2 Kɔlɛntiɛ́ŋ 6
6
1Anyɛ́ búnyɛ ká diguála buól na Gɔdányá, digúnúbísógólonyi ká nudisulí bese Gɔdányá nyá gunúfá. 2Digúlɛnsaan ká Gɔdányá guɔ́yɔ agá mbɔbɔnɔ ká:
Imondínyí mbísógól yanɔ agá gɛsɛgɛl gímóofoón
Buɔ́s bá gisódio, iyenúdúgún.
Gɛsɛgɛl gá bese mámán gúsiege nɛ́nuán.
Ínen nyɛ buɔ́s bá gisódio#6.2 Gɛsɛgɛl gímóofoónAlɛ́ŋɛ́d Esayí 49.8. Ínen nyɛ buɔ́s bá gisódio gá Beyúdɛn na ebe bádiábá Beyúdɛn Lúk 21.24; Lom 11.25-32; Efe 2.12-18.. 3Didiguámba ká buól bás bia gɛbɔ́liɔ́, buád buanda didiáláná buanda búnyá bégúbúbényi mɔnd. 4Digúdíyenyi gɔg agá manda gidigid dialaná ká dinyɛ bél buól bá Gɔdányá
Diguɔ́mínɔn ta bɔ́guɔyɔ na guɔ́bɛ́g
na meyú,
na ɛŋágɛ́nɛ́n
5na megide,
na bɛmbɔg,
na bibueŋidie
na gɛdɔmbɔ gá buól,
na okúl wá guyá guya,
na gubílégen manyán,
6didíyenyi ká buól bás dɛbá na bíle,
didíyenyi ká digúlɛnsaan manda má Gɔdányá,
diond diɔ́mínɔɔn
didíyenyi ká dinyɛ bese,
didíyenyi ká Ɛsámb yá Mefúny nyɛ nasɔ,
didíyenyi sɔ́n ká dɛnyɛ na mbanda ɛlɛ́ga,
7didúmbenyi gugál gá meliŋítas na bugaga bá Gɔdányá,
digɔ́lɔɔn busi anyɛ menuís más
mágúnuanan, gúmén mɔ́gúbiɔ́gɔnɔgɔn,
8ebe díbúlígenyi bómodió dɛ́sɛ́gɛ́nan
bádɛ́sɛ́ga gúmén bɔ́dɛ́gɔ́lɔɔn buanda,
bɔ́dɛ́gɔ́lɔɔn anyɛ basɔ́b-sɔ́b nánié diguɔ́yɔ meliŋítas,
9bála anyɛ bádigúdɛ́lɛ́nsaan bómodió ála anyɛ bágúdɛ́lɛ́nsaan bese,
bɔ́dígɔ́lɔɔn anyɛ band béguénené nánié dinye bɔgɔ́s bese na bese,
bódióbígonyi ta gudiɔ́n,
10bálá ká díbá na isígíl, basuá agá ɛyayɔ,
bábɛ́dága ká dɛnyɛ gɔsɔ́g, nánié diguála ká band bá ɛnɔ́m,
bábɛ́dága ká dɛdɛbá na onkól, basuá ta gusémén buanda!
11Bánuá begúl bás bá Kolɛ́nt, digúnúgálaan taás taás, idianúnɛnɛn ɛdɛm saás belélelele. 12Idienúdíyé ká digúnúbíléne, ta anaány, banuá unuefuug ɛdɛm sán. 13Ngúnúgálaan gɔg anyɛ́ mɔnd gálaná gá mɔɔn waga, ánudɛ́nɛɛ́nɛ́n ɛdɛm sán belélelele anyɛ́ basuá sɔ́n dinyá gual!
Eŋédéb gúbianan ká wála Gɔdányá nŋɔ́bɛnɔ
14Nudiɔ́ŋɔ ɔlɔŋ na band bádiábáná beédéb. Nanyá buanda búnyá agá busi nyá bágúbɛ́lád na ubú nyá bɔbɛ. Gise na mbíne nyɛ bɔ́guɔŋ ɔlɔŋ a? 15Nány nuságuman guán Kilíse ámaan ekelu na Sátan e? Eŋédéb nyɛ bɔ́guɔŋ ɔlɔŋ na mɔnd udiábáná eŋédéb e? 16Bagɔdányá bá gus nyɛ bɔ́guɔŋ ɔlɔŋ na gians gá Gɔdányá e? Gágual ká basuá dɛnyá gians gá Gɔdányá usɔ́dɔnɔ́. Gɔdányá muát guɔ́yɔ ká:
Ngɔsɔ́dɔn nɔbɔ, ílɔ́bɔɔn nɔbɔ,
ngabá Gɔdányá wɔbɔ, bɔ́bɔ́ band bám.
17Buád buanda Ɔgúnɔ́ ándaná guɔyɔ ká:
Ánuámaán gadágadá wa band bádiábáná beédéb, núbínyáŋɔ́n,
Nudɛbɛgɔ́dɛ́n buanda búnyá na biíle.
Yaŋuá nganúgɛ́ndɛ́gɛn.
18Ɔgúnɔ́ wa bugaga bum guɔ́yɔ ká:
Ngabá sié wanɔ, banuá baan bám.
ទើបបានជ្រើសរើសហើយ៖
2 Kɔlɛntiɛ́ŋ 6: MMU2
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
2 Kɔlɛntiɛ́ŋ 6
6
1Anyɛ́ búnyɛ ká diguála buól na Gɔdányá, digúnúbísógólonyi ká nudisulí bese Gɔdányá nyá gunúfá. 2Digúlɛnsaan ká Gɔdányá guɔ́yɔ agá mbɔbɔnɔ ká:
Imondínyí mbísógól yanɔ agá gɛsɛgɛl gímóofoón
Buɔ́s bá gisódio, iyenúdúgún.
Gɛsɛgɛl gá bese mámán gúsiege nɛ́nuán.
Ínen nyɛ buɔ́s bá gisódio#6.2 Gɛsɛgɛl gímóofoónAlɛ́ŋɛ́d Esayí 49.8. Ínen nyɛ buɔ́s bá gisódio gá Beyúdɛn na ebe bádiábá Beyúdɛn Lúk 21.24; Lom 11.25-32; Efe 2.12-18.. 3Didiguámba ká buól bás bia gɛbɔ́liɔ́, buád buanda didiáláná buanda búnyá bégúbúbényi mɔnd. 4Digúdíyenyi gɔg agá manda gidigid dialaná ká dinyɛ bél buól bá Gɔdányá
Diguɔ́mínɔn ta bɔ́guɔyɔ na guɔ́bɛ́g
na meyú,
na ɛŋágɛ́nɛ́n
5na megide,
na bɛmbɔg,
na bibueŋidie
na gɛdɔmbɔ gá buól,
na okúl wá guyá guya,
na gubílégen manyán,
6didíyenyi ká buól bás dɛbá na bíle,
didíyenyi ká digúlɛnsaan manda má Gɔdányá,
diond diɔ́mínɔɔn
didíyenyi ká dinyɛ bese,
didíyenyi ká Ɛsámb yá Mefúny nyɛ nasɔ,
didíyenyi sɔ́n ká dɛnyɛ na mbanda ɛlɛ́ga,
7didúmbenyi gugál gá meliŋítas na bugaga bá Gɔdányá,
digɔ́lɔɔn busi anyɛ menuís más
mágúnuanan, gúmén mɔ́gúbiɔ́gɔnɔgɔn,
8ebe díbúlígenyi bómodió dɛ́sɛ́gɛ́nan
bádɛ́sɛ́ga gúmén bɔ́dɛ́gɔ́lɔɔn buanda,
bɔ́dɛ́gɔ́lɔɔn anyɛ basɔ́b-sɔ́b nánié diguɔ́yɔ meliŋítas,
9bála anyɛ bádigúdɛ́lɛ́nsaan bómodió ála anyɛ bágúdɛ́lɛ́nsaan bese,
bɔ́dígɔ́lɔɔn anyɛ band béguénené nánié dinye bɔgɔ́s bese na bese,
bódióbígonyi ta gudiɔ́n,
10bálá ká díbá na isígíl, basuá agá ɛyayɔ,
bábɛ́dága ká dɛnyɛ gɔsɔ́g, nánié diguála ká band bá ɛnɔ́m,
bábɛ́dága ká dɛdɛbá na onkól, basuá ta gusémén buanda!
11Bánuá begúl bás bá Kolɛ́nt, digúnúgálaan taás taás, idianúnɛnɛn ɛdɛm saás belélelele. 12Idienúdíyé ká digúnúbíléne, ta anaány, banuá unuefuug ɛdɛm sán. 13Ngúnúgálaan gɔg anyɛ́ mɔnd gálaná gá mɔɔn waga, ánudɛ́nɛɛ́nɛ́n ɛdɛm sán belélelele anyɛ́ basuá sɔ́n dinyá gual!
Eŋédéb gúbianan ká wála Gɔdányá nŋɔ́bɛnɔ
14Nudiɔ́ŋɔ ɔlɔŋ na band bádiábáná beédéb. Nanyá buanda búnyá agá busi nyá bágúbɛ́lád na ubú nyá bɔbɛ. Gise na mbíne nyɛ bɔ́guɔŋ ɔlɔŋ a? 15Nány nuságuman guán Kilíse ámaan ekelu na Sátan e? Eŋédéb nyɛ bɔ́guɔŋ ɔlɔŋ na mɔnd udiábáná eŋédéb e? 16Bagɔdányá bá gus nyɛ bɔ́guɔŋ ɔlɔŋ na gians gá Gɔdányá e? Gágual ká basuá dɛnyá gians gá Gɔdányá usɔ́dɔnɔ́. Gɔdányá muát guɔ́yɔ ká:
Ngɔsɔ́dɔn nɔbɔ, ílɔ́bɔɔn nɔbɔ,
ngabá Gɔdányá wɔbɔ, bɔ́bɔ́ band bám.
17Buád buanda Ɔgúnɔ́ ándaná guɔyɔ ká:
Ánuámaán gadágadá wa band bádiábáná beédéb, núbínyáŋɔ́n,
Nudɛbɛgɔ́dɛ́n buanda búnyá na biíle.
Yaŋuá nganúgɛ́ndɛ́gɛn.
18Ɔgúnɔ́ wa bugaga bum guɔ́yɔ ká:
Ngabá sié wanɔ, banuá baan bám.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល