafɔ́nɔfɔ́n bág na gufúnyifunyi umáabá ufúnyifunyi. 20Uwondinyi ká: «Saá agá niɔs imáagálá gá band, gɛsɛgɛl gidigid imáabá mfúnyifunyi agá bians bás bá mbísógól na agá ɔnyɛb wá Gɔdányá, kɔɔ́m ɔgɔ́ Beyúdɛn gidigid bígɔ́sɛ́gananá, ndimɔyɛd buanda agá niɔs. 21Gá giág oŋófonó iŋófúny? Ófoón band bɔ́mɔ́ɔbɛ́dɔ́lɛ́gɔɔ́n manda imɔ́ɔyɔɔ́n bɔ́: Manda imɔ́ɔyɔɔ́n bɔ́, bágúlɛnsaan mɔ́ bese na bese.» 22Agá gugál gá Yésu uguány, ogiíg omodió uwasáb wɔ́ ɔmbɛ́l, uwɔyɛd ká: «Anaány ondinonyó ɔgɔ́gɔ uwɔgɔ́n e?» 23Yésu guondinyi ká: «Ímábá imágálɛ́d bɔbɛ, díyé bɔbɛ buád, ímábá imágálɛ́d bese, gá giág engidené?» 24Agá gugál uguány, Ána uwɔyɛd ká bábaan Yésu agá Kayífe ɔgɔ́gɔ uwɔgɔn. Yésu mabá umányɛ agúdán.
Piéle maánd gɔ́bɛ́sáŋɔ́n Yésu
(Mat 26.71-75; Mál 14.69-72; Lúk 22.58-62)
25Gɛsɛgɛl igiány Símune Piéle mabá umaányá gúbiésébe. Bágányɛ gág ká: «Aŋuá sɔ́n anyɛ ɔfɔ́nɔfɔ́n waga wa omoom.» Piéle gusáŋɔ́n uganyɛ ká: «Ágó ta buandá!» 26Eŋél buol ondodió wa ɔgɔ́gɔ mabá ány, umabá bulimen na mɔnd Piéle máasɔ́mb odú, uganyɛ ká: «Nsaguán agá gisién na Yésu ɔgɔ́ ɔ?» 27Piéle guand gubɛ́sáŋɔ́n. Kɔ́ na kɔ́, gided igiédúmbi gudádɛ́d.
Bámábán Yésu agá Piláta
(Mat 27.1-2,11-14; Mál 15.1-5; Lúk 23.1-5)
28Abádɔg tútútú aga Kayífe na Yésu gá gɔban wɔ́ aga ngɔ́mɔnɔ wa Lɔ́m. Bámáal náguámá, bédimebíŋín agá nuyá ná ofuŋ, gágual ká ímábá bémebíŋíní, bádimabá báguand gubá begubeg, bámambá gunyá sɔ́n budɔ́mb bá Pásika. 29Ngɔ́mɔnɔ Piláta guám uwɔsifuɔ́g bɔ́ agá ɔɔ́nd uganyɛ ká: «Giág gá bɔbɛ nusɔ́mɔnɔ́ mɔnd uwaány gá gɛ́ e?» 30Obóndinyi ká: «Ímábá udɛmaál buanda bá bɔbɛ gesí dimoól nága aya ká dísiguéŋín wɔ e?» 31Uganyɛ gɔ́b gɔg ká: «Ɔnugɔ́l wɔ́ nɔ́b nuégélényí wɔ́ banuá muát anyɛ́ bisele bán ɔ́yɔnɔ́.» Beyudɛn ganyɛ gág ká: «Bádɛmadɛ́fá bugaga bágual ká diɔ́n mɔnd!» 32Anaány gɔg gugál gá Yésu maábiánán ká gúbífuógidonyi gá gúdíye nɛnama ná nigú umáabiánán úgú. 33Piláta guond agá gians. Uwaal gá musia ká múlén Yésu, uwófún wɔ́ ká: «Anyɛ ofuŋ wá Beyúdɛn e?» 34Yésu guondinyi wɔ́ ká: «Ɔgúbiɔ́yɔɔn bú aŋuá muát e, ɔ́gɔ ká band bómodió bányá guguɔyɔɔn buanda inyá e?» 35Uwɔ́ guondinyi wɔ́ ká: «Bɔ́gúguɔyɔɔn ká yaŋuá inyɛ Yúdɛn e, giág aságual buɔw na bɔgɔ́gɔ béseégusigudú agamia e?» 36Uwondinyi ká: «Bufuŋ bám dɛbá bá gus egue. Ímábá bufuŋ bám nyɛ bá gus egue, gesí bél buol bám sanuanan ká bédindú agá ɛmbɔ́g sá bagɔn bá Beyúdɛn. Ágó, bufuŋ bám dɛbá bá gus egue.» 37Piláta ganyɛ gág gɔg ká: «Anaány gúnyá ká anyɛ ofuŋ e?» Uwondinyi wɔ́ ká: «Aŋuá ɔyɔnɔ́ ká inyɛ ofuŋ#18.37 Bunyɛ buɔyɛ́dɔ́n kɔɔ́m gómodio: Ɔguɔyɔ, inyɛ ofuŋ. Imebíbién iyond iyiíl egegus ká mbá eŋél gɛ́laluá wa meliŋítas. Mɔnd gidigid wɔyɔnɔ́ manda mányá meliŋítas gúgɔ́lɔɔ́n gɛsɛgɛl na gugál gám.» 38Uwófún Yésu ká: «Giág gínyá meliŋítas e?»
Giŋi gá band gúnɔdigɔnɔn ká bɔɔ́n Yésu
(Mat 27.15-31; Mál 15.6-20; Lúk 23.13-25)
Bámáal bámágála anaány, uwand guám uwɔnɔfuɔ́g bagɔn bá Beyúdɛn, uganyɛ gɔ́b ká: «Ndimaán gifondi ta gímoom gífúdenyé mɔnd ewe. 39Sig yɔŋ gɛsɛgɛl gá Pásika, nganyɛ inuémínyi mɔnd agá gians gá mbíne. Nuguámba ká ínuémínyi ofuŋ wá Beyúdɛn e?» 40Obóndinyi wɔ́ ká: «Ágó, saá uwaány! Balábasa diambaná!» Nánié Balábasa waád mabá gɛmbuánsɛl.
ទើបបានជ្រើសរើសហើយ៖
Sáŋa 18: MMU2
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Sáŋa 18
18
Giadɛgɛna gá Yésu
(Mat 26.47-56; Mál 14.43-50; Lúk 22.47-53)
1Yésu máal úmágála anaány, uwɔb na bafɔ́nɔfɔ́n bág negúné wa onyimbi wá Sedelɔ́ŋ; gisién mabá kɔ́, uwebíŋín kɔ́ na bafɔ́nɔfɔ́n bág. 2Nánié Yúdasa umáabá ká ugedú wɔ́ malɛnsaán kɔɔ́m agany, gágual ká Yésu mabá wubaan kɔ́ nɔbɔ. 3Yúdasa mabá agá ɔduɔ́ wá ɔlɔŋ wá giŋi gá musia na begiíg, abáb agá gisién. Musia umuány na begiíg, bɔgɔ́gɔ na ɛdɔg yá Bafalisiɛ́ŋ múmáadɔ́m bɔ́; bámabaán kɔ́ na mukémbúny, na balámba, na malaŋ má bide. 4Yésu umáabá ulɛnsaan buánd gidigid búmáabá báguámɛ́n wɔ́, gubɛ́nyɛkɛnɛn bɔ́ uganyɛ ká: «Ányá nuambaná?» 5Bágányɛ gág ká: «Yésu wa Násalɛd.» Uwɔ́ guondinyi bɔ́ ká: «Yaŋuá wɔ́.» Yúdasa umáabá ká ugegúdú Yésu mabá ɔlɔŋ nɔbɔ. 6Yésu máal úmɔ́yɛd gɔ́b ká: «Yaŋuá wɔ́», obóndoon na gélem, abáguanan. 7Uwand guófún bɔ́ ká: «Ányá nuambana e?» Obóndinyi ká: «Yésu wa Násalɛd.» 8Uwondinyi bɔ́ ká: «Nsaal gán ká yaŋuá waád ewe. Ímábá yaŋuá nuambaná, ánɔnɛɛ́n bɔsɔ́gɔ́ ebe bádɔ́mb.» 9Anaány gugál gá Yésu umáagálá mábiánán ká gúbífuógidonyi, umɔyɛ́d ká: «Ndiígunyími ta omoom wa ebe amáamfá.» 10Símune Piéle gusɔmɔn yɔ́nɔnɔ yá bide umáabiánán, uwádɛ́n eŋél buol wa ɔgɔ́gɔ uwɔgɔn, uwafálɔ́n wɔ́ odú wá ɔmbɔ́g ɔnɛ́m. Eŋél buol uwaány mabá ɔfɛ́n ká Malacúse. 11Yésu ganyɛ gá Piéle ká: «Ondí yɔ́nɔnɔ yɔ́w yá bide agá gɛ́bágál. Agúbɛ́dága ká endeŋe wá guɔ́bɛ́g Babá máamfá ngɔgúbɛ́nɔɔn wɔ e?» 12Giŋi gá musia na ɔgɔ́n wɔbɔ na begiíg bá bagɔn bá Beyúdɛn guadɛgɛn gɔg Yésu abágɔ́d wɔ́.
Bámabán Yésu agá Ána, ɔgɔ́gɔ uwɔgɔn
13Abákɛn gɔban Yésu aga mɔnd bábɛ́laná ká Ána. Ána uwaány mabá oŋini wá Kayífe, ɔwɔ́ umáabá ɔgɔ́gɔ ɔwɔgɔ́n yɔŋ iyaány. 14Nánié Kayífe waád uwaány uméeŋín Beyúdɛn ɛsɔ́m ká: Búnyɛ́ bese gán góbúsió ká mɔnd omoom gú góbúsió bá nigúl gidigid.
(Mat 26.69-70; Mál 14.66-68; Lúk 22.55-57)
15Símune Piéle na ɔfɔ́nɔfɔ́n omodió mabá báládaan Yésu. Ɔgɔ́gɔ uwɔgɔn malɛnsaán ɔfɔ́nɔfɔ́n uwaány, buád buanda uméebíŋín ɔlɔŋ na Yésu agá ɔɔ́nd wá mɔnd uwaány. 16Piéle mɔlɔbɛ́n agá ɔɔ́nd, egúy na niíd ná gians; ɔfɔ́nɔfɔ́n uwaány bámálɛnsánɛ́n na ɔgɔ́gɔ uwɔgɔ́n guám, uwagálɛ́d gá agánd umáabá ogiíg agá nibíŋínín uwond uwebíŋínyi Piéle. 17Agánd uwaány ganyɛ gá Piéle ká: «Anyɛ sɔ́n ɔfɔ́nɔfɔ́n omodió wa mɔnd ewe e?» Uwondinyi ká: «Ágó ta buandá!» 18Bel buol na begiíg mabá bébiésébe yoóg bámáafuán gágual ká niyo mabá kɔ́; Piéle sɔ́n mabá kɔ́ nɔ́bɔ ubiésébe.
(Mat 26.59-66; Mál 14.55-64; Lúk 22.66-71)
19Ɔgɔ́gɔ uwɔgɔn gudúm guófoón Yésu iŋófuny gá giáy gɛ́lɛ́ŋaná bafɔ́nɔfɔ́n bág na gufúnyifunyi umáabá ufúnyifunyi. 20Uwondinyi ká: «Saá agá niɔs imáagálá gá band, gɛsɛgɛl gidigid imáabá mfúnyifunyi agá bians bás bá mbísógól na agá ɔnyɛb wá Gɔdányá, kɔɔ́m ɔgɔ́ Beyúdɛn gidigid bígɔ́sɛ́gananá, ndimɔyɛd buanda agá niɔs. 21Gá giág oŋófonó iŋófúny? Ófoón band bɔ́mɔ́ɔbɛ́dɔ́lɛ́gɔɔ́n manda imɔ́ɔyɔɔ́n bɔ́: Manda imɔ́ɔyɔɔ́n bɔ́, bágúlɛnsaan mɔ́ bese na bese.» 22Agá gugál gá Yésu uguány, ogiíg omodió uwasáb wɔ́ ɔmbɛ́l, uwɔyɛd ká: «Anaány ondinonyó ɔgɔ́gɔ uwɔgɔ́n e?» 23Yésu guondinyi ká: «Ímábá imágálɛ́d bɔbɛ, díyé bɔbɛ buád, ímábá imágálɛ́d bese, gá giág engidené?» 24Agá gugál uguány, Ána uwɔyɛd ká bábaan Yésu agá Kayífe ɔgɔ́gɔ uwɔgɔn. Yésu mabá umányɛ agúdán.
Piéle maánd gɔ́bɛ́sáŋɔ́n Yésu
(Mat 26.71-75; Mál 14.69-72; Lúk 22.58-62)
25Gɛsɛgɛl igiány Símune Piéle mabá umaányá gúbiésébe. Bágányɛ gág ká: «Aŋuá sɔ́n anyɛ ɔfɔ́nɔfɔ́n waga wa omoom.» Piéle gusáŋɔ́n uganyɛ ká: «Ágó ta buandá!» 26Eŋél buol ondodió wa ɔgɔ́gɔ mabá ány, umabá bulimen na mɔnd Piéle máasɔ́mb odú, uganyɛ ká: «Nsaguán agá gisién na Yésu ɔgɔ́ ɔ?» 27Piéle guand gubɛ́sáŋɔ́n. Kɔ́ na kɔ́, gided igiédúmbi gudádɛ́d.
Bámábán Yésu agá Piláta
(Mat 27.1-2,11-14; Mál 15.1-5; Lúk 23.1-5)
28Abádɔg tútútú aga Kayífe na Yésu gá gɔban wɔ́ aga ngɔ́mɔnɔ wa Lɔ́m. Bámáal náguámá, bédimebíŋín agá nuyá ná ofuŋ, gágual ká ímábá bémebíŋíní, bádimabá báguand gubá begubeg, bámambá gunyá sɔ́n budɔ́mb bá Pásika. 29Ngɔ́mɔnɔ Piláta guám uwɔsifuɔ́g bɔ́ agá ɔɔ́nd uganyɛ ká: «Giág gá bɔbɛ nusɔ́mɔnɔ́ mɔnd uwaány gá gɛ́ e?» 30Obóndinyi ká: «Ímábá udɛmaál buanda bá bɔbɛ gesí dimoól nága aya ká dísiguéŋín wɔ e?» 31Uganyɛ gɔ́b gɔg ká: «Ɔnugɔ́l wɔ́ nɔ́b nuégélényí wɔ́ banuá muát anyɛ́ bisele bán ɔ́yɔnɔ́.» Beyudɛn ganyɛ gág ká: «Bádɛmadɛ́fá bugaga bágual ká diɔ́n mɔnd!» 32Anaány gɔg gugál gá Yésu maábiánán ká gúbífuógidonyi gá gúdíye nɛnama ná nigú umáabiánán úgú. 33Piláta guond agá gians. Uwaal gá musia ká múlén Yésu, uwófún wɔ́ ká: «Anyɛ ofuŋ wá Beyúdɛn e?» 34Yésu guondinyi wɔ́ ká: «Ɔgúbiɔ́yɔɔn bú aŋuá muát e, ɔ́gɔ ká band bómodió bányá guguɔyɔɔn buanda inyá e?» 35Uwɔ́ guondinyi wɔ́ ká: «Bɔ́gúguɔyɔɔn ká yaŋuá inyɛ Yúdɛn e, giág aságual buɔw na bɔgɔ́gɔ béseégusigudú agamia e?» 36Uwondinyi ká: «Bufuŋ bám dɛbá bá gus egue. Ímábá bufuŋ bám nyɛ bá gus egue, gesí bél buol bám sanuanan ká bédindú agá ɛmbɔ́g sá bagɔn bá Beyúdɛn. Ágó, bufuŋ bám dɛbá bá gus egue.» 37Piláta ganyɛ gág gɔg ká: «Anaány gúnyá ká anyɛ ofuŋ e?» Uwondinyi wɔ́ ká: «Aŋuá ɔyɔnɔ́ ká inyɛ ofuŋ#18.37 Bunyɛ buɔyɛ́dɔ́n kɔɔ́m gómodio: Ɔguɔyɔ, inyɛ ofuŋ. Imebíbién iyond iyiíl egegus ká mbá eŋél gɛ́laluá wa meliŋítas. Mɔnd gidigid wɔyɔnɔ́ manda mányá meliŋítas gúgɔ́lɔɔ́n gɛsɛgɛl na gugál gám.» 38Uwófún Yésu ká: «Giág gínyá meliŋítas e?»
Giŋi gá band gúnɔdigɔnɔn ká bɔɔ́n Yésu
(Mat 27.15-31; Mál 15.6-20; Lúk 23.13-25)
Bámáal bámágála anaány, uwand guám uwɔnɔfuɔ́g bagɔn bá Beyúdɛn, uganyɛ gɔ́b ká: «Ndimaán gifondi ta gímoom gífúdenyé mɔnd ewe. 39Sig yɔŋ gɛsɛgɛl gá Pásika, nganyɛ inuémínyi mɔnd agá gians gá mbíne. Nuguámba ká ínuémínyi ofuŋ wá Beyúdɛn e?» 40Obóndinyi wɔ́ ká: «Ágó, saá uwaány! Balábasa diambaná!» Nánié Balábasa waád mabá gɛmbuánsɛl.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល