Yahwana 7
7
Zlina Yesu aagi kaji ma təs
1A diwzha tə, Yesu a tsa katəwər a ŋge a hayak Galili, tamay təwər a hayak Yahudiyas, ara ndə magulakwakw Yahuda aagi kagasə a dzə ka a mci. 2Mbara azha, gwaygwaya Yahuda aagi slaɓ, ndə aa kayə gwaygwaya jak həbar. 3Zliŋgin aagi zlap aa zlapanə, aagi iŋgaya: «Nda kwa a bəza a ɗi, nda kwa a hayak Yahudiya, aska magəli kwa aagi gəra zlən kwa ndə hwa kaɗalə yəm. 4Andza ala a kamay a ghal dagal sləf tə ata varvara ci, a kaɓah səku. Ara ndə a ɗa, andza ndə hwa kaɗal səkən watsa aagi ikwa, ghal ha kwa ata nja manahayak.» 5Ara ndə a ɗa, zliŋgin aagi, təmta tə ya, aa kaɗal awa aska ma təs. 6Mbara Yesu zlap a zlapatana, iŋgaya: «Vah naka tanaka a ndahas. Aŋkuni, vah kuni kadək kala pish ana aŋkuni. 7Manahayak a kaŋkalzahunis, ama sa, aa kaji nja nakas, ara ndə sa zlap ata səkən ndə sa kagəra, zlən ataa manahayak gamak. 8Huni, huni nda a gwaygwaya, ana aŋkuni. Sa, anaka, sa kanda akas, ara vah naka tanaka a ndahas.» 9A diwzha ndə a kəɗaŋ zlap bəza ikwa ya, kagha tə a Galili. 10Ama ndə zliŋgin aagi nda ta a gwaygwaya, Yesu tsaa kanda yəm, ama nda tə ci, a nda ata digh, kwa ala tagəra akas.
Sərək səkən Yesu ma a gwaygwaya jak həbar
11Magulakwakw Yahuda aagi, tiɗa a gwaygwaya aa kagas Yesu, aa kazlap, aagi iŋgaya: «Mba ana ala watsa a kata?» aagiy. 12Aa kadza səbakw dagala a heɗe ana həji aagi vərəm, ndiɓi aagi iŋgaya: «Ala ma ŋtan,» ndiɓi aagi zhana iŋgaya: «Aŋghə, ana ndiɓi aagi, aska a ghut ŋgaɓa həji aagi,» aagiy. 13Ama, kwa ala ma slənzə a ghalha ma tə ata varvara a taba həji aagi akas, ara ndə ŋzliŋ a kadzata ara magulakwakw Yahuda aagi.
14Tiɗa ndə həji aa ɗa ɓagaɓaga a gwaygwaya, abə Yesu a taf a jak kwakus, dəba a asərəkatana səkən a həji aagi. 15Hak aa ghərəŋ ta ana magulakwakw Yahuda aagi iŋgaya: «Ala watsə a ɗalzə abə a sən səkən aagi avaŋga? Sha ma ŋkula va a dərakwazə səkən?» 16Yesu zhin a zhinatana, iŋgaya: «Sərək ma ndə sa kavələ a ndaha ara sas, ama a ndaha ara ala ma zlənaka. 17Andza ala a kamay a ɗal səkən ndə Bizlaf a kaɗiwi, a asənə, andza ma ndə sa kasərək watsə a ndaha ara Bizlaf, aka səku andza ma ma nda a bəza abəra naka aagi. 18Ala ma kazlap ata ha tə, a gasɓa sləf a ha tə. Ama, ala ma kaləm aska sləf ataa ala ma zlənazə, a ɗa ala ma dəlili ŋter, zhana ma ma gamak ara akas. 19Musa tambaslahuni ma ma garagar aka həna aɓa wəra? Ama azha, kwa ala ŋtaguleŋ a taba kuni taji a njin akas. Mbara huni may a dzaka ka ara veme?» 20Ŋgaɓa həji aagi, aagiy kəsha iŋgaya: «Miɗ ma gamak a ha kwa tasl! Ma kagasahu a dzahu ka vaya?» 21Yesu zhin a zhinatana, iŋgaya: «Zlən ŋtaguleŋ ana ndə sa ɗalə gagagha, azha huni tsa kaghərəŋ tiwtiw a heɗe. 22Musa taghalahuni a zla mazhemter a wəzhi mawəl aagi, azha ma vah ta nəp Yahuda aagi ya, huni zlanə mazhemter ana ala, həji kasən katkadək ya, a diwha ara Musa səku, ama, a diwha ara jiji takwa aagi. 23Andza huni kula kazla mazhemter a mbə mawəl ma vah ta nəp Yahuda aagi, a kagəy ma ma garagar ataa Musa aka səku ya, huni ghuɗek abə sa ara ndə sa mbəl ala ɗuŋgum ma vah ta nəp Yahuda aagi ara veme? 24Huni mbasl dzam guma ma ndza a wənək aka. Ama huni zla guma ma dəlili.»
25Həji ma ndza a Wərusalima ndiɓi aagi kazlap, aagi iŋgaya: «Ala watsə ana ndə aa kagasə a dzə ka həna aɓa wəra? 26Tsakwa, huni sarzə a kazlap a taba həji aagi, kwa magulakwakw takwa nana aagi aa kazlapanə akas! Ŋter aa kasən ci, a ɗa Kərist azha vəw? 27Ama, ndə Kərist a kaaɗa pay ci, kwa ala a kaasən la ndə a ndaha a heɗe akas, ama həji kasən la ndə ala watsə a ndaha a heɗe.» 28Mbara azha Yesu, a kasərək ma a jak kwakus, a zlap abə ɓərɓər, iŋgaya: «Huni kasən ka ŋter! Huni kasən la ndaa naka! Sa tandaha abə may ataa ha naka akas, ala ma zlənaka a ɗa ala ma ghwaɗeɗe, sha, huni kasənə akas. 29Sa, sa kasənə, ara ndə, sa nda a bəza abəra, azha sha ma zlənaka.» 30Dəba aagi agasə azha a mbələ, ama, kwa ala ma tsa ra a heɗe akas, ara ndə awli a vaŋha ana wan tə. 31A taba ŋgaɓa həji, ama azha, dagala ana həji ma ɗalanə awa aagi, aa kazlap, iŋgaya: «Ndə Kərist aa kaandaha ya, a aɗal tsaɓan dəy aha ndə ala watsə a ɗal azha vəw?»
32Farisa aagi aa zlima ndə həji aagi kahahash ma a taba ŋgaɓa həji aagi ata Yesu. Mbara azha, magulakwakw maɗal kwakus aagi abə Farisa aagi dəba aagi azlənha həji aagi aska a mbəla Yesu. 33Yesu i təmta iŋgaya: «Sa abə huni ata wan kajik ikwa zhana, a diwzha tə sa anda naka ara ala ma zlənaka. 34Huni agasaka, ama huni kaagərakas, ara ndə a ɗa, ata la ndə sa a heɗe, huni kaɗa kula a nda səku.» 35A tsutsa azha magulakwakw Yahuda aagi aɗiwzə a walaŋ ta, aagi iŋgaya: «A nda azha a vatəy, ndə həji kaɗa kula a gəra səku watsa? A nda tə ara vən takwa Yahuda ma wiɗata a taba Gərek aagi kavəw? A nda sərəkatana ma aagi kavəw? 36Zlap watsə a may ghal avaŋga? Ndə a kazlap: “Huni agasaka, ama huni kaagəraka səku,” zhana, “Huni, huni kaaɗa kula a nda ata la ndə sa kanda səku,”» iy.
Vah kəɗaŋ gwaygwaya
37Ata kwakuɗaŋ vah gwaygwaya ya, sha ana ma dəy yəm aha vah ndiɓi aagi. Takaw Yesu a gar a wəzəm, dəba a azlap abə ɓərɓər tə, iŋgaya: «Andza yəm a kadza ala, mandaha ara sa, azha masə. 38Ala ma ji ma naka, andza ndə a ghalə ana ma Bizlaf, iŋgaya: “A shaha a zli kusəm tə ana meɗizh yəm ma kəɗaŋ takum.”» 39Yesu a zlap ikwa, ata Miɗ Bizlaf ndə həji ma kaaɗal awa aska ma tə aagi kaalima. Tiɗa a tsutsa ya, Miɗ Bizlaf aka kwagwas, ara ndə a ɗa, sləf tanaka a tsa ata Yesu kwagwa akas.
40Həji ma ndza a taba ŋgaɓa aagi, ma zlima ma Yesu aagi, ndiɓi aagi kazlap: «Ala watsə ci, a ɗa ŋter ala ma ɗaf ma ndə a zlimazə ara Bizlaf!» 41Ndiɓi aagi kazlap: «Sha ana Mesi!» Ama ndiɓi aagi zhana, aagi iŋgaya: «A andaha gwara a Galili ana Mesi vəw?» aagiy. 42«Taŋtiraya ci, Mesi a aɗa shiŋ Dawda azha, a andaha a Baytilama, hayak ma dzuk ndə Dawda a ndza a mən.» 43Ikwa abə ŋgaɓa həji aagi aa ɓizh ta dawna Yesu. 44Ndiɓi aagi a taba ta aa mayɓa aska a mbələ, ama kwa ala ma ji a tsa ra a heɗe akas.
45Mahəbar jak kwakus aagi zhin aa zhina ta abəra magulakwakw maɗal kwakus aagi abə Farisa aagi, ma zlapatana: «Huni ŋkalzə a daaha Yesu tə aara veme?» 46Mahəbar jak kwakus aagi zhin aa zhinatana, aagi iŋgaya: «Kwa mbaɗ ala ma va a zlapzə kusəm andza sha akas!» 47Farisa aagi zlap aa zlapatana, aagi iŋgaya: «Huni, huni tambasl ha kuni aka aagi bamahuni nana vəw? 48Ala aka, ana ndə huni kasənə a taba madagal aagi aka səku a taba Farisa aagi taɗal awa zhanaw? 49Ama, səy ŋgaɓa həji watsa aagi, ana ŋkula sən ma ma garagar Musa, həji ma gəyagəy aagi!» 50Ama Nikudemus, ala minja ŋtaguleŋ a taba Farisa aagi, sha ana ma nda a taŋha Yesu avandza. Dəba a azlapatana: 51«Aska ma ma garagar takwa ci, a kazhiva a həji a ghem ata ala səku, a may ci zlima həji zlima ma tə abə səkən ndə a ɗalə.» 52Zhin aa zhinanə, aagi iŋgaya: «Hwa tə, hwa ndə Galili yəm həna? Gasə a taba səkən ma ŋtiraya aagi, azha hwa kaagəra kwa ŋtaɗ a taba həji ma ɗaf ma ndə aa zlimazə ara Bizlaf aagi ma ndaha a hayak Galili akas.»
53A diwzha tə, kwa vaye tsaa kanda tə a wata tə.
ទើបបានជ្រើសរើសហើយ៖
Yahwana 7: GOU
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Yahwana 7
7
Zlina Yesu aagi kaji ma təs
1A diwzha tə, Yesu a tsa katəwər a ŋge a hayak Galili, tamay təwər a hayak Yahudiyas, ara ndə magulakwakw Yahuda aagi kagasə a dzə ka a mci. 2Mbara azha, gwaygwaya Yahuda aagi slaɓ, ndə aa kayə gwaygwaya jak həbar. 3Zliŋgin aagi zlap aa zlapanə, aagi iŋgaya: «Nda kwa a bəza a ɗi, nda kwa a hayak Yahudiya, aska magəli kwa aagi gəra zlən kwa ndə hwa kaɗalə yəm. 4Andza ala a kamay a ghal dagal sləf tə ata varvara ci, a kaɓah səku. Ara ndə a ɗa, andza ndə hwa kaɗal səkən watsa aagi ikwa, ghal ha kwa ata nja manahayak.» 5Ara ndə a ɗa, zliŋgin aagi, təmta tə ya, aa kaɗal awa aska ma təs. 6Mbara Yesu zlap a zlapatana, iŋgaya: «Vah naka tanaka a ndahas. Aŋkuni, vah kuni kadək kala pish ana aŋkuni. 7Manahayak a kaŋkalzahunis, ama sa, aa kaji nja nakas, ara ndə sa zlap ata səkən ndə sa kagəra, zlən ataa manahayak gamak. 8Huni, huni nda a gwaygwaya, ana aŋkuni. Sa, anaka, sa kanda akas, ara vah naka tanaka a ndahas.» 9A diwzha ndə a kəɗaŋ zlap bəza ikwa ya, kagha tə a Galili. 10Ama ndə zliŋgin aagi nda ta a gwaygwaya, Yesu tsaa kanda yəm, ama nda tə ci, a nda ata digh, kwa ala tagəra akas.
Sərək səkən Yesu ma a gwaygwaya jak həbar
11Magulakwakw Yahuda aagi, tiɗa a gwaygwaya aa kagas Yesu, aa kazlap, aagi iŋgaya: «Mba ana ala watsa a kata?» aagiy. 12Aa kadza səbakw dagala a heɗe ana həji aagi vərəm, ndiɓi aagi iŋgaya: «Ala ma ŋtan,» ndiɓi aagi zhana iŋgaya: «Aŋghə, ana ndiɓi aagi, aska a ghut ŋgaɓa həji aagi,» aagiy. 13Ama, kwa ala ma slənzə a ghalha ma tə ata varvara a taba həji aagi akas, ara ndə ŋzliŋ a kadzata ara magulakwakw Yahuda aagi.
14Tiɗa ndə həji aa ɗa ɓagaɓaga a gwaygwaya, abə Yesu a taf a jak kwakus, dəba a asərəkatana səkən a həji aagi. 15Hak aa ghərəŋ ta ana magulakwakw Yahuda aagi iŋgaya: «Ala watsə a ɗalzə abə a sən səkən aagi avaŋga? Sha ma ŋkula va a dərakwazə səkən?» 16Yesu zhin a zhinatana, iŋgaya: «Sərək ma ndə sa kavələ a ndaha ara sas, ama a ndaha ara ala ma zlənaka. 17Andza ala a kamay a ɗal səkən ndə Bizlaf a kaɗiwi, a asənə, andza ma ndə sa kasərək watsə a ndaha ara Bizlaf, aka səku andza ma ma nda a bəza abəra naka aagi. 18Ala ma kazlap ata ha tə, a gasɓa sləf a ha tə. Ama, ala ma kaləm aska sləf ataa ala ma zlənazə, a ɗa ala ma dəlili ŋter, zhana ma ma gamak ara akas. 19Musa tambaslahuni ma ma garagar aka həna aɓa wəra? Ama azha, kwa ala ŋtaguleŋ a taba kuni taji a njin akas. Mbara huni may a dzaka ka ara veme?» 20Ŋgaɓa həji aagi, aagiy kəsha iŋgaya: «Miɗ ma gamak a ha kwa tasl! Ma kagasahu a dzahu ka vaya?» 21Yesu zhin a zhinatana, iŋgaya: «Zlən ŋtaguleŋ ana ndə sa ɗalə gagagha, azha huni tsa kaghərəŋ tiwtiw a heɗe. 22Musa taghalahuni a zla mazhemter a wəzhi mawəl aagi, azha ma vah ta nəp Yahuda aagi ya, huni zlanə mazhemter ana ala, həji kasən katkadək ya, a diwha ara Musa səku, ama, a diwha ara jiji takwa aagi. 23Andza huni kula kazla mazhemter a mbə mawəl ma vah ta nəp Yahuda aagi, a kagəy ma ma garagar ataa Musa aka səku ya, huni ghuɗek abə sa ara ndə sa mbəl ala ɗuŋgum ma vah ta nəp Yahuda aagi ara veme? 24Huni mbasl dzam guma ma ndza a wənək aka. Ama huni zla guma ma dəlili.»
25Həji ma ndza a Wərusalima ndiɓi aagi kazlap, aagi iŋgaya: «Ala watsə ana ndə aa kagasə a dzə ka həna aɓa wəra? 26Tsakwa, huni sarzə a kazlap a taba həji aagi, kwa magulakwakw takwa nana aagi aa kazlapanə akas! Ŋter aa kasən ci, a ɗa Kərist azha vəw? 27Ama, ndə Kərist a kaaɗa pay ci, kwa ala a kaasən la ndə a ndaha a heɗe akas, ama həji kasən la ndə ala watsə a ndaha a heɗe.» 28Mbara azha Yesu, a kasərək ma a jak kwakus, a zlap abə ɓərɓər, iŋgaya: «Huni kasən ka ŋter! Huni kasən la ndaa naka! Sa tandaha abə may ataa ha naka akas, ala ma zlənaka a ɗa ala ma ghwaɗeɗe, sha, huni kasənə akas. 29Sa, sa kasənə, ara ndə, sa nda a bəza abəra, azha sha ma zlənaka.» 30Dəba aagi agasə azha a mbələ, ama, kwa ala ma tsa ra a heɗe akas, ara ndə awli a vaŋha ana wan tə. 31A taba ŋgaɓa həji, ama azha, dagala ana həji ma ɗalanə awa aagi, aa kazlap, iŋgaya: «Ndə Kərist aa kaandaha ya, a aɗal tsaɓan dəy aha ndə ala watsə a ɗal azha vəw?»
32Farisa aagi aa zlima ndə həji aagi kahahash ma a taba ŋgaɓa həji aagi ata Yesu. Mbara azha, magulakwakw maɗal kwakus aagi abə Farisa aagi dəba aagi azlənha həji aagi aska a mbəla Yesu. 33Yesu i təmta iŋgaya: «Sa abə huni ata wan kajik ikwa zhana, a diwzha tə sa anda naka ara ala ma zlənaka. 34Huni agasaka, ama huni kaagərakas, ara ndə a ɗa, ata la ndə sa a heɗe, huni kaɗa kula a nda səku.» 35A tsutsa azha magulakwakw Yahuda aagi aɗiwzə a walaŋ ta, aagi iŋgaya: «A nda azha a vatəy, ndə həji kaɗa kula a gəra səku watsa? A nda tə ara vən takwa Yahuda ma wiɗata a taba Gərek aagi kavəw? A nda sərəkatana ma aagi kavəw? 36Zlap watsə a may ghal avaŋga? Ndə a kazlap: “Huni agasaka, ama huni kaagəraka səku,” zhana, “Huni, huni kaaɗa kula a nda ata la ndə sa kanda səku,”» iy.
Vah kəɗaŋ gwaygwaya
37Ata kwakuɗaŋ vah gwaygwaya ya, sha ana ma dəy yəm aha vah ndiɓi aagi. Takaw Yesu a gar a wəzəm, dəba a azlap abə ɓərɓər tə, iŋgaya: «Andza yəm a kadza ala, mandaha ara sa, azha masə. 38Ala ma ji ma naka, andza ndə a ghalə ana ma Bizlaf, iŋgaya: “A shaha a zli kusəm tə ana meɗizh yəm ma kəɗaŋ takum.”» 39Yesu a zlap ikwa, ata Miɗ Bizlaf ndə həji ma kaaɗal awa aska ma tə aagi kaalima. Tiɗa a tsutsa ya, Miɗ Bizlaf aka kwagwas, ara ndə a ɗa, sləf tanaka a tsa ata Yesu kwagwa akas.
40Həji ma ndza a taba ŋgaɓa aagi, ma zlima ma Yesu aagi, ndiɓi aagi kazlap: «Ala watsə ci, a ɗa ŋter ala ma ɗaf ma ndə a zlimazə ara Bizlaf!» 41Ndiɓi aagi kazlap: «Sha ana Mesi!» Ama ndiɓi aagi zhana, aagi iŋgaya: «A andaha gwara a Galili ana Mesi vəw?» aagiy. 42«Taŋtiraya ci, Mesi a aɗa shiŋ Dawda azha, a andaha a Baytilama, hayak ma dzuk ndə Dawda a ndza a mən.» 43Ikwa abə ŋgaɓa həji aagi aa ɓizh ta dawna Yesu. 44Ndiɓi aagi a taba ta aa mayɓa aska a mbələ, ama kwa ala ma ji a tsa ra a heɗe akas.
45Mahəbar jak kwakus aagi zhin aa zhina ta abəra magulakwakw maɗal kwakus aagi abə Farisa aagi, ma zlapatana: «Huni ŋkalzə a daaha Yesu tə aara veme?» 46Mahəbar jak kwakus aagi zhin aa zhinatana, aagi iŋgaya: «Kwa mbaɗ ala ma va a zlapzə kusəm andza sha akas!» 47Farisa aagi zlap aa zlapatana, aagi iŋgaya: «Huni, huni tambasl ha kuni aka aagi bamahuni nana vəw? 48Ala aka, ana ndə huni kasənə a taba madagal aagi aka səku a taba Farisa aagi taɗal awa zhanaw? 49Ama, səy ŋgaɓa həji watsa aagi, ana ŋkula sən ma ma garagar Musa, həji ma gəyagəy aagi!» 50Ama Nikudemus, ala minja ŋtaguleŋ a taba Farisa aagi, sha ana ma nda a taŋha Yesu avandza. Dəba a azlapatana: 51«Aska ma ma garagar takwa ci, a kazhiva a həji a ghem ata ala səku, a may ci zlima həji zlima ma tə abə səkən ndə a ɗalə.» 52Zhin aa zhinanə, aagi iŋgaya: «Hwa tə, hwa ndə Galili yəm həna? Gasə a taba səkən ma ŋtiraya aagi, azha hwa kaagəra kwa ŋtaɗ a taba həji ma ɗaf ma ndə aa zlimazə ara Bizlaf aagi ma ndaha a hayak Galili akas.»
53A diwzha tə, kwa vaye tsaa kanda tə a wata tə.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល