Yahwana 16
16
1Yesu zhana, iŋgaya: «Sa zlapahuni ma watsə ikwa ara ndə huni kambasl ɗal awa ka aska ma naka.» 2Aagi agamahuni a bəza a jak ta tarha Yahuda aagi. Zhana vah tə a kaandaha ndə kwa vaye, ma kaadzahuni ka a mci, a deŋ tə ya, a ɗalanə zlən a Bizlaf. 3Aagi aɗalə ikwa ara aa ŋkula va a sənzə kwa Vava, kwa sa tə aa kasənakas. 4Ama sa zlapahuni ikwa aska, tiɗa ndə a gwara tə ana vah tə, huni sənakənə ya, sa tava a zlapahuni ma watsa.
Zlən ataa Miɗ ma ghwaɗeɗe
Sa taji a zlapahuni ma watsə ꞌwa aka ata diw tə səku, ara ndə sa ara huni. 5Ama anawatsə, sa nda naka ara ala ma zlənaka, azha kwa ala ŋtaguleŋ a taba kuni taɗiwzaka, iŋgaya: «Hwa nda a vatəy?» iy akas. 6Ama dawna sha abə sa tazlapahuni ikwa, ꞌunəf kuni mkpef abə ghuɗek. 7Aɓa azha ci, sa taghalahuni, a ɗa ŋter, a ɗa səkən ma kaakatahuni ana nda naka, andza sa, sa tanda akas, ala ma kandaha a lamzahuni, a kandaha akas. Ama, azha ci, andza sa, sa ta, sa, sa azlənazə ara huni. 8Azha ndə a kaandaha, a aghalatana a həji ma ndza a manahayak aagi, səkən ndə aa ŋkula sənə aagi ndə ma ndza ata mpət, ma ma dəlili abə ndə guma ata təmta aagi. 9Ma ndza ata guva mpət, aa kaji a ɗal awa aska ma nakas. 10Ma ndza ata dəlili, sa nda ara Vava, huni kaazhin a gərakas. 11Ma ndza ata guma, mbə bay manahayak, guma tambəl bəza tiw.
12«Səkən ndiɓi aagi vərəm ana ma ndza tə, a sa ghalahuni, ama anawatsə ci, dəy aha ŋgalaŋ kuni a huni zlima kwagwa. 13Ndə Miɗ ma ŋter a kaandaha tə, a ajaɓahuni ka a ma ma ŋter ŋter aagi tiwtiw. Ara ndə a kaazlapɓa ma tə ndə a deŋɓa a ha tə akas, ci a azlap kala səkən ndə a kaazlima, a aghalahuni səkən ma kaandaha aagi. 14Aŋtə, a asləfaka, ara ndə a ɗa, səkən ndə a alima ara sa azha a aghalahuni. 15Kala səkən ma ndza ara Vana, a ndza ara sa. Dawna sha abə sa zlap Miɗ Bizlaf a aghalahuni səkən ndə a alima ara sa,» iy.
Ghuɗek a abəw tə a ɓas.
16Yesu zhana iŋgaya: «Atama kajik, huni kaagəraka zhanas, zhana a diwzha kajik, huni azhin a gəraka.» 17Ndiɓi aagi a taba magəli tə aagi, ɗiw aa ɗiwzə ha ta: «A may a ghalaŋkwa avaŋga? Ndə a zlap, iŋgaya: “Atama kajik, huni kaagəraka zhanas, zhana a diwzha kajik huni agəraka,” zhana, “Sa nda naka ara Vava,” watsa? 18Səkən ndə a kamay a ghalə ana “atama kajik” veme? Həji kazlima ma tə ndə a kaɗiw a ghalə səku!» 19Yesu a kasənə, aa may a ɗiwzə, dəba a azlapatana azha: «Huni kagasə wəruk a walaŋ kuni, a sən ma ma ndza a zlap naka watsə: “Atama kajik, huni kaagəraka zhanas, zhana a diwzha kajik, huni agəraka.” 20Ayəw, sa zlapahuni a ɗa ŋter, huni ahan, huni ahan a guɗaŋ, ama ataa manahayak a aɓas. Huni, huni aghuɗek, ama, ghuɗek kuni a abəw tə a ɓas. 21Tiɗa ndə wala a kambəwha mbə, a ndza a ghuɗek ara ndə vah yaka tə a ndaa tə. Ama ndə a mbəw tə, a kasənakənə a yaka tə ndə a səs, a ɓas mavəy ndə a mbəwha ala ka a manahayak. 22Ikwa yəm ana huni, anawatsə huni ndza a ghuɗek, ama sa azhinha a taŋahuni, azha ꞌunəf kuni a ndza abə aɓas, ɓas kuni, ala kula a lə a bəza akas. 23Ndə a kaagwara tə ana vah watsa, kwa huni kaaɗiwaka səkən akas. Ayəw, sa ghalahuni, a ɗa ŋter: Vava a avəlahuni kala səkən ndə huni kaaɗiw ara, ata zləm naka. 24Pa anawatsə, huni tanaka a ɗiwzə kwa səkən ata zləm naka akas. Huni ɗiwi, huni alima, aska huni ɗa mkpef abə ɓas,» iy.
Ɓas Yesu ata manahayak
25Yesu zhana iŋgaya: «Səkən watsə aagi tiwtiw sa tazlapahuni bəza a heɗe abə maŋgəla. Anawatsə sa zlap abə maŋgəla, vah tə a kaanda tə ndə sa kaazhin a zlapahuni ikwa akas. Ama sa aghalahuni gber ma ma ndza ata Vava. 26Ma vah watsa ya, huni aɗiw ara Vava ata zləm naka, azha ya, sa kazlapahuni, sa atar Vava mavəy huni akas, 27ara Vava tə abə ha tə a kamayahuni dawna ndə huni mayaka zhana huni taɗal awa, sa ndaha ara Bizlaf. 28Sa ndaha ara Vava, zhana sa taha a manahayak. Anawatsə sa kambasl manahayak aka, sa kazhin naka ara Vava,» iy. 29Magəli tə aagi, iŋgaya: «Tsakwa, anawatsə zlap watsə gber, maŋgəla a mən akas. 30Anawatsə ni kasənə ya, hwa ci, səkən aagi tiwtiw hwa kasənata. Hwa, hwa kaji, ala a ɗiwzahu ata kwa veme səku. Mavəy sha abə ni ɗalahu awa, hwa ndaha ara Bizlaf,» aagiy. 31Yesu zhin a zhinatana, iŋgaya: «Anawatsə ci, huni kaɗalaka awa azha vəw? 32Ya kadək, a kagwara tə ana vah tə, a ɗa taa tə tiw, a ɗi, ndə huni kaawiɗ kuni bəza abəra sa, kwa vaye a nda tə a wata tə, azha huni ambaslaka ka ŋtaguleŋ naka. Ama sa kagwar a ɗa ŋtaguleŋ naka ŋgəra səku, ara ndə Vava abəra sa. 33Sa tazlapahuni ikwa aska huni alima təwah abə sa. Huni sa yaka a manahayak, ama huni ləm a səwə! Sa taɓas manahayak bəza!» iy.
ទើបបានជ្រើសរើសហើយ៖
Yahwana 16: GOU
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Yahwana 16
16
1Yesu zhana, iŋgaya: «Sa zlapahuni ma watsə ikwa ara ndə huni kambasl ɗal awa ka aska ma naka.» 2Aagi agamahuni a bəza a jak ta tarha Yahuda aagi. Zhana vah tə a kaandaha ndə kwa vaye, ma kaadzahuni ka a mci, a deŋ tə ya, a ɗalanə zlən a Bizlaf. 3Aagi aɗalə ikwa ara aa ŋkula va a sənzə kwa Vava, kwa sa tə aa kasənakas. 4Ama sa zlapahuni ikwa aska, tiɗa ndə a gwara tə ana vah tə, huni sənakənə ya, sa tava a zlapahuni ma watsa.
Zlən ataa Miɗ ma ghwaɗeɗe
Sa taji a zlapahuni ma watsə ꞌwa aka ata diw tə səku, ara ndə sa ara huni. 5Ama anawatsə, sa nda naka ara ala ma zlənaka, azha kwa ala ŋtaguleŋ a taba kuni taɗiwzaka, iŋgaya: «Hwa nda a vatəy?» iy akas. 6Ama dawna sha abə sa tazlapahuni ikwa, ꞌunəf kuni mkpef abə ghuɗek. 7Aɓa azha ci, sa taghalahuni, a ɗa ŋter, a ɗa səkən ma kaakatahuni ana nda naka, andza sa, sa tanda akas, ala ma kandaha a lamzahuni, a kandaha akas. Ama, azha ci, andza sa, sa ta, sa, sa azlənazə ara huni. 8Azha ndə a kaandaha, a aghalatana a həji ma ndza a manahayak aagi, səkən ndə aa ŋkula sənə aagi ndə ma ndza ata mpət, ma ma dəlili abə ndə guma ata təmta aagi. 9Ma ndza ata guva mpət, aa kaji a ɗal awa aska ma nakas. 10Ma ndza ata dəlili, sa nda ara Vava, huni kaazhin a gərakas. 11Ma ndza ata guma, mbə bay manahayak, guma tambəl bəza tiw.
12«Səkən ndiɓi aagi vərəm ana ma ndza tə, a sa ghalahuni, ama anawatsə ci, dəy aha ŋgalaŋ kuni a huni zlima kwagwa. 13Ndə Miɗ ma ŋter a kaandaha tə, a ajaɓahuni ka a ma ma ŋter ŋter aagi tiwtiw. Ara ndə a kaazlapɓa ma tə ndə a deŋɓa a ha tə akas, ci a azlap kala səkən ndə a kaazlima, a aghalahuni səkən ma kaandaha aagi. 14Aŋtə, a asləfaka, ara ndə a ɗa, səkən ndə a alima ara sa azha a aghalahuni. 15Kala səkən ma ndza ara Vana, a ndza ara sa. Dawna sha abə sa zlap Miɗ Bizlaf a aghalahuni səkən ndə a alima ara sa,» iy.
Ghuɗek a abəw tə a ɓas.
16Yesu zhana iŋgaya: «Atama kajik, huni kaagəraka zhanas, zhana a diwzha kajik, huni azhin a gəraka.» 17Ndiɓi aagi a taba magəli tə aagi, ɗiw aa ɗiwzə ha ta: «A may a ghalaŋkwa avaŋga? Ndə a zlap, iŋgaya: “Atama kajik, huni kaagəraka zhanas, zhana a diwzha kajik huni agəraka,” zhana, “Sa nda naka ara Vava,” watsa? 18Səkən ndə a kamay a ghalə ana “atama kajik” veme? Həji kazlima ma tə ndə a kaɗiw a ghalə səku!» 19Yesu a kasənə, aa may a ɗiwzə, dəba a azlapatana azha: «Huni kagasə wəruk a walaŋ kuni, a sən ma ma ndza a zlap naka watsə: “Atama kajik, huni kaagəraka zhanas, zhana a diwzha kajik, huni agəraka.” 20Ayəw, sa zlapahuni a ɗa ŋter, huni ahan, huni ahan a guɗaŋ, ama ataa manahayak a aɓas. Huni, huni aghuɗek, ama, ghuɗek kuni a abəw tə a ɓas. 21Tiɗa ndə wala a kambəwha mbə, a ndza a ghuɗek ara ndə vah yaka tə a ndaa tə. Ama ndə a mbəw tə, a kasənakənə a yaka tə ndə a səs, a ɓas mavəy ndə a mbəwha ala ka a manahayak. 22Ikwa yəm ana huni, anawatsə huni ndza a ghuɗek, ama sa azhinha a taŋahuni, azha ꞌunəf kuni a ndza abə aɓas, ɓas kuni, ala kula a lə a bəza akas. 23Ndə a kaagwara tə ana vah watsa, kwa huni kaaɗiwaka səkən akas. Ayəw, sa ghalahuni, a ɗa ŋter: Vava a avəlahuni kala səkən ndə huni kaaɗiw ara, ata zləm naka. 24Pa anawatsə, huni tanaka a ɗiwzə kwa səkən ata zləm naka akas. Huni ɗiwi, huni alima, aska huni ɗa mkpef abə ɓas,» iy.
Ɓas Yesu ata manahayak
25Yesu zhana iŋgaya: «Səkən watsə aagi tiwtiw sa tazlapahuni bəza a heɗe abə maŋgəla. Anawatsə sa zlap abə maŋgəla, vah tə a kaanda tə ndə sa kaazhin a zlapahuni ikwa akas. Ama sa aghalahuni gber ma ma ndza ata Vava. 26Ma vah watsa ya, huni aɗiw ara Vava ata zləm naka, azha ya, sa kazlapahuni, sa atar Vava mavəy huni akas, 27ara Vava tə abə ha tə a kamayahuni dawna ndə huni mayaka zhana huni taɗal awa, sa ndaha ara Bizlaf. 28Sa ndaha ara Vava, zhana sa taha a manahayak. Anawatsə sa kambasl manahayak aka, sa kazhin naka ara Vava,» iy. 29Magəli tə aagi, iŋgaya: «Tsakwa, anawatsə zlap watsə gber, maŋgəla a mən akas. 30Anawatsə ni kasənə ya, hwa ci, səkən aagi tiwtiw hwa kasənata. Hwa, hwa kaji, ala a ɗiwzahu ata kwa veme səku. Mavəy sha abə ni ɗalahu awa, hwa ndaha ara Bizlaf,» aagiy. 31Yesu zhin a zhinatana, iŋgaya: «Anawatsə ci, huni kaɗalaka awa azha vəw? 32Ya kadək, a kagwara tə ana vah tə, a ɗa taa tə tiw, a ɗi, ndə huni kaawiɗ kuni bəza abəra sa, kwa vaye a nda tə a wata tə, azha huni ambaslaka ka ŋtaguleŋ naka. Ama sa kagwar a ɗa ŋtaguleŋ naka ŋgəra səku, ara ndə Vava abəra sa. 33Sa tazlapahuni ikwa aska huni alima təwah abə sa. Huni sa yaka a manahayak, ama huni ləm a səwə! Sa taɓas manahayak bəza!» iy.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល