Mata 24
24
Yesu a kaghwalza lapəlah ujek kwakwas aza
1Yesu a damaha aza a ujek kwakwas, aya, ma a kanda anta ca, madarlaŋw anta ege, əy ndaha ara mbe, əy ghwelzene ujek kwakwas maa kélemeye tuwah. 2A təwse ca, Yesu a ŋta zlap, a ŋgaya: «Hune kegəre səkan ŋghe tewtew vaw? Njenjəwen, sa kazlapahune, kaw ŋkəɗaŋ teŋguleŋ a kenemenha ata ŋkəɗaŋ wende askwaw, əy naghwaram tata tewtew tata.»
Səkan ma kanaghwalza laŋtakw manhayak
3Aya, Yesu kénjeye ŋ barla Jaytun, madarlaŋw anta ege, əy ndaha ara mbe, tata gagaha, aya, əy ɗawza, əy ŋgaya: «Zlepeney may, səkan anta a nalaha ca, vepey? Nene nasan vah ŋkwa ma hwa kanandaha ey laŋtakw manhayak ca, ata vemey?» 4Yesu a zlepetene, a ŋgaya: «Hune sla ka! Hejəye əy ɗaw ŋ baɗzahune, səkwaw. 5Cemey, hejəye vəram əy nandaha a zlam naka, aya, kaw vayay, a nazlap ca: “Mbe ca, ara Almasəyhu!” Əy nabaɗzata hejəye vəram. 6Hune nezləme zlap ata laɗa gham ege ma mbermber ey ma gədak gədak ege. Hune sla aka, hune ɗaw ŋ lalak səkwaw, mavəday səy səkan ŋghe anta ege, əy mala tata. Cemey, ara laŋtakw manhayak kwagwa səkwaw. 7Hejəye ma ŋ hayak wende ege, əy naɗa gham a hejəye ma ŋ hayak wende ege. Bay wende a naɗa gham a bay wende. Metes ma dakal a nalaha leŋ hayak a nahəɓal ata la ege vedəye vedəye. 8Cemey, səkan ŋghe ege tewtew əy nala ca, ana ledew lambal ma mala wala ma kaɗaw ŋ mbaw.»
9«Aya, hejəye, əy navalzahune aka ŋ sa gef dakala, əy najahune aza. Hejəye ma ŋ manhayak ege tewtew, əy kanaɗawahune, səkwaw, mavəday sa. 10Ata vah anta ca, hejəye vəram ma lemzekey aza ege, əy neyekzekey aka, əy navalza ha tata ege, ŋ taba tata, əy kenececefza ha tata ege, askwaw. 11Uzəye ma zlap ma metəwle ege vəram əy nandaha, əy nabaɗzata hejəye vəram. 12Dadawar a navas ŋ la mambaza. Mavəday anta, laɗaw kusam mala hejəye vəram, a nesef anta. 13Cemey, ɗala ma sew gef aza hwas ata laŋtakw ca, a nereh. 14Əy naghwalza Ma Mewe ma Taŋtaŋ mala Lazam bay mala Gazlavay aza ŋ manhayak tewtew, ndar hejəye tewtew ma kasan Gazlavay səkwaw ege, əy zləme ma anta aza. Aya, a təwse ca, laŋtakw manhayak a nandaha.»
Hejəye əy nasa gef dakala
15Yesu a zlepetene a madarlaŋw anta ege, a ŋgaya: «Hune negəre Ɗala Dadawar maa Danəyel, mba ma zlap ma mala Gazlavay a zlap a heɗe, kégereye ata la ma keweɗ. Ɗala ma jəŋge ma ŋgha anta ca, səy mezləme ka kadak kadak! 16A təwse ca, səy hejəye ma ŋ hayak Yahudəya ege, əy mehey tata kəɗa ŋ barla ege. 17Ɗala ma mgba ata ha dəres ujek ca, a ɗaw ŋ tadakwha aza ŋ ŋta səkan anta ege ma a ujek səkwaw. 18Ɗala ma ŋ la yam, a ɗaw ŋ zenha aza a wata ŋ ŋta rəgwac anta səkwaw. 19A pes wese ca, gef ata weləye ma a dəmas ege leŋ weləye ma kesetene wa ŋ uzəye. 20Hune rak Gazlavay, ndar hune ɗaw ŋ hey ata ŋtəra tatəɗam ma dakal, səkwaw, askwaw ca, a pes ma ata zazak, səkwaw! 21Cemey, ata vah anta ca, hejəye nasa gef dakala, mar aka ata laba manhayak ha ma na ŋgha, kaw ɗala kása gef ana mbe askwaw. A zeney, kaw gef a kanalaha ma da ebe ŋghe askwaw, kaw vepey. 22Keɗe, mada Gazlavay kézlezene pes anta ege aza askwaw ca, kaw ɗala ma kenereh askwaw. Cemey, a zlezene wan anta ege aza ca, mavəday hejəye maa a mayata ege. 23Cemey, mada ɗala a zlapahune, a ŋgaya: “Almasəyhu mbəy cakwa ete ŋghe,” askwaw ca, “Mbəy caw, a ŋge ŋghe ca,” hune ɗaw ŋ lamza səkwaw. 24Mavəday, hejəye ma kazlap, əy ŋgaya, tata Almasəyhu ege, askwaw ca, tata uzəye ma zlap ma mala Gazlavay ege, əy nandaha, əy nala zaɓəla ege vəram ŋ baɗzata hejəye maa Gazlavay a mayata aza ege. 25Hune zləme aka kadak kadak! Sa kazlapahune aza mpar.»
26«Ana ebe ŋghe, mada əy zlapahune, əy ŋgaya: “Hune nda ŋ saraza Almasəyhu, mbəy a damaw ca,” hune ɗaw ŋ nda səkwaw. Askwaw ca, “Kéɓeheye ete ŋghe ca,” hune ɗaw ŋ lamza səkwaw. 27Cemey, Mba Ɗala a nandaha ca, ana van ma kazam mgba ata uzlaf, mar aka ata ladamha pes ha hwas ata landav pes. 28Ata la maa səkan kámac aka ca, gwadarak ege əy neɓec a təwse.»
Mba Ɗala a nezenaha
29Yesu a zlepetene zeney, a ŋgaya: «A dəwze vah gef ŋghe ege wese ca, pes a najaɓ anta, ŋtəra a keneweɗ la askwaw, gamzla ma ata uzlaf ege əy nakwayaha aza. Ɓardakw ma mgba ata uzlaf ege əy nahəɓal. 30Aya, səkan ma kanaghwalza Mba Ɗala a naghwalha mgba ata uzlaf. A təwse ca, hejəye ma ŋ manhayak ege tewtew əy nahan. Əy negəre Mba Ɗala a kandaha ŋ mahwabakw ma ata uzlaf a ɓarɓar anta tewtew leŋ a ɓardakw anta tewtew. 31Tetene ma dakal a nambazha, aya, Mba Ɗala a nalaɓzata malaɓ anta ege ata kəva manhayak ege ŋfaɗ tata ŋ ɓecata hejəye maa a mayata ege, mar aka ata lamar manhayak ha hwas ata lamaɗ.»
Laslaŋgal ma ata səke
32Yesu a zlepetene zeney, a ŋgaya: «Hune zləme laslaŋgal ma ata səke ŋghe aka kadak kadak. Mada zləram ege əy kábaw tata, əy kája vejeɗ aza ca, hune kasan ca, la slaɓ ŋ nda a damaw. 33A nja ana mbe yam, mada hune kégəre səkan ege, əy kala ana ma sa zlapahune ŋghe ca, hune san ka, Mba Ɗala slaɓ ŋ ndaha. 34Njenjəwen sa kazlapahune, mar səkan ŋghe anta ege tewtew əy nala ca, hejəye ma na ŋgha ege, əy kanamac tata tewtew askwaw. 35La ma ata uzlaf ey hayak, əy natuwaɗ, cemey, zlap naka ege ca, əy kanatuwaɗ, askwaw kaw vepey.»
Gazlavay teŋguleŋ anta, mbəy ma kasan pes maa manhayak a kanaŋtakw
36Yesu a zlepetene, a ŋgaya: «Cemey, kaw ɗala a kasan pes anta, askwaw ca, la tete maa a kanandaha ca, askwaw. Kaw malaɓ Gazlavay ege ma mgba ata uzlaf, kaw Mba Ɗala yam, səy Vana teŋguleŋ anta ma kasanaw. 37Ata vah maa Mba Ɗala a kanandaha ca, səkan ege, əy nala ana səkan ege ma laha ata vah mala Nuhu. 38Cemey, ata vah wese ca, mar van ma dakal mambaza a naɗaha ca, hejəye əy kazam səkan, əy kasa səkan, əy kaca weləye, askwaw ca, əy kavalzata heldəməye tata ege asa mawal, ha hwas a pes maa Nuhu a dam anta ŋ kwambawal. 39A təwse ca, kaw hejəye, əy kásanɓa səkan wende a nendewzetene ca, askwaw, ha van ma dakal mambaza a ɗaha, a fətekzata aza tewtew tata. Vah ma Mba Ɗala a kanandaha ca, a nala ana mbe yam. 40Ata vah anta ca, hejəye gbak, əy nanda ŋ la, teŋguleŋ kéŋteye aza, wende kéyekeye. 41Weləye gbak, əy nesəken ata ŋvan ma teŋguleŋ, teŋguleŋ kéŋteye aza, wende kéyekeye. 42Ana ebe ŋghe, hune sla aka, hune ɗaw ŋ wan ŋkune səkwaw, mavəday hune kasan pes maa Bay Madakal ŋkune, a kanandaha, səkwaw. 43Hune zləme ma ŋgha aka kadak kadak. Mada təwjek a kasan vah maa ŋhel a kanandaha a wata anta a zaɗaw ca, heje anta a nanja ka a nje ŋ həbaraw, a kanayakza ka ŋ dam a wata anta, askwaw. 44Cemey, hune yam, hune sla ka kadak kadak, mavəday, Mba Ɗala a nandaha ca, ata vah maa hune kasan səkwaw.»
Mala zlan ma taŋtaŋ ey mala zlan dadawar
45Yesu a zlap zeney, a ŋgaya: «Mala zlan ma taŋtaŋ ma ŋkwaɓ ŋ ha ca, vayay? Ara ɗala ma təwjek anta a velene hejəye mala zlan ege vedəye aka asa ra anta, ŋ sar la ata tata leŋ ŋ veletene səkan ta zam mada la kála anta tete ŋ zam səkan. 46Mada təwjek anta a zenha a wata, a ndewzene ŋ heje anta, a kala zlan a heɗe a heɗe ca, mala zlan wese, a nelem zəhay. 47Sa kazlapahune njenjəwen, təwjek anta a nevelzene səkan anta ege ka tewtew asa ra anta. 48Cemey, mada mala zlan wese ara ɗala dadawar ca, a nedeŋza, a nazlap, a ŋgaya: “Təwjek naka a kenezenha na ŋgha askwaw,” 49aya, ka, a nja ka ŋ gazlata mala zlan ege ana mbe, a zam səkan, a sa səkan a hejəye ma kaŋhwaz ege. 50Aya, təwjek anta a nezenha a pes maa mala zlan anta kédeŋza, askwaw kasan la tete maa a kana zenha, askwaw. 51A nagam mala zlan wese aza, aya, a nesene gef ana maa Gazlavay a nesetene gef ŋ hejəye ma a ganana tata gbak gbak ege. Aya, a nanahaza aza ata la maa a kanahan leŋ maa a kanaɓam zləɗeŋ, a təwse.»
ទើបបានជ្រើសរើសហើយ៖
Mata 24: BHS
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2025 CABTAL
Mata 24
24
Yesu a kaghwalza lapəlah ujek kwakwas aza
1Yesu a damaha aza a ujek kwakwas, aya, ma a kanda anta ca, madarlaŋw anta ege, əy ndaha ara mbe, əy ghwelzene ujek kwakwas maa kélemeye tuwah. 2A təwse ca, Yesu a ŋta zlap, a ŋgaya: «Hune kegəre səkan ŋghe tewtew vaw? Njenjəwen, sa kazlapahune, kaw ŋkəɗaŋ teŋguleŋ a kenemenha ata ŋkəɗaŋ wende askwaw, əy naghwaram tata tewtew tata.»
Səkan ma kanaghwalza laŋtakw manhayak
3Aya, Yesu kénjeye ŋ barla Jaytun, madarlaŋw anta ege, əy ndaha ara mbe, tata gagaha, aya, əy ɗawza, əy ŋgaya: «Zlepeney may, səkan anta a nalaha ca, vepey? Nene nasan vah ŋkwa ma hwa kanandaha ey laŋtakw manhayak ca, ata vemey?» 4Yesu a zlepetene, a ŋgaya: «Hune sla ka! Hejəye əy ɗaw ŋ baɗzahune, səkwaw. 5Cemey, hejəye vəram əy nandaha a zlam naka, aya, kaw vayay, a nazlap ca: “Mbe ca, ara Almasəyhu!” Əy nabaɗzata hejəye vəram. 6Hune nezləme zlap ata laɗa gham ege ma mbermber ey ma gədak gədak ege. Hune sla aka, hune ɗaw ŋ lalak səkwaw, mavəday səy səkan ŋghe anta ege, əy mala tata. Cemey, ara laŋtakw manhayak kwagwa səkwaw. 7Hejəye ma ŋ hayak wende ege, əy naɗa gham a hejəye ma ŋ hayak wende ege. Bay wende a naɗa gham a bay wende. Metes ma dakal a nalaha leŋ hayak a nahəɓal ata la ege vedəye vedəye. 8Cemey, səkan ŋghe ege tewtew əy nala ca, ana ledew lambal ma mala wala ma kaɗaw ŋ mbaw.»
9«Aya, hejəye, əy navalzahune aka ŋ sa gef dakala, əy najahune aza. Hejəye ma ŋ manhayak ege tewtew, əy kanaɗawahune, səkwaw, mavəday sa. 10Ata vah anta ca, hejəye vəram ma lemzekey aza ege, əy neyekzekey aka, əy navalza ha tata ege, ŋ taba tata, əy kenececefza ha tata ege, askwaw. 11Uzəye ma zlap ma metəwle ege vəram əy nandaha, əy nabaɗzata hejəye vəram. 12Dadawar a navas ŋ la mambaza. Mavəday anta, laɗaw kusam mala hejəye vəram, a nesef anta. 13Cemey, ɗala ma sew gef aza hwas ata laŋtakw ca, a nereh. 14Əy naghwalza Ma Mewe ma Taŋtaŋ mala Lazam bay mala Gazlavay aza ŋ manhayak tewtew, ndar hejəye tewtew ma kasan Gazlavay səkwaw ege, əy zləme ma anta aza. Aya, a təwse ca, laŋtakw manhayak a nandaha.»
Hejəye əy nasa gef dakala
15Yesu a zlepetene a madarlaŋw anta ege, a ŋgaya: «Hune negəre Ɗala Dadawar maa Danəyel, mba ma zlap ma mala Gazlavay a zlap a heɗe, kégereye ata la ma keweɗ. Ɗala ma jəŋge ma ŋgha anta ca, səy mezləme ka kadak kadak! 16A təwse ca, səy hejəye ma ŋ hayak Yahudəya ege, əy mehey tata kəɗa ŋ barla ege. 17Ɗala ma mgba ata ha dəres ujek ca, a ɗaw ŋ tadakwha aza ŋ ŋta səkan anta ege ma a ujek səkwaw. 18Ɗala ma ŋ la yam, a ɗaw ŋ zenha aza a wata ŋ ŋta rəgwac anta səkwaw. 19A pes wese ca, gef ata weləye ma a dəmas ege leŋ weləye ma kesetene wa ŋ uzəye. 20Hune rak Gazlavay, ndar hune ɗaw ŋ hey ata ŋtəra tatəɗam ma dakal, səkwaw, askwaw ca, a pes ma ata zazak, səkwaw! 21Cemey, ata vah anta ca, hejəye nasa gef dakala, mar aka ata laba manhayak ha ma na ŋgha, kaw ɗala kása gef ana mbe askwaw. A zeney, kaw gef a kanalaha ma da ebe ŋghe askwaw, kaw vepey. 22Keɗe, mada Gazlavay kézlezene pes anta ege aza askwaw ca, kaw ɗala ma kenereh askwaw. Cemey, a zlezene wan anta ege aza ca, mavəday hejəye maa a mayata ege. 23Cemey, mada ɗala a zlapahune, a ŋgaya: “Almasəyhu mbəy cakwa ete ŋghe,” askwaw ca, “Mbəy caw, a ŋge ŋghe ca,” hune ɗaw ŋ lamza səkwaw. 24Mavəday, hejəye ma kazlap, əy ŋgaya, tata Almasəyhu ege, askwaw ca, tata uzəye ma zlap ma mala Gazlavay ege, əy nandaha, əy nala zaɓəla ege vəram ŋ baɗzata hejəye maa Gazlavay a mayata aza ege. 25Hune zləme aka kadak kadak! Sa kazlapahune aza mpar.»
26«Ana ebe ŋghe, mada əy zlapahune, əy ŋgaya: “Hune nda ŋ saraza Almasəyhu, mbəy a damaw ca,” hune ɗaw ŋ nda səkwaw. Askwaw ca, “Kéɓeheye ete ŋghe ca,” hune ɗaw ŋ lamza səkwaw. 27Cemey, Mba Ɗala a nandaha ca, ana van ma kazam mgba ata uzlaf, mar aka ata ladamha pes ha hwas ata landav pes. 28Ata la maa səkan kámac aka ca, gwadarak ege əy neɓec a təwse.»
Mba Ɗala a nezenaha
29Yesu a zlepetene zeney, a ŋgaya: «A dəwze vah gef ŋghe ege wese ca, pes a najaɓ anta, ŋtəra a keneweɗ la askwaw, gamzla ma ata uzlaf ege əy nakwayaha aza. Ɓardakw ma mgba ata uzlaf ege əy nahəɓal. 30Aya, səkan ma kanaghwalza Mba Ɗala a naghwalha mgba ata uzlaf. A təwse ca, hejəye ma ŋ manhayak ege tewtew əy nahan. Əy negəre Mba Ɗala a kandaha ŋ mahwabakw ma ata uzlaf a ɓarɓar anta tewtew leŋ a ɓardakw anta tewtew. 31Tetene ma dakal a nambazha, aya, Mba Ɗala a nalaɓzata malaɓ anta ege ata kəva manhayak ege ŋfaɗ tata ŋ ɓecata hejəye maa a mayata ege, mar aka ata lamar manhayak ha hwas ata lamaɗ.»
Laslaŋgal ma ata səke
32Yesu a zlepetene zeney, a ŋgaya: «Hune zləme laslaŋgal ma ata səke ŋghe aka kadak kadak. Mada zləram ege əy kábaw tata, əy kája vejeɗ aza ca, hune kasan ca, la slaɓ ŋ nda a damaw. 33A nja ana mbe yam, mada hune kégəre səkan ege, əy kala ana ma sa zlapahune ŋghe ca, hune san ka, Mba Ɗala slaɓ ŋ ndaha. 34Njenjəwen sa kazlapahune, mar səkan ŋghe anta ege tewtew əy nala ca, hejəye ma na ŋgha ege, əy kanamac tata tewtew askwaw. 35La ma ata uzlaf ey hayak, əy natuwaɗ, cemey, zlap naka ege ca, əy kanatuwaɗ, askwaw kaw vepey.»
Gazlavay teŋguleŋ anta, mbəy ma kasan pes maa manhayak a kanaŋtakw
36Yesu a zlepetene, a ŋgaya: «Cemey, kaw ɗala a kasan pes anta, askwaw ca, la tete maa a kanandaha ca, askwaw. Kaw malaɓ Gazlavay ege ma mgba ata uzlaf, kaw Mba Ɗala yam, səy Vana teŋguleŋ anta ma kasanaw. 37Ata vah maa Mba Ɗala a kanandaha ca, səkan ege, əy nala ana səkan ege ma laha ata vah mala Nuhu. 38Cemey, ata vah wese ca, mar van ma dakal mambaza a naɗaha ca, hejəye əy kazam səkan, əy kasa səkan, əy kaca weləye, askwaw ca, əy kavalzata heldəməye tata ege asa mawal, ha hwas a pes maa Nuhu a dam anta ŋ kwambawal. 39A təwse ca, kaw hejəye, əy kásanɓa səkan wende a nendewzetene ca, askwaw, ha van ma dakal mambaza a ɗaha, a fətekzata aza tewtew tata. Vah ma Mba Ɗala a kanandaha ca, a nala ana mbe yam. 40Ata vah anta ca, hejəye gbak, əy nanda ŋ la, teŋguleŋ kéŋteye aza, wende kéyekeye. 41Weləye gbak, əy nesəken ata ŋvan ma teŋguleŋ, teŋguleŋ kéŋteye aza, wende kéyekeye. 42Ana ebe ŋghe, hune sla aka, hune ɗaw ŋ wan ŋkune səkwaw, mavəday hune kasan pes maa Bay Madakal ŋkune, a kanandaha, səkwaw. 43Hune zləme ma ŋgha aka kadak kadak. Mada təwjek a kasan vah maa ŋhel a kanandaha a wata anta a zaɗaw ca, heje anta a nanja ka a nje ŋ həbaraw, a kanayakza ka ŋ dam a wata anta, askwaw. 44Cemey, hune yam, hune sla ka kadak kadak, mavəday, Mba Ɗala a nandaha ca, ata vah maa hune kasan səkwaw.»
Mala zlan ma taŋtaŋ ey mala zlan dadawar
45Yesu a zlap zeney, a ŋgaya: «Mala zlan ma taŋtaŋ ma ŋkwaɓ ŋ ha ca, vayay? Ara ɗala ma təwjek anta a velene hejəye mala zlan ege vedəye aka asa ra anta, ŋ sar la ata tata leŋ ŋ veletene səkan ta zam mada la kála anta tete ŋ zam səkan. 46Mada təwjek anta a zenha a wata, a ndewzene ŋ heje anta, a kala zlan a heɗe a heɗe ca, mala zlan wese, a nelem zəhay. 47Sa kazlapahune njenjəwen, təwjek anta a nevelzene səkan anta ege ka tewtew asa ra anta. 48Cemey, mada mala zlan wese ara ɗala dadawar ca, a nedeŋza, a nazlap, a ŋgaya: “Təwjek naka a kenezenha na ŋgha askwaw,” 49aya, ka, a nja ka ŋ gazlata mala zlan ege ana mbe, a zam səkan, a sa səkan a hejəye ma kaŋhwaz ege. 50Aya, təwjek anta a nezenha a pes maa mala zlan anta kédeŋza, askwaw kasan la tete maa a kana zenha, askwaw. 51A nagam mala zlan wese aza, aya, a nesene gef ana maa Gazlavay a nesetene gef ŋ hejəye ma a ganana tata gbak gbak ege. Aya, a nanahaza aza ata la maa a kanahan leŋ maa a kanaɓam zləɗeŋ, a təwse.»
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2025 CABTAL