Sáŋa 10
10
Nsab ya ogiíg bidug
1Yésu gɔb nobusió uganyɛ ká: «Gá meliŋítas ngúnuɔyɔɔn ká ewe udiébíŋéníné agá niíd ná ɔmɛndɛ wá bɛdɔ́mbá, ubíŋínin kɔɔ́m gómodió, unyɛ eŋéb, ɔwɔ́ nɔ́ gɛmbuánsɛl. 2Mɔnd gɔg ubíŋeniné agá niíd nyɛ ogiíg bɛdɔ́mbá. 3Ogiíg ɔmɛndɛ gúfuneen ononi bɛ́dɔmba niíd ná ɔmɛndɛ, bɛdɔ́mbá dámb idú gá gúbɛ́dɔ́lɛ́gɔɔn wɔ́, ugúbɛ́laan bɛdɔ́mbá bág gá ɛ́fɛ́n sɔ́b, wad guémi bɛ́. 4Umáman guémenyi bɛ́, usɔŋɔn, bidúm guládaan wɔ́ gágual ká bɛ́gɔ́lɛnsaan ekelu wág. 5Ta buɔ́s bɛ́dɛ́nɔ́lád eŋenyi; bɛgɔ́bɛ́nɔnɛn wɔ́ gɔg ayáyá gágual ká bɛ́dɛgɔ́lɛnsaan ekelu wág.» 6Bafalisiɛ́ŋ dɛmasɔ́ŋɔ́n gɔg ta buanda agá nsab iyaány umɔ́ɔyɛ́dɛ́n bɔ́. 7Uwɔb nobusió uganyɛ ká: «Gá meliŋítas yaŋuá inyá nibíŋinin ná ɔmɛndɛ wá bɛdɔ́mbá, 8bem bámákɛn guúl gám nyɛ beéb bɔ́bɔ sɔ́n bɛmbuánsɛl, ta anaány, bɛdɔ́mbá dɛmɔbɛ́dɔ́lɛ́gɛn bɔ́. 9Yaŋuá inyá nibíŋinin, mɔnd mébíŋinin agamia, ugɔsɔd; ugaba waám ubíŋín, ugond úbia magáwa má yɛlɛyɛl. 10Eŋéb guúleen kɔɔ́kɔ gá gúsiébén, gá guɔ́nɔnɛn na gúgada. Yaŋuá nguúl ká bɛdɔ́mbá dáŋáb gusɔ́d, gúdégin bɛ́. 11Yaŋuá inyɛ mbanda ogiíg bɛdɔ́mbá usɛnsɛgana gusɔ́d gág góbusió bá bɛdɔ́mbá bág. 12Mɔnd walaná buol góbúsió bá muonyi dɛbá mbanda ogiíg; bɛdɔ́mbá dɛbá bág. Gigúl mbál ménuúl, ubɛ́yɛ́bɛd bɛ́, ubɛ́nɔ, mbál sién ínyɔ́kɛ́n bɛdɔ́mbá yond isélémendi bɛ́. 13Mɔnd uwaány guála anaány góbúsió bá muonyi, bɛdɔ́mbá dɛgualaan wɔ́ ta buanda. 14Yaŋuá inyɛ mbanda ogiíg, ngúlɛnsan bɛdɔ́mbá, bɛ́bɛ́ sɔ́n bɛ́ŋlɛnsan, 15gɔɔ́gɔ anyɛ́ Babá áŋlɛnsaná, yaŋuá sɔ́n ɛlɛnsaan wɔ́, buád buanda yéŋené gusɔ́d gám góbusió bá bɛdɔ́mbá bám. 16Ngúbianan bɛdɔ́mbá kɔɔ́m góndodió bídiábáná agá gibugine egie; ngúbianan ká nsɛ́bíŋinyi bɛ́ aya, bíɔbɔɔ́n ekelu wám, bɛ́bá gɛnaŋ gímoom na ogiíg omoom. 17Babá gúmbíléne gágual ká nguéŋeen gusɔ́d gám nɛnama nɛ́nyá ká yánd gubia gú. 18Ta mɔnd udigɔŋɔɔ́n, asiá yaŋuá nganúbɛ́nɛn ká mɔnd ɔ́ŋɔɔ́n. Ngúbianan bugaga bégúbiéŋin ká bɔ́ŋɔɔ́n, yond mbianan bugaga báguanyɔg aga ebeguén. Búbú Babá máandɔ́m ká yaál.» 19Gugál gá Yésu uguány máal ká Beyúdɛn bá agá dusalasala. 20Giod ɔgɔ́b gá ɔlɔŋ mɔyɔ́ ká: «Unyɛ na giád gá gíliíndié, unyɛ ɔduɔ́duɔ, gá giág nubɛ́dɔ́lɛ́gɔnɔ́ wɔ́?» 21Bómodió ɔ́yɔ ká: «Mɔnd wa giád gá gíliíndié digúgála nɛnama enie. Giád gá gíliíndié dɛbá bágual ká bebúdebude ánaan.»
Bégúbise Yésu
22Budɔ́mb bágubɛ́dágɛd gidíye gá ɔnyɛb mabiálá Yelúsalɛm gɛsɛgɛl gá niyo. 23Yésu mabá wondonondon agá ɔnyɛb, buáy bá kɔɔ́m bábɛ́laná gɛlál gá Salomɔ́ŋɔ. 24Beyúdɛn ɔbɔ́bɔŋ Yésu, bágányɛ gág ká: «Guám niík ɔgɔnúlɔ́bɛn ta gudiɔ́yɛdɛn meliŋítas e? Ímábá anyɛ Kilíse, dídásɛ́dɛ́n bú.» 25Uganyɛ gɔ́b ká: «Nsaman gunuɔ́yɛdɛn bú, ta anaány, nudigúnŋádábaan. Manda ɔmɔ́ yalaná agá ɔfɛ́n wá Babá nyɛ gɛ́laluá gám. 26Banuá gɔg, nudɛguámba guádáb gaguál ká nudɛbá agá ɔlɔŋ wá bɛdɔ́mbá bám. 27Bɛdɔ́mba bám guɔ́bɔɔn buóny yɔyɔnɔ́; bɛ́gɔ́ŋládaan gágual ká ngúlɛnsan bɛ́. 28Nguéŋeen bɛ́ gusɔ́d gá kand nɛmanɛ́ná; bɛ́dɛɛ́nɔfɔ́f ta buɔ́s, mɔnd wɔguɔg bɛ́ agám gá ɛmbɔ́g dɛba. 29Babá umáamfá bɛ́ nyɛ gianta, ugúdɔ́mbaan manda mem, nɛnama nɛ́nyá ká ta mɔnd udɛbá bɔ́guɔg buanda agág gá ɛmbɔ́g. 30Nam na Bába dɛnyɛ mɔnd táŋ omoom.» 31Beyúdɛn abánd gubád adány ká bɔ́nɔnɔn wɔ́. 32Yésu ganyɛ gɔ́b gɔ́g ká: «Ngunúdíyenyi giod gá bɛ́nɔ́g bá manda bíleniné aga Babá. Gá manda amaány, búnúm nudálaná gɛɛ́mbɛ́n ká núŋétenyi adany e?» 33Bágányɛ gág ká: «Búdɛ́bá gá gɛ́nɔ́g gá buanda diambaná guguɔ́n na adany. Búnyɛ gágual ká agúsɛga Gɔdányá. Aŋuá anyɛ gɔɔ́gɔ mɔnd, ɔyɔ ká anyɛ Gɔdányá!» 34Yésu guondinyi bɔ́ ká: «Búdɛ́bá buɔ́ŋɔ́n agán gá bisele ká: Gɔdányá mɔyɛ́d ká Nunyɛ bagɔdányá e? 35Dɛgɔ́lɛnsaan ká bádɛ́bá beguéli buanda búnyá buɔ́ŋɔ́n agá ɛmbɔbɔnɔ siɔ́yɔnɔ́ moóny má Gɔdányá. Band ɔbɔ́ gugál gá Gɔdányá máalɛ́ŋá bɔ́, bɔ́bɔ́ ubɛ́laná ká bagɔdányá. 36Yaŋuá uwɔ́ Babá mɔ́ɔndɔ́bɔ́n, uwandɔ́m egegus. Nuguɔ́yɔ ká: “Agúsɛga Gɔdányá”, gágual ká nŋúbífínenyi ká inyɛ Mɔɔn waga. 37Ímábá ndiguála manda ɔmɔ́ Babá bílénené ká yála, nudiondí ɔdɛm gám! 38Ímála mɔ́gɔg, ta búbá ká nudiguóndonyi ɛdɛm gám, ónuondónyí ɛdɛm gá manda amaány, nɛnama nɛ́nyá ká, núlɛ́ns gɛsɛgɛl gímoom gá bɛ́sɛgɛl gidigid ká, Babá nyɛ agamia, yaŋuá agagá.» 39Abánd guambɛd ká bádɛgɛn wɔ́, uwɔbínɔɔn bɔ́. 40Yésu uwand guond néguné wa gɛsál gá Yuludɛ́ŋ, agá kɔɔ́m ɔgɔ́ Sáŋa máabanyɛ́g guduenin, uwagɛ́gɛd kɔ́. 41Band giod abábaan agagá bɔ́yɔ ká: «Búnyɛ́ nɔ́, Sáŋa dɛɛ́gual ta gisey gímoom, ta nɔ́, manda gidigid ɔmɔ́ umɔ́ɔyɔ́, málɛ́ŋaná mɔnd ewe nyɛ meliŋítas.» 42Ány giod gá band máag ɛdɛm sɔ́b aga Yésu.
ទើបបានជ្រើសរើសហើយ៖
Sáŋa 10: MMU2
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Sáŋa 10
10
Nsab ya ogiíg bidug
1Yésu gɔb nobusió uganyɛ ká: «Gá meliŋítas ngúnuɔyɔɔn ká ewe udiébíŋéníné agá niíd ná ɔmɛndɛ wá bɛdɔ́mbá, ubíŋínin kɔɔ́m gómodió, unyɛ eŋéb, ɔwɔ́ nɔ́ gɛmbuánsɛl. 2Mɔnd gɔg ubíŋeniné agá niíd nyɛ ogiíg bɛdɔ́mbá. 3Ogiíg ɔmɛndɛ gúfuneen ononi bɛ́dɔmba niíd ná ɔmɛndɛ, bɛdɔ́mbá dámb idú gá gúbɛ́dɔ́lɛ́gɔɔn wɔ́, ugúbɛ́laan bɛdɔ́mbá bág gá ɛ́fɛ́n sɔ́b, wad guémi bɛ́. 4Umáman guémenyi bɛ́, usɔŋɔn, bidúm guládaan wɔ́ gágual ká bɛ́gɔ́lɛnsaan ekelu wág. 5Ta buɔ́s bɛ́dɛ́nɔ́lád eŋenyi; bɛgɔ́bɛ́nɔnɛn wɔ́ gɔg ayáyá gágual ká bɛ́dɛgɔ́lɛnsaan ekelu wág.» 6Bafalisiɛ́ŋ dɛmasɔ́ŋɔ́n gɔg ta buanda agá nsab iyaány umɔ́ɔyɛ́dɛ́n bɔ́. 7Uwɔb nobusió uganyɛ ká: «Gá meliŋítas yaŋuá inyá nibíŋinin ná ɔmɛndɛ wá bɛdɔ́mbá, 8bem bámákɛn guúl gám nyɛ beéb bɔ́bɔ sɔ́n bɛmbuánsɛl, ta anaány, bɛdɔ́mbá dɛmɔbɛ́dɔ́lɛ́gɛn bɔ́. 9Yaŋuá inyá nibíŋinin, mɔnd mébíŋinin agamia, ugɔsɔd; ugaba waám ubíŋín, ugond úbia magáwa má yɛlɛyɛl. 10Eŋéb guúleen kɔɔ́kɔ gá gúsiébén, gá guɔ́nɔnɛn na gúgada. Yaŋuá nguúl ká bɛdɔ́mbá dáŋáb gusɔ́d, gúdégin bɛ́. 11Yaŋuá inyɛ mbanda ogiíg bɛdɔ́mbá usɛnsɛgana gusɔ́d gág góbusió bá bɛdɔ́mbá bág. 12Mɔnd walaná buol góbúsió bá muonyi dɛbá mbanda ogiíg; bɛdɔ́mbá dɛbá bág. Gigúl mbál ménuúl, ubɛ́yɛ́bɛd bɛ́, ubɛ́nɔ, mbál sién ínyɔ́kɛ́n bɛdɔ́mbá yond isélémendi bɛ́. 13Mɔnd uwaány guála anaány góbúsió bá muonyi, bɛdɔ́mbá dɛgualaan wɔ́ ta buanda. 14Yaŋuá inyɛ mbanda ogiíg, ngúlɛnsan bɛdɔ́mbá, bɛ́bɛ́ sɔ́n bɛ́ŋlɛnsan, 15gɔɔ́gɔ anyɛ́ Babá áŋlɛnsaná, yaŋuá sɔ́n ɛlɛnsaan wɔ́, buád buanda yéŋené gusɔ́d gám góbusió bá bɛdɔ́mbá bám. 16Ngúbianan bɛdɔ́mbá kɔɔ́m góndodió bídiábáná agá gibugine egie; ngúbianan ká nsɛ́bíŋinyi bɛ́ aya, bíɔbɔɔ́n ekelu wám, bɛ́bá gɛnaŋ gímoom na ogiíg omoom. 17Babá gúmbíléne gágual ká nguéŋeen gusɔ́d gám nɛnama nɛ́nyá ká yánd gubia gú. 18Ta mɔnd udigɔŋɔɔ́n, asiá yaŋuá nganúbɛ́nɛn ká mɔnd ɔ́ŋɔɔ́n. Ngúbianan bugaga bégúbiéŋin ká bɔ́ŋɔɔ́n, yond mbianan bugaga báguanyɔg aga ebeguén. Búbú Babá máandɔ́m ká yaál.» 19Gugál gá Yésu uguány máal ká Beyúdɛn bá agá dusalasala. 20Giod ɔgɔ́b gá ɔlɔŋ mɔyɔ́ ká: «Unyɛ na giád gá gíliíndié, unyɛ ɔduɔ́duɔ, gá giág nubɛ́dɔ́lɛ́gɔnɔ́ wɔ́?» 21Bómodió ɔ́yɔ ká: «Mɔnd wa giád gá gíliíndié digúgála nɛnama enie. Giád gá gíliíndié dɛbá bágual ká bebúdebude ánaan.»
Bégúbise Yésu
22Budɔ́mb bágubɛ́dágɛd gidíye gá ɔnyɛb mabiálá Yelúsalɛm gɛsɛgɛl gá niyo. 23Yésu mabá wondonondon agá ɔnyɛb, buáy bá kɔɔ́m bábɛ́laná gɛlál gá Salomɔ́ŋɔ. 24Beyúdɛn ɔbɔ́bɔŋ Yésu, bágányɛ gág ká: «Guám niík ɔgɔnúlɔ́bɛn ta gudiɔ́yɛdɛn meliŋítas e? Ímábá anyɛ Kilíse, dídásɛ́dɛ́n bú.» 25Uganyɛ gɔ́b ká: «Nsaman gunuɔ́yɛdɛn bú, ta anaány, nudigúnŋádábaan. Manda ɔmɔ́ yalaná agá ɔfɛ́n wá Babá nyɛ gɛ́laluá gám. 26Banuá gɔg, nudɛguámba guádáb gaguál ká nudɛbá agá ɔlɔŋ wá bɛdɔ́mbá bám. 27Bɛdɔ́mba bám guɔ́bɔɔn buóny yɔyɔnɔ́; bɛ́gɔ́ŋládaan gágual ká ngúlɛnsan bɛ́. 28Nguéŋeen bɛ́ gusɔ́d gá kand nɛmanɛ́ná; bɛ́dɛɛ́nɔfɔ́f ta buɔ́s, mɔnd wɔguɔg bɛ́ agám gá ɛmbɔ́g dɛba. 29Babá umáamfá bɛ́ nyɛ gianta, ugúdɔ́mbaan manda mem, nɛnama nɛ́nyá ká ta mɔnd udɛbá bɔ́guɔg buanda agág gá ɛmbɔ́g. 30Nam na Bába dɛnyɛ mɔnd táŋ omoom.» 31Beyúdɛn abánd gubád adány ká bɔ́nɔnɔn wɔ́. 32Yésu ganyɛ gɔ́b gɔ́g ká: «Ngunúdíyenyi giod gá bɛ́nɔ́g bá manda bíleniné aga Babá. Gá manda amaány, búnúm nudálaná gɛɛ́mbɛ́n ká núŋétenyi adany e?» 33Bágányɛ gág ká: «Búdɛ́bá gá gɛ́nɔ́g gá buanda diambaná guguɔ́n na adany. Búnyɛ gágual ká agúsɛga Gɔdányá. Aŋuá anyɛ gɔɔ́gɔ mɔnd, ɔyɔ ká anyɛ Gɔdányá!» 34Yésu guondinyi bɔ́ ká: «Búdɛ́bá buɔ́ŋɔ́n agán gá bisele ká: Gɔdányá mɔyɛ́d ká Nunyɛ bagɔdányá e? 35Dɛgɔ́lɛnsaan ká bádɛ́bá beguéli buanda búnyá buɔ́ŋɔ́n agá ɛmbɔbɔnɔ siɔ́yɔnɔ́ moóny má Gɔdányá. Band ɔbɔ́ gugál gá Gɔdányá máalɛ́ŋá bɔ́, bɔ́bɔ́ ubɛ́laná ká bagɔdányá. 36Yaŋuá uwɔ́ Babá mɔ́ɔndɔ́bɔ́n, uwandɔ́m egegus. Nuguɔ́yɔ ká: “Agúsɛga Gɔdányá”, gágual ká nŋúbífínenyi ká inyɛ Mɔɔn waga. 37Ímábá ndiguála manda ɔmɔ́ Babá bílénené ká yála, nudiondí ɔdɛm gám! 38Ímála mɔ́gɔg, ta búbá ká nudiguóndonyi ɛdɛm gám, ónuondónyí ɛdɛm gá manda amaány, nɛnama nɛ́nyá ká, núlɛ́ns gɛsɛgɛl gímoom gá bɛ́sɛgɛl gidigid ká, Babá nyɛ agamia, yaŋuá agagá.» 39Abánd guambɛd ká bádɛgɛn wɔ́, uwɔbínɔɔn bɔ́. 40Yésu uwand guond néguné wa gɛsál gá Yuludɛ́ŋ, agá kɔɔ́m ɔgɔ́ Sáŋa máabanyɛ́g guduenin, uwagɛ́gɛd kɔ́. 41Band giod abábaan agagá bɔ́yɔ ká: «Búnyɛ́ nɔ́, Sáŋa dɛɛ́gual ta gisey gímoom, ta nɔ́, manda gidigid ɔmɔ́ umɔ́ɔyɔ́, málɛ́ŋaná mɔnd ewe nyɛ meliŋítas.» 42Ány giod gá band máag ɛdɛm sɔ́b aga Yésu.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល