Zlən ataa həji ta zlən aagi 4
4
Tiw Piyer abə Yahwana aa atama magulakwakw ma zla guma aagi
1Tiɗa ndə tiw Piyer abə Yahwana aa kazlapatana kwagwa a ŋgaɓa həji aagi, maɗal kwakus aagi, abə madagal ma ndza aha həji ma həbar jak kwakus aagi, abə Saduki, tsaw aa ndaha abəra təmta. 2Aa taghuɗek ta a guɗaŋ ara ndə aa gəra tiw Piyer abə Yahwana, aa kasərəkatana səkən a ŋgaɓa həji aagi ana həji ta zlən Yesu ma gbak watsa aagi kazlap: «Həji ma bazl ta aagi kula gara ta a wəzəm a jiɓ,» ara ndə, aa kazlap zhana «Yesu tagara tə a wəzəm a jiɓ, tamca səku,» aagiy. 3Kaw aa mbəlata bəza, shak aa kwiyata ka a jak yaka a gwar a kwaf ara ndə a ɗa, ŋtsəɓahw tiw. 4Ama, a taba həji ma zlima ma Bizlaf watsa aagi, vərəm ana həji ma bəw ta a ɗa həji ma ɗalanə awa a Yesu aagi, aa ɗal bəza bəluk dzaɓən.
5Azha, a kwaf tə abə aa dzama ka ana bay Yahuda aagi, həji ma shif shif ma ndza a hayak aagi abə masərək ma ma garagar aagi, aa dzəv aka a hayak ma dzamadzam Wərusalima. 6A tsutsa, Anas, madagal maɗal kwakus, abə Kayafas, Yahwana, Aleksandire abə həji ma ndza a gi ataa həji magulakwakw maɗal kwakus watsa aagi tiwtiw. 7Leŋ aa daaha tiw Piyer abə Yahwana atama ta, dəba aagi aɗiwzata, aagi iŋgaya: «Abə ɓərɓər ma ndza a vata aka səku ata zləm vaya, abə huni kaɗal shiŋ zlən ma həna watsə?» aagiy. 8Piyer mkpef abə Miɗ ma ghwaɗeɗe, zlap a zlapatana, iŋgaya: «Bay ma ndza aha həji aagi abə ma shif shif ma ndza a hayak aagi: 9Ni taɗalanə təwah ana ala ndə ŋgas tə a bazl tə, azha akacihwa, həji aagi kaɗiwzani abə təf ma ndza a vatəy abə ala watsa a ɗa reh. 10Huni sən ka azha, huni tiwtiw abə həji ma ndza a hayak Isərayila aagi, ata zləm ataa Yesu Kərist, ndə Nasaratu, ndə huni dzə ka, ndə Bizlaf a garazə a wəzəm a bəza a taba həji ma bazl ta aagi, mavəy sha abə ala watsə a ɗi, atama kuni, tambəl tə. 11Sha ana ma ɗa ŋkəɗaŋ, ndə huni, həji ma ꞌun jak aagi, huni fak bəza, tabəw tə a mapaŋ. 12Kwa lareh minja ata la minja akas, səy gwara ara ŋtaguleŋ tə, ara ndə a ɗa, kwa ala minja a wəzlaf, ata manahayak watsə a taba həji aagi ndə Bizlaf a vəlanə təf ta rehahəji akas.» 13Həji ma zla guma aagi, hak aa ghərəŋ ta. Aa kagəra tiw Piyer abə Yahwana, aa kazlap, kwa ŋzliŋ a kadzata akas. Zhana aa gəra ya, aa ɗa həji ma kuɗkuɗ aagi, zhana həji ma ŋkula ndza abə ŋkwaɓ aagi. Aa kasənə ya, aa ɗa həji ma kaciwir abə Yesu aagi. 14Azha, aa gəra ala ndə ŋgas tə a bazl tə, mbəl, a kagar abəra həji ta zlən ataa Yesu ma gbak watsa aagi. Kwa zlap ara magulakwakw ma zla guma watsa aagi akas. 15Azha, dəba aagi azlapatana aska a nda ta a bəza a jak ta zla guma, azha dəba aagi azlap ata ha ta. 16Dəba aagi azlap: «Həji aɗalzə abə həji watsa aagi avaŋga?» aagiy. «Aa taɗal tsaɓan ma ŋtan, həji ma ndza a Wərusalima aagi tiwtiw, aa kasən səkən watsa aagi, azha həji kula ma ma parpar səku. 17Ama həji ɗiw a ji, a ma watsə a vas a ɓizh tə a taba həji aagi səku. Kiyzaŋkwa a ŋgəzata, a satana yaka, ara ndə, aa kazhin a zlapanə kwa a vaye ata zləm Yesu.» 18Dəba aagi ayaha tiw Piyer abə Yahwana, azha tak aa takata ka, ara aagi azlap abə sərək zləm Yesu tep. 19Ama, həji ta zlən ma gbak watsa aagi, zhin aa zhinata: «Səkən ma dəlili ata nja Bizlaf veme? Teh zlap kuni, aka səku teh zlap Bizlaf vəw? Huni mayɓa bəza. 20Ama aŋcini, ni kula a gum zlap aka ata səkən ndə ni gəra abə ndə ni zlima səku.» 21Dəba həji ma zla guma watsa aagi, aŋgəzata, aa satana yaka a həji ta zlən ataa Yesu ma gbak watsa aagi, a diwzha, pəl aa pəlata ka. Aa talima ma ndə aa kambəlata a heɗe akas. Ara ndə a ɗa, həji aagi tiwtiw, aa kaya dərəf ta həmən Bizlaf mavəy səkən ma ɗal. 22Ala ndə aa mbəl abə tsaɓan watsa, a ɗal bəza va dəy aha raŋfaɗ.
Həji ma ɗalanə awa a Yesu aagi tiwtiw aa katarha
23Ndə tiw Piyer abə Yahwana, aa pəlaya, aa tsaa kanda ta ara həji ndə aa kaciwir abə təmta aagi, azha dəba aagi aghalatana səkən ma pew tiwtiw, ndə magulakwakw maɗal kwakus aagi abə həji ma shif shif aagi, aa zlap. 24Ndə həji aagi zlima ma watsa bəza, azha aa tiwtiw ta ta, dəba aagi a tar Bizlaf abə ꞌunəf ŋtaguleŋ, aagi iŋgaya: «Madagal, hwa ma baha la ma ndza a wəzəm a wəzlaf, la ma ndza ata hayak abə mtil aagi abə səkən ma ndza a mən aagi tiwtiw. 25Hwa ma vəlanə abə Miɗ ma ghwaɗeɗe gwara ata madedizh ma ataa jiji cini Dawda, ala ma ɗalahu zlən:
Həji aagi, aa həɗəwha ara veme?
Aa katsa deŋ ta ɗal zlən ma atama aagi, ama ɓəlaakaka!
26 Bay magulakwakw ma ndza ata manahayak aagi,
aa sla kusəm aka aska ghəm.
Həji ma ndza aha hayak aagi, aa tadzam ta ka
a ɗa ghəm abə Bizlaf Bay Madagal,
zhana a ɗa ghəm abə bay ndə a mayazə ana Bizlaf.
27Ayəw, ŋter aa tadzamaya a hayak ma dzamadzam watsə, Haridus, Paŋtiyus Pilatu abə hayak ndiɓi aagi abə həji ma ndza a hayak Isərayila aagi, aa may a ɗa ghəm abə Yesu, ala ma ɗalahu zlən ma ghwaɗeɗe, ndə hwa mayə. 28Ikwa andza watsə, aa taɗal səkən ndə hwa va a gar ka a ɗal aagi tiwtiw, abə səkən ndə hwa gar ka abə ra kwa abə ndə hwa may. 29Azha, anawatsə, Bay Madagal, ndza abə ŋkwaɓ katkadək aska yaka ndə aa kasani, vəlatana a həji ma ɗalahu zlən kwa aagi, aska aagi aghal ma a heɗe a heɗe kwa ŋzliŋ akas. 30Kaf ra kwa ka aska dawər aagi kwaleŋ, abə tsufa aagi, abə tsaɓan aagi, aa maɗal ata zləm Yesu, ala ma ɗalahu zlən ma ghwaɗeɗe.» 31Ndə aa kəɗaŋ tarha ta bəza, la ndə aa dzama aka a heɗe, dəba a anaana. Təmta tiwtiw, aa mkpef abə Miɗ ma ghwaɗeɗe, dəba aagi azlap ma Bizlaf andza ndə aa kamayə, ŋzliŋ akas.
Ɓizh ŋtsəɓ ataa həji ma ɗalanə awa a Yesu aagi
32Ŋgaɓa həji ma ɗalanə awa a Yesu aagi tadzamaya, abə ꞌunəf ŋtaguleŋ zhana abə deŋ ŋkwaɓ ŋtaguleŋ, kwa ala a kazlap: «Watsə guva ataa naka,» iy akas, ci səkən ta aagi ata la ma ŋtaguleŋ tadzəvaya tiwtiw. 33Abə ɓərɓər ma dagal, abə həji ta zlən aagi, aa ghal ma ma ndza ata garha ataa Bay Madagal Yesu, azha Bizlaf a kaghalatana mayha tə abə təf ma parpar parpar aagi dagala. 34Kwa ala titikw ŋtaguleŋ a taba ta akas. Ndə a ɗa, həji ma ndza abə la ndiri aagi, abə jak aagi, aa taberata bəza, aa daaha dala ataa səkən ma ber watsa aagi tiwtiw. 35Azha, pa aa tsəzata ka atama a həji ta zlən Yesu aagi. Kwa vaye a lima mavəy tə, andza ndə a mayə.
36Ikwa yəm, Yusufu, ma ɗa ndə Lewi, ma mbəwha a hayak Kipərus. Həji ta zlən Yesu aagi, aa kayə Barnabas, a may a ghal ya: «Ala ma kaŋcah.» 37Dəba a aber la ndiri tə bəza, leŋ a daaha dala ndə a limazə a heɗe, pa a vəlatana a həji ta zlən Yesu aagi.
ទើបបានជ្រើសរើសហើយ៖
Zlən ataa həji ta zlən aagi 4: GOU
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Zlən ataa həji ta zlən aagi 4
4
Tiw Piyer abə Yahwana aa atama magulakwakw ma zla guma aagi
1Tiɗa ndə tiw Piyer abə Yahwana aa kazlapatana kwagwa a ŋgaɓa həji aagi, maɗal kwakus aagi, abə madagal ma ndza aha həji ma həbar jak kwakus aagi, abə Saduki, tsaw aa ndaha abəra təmta. 2Aa taghuɗek ta a guɗaŋ ara ndə aa gəra tiw Piyer abə Yahwana, aa kasərəkatana səkən a ŋgaɓa həji aagi ana həji ta zlən Yesu ma gbak watsa aagi kazlap: «Həji ma bazl ta aagi kula gara ta a wəzəm a jiɓ,» ara ndə, aa kazlap zhana «Yesu tagara tə a wəzəm a jiɓ, tamca səku,» aagiy. 3Kaw aa mbəlata bəza, shak aa kwiyata ka a jak yaka a gwar a kwaf ara ndə a ɗa, ŋtsəɓahw tiw. 4Ama, a taba həji ma zlima ma Bizlaf watsa aagi, vərəm ana həji ma bəw ta a ɗa həji ma ɗalanə awa a Yesu aagi, aa ɗal bəza bəluk dzaɓən.
5Azha, a kwaf tə abə aa dzama ka ana bay Yahuda aagi, həji ma shif shif ma ndza a hayak aagi abə masərək ma ma garagar aagi, aa dzəv aka a hayak ma dzamadzam Wərusalima. 6A tsutsa, Anas, madagal maɗal kwakus, abə Kayafas, Yahwana, Aleksandire abə həji ma ndza a gi ataa həji magulakwakw maɗal kwakus watsa aagi tiwtiw. 7Leŋ aa daaha tiw Piyer abə Yahwana atama ta, dəba aagi aɗiwzata, aagi iŋgaya: «Abə ɓərɓər ma ndza a vata aka səku ata zləm vaya, abə huni kaɗal shiŋ zlən ma həna watsə?» aagiy. 8Piyer mkpef abə Miɗ ma ghwaɗeɗe, zlap a zlapatana, iŋgaya: «Bay ma ndza aha həji aagi abə ma shif shif ma ndza a hayak aagi: 9Ni taɗalanə təwah ana ala ndə ŋgas tə a bazl tə, azha akacihwa, həji aagi kaɗiwzani abə təf ma ndza a vatəy abə ala watsa a ɗa reh. 10Huni sən ka azha, huni tiwtiw abə həji ma ndza a hayak Isərayila aagi, ata zləm ataa Yesu Kərist, ndə Nasaratu, ndə huni dzə ka, ndə Bizlaf a garazə a wəzəm a bəza a taba həji ma bazl ta aagi, mavəy sha abə ala watsə a ɗi, atama kuni, tambəl tə. 11Sha ana ma ɗa ŋkəɗaŋ, ndə huni, həji ma ꞌun jak aagi, huni fak bəza, tabəw tə a mapaŋ. 12Kwa lareh minja ata la minja akas, səy gwara ara ŋtaguleŋ tə, ara ndə a ɗa, kwa ala minja a wəzlaf, ata manahayak watsə a taba həji aagi ndə Bizlaf a vəlanə təf ta rehahəji akas.» 13Həji ma zla guma aagi, hak aa ghərəŋ ta. Aa kagəra tiw Piyer abə Yahwana, aa kazlap, kwa ŋzliŋ a kadzata akas. Zhana aa gəra ya, aa ɗa həji ma kuɗkuɗ aagi, zhana həji ma ŋkula ndza abə ŋkwaɓ aagi. Aa kasənə ya, aa ɗa həji ma kaciwir abə Yesu aagi. 14Azha, aa gəra ala ndə ŋgas tə a bazl tə, mbəl, a kagar abəra həji ta zlən ataa Yesu ma gbak watsa aagi. Kwa zlap ara magulakwakw ma zla guma watsa aagi akas. 15Azha, dəba aagi azlapatana aska a nda ta a bəza a jak ta zla guma, azha dəba aagi azlap ata ha ta. 16Dəba aagi azlap: «Həji aɗalzə abə həji watsa aagi avaŋga?» aagiy. «Aa taɗal tsaɓan ma ŋtan, həji ma ndza a Wərusalima aagi tiwtiw, aa kasən səkən watsa aagi, azha həji kula ma ma parpar səku. 17Ama həji ɗiw a ji, a ma watsə a vas a ɓizh tə a taba həji aagi səku. Kiyzaŋkwa a ŋgəzata, a satana yaka, ara ndə, aa kazhin a zlapanə kwa a vaye ata zləm Yesu.» 18Dəba aagi ayaha tiw Piyer abə Yahwana, azha tak aa takata ka, ara aagi azlap abə sərək zləm Yesu tep. 19Ama, həji ta zlən ma gbak watsa aagi, zhin aa zhinata: «Səkən ma dəlili ata nja Bizlaf veme? Teh zlap kuni, aka səku teh zlap Bizlaf vəw? Huni mayɓa bəza. 20Ama aŋcini, ni kula a gum zlap aka ata səkən ndə ni gəra abə ndə ni zlima səku.» 21Dəba həji ma zla guma watsa aagi, aŋgəzata, aa satana yaka a həji ta zlən ataa Yesu ma gbak watsa aagi, a diwzha, pəl aa pəlata ka. Aa talima ma ndə aa kambəlata a heɗe akas. Ara ndə a ɗa, həji aagi tiwtiw, aa kaya dərəf ta həmən Bizlaf mavəy səkən ma ɗal. 22Ala ndə aa mbəl abə tsaɓan watsa, a ɗal bəza va dəy aha raŋfaɗ.
Həji ma ɗalanə awa a Yesu aagi tiwtiw aa katarha
23Ndə tiw Piyer abə Yahwana, aa pəlaya, aa tsaa kanda ta ara həji ndə aa kaciwir abə təmta aagi, azha dəba aagi aghalatana səkən ma pew tiwtiw, ndə magulakwakw maɗal kwakus aagi abə həji ma shif shif aagi, aa zlap. 24Ndə həji aagi zlima ma watsa bəza, azha aa tiwtiw ta ta, dəba aagi a tar Bizlaf abə ꞌunəf ŋtaguleŋ, aagi iŋgaya: «Madagal, hwa ma baha la ma ndza a wəzəm a wəzlaf, la ma ndza ata hayak abə mtil aagi abə səkən ma ndza a mən aagi tiwtiw. 25Hwa ma vəlanə abə Miɗ ma ghwaɗeɗe gwara ata madedizh ma ataa jiji cini Dawda, ala ma ɗalahu zlən:
Həji aagi, aa həɗəwha ara veme?
Aa katsa deŋ ta ɗal zlən ma atama aagi, ama ɓəlaakaka!
26 Bay magulakwakw ma ndza ata manahayak aagi,
aa sla kusəm aka aska ghəm.
Həji ma ndza aha hayak aagi, aa tadzam ta ka
a ɗa ghəm abə Bizlaf Bay Madagal,
zhana a ɗa ghəm abə bay ndə a mayazə ana Bizlaf.
27Ayəw, ŋter aa tadzamaya a hayak ma dzamadzam watsə, Haridus, Paŋtiyus Pilatu abə hayak ndiɓi aagi abə həji ma ndza a hayak Isərayila aagi, aa may a ɗa ghəm abə Yesu, ala ma ɗalahu zlən ma ghwaɗeɗe, ndə hwa mayə. 28Ikwa andza watsə, aa taɗal səkən ndə hwa va a gar ka a ɗal aagi tiwtiw, abə səkən ndə hwa gar ka abə ra kwa abə ndə hwa may. 29Azha, anawatsə, Bay Madagal, ndza abə ŋkwaɓ katkadək aska yaka ndə aa kasani, vəlatana a həji ma ɗalahu zlən kwa aagi, aska aagi aghal ma a heɗe a heɗe kwa ŋzliŋ akas. 30Kaf ra kwa ka aska dawər aagi kwaleŋ, abə tsufa aagi, abə tsaɓan aagi, aa maɗal ata zləm Yesu, ala ma ɗalahu zlən ma ghwaɗeɗe.» 31Ndə aa kəɗaŋ tarha ta bəza, la ndə aa dzama aka a heɗe, dəba a anaana. Təmta tiwtiw, aa mkpef abə Miɗ ma ghwaɗeɗe, dəba aagi azlap ma Bizlaf andza ndə aa kamayə, ŋzliŋ akas.
Ɓizh ŋtsəɓ ataa həji ma ɗalanə awa a Yesu aagi
32Ŋgaɓa həji ma ɗalanə awa a Yesu aagi tadzamaya, abə ꞌunəf ŋtaguleŋ zhana abə deŋ ŋkwaɓ ŋtaguleŋ, kwa ala a kazlap: «Watsə guva ataa naka,» iy akas, ci səkən ta aagi ata la ma ŋtaguleŋ tadzəvaya tiwtiw. 33Abə ɓərɓər ma dagal, abə həji ta zlən aagi, aa ghal ma ma ndza ata garha ataa Bay Madagal Yesu, azha Bizlaf a kaghalatana mayha tə abə təf ma parpar parpar aagi dagala. 34Kwa ala titikw ŋtaguleŋ a taba ta akas. Ndə a ɗa, həji ma ndza abə la ndiri aagi, abə jak aagi, aa taberata bəza, aa daaha dala ataa səkən ma ber watsa aagi tiwtiw. 35Azha, pa aa tsəzata ka atama a həji ta zlən Yesu aagi. Kwa vaye a lima mavəy tə, andza ndə a mayə.
36Ikwa yəm, Yusufu, ma ɗa ndə Lewi, ma mbəwha a hayak Kipərus. Həji ta zlən Yesu aagi, aa kayə Barnabas, a may a ghal ya: «Ala ma kaŋcah.» 37Dəba a aber la ndiri tə bəza, leŋ a daaha dala ndə a limazə a heɗe, pa a vəlatana a həji ta zlən Yesu aagi.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល