Mata 11
11
1Ndə Yesu a kəɗaŋ ma tə aagi bəza tiwtiw a ghalatana a magəli tə aagi, tsaa kanda tə a bəza, aska a nda sərək səkən abə ɗaf ma Bizlaf a ŋge a hayak ma dzamadzam ta aagi tiwtiw.
Tiw Yahwana ma ɗal batem abə Yesu
(Luk 7.18-35)
2Azha, Yahwana ma ɗal batem tiɗa ndə, a jak yaka, a kazlima zlap ma ndza ata zlən Yesu Kərist. Azha, zlən a zlənha magəli tə ndiɓi aagi: 3«Huni ɗiwzə Yesu, huni zlapanə: “Hwa ana Kərist Mbə Bizlaf ma kaaɓin a ndaha vəw? Aka səku ni ateh ala minja vəw?” huni kəsha.» 4Mbara, Yesu zhin a zhinatana, iŋgaya: «Huni nda, huni ghal səkən ndə huni zlima aagi abə ndə huni gəra aagi : 5həji wələf aagi kagəra la, həji ma kacuksleŋ aagi kanda katkadək, həji fagwalakw aagi, fagwalakw ta tasuguf tə, madəŋə aagi kazlima zlima, həji ma bazl ta aagi tasəfəna ta, azha Ma wiyə ma təwah tazlimaya ara həji titikw aagi. 6Təwah a ɗal ata ala ma ŋkula ji a mbasl ɗal awa ka, a ɗalə mavəy sa.»
7Ndə magəli ataa Yahwana aagi nda ta, dəba Yesu a azlapatana a ŋgaɓa həji ma ndza a tsutsa aagi ata Yahwana, iŋgaya: «Səkən ndə huni nda taŋazə a damə veme? Bəlam ndə miɗ a wan ka ata hayak vəw? Aŋghə vəw? 8Mbara, səkən ndə, huni nda taŋazə veme? Ala ma tsa rəkuts ma ŋtan vəw? Ama həji ma katsa rəkuts ma ŋtan aagi ya, aa ndza a wata bay! 9Səkən ndə huni nda taŋazə veme? Ala ma ɗaf ma ndə a zlimazə ara Bizlaf vəw? Ayəw, sa kazlapahuni, kwa andza dəy aha ala ma ɗaf ma ndə a zlimazə ara Bizlaf. 10Yahwana ana ndə ma ma ŋtiraya a zlap a heɗe, iŋgaya: Sa zlənahu matəf naka aagi atama kwa, ana Bizlaf iy, aska a dəɗahu təf. 11Sa zlapahuni, a ɗa ŋter: A taba həji ma mbəwha a dəməs wali aagi tiwtiw, kwa ala ma dəyzə Yahwana ma ɗal batem akas, azha ala ma feŋ a taba həji ma ndza a Bay ma ndza a wəzəm a wəzlaf, dəy aha. 12ꞌWa aka ata vah ndə Yahwana ma ɗal batem a diw a ghal ma la ndza bay Bizlaf a gwar akacihwa, ma ndza a la ndza bay ma ndza a wəzəm a wəzlaf a kagas a safay tə, həji ma gas tə watsa aagi, aa gasə a mbələ abə ɓərɓər tə. 13Ara ndə a ɗa, həji ma ɗaf ma ndə aa zlimazə ara Bizlaf aagi abə ma ma garagar ataa Musa, aa ghalha ma Bay Bizlaf a gwar ata vah ndə Yahwana a ndaha. 14Ama andza, huni may a mbəl ka a ha kuni, Yahwana ɗa Iliya ma kaaɓin a zhinha. 15Huni teh katkadək, andza ala abə zləm aka a zlima, ma tehi. 16Sa asaɓ həji ma ndza akacihwa watsə aagi abə veme? Aa saɓ andza wəzhi ma kandza ata ꞌwat ndə ndiɓi aa kadza wəla a yaha ndiɓi zhana:
17“Ni tambəzahuni slələm, huni taji a dəməs aska akas.
Ni tayahuni dərəf mci, huni taji a hanəs.”
18Ara ndə a ɗa, Yahwana taha, tazəm səkən kwa akas, kwa tasa səkən akas. Dəba huni azlap, huni iŋgaya: “Miɗ ma gamak a kaɗalanə!” huniy. 19Mbə həji ma dəgnak peteŋ taa tə, a kazəm səkən azha, a kasa mavə, azha huni iŋgaya: “Huni taŋzə ala ɓərawə watsə, deŋ tə a ndza ata zəm wəda abə sa mavə gagagha, ma ɗa ŋgwanambə həji ma tsak jamargwal abə ŋgalaŋ aagi abə həji mpət aagi,” huniy. Ama sən səkən Bizlaf a ghalha abə zlən tə ma təwah ndə, a kaɗalata aagi.»
Hayak ma dzamadzam ma ŋkalzə ɗal awa
(Mat 10.15; Luk 10.13-15)
20Azha, dəba Yesu a agulak hayak ma dzamadzam ndə tsufa tə ma dagal a ɗalha a mən aagi, ara ndə a ɗa, həji ma ndza a hayak watsa aagi taji mbaɗ landza ta bəza akas, azha iŋgaya: 21«Dadawər ata Kwarazhin! Dadawər ata hwa, Baytisayda! Ara ndə a ɗa, andza tsufa ma ɗal a hayak kuni watsə aagi, a ɗal a hayak ma dzamadzam Tirus abə hayak ma dzamadzam Sidun ya, həna akacihwa abə həji ma ndza a hayak watsa aagi azlaz rəkuts ta ka abə makərnana andza wəzhi mci səku, aagi avahw ha ta ka abə wilnjik, aagi ambaɗ landza ta bəza. 22Sha ana ndə, sa kazlapahuni: vah ta dzam guma ci, a ɗa galaɓa yaka ataa tiw hayak Tirus abə Sidun aha ataa aŋkuni.
23Hwa yəm, Kafarnahum,
deŋ kwa ci, hwa aɗa gwar aska manabizlafana hwiy, vəw?
Aŋghə, hwa aghurəm kwa, hwa aɗa denehneh andza la ndza həji ma ndza a jiɓ aagi.
Ara ndə a ɗa, andza tsufa ma ɗal a hayak kwa, a ɗal a hayak Sadum ya, həna hayak ma dzamadzam a ndza tə pa akacihwa zhana. 24Sha ana ndə sa kazlapahuni: Vah ta zla guma, a ɗa galaɓa yaka ataa Sadum aha ataa aŋkwa.»
Huni ndaha ara sa a lima lanəp
(Luk 10.21-22)
25Vah watsa azha, Yesu a kadza wəla, iŋgaya: «Wa, Vava, Bay Madagal ma ndza a wəzəm a wəzlaf abə ma ndza ata hayak, sa kahəmənahu ata ndə hwa taghalatana ka a wəzhi ma fashiɗ aagi ana ma ma ɓah aka a həji ma sən aagi abə həji wirwir aagi. 26Ayəw, Vava, hwa ma mayə a ndza ikwa andza watsə. 27Vana tavəlaka səkən aagi ka tiwtiw. Kwa ala a kasən Mbə akas, ama, səy Cina Mbə, azha kwa ala kasən Vava akas, ama, səy Mbə abə həji ndə a kamay a ghalatana aagi.
28Huni ndaha ara sa, huni həji ma ŋtəɓəl kuni aagi tiwtiw, ata latiw səkən ma ndəlndəl aagi, azha sa avəlahuni lanəp. 29Huni pəlaka ha kuni ka, sa ma kaaghalahuni səkən aagi tiwtiw ara ndə, sa ɗa ala ma ŋtan, ꞌunəf naka təwah, azha huni alima lanəp kuni abə ha kuni. 30Ara ndə a ɗa, səkən ndə sa kaghalahuni, a ɗa faɗfaɗ ikwa, zhana səkən ndə sa kavəlahuni a tiwi, a ɗa kefkef ikwa.»
ទើបបានជ្រើសរើសហើយ៖
Mata 11: GOU
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Mata 11
11
1Ndə Yesu a kəɗaŋ ma tə aagi bəza tiwtiw a ghalatana a magəli tə aagi, tsaa kanda tə a bəza, aska a nda sərək səkən abə ɗaf ma Bizlaf a ŋge a hayak ma dzamadzam ta aagi tiwtiw.
Tiw Yahwana ma ɗal batem abə Yesu
(Luk 7.18-35)
2Azha, Yahwana ma ɗal batem tiɗa ndə, a jak yaka, a kazlima zlap ma ndza ata zlən Yesu Kərist. Azha, zlən a zlənha magəli tə ndiɓi aagi: 3«Huni ɗiwzə Yesu, huni zlapanə: “Hwa ana Kərist Mbə Bizlaf ma kaaɓin a ndaha vəw? Aka səku ni ateh ala minja vəw?” huni kəsha.» 4Mbara, Yesu zhin a zhinatana, iŋgaya: «Huni nda, huni ghal səkən ndə huni zlima aagi abə ndə huni gəra aagi : 5həji wələf aagi kagəra la, həji ma kacuksleŋ aagi kanda katkadək, həji fagwalakw aagi, fagwalakw ta tasuguf tə, madəŋə aagi kazlima zlima, həji ma bazl ta aagi tasəfəna ta, azha Ma wiyə ma təwah tazlimaya ara həji titikw aagi. 6Təwah a ɗal ata ala ma ŋkula ji a mbasl ɗal awa ka, a ɗalə mavəy sa.»
7Ndə magəli ataa Yahwana aagi nda ta, dəba Yesu a azlapatana a ŋgaɓa həji ma ndza a tsutsa aagi ata Yahwana, iŋgaya: «Səkən ndə huni nda taŋazə a damə veme? Bəlam ndə miɗ a wan ka ata hayak vəw? Aŋghə vəw? 8Mbara, səkən ndə, huni nda taŋazə veme? Ala ma tsa rəkuts ma ŋtan vəw? Ama həji ma katsa rəkuts ma ŋtan aagi ya, aa ndza a wata bay! 9Səkən ndə huni nda taŋazə veme? Ala ma ɗaf ma ndə a zlimazə ara Bizlaf vəw? Ayəw, sa kazlapahuni, kwa andza dəy aha ala ma ɗaf ma ndə a zlimazə ara Bizlaf. 10Yahwana ana ndə ma ma ŋtiraya a zlap a heɗe, iŋgaya: Sa zlənahu matəf naka aagi atama kwa, ana Bizlaf iy, aska a dəɗahu təf. 11Sa zlapahuni, a ɗa ŋter: A taba həji ma mbəwha a dəməs wali aagi tiwtiw, kwa ala ma dəyzə Yahwana ma ɗal batem akas, azha ala ma feŋ a taba həji ma ndza a Bay ma ndza a wəzəm a wəzlaf, dəy aha. 12ꞌWa aka ata vah ndə Yahwana ma ɗal batem a diw a ghal ma la ndza bay Bizlaf a gwar akacihwa, ma ndza a la ndza bay ma ndza a wəzəm a wəzlaf a kagas a safay tə, həji ma gas tə watsa aagi, aa gasə a mbələ abə ɓərɓər tə. 13Ara ndə a ɗa, həji ma ɗaf ma ndə aa zlimazə ara Bizlaf aagi abə ma ma garagar ataa Musa, aa ghalha ma Bay Bizlaf a gwar ata vah ndə Yahwana a ndaha. 14Ama andza, huni may a mbəl ka a ha kuni, Yahwana ɗa Iliya ma kaaɓin a zhinha. 15Huni teh katkadək, andza ala abə zləm aka a zlima, ma tehi. 16Sa asaɓ həji ma ndza akacihwa watsə aagi abə veme? Aa saɓ andza wəzhi ma kandza ata ꞌwat ndə ndiɓi aa kadza wəla a yaha ndiɓi zhana:
17“Ni tambəzahuni slələm, huni taji a dəməs aska akas.
Ni tayahuni dərəf mci, huni taji a hanəs.”
18Ara ndə a ɗa, Yahwana taha, tazəm səkən kwa akas, kwa tasa səkən akas. Dəba huni azlap, huni iŋgaya: “Miɗ ma gamak a kaɗalanə!” huniy. 19Mbə həji ma dəgnak peteŋ taa tə, a kazəm səkən azha, a kasa mavə, azha huni iŋgaya: “Huni taŋzə ala ɓərawə watsə, deŋ tə a ndza ata zəm wəda abə sa mavə gagagha, ma ɗa ŋgwanambə həji ma tsak jamargwal abə ŋgalaŋ aagi abə həji mpət aagi,” huniy. Ama sən səkən Bizlaf a ghalha abə zlən tə ma təwah ndə, a kaɗalata aagi.»
Hayak ma dzamadzam ma ŋkalzə ɗal awa
(Mat 10.15; Luk 10.13-15)
20Azha, dəba Yesu a agulak hayak ma dzamadzam ndə tsufa tə ma dagal a ɗalha a mən aagi, ara ndə a ɗa, həji ma ndza a hayak watsa aagi taji mbaɗ landza ta bəza akas, azha iŋgaya: 21«Dadawər ata Kwarazhin! Dadawər ata hwa, Baytisayda! Ara ndə a ɗa, andza tsufa ma ɗal a hayak kuni watsə aagi, a ɗal a hayak ma dzamadzam Tirus abə hayak ma dzamadzam Sidun ya, həna akacihwa abə həji ma ndza a hayak watsa aagi azlaz rəkuts ta ka abə makərnana andza wəzhi mci səku, aagi avahw ha ta ka abə wilnjik, aagi ambaɗ landza ta bəza. 22Sha ana ndə, sa kazlapahuni: vah ta dzam guma ci, a ɗa galaɓa yaka ataa tiw hayak Tirus abə Sidun aha ataa aŋkuni.
23Hwa yəm, Kafarnahum,
deŋ kwa ci, hwa aɗa gwar aska manabizlafana hwiy, vəw?
Aŋghə, hwa aghurəm kwa, hwa aɗa denehneh andza la ndza həji ma ndza a jiɓ aagi.
Ara ndə a ɗa, andza tsufa ma ɗal a hayak kwa, a ɗal a hayak Sadum ya, həna hayak ma dzamadzam a ndza tə pa akacihwa zhana. 24Sha ana ndə sa kazlapahuni: Vah ta zla guma, a ɗa galaɓa yaka ataa Sadum aha ataa aŋkwa.»
Huni ndaha ara sa a lima lanəp
(Luk 10.21-22)
25Vah watsa azha, Yesu a kadza wəla, iŋgaya: «Wa, Vava, Bay Madagal ma ndza a wəzəm a wəzlaf abə ma ndza ata hayak, sa kahəmənahu ata ndə hwa taghalatana ka a wəzhi ma fashiɗ aagi ana ma ma ɓah aka a həji ma sən aagi abə həji wirwir aagi. 26Ayəw, Vava, hwa ma mayə a ndza ikwa andza watsə. 27Vana tavəlaka səkən aagi ka tiwtiw. Kwa ala a kasən Mbə akas, ama, səy Cina Mbə, azha kwa ala kasən Vava akas, ama, səy Mbə abə həji ndə a kamay a ghalatana aagi.
28Huni ndaha ara sa, huni həji ma ŋtəɓəl kuni aagi tiwtiw, ata latiw səkən ma ndəlndəl aagi, azha sa avəlahuni lanəp. 29Huni pəlaka ha kuni ka, sa ma kaaghalahuni səkən aagi tiwtiw ara ndə, sa ɗa ala ma ŋtan, ꞌunəf naka təwah, azha huni alima lanəp kuni abə ha kuni. 30Ara ndə a ɗa, səkən ndə sa kaghalahuni, a ɗa faɗfaɗ ikwa, zhana səkən ndə sa kavəlahuni a tiwi, a ɗa kefkef ikwa.»
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល