Bielínyélínyé 22
22
1«Belimen na besié bám, ɔ́nubɛ́dɔ́lɛ́gɛ́n gubɛsaág gám nɛ́nuán.» 2Band melúŋeén anyɛ́ bɔ́mɔ́ɔb ká Pólo gúgala gɔ́b agá gugál gá Beyúdɛn. 3«Inyɛ yúdɛn, imebíbién agá tísɔn wa Tálás unyá agá giéns gá gus gá Silisí. Imagɔmɔ agá tísɔn wa Yelúsalɛm agá ɛmbɔ́g sá Gamaliɛ́la. Uwemfúnyifunyi bisele bá besié bás gɔɔ́g anyɛ́ bínyá. Imebiéŋeén bese na bese aga Gɔdányá anyɛ banuá ínen. 4Imesésényínyí, yɔɔ́nɔ band bámáaládaán nŋili ya Ɔgúnɔ́. Yadɛgaan banɔ́mandɔ na bagánd, yágaan bɔ́ masɛŋɛ, yétenyi bɔ́ agá gians gá mbíne. 5Ɔgɔ́gɔ na giɔ́b gá bagɔn, nyɛ béguŋéli gɛ́laluá. Bɔ́bɔ́ bámáamfá mbɔbɔnɔ ká béŋin gá belimen bás bányá Damás, na busɔ́m búnyá ká yádɛgaan beédéb, yágaan bɔ́ masɛŋɛ yóndón bɔ́ Yelúsalɛm ká bábia nugényigeny.
6«Imabaán nobusió na ɔŋɛnd mbísidaan Damás, iyasiánɛ́n na ɔdɛm wa buɔ́s, gianta gá gise gílenin ugumuana, igiámbɔ́gɛn. 7Iyagua egegus, iyɔɔ́b ekelu úmɔ́ɔyɔ́ gám ká: “Sɔ́lɔ, Sɔ́lɔ, giág ensésenyé e?” 8Iyófún ká: “Aŋuá ányá e Ɔgúnɔ́?” Ekelu guondinyi ká: “Inyɛ Yésu wa Násalɛd, yaŋuá wɔ́ esésenyé.” 9Band bámáabá ɔlɔŋ nam, máan gise bese, bɔ́dimɔ́ɔb gɔg ekelu umáagálá gám. 10Iyófún ká: “Yaál giág e Ɔgúnɔ́?” Ɔgúnɔ́ uwondinyi, uganyɛ ká: “Adɔ́g, mbɛ́ Damása, bɔ́gɔ́guɔyɛdɛn gédédu gédéd buol abiananá ká ál kɔ́.” 11Anyɛ́ gise igiány máaŋág gɔg bibúde, band dimáabá nɔbɔ meŋendényí gutɔ guám Damás.
12«Mɔnd omodió ɔfɛ́n Ananiása mabá Damása. Umabá wala Gɔdányá nŋɔ́bɛnɔ, ubɛ́dɛ́gaan bisele bá Moyíso. Beyúdɛn bámáabá agág gá buáy makanyá wɔ́. 13Uwɔsimfuɔ́g, uganyɛ ká: “Endimen wám Sɔ́lɔ, ánd gudúm guánaan!” Kɔ́ nɔ kɔ́, iyedúm guánaan, iyaán wɔ́. 14Uganyɛ ká: “Gɔdányá wa besié bás mɔgudɔ́bɔ́n nsuá ká álɛ́ns gubílén gág, ká án ká uwɔ́ eŋényé unyá osi, ónd ɔ́b ekelu wág. 15Agúbianan ká ábá eŋél gɛ́laluá waga, ká ɔ́yɔɔn band ubú amáan oyond ɔyɔ́ɔb. 16Giág edílénene e? Ólo dɛɛ́b! Ábia nduén na gɛsɔgɔna gá bɛfal bɔ́w, ábɛ́laan ɔfɛ́n wág.”
17«Anyɛ́ imóosiónd Yelúsalɛm ebue buɔ́s, imabaán gá mbísógól agá ɔnyɛb wá Gɔdányá. Iyabia giényigie. 18Iyaán Ɔgúnɔ́, uganyɛ gám ká: “Adɔ́g fiaŋ Yelúsalɛm gágual ká bádigádáb gufúnyifunyi gɔ́w gám góbúsió.” 19Iyondinyi ká: “Ɔgúnɔ́, bágulɛnsaan bese na bese ká yaŋuá imáabá mbíŋeen agá bians bá mbísógól bá Beyúdɛn. Yádɛgaan Beédéb gá guágaan bɔ́ masɛŋɛ, ngide bómodió dusue gágual ká bámabá báguádábaan. 20Gɛsɛgɛl bɔ́mɔ́ɔnɔ́ Ítiene, eŋél gɛ́laluá wɔ́w, yaŋuá sɔ́n imabá ekelu nɔbɔ, iyabɛ́dɛ́gɛn bɛla bɔ́b.” 21Uganyɛ gám gɔg ká: “Mbɛ́! Gágual ká yaŋuá ngɔdɔ́maná ayáyá, giáy gá bɛdɔŋ bímodió.”»
22Beyúdɛn bɔ́mɔ́ɔbɛ́dɔ́lɛ́gɔɔ́n Pólo guám agá moóny amaány, abaág ndume bɔ́yɔ ká: «Énuségínyí wɔ́, ugúbianan ká úgú, wádɔg agá gus egue!» 23Anɛ́ bámáabá bánsa giod, ebébiélenyi bɛla bá gúmuana, ebédugenyi otuútu. 24Ɔgúnɔ́ wá bagɔn bá musia guófún ká bébíŋínyi Pólo agá gians gá musia ká bánáŋɛ́d wɔ́ ká wɔ́yɛd gá giág band ánsaná gá gɛ́. 25Bámáal bágɔ́d Pólo ká bánáŋɛ́d wɔ́, uganyɛ gá ɔgɔ́n wa musia ká: «Inyɛ mɔnd bisele bá Lɔ́m áŋɛ́ganá. Nudigúbianan bugaga bágunáŋɛ́d gɛsɛgɛl buóny bám mányáná búdɛ́bɛ́sɔ́mb.» 26Agá gugál gá Pólo uguány, ɔgɔ́n wa musia guɔ́yɛ́dɛ́n ɔgɔ́n waga ká: «Agaguál nanyá ány nɛ́nuán e? Mɔnd uwaány nyɛ Lomɛ́ŋ.» 27Ɔgɔ́n wa bagɔn bá musia uwaány guúl gá gúsiófún Pólo ká: «Nŋɔyɛ́dɛ́n meliŋítas, anyɛ Lomɛ́ŋ e?» Pólo ganyɛ ká: «ɛɛ́ŋ». 28Ɔgúnɔ́ uwany ganyɛ ká: «Yaŋuá iméeŋín muonyi giod ká mbá mɔnd bisele bá Lɔ́m áŋɛ́ganá.» Pólo ganyɛ ká: «Yaŋuá, inyɛ na edény uwaány biá bíbiéne wam.» 29Ebe bámáabá ká bégíde wɔ́ ká báal ká úgálɛ́d, abátɛɛ́n wɔ́ kɔ́ nɔ kɔ́. Ɔgɔ́n wa bagɔn bá musia mabiá buwa anyɛ́ uméeŋín bugaga ká baág Pólo masɛŋɛ, uwond uwalɛns ká Pólo nyɛ mɔɔn wá Balomɛ́ŋ.
Pólo agá nɛgál ɛnɛgɔn ná Beyúdɛn
30Mémbelibél, ɔgɔ́n wa musia mambá gɔlɛns bese na bese gá giág Beyúdɛn mɔ́ɔsɔ́mɔɔ́n Pólo. Uwɔyɛd ká béli wɔ́ masɛŋɛ; uwadán gilumén na bɔgɔ́gɔ, na band bá nɛgál ɛnɛgɔn ná Beyúdɛn, uwɔyɛd ká bóloón Pólo ká úsidélímín gá nɛgál.
ទើបបានជ្រើសរើសហើយ៖
Bielínyélínyé 22: MMU2
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Bielínyélínyé 22
22
1«Belimen na besié bám, ɔ́nubɛ́dɔ́lɛ́gɛ́n gubɛsaág gám nɛ́nuán.» 2Band melúŋeén anyɛ́ bɔ́mɔ́ɔb ká Pólo gúgala gɔ́b agá gugál gá Beyúdɛn. 3«Inyɛ yúdɛn, imebíbién agá tísɔn wa Tálás unyá agá giéns gá gus gá Silisí. Imagɔmɔ agá tísɔn wa Yelúsalɛm agá ɛmbɔ́g sá Gamaliɛ́la. Uwemfúnyifunyi bisele bá besié bás gɔɔ́g anyɛ́ bínyá. Imebiéŋeén bese na bese aga Gɔdányá anyɛ banuá ínen. 4Imesésényínyí, yɔɔ́nɔ band bámáaládaán nŋili ya Ɔgúnɔ́. Yadɛgaan banɔ́mandɔ na bagánd, yágaan bɔ́ masɛŋɛ, yétenyi bɔ́ agá gians gá mbíne. 5Ɔgɔ́gɔ na giɔ́b gá bagɔn, nyɛ béguŋéli gɛ́laluá. Bɔ́bɔ́ bámáamfá mbɔbɔnɔ ká béŋin gá belimen bás bányá Damás, na busɔ́m búnyá ká yádɛgaan beédéb, yágaan bɔ́ masɛŋɛ yóndón bɔ́ Yelúsalɛm ká bábia nugényigeny.
6«Imabaán nobusió na ɔŋɛnd mbísidaan Damás, iyasiánɛ́n na ɔdɛm wa buɔ́s, gianta gá gise gílenin ugumuana, igiámbɔ́gɛn. 7Iyagua egegus, iyɔɔ́b ekelu úmɔ́ɔyɔ́ gám ká: “Sɔ́lɔ, Sɔ́lɔ, giág ensésenyé e?” 8Iyófún ká: “Aŋuá ányá e Ɔgúnɔ́?” Ekelu guondinyi ká: “Inyɛ Yésu wa Násalɛd, yaŋuá wɔ́ esésenyé.” 9Band bámáabá ɔlɔŋ nam, máan gise bese, bɔ́dimɔ́ɔb gɔg ekelu umáagálá gám. 10Iyófún ká: “Yaál giág e Ɔgúnɔ́?” Ɔgúnɔ́ uwondinyi, uganyɛ ká: “Adɔ́g, mbɛ́ Damása, bɔ́gɔ́guɔyɛdɛn gédédu gédéd buol abiananá ká ál kɔ́.” 11Anyɛ́ gise igiány máaŋág gɔg bibúde, band dimáabá nɔbɔ meŋendényí gutɔ guám Damás.
12«Mɔnd omodió ɔfɛ́n Ananiása mabá Damása. Umabá wala Gɔdányá nŋɔ́bɛnɔ, ubɛ́dɛ́gaan bisele bá Moyíso. Beyúdɛn bámáabá agág gá buáy makanyá wɔ́. 13Uwɔsimfuɔ́g, uganyɛ ká: “Endimen wám Sɔ́lɔ, ánd gudúm guánaan!” Kɔ́ nɔ kɔ́, iyedúm guánaan, iyaán wɔ́. 14Uganyɛ ká: “Gɔdányá wa besié bás mɔgudɔ́bɔ́n nsuá ká álɛ́ns gubílén gág, ká án ká uwɔ́ eŋényé unyá osi, ónd ɔ́b ekelu wág. 15Agúbianan ká ábá eŋél gɛ́laluá waga, ká ɔ́yɔɔn band ubú amáan oyond ɔyɔ́ɔb. 16Giág edílénene e? Ólo dɛɛ́b! Ábia nduén na gɛsɔgɔna gá bɛfal bɔ́w, ábɛ́laan ɔfɛ́n wág.”
17«Anyɛ́ imóosiónd Yelúsalɛm ebue buɔ́s, imabaán gá mbísógól agá ɔnyɛb wá Gɔdányá. Iyabia giényigie. 18Iyaán Ɔgúnɔ́, uganyɛ gám ká: “Adɔ́g fiaŋ Yelúsalɛm gágual ká bádigádáb gufúnyifunyi gɔ́w gám góbúsió.” 19Iyondinyi ká: “Ɔgúnɔ́, bágulɛnsaan bese na bese ká yaŋuá imáabá mbíŋeen agá bians bá mbísógól bá Beyúdɛn. Yádɛgaan Beédéb gá guágaan bɔ́ masɛŋɛ, ngide bómodió dusue gágual ká bámabá báguádábaan. 20Gɛsɛgɛl bɔ́mɔ́ɔnɔ́ Ítiene, eŋél gɛ́laluá wɔ́w, yaŋuá sɔ́n imabá ekelu nɔbɔ, iyabɛ́dɛ́gɛn bɛla bɔ́b.” 21Uganyɛ gám gɔg ká: “Mbɛ́! Gágual ká yaŋuá ngɔdɔ́maná ayáyá, giáy gá bɛdɔŋ bímodió.”»
22Beyúdɛn bɔ́mɔ́ɔbɛ́dɔ́lɛ́gɔɔ́n Pólo guám agá moóny amaány, abaág ndume bɔ́yɔ ká: «Énuségínyí wɔ́, ugúbianan ká úgú, wádɔg agá gus egue!» 23Anɛ́ bámáabá bánsa giod, ebébiélenyi bɛla bá gúmuana, ebédugenyi otuútu. 24Ɔgúnɔ́ wá bagɔn bá musia guófún ká bébíŋínyi Pólo agá gians gá musia ká bánáŋɛ́d wɔ́ ká wɔ́yɛd gá giág band ánsaná gá gɛ́. 25Bámáal bágɔ́d Pólo ká bánáŋɛ́d wɔ́, uganyɛ gá ɔgɔ́n wa musia ká: «Inyɛ mɔnd bisele bá Lɔ́m áŋɛ́ganá. Nudigúbianan bugaga bágunáŋɛ́d gɛsɛgɛl buóny bám mányáná búdɛ́bɛ́sɔ́mb.» 26Agá gugál gá Pólo uguány, ɔgɔ́n wa musia guɔ́yɛ́dɛ́n ɔgɔ́n waga ká: «Agaguál nanyá ány nɛ́nuán e? Mɔnd uwaány nyɛ Lomɛ́ŋ.» 27Ɔgɔ́n wa bagɔn bá musia uwaány guúl gá gúsiófún Pólo ká: «Nŋɔyɛ́dɛ́n meliŋítas, anyɛ Lomɛ́ŋ e?» Pólo ganyɛ ká: «ɛɛ́ŋ». 28Ɔgúnɔ́ uwany ganyɛ ká: «Yaŋuá iméeŋín muonyi giod ká mbá mɔnd bisele bá Lɔ́m áŋɛ́ganá.» Pólo ganyɛ ká: «Yaŋuá, inyɛ na edény uwaány biá bíbiéne wam.» 29Ebe bámáabá ká bégíde wɔ́ ká báal ká úgálɛ́d, abátɛɛ́n wɔ́ kɔ́ nɔ kɔ́. Ɔgɔ́n wa bagɔn bá musia mabiá buwa anyɛ́ uméeŋín bugaga ká baág Pólo masɛŋɛ, uwond uwalɛns ká Pólo nyɛ mɔɔn wá Balomɛ́ŋ.
Pólo agá nɛgál ɛnɛgɔn ná Beyúdɛn
30Mémbelibél, ɔgɔ́n wa musia mambá gɔlɛns bese na bese gá giág Beyúdɛn mɔ́ɔsɔ́mɔɔ́n Pólo. Uwɔyɛd ká béli wɔ́ masɛŋɛ; uwadán gilumén na bɔgɔ́gɔ, na band bá nɛgál ɛnɛgɔn ná Beyúdɛn, uwɔyɛd ká bóloón Pólo ká úsidélímín gá nɛgál.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល