Yahwana 4
4
Tiw Yesu abə wala ndə Samariya
1Farisa aagi zlima aa kaghalə ya, magəli Yesu aagi abə həji ndə a ɗalatana batem aagi dəy aha ataa Yahwana. 2Ŋter meni, Yesu abə ha ci, a kaɗal batem akas, ama magəli tə aagi ana ma kaɗalatana batem a həji aagi. 3Tiɗa ndə Yesu a zlima ma ndə həji aagi kazlap watsa, mbasl i hayak Yahudiya aka, tsaa kazhin tə a hayak Galili. 4Mbara azha, mayɓa bəza ci, a apew gwara a hayak Samariya. 5Ndə a ɗa gwar azha mbara, huk abəra hayak ma dzamadzam ndə aa kayə Sikar a hayak Samariya ma ɗa huk abəra la ndə Yakuba a vəlanə a mbə tə Yusufu, 6ata la watsa ya, tarakw Yakuba aka. Ndə Yesu a ɗa ŋtəɓəl ata laciwir, ka a ndza tə ka ama tarakw. A ɗal bəza pish ɗawarwar. 7Wala ndə Samariya minja taa tə a ɗa yəm. Yesu zlap a zlapanə, iŋgaya: «Ɗazaka yəm a sa,» iy 8Magəli tə aagi ana aŋta ya, aa ta ta a hayak ma dzamadzam, a səkəmha səkən zəm. 9Ama wala ndə Samariya watsa zlap a zlapanə a Yesu, iŋgaya: «Hwa, hwa ndə Yahuda, sa, sa ndə Samariya, hwa sən a ɗiw yəm ara sa avaŋga?» Ara ndə a ɗa, Yahuda aagi kadzəv ata səkən abə Samariya aagis. 10Yesu zhin a zhinanə, iŋgaya: «Andza hwa kasən səkən ndə Bizlaf a kavələ, andza hwa kasən ala ma kaɗiw yəm ara hwa a sa, həna hwa ana ma kaaɗiw yəm ara, azha a avəlahu yəm ma kavəla miɗ.» 11Wala watsa zlap a zlapanə zhana, iŋgaya: «Madagal, səkən ta ɗa yəm ara hwa akas, tarakw watsə gulili ikwa. Hwa ɗalzə abə hwa alima yəm ma kavəla miɗ watsa avaŋga? 12Jiji cini Yakubu tavəlani tarakw watsə. Sha abə ha tə tasa yəm tə, wəzhi tə aagi abə səkən ŋgas tə aagi, aa tasə yəm. Deŋ kwa ya, hwa dəy aha azha vəw?» 13Yesu zhin a zhinanə, iŋgaya: «Kwa vaye ma sa yəm watsə, yəm a azhin a dzə atama. 14Ama ala ma kaasa yəm ndə sa kaavəlanə, kwa yəm a kaazhina a dzə kwa vepiyis. Aɓa azha ci, yəm ndə sa kaavəlanə, a abəw tə a meɗizh ndə nja yəm ma kashaha a vəla miɗ ma kwa vepiy.» 15Wala watsa zlap a zlapanə, iŋgaya: «Madagal, vəlazaka yəm watsa, aska yəm a zhin a ŋkula dzaka, a sa ɗa reh a zhin a ndaha a ɗə a ɗi.» 16Yesu zlap a zlapanə, iŋgaya: «Nda, gasəha mawəl kwa azha huni zhinha a ɗi.» 17Wala zhin a zhinanə, iŋgaya: «Mawəl naka akas.» Azha Yesu zlap a zlapanə, iŋgaya: «Zlap kwa ŋter ana ndə hwa ghal mawəl aka səku; 18ara ndə a ɗa, mawəl dzaɓən ana ndə hwa ji, ala ndə hwa a wata tə anawatsə, mawəl kwas. A ɗi ci, ma kwa ŋter.» 19Mbara azha, wala watsa zlap a zlapanə, iŋgaya: «Bay Madagal sa kagəra, hwa ɗa maɗaf ma Bizlaf. 20Jiji cini aagi aa gəliɓanə a Bizlaf a ha wəzəm watsə, ama aŋkuni, Yahuda aagi, huni kazlap, la ta gəliɓanə a Bizlaf ci, səy a Wərusalima.» 21Yesu zhin a zhinanə, iŋgaya: «Ɗalaka awa, wala, a kaaɓin a ndaha ana vah tə, ndə huni kaaŋkula agəliɓanə Bizlaf a ha wəzəm watsə, kwa a Wərusalima. 22Huni, həji Samariya aagi, huni kagəliɓanə a Bizlaf ama huni kasənəs, ama aŋcini Yahuda aagi, ni gəliɓanə ara ndə ni kasənə, ara ndə reh a ndaha gwara ara Yahuda aagi. 23Ama, vah tə a kandaha, a ɗa taa tə anawatsə, ndə həji ma gəliɓanə a Bizlaf aagi ɗa ŋter, aa kaagəliɓanə a Vava, abə Miɗ ma ghwaɗeɗe, aska ŋter ma tə. Ara ndə a ɗa, həji ma kagəliɓanə ma həna watsə aagi ana ndə Vava a kamayə. 24Bizlaf a ɗa miɗ, sha ana ndə a ɗa ma kamay a gəliɓanə aagi, aa magəliɓanə abə miɗ abə ma ŋter,» iy. 25Wala watsa zlap a zlapanə, iŋgaya: «Sa kasənə Kərist a aɓin a ndaha, ma ɗa ala ndə həji kayə Kərist. Ndə a kaandaha, aŋtə a aghalaŋkwa səkən aagi tiwtiw.» 26Yesu zhin a zhinanə, iŋgaya: «Sa ana sha, sa ma kazlapahu watsə.»
27A tsutsa azha, peteŋ magəli Yesu aagi taa ta, hak aa ghərəŋ ta ndə aa gəra, aa kazlap abə wala. Mbara azha kwa ala ma deŋi a taba ta a ɗiwzə: «Hwa gas veme?» aka səku: «Hwa ɗiw ara wala veme?» akas. 28Mbara azha wala watsa mbasl i duguzl tə ka a tsutsa, tsaa kazhin tə a ŋge a hayak ma dzamadzam azha a ghalatana a həji aagi, iŋgaya: 29«Huni ndaha a taŋzə ala minja, taghalaka səkən ndə sa ɗalata aagi tiwtiw. A kaaɗa Mesi səkwa?» 30Həji aagi aa ndaa a bəza a hayak ma dzamadzam a ndaha ara Yesu. 31Tiɗa magəli tə aagi aa kadzanə ra, aagi iŋgaya: «Masərək, zəmɓa səkən bəza!» 32Ama zlap a zlapatana, iŋgaya: «Sa, sa abə səkən zəm ndə huni ŋkula sənə.» 33Azha magəli tə dəba aagi azlap a walaŋ ta, aagi iŋgaya: «Ala minja tadaazanə səkən zəm aka vəw?» 34Yesu zlap a zlapatana, iŋgaya: «Səkən zəm naka ci, a ɗa ɗal andza ndə ma zlənaka a kamayə abə kəliy zlən tə. 35Huni, huni kazlap, huni iŋgaya: “A finha ŋtəra ŋfaɗ a aɗa mashifa a dzamha səkən ata gidi.” Ama anaka, sa kazlapahuni, huni taŋzə la aagi katkadək: Səkən aagi aa tana ta azha dza ma ŋtan! 36Ala ma dzamaha səkən ata gidi, talima wəda zlən tə bəza, azha dzam a dzamazə ka aska miɗ ma təwah ma kwa vepiy. Azha, ala ma zləga abə ma dzamha səkən ata gidi, ɓas ara təmta gbak gbak. 37Ara ndə a ɗa, maŋgəla a ghal ŋter: “Ala minja a kazləga, minja zhana a kadzamazə.” 38Sa, sa tazlənahuni a dzamha səkən a la ndə huni ŋkula ɗal zlən a mən; Həji ndiɓi aagi aa ma ꞌusazə, azha huni, huni tsa kawəbəh ata zlən ta.» 39Vərəm ana həji Samariya ma ndza a hayak ma dzamadzam watsa aagi taɗal awa aska ma Yesu, ara ndə wala watsa a ghalatana, iŋgaya: «Taghalaka səkən ndə sa ɗalazə tiwtiw.» 40Sha ana ndə a ɗa, ndə həji ma ndza a Samariya aagi ɗa gwar abəra, aa kadzanə ra, aska a ndzazə kusəm abə təmta; azha Yesu ndza a ndzazə kusəm vah gbak abə təmta a tsutsa. 41Həji aagi vərəm dəy aha zhana ana ma ɗalanə awa a Yesu aagi, dawna ma tə ndə a ghal abə ha tə. 42Azha, zlap aa zlapanə a wala watsa, aagi iŋgaya: «Anawatsə, ni ɗal awa aska ma ndə, hwa ndaha a ghalani gagagha zhana səku, ama ni ɗal awa ci, ara ndə a ɗa, ni abə ha cini, ni tazlima abə zləm cini, azha ni kasənə sha ana mareh manahayak ŋter.»
Yesu tambəl mbə ala ma dagal ma ndza a zlən
43Wan gbak a diwzha tə, Yesu tsaa kanda tə a bəza a tsutsa, nda peteŋ a hayak Galili. 44Sha abə ha tə, taghal bəza: «Həji kaji nja maɗaf ma Bizlaf a hayak tə səku.» 45Ama ndə a ɗa peteŋ a hayak Galili, həji ma ndza a hayak watsa aagi, aa lamzə abə ra gbak gbak, ara a ɗa təmta tə ya, tiɗa ndə aa nda a Wərusalima a gwaygwaya Paska ci, təmta abə ha ta, aa tagəra səkən ndə Yesu a ɗal tiwtiw.
46Mbara Yesu tazhin tə a Kana ma ndza a hayak Galili, ata la ndə a bəw yəm aka a mavə. Ala minja aka, ma ndza a zlən ma dagal ataa bay Haridus, ndə mbə tə kulasku a Kafarnahum. 47Ndə a zlima aa kazlap, Yesu a nda a bəza a hayak Yahudiya aska a nda a hayak Galili, tsaw a nda ara, dəba a adzanə ra a ndazə kusəm a hayak Kafarnahum, aska a nda a mbəl mbə tə ma slaɓ a mca tə bəza. 48Yesu i kəsha iŋgaya: «Kwa huni kaaɗal awa andza huni tagəra səkən tsaɓan abə zaɓəla aagi aka səku!» 49Ala ma ndza a zlən ma dagal ataa bay Haridus zlap a zlapanə, iŋgaya: «Madagal, ndazə kusəm a wata naka a mbə naka a nda mca.» 50Yesu zlap a zlapanə, iŋgaya: «Zhin kwa a wata kwa, mbə kwa tambəl tə.» Awa ana ala watsa i aska ma Yesu azha tsaa kanda tə. 51Tiɗa ndə ata təf kwagwa, a kazhin tə a wata, həji ma ɗal zlən tə aagi, aa taa ta a zlapanə: «Mbə kwa tambəl tə!» aagiy. 52Ɗiw a ɗiwzata, iŋgaya: «A ɗalzanə galaɓagha la avaŋga?» iy. Zhin aa zhinanə, aagi iŋgaya: «Pish a herik ma kajik ikwa azana, abə kwahu ma ndza ata kusəm watsa a ɗa lehlehha.» 53Cin deŋ a deŋzə ya, teete la andza Yesu a zlap iŋgaya: «Mbə kwa tambəl tə,» iy. Mbara azha, sha abə ha jak tə tiwtiw, aa taji ma Yesu. 54A ɗa magbak tsaɓan ndə Yesu a ɗalə tiɗa ndə a zhina tə a bəza a Yahudiya a nda a hayak Galili.
ទើបបានជ្រើសរើសហើយ៖
Yahwana 4: GOU
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Yahwana 4
4
Tiw Yesu abə wala ndə Samariya
1Farisa aagi zlima aa kaghalə ya, magəli Yesu aagi abə həji ndə a ɗalatana batem aagi dəy aha ataa Yahwana. 2Ŋter meni, Yesu abə ha ci, a kaɗal batem akas, ama magəli tə aagi ana ma kaɗalatana batem a həji aagi. 3Tiɗa ndə Yesu a zlima ma ndə həji aagi kazlap watsa, mbasl i hayak Yahudiya aka, tsaa kazhin tə a hayak Galili. 4Mbara azha, mayɓa bəza ci, a apew gwara a hayak Samariya. 5Ndə a ɗa gwar azha mbara, huk abəra hayak ma dzamadzam ndə aa kayə Sikar a hayak Samariya ma ɗa huk abəra la ndə Yakuba a vəlanə a mbə tə Yusufu, 6ata la watsa ya, tarakw Yakuba aka. Ndə Yesu a ɗa ŋtəɓəl ata laciwir, ka a ndza tə ka ama tarakw. A ɗal bəza pish ɗawarwar. 7Wala ndə Samariya minja taa tə a ɗa yəm. Yesu zlap a zlapanə, iŋgaya: «Ɗazaka yəm a sa,» iy 8Magəli tə aagi ana aŋta ya, aa ta ta a hayak ma dzamadzam, a səkəmha səkən zəm. 9Ama wala ndə Samariya watsa zlap a zlapanə a Yesu, iŋgaya: «Hwa, hwa ndə Yahuda, sa, sa ndə Samariya, hwa sən a ɗiw yəm ara sa avaŋga?» Ara ndə a ɗa, Yahuda aagi kadzəv ata səkən abə Samariya aagis. 10Yesu zhin a zhinanə, iŋgaya: «Andza hwa kasən səkən ndə Bizlaf a kavələ, andza hwa kasən ala ma kaɗiw yəm ara hwa a sa, həna hwa ana ma kaaɗiw yəm ara, azha a avəlahu yəm ma kavəla miɗ.» 11Wala watsa zlap a zlapanə zhana, iŋgaya: «Madagal, səkən ta ɗa yəm ara hwa akas, tarakw watsə gulili ikwa. Hwa ɗalzə abə hwa alima yəm ma kavəla miɗ watsa avaŋga? 12Jiji cini Yakubu tavəlani tarakw watsə. Sha abə ha tə tasa yəm tə, wəzhi tə aagi abə səkən ŋgas tə aagi, aa tasə yəm. Deŋ kwa ya, hwa dəy aha azha vəw?» 13Yesu zhin a zhinanə, iŋgaya: «Kwa vaye ma sa yəm watsə, yəm a azhin a dzə atama. 14Ama ala ma kaasa yəm ndə sa kaavəlanə, kwa yəm a kaazhina a dzə kwa vepiyis. Aɓa azha ci, yəm ndə sa kaavəlanə, a abəw tə a meɗizh ndə nja yəm ma kashaha a vəla miɗ ma kwa vepiy.» 15Wala watsa zlap a zlapanə, iŋgaya: «Madagal, vəlazaka yəm watsa, aska yəm a zhin a ŋkula dzaka, a sa ɗa reh a zhin a ndaha a ɗə a ɗi.» 16Yesu zlap a zlapanə, iŋgaya: «Nda, gasəha mawəl kwa azha huni zhinha a ɗi.» 17Wala zhin a zhinanə, iŋgaya: «Mawəl naka akas.» Azha Yesu zlap a zlapanə, iŋgaya: «Zlap kwa ŋter ana ndə hwa ghal mawəl aka səku; 18ara ndə a ɗa, mawəl dzaɓən ana ndə hwa ji, ala ndə hwa a wata tə anawatsə, mawəl kwas. A ɗi ci, ma kwa ŋter.» 19Mbara azha, wala watsa zlap a zlapanə, iŋgaya: «Bay Madagal sa kagəra, hwa ɗa maɗaf ma Bizlaf. 20Jiji cini aagi aa gəliɓanə a Bizlaf a ha wəzəm watsə, ama aŋkuni, Yahuda aagi, huni kazlap, la ta gəliɓanə a Bizlaf ci, səy a Wərusalima.» 21Yesu zhin a zhinanə, iŋgaya: «Ɗalaka awa, wala, a kaaɓin a ndaha ana vah tə, ndə huni kaaŋkula agəliɓanə Bizlaf a ha wəzəm watsə, kwa a Wərusalima. 22Huni, həji Samariya aagi, huni kagəliɓanə a Bizlaf ama huni kasənəs, ama aŋcini Yahuda aagi, ni gəliɓanə ara ndə ni kasənə, ara ndə reh a ndaha gwara ara Yahuda aagi. 23Ama, vah tə a kandaha, a ɗa taa tə anawatsə, ndə həji ma gəliɓanə a Bizlaf aagi ɗa ŋter, aa kaagəliɓanə a Vava, abə Miɗ ma ghwaɗeɗe, aska ŋter ma tə. Ara ndə a ɗa, həji ma kagəliɓanə ma həna watsə aagi ana ndə Vava a kamayə. 24Bizlaf a ɗa miɗ, sha ana ndə a ɗa ma kamay a gəliɓanə aagi, aa magəliɓanə abə miɗ abə ma ŋter,» iy. 25Wala watsa zlap a zlapanə, iŋgaya: «Sa kasənə Kərist a aɓin a ndaha, ma ɗa ala ndə həji kayə Kərist. Ndə a kaandaha, aŋtə a aghalaŋkwa səkən aagi tiwtiw.» 26Yesu zhin a zhinanə, iŋgaya: «Sa ana sha, sa ma kazlapahu watsə.»
27A tsutsa azha, peteŋ magəli Yesu aagi taa ta, hak aa ghərəŋ ta ndə aa gəra, aa kazlap abə wala. Mbara azha kwa ala ma deŋi a taba ta a ɗiwzə: «Hwa gas veme?» aka səku: «Hwa ɗiw ara wala veme?» akas. 28Mbara azha wala watsa mbasl i duguzl tə ka a tsutsa, tsaa kazhin tə a ŋge a hayak ma dzamadzam azha a ghalatana a həji aagi, iŋgaya: 29«Huni ndaha a taŋzə ala minja, taghalaka səkən ndə sa ɗalata aagi tiwtiw. A kaaɗa Mesi səkwa?» 30Həji aagi aa ndaa a bəza a hayak ma dzamadzam a ndaha ara Yesu. 31Tiɗa magəli tə aagi aa kadzanə ra, aagi iŋgaya: «Masərək, zəmɓa səkən bəza!» 32Ama zlap a zlapatana, iŋgaya: «Sa, sa abə səkən zəm ndə huni ŋkula sənə.» 33Azha magəli tə dəba aagi azlap a walaŋ ta, aagi iŋgaya: «Ala minja tadaazanə səkən zəm aka vəw?» 34Yesu zlap a zlapatana, iŋgaya: «Səkən zəm naka ci, a ɗa ɗal andza ndə ma zlənaka a kamayə abə kəliy zlən tə. 35Huni, huni kazlap, huni iŋgaya: “A finha ŋtəra ŋfaɗ a aɗa mashifa a dzamha səkən ata gidi.” Ama anaka, sa kazlapahuni, huni taŋzə la aagi katkadək: Səkən aagi aa tana ta azha dza ma ŋtan! 36Ala ma dzamaha səkən ata gidi, talima wəda zlən tə bəza, azha dzam a dzamazə ka aska miɗ ma təwah ma kwa vepiy. Azha, ala ma zləga abə ma dzamha səkən ata gidi, ɓas ara təmta gbak gbak. 37Ara ndə a ɗa, maŋgəla a ghal ŋter: “Ala minja a kazləga, minja zhana a kadzamazə.” 38Sa, sa tazlənahuni a dzamha səkən a la ndə huni ŋkula ɗal zlən a mən; Həji ndiɓi aagi aa ma ꞌusazə, azha huni, huni tsa kawəbəh ata zlən ta.» 39Vərəm ana həji Samariya ma ndza a hayak ma dzamadzam watsa aagi taɗal awa aska ma Yesu, ara ndə wala watsa a ghalatana, iŋgaya: «Taghalaka səkən ndə sa ɗalazə tiwtiw.» 40Sha ana ndə a ɗa, ndə həji ma ndza a Samariya aagi ɗa gwar abəra, aa kadzanə ra, aska a ndzazə kusəm abə təmta; azha Yesu ndza a ndzazə kusəm vah gbak abə təmta a tsutsa. 41Həji aagi vərəm dəy aha zhana ana ma ɗalanə awa a Yesu aagi, dawna ma tə ndə a ghal abə ha tə. 42Azha, zlap aa zlapanə a wala watsa, aagi iŋgaya: «Anawatsə, ni ɗal awa aska ma ndə, hwa ndaha a ghalani gagagha zhana səku, ama ni ɗal awa ci, ara ndə a ɗa, ni abə ha cini, ni tazlima abə zləm cini, azha ni kasənə sha ana mareh manahayak ŋter.»
Yesu tambəl mbə ala ma dagal ma ndza a zlən
43Wan gbak a diwzha tə, Yesu tsaa kanda tə a bəza a tsutsa, nda peteŋ a hayak Galili. 44Sha abə ha tə, taghal bəza: «Həji kaji nja maɗaf ma Bizlaf a hayak tə səku.» 45Ama ndə a ɗa peteŋ a hayak Galili, həji ma ndza a hayak watsa aagi, aa lamzə abə ra gbak gbak, ara a ɗa təmta tə ya, tiɗa ndə aa nda a Wərusalima a gwaygwaya Paska ci, təmta abə ha ta, aa tagəra səkən ndə Yesu a ɗal tiwtiw.
46Mbara Yesu tazhin tə a Kana ma ndza a hayak Galili, ata la ndə a bəw yəm aka a mavə. Ala minja aka, ma ndza a zlən ma dagal ataa bay Haridus, ndə mbə tə kulasku a Kafarnahum. 47Ndə a zlima aa kazlap, Yesu a nda a bəza a hayak Yahudiya aska a nda a hayak Galili, tsaw a nda ara, dəba a adzanə ra a ndazə kusəm a hayak Kafarnahum, aska a nda a mbəl mbə tə ma slaɓ a mca tə bəza. 48Yesu i kəsha iŋgaya: «Kwa huni kaaɗal awa andza huni tagəra səkən tsaɓan abə zaɓəla aagi aka səku!» 49Ala ma ndza a zlən ma dagal ataa bay Haridus zlap a zlapanə, iŋgaya: «Madagal, ndazə kusəm a wata naka a mbə naka a nda mca.» 50Yesu zlap a zlapanə, iŋgaya: «Zhin kwa a wata kwa, mbə kwa tambəl tə.» Awa ana ala watsa i aska ma Yesu azha tsaa kanda tə. 51Tiɗa ndə ata təf kwagwa, a kazhin tə a wata, həji ma ɗal zlən tə aagi, aa taa ta a zlapanə: «Mbə kwa tambəl tə!» aagiy. 52Ɗiw a ɗiwzata, iŋgaya: «A ɗalzanə galaɓagha la avaŋga?» iy. Zhin aa zhinanə, aagi iŋgaya: «Pish a herik ma kajik ikwa azana, abə kwahu ma ndza ata kusəm watsa a ɗa lehlehha.» 53Cin deŋ a deŋzə ya, teete la andza Yesu a zlap iŋgaya: «Mbə kwa tambəl tə,» iy. Mbara azha, sha abə ha jak tə tiwtiw, aa taji ma Yesu. 54A ɗa magbak tsaɓan ndə Yesu a ɗalə tiɗa ndə a zhina tə a bəza a Yahudiya a nda a hayak Galili.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល