Kolosiɛ́ŋ 4
4
1Banuá bamása, nugúbianan ká nuánda agá busi nuond nuála anyɛ́ guófono na biɔ́l bán. Nudibiélídí ká nugúbianan sɔ́n mása unúdúmbaná ugumuana.
Mbɛ́dɛ́na
2Nudidɔmbɔ gúbísógólonyi, nudibísógólonyi na masɛ́nɛn, énuéŋeén sɔ́n Gɔdányá nukany. 3Nuond nubísógólonyi sɔ́n Gɔdányá gás góbúsió ká údífunin ginɔ́g gá nŋili yá gual ká diɔ́yɔɔn band gugál gág, diond dibúlúnenin bɔ́ gúsigúsié wa gugál gá Kilíse. Inyɛ agá gians gá mbíne gágual ká imɔyɔ́ɔn band Ndág ya Nsɔ́m. 4Ónubísógólónyí gɔg ká mbúlúnen band gúsigúsié wa gugál gá Kilíse uguány bese na bese. 5Ánɔbɛ́nyáŋanyáŋ na gubá gán agá eŋís yá ebe bámányaná bádiádáb Kilíse. Gɛsɛgɛl gidigid giás ánɛ́ganɛ́gá, nudiene gúdíye bɔ́ meliŋítas. 6Gugál guámaná agán gá niíd gúbianan ká gúbá bese, gúsíma. Nugúbianan sɔ́n ká nɔ́lɛ́ns guondinonyi mɔnd gidigid anyɛ́ guófonó gigúl umónúnuófún nŋófúny.
7Gá manda málɛ́ŋaná Tisíke endimen wasɔ wa ɛlɛ́ga aga Ɔgúnɔ́, uméeŋín ɔdɛm wág gidigid gá buol bá Ɔgúnɔ́. Nam naga dinyɛ bél buol bá Ɔgúnɔ́, ugɔnuɔ́yɛdɛn buanda gidigid búmbɛ́lɛ́ŋaná. 8Imásáláŋ gúnúdɔ́mɛ́n wɔ́ ká unuágaan makánya wónd únuɔ́yɔɔn nanyá dinyá. 9Bányɛ́ ɔlɔŋ na Onesíme endimen wasɔ wa ɛlɛ́ga, uwɔ́ sɔ́n unyá wanɔ, ugúládaan Kilíse na ɔdɛm wág gidigid, begúleen aganuá, bɔ́gɔnuɔ́yɔɔn giág gidigid gɛ́bɛ́dɔ́mbaná aya.
10Alisitáka dinyá agá gians gá mbiné naga ménúbígélídí. Málákuse sɔ́n unyá endimen wa Balanábasa ménúbígélídí. Wád Málákuse másiám aganuá, nugɛ́ndɛ́gɛn wɔ́ bese anyɛ́ iméenúfúnyifúnyí. 11Yésu bábɛ́laná ká Yúsutusɛ ménúbígélídí sɔ́n. Beyúdɛn abaány gusúg bálaná buol nám gá gúdíye band ká Gɔdányá nyɛ ofuŋ. Bágúnfánan makánya giod. 12Endimen wanɔ omodió anyɛ Epaláfasa ménúbígélídí sɔ́n, unyɛ eŋél buol wa Yésu Kilíse. Ugúbísógólonyi kand gɛdɔmbɔ gán góbúsió ká núdímbímid, nuɛ́y band bagɔ́nɛ́nan agá nŋili ya Gɔdányá, nuónd nɔ́lɛ́ns busió bum buanda ubú ubílénené. 13Inyɛ eŋél gɛ́laluá waga ká uguála buol giod gán góbusió, ta gá band bá Lawodisé ta gá ebe bá Iyelapolís sɔ́n. 14Ta Démasa, ta ogúl wasɔ Lukasa ugódonyinyó ménúbígélídí.
15Enúmbígélídínyí sɔ́n beédéb bá Lawodisé, na Nimfa na beédéb bábɛ́gɔ́sɛ́gananá agág gá nuyá. 16Nugaal numábana mbɔbɔnɔ eyie, nuéŋin sɔ́n beédéb bá Lawodisé ká bɔ́bɔ sɔ́n bábán yɛ́. Nuban sɔ́n mbɔbɔnɔ igenúnúlín Lawodisé.
17Ɔ́nuɔyɛ́dɛ́n Alasípe ká úgɔ́l gɛsɛgɛl anyɛ́ guófonó gá gúman buol Ɔgúnɔ́ méeŋín wɔ́.
18Mbígélíd eye, imɔ́nuɔ́ŋɛ́n yɛ́ na ɔmbɔ́g wam muát muátia yaŋuá Pólo. Nudibiélídí ká inyɛ agá gians gá mbíne. Nsɛ́ Gɔdányá nɔ́fɔ́n.
ទើបបានជ្រើសរើសហើយ៖
Kolosiɛ́ŋ 4: MMU2
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Kolosiɛ́ŋ 4
4
1Banuá bamása, nugúbianan ká nuánda agá busi nuond nuála anyɛ́ guófono na biɔ́l bán. Nudibiélídí ká nugúbianan sɔ́n mása unúdúmbaná ugumuana.
Mbɛ́dɛ́na
2Nudidɔmbɔ gúbísógólonyi, nudibísógólonyi na masɛ́nɛn, énuéŋeén sɔ́n Gɔdányá nukany. 3Nuond nubísógólonyi sɔ́n Gɔdányá gás góbúsió ká údífunin ginɔ́g gá nŋili yá gual ká diɔ́yɔɔn band gugál gág, diond dibúlúnenin bɔ́ gúsigúsié wa gugál gá Kilíse. Inyɛ agá gians gá mbíne gágual ká imɔyɔ́ɔn band Ndág ya Nsɔ́m. 4Ónubísógólónyí gɔg ká mbúlúnen band gúsigúsié wa gugál gá Kilíse uguány bese na bese. 5Ánɔbɛ́nyáŋanyáŋ na gubá gán agá eŋís yá ebe bámányaná bádiádáb Kilíse. Gɛsɛgɛl gidigid giás ánɛ́ganɛ́gá, nudiene gúdíye bɔ́ meliŋítas. 6Gugál guámaná agán gá niíd gúbianan ká gúbá bese, gúsíma. Nugúbianan sɔ́n ká nɔ́lɛ́ns guondinonyi mɔnd gidigid anyɛ́ guófonó gigúl umónúnuófún nŋófúny.
7Gá manda málɛ́ŋaná Tisíke endimen wasɔ wa ɛlɛ́ga aga Ɔgúnɔ́, uméeŋín ɔdɛm wág gidigid gá buol bá Ɔgúnɔ́. Nam naga dinyɛ bél buol bá Ɔgúnɔ́, ugɔnuɔ́yɛdɛn buanda gidigid búmbɛ́lɛ́ŋaná. 8Imásáláŋ gúnúdɔ́mɛ́n wɔ́ ká unuágaan makánya wónd únuɔ́yɔɔn nanyá dinyá. 9Bányɛ́ ɔlɔŋ na Onesíme endimen wasɔ wa ɛlɛ́ga, uwɔ́ sɔ́n unyá wanɔ, ugúládaan Kilíse na ɔdɛm wág gidigid, begúleen aganuá, bɔ́gɔnuɔ́yɔɔn giág gidigid gɛ́bɛ́dɔ́mbaná aya.
10Alisitáka dinyá agá gians gá mbiné naga ménúbígélídí. Málákuse sɔ́n unyá endimen wa Balanábasa ménúbígélídí. Wád Málákuse másiám aganuá, nugɛ́ndɛ́gɛn wɔ́ bese anyɛ́ iméenúfúnyifúnyí. 11Yésu bábɛ́laná ká Yúsutusɛ ménúbígélídí sɔ́n. Beyúdɛn abaány gusúg bálaná buol nám gá gúdíye band ká Gɔdányá nyɛ ofuŋ. Bágúnfánan makánya giod. 12Endimen wanɔ omodió anyɛ Epaláfasa ménúbígélídí sɔ́n, unyɛ eŋél buol wa Yésu Kilíse. Ugúbísógólonyi kand gɛdɔmbɔ gán góbúsió ká núdímbímid, nuɛ́y band bagɔ́nɛ́nan agá nŋili ya Gɔdányá, nuónd nɔ́lɛ́ns busió bum buanda ubú ubílénené. 13Inyɛ eŋél gɛ́laluá waga ká uguála buol giod gán góbusió, ta gá band bá Lawodisé ta gá ebe bá Iyelapolís sɔ́n. 14Ta Démasa, ta ogúl wasɔ Lukasa ugódonyinyó ménúbígélídí.
15Enúmbígélídínyí sɔ́n beédéb bá Lawodisé, na Nimfa na beédéb bábɛ́gɔ́sɛ́gananá agág gá nuyá. 16Nugaal numábana mbɔbɔnɔ eyie, nuéŋin sɔ́n beédéb bá Lawodisé ká bɔ́bɔ sɔ́n bábán yɛ́. Nuban sɔ́n mbɔbɔnɔ igenúnúlín Lawodisé.
17Ɔ́nuɔyɛ́dɛ́n Alasípe ká úgɔ́l gɛsɛgɛl anyɛ́ guófonó gá gúman buol Ɔgúnɔ́ méeŋín wɔ́.
18Mbígélíd eye, imɔ́nuɔ́ŋɛ́n yɛ́ na ɔmbɔ́g wam muát muátia yaŋuá Pólo. Nudibiélídí ká inyɛ agá gians gá mbíne. Nsɛ́ Gɔdányá nɔ́fɔ́n.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល