Galát 2
2
Pólo na bafɔ́nɔfɔ́n bóndodió Yelósalɛm
1Duɔŋ duát na dúní máal dúmádɔ́mb, iyand guond Yelúsalɛm ɔlɔŋ na Balanábas, na Títe sɔ́n. 2Mmóond kɔ́ góbúsió ká Gɔdányá máal gám ká, ɛmbɛ. Anyɛ́ imáab guege, nam na bagɔn idiɔbígɔ́gɛ́d, idial gilumen. Agá gilumén igiány, iyedúm guanɔnaan bɔ́ Ndág ya Nsɔ́m ɛyɛ́ yɔyɔnɔ́ ebe bádiábá Beyúdɛn. Ndimebíléne ká buol bám bá nsua ta bá nɛ́nuán gua agá madɛ́ga. 3Títe dimáabaán ɔlɔŋ naga mabá mɔɔn wá Bagɛlɛ́k. Bádɛmagɔ́dɛ́naan wɔ́ ká úbiáns. 4Ta anyɛ́ basɔ́b-sɔ́b bómodió méesíbíŋín agás gá gimbi, bémebíŋín agá mebénd ká baán nanyá dialaná na bufilí bás búdíleniné aga Yésu Kilíse, bámbá ká bódíondi agá buɔ́l bá bisele. 5Didiméŋin bɔ́ ta mɔɔn wá giás, gágual ká dɛmamba ká meliŋítas má Ndág ya Nsɔ́m lɔ́bɛn gán góbusió.
6Bagɔn agá gadágadá wa beédéb ɔbɔ́ bɔ́gɔ́lɔnɔ́ bɔ́ gianta gá buanda, bugɔ́n bɔ́b digúŋalan ta onkól. Gá guán, band bem nyɛ buanda búmoom agá eŋís yá Gɔdányá. Imáal ímánunaan bagɔn abaány Ndág ya Nsɔ́m ɛyɛ́ yɔyɔnɔ́ band, bɔ́dɛmɔ́yɛ́kɛnɛn ta buanda ubugɔ́s. 7Abaán ká Gɔdányá máal gám ká yɔ́yɔ́ Ndág ya Nsɔ́m aga band bádíábáná Beyúdɛn gɔɔ́gɔ anyɛ́ umɔ́ɔyɛ́dɛ́n Piéle ká wɔ́yɔɔn Beyúdɛn, 8ɔwɔ́ waád uméndényígényí edúmeb, uwandɔ́m aga ebe bádiábáná Beyúdɛn, gɔɔ́gɔ́ anyɛ́ umédényigenyí Piéle uwadɔ́m wɔ́ aga Beyúdɛn. 9Sáka, na Piéle na Sáŋ bámáabá bɔ́gɔ́lɔɔn bɔ́ anyɛ bagɔn bá beédéb, abásɔ́ŋɔ́n ká Gɔdányá mamfá ubuány buol agá bese waga. Abádɛ́sɔ́gɛ́dɛn ɛmbɔ́g nam na Balanabas. Idiɔ́bɔ́n ká nam na Balanábas diganalá buol gadágadá wa band bádiábáná Beyúdɛn, bɔ́bɔ́ bálá buol aga Beyúdɛn. 10Ɔbɔ́diɔ́yɛdɛn buanda táŋ búmoom búnyá ká dɛ́bɛ́dága gudúgúne basɔ́gasɔga, iyebiéŋin gá bɔ́ guala.
Pólo gúgálaan Piéle
11Piéle máal úmóol gɔg Antiyóso, iyedundin wɔ́ agá eŋís yá beédéb gágual ká umáal gɛnana. 12Band ɔbɔ́ Sáka máadɔ́m mabá bámányɛ bádísiám, Piéle nyánan ɔlɔŋ na band bádiábáná Beyúdɛn. Bámáal bémésiegé, uwanyáŋɛ́mɛd, uwɔdɔmb gunyánan nɔbɔ gágual ká umabiánán buwa ná band bɔ́yɔnɔ́ ká mɔnd gidigid gúbianan ká úbiáns. 13Belimén bás Beyúdɛn bóndodió abáb gá guala duúl duóndo. Ta Balanábasa sɔ́n uwebíŋín gá duúl duóndo uwaány. 14Anyɛ́ imáan ká bádiguánda agá ndényé anyɛ́ Ndág ya Nsɔ́m ɔ́yɔnɔ́, nganyɛ gá Piéle ogóbusió bá band bem ká: «Anyɛ Yúdɛn, ɔgúsɔ́dɔɔn aya anyɛ adɛbá Yúdɛn. Nɛ́nuán gɔg nanyá ambaná gugúda band bádiábáná Beyúdɛn ká bɔ́sɔ́dɔɔn niaŋ ná Beyúdɛn e?» 15Dinyɛ Beyúdɛn, biá bebiéne wasɔ, dɛdɛbá band bá bɛdɔŋ bíndodió bínɔ́mɔnɔmá bisele bá Gɔdányá. 16Ta anyɛ́ gúnyá nɔ́, digúlɛnsaan ká mɔnd unyá osi agá eŋís yá Gɔdányá nyɛ ewe wádábaná Yésu Kilíse, saá ewe ufuógonyó bisele. Buád buanda basuá sɔ́n dɛmáadáb Yésu Kilíse ká Gɔdányá dɛ́gɔ́l anyɛ band bányá besi agagá gágual ká dɛguádábaan Kilíse. Saá gágual ká digúfuógonyi bisele. Gágual ká saá gufuógonyi gá bisele guálaná ká mɔnd bá osi agá eŋís yá Gɔdányá. 17Ɔ́gɔ basuá Beyúdɛn diguámba gubá besi ogóbusió bá Gɔdányá gágual diguádábaan Kilíse, búsiánɛ́g ká dɛnyɛ babɛ niaŋ ná band bádiábáná Beyúdɛn, búnyɛ́ aya ká Kilíse gúdídídígeen gá guala bɔbɛ e? Ágó, búdɛ́bá nɔ́! 18Ímónd agá bisele imáatɛ́n, mmɛɛ́y mɔnd umánuyál bisele. 19Bisele bɛ́bɛ́ muát bígúndíyenyi ká inyɛ anyɛ inyɛ eguén gágual ká bidíbá na bugaga bógúŋondi ɔgɔ́s. Búmabiál anaány ká nsɔ́dɔɔn góbúsió bá Gɔdányá. Nganyɛ eguén na Kilíse agá bɔdɛ́d bá gɛsanda. 20Ngúsɔ́dɔɔn, yaŋuá muát gɔg, ndɛbá ɔgɔ́s, Kilíse usɔ́dɔnɔ́ agamia. Gusɔ́d ugú nsɔ́dɔnɔ́ agá gus egue, ngúsɔ́dɔɔn gɔ́ nɛnama nɛnyá ká yéŋin Mɔɔn wá Gɔdányá ɔdɛm wám, umeémbílen uwond uwabɛ́sua gám góbúsió. 21Ndɛbá bóguondi bese wá Gɔdányá buanda bá gile, mɔnd mánɛ́g osi ogóbusió bá Gɔdányá gágual ká ugúfuógonyi bisele, anaány gúnyá Kilíse megú gá gilé.
ទើបបានជ្រើសរើសហើយ៖
Galát 2: MMU2
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Galát 2
2
Pólo na bafɔ́nɔfɔ́n bóndodió Yelósalɛm
1Duɔŋ duát na dúní máal dúmádɔ́mb, iyand guond Yelúsalɛm ɔlɔŋ na Balanábas, na Títe sɔ́n. 2Mmóond kɔ́ góbúsió ká Gɔdányá máal gám ká, ɛmbɛ. Anyɛ́ imáab guege, nam na bagɔn idiɔbígɔ́gɛ́d, idial gilumen. Agá gilumén igiány, iyedúm guanɔnaan bɔ́ Ndág ya Nsɔ́m ɛyɛ́ yɔyɔnɔ́ ebe bádiábá Beyúdɛn. Ndimebíléne ká buol bám bá nsua ta bá nɛ́nuán gua agá madɛ́ga. 3Títe dimáabaán ɔlɔŋ naga mabá mɔɔn wá Bagɛlɛ́k. Bádɛmagɔ́dɛ́naan wɔ́ ká úbiáns. 4Ta anyɛ́ basɔ́b-sɔ́b bómodió méesíbíŋín agás gá gimbi, bémebíŋín agá mebénd ká baán nanyá dialaná na bufilí bás búdíleniné aga Yésu Kilíse, bámbá ká bódíondi agá buɔ́l bá bisele. 5Didiméŋin bɔ́ ta mɔɔn wá giás, gágual ká dɛmamba ká meliŋítas má Ndág ya Nsɔ́m lɔ́bɛn gán góbusió.
6Bagɔn agá gadágadá wa beédéb ɔbɔ́ bɔ́gɔ́lɔnɔ́ bɔ́ gianta gá buanda, bugɔ́n bɔ́b digúŋalan ta onkól. Gá guán, band bem nyɛ buanda búmoom agá eŋís yá Gɔdányá. Imáal ímánunaan bagɔn abaány Ndág ya Nsɔ́m ɛyɛ́ yɔyɔnɔ́ band, bɔ́dɛmɔ́yɛ́kɛnɛn ta buanda ubugɔ́s. 7Abaán ká Gɔdányá máal gám ká yɔ́yɔ́ Ndág ya Nsɔ́m aga band bádíábáná Beyúdɛn gɔɔ́gɔ anyɛ́ umɔ́ɔyɛ́dɛ́n Piéle ká wɔ́yɔɔn Beyúdɛn, 8ɔwɔ́ waád uméndényígényí edúmeb, uwandɔ́m aga ebe bádiábáná Beyúdɛn, gɔɔ́gɔ́ anyɛ́ umédényigenyí Piéle uwadɔ́m wɔ́ aga Beyúdɛn. 9Sáka, na Piéle na Sáŋ bámáabá bɔ́gɔ́lɔɔn bɔ́ anyɛ bagɔn bá beédéb, abásɔ́ŋɔ́n ká Gɔdányá mamfá ubuány buol agá bese waga. Abádɛ́sɔ́gɛ́dɛn ɛmbɔ́g nam na Balanabas. Idiɔ́bɔ́n ká nam na Balanábas diganalá buol gadágadá wa band bádiábáná Beyúdɛn, bɔ́bɔ́ bálá buol aga Beyúdɛn. 10Ɔbɔ́diɔ́yɛdɛn buanda táŋ búmoom búnyá ká dɛ́bɛ́dága gudúgúne basɔ́gasɔga, iyebiéŋin gá bɔ́ guala.
Pólo gúgálaan Piéle
11Piéle máal úmóol gɔg Antiyóso, iyedundin wɔ́ agá eŋís yá beédéb gágual ká umáal gɛnana. 12Band ɔbɔ́ Sáka máadɔ́m mabá bámányɛ bádísiám, Piéle nyánan ɔlɔŋ na band bádiábáná Beyúdɛn. Bámáal bémésiegé, uwanyáŋɛ́mɛd, uwɔdɔmb gunyánan nɔbɔ gágual ká umabiánán buwa ná band bɔ́yɔnɔ́ ká mɔnd gidigid gúbianan ká úbiáns. 13Belimén bás Beyúdɛn bóndodió abáb gá guala duúl duóndo. Ta Balanábasa sɔ́n uwebíŋín gá duúl duóndo uwaány. 14Anyɛ́ imáan ká bádiguánda agá ndényé anyɛ́ Ndág ya Nsɔ́m ɔ́yɔnɔ́, nganyɛ gá Piéle ogóbusió bá band bem ká: «Anyɛ Yúdɛn, ɔgúsɔ́dɔɔn aya anyɛ adɛbá Yúdɛn. Nɛ́nuán gɔg nanyá ambaná gugúda band bádiábáná Beyúdɛn ká bɔ́sɔ́dɔɔn niaŋ ná Beyúdɛn e?» 15Dinyɛ Beyúdɛn, biá bebiéne wasɔ, dɛdɛbá band bá bɛdɔŋ bíndodió bínɔ́mɔnɔmá bisele bá Gɔdányá. 16Ta anyɛ́ gúnyá nɔ́, digúlɛnsaan ká mɔnd unyá osi agá eŋís yá Gɔdányá nyɛ ewe wádábaná Yésu Kilíse, saá ewe ufuógonyó bisele. Buád buanda basuá sɔ́n dɛmáadáb Yésu Kilíse ká Gɔdányá dɛ́gɔ́l anyɛ band bányá besi agagá gágual ká dɛguádábaan Kilíse. Saá gágual ká digúfuógonyi bisele. Gágual ká saá gufuógonyi gá bisele guálaná ká mɔnd bá osi agá eŋís yá Gɔdányá. 17Ɔ́gɔ basuá Beyúdɛn diguámba gubá besi ogóbusió bá Gɔdányá gágual diguádábaan Kilíse, búsiánɛ́g ká dɛnyɛ babɛ niaŋ ná band bádiábáná Beyúdɛn, búnyɛ́ aya ká Kilíse gúdídídígeen gá guala bɔbɛ e? Ágó, búdɛ́bá nɔ́! 18Ímónd agá bisele imáatɛ́n, mmɛɛ́y mɔnd umánuyál bisele. 19Bisele bɛ́bɛ́ muát bígúndíyenyi ká inyɛ anyɛ inyɛ eguén gágual ká bidíbá na bugaga bógúŋondi ɔgɔ́s. Búmabiál anaány ká nsɔ́dɔɔn góbúsió bá Gɔdányá. Nganyɛ eguén na Kilíse agá bɔdɛ́d bá gɛsanda. 20Ngúsɔ́dɔɔn, yaŋuá muát gɔg, ndɛbá ɔgɔ́s, Kilíse usɔ́dɔnɔ́ agamia. Gusɔ́d ugú nsɔ́dɔnɔ́ agá gus egue, ngúsɔ́dɔɔn gɔ́ nɛnama nɛnyá ká yéŋin Mɔɔn wá Gɔdányá ɔdɛm wám, umeémbílen uwond uwabɛ́sua gám góbúsió. 21Ndɛbá bóguondi bese wá Gɔdányá buanda bá gile, mɔnd mánɛ́g osi ogóbusió bá Gɔdányá gágual ká ugúfuógonyi bisele, anaány gúnyá Kilíse megú gá gilé.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល