Zlən ataa həji ta zlən aagi 6
6
Həji aagi ŋshiliɗ aa tadəmaya a lamzə həji ta zlən Yesu aagi
1Ata vah watsa ya, magəli Yesu aagi kafəl ta a guɗaŋ. Yahuda ma kazlap ma Gərek aagi kadza səbakw ata Ibəraniŋku həji hayak aagi, ara ndə a ɗa, aa kazlap: kala pish ndə aa kaɓizh səkən ta zəm, aa tahashashaŋ wali wədə ta aagi ka. 2Azha həji ta zlən Yesu ma wam aha gbak aagi, dzam aa dzamha magəli ndiɓi aagi, zlap aa zlapatana, aagi iŋgaya: «Kadək a həji a mbasl a ghal ma Bizlaf aka aska səkən ta zəm səku. 3Aɓa azha, huni gasə a taba kuni, zlina aagi, həji aagi ŋshiliɗ ndə manahayak a kahawatana, ma ndza abə Miɗ ma ghwaɗeɗe aagi, zhana ma ndza abə sən səkən aagi, ni avəlatana shiŋ zlən ma həna watsə ka, a ra a təmta. 4Ataa aŋcini meni, ni aŋcah ata tarha abə ghal ma Bizlaf,» aagiy. 5Həji aagi tiwtiw, aa taji ma ta watsa. May aa may Etiyen, ala ma ndza abə ɗal awa dagala abə Miɗ ma ghwaɗeɗe, zhana may aagi, tiw Filip, Purukurus, Nikanur, Timun, Parminas, Nikwala ma ndza a hayak Aŋtakiya ma njin ma ma garagar ataa Musa. 6Leŋ aa daata atama həji ta zlən Yesu aagi. Dəba həji ta zlən Yesu aagi ataratana ha, pa aa tsa ra ka aha təmta. 7Ma Bizlaf a kavas a fəl, zhana magəli aagi kavas a mbak a Wərusalima. Vərəm ana maɗal kwakus aagi taɗal awa.
Zlən ataa Etiyen abə mbəla tə
8Etiyen mkpef abə sənma Bizlaf abə ɓərɓər, dəba a aɗal tsaɓan minja abə shiŋ bay tsufa ndiɓi aagi a taba həji aagi. 9Ama, a tsutsa a tsutsa, həji ma ndza a jak ta tarha ndə aa kayə: «Jak ta tarha ataa mava ma pəlaya aagi», aagi abə Yahuda ma ndaha a hayak Sirene abə Aleksandiriya aagi, həji Silikiya aagi abə ma ndza a hayak Asiya aagi, dəba aagi adza səbakw abə Etiyen. 10Ama, ndə ɓərɓər ta a ɗa ɓəraŋ a dza səbakw, ara ndə, Miɗ ma ghwaɗeɗe a kavəlanə ŋkwaɓ ta zlap. 11Azha, dəba aagi asəkəm həji aagi aska aagi a zlap: «Ni tazlima Etiyen a kara Bizlaf abə Musa.» 12Zhana, aa kahəɗəw həji aagi abə həji ma shif shif aagi abə masərək ma ma garagar aagi. A diwzha tə, kərəɗ aa kərəɗha abəra Etiyen, kaw aa mbələ, jaɓ aa jaɓi atama həji ma ndza ata la zla guma ma dagal aagi. 13A tsutsa, dəba aagi atək ma ma gamak aagi, a heɗe, aagi iŋgaya: «Ala watsə, a kazlap ma ma gamak aagi pal, ata la ma ghwaɗeɗe, ma ɗa jak kwakus, abə ma ma garagar ataa Musa, 14ara ndə a ɗa, ni tazlima a kazlap, iŋgaya: “Yesu ndə Nasaratu a aghurəm jak watsə ka, zhana a ambaɗ ma ndə Musa a garaŋkwa ka a njin aagi bəza,”» iy. 15Həji ma ndza ata la zla guma ma dagal aagi tiwtiw, nja ta a heɗe, azha aa gəra wənək tə, a ndza andza wənək ataa matəf Bizlaf.
ទើបបានជ្រើសរើសហើយ៖
Zlən ataa həji ta zlən aagi 6: GOU
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Zlən ataa həji ta zlən aagi 6
6
Həji aagi ŋshiliɗ aa tadəmaya a lamzə həji ta zlən Yesu aagi
1Ata vah watsa ya, magəli Yesu aagi kafəl ta a guɗaŋ. Yahuda ma kazlap ma Gərek aagi kadza səbakw ata Ibəraniŋku həji hayak aagi, ara ndə a ɗa, aa kazlap: kala pish ndə aa kaɓizh səkən ta zəm, aa tahashashaŋ wali wədə ta aagi ka. 2Azha həji ta zlən Yesu ma wam aha gbak aagi, dzam aa dzamha magəli ndiɓi aagi, zlap aa zlapatana, aagi iŋgaya: «Kadək a həji a mbasl a ghal ma Bizlaf aka aska səkən ta zəm səku. 3Aɓa azha, huni gasə a taba kuni, zlina aagi, həji aagi ŋshiliɗ ndə manahayak a kahawatana, ma ndza abə Miɗ ma ghwaɗeɗe aagi, zhana ma ndza abə sən səkən aagi, ni avəlatana shiŋ zlən ma həna watsə ka, a ra a təmta. 4Ataa aŋcini meni, ni aŋcah ata tarha abə ghal ma Bizlaf,» aagiy. 5Həji aagi tiwtiw, aa taji ma ta watsa. May aa may Etiyen, ala ma ndza abə ɗal awa dagala abə Miɗ ma ghwaɗeɗe, zhana may aagi, tiw Filip, Purukurus, Nikanur, Timun, Parminas, Nikwala ma ndza a hayak Aŋtakiya ma njin ma ma garagar ataa Musa. 6Leŋ aa daata atama həji ta zlən Yesu aagi. Dəba həji ta zlən Yesu aagi ataratana ha, pa aa tsa ra ka aha təmta. 7Ma Bizlaf a kavas a fəl, zhana magəli aagi kavas a mbak a Wərusalima. Vərəm ana maɗal kwakus aagi taɗal awa.
Zlən ataa Etiyen abə mbəla tə
8Etiyen mkpef abə sənma Bizlaf abə ɓərɓər, dəba a aɗal tsaɓan minja abə shiŋ bay tsufa ndiɓi aagi a taba həji aagi. 9Ama, a tsutsa a tsutsa, həji ma ndza a jak ta tarha ndə aa kayə: «Jak ta tarha ataa mava ma pəlaya aagi», aagi abə Yahuda ma ndaha a hayak Sirene abə Aleksandiriya aagi, həji Silikiya aagi abə ma ndza a hayak Asiya aagi, dəba aagi adza səbakw abə Etiyen. 10Ama, ndə ɓərɓər ta a ɗa ɓəraŋ a dza səbakw, ara ndə, Miɗ ma ghwaɗeɗe a kavəlanə ŋkwaɓ ta zlap. 11Azha, dəba aagi asəkəm həji aagi aska aagi a zlap: «Ni tazlima Etiyen a kara Bizlaf abə Musa.» 12Zhana, aa kahəɗəw həji aagi abə həji ma shif shif aagi abə masərək ma ma garagar aagi. A diwzha tə, kərəɗ aa kərəɗha abəra Etiyen, kaw aa mbələ, jaɓ aa jaɓi atama həji ma ndza ata la zla guma ma dagal aagi. 13A tsutsa, dəba aagi atək ma ma gamak aagi, a heɗe, aagi iŋgaya: «Ala watsə, a kazlap ma ma gamak aagi pal, ata la ma ghwaɗeɗe, ma ɗa jak kwakus, abə ma ma garagar ataa Musa, 14ara ndə a ɗa, ni tazlima a kazlap, iŋgaya: “Yesu ndə Nasaratu a aghurəm jak watsə ka, zhana a ambaɗ ma ndə Musa a garaŋkwa ka a njin aagi bəza,”» iy. 15Həji ma ndza ata la zla guma ma dagal aagi tiwtiw, nja ta a heɗe, azha aa gəra wənək tə, a ndza andza wənək ataa matəf Bizlaf.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល