Luka 9
9
Yesu tazlən magəli ma wam aha gbak aagi
(Mat 10.5-15; Mrk 6.7-13)
1Yesu dzam a dzam magəli tə wam aha gbak aagi, pa a vəlatana ɓərɓər abə dagal ta gam miɗ ma gamak aagi tiwtiw abə kwaleŋ dawər aagi. 2Zhana, zlən a zlənata a nda a ghal ma la ndza bay Bizlaf, abə mbəl həji dawər aagi. 3Azha, zlap a zlapatana: «Ndə huni kanda, huni ɗiw a ji səkən aras, kwa dambəy, kwa slibi, kwa wəda, kwa dala, ara huni anda abə rəkuts gbak. 4Ata la ndə aa kaalamzahuni, huni ndza kuni ka a tsutsa, a gwar ata vah ndə huni kanda kuni a bəza a tsutsa. 5Ata la ndə aa ŋkalzahuni, huni mbaslatana hayak ma dzamadzam ta ka, huni ŋtəw bərdibərdi ma ata ŋgas kuni ka, sha ana ma kaghalatana, deŋ ŋkwaɓ ta gamak.» 6Magəli tə aagi tsaa kanda ta, aa nda gwara a hayak ma dzuk dzuk aagi kaghal ma wiyə ma təwah, aa kambəl həji dawər aagi kwa vatəy.
ꞌUnəf Haridus tazla tə ara Yesu
(Mat 14.1-2; Mrk 6.14-16)
7Haridus, bay ma ndza aha hayak Galili, ndə a zlima ma ma kapew, a kasən səkən ndə a kadeŋ zhana səku, ara ndə həji ndiɓi aagi kazlap, aagi iŋgaya: «Yahwana ma ɗal batem tazhina tə bəza a jiɓ,» aagiy. 8Həji ndiɓi aagi aa kazlap: «Iliya ma payha,» aagiy. Həji ndiɓi aagi zhana, aa kazlap: «Ala ma ɗaf ma ndə a zlimazə ara Bizlaf ambəɗa tə minja, ma zhina tə bəza a jiɓ,» aagiy. 9Ama, Haridus iŋgaya: «Sa tazla ha bəza ata Yahwana, a ɗa ala ndə sa kazlima aa kazlap a heɗe watsa zhana ya?» Azha, a gas a gərazə Yesu.
Yesu tandar ŋgaɓa həji aagi
(Mat 14.13-21; Mrk 6.30-44; Yhw 6.1-14)
10Ndə həji ta zlən ataa Yesu aagi zhina ta, azha dəba aagi aghalanə səkən ndə aa ɗalazə aagi tiwtiw. Daŋ a yata a bəza gagagha ta, aa tsaa kanda ta a hayak ma dzamadzam, ndə həji kayə, Baytisayda. 11Ndə həji aagi aa zlima, dəba aagi asəbarə, Yesu lam a lamzata, tsa kaghalatana ma la ndza bay Bizlaf, a kwaleŋ dawər aagi.
12Ndə pish a dzaa ma ka, həji ta zlən ataa Yesu ma wam aha gbak aagi, kərəɗ aa kərəɗha abəra, zlap aa zlapanə: «Zlapatana a həji watsa aagi, aska aagi nda a ŋge a hayak ma dzuk dzuk aagi, abə hayak ma slaɓ slaɓ aagi, a nda gas la wan, abə səkən zəm aagi, ara ndə həji a ɗi, həji ndza a damə, gədək.» 13Ama, zlap a zlapatana: «Huni vəlatana səkən zəm abə ha kuni.» Zhin aa zhinanə: «Ambash wəda dzaɓən abə ŋkilif gbak gagagha ana ma ndza ara ni. Hwa may ci, kata ni nda səkəmatana səkən zəm a həji watsa aagi tiwtiw vəw?» 14A ɗi anawatsə, mawəl aagi ɗal bəza bəluk dzaɓən.
Yesu zlap a zlapatana magəli tə aagi: «Huni zlapatana aa maɓizh ha ka radzaɓən radzaɓən, aa mandza ka.» 15Magəli tə aagi taɗalə andza ndə a zlapatana ka, ka aa ndza ka tiwtiw. 16Yesu ji a ji ambash wəda ma dzaɓən abə ŋkilif ma gbak watsa aagi, kaf i ha a wəzlaf, dəba a aɗalanə wasiy a Bizlaf. Ɓizh a ɓizh ka a mən, pa a vəlatana a magəli tə aagi, aska aagi ɓizhatana a vərəm həji watsa aagi. 17Kwa vaye tazəm andza ndə a kamayə. Dzam aa dzam kirkem wəda ma finha, wədzəm wam aha gbak ŋtəy ŋtəy.
Piyer a kaghal, Yesu ana Kərist
(Mat 14.13-21; Mrk 6.30-44; Yhw 6.1-14)
18Vah minja aka, Yesu a katarha ŋtaɗ tə ata paŋ, magəli tə aagi abəra. Dəba a aɗiwzata: «Həji aagi aa kazlap ata sa ya, sa aagiy vaya?» 19Zhin aa zhinanə: «Həji ndiɓi aagi aa kazlap, hwa Yahwana ma ɗal batem, aagiy, həji ndiɓi aagi, hwa ɗa Iliya, həji ndiɓi aagi zhana, hwa ɗa ala ma ɗaf ma ndə a zlimazə ara Bizlaf ambəɗa minja aka, ma zhina tə a bəza a jiɓ, aagiy.» 20Ɗiw a ɗiwzata: «Huni azha ya, sa ala tə huniy vaya?» Piyer zhin a zhinanə: «Hwa ɗa Kərist ma ndaa aka ara Bizlaf.»
Ghal mci Yesu abə gara tə a wəzəm a jiɓ
(Mat 16.20-28; Mrk 8.30; 9.1)
21Yesu ŋgəz a ŋgəzata katkadək: «Ara huni a ghalanə kwa a vaye.» 22Zlap a zlap zhana: «A kaɗiw Mbə həji ma dəgnak, masa yaka dagala. Həji ma gulakwakw aagi, magulakwakw maɗal kwakus aagi, abə masərək ma ma garagar aagi, aagi aŋkalzə, aagi avəla ka a dza ka a mci. Azha ata wan mamahkaɗ tə, a agara tə a wəzəm ata lamca.»
23Zhana zlap a zlapatana a həji aagi tiwtiw: «Andza ala a kamay a ndaha ara sa, mambasl deŋ ha tə ka, kala pish matiw mpi ma gəzlaŋgarak, masəbaraka. 24Ara ndə a ɗa, ala ma kamay miɗ tə ya, a afəcak bəza. Ama, ala ma fəcak miɗ tə bəza aska sa ya, miɗ tə a areh tə. 25A kat tə veme? Ndə ala kalima səkən ma ata manahayak tiwtiw ci, fəcak i miɗ tə bəza? 26Andza haw a kadza ala ara sa, zhana ara zlap naka aagi, azha yəm, haw a adza Mbə həji ma dəgnak bəza ara, ndə a kaaɓin a ndaha a sləf tə, abə sləf Vava, abə sləf matəf Bizlaf ma ghwaɗeɗe aagi. 27Sa zlapahuni, a ɗa ŋter: ndiɓi aagi a ɗi, aa kaagwar a mca kwagwa səku abə aagi agəra la ndza bay Bizlaf.»
Bəw zlikusəm Yesu
(Mat 17.1-8; Mrk 9.2-8)
28A ɗal bəza wan dzamahkaɗ a diwzha ndə a zlap, Yesu ya a ya tiw Piyer, abə Yahwana, abə Yakuba, aa tsaa kataf ta aha wəzəm, aska a tarha. 29Tiɗa ndə a katarha, wənək tə bəw a bəw tə, rəkuts tə ya, tizlizli andza ŋtəra. 30A tsutsa, həji gəra, həji ndiɓi aagi gbak aka, aa kazlap abə Yesu, aa ɗa tiw Musa abə Iliya; 31aa payha a sləf Bizlaf. Aa kazlap ata nda tə ndə a kaanda a Wərusalima. 32Tiw Piyer abə malah tə aagi, wan tadzata bəza guɗaŋ. Aa fəɗahha ya, aa gəra sləf Yesu abə həji aagi gbak abəra. 33Tiɗa ndə tiw Musa abə Iliya aa nda ta a bəza abəra Yesu, Piyer zlap a zlapanə: «Madagal, təwah ana ndza takwa a ɗi. Həji adəp la nəp aka mahkaɗ, ŋtaɗ ataa aŋkwa, ŋtaɗ ataa Musa, ŋtaɗ ataa Iliya.» A kasən ma ndə a kazlapazəs.
34Tiɗa ndə a kazlap ikwa, aa gəra gwazlavay taa tə vərləm, a dəpata bəza. Magəli watsa aagi, ŋzliŋ tadzata ka ndə aa gəra gwazlavay watsa a dəpata bəza. 35A gwazlavay watsa, ma minja a kazlapha, iŋgaya: «Watsə ana Mbə naka, ndə sa mayə. Huni tehzanə!» 36A diwzha ndə ma watsa zlap a ya azha, aa gəra Yesu ŋtaɗ tə. Magəli tə aagi tampak ma ka ɗekɗek, vah watsa, aa taghalanə səkən ndə aa gəra kwa ana ala akas.
Mbəl mbə ndə miɗ ma gamak a kasanə yaka
(Mat 17.14-18; Mrk 9.14-27)
37A kwaf tə, ndə Yesu abə magəli tə ma mahkaɗ aagi, ndə aa taduka ta a bəza aha wəzəm, ŋgaɓa həji aagi kandaha ara Yesu. 38A taba ta, ala minja, dəba a adza wəla, iŋgaya: «Madagal, sa kadzahu ra, za hahər kwa ata mbə naka, a ɗa malay abə ara sa ana mbə watsa. 39Miɗ ma gamak minja, a mbələ, a tsutsa a tsutsa tsa kaghutə a dza wəla, a ɓərəzl abə guɗaŋ tə, tsa kazanə hubəf ata ma. A kasanə yaka a guɗaŋ, a kaji a mbasl ka səku. 40Sa tatar magəli kwa aagi aska a gam miɗ ma gamak watsa, ama, ɗal takum ara təmta.»
41Yesu zlap a zlap: «Həji ma gamak aagi, ndə ɗal awa a ŋkula ndza ara təmta aagi! Sa azhin a ndza abə huni wan vana? Wan vana abə sa asəwahuni? Daaha mbə kwa watsa a ɗi.» 42Tiɗa ndə mbə watsa a kandaha, a tsutsa miɗ watsa ɓərah a fak ka ata hayak, dəba a aɓərəzlə abə guɗaŋ tə. Ama Yesu dəba a agulak miɗ ma gamak watsa, reh i mbə watsa bəza, pa a vəlanə a cin tə. 43Hak aa ghərəŋ ta tiwtiw ara mbaɗ ataa dagal Bizlaf.
Ghal mci Yesu abə zhina tə a bəza a jiɓ zhana
(Mat 17.14-18; Mrk 9.14-27)
Mbara azha, ndə kwa vaye a gəra səkən ndə Yesu a ɗalə, hak aa ghərəŋ ta, azha, a zlapatana a magəli tə aagi: 44«Ataa aŋkuni, huni dəɗ zləm aka aska ma ndə sa kazlapahuni watsə : Mbə həji ma dəgnak a avəla ka ata ra, a həji aagi.» 45Ama magəli tə aagi tazlima maŋgəla watsas, ghal tə avaŋgəy, aa kasənəs. Ŋzliŋ tadzata ka, ara aagi ɗiwzə ata ma watsa.
Ma ɗa madagal vaya?
(Mat 18.1-5; Mrk 9.33-37)
46Magəli tə aagi, dəba aagi adza səbakw, aska a sən ala ma dagal ma ndza a taba ta. 47Yesu a kasən deŋ ŋkwaɓ ta, leŋ a ji mbə dənuk, gar a gar ka abəra. 48Zlap a zlapatana, iŋgaya: «Ala ma lamzə mbə watsə abə zləm naka, a ɗa sa ana ndə a lamzə. Ala ma lamzaka, a ɗa ala ma zlənaka ana ndə a lamzə. Ara ndə a ɗa, ala ma feŋ ma ndza a taba kuni tiwtiw, sha ana ma kaɗa ma dagal.»
Ala ma ŋkula ɗa jaga kuni, a ɗa ala kuni
(Mrk 9.38-40)
49Yahwana dəba a azlap, iŋgaya: «Madagal, ni tagəra ala minja aka, a kagam miɗ ma gamak abə zləm kwa. Ni tagasə a tak ka, ara ndə a ŋkula ndza a taba takwa a səbarahu.» 50Yesu zhin a zhinanə, iŋgaya: «Huni takəs. Ara ndə a ɗa, ala ma ŋkula ɗa ala jaga kuni, a ɗa ala kuni,» iy.
Həji Samariya aagi aa taŋkalzə Yesu
51Tiɗa ndə wan Yesu slaɓ a nda tə a wəzəm a wəzlaf, dəba a aji deŋ a taf a Wərusalima. 52Atama, a diw a zlən matəf aagi mpər. Aa tsaa kanda, ndə peteŋ aagi a hayak ma dzuk minja a Samariya, aska aagi a nda a lamanə la ka, aska ndaha Yesu. 53Ama, həji ma ndza a hayak watsa aagi, aa taŋkalzə a lamə abə ɓas, ara ndə a ata təf a nda a Wərusalima. 54Ndə magəli tə aagi, tiw Yakuba abə Yahwana, aa gəra ikwa ya, dəba aagi aɗiwzə Yesu, aagi iŋgaya: «Bay Ma dagal, hwa kaaji a ni a ɗiwha kwahu a wəzəm a wəzlaf a bazl həji watsa aagi ka vəw?» 55Yesu takwaɗ a zlazha ma ara təmta, dəba a agulakata. 56Mbara azha, aa tsaa kanda ta a hayak minja.
Həji ndə may ta aska səbar Yesu aagi
(Mat 8.19-22)
57Tiɗa aa ata təf, ala minja zlap a zlapanə a Yesu: «Sa asəbarahu kwa vatəy, ata la ndə hwa kanda, sa anda abə hwa.» 58Yesu zlap a zlapanə iŋgaya: «Galaɓa mbiyga aagi, wəli ta aka, abə vigin aagi jak ta aka. Ama ataa Mbə həji ma dəgnak ya, la wan tə abə la ndə a kanəp a heɗe akas.» 59Zlap a zlapanə ana ala minja: «Hwa, səbaraka!» Ala watsa i kəsha iŋgaya: «Madagal, pəlzaka təf kajik kwagwa, a sa a nda kahha vana bəza.» 60Yesu zhin a zhinanə: «Mbasl mci aagi ka, aa makah mci ta, hwa ana ataa aŋkwa, nda, hwa ghal ma la ndza bay Bizlaf.» 61Ala minja zlap a zlapanə zhana: «Sa asəbarahu, Madagal, ama pəlaka təf, sa nda zlapazatana bəza a həji ma wata cini aagi kwagwa.» 62Azha, Yesu iŋgaya: «Ala ndə ra tə ata dəvər madambərzhahw, zhana nja tə abə ma a diwzha, ala watsa tazhiva a nda a la ndza bay Bizlaf səku,» iy.
ទើបបានជ្រើសរើសហើយ៖
Luka 9: GOU
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Luka 9
9
Yesu tazlən magəli ma wam aha gbak aagi
(Mat 10.5-15; Mrk 6.7-13)
1Yesu dzam a dzam magəli tə wam aha gbak aagi, pa a vəlatana ɓərɓər abə dagal ta gam miɗ ma gamak aagi tiwtiw abə kwaleŋ dawər aagi. 2Zhana, zlən a zlənata a nda a ghal ma la ndza bay Bizlaf, abə mbəl həji dawər aagi. 3Azha, zlap a zlapatana: «Ndə huni kanda, huni ɗiw a ji səkən aras, kwa dambəy, kwa slibi, kwa wəda, kwa dala, ara huni anda abə rəkuts gbak. 4Ata la ndə aa kaalamzahuni, huni ndza kuni ka a tsutsa, a gwar ata vah ndə huni kanda kuni a bəza a tsutsa. 5Ata la ndə aa ŋkalzahuni, huni mbaslatana hayak ma dzamadzam ta ka, huni ŋtəw bərdibərdi ma ata ŋgas kuni ka, sha ana ma kaghalatana, deŋ ŋkwaɓ ta gamak.» 6Magəli tə aagi tsaa kanda ta, aa nda gwara a hayak ma dzuk dzuk aagi kaghal ma wiyə ma təwah, aa kambəl həji dawər aagi kwa vatəy.
ꞌUnəf Haridus tazla tə ara Yesu
(Mat 14.1-2; Mrk 6.14-16)
7Haridus, bay ma ndza aha hayak Galili, ndə a zlima ma ma kapew, a kasən səkən ndə a kadeŋ zhana səku, ara ndə həji ndiɓi aagi kazlap, aagi iŋgaya: «Yahwana ma ɗal batem tazhina tə bəza a jiɓ,» aagiy. 8Həji ndiɓi aagi aa kazlap: «Iliya ma payha,» aagiy. Həji ndiɓi aagi zhana, aa kazlap: «Ala ma ɗaf ma ndə a zlimazə ara Bizlaf ambəɗa tə minja, ma zhina tə bəza a jiɓ,» aagiy. 9Ama, Haridus iŋgaya: «Sa tazla ha bəza ata Yahwana, a ɗa ala ndə sa kazlima aa kazlap a heɗe watsa zhana ya?» Azha, a gas a gərazə Yesu.
Yesu tandar ŋgaɓa həji aagi
(Mat 14.13-21; Mrk 6.30-44; Yhw 6.1-14)
10Ndə həji ta zlən ataa Yesu aagi zhina ta, azha dəba aagi aghalanə səkən ndə aa ɗalazə aagi tiwtiw. Daŋ a yata a bəza gagagha ta, aa tsaa kanda ta a hayak ma dzamadzam, ndə həji kayə, Baytisayda. 11Ndə həji aagi aa zlima, dəba aagi asəbarə, Yesu lam a lamzata, tsa kaghalatana ma la ndza bay Bizlaf, a kwaleŋ dawər aagi.
12Ndə pish a dzaa ma ka, həji ta zlən ataa Yesu ma wam aha gbak aagi, kərəɗ aa kərəɗha abəra, zlap aa zlapanə: «Zlapatana a həji watsa aagi, aska aagi nda a ŋge a hayak ma dzuk dzuk aagi, abə hayak ma slaɓ slaɓ aagi, a nda gas la wan, abə səkən zəm aagi, ara ndə həji a ɗi, həji ndza a damə, gədək.» 13Ama, zlap a zlapatana: «Huni vəlatana səkən zəm abə ha kuni.» Zhin aa zhinanə: «Ambash wəda dzaɓən abə ŋkilif gbak gagagha ana ma ndza ara ni. Hwa may ci, kata ni nda səkəmatana səkən zəm a həji watsa aagi tiwtiw vəw?» 14A ɗi anawatsə, mawəl aagi ɗal bəza bəluk dzaɓən.
Yesu zlap a zlapatana magəli tə aagi: «Huni zlapatana aa maɓizh ha ka radzaɓən radzaɓən, aa mandza ka.» 15Magəli tə aagi taɗalə andza ndə a zlapatana ka, ka aa ndza ka tiwtiw. 16Yesu ji a ji ambash wəda ma dzaɓən abə ŋkilif ma gbak watsa aagi, kaf i ha a wəzlaf, dəba a aɗalanə wasiy a Bizlaf. Ɓizh a ɓizh ka a mən, pa a vəlatana a magəli tə aagi, aska aagi ɓizhatana a vərəm həji watsa aagi. 17Kwa vaye tazəm andza ndə a kamayə. Dzam aa dzam kirkem wəda ma finha, wədzəm wam aha gbak ŋtəy ŋtəy.
Piyer a kaghal, Yesu ana Kərist
(Mat 14.13-21; Mrk 6.30-44; Yhw 6.1-14)
18Vah minja aka, Yesu a katarha ŋtaɗ tə ata paŋ, magəli tə aagi abəra. Dəba a aɗiwzata: «Həji aagi aa kazlap ata sa ya, sa aagiy vaya?» 19Zhin aa zhinanə: «Həji ndiɓi aagi aa kazlap, hwa Yahwana ma ɗal batem, aagiy, həji ndiɓi aagi, hwa ɗa Iliya, həji ndiɓi aagi zhana, hwa ɗa ala ma ɗaf ma ndə a zlimazə ara Bizlaf ambəɗa minja aka, ma zhina tə a bəza a jiɓ, aagiy.» 20Ɗiw a ɗiwzata: «Huni azha ya, sa ala tə huniy vaya?» Piyer zhin a zhinanə: «Hwa ɗa Kərist ma ndaa aka ara Bizlaf.»
Ghal mci Yesu abə gara tə a wəzəm a jiɓ
(Mat 16.20-28; Mrk 8.30; 9.1)
21Yesu ŋgəz a ŋgəzata katkadək: «Ara huni a ghalanə kwa a vaye.» 22Zlap a zlap zhana: «A kaɗiw Mbə həji ma dəgnak, masa yaka dagala. Həji ma gulakwakw aagi, magulakwakw maɗal kwakus aagi, abə masərək ma ma garagar aagi, aagi aŋkalzə, aagi avəla ka a dza ka a mci. Azha ata wan mamahkaɗ tə, a agara tə a wəzəm ata lamca.»
23Zhana zlap a zlapatana a həji aagi tiwtiw: «Andza ala a kamay a ndaha ara sa, mambasl deŋ ha tə ka, kala pish matiw mpi ma gəzlaŋgarak, masəbaraka. 24Ara ndə a ɗa, ala ma kamay miɗ tə ya, a afəcak bəza. Ama, ala ma fəcak miɗ tə bəza aska sa ya, miɗ tə a areh tə. 25A kat tə veme? Ndə ala kalima səkən ma ata manahayak tiwtiw ci, fəcak i miɗ tə bəza? 26Andza haw a kadza ala ara sa, zhana ara zlap naka aagi, azha yəm, haw a adza Mbə həji ma dəgnak bəza ara, ndə a kaaɓin a ndaha a sləf tə, abə sləf Vava, abə sləf matəf Bizlaf ma ghwaɗeɗe aagi. 27Sa zlapahuni, a ɗa ŋter: ndiɓi aagi a ɗi, aa kaagwar a mca kwagwa səku abə aagi agəra la ndza bay Bizlaf.»
Bəw zlikusəm Yesu
(Mat 17.1-8; Mrk 9.2-8)
28A ɗal bəza wan dzamahkaɗ a diwzha ndə a zlap, Yesu ya a ya tiw Piyer, abə Yahwana, abə Yakuba, aa tsaa kataf ta aha wəzəm, aska a tarha. 29Tiɗa ndə a katarha, wənək tə bəw a bəw tə, rəkuts tə ya, tizlizli andza ŋtəra. 30A tsutsa, həji gəra, həji ndiɓi aagi gbak aka, aa kazlap abə Yesu, aa ɗa tiw Musa abə Iliya; 31aa payha a sləf Bizlaf. Aa kazlap ata nda tə ndə a kaanda a Wərusalima. 32Tiw Piyer abə malah tə aagi, wan tadzata bəza guɗaŋ. Aa fəɗahha ya, aa gəra sləf Yesu abə həji aagi gbak abəra. 33Tiɗa ndə tiw Musa abə Iliya aa nda ta a bəza abəra Yesu, Piyer zlap a zlapanə: «Madagal, təwah ana ndza takwa a ɗi. Həji adəp la nəp aka mahkaɗ, ŋtaɗ ataa aŋkwa, ŋtaɗ ataa Musa, ŋtaɗ ataa Iliya.» A kasən ma ndə a kazlapazəs.
34Tiɗa ndə a kazlap ikwa, aa gəra gwazlavay taa tə vərləm, a dəpata bəza. Magəli watsa aagi, ŋzliŋ tadzata ka ndə aa gəra gwazlavay watsa a dəpata bəza. 35A gwazlavay watsa, ma minja a kazlapha, iŋgaya: «Watsə ana Mbə naka, ndə sa mayə. Huni tehzanə!» 36A diwzha ndə ma watsa zlap a ya azha, aa gəra Yesu ŋtaɗ tə. Magəli tə aagi tampak ma ka ɗekɗek, vah watsa, aa taghalanə səkən ndə aa gəra kwa ana ala akas.
Mbəl mbə ndə miɗ ma gamak a kasanə yaka
(Mat 17.14-18; Mrk 9.14-27)
37A kwaf tə, ndə Yesu abə magəli tə ma mahkaɗ aagi, ndə aa taduka ta a bəza aha wəzəm, ŋgaɓa həji aagi kandaha ara Yesu. 38A taba ta, ala minja, dəba a adza wəla, iŋgaya: «Madagal, sa kadzahu ra, za hahər kwa ata mbə naka, a ɗa malay abə ara sa ana mbə watsa. 39Miɗ ma gamak minja, a mbələ, a tsutsa a tsutsa tsa kaghutə a dza wəla, a ɓərəzl abə guɗaŋ tə, tsa kazanə hubəf ata ma. A kasanə yaka a guɗaŋ, a kaji a mbasl ka səku. 40Sa tatar magəli kwa aagi aska a gam miɗ ma gamak watsa, ama, ɗal takum ara təmta.»
41Yesu zlap a zlap: «Həji ma gamak aagi, ndə ɗal awa a ŋkula ndza ara təmta aagi! Sa azhin a ndza abə huni wan vana? Wan vana abə sa asəwahuni? Daaha mbə kwa watsa a ɗi.» 42Tiɗa ndə mbə watsa a kandaha, a tsutsa miɗ watsa ɓərah a fak ka ata hayak, dəba a aɓərəzlə abə guɗaŋ tə. Ama Yesu dəba a agulak miɗ ma gamak watsa, reh i mbə watsa bəza, pa a vəlanə a cin tə. 43Hak aa ghərəŋ ta tiwtiw ara mbaɗ ataa dagal Bizlaf.
Ghal mci Yesu abə zhina tə a bəza a jiɓ zhana
(Mat 17.14-18; Mrk 9.14-27)
Mbara azha, ndə kwa vaye a gəra səkən ndə Yesu a ɗalə, hak aa ghərəŋ ta, azha, a zlapatana a magəli tə aagi: 44«Ataa aŋkuni, huni dəɗ zləm aka aska ma ndə sa kazlapahuni watsə : Mbə həji ma dəgnak a avəla ka ata ra, a həji aagi.» 45Ama magəli tə aagi tazlima maŋgəla watsas, ghal tə avaŋgəy, aa kasənəs. Ŋzliŋ tadzata ka, ara aagi ɗiwzə ata ma watsa.
Ma ɗa madagal vaya?
(Mat 18.1-5; Mrk 9.33-37)
46Magəli tə aagi, dəba aagi adza səbakw, aska a sən ala ma dagal ma ndza a taba ta. 47Yesu a kasən deŋ ŋkwaɓ ta, leŋ a ji mbə dənuk, gar a gar ka abəra. 48Zlap a zlapatana, iŋgaya: «Ala ma lamzə mbə watsə abə zləm naka, a ɗa sa ana ndə a lamzə. Ala ma lamzaka, a ɗa ala ma zlənaka ana ndə a lamzə. Ara ndə a ɗa, ala ma feŋ ma ndza a taba kuni tiwtiw, sha ana ma kaɗa ma dagal.»
Ala ma ŋkula ɗa jaga kuni, a ɗa ala kuni
(Mrk 9.38-40)
49Yahwana dəba a azlap, iŋgaya: «Madagal, ni tagəra ala minja aka, a kagam miɗ ma gamak abə zləm kwa. Ni tagasə a tak ka, ara ndə a ŋkula ndza a taba takwa a səbarahu.» 50Yesu zhin a zhinanə, iŋgaya: «Huni takəs. Ara ndə a ɗa, ala ma ŋkula ɗa ala jaga kuni, a ɗa ala kuni,» iy.
Həji Samariya aagi aa taŋkalzə Yesu
51Tiɗa ndə wan Yesu slaɓ a nda tə a wəzəm a wəzlaf, dəba a aji deŋ a taf a Wərusalima. 52Atama, a diw a zlən matəf aagi mpər. Aa tsaa kanda, ndə peteŋ aagi a hayak ma dzuk minja a Samariya, aska aagi a nda a lamanə la ka, aska ndaha Yesu. 53Ama, həji ma ndza a hayak watsa aagi, aa taŋkalzə a lamə abə ɓas, ara ndə a ata təf a nda a Wərusalima. 54Ndə magəli tə aagi, tiw Yakuba abə Yahwana, aa gəra ikwa ya, dəba aagi aɗiwzə Yesu, aagi iŋgaya: «Bay Ma dagal, hwa kaaji a ni a ɗiwha kwahu a wəzəm a wəzlaf a bazl həji watsa aagi ka vəw?» 55Yesu takwaɗ a zlazha ma ara təmta, dəba a agulakata. 56Mbara azha, aa tsaa kanda ta a hayak minja.
Həji ndə may ta aska səbar Yesu aagi
(Mat 8.19-22)
57Tiɗa aa ata təf, ala minja zlap a zlapanə a Yesu: «Sa asəbarahu kwa vatəy, ata la ndə hwa kanda, sa anda abə hwa.» 58Yesu zlap a zlapanə iŋgaya: «Galaɓa mbiyga aagi, wəli ta aka, abə vigin aagi jak ta aka. Ama ataa Mbə həji ma dəgnak ya, la wan tə abə la ndə a kanəp a heɗe akas.» 59Zlap a zlapanə ana ala minja: «Hwa, səbaraka!» Ala watsa i kəsha iŋgaya: «Madagal, pəlzaka təf kajik kwagwa, a sa a nda kahha vana bəza.» 60Yesu zhin a zhinanə: «Mbasl mci aagi ka, aa makah mci ta, hwa ana ataa aŋkwa, nda, hwa ghal ma la ndza bay Bizlaf.» 61Ala minja zlap a zlapanə zhana: «Sa asəbarahu, Madagal, ama pəlaka təf, sa nda zlapazatana bəza a həji ma wata cini aagi kwagwa.» 62Azha, Yesu iŋgaya: «Ala ndə ra tə ata dəvər madambərzhahw, zhana nja tə abə ma a diwzha, ala watsa tazhiva a nda a la ndza bay Bizlaf səku,» iy.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល