Luka Diw ma
Diw ma
Ma ndə ɗerewal watsə a ŋtirha dawna sha
Ala ma ŋtaguleŋ ndə həji kayə Luka, taŋtir ɗerewal gbak, sha ana ma ŋtir Ma wiyə ma təwah abə Zlən ataa həji ta zlən aagi. A ɗerewal tə ma mpər, Luka a zlapatana a həji Kərist ma ŋkula ndaa aka ata shiŋ həji ma ŋkula a ɗa Yahuda aagi, zhana ma kazlap ma Yunaniŋku aagi. A ghalatana ma ma ndəlndəl ndə aa ŋkula zlima aagi abə kwakus ataa həji ma ŋkula ɗa Yahuda ndə aa ŋkula sən aagi. Zhana, həji ma ŋkula a ɗa Yahuda ma ndza a manahayak aagi tiwtiw abə həji ndiɓi aagi tiwtiw aa kula a sən ci, Yesu ana ma karehata.
Ma wiyə ma təwah ndə Luka a ŋtiri ci, a səbar ma ma ndza a wəzaha a ɗerewal ma mahkaɗ ma mpər aagi. Ama derewal a zlap ŋter ata nda ciwir Yesu, ꞌwa aka a Galili a vaŋ a Wərusalima. A ma ma ghalha ata təf ta nda a Wərusalima ya, a ghala la ndə Yesu a kaanda mca a heɗe, Luka a ghal səkən ma kaaɓin a ɗal abə səkən ma pew ta ma ŋkula ndza a ma wiyə ma təwah ndiɓi aagi. Andza lazlap, andza ndə Yesu a nda sarazə Marta abə Mariyama, maŋgəla ata ndə Samariya ma təwah, zhana tazlap ata vava ma gəra mbə tə ma fəcak tə bəza.
Ala ma ŋtir ma watsə, a zlap ata səkən ma ɗa aŋtə ŋter, ma təwahanə a ma tə ndə a ghal aagi abə ndza Yesu.
Bizlaf tazlənha Yesu Kərist a reh həji ma lam kusəm ta aagi bəza a lamzə. Yesu a ɗiwɓa həji ndə sləf a ŋkula ndza ata təmta aagi: həji mpət aagi, wəzhi ma fashiɗ aagi, həji titikw aagi, həji dawər aagi, mbəluk aagi.
Həji Kərist ndə Luka a zlapatana aagi aa talima ŋtsəɓ ŋter. Zhin dagala Luka a kazhin ma ndə Yesu a zlap ata ŋtsəɓ, andza lazlap, sarzə a 12.16-21. A kazlapatana a magəli Yesu aagi, aska a aagi a ɓizh səkən ŋtsəɓ ataa Bizlaf abə a həji aagi.
Magəli Yesu aagi aa tatəf abə Yesu, aa talam kusəm bəza aska aagi a mbaɗ ndza ta bəza, aa tazlima Bizlaf təwah ikwa, zhana a kaɗiw həji ma dəgnak tiwtiw. A hayak Ruma minja aka, həji aagi aa kazlap: «Cina hayak, sha ana Bay Madagal.» Ama həji Kərist aagi iŋgaya: «Yesu Kərist ana Bay Madagal,» aagiy. Ara ndə a ɗa, Bizlaf tagarazə Yesu a bəza a jiɓ, azha pa a vəlanə dagal aka aha səkən aagi tiwtiw. A Ma wiyə ndə Luka a ŋtiri ci, zləm tə, Bay Madagal aha ma ŋtir a ma wiyə ma təwah ndiɓi aagi.
Ɗerewal ataa Ma wiyə ma təwah ndə Luka ci, a kəɗaŋ a Wərusalima, ata la ndə a diwaazə (Luka 1 abə 2). Yesu taghalatana ha tə a magəli tə aagi, azha aa mkpef abə ɓas. ꞌWa aka ata diw ndza tə a taba həji aagi, Yesu mkpef abə miɗ ma ndaa aka ara Bizlaf, Miɗ ma ghwaɗeɗe (Luka 3 abə 4). Magəli Yesu aagi a alima yəm (24.49). Andza Yesu aa kula a tarha abə həmən təwah Bizlaf.
ទើបបានជ្រើសរើសហើយ៖
Luka Diw ma: GOU
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Luka Diw ma
Diw ma
Ma ndə ɗerewal watsə a ŋtirha dawna sha
Ala ma ŋtaguleŋ ndə həji kayə Luka, taŋtir ɗerewal gbak, sha ana ma ŋtir Ma wiyə ma təwah abə Zlən ataa həji ta zlən aagi. A ɗerewal tə ma mpər, Luka a zlapatana a həji Kərist ma ŋkula ndaa aka ata shiŋ həji ma ŋkula a ɗa Yahuda aagi, zhana ma kazlap ma Yunaniŋku aagi. A ghalatana ma ma ndəlndəl ndə aa ŋkula zlima aagi abə kwakus ataa həji ma ŋkula ɗa Yahuda ndə aa ŋkula sən aagi. Zhana, həji ma ŋkula a ɗa Yahuda ma ndza a manahayak aagi tiwtiw abə həji ndiɓi aagi tiwtiw aa kula a sən ci, Yesu ana ma karehata.
Ma wiyə ma təwah ndə Luka a ŋtiri ci, a səbar ma ma ndza a wəzaha a ɗerewal ma mahkaɗ ma mpər aagi. Ama derewal a zlap ŋter ata nda ciwir Yesu, ꞌwa aka a Galili a vaŋ a Wərusalima. A ma ma ghalha ata təf ta nda a Wərusalima ya, a ghala la ndə Yesu a kaanda mca a heɗe, Luka a ghal səkən ma kaaɓin a ɗal abə səkən ma pew ta ma ŋkula ndza a ma wiyə ma təwah ndiɓi aagi. Andza lazlap, andza ndə Yesu a nda sarazə Marta abə Mariyama, maŋgəla ata ndə Samariya ma təwah, zhana tazlap ata vava ma gəra mbə tə ma fəcak tə bəza.
Ala ma ŋtir ma watsə, a zlap ata səkən ma ɗa aŋtə ŋter, ma təwahanə a ma tə ndə a ghal aagi abə ndza Yesu.
Bizlaf tazlənha Yesu Kərist a reh həji ma lam kusəm ta aagi bəza a lamzə. Yesu a ɗiwɓa həji ndə sləf a ŋkula ndza ata təmta aagi: həji mpət aagi, wəzhi ma fashiɗ aagi, həji titikw aagi, həji dawər aagi, mbəluk aagi.
Həji Kərist ndə Luka a zlapatana aagi aa talima ŋtsəɓ ŋter. Zhin dagala Luka a kazhin ma ndə Yesu a zlap ata ŋtsəɓ, andza lazlap, sarzə a 12.16-21. A kazlapatana a magəli Yesu aagi, aska a aagi a ɓizh səkən ŋtsəɓ ataa Bizlaf abə a həji aagi.
Magəli Yesu aagi aa tatəf abə Yesu, aa talam kusəm bəza aska aagi a mbaɗ ndza ta bəza, aa tazlima Bizlaf təwah ikwa, zhana a kaɗiw həji ma dəgnak tiwtiw. A hayak Ruma minja aka, həji aagi aa kazlap: «Cina hayak, sha ana Bay Madagal.» Ama həji Kərist aagi iŋgaya: «Yesu Kərist ana Bay Madagal,» aagiy. Ara ndə a ɗa, Bizlaf tagarazə Yesu a bəza a jiɓ, azha pa a vəlanə dagal aka aha səkən aagi tiwtiw. A Ma wiyə ndə Luka a ŋtiri ci, zləm tə, Bay Madagal aha ma ŋtir a ma wiyə ma təwah ndiɓi aagi.
Ɗerewal ataa Ma wiyə ma təwah ndə Luka ci, a kəɗaŋ a Wərusalima, ata la ndə a diwaazə (Luka 1 abə 2). Yesu taghalatana ha tə a magəli tə aagi, azha aa mkpef abə ɓas. ꞌWa aka ata diw ndza tə a taba həji aagi, Yesu mkpef abə miɗ ma ndaa aka ara Bizlaf, Miɗ ma ghwaɗeɗe (Luka 3 abə 4). Magəli Yesu aagi a alima yəm (24.49). Andza Yesu aa kula a tarha abə həmən təwah Bizlaf.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល