Bielínyélínyé 4
4
Na Piéle na Sáŋa ogóbusió bá nɛgál ɛnɛgɔn
1Na Piéle na Sáŋa máal bámányá gúgála gá giŋi gá band, bɔgɔ́gɔ na ɔgɔ́n wa begiíg ɔnyɛb, na Basaduseyɛ́ŋ#4.1 Alɛ́ŋɛ́d Mál 12.18. abábɛ́sɛdɛnɛn bɔ́. 2Bɔdimɔ́bɔɔ́n bese ká bánaán bedúmeb bándɛ ebe béfúnyifunyi giŋi gá band, bámabá bɔ́yɔɔn bɔ́ ká guanyɔg gá ebeguén gá Yésu gúdíyenyé ká ebeguén nyɛ báguanyɔg. 3Abádɛgɛn bɔ́, abaág bɔ́ agá gians gá mbíne ká bedúmbi budug kɔ́ gágual ká niɔ́b mabá nɛgányɛ kɔ́. 4Agá ɔlɔŋ wá band bɔ́mɔ́ɔbɔɔ́n gufúnyifunyi gɔ́b, giod máadáb, beédéb ɔbɔ́biɔ́yɛ́kɛnɛn, bámadúmbaán band dɔns dútáan. 5Gúbélénenyi, bagɔn bá Beyúdɛn, na bagɔn bá ɔnyɛb, na bóŋ bisele ebélumen Yelúsalɛm. 6Bámabá: Ána, ɔgɔn wa bɔgɔ́gɔ, Kayífe, Sáŋa, Alɛkɛsándɛlɛ na band gidigid bá nigúl ná bɔgɔ́gɔ. 7Obólón na Piéle, na Sáŋa ɔgɔ́b góbusió, ebédúm guófoon bɔ́ iŋófuny bɔ́yɔ́ ká: «Agá bugaga ɔ́gɔ ká agá ɔfɛ́n wány nuandɛganá ká nuála amaány e?» 8Piéle, ofuógón na Ɛsámb yá Mefuny uwondinyi bɔ́ gɔg ká: 9«Bagɔn bá Beyúdɛn na bagɔn bá ɔnyɛb gúdígélenyi gá bese uwɔ́ dinyá gual gigónd, bónd bámba ká diɔ́yɛd agá nŋili inúm mɔnd uwaány nyá guéŋúg. 10Ánɔlɛns banuá bem na nigúl ná Ísalayɛ́l ká, agá ɔfɛ́n wá Yésu Kilíse wa Násalɛd, ɔwɔ́ numáadɔ́ŋ, Gɔdányá uwenyugi wɔ́ aga ebeguén. Búnyɛ́ gág gá gúbílén mɔnd uwaány unyá agán góbúsió nyá eŋéŋúgén. 11Yésu waád unyá nɛdány ɛnɛ́ banuá befuég numóomb, nɛ́gányɛ nɛdány niófonó gá gɛfuág#4.11 Alɛ́ŋɛ́d Ɛsag 118.22.. 12Gisódio digúlenin aga mɔnd ondodió gúmáal gúdiál agagá. Gágual ká Gɔdányá diméeŋin ta mɔnd ondodió ká údisódi.» 13Bémeméŋeméŋ makakat má Piéle na Sáŋa, na nɔ́ sɔ́n bámalɛnsaán ká beem dɛmafɔ́nɔfɔɔn. Bámabá band bá gile, abaán sɔ́n ká, bámabá baánda na Yésu nsua. 14Bámalɛ́ŋá gigónd igiány ndényé egúyegúy nɔbɔ uganyɛ eŋéŋúgén, bádimaán buóny bá guɔyɛd.
15Abaál gɔ́b ká baám agá gɛndaŋiá gá nɛgál ɛnɛgɔn. Bɔ́bɔ́ ɔbɔ́lɔbɛn gá gúsuŋunenyi. 16Bɔ́mɔbiɔ́yɔɔ́n ká: «Diál nanyá na band ebe e? Gágual ká, band bá Yelúsalɛm gidigid gúlɛnsaan bese na bese ká, band abaány bányá gual gisey igiány, dɛdɛbá bágúsáŋɔ́n. 17Búdiguófon gɔg ká, buóny ubuány ɔ́bɛ́gɔbɛg kɔɔ́m gidigid agá gɛdɔŋ. Digaguánsɛ́dɛn bɔ́ ká bádiánd gusambɛn mɔnd ɔfɛ́n wá Yésu.» 18Abábɛ́lɛ́gɛn bɔ́, ebéleg bɔ́ busió bum ká bádiánd gúsamb, ɔ́gɔ ká gufúnyifunyi ɔfɛ́n wá Yésu. 19Na Piéle na Sáŋa obondinyi ká: «Búnúm búnyá osi agá eŋís yá Gɔdányá: Gunúbɛ́dɔ́lɛ́gɛn e, ɔ́gɔ ká gubɛ́dɔ́lɛ́gɛn wɔ́ e? Banuá muát ánɔdándɔ́n! 20Basuá gɔg, dɛdɛbá bégúlúŋ gá buand ubú dɛmáan idiond idiɔ́b.» 21Bámáal bámánsɛ́dɛn bedúmeb abaány sɔ́n, abátɛɛ́n bɔ́ gágual ká bádɛmáan nŋili ya gufugin bɔ́. Na nɔ́ sɔ́n, band gidigid méeŋén Gɔdányá nugúm gá buand búmáabiál. 22Mɔnd umáabiá giéŋugie gá máŋál mabiánán duɔŋ dágɔ́dɔ́mb etín ándɛ.
Mbísógol ya beédéb
23Bámáal bámátɛɛ́n bɔ́, na Piéle na Sáŋa ɔbɔ́nɔfuɔ́gɛ́n buɔbɔ. Ɔbɔ́yɔɔn bɔ́ buand gidigid ubú bɔgɔ́gɔ na bagɔn bá gɛdɔŋ mɔ́ɔyɔɔ́n bɔ́. 24Buɔbɔ máal na gubɛ́dɔ́lɛ́gɔɔn gugál gɔ́b, bɔ́bɔ́ bem ekelu ómoom obóbísógólonyi Gɔdányá ɔdɛm ómoom ká: «Ofúnyifúny, aŋuá amáal muana na gus, na manáŋ abɔ́sa na manda gidigid mányá kɔ́. 25Aŋuá amáag agá Ɛsámb yá Mefúny gugál egue agá niíd ná Défide sié wasɔ, eŋél buol wɔ́w ɔyɔyɛd ká:
Giág ebe bádiálɛnsáná Gɔdányá bíyíkené gá gɛ́,
egúl yá gus bɛ́gɔ́sa gá guɔyɔ manda má gilé e?
26 Befuŋ bá gus mabɛ́sɛ́dɛ́n,
bagɔn ababɛ́gɔ́sɛ́d
ká bábílád, bónd omoom, bénusenyi Ɔgúnɔ́ na Kilíse ɔwɔ́ uméeyíd. # 4.26 Alɛ́ŋɛ́d Ɛsag 2.1-2.
27«Búnyɛ́ nɔ́ meliŋítas, bámabɛ́gɔ́sɛd agá tísɔn uwaány, na Elódo na Pɔ́ns Piláta, na ebe bádiálɛnsáná Gɔdányá, na egúl yá Ísalayɛ́l gá gúnusenyi Yésu, ɛsámb yɔ́w yá eŋél buol ɛyɛ́ émeéyíd. 28Bámalá buand gidigid ubú ɔmɔ́ɔyɛd, oyond ayasɔ́mb agá bugaga bɔ́w gúmányɛ gá nsua. 29Nɛ́nuán gɔg Ɔgúnɔ́, lɛ́ŋɛ́d anyɛ́ bédísésenyé, diádábɛ́n basuá bél buol bɔ́w ká dídúmbenyi gugál gɔ́w kand buwa. 30Díyé bugaga bɔ́w nɛnama nɛ́nyá ká biéŋugie, na bisey, na bianta bá manda biála agá ɔfɛ́n wá ɛsámb yɔ́w yá eŋél buol Yésu.» 31Bámáal bámáman mbísógoli, kɔɔ́m ɔgɔ́ bámáabɛ́gɔ́sá kɔ́ egébiéyidin. Bɔ́bɔ́ gidigid obófuóg na Ɛsámb yá Mefúny, abábanyɛg guɔyɔ moóny má Gɔdányá kand buwa.
Niaf ná manda
32Giímb gá beédéb mabá ɔdɛm ómoom, na ɛmbɛ́dágɛ́dɛ́n imoom. Ta omoom ɔgɔ́b gá ɔlɔŋ udimɔyɔ́ ká bɔnɛ́m bág guɔ́bɔnɛn wɔ́ ɔwɔ́ eŋényé. Manda gidigid ɔmɔ́ bámáabiánán mabá má bɔ́bɔ́ beem. 33Béméelényí gɛ́laluá na bugaga gidigid gá guanyɔg gá Ɔgúnɔ́ Yésu aga ebeguén. Gɔdányá uwafɔna bɔ́ giod bɔ́bɔ́ beem. 34Ta mɔnd ɔgɔ́b gá ɔlɔŋ udimabá agá ɔsɔ́g wá buanda. Gá guán, band bámáabiánán bisién na biáns meduénén mɔ́, bóloón na muonyi má ondunó, 35bésiéŋén gá bedúmeb, bedúmeb éŋeén na mɔɔn á gɛdám ɛgɛ́ wambaná ká úbídúgún kɔ́. 36Kánɛ mɔnd anɛ Yɔ́sɛba wa nigúl ná léfi, uméebíbién Sipɛ́lɛ, ɔfɛn wág sɔ́n ká Balanábasa, anaány gúnyá ká: Mɔnd wéŋeniné makányá, umabiánán gisién. 37Uwedú gisién igiány, uwúlén muonyi, uwesiéŋín bedúmeb.
ទើបបានជ្រើសរើសហើយ៖
Bielínyélínyé 4: MMU2
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Bielínyélínyé 4
4
Na Piéle na Sáŋa ogóbusió bá nɛgál ɛnɛgɔn
1Na Piéle na Sáŋa máal bámányá gúgála gá giŋi gá band, bɔgɔ́gɔ na ɔgɔ́n wa begiíg ɔnyɛb, na Basaduseyɛ́ŋ#4.1 Alɛ́ŋɛ́d Mál 12.18. abábɛ́sɛdɛnɛn bɔ́. 2Bɔdimɔ́bɔɔ́n bese ká bánaán bedúmeb bándɛ ebe béfúnyifunyi giŋi gá band, bámabá bɔ́yɔɔn bɔ́ ká guanyɔg gá ebeguén gá Yésu gúdíyenyé ká ebeguén nyɛ báguanyɔg. 3Abádɛgɛn bɔ́, abaág bɔ́ agá gians gá mbíne ká bedúmbi budug kɔ́ gágual ká niɔ́b mabá nɛgányɛ kɔ́. 4Agá ɔlɔŋ wá band bɔ́mɔ́ɔbɔɔ́n gufúnyifunyi gɔ́b, giod máadáb, beédéb ɔbɔ́biɔ́yɛ́kɛnɛn, bámadúmbaán band dɔns dútáan. 5Gúbélénenyi, bagɔn bá Beyúdɛn, na bagɔn bá ɔnyɛb, na bóŋ bisele ebélumen Yelúsalɛm. 6Bámabá: Ána, ɔgɔn wa bɔgɔ́gɔ, Kayífe, Sáŋa, Alɛkɛsándɛlɛ na band gidigid bá nigúl ná bɔgɔ́gɔ. 7Obólón na Piéle, na Sáŋa ɔgɔ́b góbusió, ebédúm guófoon bɔ́ iŋófuny bɔ́yɔ́ ká: «Agá bugaga ɔ́gɔ ká agá ɔfɛ́n wány nuandɛganá ká nuála amaány e?» 8Piéle, ofuógón na Ɛsámb yá Mefuny uwondinyi bɔ́ gɔg ká: 9«Bagɔn bá Beyúdɛn na bagɔn bá ɔnyɛb gúdígélenyi gá bese uwɔ́ dinyá gual gigónd, bónd bámba ká diɔ́yɛd agá nŋili inúm mɔnd uwaány nyá guéŋúg. 10Ánɔlɛns banuá bem na nigúl ná Ísalayɛ́l ká, agá ɔfɛ́n wá Yésu Kilíse wa Násalɛd, ɔwɔ́ numáadɔ́ŋ, Gɔdányá uwenyugi wɔ́ aga ebeguén. Búnyɛ́ gág gá gúbílén mɔnd uwaány unyá agán góbúsió nyá eŋéŋúgén. 11Yésu waád unyá nɛdány ɛnɛ́ banuá befuég numóomb, nɛ́gányɛ nɛdány niófonó gá gɛfuág#4.11 Alɛ́ŋɛ́d Ɛsag 118.22.. 12Gisódio digúlenin aga mɔnd ondodió gúmáal gúdiál agagá. Gágual ká Gɔdányá diméeŋin ta mɔnd ondodió ká údisódi.» 13Bémeméŋeméŋ makakat má Piéle na Sáŋa, na nɔ́ sɔ́n bámalɛnsaán ká beem dɛmafɔ́nɔfɔɔn. Bámabá band bá gile, abaán sɔ́n ká, bámabá baánda na Yésu nsua. 14Bámalɛ́ŋá gigónd igiány ndényé egúyegúy nɔbɔ uganyɛ eŋéŋúgén, bádimaán buóny bá guɔyɛd.
15Abaál gɔ́b ká baám agá gɛndaŋiá gá nɛgál ɛnɛgɔn. Bɔ́bɔ́ ɔbɔ́lɔbɛn gá gúsuŋunenyi. 16Bɔ́mɔbiɔ́yɔɔ́n ká: «Diál nanyá na band ebe e? Gágual ká, band bá Yelúsalɛm gidigid gúlɛnsaan bese na bese ká, band abaány bányá gual gisey igiány, dɛdɛbá bágúsáŋɔ́n. 17Búdiguófon gɔg ká, buóny ubuány ɔ́bɛ́gɔbɛg kɔɔ́m gidigid agá gɛdɔŋ. Digaguánsɛ́dɛn bɔ́ ká bádiánd gusambɛn mɔnd ɔfɛ́n wá Yésu.» 18Abábɛ́lɛ́gɛn bɔ́, ebéleg bɔ́ busió bum ká bádiánd gúsamb, ɔ́gɔ ká gufúnyifunyi ɔfɛ́n wá Yésu. 19Na Piéle na Sáŋa obondinyi ká: «Búnúm búnyá osi agá eŋís yá Gɔdányá: Gunúbɛ́dɔ́lɛ́gɛn e, ɔ́gɔ ká gubɛ́dɔ́lɛ́gɛn wɔ́ e? Banuá muát ánɔdándɔ́n! 20Basuá gɔg, dɛdɛbá bégúlúŋ gá buand ubú dɛmáan idiond idiɔ́b.» 21Bámáal bámánsɛ́dɛn bedúmeb abaány sɔ́n, abátɛɛ́n bɔ́ gágual ká bádɛmáan nŋili ya gufugin bɔ́. Na nɔ́ sɔ́n, band gidigid méeŋén Gɔdányá nugúm gá buand búmáabiál. 22Mɔnd umáabiá giéŋugie gá máŋál mabiánán duɔŋ dágɔ́dɔ́mb etín ándɛ.
Mbísógol ya beédéb
23Bámáal bámátɛɛ́n bɔ́, na Piéle na Sáŋa ɔbɔ́nɔfuɔ́gɛ́n buɔbɔ. Ɔbɔ́yɔɔn bɔ́ buand gidigid ubú bɔgɔ́gɔ na bagɔn bá gɛdɔŋ mɔ́ɔyɔɔ́n bɔ́. 24Buɔbɔ máal na gubɛ́dɔ́lɛ́gɔɔn gugál gɔ́b, bɔ́bɔ́ bem ekelu ómoom obóbísógólonyi Gɔdányá ɔdɛm ómoom ká: «Ofúnyifúny, aŋuá amáal muana na gus, na manáŋ abɔ́sa na manda gidigid mányá kɔ́. 25Aŋuá amáag agá Ɛsámb yá Mefúny gugál egue agá niíd ná Défide sié wasɔ, eŋél buol wɔ́w ɔyɔyɛd ká:
Giág ebe bádiálɛnsáná Gɔdányá bíyíkené gá gɛ́,
egúl yá gus bɛ́gɔ́sa gá guɔyɔ manda má gilé e?
26 Befuŋ bá gus mabɛ́sɛ́dɛ́n,
bagɔn ababɛ́gɔ́sɛ́d
ká bábílád, bónd omoom, bénusenyi Ɔgúnɔ́ na Kilíse ɔwɔ́ uméeyíd. # 4.26 Alɛ́ŋɛ́d Ɛsag 2.1-2.
27«Búnyɛ́ nɔ́ meliŋítas, bámabɛ́gɔ́sɛd agá tísɔn uwaány, na Elódo na Pɔ́ns Piláta, na ebe bádiálɛnsáná Gɔdányá, na egúl yá Ísalayɛ́l gá gúnusenyi Yésu, ɛsámb yɔ́w yá eŋél buol ɛyɛ́ émeéyíd. 28Bámalá buand gidigid ubú ɔmɔ́ɔyɛd, oyond ayasɔ́mb agá bugaga bɔ́w gúmányɛ gá nsua. 29Nɛ́nuán gɔg Ɔgúnɔ́, lɛ́ŋɛ́d anyɛ́ bédísésenyé, diádábɛ́n basuá bél buol bɔ́w ká dídúmbenyi gugál gɔ́w kand buwa. 30Díyé bugaga bɔ́w nɛnama nɛ́nyá ká biéŋugie, na bisey, na bianta bá manda biála agá ɔfɛ́n wá ɛsámb yɔ́w yá eŋél buol Yésu.» 31Bámáal bámáman mbísógoli, kɔɔ́m ɔgɔ́ bámáabɛ́gɔ́sá kɔ́ egébiéyidin. Bɔ́bɔ́ gidigid obófuóg na Ɛsámb yá Mefúny, abábanyɛg guɔyɔ moóny má Gɔdányá kand buwa.
Niaf ná manda
32Giímb gá beédéb mabá ɔdɛm ómoom, na ɛmbɛ́dágɛ́dɛ́n imoom. Ta omoom ɔgɔ́b gá ɔlɔŋ udimɔyɔ́ ká bɔnɛ́m bág guɔ́bɔnɛn wɔ́ ɔwɔ́ eŋényé. Manda gidigid ɔmɔ́ bámáabiánán mabá má bɔ́bɔ́ beem. 33Béméelényí gɛ́laluá na bugaga gidigid gá guanyɔg gá Ɔgúnɔ́ Yésu aga ebeguén. Gɔdányá uwafɔna bɔ́ giod bɔ́bɔ́ beem. 34Ta mɔnd ɔgɔ́b gá ɔlɔŋ udimabá agá ɔsɔ́g wá buanda. Gá guán, band bámáabiánán bisién na biáns meduénén mɔ́, bóloón na muonyi má ondunó, 35bésiéŋén gá bedúmeb, bedúmeb éŋeén na mɔɔn á gɛdám ɛgɛ́ wambaná ká úbídúgún kɔ́. 36Kánɛ mɔnd anɛ Yɔ́sɛba wa nigúl ná léfi, uméebíbién Sipɛ́lɛ, ɔfɛn wág sɔ́n ká Balanábasa, anaány gúnyá ká: Mɔnd wéŋeniné makányá, umabiánán gisién. 37Uwedú gisién igiány, uwúlén muonyi, uwesiéŋín bedúmeb.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល