Mata 19
19
Lasasərak Yesu ata lagam wala
1Maa Yesu a ŋtakwza lasasərak anta aza ca, a gwarzam anta ŋ hayak Galəyləy, a nda ŋ hayak Yahudəya, aha bəza lakwat Urdun. 2Hejəye vəram, əy səbaraw, a təwse ca, a rehzata hejəye ma kadawar ege aza. 3Farəysa ege vedəye, əy ndaha ara Yesu, əy ɗaw ŋ slanza, əy ɗawza, əy ŋgaya: «Kwakwas ŋtakwaw ca, a kepelzene taf ŋ ɗala ŋ gam wala anta aza ata ma kaw vekey vaw?» 4Yesu a zenetene, a ŋgaya: «Hune kéjəŋge ŋ leŋter ege, mar aka ata lamar ca, “Gazlavay a baha ata mawal ey wala” ca, askwaw vaw? 5Aya, a zlap, a ŋgaya: “Mavəday anta, mawal a nayakzata ata cen ey maman aka, ndar əy nja a wala anta, gbak tata, əy baw tata kusam teŋguleŋ.” 6Ana ebe ŋghe, əy gbak zeney səkwaw, cemey, ɗala teŋguleŋ. Ɗala a ɗaw ŋ ɓez səkan maa Gazlavay a jav ka səkwaw.» 7Farəysa ege, əy ɗawza Yesu, əy ŋgaya: «Mada ana ebe ŋghe ca, Musa a zlepeney, mada ɗala a kaɗaw ŋ gam wala anta aza ca, meŋterene ɗerewel ara asa ra, ŋ ghwalza ca, kágamza ca, ŋ vay?» 8Yesu a zenetene, a ŋgaya: «Musa a palzahune taf ŋ gamata weləye ŋkune ege aza ca, mavəday unaf ŋkune ege ɓarɓar. Cemey, mar aka ata lamar ca, ana ebe ŋghe səkwaw. 9Sa kazlapahune, ɗala a nagam wala anta aza ca, səy mbe ma ndewzene a kaŋta kusam a bəza. Askwaw ca, mada a ŋta wala matakan ca, a ŋta kusam a bəza.»
10A təwse ca, madarlaŋw anta ege, əy zlepene, əy ŋgaya: «Mada lanja ata wala ey mawal a nja ana ebe ŋghe ca, zukwan ca, ɗala a ɗaw ŋ ca wala səkwaw.» 11Yesu a zenetene, a ŋgaya: «Hejəye tewtew, əy kula ŋ zləme ma anta səkwaw, səy hejəye maa Gazlavay a veletene aza ŋ sanaw ege. 12Hune san ka, səkan ege parpar parpar ma katakata hejəye ka ŋ ca wala ca, aka. A hejəye vedəye ca, mbawha tata, əy kébeceye, hejəye vedəye yam, ara hejəye ma bacata ka, vedəye zeney əy kaɗaw ŋ ca wala səkwaw, mavəday Lazam bay ma mgba ata uzlaf. Ɗala maa zlam a heɗe ŋ zləme aka ca, mezləme.»
Yesu a cetene bəzla ata uzəye
13A dəwze anta ca, hejəye əy data uzəye ma pəzekw pəzekw ege ara Yesu, ndar a ca ra anta ata tata, a rak Gazlavay mavəday tata. Cemey, madarlaŋw anta ege, əy gulakzata. 14Aya, Yesu a zlepetene ŋ madarlaŋw anta ege wese, a ŋgaya: «Hune yakzata uzəye ma pəzekw pəzekw ege əy mandaha ara sa, hune takata ka səkwaw, mavəday Lazam bay ma mgba ata uzlaf ca, mala hejəye ma da tata ege.» 15A təwse ca, Yesu a ca ra anta ata uzəye ma pəzekw pəzekw ege wese, a dəwze anta, a nda anta.
Mba darlaŋw maŋcaɗaŋcaɗ
16A pes wende, heje wende aka, a ndaha, a ɗawza Yesu, a ŋgaya: «Bay naka, zlan ma taŋtaŋ maa sa kanalaw, ŋ lem lanja ma katuwaɗ səkwaw kaw vepey ca, vekey?» 17A təwse ca, Yesu a zenene, a ŋgaya: «Hwa ɗewzekey ata zlan ma taŋtaŋ ca, ŋ vay? Ɗala ma taŋtaŋ ca, teŋguleŋ. Mada hwa kaɗaw ŋ lem lanja ma katuwaɗ səkwaw kaw vepey ca, səy hwa wenzene ha ka ŋ ma maŋkanaŋkan ege kadak kadak.» 18Aya, heje wese, a ɗawza, a ŋgaya: «Ma maŋkanaŋkan ege vekey?» Yesu, a zenene, a ŋgaya: «Hwa ɗaw ŋ ja ŋkəɗeh səkwaw, hwa ɗaw ŋ ŋta kusam a bəza səkwaw, hwa ɗaw ŋ ŋhel səkwaw, hwa ɗaw ŋ zla metəwle ata ɗala səkwaw. 19Wenzetene ha ka ata cehw ey macahw, ɗaw mesleje ŋkwa ana ha ŋkwa.» 20Mba darlaŋw wese, a zenene, a ŋgaya: «Ma maŋkanaŋkan ŋghe ege tewtew ca, sa káhəbarata aza. Ca, səkan ma menekey ŋ la zeney ca, vemey?» 21Yesu, a zlepene, a ŋgaya: «Mada hwa kaɗaw ŋ la ŋ ɗala ma taŋtaŋ ca, nda, səkamata səkan ŋkwa ege aza tewtew, ŋtezetene səlay anta ŋ metetekw ege, aya, hwa nelem səkan ma asa ra mgba ata uzlaf. A dəwze anta, ndaha, səberekey.» 22Maa mba darlaŋw wese a zləme zlap ŋghe ege wese ca, tel a nda anta, a kejejekw ara, mavəday kéŋceɗeye mambaza.
23Yesu a zlepetene ŋ madarlaŋw anta ege, a ŋgaya: «Sa kazlapahune njenjəwen, a neletene ndeɓndeɓ ŋ hejəye maŋcaɗaŋcaɗ ege ŋ dam ŋ Lazam bay ma mgba ata uzlaf. 24Sa kazlapahune zeney, a nelene pa ŋ kefkef ŋ ŋgaluba ŋ dam ta ŋ uley batal, aha ɗala maŋcaɗaŋcaɗ, ŋ dam ŋ Bay mala Gazlavay.» 25Maa madarlaŋw ege, əy zləme ana ebe ŋghe ca, əy ghar tata, əy zlap, əy ŋgaya: «Mada ana ebe ŋghe ca, ma kanala kula aza ŋ reh, vayay?» 26A təwse ca, Yesu a sarzata, aya, a zlepetene, a ŋgaya: «Ara hejəye ca, a kala səkwaw, cemey ara Gazlavay ca, kaw vemey ca, a kala.»
27Aya, Pəyer a ŋta zlap, a ŋgaya: «Teh zlam! A ŋcene ca, nene káyakata səkan ŋcene ege ka tewtew ŋ səbarahwaw, ca, ma kenendewzeney ca, vemey?» 28Yesu, a zenene, a ŋgaya: «Sa kazlapahune, njenjəwen, a pes maa səkan ege tewtew əy nabaw tata mewe ca, Mba Ɗala a nanja ata lanja bay ɓardakw. Aya, hune ma səberekey ŋghe ege, hune nanja ata lanja bay ege wam aha gbak yam, ŋ ja guma ata ŋseŋ Əysərayəyla ege wam aha gbak. 29Kaw vayay ma yakza wata anta ka, zlaŋgan mawal ege ey zlaŋgan heldəməye, ata cen ey maman, uzəye anta ege, la anta ege ka, mavəday sa ca, a nelem səkan day aha maa a yakzata ka ege wese leŋ a nelem lanja ma katuwaɗ səkwaw kaw vepey. 30Cemey, hejəye vəram ma a tama ege ma na ŋgha, əy nezen tata a dəwze. Aya, hejəye vəram ma a dəwze ege ma na ŋgha ege, əy nanda tata a tama.»
ទើបបានជ្រើសរើសហើយ៖
Mata 19: BHS
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2025 CABTAL
Mata 19
19
Lasasərak Yesu ata lagam wala
1Maa Yesu a ŋtakwza lasasərak anta aza ca, a gwarzam anta ŋ hayak Galəyləy, a nda ŋ hayak Yahudəya, aha bəza lakwat Urdun. 2Hejəye vəram, əy səbaraw, a təwse ca, a rehzata hejəye ma kadawar ege aza. 3Farəysa ege vedəye, əy ndaha ara Yesu, əy ɗaw ŋ slanza, əy ɗawza, əy ŋgaya: «Kwakwas ŋtakwaw ca, a kepelzene taf ŋ ɗala ŋ gam wala anta aza ata ma kaw vekey vaw?» 4Yesu a zenetene, a ŋgaya: «Hune kéjəŋge ŋ leŋter ege, mar aka ata lamar ca, “Gazlavay a baha ata mawal ey wala” ca, askwaw vaw? 5Aya, a zlap, a ŋgaya: “Mavəday anta, mawal a nayakzata ata cen ey maman aka, ndar əy nja a wala anta, gbak tata, əy baw tata kusam teŋguleŋ.” 6Ana ebe ŋghe, əy gbak zeney səkwaw, cemey, ɗala teŋguleŋ. Ɗala a ɗaw ŋ ɓez səkan maa Gazlavay a jav ka səkwaw.» 7Farəysa ege, əy ɗawza Yesu, əy ŋgaya: «Mada ana ebe ŋghe ca, Musa a zlepeney, mada ɗala a kaɗaw ŋ gam wala anta aza ca, meŋterene ɗerewel ara asa ra, ŋ ghwalza ca, kágamza ca, ŋ vay?» 8Yesu a zenetene, a ŋgaya: «Musa a palzahune taf ŋ gamata weləye ŋkune ege aza ca, mavəday unaf ŋkune ege ɓarɓar. Cemey, mar aka ata lamar ca, ana ebe ŋghe səkwaw. 9Sa kazlapahune, ɗala a nagam wala anta aza ca, səy mbe ma ndewzene a kaŋta kusam a bəza. Askwaw ca, mada a ŋta wala matakan ca, a ŋta kusam a bəza.»
10A təwse ca, madarlaŋw anta ege, əy zlepene, əy ŋgaya: «Mada lanja ata wala ey mawal a nja ana ebe ŋghe ca, zukwan ca, ɗala a ɗaw ŋ ca wala səkwaw.» 11Yesu a zenetene, a ŋgaya: «Hejəye tewtew, əy kula ŋ zləme ma anta səkwaw, səy hejəye maa Gazlavay a veletene aza ŋ sanaw ege. 12Hune san ka, səkan ege parpar parpar ma katakata hejəye ka ŋ ca wala ca, aka. A hejəye vedəye ca, mbawha tata, əy kébeceye, hejəye vedəye yam, ara hejəye ma bacata ka, vedəye zeney əy kaɗaw ŋ ca wala səkwaw, mavəday Lazam bay ma mgba ata uzlaf. Ɗala maa zlam a heɗe ŋ zləme aka ca, mezləme.»
Yesu a cetene bəzla ata uzəye
13A dəwze anta ca, hejəye əy data uzəye ma pəzekw pəzekw ege ara Yesu, ndar a ca ra anta ata tata, a rak Gazlavay mavəday tata. Cemey, madarlaŋw anta ege, əy gulakzata. 14Aya, Yesu a zlepetene ŋ madarlaŋw anta ege wese, a ŋgaya: «Hune yakzata uzəye ma pəzekw pəzekw ege əy mandaha ara sa, hune takata ka səkwaw, mavəday Lazam bay ma mgba ata uzlaf ca, mala hejəye ma da tata ege.» 15A təwse ca, Yesu a ca ra anta ata uzəye ma pəzekw pəzekw ege wese, a dəwze anta, a nda anta.
Mba darlaŋw maŋcaɗaŋcaɗ
16A pes wende, heje wende aka, a ndaha, a ɗawza Yesu, a ŋgaya: «Bay naka, zlan ma taŋtaŋ maa sa kanalaw, ŋ lem lanja ma katuwaɗ səkwaw kaw vepey ca, vekey?» 17A təwse ca, Yesu a zenene, a ŋgaya: «Hwa ɗewzekey ata zlan ma taŋtaŋ ca, ŋ vay? Ɗala ma taŋtaŋ ca, teŋguleŋ. Mada hwa kaɗaw ŋ lem lanja ma katuwaɗ səkwaw kaw vepey ca, səy hwa wenzene ha ka ŋ ma maŋkanaŋkan ege kadak kadak.» 18Aya, heje wese, a ɗawza, a ŋgaya: «Ma maŋkanaŋkan ege vekey?» Yesu, a zenene, a ŋgaya: «Hwa ɗaw ŋ ja ŋkəɗeh səkwaw, hwa ɗaw ŋ ŋta kusam a bəza səkwaw, hwa ɗaw ŋ ŋhel səkwaw, hwa ɗaw ŋ zla metəwle ata ɗala səkwaw. 19Wenzetene ha ka ata cehw ey macahw, ɗaw mesleje ŋkwa ana ha ŋkwa.» 20Mba darlaŋw wese, a zenene, a ŋgaya: «Ma maŋkanaŋkan ŋghe ege tewtew ca, sa káhəbarata aza. Ca, səkan ma menekey ŋ la zeney ca, vemey?» 21Yesu, a zlepene, a ŋgaya: «Mada hwa kaɗaw ŋ la ŋ ɗala ma taŋtaŋ ca, nda, səkamata səkan ŋkwa ege aza tewtew, ŋtezetene səlay anta ŋ metetekw ege, aya, hwa nelem səkan ma asa ra mgba ata uzlaf. A dəwze anta, ndaha, səberekey.» 22Maa mba darlaŋw wese a zləme zlap ŋghe ege wese ca, tel a nda anta, a kejejekw ara, mavəday kéŋceɗeye mambaza.
23Yesu a zlepetene ŋ madarlaŋw anta ege, a ŋgaya: «Sa kazlapahune njenjəwen, a neletene ndeɓndeɓ ŋ hejəye maŋcaɗaŋcaɗ ege ŋ dam ŋ Lazam bay ma mgba ata uzlaf. 24Sa kazlapahune zeney, a nelene pa ŋ kefkef ŋ ŋgaluba ŋ dam ta ŋ uley batal, aha ɗala maŋcaɗaŋcaɗ, ŋ dam ŋ Bay mala Gazlavay.» 25Maa madarlaŋw ege, əy zləme ana ebe ŋghe ca, əy ghar tata, əy zlap, əy ŋgaya: «Mada ana ebe ŋghe ca, ma kanala kula aza ŋ reh, vayay?» 26A təwse ca, Yesu a sarzata, aya, a zlepetene, a ŋgaya: «Ara hejəye ca, a kala səkwaw, cemey ara Gazlavay ca, kaw vemey ca, a kala.»
27Aya, Pəyer a ŋta zlap, a ŋgaya: «Teh zlam! A ŋcene ca, nene káyakata səkan ŋcene ege ka tewtew ŋ səbarahwaw, ca, ma kenendewzeney ca, vemey?» 28Yesu, a zenene, a ŋgaya: «Sa kazlapahune, njenjəwen, a pes maa səkan ege tewtew əy nabaw tata mewe ca, Mba Ɗala a nanja ata lanja bay ɓardakw. Aya, hune ma səberekey ŋghe ege, hune nanja ata lanja bay ege wam aha gbak yam, ŋ ja guma ata ŋseŋ Əysərayəyla ege wam aha gbak. 29Kaw vayay ma yakza wata anta ka, zlaŋgan mawal ege ey zlaŋgan heldəməye, ata cen ey maman, uzəye anta ege, la anta ege ka, mavəday sa ca, a nelem səkan day aha maa a yakzata ka ege wese leŋ a nelem lanja ma katuwaɗ səkwaw kaw vepey. 30Cemey, hejəye vəram ma a tama ege ma na ŋgha, əy nezen tata a dəwze. Aya, hejəye vəram ma a dəwze ege ma na ŋgha ege, əy nanda tata a tama.»
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2025 CABTAL