Markus 4
4
Laslaŋgal ma ata ɗala ma kaɗas
1A dəwze anta ca, Yesu a nda a ma ŋtele mala Galəyləy, a mar ŋ sasərakzata hejəye zeney. Hejəye vəram mambaza, əy ɓecha ara mbe, mavəday anta, Yesu a tev ŋ kwambawal, a nja aka ŋma. Kwambawal anta ca, mbəy ŋ yam, hejəye yam, əy a bəza mbermber a mazlam ŋtele wese. 2A təwse ca, a sasərakzata ata səkan ege vedəye vedəye vəram ta ŋ laslaŋgal ma ege, a zlepetene ŋ lasasərak anta ege ca, a ŋgaya: 3«Hune teh zlam! Heje ma kaɗas wende aka, a nda ŋ zləkaha ŋ la anta. 4Maa a kazləka ŋ la anta wese ca, ŋseŋ wende, a nah ŋ taf, vəgem ege əy ndaha, meɗ əy meɗza. 5Ŋseŋ wende, a nah ata la ŋkəɗaŋ, ata la maa hayak a təwse parham. Dav a davha aza kəcaŋ, mavəday, hayak ata la anta parham. 6Cemey, pes a daha a heɗe kwak ca, guzaɓ a ŋhwalza, mavəday kéheɓ slaslalay yap, askwaw. 7Ŋseŋ wende zeney, a nah ŋ la ma ŋ taba jəkeɗ. Jəkeɗ anta a gal zlaɓa ŋseŋ wese, a ŋgac ŋseŋ anta kaw kélem la ŋ daha, askwaw. 8Cemey, ŋseŋ wende ca, a nah ata la ma taŋtaŋ. A davha, a gal, a yasl mba dakala. Ata ma teŋguleŋ ca, kéyesleye ramahkaɗ, wende raŋkwah, wende zeney yam temere.» 9A təwse ca, Yesu a zlepetene, a ŋgaya: «Ɗala maa zlam a heɗe ŋ zləme aka ca, mezləme.»
Yesu a zlepetene a laslaŋgal ma ege ca, ŋ vay
10A dəwze maa Yesu a zen anta ata zlaŋgal ca, hejəye ma ara mbe ege leŋ malaɓ anta ege ma wam aha gbak, əy ɗawza ata laslaŋgal ma ege wese. 11A təwse ca, Yesu a zenetene, a ŋgaya: «Hune ca, Gazlavay kághwalzahune səkan maɓahaɓah mala Bay mala Gazlavay aza. Cemey, a hejəye vedəye ca, səy ta ŋ laslaŋgal ma. 12Ana ebe ŋghe,
əy kasar la, cemey, əy kegəre la səkwaw.
Əy keteh zlam, cemey, kaw əy kezləme səkwaw.
Mada keɗe, əy kezləme ca, əy nezenha aza ara Gazlavay, ndar a pelzetene gay tata ege aka.»
Yesu a ghwelzetene laslaŋgal ma ata ɗala ma kaɗas
13A dəwze anta ca, Yesu a zlepetene, a ŋgaya: «Hune kézləme laslaŋgal ma ŋgha anta, askwaw vaw? Ca, hune nala kula aza ŋ zləme laslaŋgal ma ege vedəye tewtew ca, vaŋgay? 14Ɗala ma kaɗas ca, a zlak ca, zlap mala Gazlavay. 15Hejəye vedəye, əy nja ana ŋseŋ ma kwekweɗ ata taf, mada əy kézləme zlap aza ca, a dəwze anta ca, Malula a ndaha a təwse a təwse, ŋ ŋta mazlakazlak ŋ unaf tata ege wese aza. 16Hejəye vedəye, əy nja ana ŋseŋ ma nah ŋ la ŋkəɗaŋ. Maa əy zləme zlap mala Gazlavay ca, əy lamza a təwse a təwse a sasam. 17Cemey, zlap anta a kenehey slaslalay ŋ tata askwaw, ara hejəye ma lamza ma anta ege aza ata walaŋ cekuɗe ende ŋghe. A dəwze anta ca, mada gef vedəye vedəye ey ŋgwesem ege vedəye vedəye əy kéndewzetene, mavəday zlap mala Gazlavay ca, a təwse a təwse, əy yakza lalam tata ege aka. 18Hejəye vedəye zeney, əy nja ana ŋseŋ ma nah ŋ taba jəkeɗ. Ara hejəye ma zləme zlap mala Gazlavay aza ege. 19Cemey, ledeŋ ŋkwaɓ ata səkan ege ma ŋ manhayak ŋghe, laɗaw laŋcaɗ aza dəydey leŋ laɗaw səkan ege vedəye vedəye, əy nadam ŋ unaf tata ege, əy naŋgac zlap anta, kaw zlap anta a kanala taŋtaŋ askwaw. 20Hejəye vedəye zeney, əy nja ana ŋseŋ ma nah ŋ la hayak ma taŋtaŋ, ara ŋseŋ hejəye ma zləme zlap mala Gazlavay ege, əy kálamza ma anta aza, əy yasl uzəye, vedəye ramahkaɗ, vedəye raŋkwah, vedəye temere.»
Laslaŋgal ma ata patarla
21Yesu a zlepetene zeney a ŋgaya: «Ɗala a kenef kwahwaw ata patarla ŋ jaɓ ka asa ɗawar, askwaw ca, asa lawan aka vaw? Cemey, a naca ka ca, ata laca patarla anta askwaw vaw? 22Mavəday, səkan maɓahaɓah kaw vekey, a naghwalha aza a bəza, hejəye əy negəre, səkan ma ŋ kuzle ege əy naghwalha aza ata la ma keweɗ. 23Mada ɗala maa zlam a heɗe ŋ zləme aka ca, mezləme!»
24Yesu a zlepetene zeney, a ŋgaya: «Hune sla ka ata ma maa hune zləme ŋghe! Gazlavay a naslahune səkan maa a kavalahune a laslaŋgal maa hune keveletene ŋ hejəye vedəye, a navalahune day aha mbe zeney. 25Aya, ɗala maa səkan anta aka ca, əy nevelene a heɗe zeney, a ɗala maa səkan anta askwaw ca, kaw səkan anta cekuɗe ende ŋghe ca, əy neŋtene aza.»
Laslaŋgal ma ata ŋseŋ ma kadavaha teŋguleŋ anta
26Yesu a zlepetene zeney, a ŋgaya: «Lazam bay mala Gazlavay ca, a nja ana ɗala ma kway ŋseŋ ŋ la. 27A dəwze anta ca, a nda, a wan a zaɗaw, a fəɗahha a pes kaw vekey ca, ŋseŋ a kadav, a kagal, kaw a kasan maa a kagal səkwaw. 28Ŋseŋ anta ca, ara hayak ma kevelene ɓarɓar, a davaha teŋguleŋ anta. Aya, a da ha, a dəwze anta ca, a yasl uzəye. 29Aya, maa ndərey kála anta ca, a ŋta wambat ŋ petew, mavəday vah anta kála anta.»
Laslaŋgal ma ata mba venjeh
30Yesu a zlap zeney, a ŋgaya: «Heje naslaŋgalakwaw Lazam bay mala Gazlavay ca, a vemey? Askwaw ca, heje naghwalza a laslaŋgal ma vekey? 31Bay mala Gazlavay ca, a nja ana mba venjeh. Mbəy pa ma pəzekw aha ŋseŋ maa əy kazlakata ŋ manhayak ege tewtew. 32Cemey, mada əy kázlakza ca, a davaha, a gal pa ma day aha ŋseŋ urey ege tewtew. A ba zləram madakal dakal ege ha vəgem ege ma ata uzlaf, əy ba ujek tata ege ŋ seŋseŋ anta.»
33Yesu a ghwelzetene zlap mala Gazlavay ŋ hejəye, ta ŋ laslaŋgal ma ege vəram ma da ebe ŋghe ca, tete maa əy kanala kula aza ŋ zləme. 34Ata pes ata pes, a zlepetene ca, səy a laslaŋgal ma. Cemey, maa tata gagaha a madarlaŋw anta ege ca, a ghwelzetene ma anta ege tewtew.
Yesu a garza bargadaŋ aka
35A pes wese, mala mackwahw anta, Yesu a zlepetene ŋ madarlaŋw anta ege, a ŋgaya: «Kazakwaw ŋ zlaŋ ŋtakwaw kəɗe aha bəza ŋtele wende.» 36A təwse ca, əy geɓzata vəram hejəye aka. Aya, madarlaŋw anta ege wese, əy tev ŋ kwambawal maa Yesu mbəy ŋma, aya, əy zlaŋ tata. Kwambawal ege vedəye a həzlar aka. 37Kəɗe ca, bargadaŋ ma dakal pay, a həɓalza ŋtele, ha yam a paslawza ghef ŋ kwambawal. 38Cemey, Yesu mbəy a dəwze kwambawal, a kawan, káca ha ka ata səkan ma ata ca ha. A təwse ca, madarlaŋw anta ege wese, əy fəɗahza, əy zlepene, əy ŋgaya: «Masasərak, heje kakuɗap ŋghe ca, hwa kedeŋza, askwaw vaw?»
39Aya, Yesu a fəɗahha, a bebecza bargadaŋ, a zlepene ŋ yam, a ŋgaya: «Nja ka ɗekɗek!» A təwse a təwse, tatəɗam ɗekɗek a nja ka, səkan wende a kahəɓal zeney, askwaw. 40A dəwze anta ca, a zlepetene ŋ madarlaŋw anta ege wese, a ŋgaya: «Hune lalak ca, mavəday vemey? Ha na ŋgha ca, lalam ŋ hune, askwaw vaw?»
41A təwse ca, əy kálalak tata mambaza, əy zlap ŋ taba tata, əy ŋgaya: «Heje maa kaw ata bargadaŋ ey ŋtele əy ketehzene zlam ŋgha ca, ara vayay?»
ទើបបានជ្រើសរើសហើយ៖
Markus 4: BHS
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2025 CABTAL
Markus 4
4
Laslaŋgal ma ata ɗala ma kaɗas
1A dəwze anta ca, Yesu a nda a ma ŋtele mala Galəyləy, a mar ŋ sasərakzata hejəye zeney. Hejəye vəram mambaza, əy ɓecha ara mbe, mavəday anta, Yesu a tev ŋ kwambawal, a nja aka ŋma. Kwambawal anta ca, mbəy ŋ yam, hejəye yam, əy a bəza mbermber a mazlam ŋtele wese. 2A təwse ca, a sasərakzata ata səkan ege vedəye vedəye vəram ta ŋ laslaŋgal ma ege, a zlepetene ŋ lasasərak anta ege ca, a ŋgaya: 3«Hune teh zlam! Heje ma kaɗas wende aka, a nda ŋ zləkaha ŋ la anta. 4Maa a kazləka ŋ la anta wese ca, ŋseŋ wende, a nah ŋ taf, vəgem ege əy ndaha, meɗ əy meɗza. 5Ŋseŋ wende, a nah ata la ŋkəɗaŋ, ata la maa hayak a təwse parham. Dav a davha aza kəcaŋ, mavəday, hayak ata la anta parham. 6Cemey, pes a daha a heɗe kwak ca, guzaɓ a ŋhwalza, mavəday kéheɓ slaslalay yap, askwaw. 7Ŋseŋ wende zeney, a nah ŋ la ma ŋ taba jəkeɗ. Jəkeɗ anta a gal zlaɓa ŋseŋ wese, a ŋgac ŋseŋ anta kaw kélem la ŋ daha, askwaw. 8Cemey, ŋseŋ wende ca, a nah ata la ma taŋtaŋ. A davha, a gal, a yasl mba dakala. Ata ma teŋguleŋ ca, kéyesleye ramahkaɗ, wende raŋkwah, wende zeney yam temere.» 9A təwse ca, Yesu a zlepetene, a ŋgaya: «Ɗala maa zlam a heɗe ŋ zləme aka ca, mezləme.»
Yesu a zlepetene a laslaŋgal ma ege ca, ŋ vay
10A dəwze maa Yesu a zen anta ata zlaŋgal ca, hejəye ma ara mbe ege leŋ malaɓ anta ege ma wam aha gbak, əy ɗawza ata laslaŋgal ma ege wese. 11A təwse ca, Yesu a zenetene, a ŋgaya: «Hune ca, Gazlavay kághwalzahune səkan maɓahaɓah mala Bay mala Gazlavay aza. Cemey, a hejəye vedəye ca, səy ta ŋ laslaŋgal ma. 12Ana ebe ŋghe,
əy kasar la, cemey, əy kegəre la səkwaw.
Əy keteh zlam, cemey, kaw əy kezləme səkwaw.
Mada keɗe, əy kezləme ca, əy nezenha aza ara Gazlavay, ndar a pelzetene gay tata ege aka.»
Yesu a ghwelzetene laslaŋgal ma ata ɗala ma kaɗas
13A dəwze anta ca, Yesu a zlepetene, a ŋgaya: «Hune kézləme laslaŋgal ma ŋgha anta, askwaw vaw? Ca, hune nala kula aza ŋ zləme laslaŋgal ma ege vedəye tewtew ca, vaŋgay? 14Ɗala ma kaɗas ca, a zlak ca, zlap mala Gazlavay. 15Hejəye vedəye, əy nja ana ŋseŋ ma kwekweɗ ata taf, mada əy kézləme zlap aza ca, a dəwze anta ca, Malula a ndaha a təwse a təwse, ŋ ŋta mazlakazlak ŋ unaf tata ege wese aza. 16Hejəye vedəye, əy nja ana ŋseŋ ma nah ŋ la ŋkəɗaŋ. Maa əy zləme zlap mala Gazlavay ca, əy lamza a təwse a təwse a sasam. 17Cemey, zlap anta a kenehey slaslalay ŋ tata askwaw, ara hejəye ma lamza ma anta ege aza ata walaŋ cekuɗe ende ŋghe. A dəwze anta ca, mada gef vedəye vedəye ey ŋgwesem ege vedəye vedəye əy kéndewzetene, mavəday zlap mala Gazlavay ca, a təwse a təwse, əy yakza lalam tata ege aka. 18Hejəye vedəye zeney, əy nja ana ŋseŋ ma nah ŋ taba jəkeɗ. Ara hejəye ma zləme zlap mala Gazlavay aza ege. 19Cemey, ledeŋ ŋkwaɓ ata səkan ege ma ŋ manhayak ŋghe, laɗaw laŋcaɗ aza dəydey leŋ laɗaw səkan ege vedəye vedəye, əy nadam ŋ unaf tata ege, əy naŋgac zlap anta, kaw zlap anta a kanala taŋtaŋ askwaw. 20Hejəye vedəye zeney, əy nja ana ŋseŋ ma nah ŋ la hayak ma taŋtaŋ, ara ŋseŋ hejəye ma zləme zlap mala Gazlavay ege, əy kálamza ma anta aza, əy yasl uzəye, vedəye ramahkaɗ, vedəye raŋkwah, vedəye temere.»
Laslaŋgal ma ata patarla
21Yesu a zlepetene zeney a ŋgaya: «Ɗala a kenef kwahwaw ata patarla ŋ jaɓ ka asa ɗawar, askwaw ca, asa lawan aka vaw? Cemey, a naca ka ca, ata laca patarla anta askwaw vaw? 22Mavəday, səkan maɓahaɓah kaw vekey, a naghwalha aza a bəza, hejəye əy negəre, səkan ma ŋ kuzle ege əy naghwalha aza ata la ma keweɗ. 23Mada ɗala maa zlam a heɗe ŋ zləme aka ca, mezləme!»
24Yesu a zlepetene zeney, a ŋgaya: «Hune sla ka ata ma maa hune zləme ŋghe! Gazlavay a naslahune səkan maa a kavalahune a laslaŋgal maa hune keveletene ŋ hejəye vedəye, a navalahune day aha mbe zeney. 25Aya, ɗala maa səkan anta aka ca, əy nevelene a heɗe zeney, a ɗala maa səkan anta askwaw ca, kaw səkan anta cekuɗe ende ŋghe ca, əy neŋtene aza.»
Laslaŋgal ma ata ŋseŋ ma kadavaha teŋguleŋ anta
26Yesu a zlepetene zeney, a ŋgaya: «Lazam bay mala Gazlavay ca, a nja ana ɗala ma kway ŋseŋ ŋ la. 27A dəwze anta ca, a nda, a wan a zaɗaw, a fəɗahha a pes kaw vekey ca, ŋseŋ a kadav, a kagal, kaw a kasan maa a kagal səkwaw. 28Ŋseŋ anta ca, ara hayak ma kevelene ɓarɓar, a davaha teŋguleŋ anta. Aya, a da ha, a dəwze anta ca, a yasl uzəye. 29Aya, maa ndərey kála anta ca, a ŋta wambat ŋ petew, mavəday vah anta kála anta.»
Laslaŋgal ma ata mba venjeh
30Yesu a zlap zeney, a ŋgaya: «Heje naslaŋgalakwaw Lazam bay mala Gazlavay ca, a vemey? Askwaw ca, heje naghwalza a laslaŋgal ma vekey? 31Bay mala Gazlavay ca, a nja ana mba venjeh. Mbəy pa ma pəzekw aha ŋseŋ maa əy kazlakata ŋ manhayak ege tewtew. 32Cemey, mada əy kázlakza ca, a davaha, a gal pa ma day aha ŋseŋ urey ege tewtew. A ba zləram madakal dakal ege ha vəgem ege ma ata uzlaf, əy ba ujek tata ege ŋ seŋseŋ anta.»
33Yesu a ghwelzetene zlap mala Gazlavay ŋ hejəye, ta ŋ laslaŋgal ma ege vəram ma da ebe ŋghe ca, tete maa əy kanala kula aza ŋ zləme. 34Ata pes ata pes, a zlepetene ca, səy a laslaŋgal ma. Cemey, maa tata gagaha a madarlaŋw anta ege ca, a ghwelzetene ma anta ege tewtew.
Yesu a garza bargadaŋ aka
35A pes wese, mala mackwahw anta, Yesu a zlepetene ŋ madarlaŋw anta ege, a ŋgaya: «Kazakwaw ŋ zlaŋ ŋtakwaw kəɗe aha bəza ŋtele wende.» 36A təwse ca, əy geɓzata vəram hejəye aka. Aya, madarlaŋw anta ege wese, əy tev ŋ kwambawal maa Yesu mbəy ŋma, aya, əy zlaŋ tata. Kwambawal ege vedəye a həzlar aka. 37Kəɗe ca, bargadaŋ ma dakal pay, a həɓalza ŋtele, ha yam a paslawza ghef ŋ kwambawal. 38Cemey, Yesu mbəy a dəwze kwambawal, a kawan, káca ha ka ata səkan ma ata ca ha. A təwse ca, madarlaŋw anta ege wese, əy fəɗahza, əy zlepene, əy ŋgaya: «Masasərak, heje kakuɗap ŋghe ca, hwa kedeŋza, askwaw vaw?»
39Aya, Yesu a fəɗahha, a bebecza bargadaŋ, a zlepene ŋ yam, a ŋgaya: «Nja ka ɗekɗek!» A təwse a təwse, tatəɗam ɗekɗek a nja ka, səkan wende a kahəɓal zeney, askwaw. 40A dəwze anta ca, a zlepetene ŋ madarlaŋw anta ege wese, a ŋgaya: «Hune lalak ca, mavəday vemey? Ha na ŋgha ca, lalam ŋ hune, askwaw vaw?»
41A təwse ca, əy kálalak tata mambaza, əy zlap ŋ taba tata, əy ŋgaya: «Heje maa kaw ata bargadaŋ ey ŋtele əy ketehzene zlam ŋgha ca, ara vayay?»
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2025 CABTAL