Bielínyélínyé 24
24
Bɔ́mɔ́ɔsɔ́mɛn Pólo aga ngɔ́mɔnɔ Felíse
1Medúg mátaán máal mámáadɔ́mb, ɔgɔ́n wa bɔgɔ́gɔ, Ananiása gusiám Sesalé na gɛdám gá bagɔn, na egéligél bábɛ́laná ká Tɛlɛtelúse, gudélímin ogóbusió bá ngɔ́mɔnɔ Felíse. 2Obóloón Pólo aga Tɛteluse, ebédúm gufudenyi wɔ́, ɔbɔ́yɔɔn Felíse ká: «Ngɔ́mɔnɔ wa ɔgɔ́n Felíse, digúsɔ́dɔɔn agá gianta gá bumbén góbusió bá manda ányá gunúgenyi agá gidɔŋ egie. 3Bese giod gá manda gidigid didáŋábaná gá bɛsɛgɛl, kɔɔ́m gidigid, diménuéŋín giod gá bese. 4Ndigúgudúmbenyi gɔg gɛsɛgɛl giod, buád buanda ndiámbáná gusɛŋɛn gɛsɛgɛl gán. Ngúgubísógólonyi ká ɔ́mbɛ́dɔ́lɛ́gɛn na ginɔ́g gá ɔdɛm gá mɔɔn wa gɛsɛgɛl. 5Dɛ́guán ká mɔnd ewe gusésenyi giod, ugúleen na gibueŋidie aga Beyúdɛn bá gus gidigid. Uwɔ́ nɔ́ ofuŋ wá giɔ́b bábɛ́laná Nasaleyɛ́ŋ. 6Umabanyɛ́g gusɛga ɔnyɛb wa Gɔdányá, idiadɛgɛn wɔ́#24.6 Imbɔbɔnɔ símodió guɔ́yɔ́ ká: Idiambɛd gugéli wɔ́ anyɛ́ bisele bás ɔ́yɔnɔ́. Siɔ́yɔ sɔ́n ká: Uganyɛ gá ebe béméefúdényi wɔ́ ká boól ɔgɔwɔ. [ 7#24.7 Bɔ́guɔ́yɔ agá imbɔbɔnɔ síndodi ká: Ɔgúnɔ́ wa bagɔn bá musia ɔfɛ́n ká Lisiása guámɛ́nɛn, uwasɔ́gád wɔ́ agás gá ɛmbɔ́g, na bugaga gidigid.] 8Aŋuá muát ófoón mɔnd uwaány iŋófúny, agaguán ká ubú diɔyɔnɔ́ búbɛ́lɛ́ŋaná wɔ́ nyɛ meliŋítas.» 9Beyúdɛn gúdídígeen gifudie, bádában ká gínyɛ meliŋítas.
Pólo gúbísaága
10Ngɔ́mɔnɔ gual Pólo ikéy ká úgɔ́l gugál. Pólo gugɔ́l gugál uganyɛ ká: «Ngúlɛnsan ká anyɛ esúmb bɛsan wa gidɔŋ gás búgányɛ duɔŋ giod. Ndigúbianan buwa ká mbiɔ́gɔnɔgɔn ɔgɔ́w góbusió. 11Anyɛ bégubidid án ká búmányɛ búdiál medug mát na mandɛ iméebúlígí Yelúsalɛm gá guakanyá Gɔdányá. 12Mɔnd mányɛ udimfuɔ́gɛ́n nsáŋa, ta gudídígin band gá guala gibueŋidie, ta agá ɔnyɛb wá Gɔdányá, ta agá gians gá mbísógól ta agá tísɔn. 13Band ebe dɛbá bégúdíye ubú bémfudenyé gá bú. 14Búnyɛ nɔ́, ngulɛnsaan ká nnyɛ gá buol bá Gɔdányá wa besié bás. Gá nŋili ɛyɛ́ bɔ́yɔnɔ́ ká ɛdɛbá mbanda nŋilé. Nguádábaan búnyá buɔ́ŋɔ́n agá mbɔbɔnɔ ya bisele, na agá mbɔbɔnɔ ya mubús má Gɔdányá. 15Nguágaan ɔdɛm aga Gɔdányá anyɛ band abaány, ká besi na band bádiábá besi ganyɔgaan aga ebeguén. 16Buád buanda mbífánaná bugaga yaŋuá muát ká yánda kand ɛŋágɛ́nɛ́ná ogóbúsió bá Gɔdányá ta bá band. 17Agá gélem gá duɔŋ, iyond Yelúsalɛm gá gúsidúgún gɛdɔŋ gám, na guéŋin Gɔdányá bɛbiág. 18Búbú imáabá yala anyɛ́ bɔ́mɔ́ɔmfuɔ́g agá ɔnyɛb wá Gɔdányá, imabá kɔ́ gá gɛsɔgɔna. Ta giŋi, ta gibueŋidie gídɛmabá. 19Gɔɔ́g gɛdám gá Beyúdɛn gá gɛdɔŋ gá Así bámáabá kɔ́, bɔ́bɔ́ bányá bégúdélímin ɔgɔ́w góbusió gá gumfudenyi, ímábá bányɛ buóny nam. 20Gúméne, nsɛ́ band bémfudenyé ɔ́yɛd nɛnama na giɔ́n mɔnd a bányá gɔlɛns gám, anyɛ́ iméedélímín agá nɛgál ɛnɛgɔn ná Beyúdɛn. 21Ala búnyɛ gá guánsɛ́d ɔgɔ́ mmánsɛ́d ɔgɔ́b gá busió ká: “Ngúbianan giondiɔdɛ́mɔ́ ká Ɔgúnɔ́ genyugi beguén, gá buád buóny nungélenyé ínen e”?»
22Anyɛ́ ngɔ́mɔnɔ Felíse máalɛnsaán bese manda málɛ́ŋaná nŋili ya Ɔgúnɔ́, uwondi nɛgál buɔ́s búmodió, uganyɛ gá Beyúdɛn ká: «Ngagál busɔ́m bán anyɛ́ ɔgɔ́n wa bagɔn bá musia Lísiasa genuúl.» 23Uwéŋín ɔgɔn wa musia bugaga bágúbɛ́dɛ́gɛn Pólo agá gians gá mbíne. Uwanɛnɛn Pólo bufilí ká, begúl bág sidúgúne wɔ́ ány.
Pólo agá gians gá mbíne
24Medug máal ná gudɔ́mb, Felíse gusiám ɔlɔŋ na agany waga Dulusíle, uwaány mabá wa Beyúdɛn. Felíse uwadɔ́m band ká bábɛ́lɛ́gɛn Pólo. Felíse uwɔbɛ́dɔ́lɛ́gɔn Pólo ugála gá ebue búmáabá búlɛ́ŋa nŋádáb aga Yésu Kilíse. 25Gá gɛsɛgɛl gɔg ɛgɛ́ Pólo máabɛ́n guɔyɔ manda málɛ́ŋaná busi, na gubígúlúmenyi aŋuá muát, na nɛgál nílené, na bɛsan. Buwa ubuádɛgɛn Felíse, uganyɛ gá Pólo ká: «Agany bágɔ́dɔ́mb nɛ́nuán, anyɛ́ nganúbia gɛsɛgɛl, ngagubɛ́lɛ́gɛn.» 26Felíse mabɛ́dágá ká Pólo gafá wɔ́ muonyi, buád buanda umáabá ubɛ́laan wɔ́ gá guɔyɔ moóny. 27Duɔŋ duándɛ gɔdɔ́mb. Ány, Felíse gubia gisígíl ɔfɛ́n ká Polosius Fesetúse. Anyɛ́ Felíse máambá gubá bese ogóbusió bá Beyúdɛn, uwanɛn Pólo agá gians gá mbine.
ទើបបានជ្រើសរើសហើយ៖
Bielínyélínyé 24: MMU2
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Bielínyélínyé 24
24
Bɔ́mɔ́ɔsɔ́mɛn Pólo aga ngɔ́mɔnɔ Felíse
1Medúg mátaán máal mámáadɔ́mb, ɔgɔ́n wa bɔgɔ́gɔ, Ananiása gusiám Sesalé na gɛdám gá bagɔn, na egéligél bábɛ́laná ká Tɛlɛtelúse, gudélímin ogóbusió bá ngɔ́mɔnɔ Felíse. 2Obóloón Pólo aga Tɛteluse, ebédúm gufudenyi wɔ́, ɔbɔ́yɔɔn Felíse ká: «Ngɔ́mɔnɔ wa ɔgɔ́n Felíse, digúsɔ́dɔɔn agá gianta gá bumbén góbusió bá manda ányá gunúgenyi agá gidɔŋ egie. 3Bese giod gá manda gidigid didáŋábaná gá bɛsɛgɛl, kɔɔ́m gidigid, diménuéŋín giod gá bese. 4Ndigúgudúmbenyi gɔg gɛsɛgɛl giod, buád buanda ndiámbáná gusɛŋɛn gɛsɛgɛl gán. Ngúgubísógólonyi ká ɔ́mbɛ́dɔ́lɛ́gɛn na ginɔ́g gá ɔdɛm gá mɔɔn wa gɛsɛgɛl. 5Dɛ́guán ká mɔnd ewe gusésenyi giod, ugúleen na gibueŋidie aga Beyúdɛn bá gus gidigid. Uwɔ́ nɔ́ ofuŋ wá giɔ́b bábɛ́laná Nasaleyɛ́ŋ. 6Umabanyɛ́g gusɛga ɔnyɛb wa Gɔdányá, idiadɛgɛn wɔ́#24.6 Imbɔbɔnɔ símodió guɔ́yɔ́ ká: Idiambɛd gugéli wɔ́ anyɛ́ bisele bás ɔ́yɔnɔ́. Siɔ́yɔ sɔ́n ká: Uganyɛ gá ebe béméefúdényi wɔ́ ká boól ɔgɔwɔ. [ 7#24.7 Bɔ́guɔ́yɔ agá imbɔbɔnɔ síndodi ká: Ɔgúnɔ́ wa bagɔn bá musia ɔfɛ́n ká Lisiása guámɛ́nɛn, uwasɔ́gád wɔ́ agás gá ɛmbɔ́g, na bugaga gidigid.] 8Aŋuá muát ófoón mɔnd uwaány iŋófúny, agaguán ká ubú diɔyɔnɔ́ búbɛ́lɛ́ŋaná wɔ́ nyɛ meliŋítas.» 9Beyúdɛn gúdídígeen gifudie, bádában ká gínyɛ meliŋítas.
Pólo gúbísaága
10Ngɔ́mɔnɔ gual Pólo ikéy ká úgɔ́l gugál. Pólo gugɔ́l gugál uganyɛ ká: «Ngúlɛnsan ká anyɛ esúmb bɛsan wa gidɔŋ gás búgányɛ duɔŋ giod. Ndigúbianan buwa ká mbiɔ́gɔnɔgɔn ɔgɔ́w góbusió. 11Anyɛ bégubidid án ká búmányɛ búdiál medug mát na mandɛ iméebúlígí Yelúsalɛm gá guakanyá Gɔdányá. 12Mɔnd mányɛ udimfuɔ́gɛ́n nsáŋa, ta gudídígin band gá guala gibueŋidie, ta agá ɔnyɛb wá Gɔdányá, ta agá gians gá mbísógól ta agá tísɔn. 13Band ebe dɛbá bégúdíye ubú bémfudenyé gá bú. 14Búnyɛ nɔ́, ngulɛnsaan ká nnyɛ gá buol bá Gɔdányá wa besié bás. Gá nŋili ɛyɛ́ bɔ́yɔnɔ́ ká ɛdɛbá mbanda nŋilé. Nguádábaan búnyá buɔ́ŋɔ́n agá mbɔbɔnɔ ya bisele, na agá mbɔbɔnɔ ya mubús má Gɔdányá. 15Nguágaan ɔdɛm aga Gɔdányá anyɛ band abaány, ká besi na band bádiábá besi ganyɔgaan aga ebeguén. 16Buád buanda mbífánaná bugaga yaŋuá muát ká yánda kand ɛŋágɛ́nɛ́ná ogóbúsió bá Gɔdányá ta bá band. 17Agá gélem gá duɔŋ, iyond Yelúsalɛm gá gúsidúgún gɛdɔŋ gám, na guéŋin Gɔdányá bɛbiág. 18Búbú imáabá yala anyɛ́ bɔ́mɔ́ɔmfuɔ́g agá ɔnyɛb wá Gɔdányá, imabá kɔ́ gá gɛsɔgɔna. Ta giŋi, ta gibueŋidie gídɛmabá. 19Gɔɔ́g gɛdám gá Beyúdɛn gá gɛdɔŋ gá Así bámáabá kɔ́, bɔ́bɔ́ bányá bégúdélímin ɔgɔ́w góbusió gá gumfudenyi, ímábá bányɛ buóny nam. 20Gúméne, nsɛ́ band bémfudenyé ɔ́yɛd nɛnama na giɔ́n mɔnd a bányá gɔlɛns gám, anyɛ́ iméedélímín agá nɛgál ɛnɛgɔn ná Beyúdɛn. 21Ala búnyɛ gá guánsɛ́d ɔgɔ́ mmánsɛ́d ɔgɔ́b gá busió ká: “Ngúbianan giondiɔdɛ́mɔ́ ká Ɔgúnɔ́ genyugi beguén, gá buád buóny nungélenyé ínen e”?»
22Anyɛ́ ngɔ́mɔnɔ Felíse máalɛnsaán bese manda málɛ́ŋaná nŋili ya Ɔgúnɔ́, uwondi nɛgál buɔ́s búmodió, uganyɛ gá Beyúdɛn ká: «Ngagál busɔ́m bán anyɛ́ ɔgɔ́n wa bagɔn bá musia Lísiasa genuúl.» 23Uwéŋín ɔgɔn wa musia bugaga bágúbɛ́dɛ́gɛn Pólo agá gians gá mbíne. Uwanɛnɛn Pólo bufilí ká, begúl bág sidúgúne wɔ́ ány.
Pólo agá gians gá mbíne
24Medug máal ná gudɔ́mb, Felíse gusiám ɔlɔŋ na agany waga Dulusíle, uwaány mabá wa Beyúdɛn. Felíse uwadɔ́m band ká bábɛ́lɛ́gɛn Pólo. Felíse uwɔbɛ́dɔ́lɛ́gɔn Pólo ugála gá ebue búmáabá búlɛ́ŋa nŋádáb aga Yésu Kilíse. 25Gá gɛsɛgɛl gɔg ɛgɛ́ Pólo máabɛ́n guɔyɔ manda málɛ́ŋaná busi, na gubígúlúmenyi aŋuá muát, na nɛgál nílené, na bɛsan. Buwa ubuádɛgɛn Felíse, uganyɛ gá Pólo ká: «Agany bágɔ́dɔ́mb nɛ́nuán, anyɛ́ nganúbia gɛsɛgɛl, ngagubɛ́lɛ́gɛn.» 26Felíse mabɛ́dágá ká Pólo gafá wɔ́ muonyi, buád buanda umáabá ubɛ́laan wɔ́ gá guɔyɔ moóny. 27Duɔŋ duándɛ gɔdɔ́mb. Ány, Felíse gubia gisígíl ɔfɛ́n ká Polosius Fesetúse. Anyɛ́ Felíse máambá gubá bese ogóbusió bá Beyúdɛn, uwanɛn Pólo agá gians gá mbine.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល