Kolosiɛ́ŋ 1
1
Mbígélid
1Yaŋuá Pólo uwɔ́ Gɔdányá mɔ́ɔdɔ́bɔ́n ká mbá edúmeb wá Yésu Kilíse. Nam na Timoté endimen wasɔ wá guádáb dimáanɔ́nɔ́dɔ́mɛ́n mbɔbɔnɔ eye, 2banuá giɔ́b gá beédéb gá Gɔdányá gá tísɔn wa Kolóso gínyá na nuládád agá Kilíse. Nsɛ́ bese na bumben bá Gɔdányá wasɔ bá nanɔ.
Mbísógól yá nukany
3Diguéŋeen Gɔdányá Sié wa Ɔgúnɔ́ wasɔ Yésu Kilíse nukany giod gigul gidigid dibísógólonyó gán góbúsió, 4gágual ká dimɔ́ɔb ká nugúbaan nobusió na guéŋen ɛdɛm sán gá Yésu Kilíse nuond nubíléne beédéb gidigid. 5Nuguála anaány gágual ká nuguágaan ɔdɛm ká nugadáŋáb bɛnɔg bá manda Gɔdányá máanúbɛ́dɛ́gɛ́nɛ́n ugumuana. Numɔ́ɔb guág ɔdɛm uguány agá gugál gá meliŋítas má Ndág ya Nsɔ́m. 6Yád Ndág ya nsɔ́m saman gusálámand agá embún enkim yá gus, iguála ká band bianan bɛnɔg bá bielínyélínyé, bónd bábaan nobusió na gá guádábaan yɛ́. Anaány Ndág ya Nsɔ́m iyaány álaná ká banúa sɔ́n nuála bɛnɔg bá manda, gubanyɛg buɔ́s bá busió ubú bɔ́mɔ́ɔnuɔ́yɛ́dɛ́n ká Gɔdányá manɔ́fɔ́n meliŋítas gusiám ínen. 7Digúbíléne Epafalása ogúl wasɔ uméenúfúnyifúnyí Ndág ya Nsɔ́m iyaány, dinyɛ bél buol bá Yésu Kilíse naga. Uguálaan Yésu Kilíse buol na ɔdɛm ómoom na nuládád aganuá. 8Wád Epalafása#1.8 Ɔfɛ́n wá mɔnd. umɔ́ɔdíɔyɛ́dɛ́n nɛnama ɛnɛ́ nubílénené bɔsɔ́g bandua na bugaga bá Ɛsámb yá Mefúny.
Mbísógol yá Pólo góbusió bá giɔ́b gá beédéb gá Kolós
9Buád buanda, anyɛ́ dɛmɔ́ɔb anaány, didigúdɔmbɔɔn gubísógólonyi Gɔdányá gán góbúsió ká únúdíye saáŋ buanda wambaná ká nuála. Na ká ɛdɛm sán fuóg na gɔlɛns gúleniné agá Ɛsámb yá Mefúny na ká núsɔ́ŋɔ́n manda mág. 10Na nsiŋi iyaány, nuánda anyɛ́ Ɔgúnɔ́ bílénené, nuónd nuala buanda gidigid búalaná wɔ́ bese. Nugala bɛnɔg bá manda anama anyɛ anama nuond nubaan nobusió na gɔlɛnsaan Gɔdányá. 11Digúbísógólonyi sɔ́n Gɔdányá ká únúfá bugaga bág búgúmené, ká núbaan nobusió na guɔ́mínɔɔn, na gubiágaan makányá.
Asag góbusió bá Kilíse
Na bɛdɔdɛn, 12énuéŋeén Babá Gɔdányá nukany, uwɔ́ uméenúfúnín nŋili ká núdáŋáb sɔ́n buanda ubú umáabɛ́dɛ́gɛ́nɛ́n ebe bɔ́bɔninɔ́ wɔ́ agá kɔɔ́m gise gág ségédené. 13Umadiáŋɔ́n ká dɛ́bɛ́nɔɔn gɛdɔŋ gá mbíne, uwal ká dɛɛ́y ebe bɔ́bɔninɔ́ mɔɔn wág ubílénené. 14Wád Mɔɔn uwaány umáadiáŋɔ́n uwond uwadɛ́nɛnɛn bɛfal bás. 15Ta mɔnd umányɛ udián Gɔdányá, gɔɔ́gɔ Kilíse band máanaán. Unyɛ mfuóny yá Gɔdányá, ugúdídiyenyi nanyá Gɔdányá nyáa. Unyɛ mbɔ́lɔbɔ́l ya Gɔdányá ɛdɔ́mbaná manda gidigid ɔmɔ́ Gɔdányá máalɔŋá. 16Gɔdányá méeŋín wɔ́ bugaga bá gɔ́lɔŋa manda mem, na má muana na má gus, na ɔmɔ́ band ánaná, na ɔmɔ́ bádiánáná. Na manda gidigid mányá na bugaga ugumuana, bíliíndié bim, ɛngɛlɛs inkim, ta ifuŋ sá ɛngɛlɛs na bagɔn bá sɛ́ sɔ́n. Manda amaány mem Gɔdányá umáalɔŋá agá gélem gá Mɔɔn waga uwasɔ́gɔ́dɛn wɔ́ mɔ́. 17Ká gus sién gúbɛ́bɔ́ndɔ, Mɔɔn uwaány mabá uganyɛ kɔ́. Manda gidigid amaány mányɛ dágá dágá agá elukú ya mɔ́ na bugaga bág. 18Unyɛ ɔduɔ́ wá beédéb, beédéb abaány nyɛ anyɛ nuɔ́l nág. Unyɛ nidúmin, uwɔ́ sɔ́n nɔ́ umáanyɔ́g aga ebeguén wobusió ká ubá amandigana. 19Gɔdányá mebílén ká giág gidigid unyá, Mɔɔn bá sɔ́n nɔ́. 20Gɔdányá mabɛ́sɔ́mbɛ́n cácácá ká údɔ́m mɔɔn waga ká úsidábɔ́n gɛsan naga na manda mem egegus na muana, nɛnama nɛ́nyá ká band diánd gúbá bambɛ́lɛmbɛ́l bág, bába agá bumben agág góbusió. Umáal nɔ́ na manɔŋ má Mɔɔn waga mámáamá agá ɛgɔnɔ#1.20 Bomodio guɔyɔ ká: ɛgɔnɔ yá gɛsanda, bɔdɛ́d..
21Numabá babiádɔ́nán nsua na Gɔdányá, banuá nɔ́ bambɛ́lɛmbɛ́l bág góbusió bá gual ká numabiánán biád bá ɛmbɛ́dágɛ́dɛn, nuond nuala sɔ́n manda amabɛ. 22Nɛ́nuán gɔg, Gɔdányá águal ká nubá begúl bág agá guɔ́bɛ́g gá nigú ná Mɔɔn waga umɛ́ɛy mɔnd, ká únúdíye aga Gɔdányá na bibegubegué bá ɛdɛm, kandɛ gibɔ́liɔ́, kandɛ gifondió. 23Búguófon ká núbaan nobusió na guéŋen ɛdɛm sán aga Yésu, nudímbímid, nudɛyɛlɛ́g maláŋ gá guágan ɔdɛm gá Ndág ya Nsɔ́m ɛyɛ́ numɔ́ɔb. Yádɛ́n Ndág ya Nsɔ́m iyaány bɔ́mɔ́ɔyɔɔ́n band gidigid bá gus. Yaŋuá Pólo, Gɔdányá mandɔ́m ká yɔ́yɔ yɛ́ sɔ́n.
Pólo gúnuanan gá buól bá giɔ́b gá beédéb
24Nɛ́nuán nguɔ́bɔɔn bese anyɛ́ yɔ́bɛ́gɔnɔ́ gán góbúsió gɔɔ́gɔ anyɛ́ Yésu Kilíse mɔ́ɔbɛ́gɔɔ́n. Yaŋuá sɔ́n nuɔ́l nám guɔ́bɛ́gɔɔn góbúsió bá giɔ́b gá beédéb gínyá anyɛ nuɔ́l nág, ngúfuogonyi buol búméesién. 25Gɔdányá mendényígínyí anyɛ eŋél buol agág gá giɔ́b. Uwamfá buol ubuány ká ínúdúgúne gá gúnuɔ́yɔɔn gugál gá Gɔdányá. 26Gugál gá Gɔdányá uguány dɛmaba gudámbɔ́nán nsua, nɛ́nuán Gɔdányá saman gudambɔnɛn band bág gú. 27Umambá gudíye bɔ́ ká buanda buɔsɛ́gɔ́n wambaná gual gá band bá gus gidigid nyɛ gianta gɔdɔ́mb buanda gidigid. Niɔs niád nyɛ ká Yésu Kilíse nyɛ agán gá ɛdɛm, buád buanda nɔlɛnsaná ká Gɔdányá genúbíŋínyi agág gá kɔɔ́m gá nugúm. 28Gugál gá Yésu Kilíse diɔyɔnɔ́ band, dibiése bɔ́, diond difúnyifunyi bɔ́ manda na nsiŋi Gɔdányá máadɛ́fá. Dɛguámba ká band gidigid bá bagɔ́nɛ́nán ɔgɔ́b gá nɛlad na Kilíse. 29Buád buanda yɛbaná nobusió, ɛmbɛ́kányɛ́nan na gianta gá magɛ́nda Yésu Kilíse mámfá ká íyíb buol bág.
ទើបបានជ្រើសរើសហើយ៖
Kolosiɛ́ŋ 1: MMU2
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Kolosiɛ́ŋ 1
1
Mbígélid
1Yaŋuá Pólo uwɔ́ Gɔdányá mɔ́ɔdɔ́bɔ́n ká mbá edúmeb wá Yésu Kilíse. Nam na Timoté endimen wasɔ wá guádáb dimáanɔ́nɔ́dɔ́mɛ́n mbɔbɔnɔ eye, 2banuá giɔ́b gá beédéb gá Gɔdányá gá tísɔn wa Kolóso gínyá na nuládád agá Kilíse. Nsɛ́ bese na bumben bá Gɔdányá wasɔ bá nanɔ.
Mbísógól yá nukany
3Diguéŋeen Gɔdányá Sié wa Ɔgúnɔ́ wasɔ Yésu Kilíse nukany giod gigul gidigid dibísógólonyó gán góbúsió, 4gágual ká dimɔ́ɔb ká nugúbaan nobusió na guéŋen ɛdɛm sán gá Yésu Kilíse nuond nubíléne beédéb gidigid. 5Nuguála anaány gágual ká nuguágaan ɔdɛm ká nugadáŋáb bɛnɔg bá manda Gɔdányá máanúbɛ́dɛ́gɛ́nɛ́n ugumuana. Numɔ́ɔb guág ɔdɛm uguány agá gugál gá meliŋítas má Ndág ya Nsɔ́m. 6Yád Ndág ya nsɔ́m saman gusálámand agá embún enkim yá gus, iguála ká band bianan bɛnɔg bá bielínyélínyé, bónd bábaan nobusió na gá guádábaan yɛ́. Anaány Ndág ya Nsɔ́m iyaány álaná ká banúa sɔ́n nuála bɛnɔg bá manda, gubanyɛg buɔ́s bá busió ubú bɔ́mɔ́ɔnuɔ́yɛ́dɛ́n ká Gɔdányá manɔ́fɔ́n meliŋítas gusiám ínen. 7Digúbíléne Epafalása ogúl wasɔ uméenúfúnyifúnyí Ndág ya Nsɔ́m iyaány, dinyɛ bél buol bá Yésu Kilíse naga. Uguálaan Yésu Kilíse buol na ɔdɛm ómoom na nuládád aganuá. 8Wád Epalafása#1.8 Ɔfɛ́n wá mɔnd. umɔ́ɔdíɔyɛ́dɛ́n nɛnama ɛnɛ́ nubílénené bɔsɔ́g bandua na bugaga bá Ɛsámb yá Mefúny.
Mbísógol yá Pólo góbusió bá giɔ́b gá beédéb gá Kolós
9Buád buanda, anyɛ́ dɛmɔ́ɔb anaány, didigúdɔmbɔɔn gubísógólonyi Gɔdányá gán góbúsió ká únúdíye saáŋ buanda wambaná ká nuála. Na ká ɛdɛm sán fuóg na gɔlɛns gúleniné agá Ɛsámb yá Mefúny na ká núsɔ́ŋɔ́n manda mág. 10Na nsiŋi iyaány, nuánda anyɛ́ Ɔgúnɔ́ bílénené, nuónd nuala buanda gidigid búalaná wɔ́ bese. Nugala bɛnɔg bá manda anama anyɛ anama nuond nubaan nobusió na gɔlɛnsaan Gɔdányá. 11Digúbísógólonyi sɔ́n Gɔdányá ká únúfá bugaga bág búgúmené, ká núbaan nobusió na guɔ́mínɔɔn, na gubiágaan makányá.
Asag góbusió bá Kilíse
Na bɛdɔdɛn, 12énuéŋeén Babá Gɔdányá nukany, uwɔ́ uméenúfúnín nŋili ká núdáŋáb sɔ́n buanda ubú umáabɛ́dɛ́gɛ́nɛ́n ebe bɔ́bɔninɔ́ wɔ́ agá kɔɔ́m gise gág ségédené. 13Umadiáŋɔ́n ká dɛ́bɛ́nɔɔn gɛdɔŋ gá mbíne, uwal ká dɛɛ́y ebe bɔ́bɔninɔ́ mɔɔn wág ubílénené. 14Wád Mɔɔn uwaány umáadiáŋɔ́n uwond uwadɛ́nɛnɛn bɛfal bás. 15Ta mɔnd umányɛ udián Gɔdányá, gɔɔ́gɔ Kilíse band máanaán. Unyɛ mfuóny yá Gɔdányá, ugúdídiyenyi nanyá Gɔdányá nyáa. Unyɛ mbɔ́lɔbɔ́l ya Gɔdányá ɛdɔ́mbaná manda gidigid ɔmɔ́ Gɔdányá máalɔŋá. 16Gɔdányá méeŋín wɔ́ bugaga bá gɔ́lɔŋa manda mem, na má muana na má gus, na ɔmɔ́ band ánaná, na ɔmɔ́ bádiánáná. Na manda gidigid mányá na bugaga ugumuana, bíliíndié bim, ɛngɛlɛs inkim, ta ifuŋ sá ɛngɛlɛs na bagɔn bá sɛ́ sɔ́n. Manda amaány mem Gɔdányá umáalɔŋá agá gélem gá Mɔɔn waga uwasɔ́gɔ́dɛn wɔ́ mɔ́. 17Ká gus sién gúbɛ́bɔ́ndɔ, Mɔɔn uwaány mabá uganyɛ kɔ́. Manda gidigid amaány mányɛ dágá dágá agá elukú ya mɔ́ na bugaga bág. 18Unyɛ ɔduɔ́ wá beédéb, beédéb abaány nyɛ anyɛ nuɔ́l nág. Unyɛ nidúmin, uwɔ́ sɔ́n nɔ́ umáanyɔ́g aga ebeguén wobusió ká ubá amandigana. 19Gɔdányá mebílén ká giág gidigid unyá, Mɔɔn bá sɔ́n nɔ́. 20Gɔdányá mabɛ́sɔ́mbɛ́n cácácá ká údɔ́m mɔɔn waga ká úsidábɔ́n gɛsan naga na manda mem egegus na muana, nɛnama nɛ́nyá ká band diánd gúbá bambɛ́lɛmbɛ́l bág, bába agá bumben agág góbusió. Umáal nɔ́ na manɔŋ má Mɔɔn waga mámáamá agá ɛgɔnɔ#1.20 Bomodio guɔyɔ ká: ɛgɔnɔ yá gɛsanda, bɔdɛ́d..
21Numabá babiádɔ́nán nsua na Gɔdányá, banuá nɔ́ bambɛ́lɛmbɛ́l bág góbusió bá gual ká numabiánán biád bá ɛmbɛ́dágɛ́dɛn, nuond nuala sɔ́n manda amabɛ. 22Nɛ́nuán gɔg, Gɔdányá águal ká nubá begúl bág agá guɔ́bɛ́g gá nigú ná Mɔɔn waga umɛ́ɛy mɔnd, ká únúdíye aga Gɔdányá na bibegubegué bá ɛdɛm, kandɛ gibɔ́liɔ́, kandɛ gifondió. 23Búguófon ká núbaan nobusió na guéŋen ɛdɛm sán aga Yésu, nudímbímid, nudɛyɛlɛ́g maláŋ gá guágan ɔdɛm gá Ndág ya Nsɔ́m ɛyɛ́ numɔ́ɔb. Yádɛ́n Ndág ya Nsɔ́m iyaány bɔ́mɔ́ɔyɔɔ́n band gidigid bá gus. Yaŋuá Pólo, Gɔdányá mandɔ́m ká yɔ́yɔ yɛ́ sɔ́n.
Pólo gúnuanan gá buól bá giɔ́b gá beédéb
24Nɛ́nuán nguɔ́bɔɔn bese anyɛ́ yɔ́bɛ́gɔnɔ́ gán góbúsió gɔɔ́gɔ anyɛ́ Yésu Kilíse mɔ́ɔbɛ́gɔɔ́n. Yaŋuá sɔ́n nuɔ́l nám guɔ́bɛ́gɔɔn góbúsió bá giɔ́b gá beédéb gínyá anyɛ nuɔ́l nág, ngúfuogonyi buol búméesién. 25Gɔdányá mendényígínyí anyɛ eŋél buol agág gá giɔ́b. Uwamfá buol ubuány ká ínúdúgúne gá gúnuɔ́yɔɔn gugál gá Gɔdányá. 26Gugál gá Gɔdányá uguány dɛmaba gudámbɔ́nán nsua, nɛ́nuán Gɔdányá saman gudambɔnɛn band bág gú. 27Umambá gudíye bɔ́ ká buanda buɔsɛ́gɔ́n wambaná gual gá band bá gus gidigid nyɛ gianta gɔdɔ́mb buanda gidigid. Niɔs niád nyɛ ká Yésu Kilíse nyɛ agán gá ɛdɛm, buád buanda nɔlɛnsaná ká Gɔdányá genúbíŋínyi agág gá kɔɔ́m gá nugúm. 28Gugál gá Yésu Kilíse diɔyɔnɔ́ band, dibiése bɔ́, diond difúnyifunyi bɔ́ manda na nsiŋi Gɔdányá máadɛ́fá. Dɛguámba ká band gidigid bá bagɔ́nɛ́nán ɔgɔ́b gá nɛlad na Kilíse. 29Buád buanda yɛbaná nobusió, ɛmbɛ́kányɛ́nan na gianta gá magɛ́nda Yésu Kilíse mámfá ká íyíb buol bág.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល