Markus 10
10
Yesu a sasərakzata hejəye ata leɓez kusam
1Yesu a gwarzam anta a təwse, a nda, ŋ hayak Yahudəya kəɗa aha bəza zlazlar Urdun. A zeney, hejəye vəram əy ɓecha ara mbe. Aya, a sasərakzata, ana ma mpat a mpat anta.
2A təwse ca, Farəysa ege əy ndaha ara mbe, əy ɗaw ŋ slanza, əy zlepene, əy ŋgaya: «Ma maŋkanaŋkan ŋtakwaw, a kepelzene taf ŋ mawal, ŋ gam wala anta aza vaw?» 3Aya, a zenetene, a ŋgaya: «Ma maŋkanaŋkan maa Musa a ŋterahune ca, vekey?» 4Farəysa ege wese əy zenene, əy ŋgaya: «Musa a ŋgaya, mada ɗala a kaɗaw ŋ gam wala anta aza ca, meŋterene ɗerewel ma ata gamza asa ra.» 5Yesu a zlepetene, a ŋgaya: «Musa a ŋterahune ma maŋkanaŋkan ŋghe ca, mavəday unaf ŋkune ege ɓarɓar. 6Cemey, mar aka ata lamar maa Gazlavay a bata səkan ege aza tewtew ca, “a bata ata mawal ey wala.” 7“Mavəday anta, mawal a nayakzata ata cen ey maman aka, əy najav a wala anta. 8Tata gbak tata, əy nala tata ana ɗala teŋguleŋ.” Ana ebe ŋghe, tata hejəye gbak zeney səkwaw, cemey, əy nala tata ŋ ɗala teŋguleŋ. 9Cemey, ɗala a ɗaw ŋ ɓez səkan maa Gazlavay a jav ka səkwaw.» 10Maa ata Yesu ey madarlaŋw anta ege, əy zen tata a wata ca, əy dawza ata ma ŋgha anta zeney. 11Yesu a zenetene, a ŋgaya: «Kaw vayay, ma gam wala anta aza, a dəwze anta a ŋta wala matakan ca, heje anta a ŋta kusam a bəza aha wala anta ma mpar wese. 12Ana mbe yam, mada wala, káyakza mawal anta ka, a nda asa ɗala matakan ca, a ŋta kusam a bəza.»
Yesu a cetene bəzla ata uzəye
13Hejəye əy data uzəye tata ege ara Yesu, ndar a ca ra anta ata tata, cemey, madarlaŋw anta ege, əy gulakzata hejəye anta ege. 14Aya, maa Yesu a gəre səkan maa madarlaŋw anta ege, əy la wese ca, kághwaɗ anta. A təwse ca, a zlepetene, a ŋgaya: «Hune yakzata uzəye, əy mandaha ara sa, hune takata ka səkwaw, mavəday, Lazam bay mala Gazlavay ca, mala hejəye ma nja ana tata ege. 15Sa kazlapahune, njenjəwen, ɗala maa kálamza Lazam bay mala Gazlavay ana mbaw, askwaw ca, a kanala kula ŋ dam ŋma səkwaw.» 16A dəwze anta ca, Yesu a ŋtata uzəye wese ege asa ra, a cetene ra anta ata ha tata ege, a bəzletene.
Ata Yesu ey ɗala maŋcaɗaŋcaɗ
17Maa Yesu a kanda anta ca, heje wende aka, a hehey, a gəleɓ aka, a tama, aya, a ɗawza, a ŋgaya: «Masasərak naka ma taŋtaŋ, səkan maa sa kanalaw, ŋ lem lanja ma katuwaɗ səkwaw ca, vemey?» 18A təwse ca, Yesu a zenene, a ŋgaya: «Hwa yekey a ɗala ma taŋtaŋ ca, ŋ vay? Ɗala ma taŋtaŋ ca, askwaw, səy Gazlavay teŋguleŋ anta. 19Hwa kasan ma maŋkanaŋkan ege vaw, sa ya? “Hwa ɗaw ŋ ja ɗala səkwaw, hwa ɗaw ŋ ŋta kusam a bəza səkwaw, hwa ɗaw ŋ ŋhel səkwaw, hwa ɗaw ŋ zla metəwle ata ɗala səkwaw, hwa ɗaw ŋ lene dadawar ŋ kaw vayay səkwaw, wenzetene ha aka ŋ ata cehw ey macahw.”»
20A təwse ca, heje wese a zlepene, a ŋgaya: «Masasərak naka, mara aka maa sa mbaw, sa kewenzetene ha aka ŋ ma maŋkanaŋkan anta ege tewtew.» 21Yesu káɗaw heje anta aza, a sarza, a təwse ca, a zlepene, a ŋgaya: «Kémenahwaw səkan teŋguleŋ ŋ law. Nda, səkamata səkan ŋkwa ege aza tewtew, ɓezetene səlay anta ŋ metetekw ege. Ana ebe ŋghe, hwa nelem səkan ma asa ra ma ŋ mgba ata uzlaf. Aya, ndaha, səberekey.» 22Cemey, maa heje wese a zləme ma ŋghe anta ege ca, kághwaɗ anta, kánda anta, mavəday səkan asa ra anta aka dakala mambaza.
23A təwse ca, Yesu a sar la, a zlepetene ŋ madarlaŋw anta ege, a ŋgaya: «A neletene ɓarɓar ŋ hejəye maŋcaɗaŋcaɗ ege, ŋ dam ŋ Lazam bay mala Gazlavay!» 24Madarlaŋw anta ege wese əy ŋga ŋkwaɓ dakala ata ma ŋgha. Cemey, Yesu a zlepetene zeney, a ŋgaya: «Uzəye naka ege, ladam ŋ Lazam bay mala Gazlavay ca, ɓarɓar. 25Ŋgaluba ca, kula ŋ dam ta ŋ uley batal vaw? Ana ebe ŋghe, a nelene pa ŋ ɓarɓar ŋ ɗala maŋcaɗaŋcaɗ ŋ dam ŋ Lazam bay mala Gazlavay.» 26Madarlaŋw anta ege wese əy vas ŋ ŋga ŋkwaɓ mambaza, əy zlap ŋ taba tata, əy ŋgaya: «Ana ebe ŋghe ca, ma kanala kula ŋ reh vayay?» 27Aya, Yesu a sarzata, a zlepetene, a ŋgaya: «Ara heje dakənak ca, la takwam. Cemey, ara Gazlavay ca, a la anta, mavəday, Gazlavay ca, kula ŋ lata səkan ege aza tewtew.»
28Aya, Pəyer a zlepene ŋ Yesu, a ŋgaya: «Ayaw, ŋcene ca, nene káyakata səkan ŋcəne ka tewtew, ŋ səbarahwaw.» 29Yesu a zenene, a ŋgaya: «Njenjəwen, sa kazlapahune, kaw vayay ma yakza ujek anta aka, zlaŋgan mawal ege aka, zlaŋgan heldəməye aka, cen aka, maman aka, uzəye anta ege ey la anta ege aka mavəday sa leŋ Ma Mewe ma Taŋtaŋ ca, 30heje anta a nelem səkan anta ege gas temere ŋ lanja anta ma na ŋgha. Heje anta a nelem ujek ege, zlaŋgan mawal ege, zlaŋgan heldəməye, maman ege, uzəye vəram ey la ege vəram, aya, a nelem ŋgwesem a səka yam. Cemey, ata vah ma kanandaha ca, a nelem lanja ma katuwaɗ səkwaw. 31Hejəye vəram ŋ taba ma mpar ege, əy nezen tata a dəwze. Hejəye vəram ŋ taba ma a dəwze ege, əy nanda a tama.»
Yesu a ghwalza lamac anta ey lagwarzamha aza ata lamac anta, mamahkaɗ anta
32Ata Yesu ey hejəye ma kasəbar ege, əy ketev kəɗa mgba ŋ Urusaləyma. Yesu a kanda a tama tata, madarlaŋw anta ege əy káŋga ŋkwaɓ. Hejəye ma kasəbarata ege wese yam, əy kalalak. Aya, Yesu a yahata malaɓ anta ege wam aha gbak, ata zlaŋgal zeney, a ghwelzetene səkan ma kenendewzene, 33a ŋgaya: «Ŋghe, heje ketevakwaw kəɗa mgba ŋ Urusaləyma. Əy nasəkam Mba Ɗala aza asa ra madakal dakal mala kwakwas ege ey madakal dakal maghwal ma maŋkanaŋkan ege. Tata yam, əy nejene guma ma ata ja aza. A dəwze anta ca, əy navalza aza asa ra hejəye maa tata Yahudu ege səkwaw. 34Hejəye anta ege, əy naɓas a heɗe, əy neŋtefene mejəkəne ata kusam, əy naŋtawaw, əy naja aza. Cemey, ata wan mamahkaɗ anta ca, a nagwarzamha aza ata lamac.»
Ata Yakubu ey Yuhana əy ɗawza Yesu
35A dəwze anta ca, ata Yakuba ey Yuhana, uzəye Zebede ege, əy ndaha ara Yesu, əy zlepene, əy ŋgaya: «Masasərak ŋcene, nene kaɗaw hwa leney səkan maa nene kanaɗawzahwaw.» 36Yesu a zlepetene, a ŋgaya: «Səkan maa hune kaɗaw sa lahune ca, vemey?» 37Əy zenene, əy ŋgaya: «A pes maa hwa kanazam bay ŋ ɓardakw ŋkwa ca, nene ɗaw hwa njaza ɗala ŋcene wende ka ata ra zam ŋkwa, wende ata ra gula ŋkwa.» 38A təwse ca, Yesu a zlepetene, a ŋgaya: «Hune kasan səkan maa hune kaɗawza səkwaw. Hune laza kula ŋ sa gef ana maa sa kanasaw, vaw? Askwaw ca, hune laza kula ŋ sew gef mambaza ana maa sa kenesew, vaw?» 39Əy zenene, əy ŋgaya: «Ayaw, nene kula aza.» Yesu, a zlepetene, a ŋgaya: «Njenjəwen, hune nasa gef ana maa sa kanasaw, hune naban aza a yam baptəysma ana sa kanabanaw. 40Cemey, ŋ may ɗala ma kananja ata ra zam naka, askwaw ca, ata ra gula naka ca, ara sa səkwaw. Ara Gazlavay a ha anta ma slata la anta ege aka, ŋ hejəye maa a mayata ege.»
41Aya, maa madarlaŋw vedəye ma wam ege, əy zləme ana ebe ŋghe ca, əy ghwaɗ tata ata ata Yakuba ey Yuhana. 42A təwse ca, Yesu a yahata tewtew tata ara mbe, a zlepetene, a ŋgaya: «Hune kasan ca, hejəye maa heje kasarzata, tata bay ege ŋ manhayak ŋghe ca, əy kazam bay ata hejəye a ɓarɓar. Aya, hejəye madakal dakal ege yam, əy kaghwalza ɓarɓar mala madakal tata ata hejəye. 43Cemey, ŋ taba ŋkune ca, a ɗaw ŋ la andəwse səkwaw. Karba, mada ɗala a kaɗaw ŋ la a madakal ca, səy mala anta ŋ mala zlan ŋkune. 44A zeney, mada ɗala ŋkune, a kaɗaw ŋ nja a tama ca, səy mala anta ŋ mava mala hejəye tewtew. 45Cemey, Mba Ɗala a ndaha ca, ndar hejəye əy lene zlan səkwaw. A ndaha ca, ŋ letene zlan ŋ hejəye, ŋ valza ha anta ka ŋ mac, ŋ rehzata hejəye aza vəram.»
Yesu a zlerzene nje Bartəyme, ulaf
46Ata Yesu ey madarlaŋw anta ege, əy nda ŋ Yerəykaw. Maa Yesu a kadamaha aza ŋ uzam wese ey madarlaŋw anta ege zlaɓa hejəye vəram ca, heje wende aka, zlam anta Bartəyme, mba Təyme, ara ulaf, kénjeye a ma taf, a karak. 47Maa a zləme, Yesu ɗala Nasaratu a kandaha ta ŋ taf anta ca, a ja ula, a ŋgaya: «Yesu Mba Dawuda, mbahw, senzekey hahar.» 48A təwse ca, hejəye vəram, əy gulakza, əy tak aka, əy zlepene manja ka tete. Cemey, ulaf wese a kavas ŋ ja ula a mazlazlay, a ŋgaya: «Yesu Mba Dawuda, mbahw, senzekey hahar.» 49A təwse ca, Yesu a gara aka, a zlap, a ŋgaya: «Hune yaɓa.» Aya, əy yaza ulaf wese, əy zlepene, əy ŋgaya: «Mbal unaf ŋkwa ka, gwarzam, a kayahwaw.» 50Aya, ulaf wese, a nahza gawdawre ma ata kusam anta aza, perce a gwarzam, a nda ara Yesu. 51A təwse ca, Yesu a ɗawza, a ŋgaya: «Səkan maa hwa kaɗaw sa lahwaw ca, vemey?» Ulaf wese a zenene, a ŋgaya: «Masasərak naka, zlerzekey nje naka aza, ŋ gəre la zeney.» 52Aya, Yesu a zlepene, a ŋgaya: «Nda! Lalam ŋkwa kérehzahwaw aza.» A təwse a təwse, nje ulaf wese bədaŋ, a zlar anta ana ma ŋcəne anta, aya, a səbar Yesu.
ទើបបានជ្រើសរើសហើយ៖
Markus 10: BHS
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2025 CABTAL
Markus 10
10
Yesu a sasərakzata hejəye ata leɓez kusam
1Yesu a gwarzam anta a təwse, a nda, ŋ hayak Yahudəya kəɗa aha bəza zlazlar Urdun. A zeney, hejəye vəram əy ɓecha ara mbe. Aya, a sasərakzata, ana ma mpat a mpat anta.
2A təwse ca, Farəysa ege əy ndaha ara mbe, əy ɗaw ŋ slanza, əy zlepene, əy ŋgaya: «Ma maŋkanaŋkan ŋtakwaw, a kepelzene taf ŋ mawal, ŋ gam wala anta aza vaw?» 3Aya, a zenetene, a ŋgaya: «Ma maŋkanaŋkan maa Musa a ŋterahune ca, vekey?» 4Farəysa ege wese əy zenene, əy ŋgaya: «Musa a ŋgaya, mada ɗala a kaɗaw ŋ gam wala anta aza ca, meŋterene ɗerewel ma ata gamza asa ra.» 5Yesu a zlepetene, a ŋgaya: «Musa a ŋterahune ma maŋkanaŋkan ŋghe ca, mavəday unaf ŋkune ege ɓarɓar. 6Cemey, mar aka ata lamar maa Gazlavay a bata səkan ege aza tewtew ca, “a bata ata mawal ey wala.” 7“Mavəday anta, mawal a nayakzata ata cen ey maman aka, əy najav a wala anta. 8Tata gbak tata, əy nala tata ana ɗala teŋguleŋ.” Ana ebe ŋghe, tata hejəye gbak zeney səkwaw, cemey, əy nala tata ŋ ɗala teŋguleŋ. 9Cemey, ɗala a ɗaw ŋ ɓez səkan maa Gazlavay a jav ka səkwaw.» 10Maa ata Yesu ey madarlaŋw anta ege, əy zen tata a wata ca, əy dawza ata ma ŋgha anta zeney. 11Yesu a zenetene, a ŋgaya: «Kaw vayay, ma gam wala anta aza, a dəwze anta a ŋta wala matakan ca, heje anta a ŋta kusam a bəza aha wala anta ma mpar wese. 12Ana mbe yam, mada wala, káyakza mawal anta ka, a nda asa ɗala matakan ca, a ŋta kusam a bəza.»
Yesu a cetene bəzla ata uzəye
13Hejəye əy data uzəye tata ege ara Yesu, ndar a ca ra anta ata tata, cemey, madarlaŋw anta ege, əy gulakzata hejəye anta ege. 14Aya, maa Yesu a gəre səkan maa madarlaŋw anta ege, əy la wese ca, kághwaɗ anta. A təwse ca, a zlepetene, a ŋgaya: «Hune yakzata uzəye, əy mandaha ara sa, hune takata ka səkwaw, mavəday, Lazam bay mala Gazlavay ca, mala hejəye ma nja ana tata ege. 15Sa kazlapahune, njenjəwen, ɗala maa kálamza Lazam bay mala Gazlavay ana mbaw, askwaw ca, a kanala kula ŋ dam ŋma səkwaw.» 16A dəwze anta ca, Yesu a ŋtata uzəye wese ege asa ra, a cetene ra anta ata ha tata ege, a bəzletene.
Ata Yesu ey ɗala maŋcaɗaŋcaɗ
17Maa Yesu a kanda anta ca, heje wende aka, a hehey, a gəleɓ aka, a tama, aya, a ɗawza, a ŋgaya: «Masasərak naka ma taŋtaŋ, səkan maa sa kanalaw, ŋ lem lanja ma katuwaɗ səkwaw ca, vemey?» 18A təwse ca, Yesu a zenene, a ŋgaya: «Hwa yekey a ɗala ma taŋtaŋ ca, ŋ vay? Ɗala ma taŋtaŋ ca, askwaw, səy Gazlavay teŋguleŋ anta. 19Hwa kasan ma maŋkanaŋkan ege vaw, sa ya? “Hwa ɗaw ŋ ja ɗala səkwaw, hwa ɗaw ŋ ŋta kusam a bəza səkwaw, hwa ɗaw ŋ ŋhel səkwaw, hwa ɗaw ŋ zla metəwle ata ɗala səkwaw, hwa ɗaw ŋ lene dadawar ŋ kaw vayay səkwaw, wenzetene ha aka ŋ ata cehw ey macahw.”»
20A təwse ca, heje wese a zlepene, a ŋgaya: «Masasərak naka, mara aka maa sa mbaw, sa kewenzetene ha aka ŋ ma maŋkanaŋkan anta ege tewtew.» 21Yesu káɗaw heje anta aza, a sarza, a təwse ca, a zlepene, a ŋgaya: «Kémenahwaw səkan teŋguleŋ ŋ law. Nda, səkamata səkan ŋkwa ege aza tewtew, ɓezetene səlay anta ŋ metetekw ege. Ana ebe ŋghe, hwa nelem səkan ma asa ra ma ŋ mgba ata uzlaf. Aya, ndaha, səberekey.» 22Cemey, maa heje wese a zləme ma ŋghe anta ege ca, kághwaɗ anta, kánda anta, mavəday səkan asa ra anta aka dakala mambaza.
23A təwse ca, Yesu a sar la, a zlepetene ŋ madarlaŋw anta ege, a ŋgaya: «A neletene ɓarɓar ŋ hejəye maŋcaɗaŋcaɗ ege, ŋ dam ŋ Lazam bay mala Gazlavay!» 24Madarlaŋw anta ege wese əy ŋga ŋkwaɓ dakala ata ma ŋgha. Cemey, Yesu a zlepetene zeney, a ŋgaya: «Uzəye naka ege, ladam ŋ Lazam bay mala Gazlavay ca, ɓarɓar. 25Ŋgaluba ca, kula ŋ dam ta ŋ uley batal vaw? Ana ebe ŋghe, a nelene pa ŋ ɓarɓar ŋ ɗala maŋcaɗaŋcaɗ ŋ dam ŋ Lazam bay mala Gazlavay.» 26Madarlaŋw anta ege wese əy vas ŋ ŋga ŋkwaɓ mambaza, əy zlap ŋ taba tata, əy ŋgaya: «Ana ebe ŋghe ca, ma kanala kula ŋ reh vayay?» 27Aya, Yesu a sarzata, a zlepetene, a ŋgaya: «Ara heje dakənak ca, la takwam. Cemey, ara Gazlavay ca, a la anta, mavəday, Gazlavay ca, kula ŋ lata səkan ege aza tewtew.»
28Aya, Pəyer a zlepene ŋ Yesu, a ŋgaya: «Ayaw, ŋcene ca, nene káyakata səkan ŋcəne ka tewtew, ŋ səbarahwaw.» 29Yesu a zenene, a ŋgaya: «Njenjəwen, sa kazlapahune, kaw vayay ma yakza ujek anta aka, zlaŋgan mawal ege aka, zlaŋgan heldəməye aka, cen aka, maman aka, uzəye anta ege ey la anta ege aka mavəday sa leŋ Ma Mewe ma Taŋtaŋ ca, 30heje anta a nelem səkan anta ege gas temere ŋ lanja anta ma na ŋgha. Heje anta a nelem ujek ege, zlaŋgan mawal ege, zlaŋgan heldəməye, maman ege, uzəye vəram ey la ege vəram, aya, a nelem ŋgwesem a səka yam. Cemey, ata vah ma kanandaha ca, a nelem lanja ma katuwaɗ səkwaw. 31Hejəye vəram ŋ taba ma mpar ege, əy nezen tata a dəwze. Hejəye vəram ŋ taba ma a dəwze ege, əy nanda a tama.»
Yesu a ghwalza lamac anta ey lagwarzamha aza ata lamac anta, mamahkaɗ anta
32Ata Yesu ey hejəye ma kasəbar ege, əy ketev kəɗa mgba ŋ Urusaləyma. Yesu a kanda a tama tata, madarlaŋw anta ege əy káŋga ŋkwaɓ. Hejəye ma kasəbarata ege wese yam, əy kalalak. Aya, Yesu a yahata malaɓ anta ege wam aha gbak, ata zlaŋgal zeney, a ghwelzetene səkan ma kenendewzene, 33a ŋgaya: «Ŋghe, heje ketevakwaw kəɗa mgba ŋ Urusaləyma. Əy nasəkam Mba Ɗala aza asa ra madakal dakal mala kwakwas ege ey madakal dakal maghwal ma maŋkanaŋkan ege. Tata yam, əy nejene guma ma ata ja aza. A dəwze anta ca, əy navalza aza asa ra hejəye maa tata Yahudu ege səkwaw. 34Hejəye anta ege, əy naɓas a heɗe, əy neŋtefene mejəkəne ata kusam, əy naŋtawaw, əy naja aza. Cemey, ata wan mamahkaɗ anta ca, a nagwarzamha aza ata lamac.»
Ata Yakubu ey Yuhana əy ɗawza Yesu
35A dəwze anta ca, ata Yakuba ey Yuhana, uzəye Zebede ege, əy ndaha ara Yesu, əy zlepene, əy ŋgaya: «Masasərak ŋcene, nene kaɗaw hwa leney səkan maa nene kanaɗawzahwaw.» 36Yesu a zlepetene, a ŋgaya: «Səkan maa hune kaɗaw sa lahune ca, vemey?» 37Əy zenene, əy ŋgaya: «A pes maa hwa kanazam bay ŋ ɓardakw ŋkwa ca, nene ɗaw hwa njaza ɗala ŋcene wende ka ata ra zam ŋkwa, wende ata ra gula ŋkwa.» 38A təwse ca, Yesu a zlepetene, a ŋgaya: «Hune kasan səkan maa hune kaɗawza səkwaw. Hune laza kula ŋ sa gef ana maa sa kanasaw, vaw? Askwaw ca, hune laza kula ŋ sew gef mambaza ana maa sa kenesew, vaw?» 39Əy zenene, əy ŋgaya: «Ayaw, nene kula aza.» Yesu, a zlepetene, a ŋgaya: «Njenjəwen, hune nasa gef ana maa sa kanasaw, hune naban aza a yam baptəysma ana sa kanabanaw. 40Cemey, ŋ may ɗala ma kananja ata ra zam naka, askwaw ca, ata ra gula naka ca, ara sa səkwaw. Ara Gazlavay a ha anta ma slata la anta ege aka, ŋ hejəye maa a mayata ege.»
41Aya, maa madarlaŋw vedəye ma wam ege, əy zləme ana ebe ŋghe ca, əy ghwaɗ tata ata ata Yakuba ey Yuhana. 42A təwse ca, Yesu a yahata tewtew tata ara mbe, a zlepetene, a ŋgaya: «Hune kasan ca, hejəye maa heje kasarzata, tata bay ege ŋ manhayak ŋghe ca, əy kazam bay ata hejəye a ɓarɓar. Aya, hejəye madakal dakal ege yam, əy kaghwalza ɓarɓar mala madakal tata ata hejəye. 43Cemey, ŋ taba ŋkune ca, a ɗaw ŋ la andəwse səkwaw. Karba, mada ɗala a kaɗaw ŋ la a madakal ca, səy mala anta ŋ mala zlan ŋkune. 44A zeney, mada ɗala ŋkune, a kaɗaw ŋ nja a tama ca, səy mala anta ŋ mava mala hejəye tewtew. 45Cemey, Mba Ɗala a ndaha ca, ndar hejəye əy lene zlan səkwaw. A ndaha ca, ŋ letene zlan ŋ hejəye, ŋ valza ha anta ka ŋ mac, ŋ rehzata hejəye aza vəram.»
Yesu a zlerzene nje Bartəyme, ulaf
46Ata Yesu ey madarlaŋw anta ege, əy nda ŋ Yerəykaw. Maa Yesu a kadamaha aza ŋ uzam wese ey madarlaŋw anta ege zlaɓa hejəye vəram ca, heje wende aka, zlam anta Bartəyme, mba Təyme, ara ulaf, kénjeye a ma taf, a karak. 47Maa a zləme, Yesu ɗala Nasaratu a kandaha ta ŋ taf anta ca, a ja ula, a ŋgaya: «Yesu Mba Dawuda, mbahw, senzekey hahar.» 48A təwse ca, hejəye vəram, əy gulakza, əy tak aka, əy zlepene manja ka tete. Cemey, ulaf wese a kavas ŋ ja ula a mazlazlay, a ŋgaya: «Yesu Mba Dawuda, mbahw, senzekey hahar.» 49A təwse ca, Yesu a gara aka, a zlap, a ŋgaya: «Hune yaɓa.» Aya, əy yaza ulaf wese, əy zlepene, əy ŋgaya: «Mbal unaf ŋkwa ka, gwarzam, a kayahwaw.» 50Aya, ulaf wese, a nahza gawdawre ma ata kusam anta aza, perce a gwarzam, a nda ara Yesu. 51A təwse ca, Yesu a ɗawza, a ŋgaya: «Səkan maa hwa kaɗaw sa lahwaw ca, vemey?» Ulaf wese a zenene, a ŋgaya: «Masasərak naka, zlerzekey nje naka aza, ŋ gəre la zeney.» 52Aya, Yesu a zlepene, a ŋgaya: «Nda! Lalam ŋkwa kérehzahwaw aza.» A təwse a təwse, nje ulaf wese bədaŋ, a zlar anta ana ma ŋcəne anta, aya, a səbar Yesu.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2025 CABTAL