Luka 24
24
Zhinha Yesu a bəza a jiɓ
(Mat 28.1-10; Mrk 16.1-8; Yhw 20.1-10)
1Biŋ ma vah dəmas, wali aa tsaa kanda a ma jiɓ, aa jaɓ mali abə mali ndə nji tə fiŋfiŋ, ndə aa gas ka. 2Aa gəra ya, mabaleleŋ tapələmaya ama jiɓ. 3Tsaw aa nda a jiɓ ya, kwa aa tagəra zlikusəm ataa Bay Madagal Yesu akas. 4Aa kasən səkən ndə aa kadeŋ səku, ara ndə ŋkwaɓ ta taghərganay tə. Tiɗa ndə aa ndza ta a tsutsa, tsakwa, mawəl ndiɓi aagi gbak pay, aa taa ta ara təmta, aagi abə rəkuts ma tizlizli. 5Ŋzliŋ a kadzata, ŋtiŋ aagi ha ta ka a hayak. Mawəl watsa aagi, zlap aa zlapatana: «Huni gas ala ma ndza abə nja a taba həji ma bazl ta aagi ara veme? 6A ɗis, ama, tazhina tə a bəza a jiɓ. Huni deŋ ka ata zlap tə ndə a zlapahuni tiɗa ndə a Galili: 7iŋgaya: “Mbə həji ma dəgnak a avəla tə ata ra həji ma gəy ma aagi, aagi adar ka ata mpi ma gəzlaŋgarak, a azhina tə a bəza a jiɓ ata wan mamahkaɗ, a agara tə a wəzəm a taba həji ma bazl ta aagi.”»
8Mbara azha, sən aa sənakənə a ma Yesu ndə a zlap aagi. 9Aa tsaa kanda ta a bəza a tsutsa ama jiɓ, aa nda ghalatana a həji ta zlən tə ma wam aha ŋtaɗ aagi, abə həji ndiɓi aagi zhana. 10Wali watsa aagi ci: Mariyama Magdala, Yawana, abə Mariyama, mana Yakuba, abə wali ndiɓi aagi zhana. Dəba aagi aghalatana ma ma pew a həji ta zlən aagi. 11Ama, ndə aa zlima ma watsa ya, «Aa zlap ma tə veme,» aagiy. Azha aa taji ma tas.
12Ama ataa Piyer, takaw a gar tə a wəzəm, dəba a tsa a ashi ama jiɓ, nda ɗakw a ɗakw tə ka a meɗeɗe ya, patak ana ndə a gəra abə rəkuts ma peɗek. A diwzha tə, tsaa kandaa tə aha wata, hak, a ghərəŋ tə ata səkən ma pew.
Magəli aagi gbak ata təf Imawəs
(Mrk 16.12-13)
13Ma vah watsa, magəli aagi gbak aa kanda a hayak ma dzuk minja ndə aa kayə: «Imawus,» a ɗal bəza ler gbak ata landa a gwar a Wərusalima. 14Aa kazlap a walaŋ ta ata səkən ma pew tiwtiw. 15Tiɗa ndə aa kazlap, aa kadza səbakw, Yesu abə ha tə, kərəɗ a kərəɗha abəra təmta, dəba aagi anda ata təf abə təmta. 16Magəli aagi aa kagəra ci, səkən minja tatakata ka aagi asənə.
17Yesu ɗiw a ɗiwzata: «Huni dza səbakw tiɗa ndə huni kanda ata təf ata veme?» Gar aa gar ta ka ana magəli aagi, aa taŋgaɗ nja bəza. 18Ala ta minja ŋtaguleŋ, Kiliyupas ana zləm tə, zhin a zhinanə: «Kwa vaye a Wərusalima a kasən səkən ma pew a gwar akacihwa! Azha ataa aŋkwa, hwa kasən səkwa?» 19Ɗiw a ɗiwzata: «A ɗa azha veme?» iy. Zhin aa zhinanə: «Səkən ma pew ata Yesu ndə Nasaratu, a ɗa ala ma ɗaf ma ndə a zlimazə ara Bizlaf ma dagal, abə zlən abə ma tə atama Bizlaf, zhana, atama həji aagi tiwtiw. 20Magulakwakw maɗal kwakus cini aagi abə magulakwakw ma ndza aha hayak cini aagi, aa tavəlatana ka ata ra həji ma gəy ma aagi, aa tatək ma a heɗe, aa tadzə ka, aa tadar ka ata mpi ma gəzlaŋgarak. 21Azha ataa aŋcini, deŋ cini, sha ana ma kaareh həji Isərayila aagi. Ama, tsakwa anawatsə, wan mamahkaɗ tə, ghala ndə a ɗal. 22Mbara azha, wali cini ndiɓi aagi tagərakəni, tsaw aa nda a ma jiɓ biŋ tə. 23Ama aa tagəra zlikusəm Yesu akas. Azha, zhin aa zhina ta, aa ndaha, aa ghalani: “Matəf ataa Bizlaf aagi aa taghalani ha ta.” Aa zlapani: “Yesu abə nja,” aagiy. 24Həji ndiɓi aagi a taba cini zhana, təmta yəm, aa ta a ma jiɓ. Aa nda gəra andza ndə wali watsa aagi aa ghalə, ci, aa tagəra Yesu akas.»
25Yesu zlap a zlapatana: «Ŋkwaɓ kuni mgbaŋmgbaŋ, gədək abə huni a nda zlima ma ndə həji ma ɗaf ma ndə aa zlimazə ara Bizlaf aagi ghalə. 26Ikwa, səy Kərist masa yaka abə a nda a sləf tə.» 27Azha, ꞌwa aka ata Musa abə gwar ara maɗaf ma Bizlaf aagi tiwtiw a ghalatana ma ma ndza a Ɗerewal ma ghwaɗeɗe ma kazlap a heɗe aagi tiwtiw.
28Ndə aa ɗa huk abəra hayak ma dzuk minja ndə magəli aagi aa kaɗiw a nda a tsutsa, Yesu bəw a bəw ka ya, həna təf tə gədək kajik. 29Ama həji ma gbak watsa aagi, a tambasləs, aagi kəsha, iŋgaya: «Ndza ka abə ni, ŋtsəɓahw taɗal tiw. Kajik ikwa, a aɗa zaɗə.» Ama Yesu ka a ndza tə ka abə təmta. 30Mbara ndə aa kazəm səkən a tizhimzla ma ŋtaɗ abə təmta. Leŋ a ji wəda, dəba a apish bəzla ma təwah a heɗe. Teŋ a teŋ wəda watsa ka a mən, pa a vəlatana. 31Mbara azha a tsutsa, nja ta tadəɗ tə, azha, aa kasənə, ama a tsutsa a tsutsa, safay a safayakətana ra ata nja ta. 32Dəba aagi azlap a walaŋ ta: «Ayəw, hwa tagəra ya, a ndza andza kwahu a ꞌunəf təmə, tiɗa ndə həji ata təf ndə a kaghalamə ma ma ndza a Ɗerewal ma ghwaɗeɗe aagi wəra?»
33A tsutsa a tsutsa, takaw aa gar ta a wəzəm, aa tsa kazhin ta a Wərusalima. Aa gəra a tsutsa magəli ma wam aha ŋtaɗ aagi, abə həji ma kalahata aagi. 34Aa kazlapatana aagi iŋgaya: «Ŋter njiwin! Bay Madagal tazhina tə a bəza a jiɓ, azha, taghalanə ha tə a Simun.»
35Dəba aagi aghal səkən ma pew ata təf, abə ndə aa nda sən bəza ata ndə a ɓizh wəda.
Ghalha ha Yesu a magəli tə aagi
(Mat 28.16-20; Mrk 16.14-18; Yhw 20.19-23; Zlh 1.6-8)
36Tiɗa ndə aa kazlap ikwa, Yesu a ghalatana ha tə, iŋgaya: «Təwah mandza abə huni!» 37Magəli tə aagi tanaana ka, ŋzliŋ tadzata bəza a guɗaŋ. Aa deŋ ka ci, «Ala ma zhinha a jiɓ ma gərakəni,» aagiy. 38Yesu zlap a zlapatana: «Səkən ma gəyahuni ŋkwaɓ aka veme? Azha, deŋ watsə a sən a nda tə a ꞌunəf kuni ara veme? 39Huni taŋzə ra naka aagi abə ŋgas naka aagi: sa ŋter watsa! Huni tsazə ra ata sa, huni taŋzaka! Ala ma zhinha a jiɓ abə zlikusəm vəw? Azha sa, huni kagəra sa abə zli, sa abə kirŋgisl, sa ɗa ala,» iy.
40Tiɗa ndə a kazlapatana ikwa, ghal a ghalatana ra tə abə ŋgas tə aagi. 41Ndə ɓas a ɗa mkpef dəy a ꞌunəf ta, aa taghərəŋ ta, aa kula a ji ma tə kwagwa səku. Azha, Yesu ɗiw a ɗiwzata: «A ɗi, huni abə səkən zəm aka vəw?» 42Zlər aa zləranə ŋkilif ma msamsa ŋtaguleŋ. 43Leŋ a ji, ɓam a ɓam bəza ata nja ta.
44A diwzha tə, zlap a zlapatana: «Tiɗa ndə sa ɗa ndza naka a taba kuni ya, sa tazlapahuni: “Səkən ma zlap aka ata zləm naka andza ndə a garaya ana ma ma garagar ataa Musa, ma ataa həji ma ɗaf ma ndə aa zlimazə ara Bizlaf aagi, abə ataa Jabura, tiwtiw a kəliy tə.”» 45Mbara azha, Yesu mpaŋ a dəɗatana ŋkwaɓ ta aka, aska aagi azlima səkən ma ndza a Ɗerewal ma ghwaɗeɗe aagi, 46azha, i təmta iŋgaya: «Tsakwa: Kərist a aɓin a sa yaka, zhana, vah mamahkaɗ tə, a agara tə a wəzəm a taba mci aagi. 47Azha, aagi aɓin a ghalatana mbaɗ landza abə pəl mpət a həji aagi tiwtiw ata zləm tə, a adiwha a Wərusalima! 48Huni ana ma ɗa həji ma ghal səkən ndə huni gəra aagi. 49Ataa anaka, sa azlənahuni səkən ndə Vana ma ndza a wəzəm, a ghalaka ka a vəla ka. Ama ataa aŋkuni, huni ndza ka kwagwa a hayak ma dzamadzam, a gwar ata vah ndə huni kaalima ɓərɓər ma ndaha a wəzəm a wəzlaf bəza.»
Nda Yesu a wəzlaf
(Mrk 16.19-20; Zlh 1.9-11)
50A diwzha tə azha, Yesu jaɓ a jaɓ magəli tə aagi huk abəra hayak ma dzuk Baytaniya, kaf i ra aagi a wəzlaf, dəba a apishata bəzla ma təwah. 51Tiɗa ndə a kapishata ikwa, tsaa kanda tə a bəza abəra təmta, aska a taf tə a wəzəm a wəzlaf. 52Tiɗa a tsutsa, magəli tə aagi, aa kahəmənə, azha zhin aa zhina ta a Wərusalima, aa mkpef abə ɓas. 53Aa ndza pal a jak kwakus Bizlaf, azha aa kaya dərəf, aa kahəmən Bizlaf.
ទើបបានជ្រើសរើសហើយ៖
Luka 24: GOU
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Luka 24
24
Zhinha Yesu a bəza a jiɓ
(Mat 28.1-10; Mrk 16.1-8; Yhw 20.1-10)
1Biŋ ma vah dəmas, wali aa tsaa kanda a ma jiɓ, aa jaɓ mali abə mali ndə nji tə fiŋfiŋ, ndə aa gas ka. 2Aa gəra ya, mabaleleŋ tapələmaya ama jiɓ. 3Tsaw aa nda a jiɓ ya, kwa aa tagəra zlikusəm ataa Bay Madagal Yesu akas. 4Aa kasən səkən ndə aa kadeŋ səku, ara ndə ŋkwaɓ ta taghərganay tə. Tiɗa ndə aa ndza ta a tsutsa, tsakwa, mawəl ndiɓi aagi gbak pay, aa taa ta ara təmta, aagi abə rəkuts ma tizlizli. 5Ŋzliŋ a kadzata, ŋtiŋ aagi ha ta ka a hayak. Mawəl watsa aagi, zlap aa zlapatana: «Huni gas ala ma ndza abə nja a taba həji ma bazl ta aagi ara veme? 6A ɗis, ama, tazhina tə a bəza a jiɓ. Huni deŋ ka ata zlap tə ndə a zlapahuni tiɗa ndə a Galili: 7iŋgaya: “Mbə həji ma dəgnak a avəla tə ata ra həji ma gəy ma aagi, aagi adar ka ata mpi ma gəzlaŋgarak, a azhina tə a bəza a jiɓ ata wan mamahkaɗ, a agara tə a wəzəm a taba həji ma bazl ta aagi.”»
8Mbara azha, sən aa sənakənə a ma Yesu ndə a zlap aagi. 9Aa tsaa kanda ta a bəza a tsutsa ama jiɓ, aa nda ghalatana a həji ta zlən tə ma wam aha ŋtaɗ aagi, abə həji ndiɓi aagi zhana. 10Wali watsa aagi ci: Mariyama Magdala, Yawana, abə Mariyama, mana Yakuba, abə wali ndiɓi aagi zhana. Dəba aagi aghalatana ma ma pew a həji ta zlən aagi. 11Ama, ndə aa zlima ma watsa ya, «Aa zlap ma tə veme,» aagiy. Azha aa taji ma tas.
12Ama ataa Piyer, takaw a gar tə a wəzəm, dəba a tsa a ashi ama jiɓ, nda ɗakw a ɗakw tə ka a meɗeɗe ya, patak ana ndə a gəra abə rəkuts ma peɗek. A diwzha tə, tsaa kandaa tə aha wata, hak, a ghərəŋ tə ata səkən ma pew.
Magəli aagi gbak ata təf Imawəs
(Mrk 16.12-13)
13Ma vah watsa, magəli aagi gbak aa kanda a hayak ma dzuk minja ndə aa kayə: «Imawus,» a ɗal bəza ler gbak ata landa a gwar a Wərusalima. 14Aa kazlap a walaŋ ta ata səkən ma pew tiwtiw. 15Tiɗa ndə aa kazlap, aa kadza səbakw, Yesu abə ha tə, kərəɗ a kərəɗha abəra təmta, dəba aagi anda ata təf abə təmta. 16Magəli aagi aa kagəra ci, səkən minja tatakata ka aagi asənə.
17Yesu ɗiw a ɗiwzata: «Huni dza səbakw tiɗa ndə huni kanda ata təf ata veme?» Gar aa gar ta ka ana magəli aagi, aa taŋgaɗ nja bəza. 18Ala ta minja ŋtaguleŋ, Kiliyupas ana zləm tə, zhin a zhinanə: «Kwa vaye a Wərusalima a kasən səkən ma pew a gwar akacihwa! Azha ataa aŋkwa, hwa kasən səkwa?» 19Ɗiw a ɗiwzata: «A ɗa azha veme?» iy. Zhin aa zhinanə: «Səkən ma pew ata Yesu ndə Nasaratu, a ɗa ala ma ɗaf ma ndə a zlimazə ara Bizlaf ma dagal, abə zlən abə ma tə atama Bizlaf, zhana, atama həji aagi tiwtiw. 20Magulakwakw maɗal kwakus cini aagi abə magulakwakw ma ndza aha hayak cini aagi, aa tavəlatana ka ata ra həji ma gəy ma aagi, aa tatək ma a heɗe, aa tadzə ka, aa tadar ka ata mpi ma gəzlaŋgarak. 21Azha ataa aŋcini, deŋ cini, sha ana ma kaareh həji Isərayila aagi. Ama, tsakwa anawatsə, wan mamahkaɗ tə, ghala ndə a ɗal. 22Mbara azha, wali cini ndiɓi aagi tagərakəni, tsaw aa nda a ma jiɓ biŋ tə. 23Ama aa tagəra zlikusəm Yesu akas. Azha, zhin aa zhina ta, aa ndaha, aa ghalani: “Matəf ataa Bizlaf aagi aa taghalani ha ta.” Aa zlapani: “Yesu abə nja,” aagiy. 24Həji ndiɓi aagi a taba cini zhana, təmta yəm, aa ta a ma jiɓ. Aa nda gəra andza ndə wali watsa aagi aa ghalə, ci, aa tagəra Yesu akas.»
25Yesu zlap a zlapatana: «Ŋkwaɓ kuni mgbaŋmgbaŋ, gədək abə huni a nda zlima ma ndə həji ma ɗaf ma ndə aa zlimazə ara Bizlaf aagi ghalə. 26Ikwa, səy Kərist masa yaka abə a nda a sləf tə.» 27Azha, ꞌwa aka ata Musa abə gwar ara maɗaf ma Bizlaf aagi tiwtiw a ghalatana ma ma ndza a Ɗerewal ma ghwaɗeɗe ma kazlap a heɗe aagi tiwtiw.
28Ndə aa ɗa huk abəra hayak ma dzuk minja ndə magəli aagi aa kaɗiw a nda a tsutsa, Yesu bəw a bəw ka ya, həna təf tə gədək kajik. 29Ama həji ma gbak watsa aagi, a tambasləs, aagi kəsha, iŋgaya: «Ndza ka abə ni, ŋtsəɓahw taɗal tiw. Kajik ikwa, a aɗa zaɗə.» Ama Yesu ka a ndza tə ka abə təmta. 30Mbara ndə aa kazəm səkən a tizhimzla ma ŋtaɗ abə təmta. Leŋ a ji wəda, dəba a apish bəzla ma təwah a heɗe. Teŋ a teŋ wəda watsa ka a mən, pa a vəlatana. 31Mbara azha a tsutsa, nja ta tadəɗ tə, azha, aa kasənə, ama a tsutsa a tsutsa, safay a safayakətana ra ata nja ta. 32Dəba aagi azlap a walaŋ ta: «Ayəw, hwa tagəra ya, a ndza andza kwahu a ꞌunəf təmə, tiɗa ndə həji ata təf ndə a kaghalamə ma ma ndza a Ɗerewal ma ghwaɗeɗe aagi wəra?»
33A tsutsa a tsutsa, takaw aa gar ta a wəzəm, aa tsa kazhin ta a Wərusalima. Aa gəra a tsutsa magəli ma wam aha ŋtaɗ aagi, abə həji ma kalahata aagi. 34Aa kazlapatana aagi iŋgaya: «Ŋter njiwin! Bay Madagal tazhina tə a bəza a jiɓ, azha, taghalanə ha tə a Simun.»
35Dəba aagi aghal səkən ma pew ata təf, abə ndə aa nda sən bəza ata ndə a ɓizh wəda.
Ghalha ha Yesu a magəli tə aagi
(Mat 28.16-20; Mrk 16.14-18; Yhw 20.19-23; Zlh 1.6-8)
36Tiɗa ndə aa kazlap ikwa, Yesu a ghalatana ha tə, iŋgaya: «Təwah mandza abə huni!» 37Magəli tə aagi tanaana ka, ŋzliŋ tadzata bəza a guɗaŋ. Aa deŋ ka ci, «Ala ma zhinha a jiɓ ma gərakəni,» aagiy. 38Yesu zlap a zlapatana: «Səkən ma gəyahuni ŋkwaɓ aka veme? Azha, deŋ watsə a sən a nda tə a ꞌunəf kuni ara veme? 39Huni taŋzə ra naka aagi abə ŋgas naka aagi: sa ŋter watsa! Huni tsazə ra ata sa, huni taŋzaka! Ala ma zhinha a jiɓ abə zlikusəm vəw? Azha sa, huni kagəra sa abə zli, sa abə kirŋgisl, sa ɗa ala,» iy.
40Tiɗa ndə a kazlapatana ikwa, ghal a ghalatana ra tə abə ŋgas tə aagi. 41Ndə ɓas a ɗa mkpef dəy a ꞌunəf ta, aa taghərəŋ ta, aa kula a ji ma tə kwagwa səku. Azha, Yesu ɗiw a ɗiwzata: «A ɗi, huni abə səkən zəm aka vəw?» 42Zlər aa zləranə ŋkilif ma msamsa ŋtaguleŋ. 43Leŋ a ji, ɓam a ɓam bəza ata nja ta.
44A diwzha tə, zlap a zlapatana: «Tiɗa ndə sa ɗa ndza naka a taba kuni ya, sa tazlapahuni: “Səkən ma zlap aka ata zləm naka andza ndə a garaya ana ma ma garagar ataa Musa, ma ataa həji ma ɗaf ma ndə aa zlimazə ara Bizlaf aagi, abə ataa Jabura, tiwtiw a kəliy tə.”» 45Mbara azha, Yesu mpaŋ a dəɗatana ŋkwaɓ ta aka, aska aagi azlima səkən ma ndza a Ɗerewal ma ghwaɗeɗe aagi, 46azha, i təmta iŋgaya: «Tsakwa: Kərist a aɓin a sa yaka, zhana, vah mamahkaɗ tə, a agara tə a wəzəm a taba mci aagi. 47Azha, aagi aɓin a ghalatana mbaɗ landza abə pəl mpət a həji aagi tiwtiw ata zləm tə, a adiwha a Wərusalima! 48Huni ana ma ɗa həji ma ghal səkən ndə huni gəra aagi. 49Ataa anaka, sa azlənahuni səkən ndə Vana ma ndza a wəzəm, a ghalaka ka a vəla ka. Ama ataa aŋkuni, huni ndza ka kwagwa a hayak ma dzamadzam, a gwar ata vah ndə huni kaalima ɓərɓər ma ndaha a wəzəm a wəzlaf bəza.»
Nda Yesu a wəzlaf
(Mrk 16.19-20; Zlh 1.9-11)
50A diwzha tə azha, Yesu jaɓ a jaɓ magəli tə aagi huk abəra hayak ma dzuk Baytaniya, kaf i ra aagi a wəzlaf, dəba a apishata bəzla ma təwah. 51Tiɗa ndə a kapishata ikwa, tsaa kanda tə a bəza abəra təmta, aska a taf tə a wəzəm a wəzlaf. 52Tiɗa a tsutsa, magəli tə aagi, aa kahəmənə, azha zhin aa zhina ta a Wərusalima, aa mkpef abə ɓas. 53Aa ndza pal a jak kwakus Bizlaf, azha aa kaya dərəf, aa kahəmən Bizlaf.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល