Bielínyélínyé 13
13
Na Balanábasa na Sɔ́lɔ máab gá busɔ́m
1Agá giɔ́b gá beédéb gímáabá Antiyóso, mubús na befúnyifúny mabá kɔ́. Bámabá: Balanábasa, Símiyono unyá sɔ́n ɔfɛ́n ká Ofiídido, Lusiuse wa Silɛ́n na Manayɛ́na uwɔ́ umáagɔmaán ɔlɔŋ na ofuŋ Elódo agá giéns gá gus gá Galilé na Sɔ́lɔ. 2Buɔ́s búndodi, anyɛ́ bámáabá bóbísógólonyi na gubílég gá manyán, Ɛsámb yá Mefúny ganyɛ gɔ́b ká: «Ánɔnyáŋɔ́nɛ́n na Sɔ́lɔ na Balanábasa ká bála buol ubú nságunyáŋɔ́n bɔ́ gá bú.» 3Agá gélem gá mbísógól na gubilég manyán, abádála bɔ́ ɛmbɔ́g, abátɛɛ́n band abaány ká bádɔ́mb.
Balanábasa na Sɔ́lɔ gúban Sipɛ́lɛ
4Ɛsámb yá Mefúny máal na gudɔ́m Balanábasa na Sɔ́lɔ anaány, ebédúnúg Selesí, uguány, abábɔ́lɛ́g agá gianta gá gilu gá gɔb agá ɛlua yá Sipɛ́lɛ. 5Bámaán Salamin, ebédum guɔyɔ gugal gá Gɔdányá agá bians bá mbísógól bá Beyúdɛn. Sáŋa Málakuse mabá nɔbɔ udúgúne bɔ́. 6Bámáal ná gɔyɔɔg ɛlua yá Sipɛ́lɛ gidigid, guám Páfos, ebélumen kɔ́ na eŋeli bɛsɔ umáabá ubiɔ́yɔ ká unyɛ ibús: umabá yúdɛn, ɔfɛ́n wág ká Bál-yésu, 7umɔsɔ́dɔɔ́n aga ngɔ́mɔnɔ uwɔgɔ́n. Ngɔ́mɔnɔ uwaány mabá na nsiŋi, ɔfɛ́n wág mabá ká Sɛlɛgiúse Pawulúse. Umabɛ́lɛ́gɛ́n Balanábasa na Sɔ́lɔ gágual ká, umambá guɔ́b gugál gá Gɔdányá. 8Wád eŋél bisɔ, ɔfɛ́n wág óndodi na nugɛlɛ́k nyá ká Elimasa máabɛ́bɛ́ndɛ́mɛ́d bɔ́. Udimambá ká ngɔ́mɔnɔ uwaány ɛ́y eŋédéb. 9Kányɛ Sɔ́lɔ bábɛ́laná sɔ́n ká Pólo, umáabá ófuógón na Ɛsámb yá Mefúny máadámb wɔ́ eŋís. 10Uganyɛ gág ká: «Aŋuá ewe ányá ofuogón na mebénd, na ifíl, mɔɔn wá Sátan, ɔmbɛ́lɛmbɛ́l wá buand gidigid búnyá bese. Niík ɔ́gɔnúdɔ́mb gugɔndɔɔn iŋili sá Ɔgúnɔ́ sɛ́nyá ndénye e? 11Ɔ́b nɛ́nuán, Ɔgúnɔ́ gégubísíd, ɛ́y obúdobudo, adigand guán gise gá ɔɔ́ny gá gɛsɛgɛl.» Kɔ́ nɔ kɔ́, eŋís yá Elimasa eyégídíg, udimand guánaan buanda, uwɔb gá gúdɔmɔdɔm ány wamba mɔnd waguadɛgɛn wɔ́ agá ɔmbɔ́g ká wendenyi wɔ́. 12Anyɛ́ ngɔ́mɔnɔ uwɔgɔ́n máan buanda bumáabɛ́dɔ́mbɔ, uwɛɛ́y eŋédéb gágual ká gufúnyifunyi gá Ɔgúnɔ́ mebísíd wɔ́.
Gugál gá Pólo Antiyóso wa Pisidí
13Pólo na band béméedílígén wɔ́ abábɔ́lɛ́g Páfos agá gilu ɛgɛgɔ́n, abáb Pɛlɛgé agá giéns gá gus gá Pamfilí. Ány Sáŋa máadɔ́gán nɔbɔ, uwond Yelúsalɛm. 14Bɔ́bɔ́, abádɔg Pɛlɛgé, abáb nobusió na ɔŋɛnd, abánaám Antiyóso wa Pisidí. Buɔ́s bá gudúkid gá Beyúdɛn, ebébíŋín agá gians gá mbísógól gá Beyúdɛn ebélukumin. 15Guban gá mbɔbɔnɔ ya bisele na ya mubús máal gúmámana, bagɔn bá gians gá mbísógól abádɔ́m band ká baál gɔ́b ká: «Belimen, ɔ́gɔ nunyɛ na buóny bá guɔyɛd ká nuág band makányá, ɔ́nugɔ́l gugál!» 16Pólo gɔg gudélímin, gufégídenyi ɔmbɔ́g uganyɛ ká:
«Band Bísalayɛ́l, na banuá nudínené Gɔdányá, ɔ́numbɛ́dɔ́lɛ́gɛ́n! 17Gɔdányá wa nigúl ná Ísalayɛ́l meyíd besié bás. Uwaal ká nigúl iniány deg gigúl ɛgɛ́ nɛ́máabá agá gɛdɔŋ gá Esípit; uwesugúdenyi guémi bɔ́ kɔ́ na bugaga bág; 18buanda bá duɔŋ etín ándɛ, uwoyonyi bɔ́ agá giɔ́ndɔ́; 19agá gélem ány, umáal úméfúfi bɛdɔŋ bá Kanahán bɛ́tɛ́ndád nomo, uwɔgɔ́l gus gɔ́b, uwefenyi gú gá gɛdɔŋ gág anyɛ bisíg-síg. 20Buand ubuány ubuagɛ́gɛd buand bá duɔŋ dɔgɔ́n dúní na etín ándɛ na duɔŋ duát. Agá gélem ány, uwéŋin bɔ́ besúmb moóny, guám agá gigúl gá Samuɛ́la ibús yá Gɔdányá. 21Abád guófún ofuŋ, Gɔdányá uwéŋin bɔ́ Sawúle mɔɔn wá Kís, mɔnd wa nigúl ná Bɛnɛsamɛ́ŋa umáal agá bufuŋ duɔŋ etín ándɛ. 22Gɔdányá máal úméli Sawúle, uwéŋin bɔ́ ofuŋ Défide. Gɔdányá ganyɛ ká: “Ngufuɔg Défide mɔɔn wá Yése, mɔnd uwaány gúnsɔ́gɔ ɔdɛm. Ugofuógonyi gubílén gám gidigid.” 23Agág gá nugɔgɔ, Yésu Osód wa Ísalayɛ́l genúlín gɔɔ́gɔ́ anyɛ́ Gɔdányá máadán. 24Yésu mabá umányɛ udisiám, Sáŋa mabá umáman guɔyɔɔn nigúl ná Ísalayɛ́l gidigid ká bénúgún gusɔ́d gɔ́b, bébídu, 25ká wámán busɔ́m bág, uganyɛ ká: “Nugúbɛ́dága ká inyɛ ányá e? Ndɛbá ewe uwɔ́ nubídenyé! Ɔ́nuɔ́b gɔ́g, mɔnd gúsién wúleén agám gá gélem, unyɛ na bugaga wundúmbaán. Ndɛbá na nɔndɔ ná gúgudimid ká Yéli mfaŋáŋá ság.”
26«Belimen, ta nubá band bá nɔgɔgɔ ná Ábalaháma ɔ́gɔ ká ebe bányá agán gá gadágadá bédínené Gɔdányá, nsɔ́m ya gisódio móol gás góbusió basuá bem. 27Búnyɛ́ ká, band bá Yelúsalɛm na bagɔn bɔ́b manɔmɔ́g ányá unyá Yésu, anyɛ́ bámáasɔ́mb ká bɔɔ́n wɔ́, ány bómóofuógi gugál gá mubús má Gɔdányá ugú bábánaná sig buɔ́siɔ́ bá sábát. 28Ta anyɛ́ bámáal bádián gɛgua gagual ká bɔɔ́n wɔ́, bágányɛ gá Piláta ká wɔɔ́n wɔ́. 29Bámáal bómófuógi buanda gidigid búmáabá buɔ́ŋɔ́n gág góbusió, ebéseli wɔ́ agá kolos, abánaág wɔ́ agá gɛbɛl. 30Gɔdányá gɔg guenyugi wɔ́ gá ebeguén, 31uwebídíyényi agá ebe béméebúlígí naga, gubanyɛg Galilé, guám Yelúsalɛm mɔɔ́s giod. Bɔ́bɔ́ bád bányá bél gɛ́laluá bág nɛ́nuán ogóbúsió bá nigúl ná Ísalayɛl.
32«Basuá sɔ́n digúnúdúmbenyinyi Ndág ya Nsɔ́m iyaány ká: ndán iyɛ́ Gɔdányá méeŋín besié bás, 33umófuógí yɛ́ gás, basuá baan bɔ́b, anyɛ́ uméenyúgí Yésu aga ebeguén; gɔɔ́gɔ́ anyɛ́ búnyá buɔ́ŋɔ́n agá mbɔbɔnɔ ya Ɛsag, asag wá gándɛ ká:
Anyɛ mɔɔn wám,
gubanyɛg ínen, yaŋuá inyá Tiɔ́.
34«Gɔdányá mɔyɛ́d ká ugenyugi wɔ́ aga ebeguén ká nuɔ́l nág dɛ́yɛkɛ. Ana umɔ́ɔyɛ́d:
Gɛfɔn gínyá ɛsámb na
meliŋítas, ɛgɛ́ imáadánɛ́n Défide, ngenuéŋin gɛ́.
35«Buád buanda wanda guɔ́yɔ sɔ́n kɔɔ́m góndodi ká:
Adɛganɛn ká ewe ɔmɔ́ɔdɔ́bɔ́n yɛ́k agá gɛbɛl.
36«Búguánɛ́gaan ká, Défide malá Gɔdányá nŋɔ́bɛnɔ agág góbusió. Umáal úmégú, obónonyó wɔ́ agá buáy bá besié, uwayɛk agá gɛbɛl. 37Ewe gɔg uwɔ́ Gɔdányá méenyúgí aga ebeguén dɛmayɛk. 38Belimen, ánɔlɛ́ns gɔ́g bese na bese ká gɛnɛnɛna gá bɛfal bán gúnúlenin agá ɔfɛ́n wá Yésu. Gɛ́gɛ́ giád bisele bá Moyíso diánúfánáná, 39band gidigid bádábaná Yésu nyɛ báŋɔ́nán busió bum.
40«Ánɔbɛ́nyáŋanyáŋ gɔg ká buanda ubú mubús mɔ́ɔŋɔ́ dɛnuámɛ́n. Múmɔyɛ́d ká:
41 Banuá band bá nsɛ́gɛna,
ánuán, núméŋeméŋ, núbád guságɛ́n!
Gágual ká, agán góbusió,
nŋal busɔ́m búnyá ká mɔnd mɔ́ɔnuɔ́yɔɔ́n bú,
búmábá ká nudɛmaán bú,
nudɛbá báguádáb.»
42Pólo na Balanábasa máal bámaán agá gians gá mbísógól gá Beyúdɛn, band ɔbɔ́yɛd gɔ́b ká bánd guúl buɔ́s bá sábát búlené, ká bóndidonyi guɔyɛd buóny ubuány. 43Gɛgɔ́s máal gɛ́mánana, giod gá Beyúdɛn na band bámáabɛ́gɔ́ŋɔ́n agá guádáb gá Beyúdɛn abálád Pólo na Balanábasa. Pólo na Balanábasa ebédúm guɔyɔ moóny nɔbɔ, bágaán bɔ́ makányá ká bábá na nuládád gá nubo ná Gɔdányá.
Pólo na Balanábasa máab aga band bádiábá Beyúdɛn
44Buɔ́s bá sábát búmáaládána, band giod bá Tísɔn mabɛ́gɔ́sa ká bɔ́bídɔ́lɛ́gɔɔn gugál gá Ɔgúnɔ́. 45Anyɛ́ Beyúdɛn máan giŋi gá band igiány, ɔbɔ́b ilób, ebégebelenyi Pólo, básíga wɔ́. 46Na Pólo na Balanábasa ganyɛ gɔ́b paás paás ká: «Búmóofoón ká gugál gá Gɔdányá ákɛn gubiɔ́yɛd aganuá. Anɛ búnyá gɔg ká numefénid gú na ká nuguánaan banuá bámuát ká nudɛbá bágubia gusɔ́d gá kand nɛmanɛ́na. Búsúg, basuá dɛɛ́b nɛ́nuán aga ebe bádiábáná Beyúdɛn. 47Gágual ká ana Ɔgúnɔ́ diófonó. Uguɔ́yɔ ká:
Mmagɔdág gise gá bɛdɔŋ
ká ólón gisódio
guám agá embún enkim yá gus.»
48Agá gugál uguány, ebe bádiábaná Beyúdɛn abáb gá gúyayaba, béŋeén Ɔgúnɔ́ giod gá bese gá gugál gág. Ebe gidigid bámáabá beyídeén ká bábia gusɔ́d gá kand nɛmanɛ́ná abɛɛ́y beédéb.
49Gugál gá Ɔgúnɔ́ uguásálámand agá giéns gá gus igiány gidigid. 50Beyúdɛn gɔg guligidenyi bagɔn bá tísɔn, na bigúmín bá bagánd béméebiéŋín gá guádáb gá Beyúdɛn, abálád Pólo na Balanábasa ká báal bɔ́ bɔbɛ, abákɔ́ŋɛ́d bɔ́ ɔgɔ́b gá giéns gá gus. 51Pólo na Balanábasa gugidid otuútu wá bɛgɔnd bɔ́b, abáb Ikonióm; 52giáy gɛ́lɛ́ŋaná bafɔ́nɔfɔ́n bá Antiyóso bɔ́mɔ́ɔlɔbɔ, bamáabá bómofuógón na bɛdɔdɛn, na Ɛsámb yá Mefúny.
ទើបបានជ្រើសរើសហើយ៖
Bielínyélínyé 13: MMU2
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Bielínyélínyé 13
13
Na Balanábasa na Sɔ́lɔ máab gá busɔ́m
1Agá giɔ́b gá beédéb gímáabá Antiyóso, mubús na befúnyifúny mabá kɔ́. Bámabá: Balanábasa, Símiyono unyá sɔ́n ɔfɛ́n ká Ofiídido, Lusiuse wa Silɛ́n na Manayɛ́na uwɔ́ umáagɔmaán ɔlɔŋ na ofuŋ Elódo agá giéns gá gus gá Galilé na Sɔ́lɔ. 2Buɔ́s búndodi, anyɛ́ bámáabá bóbísógólonyi na gubílég gá manyán, Ɛsámb yá Mefúny ganyɛ gɔ́b ká: «Ánɔnyáŋɔ́nɛ́n na Sɔ́lɔ na Balanábasa ká bála buol ubú nságunyáŋɔ́n bɔ́ gá bú.» 3Agá gélem gá mbísógól na gubilég manyán, abádála bɔ́ ɛmbɔ́g, abátɛɛ́n band abaány ká bádɔ́mb.
Balanábasa na Sɔ́lɔ gúban Sipɛ́lɛ
4Ɛsámb yá Mefúny máal na gudɔ́m Balanábasa na Sɔ́lɔ anaány, ebédúnúg Selesí, uguány, abábɔ́lɛ́g agá gianta gá gilu gá gɔb agá ɛlua yá Sipɛ́lɛ. 5Bámaán Salamin, ebédum guɔyɔ gugal gá Gɔdányá agá bians bá mbísógól bá Beyúdɛn. Sáŋa Málakuse mabá nɔbɔ udúgúne bɔ́. 6Bámáal ná gɔyɔɔg ɛlua yá Sipɛ́lɛ gidigid, guám Páfos, ebélumen kɔ́ na eŋeli bɛsɔ umáabá ubiɔ́yɔ ká unyɛ ibús: umabá yúdɛn, ɔfɛ́n wág ká Bál-yésu, 7umɔsɔ́dɔɔ́n aga ngɔ́mɔnɔ uwɔgɔ́n. Ngɔ́mɔnɔ uwaány mabá na nsiŋi, ɔfɛ́n wág mabá ká Sɛlɛgiúse Pawulúse. Umabɛ́lɛ́gɛ́n Balanábasa na Sɔ́lɔ gágual ká, umambá guɔ́b gugál gá Gɔdányá. 8Wád eŋél bisɔ, ɔfɛ́n wág óndodi na nugɛlɛ́k nyá ká Elimasa máabɛ́bɛ́ndɛ́mɛ́d bɔ́. Udimambá ká ngɔ́mɔnɔ uwaány ɛ́y eŋédéb. 9Kányɛ Sɔ́lɔ bábɛ́laná sɔ́n ká Pólo, umáabá ófuógón na Ɛsámb yá Mefúny máadámb wɔ́ eŋís. 10Uganyɛ gág ká: «Aŋuá ewe ányá ofuogón na mebénd, na ifíl, mɔɔn wá Sátan, ɔmbɛ́lɛmbɛ́l wá buand gidigid búnyá bese. Niík ɔ́gɔnúdɔ́mb gugɔndɔɔn iŋili sá Ɔgúnɔ́ sɛ́nyá ndénye e? 11Ɔ́b nɛ́nuán, Ɔgúnɔ́ gégubísíd, ɛ́y obúdobudo, adigand guán gise gá ɔɔ́ny gá gɛsɛgɛl.» Kɔ́ nɔ kɔ́, eŋís yá Elimasa eyégídíg, udimand guánaan buanda, uwɔb gá gúdɔmɔdɔm ány wamba mɔnd waguadɛgɛn wɔ́ agá ɔmbɔ́g ká wendenyi wɔ́. 12Anyɛ́ ngɔ́mɔnɔ uwɔgɔ́n máan buanda bumáabɛ́dɔ́mbɔ, uwɛɛ́y eŋédéb gágual ká gufúnyifunyi gá Ɔgúnɔ́ mebísíd wɔ́.
Gugál gá Pólo Antiyóso wa Pisidí
13Pólo na band béméedílígén wɔ́ abábɔ́lɛ́g Páfos agá gilu ɛgɛgɔ́n, abáb Pɛlɛgé agá giéns gá gus gá Pamfilí. Ány Sáŋa máadɔ́gán nɔbɔ, uwond Yelúsalɛm. 14Bɔ́bɔ́, abádɔg Pɛlɛgé, abáb nobusió na ɔŋɛnd, abánaám Antiyóso wa Pisidí. Buɔ́s bá gudúkid gá Beyúdɛn, ebébíŋín agá gians gá mbísógól gá Beyúdɛn ebélukumin. 15Guban gá mbɔbɔnɔ ya bisele na ya mubús máal gúmámana, bagɔn bá gians gá mbísógól abádɔ́m band ká baál gɔ́b ká: «Belimen, ɔ́gɔ nunyɛ na buóny bá guɔyɛd ká nuág band makányá, ɔ́nugɔ́l gugál!» 16Pólo gɔg gudélímin, gufégídenyi ɔmbɔ́g uganyɛ ká:
«Band Bísalayɛ́l, na banuá nudínené Gɔdányá, ɔ́numbɛ́dɔ́lɛ́gɛ́n! 17Gɔdányá wa nigúl ná Ísalayɛ́l meyíd besié bás. Uwaal ká nigúl iniány deg gigúl ɛgɛ́ nɛ́máabá agá gɛdɔŋ gá Esípit; uwesugúdenyi guémi bɔ́ kɔ́ na bugaga bág; 18buanda bá duɔŋ etín ándɛ, uwoyonyi bɔ́ agá giɔ́ndɔ́; 19agá gélem ány, umáal úméfúfi bɛdɔŋ bá Kanahán bɛ́tɛ́ndád nomo, uwɔgɔ́l gus gɔ́b, uwefenyi gú gá gɛdɔŋ gág anyɛ bisíg-síg. 20Buand ubuány ubuagɛ́gɛd buand bá duɔŋ dɔgɔ́n dúní na etín ándɛ na duɔŋ duát. Agá gélem ány, uwéŋin bɔ́ besúmb moóny, guám agá gigúl gá Samuɛ́la ibús yá Gɔdányá. 21Abád guófún ofuŋ, Gɔdányá uwéŋin bɔ́ Sawúle mɔɔn wá Kís, mɔnd wa nigúl ná Bɛnɛsamɛ́ŋa umáal agá bufuŋ duɔŋ etín ándɛ. 22Gɔdányá máal úméli Sawúle, uwéŋin bɔ́ ofuŋ Défide. Gɔdányá ganyɛ ká: “Ngufuɔg Défide mɔɔn wá Yése, mɔnd uwaány gúnsɔ́gɔ ɔdɛm. Ugofuógonyi gubílén gám gidigid.” 23Agág gá nugɔgɔ, Yésu Osód wa Ísalayɛ́l genúlín gɔɔ́gɔ́ anyɛ́ Gɔdányá máadán. 24Yésu mabá umányɛ udisiám, Sáŋa mabá umáman guɔyɔɔn nigúl ná Ísalayɛ́l gidigid ká bénúgún gusɔ́d gɔ́b, bébídu, 25ká wámán busɔ́m bág, uganyɛ ká: “Nugúbɛ́dága ká inyɛ ányá e? Ndɛbá ewe uwɔ́ nubídenyé! Ɔ́nuɔ́b gɔ́g, mɔnd gúsién wúleén agám gá gélem, unyɛ na bugaga wundúmbaán. Ndɛbá na nɔndɔ ná gúgudimid ká Yéli mfaŋáŋá ság.”
26«Belimen, ta nubá band bá nɔgɔgɔ ná Ábalaháma ɔ́gɔ ká ebe bányá agán gá gadágadá bédínené Gɔdányá, nsɔ́m ya gisódio móol gás góbusió basuá bem. 27Búnyɛ́ ká, band bá Yelúsalɛm na bagɔn bɔ́b manɔmɔ́g ányá unyá Yésu, anyɛ́ bámáasɔ́mb ká bɔɔ́n wɔ́, ány bómóofuógi gugál gá mubús má Gɔdányá ugú bábánaná sig buɔ́siɔ́ bá sábát. 28Ta anyɛ́ bámáal bádián gɛgua gagual ká bɔɔ́n wɔ́, bágányɛ gá Piláta ká wɔɔ́n wɔ́. 29Bámáal bómófuógi buanda gidigid búmáabá buɔ́ŋɔ́n gág góbusió, ebéseli wɔ́ agá kolos, abánaág wɔ́ agá gɛbɛl. 30Gɔdányá gɔg guenyugi wɔ́ gá ebeguén, 31uwebídíyényi agá ebe béméebúlígí naga, gubanyɛg Galilé, guám Yelúsalɛm mɔɔ́s giod. Bɔ́bɔ́ bád bányá bél gɛ́laluá bág nɛ́nuán ogóbúsió bá nigúl ná Ísalayɛl.
32«Basuá sɔ́n digúnúdúmbenyinyi Ndág ya Nsɔ́m iyaány ká: ndán iyɛ́ Gɔdányá méeŋín besié bás, 33umófuógí yɛ́ gás, basuá baan bɔ́b, anyɛ́ uméenyúgí Yésu aga ebeguén; gɔɔ́gɔ́ anyɛ́ búnyá buɔ́ŋɔ́n agá mbɔbɔnɔ ya Ɛsag, asag wá gándɛ ká:
Anyɛ mɔɔn wám,
gubanyɛg ínen, yaŋuá inyá Tiɔ́.
34«Gɔdányá mɔyɛ́d ká ugenyugi wɔ́ aga ebeguén ká nuɔ́l nág dɛ́yɛkɛ. Ana umɔ́ɔyɛ́d:
Gɛfɔn gínyá ɛsámb na
meliŋítas, ɛgɛ́ imáadánɛ́n Défide, ngenuéŋin gɛ́.
35«Buád buanda wanda guɔ́yɔ sɔ́n kɔɔ́m góndodi ká:
Adɛganɛn ká ewe ɔmɔ́ɔdɔ́bɔ́n yɛ́k agá gɛbɛl.
36«Búguánɛ́gaan ká, Défide malá Gɔdányá nŋɔ́bɛnɔ agág góbusió. Umáal úmégú, obónonyó wɔ́ agá buáy bá besié, uwayɛk agá gɛbɛl. 37Ewe gɔg uwɔ́ Gɔdányá méenyúgí aga ebeguén dɛmayɛk. 38Belimen, ánɔlɛ́ns gɔ́g bese na bese ká gɛnɛnɛna gá bɛfal bán gúnúlenin agá ɔfɛ́n wá Yésu. Gɛ́gɛ́ giád bisele bá Moyíso diánúfánáná, 39band gidigid bádábaná Yésu nyɛ báŋɔ́nán busió bum.
40«Ánɔbɛ́nyáŋanyáŋ gɔg ká buanda ubú mubús mɔ́ɔŋɔ́ dɛnuámɛ́n. Múmɔyɛ́d ká:
41 Banuá band bá nsɛ́gɛna,
ánuán, núméŋeméŋ, núbád guságɛ́n!
Gágual ká, agán góbusió,
nŋal busɔ́m búnyá ká mɔnd mɔ́ɔnuɔ́yɔɔ́n bú,
búmábá ká nudɛmaán bú,
nudɛbá báguádáb.»
42Pólo na Balanábasa máal bámaán agá gians gá mbísógól gá Beyúdɛn, band ɔbɔ́yɛd gɔ́b ká bánd guúl buɔ́s bá sábát búlené, ká bóndidonyi guɔyɛd buóny ubuány. 43Gɛgɔ́s máal gɛ́mánana, giod gá Beyúdɛn na band bámáabɛ́gɔ́ŋɔ́n agá guádáb gá Beyúdɛn abálád Pólo na Balanábasa. Pólo na Balanábasa ebédúm guɔyɔ moóny nɔbɔ, bágaán bɔ́ makányá ká bábá na nuládád gá nubo ná Gɔdányá.
Pólo na Balanábasa máab aga band bádiábá Beyúdɛn
44Buɔ́s bá sábát búmáaládána, band giod bá Tísɔn mabɛ́gɔ́sa ká bɔ́bídɔ́lɛ́gɔɔn gugál gá Ɔgúnɔ́. 45Anyɛ́ Beyúdɛn máan giŋi gá band igiány, ɔbɔ́b ilób, ebégebelenyi Pólo, básíga wɔ́. 46Na Pólo na Balanábasa ganyɛ gɔ́b paás paás ká: «Búmóofoón ká gugál gá Gɔdányá ákɛn gubiɔ́yɛd aganuá. Anɛ búnyá gɔg ká numefénid gú na ká nuguánaan banuá bámuát ká nudɛbá bágubia gusɔ́d gá kand nɛmanɛ́na. Búsúg, basuá dɛɛ́b nɛ́nuán aga ebe bádiábáná Beyúdɛn. 47Gágual ká ana Ɔgúnɔ́ diófonó. Uguɔ́yɔ ká:
Mmagɔdág gise gá bɛdɔŋ
ká ólón gisódio
guám agá embún enkim yá gus.»
48Agá gugál uguány, ebe bádiábaná Beyúdɛn abáb gá gúyayaba, béŋeén Ɔgúnɔ́ giod gá bese gá gugál gág. Ebe gidigid bámáabá beyídeén ká bábia gusɔ́d gá kand nɛmanɛ́ná abɛɛ́y beédéb.
49Gugál gá Ɔgúnɔ́ uguásálámand agá giéns gá gus igiány gidigid. 50Beyúdɛn gɔg guligidenyi bagɔn bá tísɔn, na bigúmín bá bagánd béméebiéŋín gá guádáb gá Beyúdɛn, abálád Pólo na Balanábasa ká báal bɔ́ bɔbɛ, abákɔ́ŋɛ́d bɔ́ ɔgɔ́b gá giéns gá gus. 51Pólo na Balanábasa gugidid otuútu wá bɛgɔnd bɔ́b, abáb Ikonióm; 52giáy gɛ́lɛ́ŋaná bafɔ́nɔfɔ́n bá Antiyóso bɔ́mɔ́ɔlɔbɔ, bamáabá bómofuógón na bɛdɔdɛn, na Ɛsámb yá Mefúny.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល