Zlən ataa həji ta zlən aagi 1
1
Miɗ ma ghwaɗeɗe ma ghal aka a vəla a həji ta zlən aagi
1Ŋgwanambə naka Tawfilus, a ɗerewal naka mampər, sa taghal səkən ndə Yesu a ɗalata aagi abə səkən ndə a sərəkata aagi ꞌwa aka ata diw tə, 2gwar ata vah ndə a nda tə a wəzlaf, a diwzha ndə a gar ma tə aagi bəza abə ɓərɓər ataa Miɗ ma ghwaɗeɗe a həji ndə a dəmata, andza həji ta zlən tə aagi. 3A təmta gagagha, abə a ghalha ha tə ŋter ndza tə abə nja, a diwzha mci tə. Taghalatana, abə təf vərəm, ŋter ndza tə abə nja. Wan raŋfaɗ, a ɗalə abə təmta, zlap tə, a may a zlapatana ata la ndza bay Bizlaf ma ndza a wəzəm. 4Tiɗa ndə a kazəm wəda abə təmta, dəba a azlapatana iŋgaya: «Ara huni akərəɗ kuni a bəza gədək abəra Wərusalima, ama huni teh səkən Vava ma ndza a wəzəm ndə a gar ka a ɗalə, səkən ndə sa abə madedizh ma naka, sa ghalahuni: 5Yahwana a ɗalatana batem abə yəm, ama atama kajik ci, huni alima batem abə Miɗ ma ghwaɗeɗe,» iy.
Yesu a kanda tə a wəzlaf
6Aa tadzam ta ka, dəba aagi aɗiwzə, aagi iŋgaya: «Bay Madagal, anawatsə anawatsə abə hwa slatana la ndza bay ataa həji Isərayila aagi ka vəw?» 7Yesu zhin a zhinatana, iŋgaya: «Huni abə təf ta sən vah abə pish ndə Vava ma ndza a wəzəm a gar ka abə dagal tə akas. 8Ama, huni alima ɓərɓər tiɗa ndə Miɗ ma ghwaɗeɗe a kaandaha ata huni, huni aɗa həji ma kaghal səkən ndə huni gəra abə ndə huni zlima ata sa aagi a Wərusalima, hayak Yahudiya tiwtiw abə hayak Samariya a vaŋ ata lamaɗ manahayak,» iy. 9A diwzha ma watsə, ata nja ta, Yesu takaw a gar tə a wəzəm, azha gwazlavay taa tə, vərləm a dəp bəza ata nja ta. 10Azha, ndə aa katsa nja ndza tə a wəzlaf ata la kiɗim Yesu, aa gəra həji aagi gbak, aa abə rəkuts ma peɗek ata zlikusəm, aa abəra təmta, 11azha dəba aagi azlapatana, aagi iŋgaya: «Həji Galili aagi, huni ndza a ɗi a tsa nja a wəzlaf ara veme? Yesu ma ndaha a bəza a taba kuni a nda tə a wəzlaf watsa, a azhinha ikwa andza ndə huni gəra a kanda tə a wəzlaf watsə.»
Dzəv ataa həji ta zlən aagi
12Ndə aa ndaa ta a bəza a ha dawən Uliv aa tsaa kazhin ta a Wərusalima, wəzəm watsa huk abəra hayak ma dzamadzam, a ɗal bəza kilumeter ŋtaɗ a gwar a Wərusalima. 13Ndə aa zhina ta, takaw aa taf a jak ma ndza a wəzəm aha jak, ata la ndə tiw Piyer, Yahwana, Yakuba abə Andire, Filip, Tumas, Bartelemi, Mata, Yakuba mbə ataa Alfa, Simun, ala ma kaləm aska a pəl hayak tə, abə Yahuda, mbə ataa Yakuba. 14Aa tiwtiw, ŋkwaɓ ta ŋtaguleŋ, aa katarha abə ꞌunəf ŋtaɗ, a tsutsa wali ndiɓi aagi a taba ta, Mariyama mana Yesu, abə zliŋgin ataa Yesu aagi.
Matiyas tatsaya a ŋgas Yahuda
15Ma vah watsa, takaw Piyer a gar tə wəzəm a taba həji ma ɗal awa aagi, a tsutsa, həji aagi tadzamaya, aa ɗal bəza teemeri abə ragbak, dəba a azlap, iŋgaya: 16«Zlina aagi, a kaɗiw ci, səy ma a kəliy tə andza ma ndə Miɗ ma ghwaɗeɗe a ghal a Ɗerewal ma ghwaɗeɗe ma zlapha ata madedizh ma ataa Dawda, ata Yahuda, a ɗa malah həji ma kambəla Yesu aagi. 17Yahuda a ɗa ala ma ndza a taba cini, azha abə zlən tə yəm andza ni. 18Azha, ala watsa, abə dala ndə aa ŋtəranə, tasəkəm la a heɗe, tandəv tə abə ma a hayak, bəra tə taŋta tə, ghali tə aagi, tiwtiw ata varvara. 19Həji ma ndza a hayak Wərusalima aagi tiwtiw, aa tazlima ma watsa bəza, sha ana ndə la watsa, aa kayə abə ma ta: “Hakeldama,” a may a ghal ci, “La ampəs”. 20Taŋtiraya a ɗerewal Jabura:
Jak tə a ɗa mba ka, a ɗa ŋkif,
Azha ara ala a ndza a mən.
Zhana taŋtiraya andza watsə:
Ala minja a atsa a ŋgas tə.
21Həji aagi aka, ana ma kalahazani pal tiɗa ndə Bay Madagal Yesu a kanda abə ni. 22ꞌWa aka ata ndə Yahwana a bananə batem a gwar ata vah ndə aa ji Yesu bəza a nda tə a wəzəm a wəzlaf. A kaɗiw ci, ala minja ŋtaguleŋ a taba həji watsa aagi, mandza abə ŋkwa, a ɗa ala ma ghal səkən ndə a gəra, Yesu tagara tə a wəzəm a jiɓ a taba həji ma bazl ta aagi.» 23A diwzha tə, ghal aa ghal həji aagi gbak, Yusufu ndə aa kayə Barsabas, ma ɗa zləm tə Yustus abə Matiyas. 24Azha, dəba aagi atarha, aagi iŋgaya: «Bay Madagal, hwa ma kasən ꞌunəf həji aagi tiwtiw, ghalani ala ndə hwa mayɓa bəza ŋtaguleŋ a taba həji gbak watsə aagi, 25aska a ɗal zlən a ŋgas ataa Yahuda ma mbasl zlən takwa ka, a nda tə a ɗalɓa ataa aŋtə» iy. 26Dəba aagi aɗalə andza lafak njil, azha a ndəvha ata Matiyas, a tsutsa abə Matiyas a ndaha a dzəv abəra həji ta zlən ma wam aha ŋtaguleŋ aagi.
ទើបបានជ្រើសរើសហើយ៖
Zlən ataa həji ta zlən aagi 1: GOU
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Zlən ataa həji ta zlən aagi 1
1
Miɗ ma ghwaɗeɗe ma ghal aka a vəla a həji ta zlən aagi
1Ŋgwanambə naka Tawfilus, a ɗerewal naka mampər, sa taghal səkən ndə Yesu a ɗalata aagi abə səkən ndə a sərəkata aagi ꞌwa aka ata diw tə, 2gwar ata vah ndə a nda tə a wəzlaf, a diwzha ndə a gar ma tə aagi bəza abə ɓərɓər ataa Miɗ ma ghwaɗeɗe a həji ndə a dəmata, andza həji ta zlən tə aagi. 3A təmta gagagha, abə a ghalha ha tə ŋter ndza tə abə nja, a diwzha mci tə. Taghalatana, abə təf vərəm, ŋter ndza tə abə nja. Wan raŋfaɗ, a ɗalə abə təmta, zlap tə, a may a zlapatana ata la ndza bay Bizlaf ma ndza a wəzəm. 4Tiɗa ndə a kazəm wəda abə təmta, dəba a azlapatana iŋgaya: «Ara huni akərəɗ kuni a bəza gədək abəra Wərusalima, ama huni teh səkən Vava ma ndza a wəzəm ndə a gar ka a ɗalə, səkən ndə sa abə madedizh ma naka, sa ghalahuni: 5Yahwana a ɗalatana batem abə yəm, ama atama kajik ci, huni alima batem abə Miɗ ma ghwaɗeɗe,» iy.
Yesu a kanda tə a wəzlaf
6Aa tadzam ta ka, dəba aagi aɗiwzə, aagi iŋgaya: «Bay Madagal, anawatsə anawatsə abə hwa slatana la ndza bay ataa həji Isərayila aagi ka vəw?» 7Yesu zhin a zhinatana, iŋgaya: «Huni abə təf ta sən vah abə pish ndə Vava ma ndza a wəzəm a gar ka abə dagal tə akas. 8Ama, huni alima ɓərɓər tiɗa ndə Miɗ ma ghwaɗeɗe a kaandaha ata huni, huni aɗa həji ma kaghal səkən ndə huni gəra abə ndə huni zlima ata sa aagi a Wərusalima, hayak Yahudiya tiwtiw abə hayak Samariya a vaŋ ata lamaɗ manahayak,» iy. 9A diwzha ma watsə, ata nja ta, Yesu takaw a gar tə a wəzəm, azha gwazlavay taa tə, vərləm a dəp bəza ata nja ta. 10Azha, ndə aa katsa nja ndza tə a wəzlaf ata la kiɗim Yesu, aa gəra həji aagi gbak, aa abə rəkuts ma peɗek ata zlikusəm, aa abəra təmta, 11azha dəba aagi azlapatana, aagi iŋgaya: «Həji Galili aagi, huni ndza a ɗi a tsa nja a wəzlaf ara veme? Yesu ma ndaha a bəza a taba kuni a nda tə a wəzlaf watsa, a azhinha ikwa andza ndə huni gəra a kanda tə a wəzlaf watsə.»
Dzəv ataa həji ta zlən aagi
12Ndə aa ndaa ta a bəza a ha dawən Uliv aa tsaa kazhin ta a Wərusalima, wəzəm watsa huk abəra hayak ma dzamadzam, a ɗal bəza kilumeter ŋtaɗ a gwar a Wərusalima. 13Ndə aa zhina ta, takaw aa taf a jak ma ndza a wəzəm aha jak, ata la ndə tiw Piyer, Yahwana, Yakuba abə Andire, Filip, Tumas, Bartelemi, Mata, Yakuba mbə ataa Alfa, Simun, ala ma kaləm aska a pəl hayak tə, abə Yahuda, mbə ataa Yakuba. 14Aa tiwtiw, ŋkwaɓ ta ŋtaguleŋ, aa katarha abə ꞌunəf ŋtaɗ, a tsutsa wali ndiɓi aagi a taba ta, Mariyama mana Yesu, abə zliŋgin ataa Yesu aagi.
Matiyas tatsaya a ŋgas Yahuda
15Ma vah watsa, takaw Piyer a gar tə wəzəm a taba həji ma ɗal awa aagi, a tsutsa, həji aagi tadzamaya, aa ɗal bəza teemeri abə ragbak, dəba a azlap, iŋgaya: 16«Zlina aagi, a kaɗiw ci, səy ma a kəliy tə andza ma ndə Miɗ ma ghwaɗeɗe a ghal a Ɗerewal ma ghwaɗeɗe ma zlapha ata madedizh ma ataa Dawda, ata Yahuda, a ɗa malah həji ma kambəla Yesu aagi. 17Yahuda a ɗa ala ma ndza a taba cini, azha abə zlən tə yəm andza ni. 18Azha, ala watsa, abə dala ndə aa ŋtəranə, tasəkəm la a heɗe, tandəv tə abə ma a hayak, bəra tə taŋta tə, ghali tə aagi, tiwtiw ata varvara. 19Həji ma ndza a hayak Wərusalima aagi tiwtiw, aa tazlima ma watsa bəza, sha ana ndə la watsa, aa kayə abə ma ta: “Hakeldama,” a may a ghal ci, “La ampəs”. 20Taŋtiraya a ɗerewal Jabura:
Jak tə a ɗa mba ka, a ɗa ŋkif,
Azha ara ala a ndza a mən.
Zhana taŋtiraya andza watsə:
Ala minja a atsa a ŋgas tə.
21Həji aagi aka, ana ma kalahazani pal tiɗa ndə Bay Madagal Yesu a kanda abə ni. 22ꞌWa aka ata ndə Yahwana a bananə batem a gwar ata vah ndə aa ji Yesu bəza a nda tə a wəzəm a wəzlaf. A kaɗiw ci, ala minja ŋtaguleŋ a taba həji watsa aagi, mandza abə ŋkwa, a ɗa ala ma ghal səkən ndə a gəra, Yesu tagara tə a wəzəm a jiɓ a taba həji ma bazl ta aagi.» 23A diwzha tə, ghal aa ghal həji aagi gbak, Yusufu ndə aa kayə Barsabas, ma ɗa zləm tə Yustus abə Matiyas. 24Azha, dəba aagi atarha, aagi iŋgaya: «Bay Madagal, hwa ma kasən ꞌunəf həji aagi tiwtiw, ghalani ala ndə hwa mayɓa bəza ŋtaguleŋ a taba həji gbak watsə aagi, 25aska a ɗal zlən a ŋgas ataa Yahuda ma mbasl zlən takwa ka, a nda tə a ɗalɓa ataa aŋtə» iy. 26Dəba aagi aɗalə andza lafak njil, azha a ndəvha ata Matiyas, a tsutsa abə Matiyas a ndaha a dzəv abəra həji ta zlən ma wam aha ŋtaguleŋ aagi.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល