Luka 19
19
Yesu ey Zakayus
1Yesu a dam ŋ Yerəykaw, a nda ta ŋ uzam ŋghe wese. 2A təwse, heje wende aka, zlam anta Zakayus. Ara madakal macak budaw ege, kéŋceɗeye dakala. 3A mpam taf ŋ gəre Yesu ca, ara vayay, cemey, mbəy kula ŋ gəre səkwaw, mavəday hejəye dəydey, mbəy def. 4Aya, a hey a tama, a tev ata gevde ŋ gəre Yesu maa a kananda ta ŋ təwse.
5Maa Yesu a hwasha ata la anta ca, a sar la kəɗa mgba ata mbe, a zlepene, a ŋgaya: «Zakayus, tadakwha kəcaŋ, mavəday a tambaca ca, səy sa nda ŋ wan a wata ŋkwa.» 6A təwse ca, a tadakwha kəcaŋ, a lamza a sasam.
7Hejəye tewtew maa əy gəre ana ebe ŋghe ca, əy ŋgwaŋgwar, əy ŋgaya: «Gwala! Heje anta a nda ŋ wan a wata ɗala ma la gay ca, vaŋgay!» 8Aya, Zakayus a deŋ a tama Bay Madakal Yesu, a zlepene, a ŋgaya: «Bay Madakal, tehzekey zlam, sa neɓez səkan ma asa ra naka aka ŋ gbak, sa navalza kəva wende ŋ hejəye metetekw ege. Mada sa kéŋtene səlay a ɗala aza ata gwaya ca, sa nezenzene aka hama hama mbe gas ŋfaɗ.» 9Aya, Yesu a zenene, a ŋgaya: «A tambaca, Gazlavay kérehzata hejəye ma ŋ ge ŋghe ege aza, mavəday heje ŋghe anta yam ca, ara mba dəmas Əybərahəyma, ɗala ma lamza Gazlavay aza a nuna anta zlezle. 10Cemey, sa, sa Mba Ɗala ca, sa ndaha ŋ mpam hejəye ma kéfətek tata ege leŋ ŋ rehzata aza.»
Laslaŋgal ma a səlay
11Hejəye vəram əy ketehzene zlam ŋ Yesu. Hejəye anta ege əy cakza ca, Lazam bay mala Gazlavay a nandaha a təwse a təwse mavəday mbəy slaɓ ŋ hwas ŋ Urusaləyma. Aya, a zlepetene a laslaŋgal ma zeney, 12a ŋgaya: «Heje wende aka, ara ŋseŋ bay. A nda ŋ hayak ma gədak, ndar əy ca ŋ bay. A dəwze anta ca, a nezenha aza ŋ hayak anta. 13Mar a nanda anta ca, a yata hejəye wam ŋ taba mala zlan anta ege, a velene ŋ kaw vayay tata, səlay bakatar temere temere. A zlepetene, a ŋgaya: “Hune nala fəlew a səlay anta, ha hwas a pes maa sa kenezenha aza.” Aya, tel a nda anta. 14Cemey, hejəye ma ŋ hayak anta ege ca, əy kaɗaw səkwaw. Aya, əy laɓzata hejəye a dəwze anta ŋ zlap: “Nene kaɗaw heje ŋghe a nja ŋ bay ŋcene səkwaw.”»
15«Aya, maa əy kácaza ŋ bay ca, a zenha aza ŋ hayak anta. A yahata mala zlan anta ege maa a veletene səlay wese, ŋ san səkan maa əy lemew, ata lala fəlew anta.»
16«Mala zlan ma mpar a ndaha a tama madakal anta, a zlepene, a ŋgaya: “Bay naka, ŋghe, sa kélemha səlay bakatar temere temere wam a səlay maa hwa velekey wese.” 17A təwse ca, a zenene, a ŋgaya: “Kadak, hwa ɗala mala zlan ma taŋtaŋ, hwa kála zlan tuwah a səkan ma pəzekw. Mavəday anta, sa kacahwaw ŋ mambal uzam ege wam.”»
18«Mala zlan magbak anta a ndaha a tama madakal anta, a zlepene, a ŋgaya: “Bay naka, ŋghe, sa kélemha səlay bakatar temere temere jaɓan a səlay maa hwa velekey wese.” 19A zenene, a ŋgaya: “Kadak, hwa yam, sa kacahwaw ŋ mambal uzam ege jaɓan.”»
20«Aya, mala zlan wende zeney, a ndaha a tama madakal anta, a zlepene, a ŋgaya: “Bay naka, ŋghe səlay ŋkwa maa hwa velekey wese, sa kápaɗ ka ŋ maslaga, sa káɓahza ka, 21mavəday, sa kálalak naka ata hwa. Hwa ca, hwa ɗala maa unaf anta ɓarɓar ma kasan hahar ata ɗala səkwaw. Hwa nja ana ɗala ma kaŋta səkan maa káca ka askwaw, ma kepet səkan maa kázlak askwaw.” 22Aya, madakal anta wese, a zenene, a ŋgaya: “Hwa mala zlan ma kadak səkwaw. Sa neghemahwaw ata zlap ŋkwa ŋghe ege. Mada hwa kesenekey, sa ɗala maa unaf anta ɓarɓar ma kasan hahar ata ɗala səkwaw, sa kaŋta səkan maa sa káca ka askwaw, sa kepet səkan maa sa kázlak askwaw ca, 23hwa velene səlay naka anta ka ŋ ɗala ŋ la fəlew a mbe səkwaw vemey? Mada sa kézenha aza ca, sa nalamaza səlay naka, a yam a heɗe.”»
24«Aya, madakal wese, a zlepetene ŋ hejəye ma a təwse ege, a ŋgaya: “Hune ŋtene səlay ma ara mbe wese aza, hune velene ŋ heje maa səlay bakatar temere temere wam ara mbe wese.” 25A təwse ca, hejəye wese ege, əy zlepene, əy ŋgaya: “Bay ŋcene, heje anta ca, səlay bakatar temere temere wam ara mbe aka tew ca!” 26Cemey, madakal wese, a zenetene, a ŋgaya: “Njenjəwen, sa kazlapahune, ɗala maa səkan anta aka, əy nevelene a heɗe zeney, cemey, a ɗala maa səkan anta cekuɗe ende ŋghe ca, əy neŋtene kaw ma cekuɗe anta aza. 27A hejəye ma kaɗaw ŋ gərekey ata nje səkwaw ege, ma káɗaw sa la ŋ bay tata səkwaw wese ca, hune data ete ŋghe, hune jata aza a tama naka.”»
Yesu a nda ŋ Urusaləyma
28A dəwze zlap ŋghe ege ca, Yesu a nda kəɗe ŋ Urusaləyma, hejəye əy kasəbar ara a dəwze. 29Maa mbəy slaɓ ŋ hwas ata kəva Baytəyfajəy ey Baytanəya mbermber a barla Jaytun ca, a laɓzata madarlaŋw anta ege gbak a tama, 30a zlepetene, a ŋgaya: «Hune nda ŋ kəva ma a tama ŋkune ŋghe. Mada hune hwas ŋ kəva anta ca, hune nendewzene ŋ mba berjeŋ kéjeweye, maa kaw ɗala kétev a heɗe askwaw. Hune palaza, hune daza ete ŋghe. 31Cemey, mada ɗala a ɗawzahune, a ŋgaya: “Hune pal ŋ vay?” əy ca, hune zenene ca: “Bay Madakal ma kaɗawaw.”»
32Aya, madarlaŋw ma gbak ege wese, əy nda, əy ndewzetene ŋ səkan ege tewtew ana maa Yesu a zlepetene. 33Maa əy kapal mba berjeŋ wese ca, hejəye mba berjeŋ anta ege əy ɗawzata, əy ŋgaya: «Hune pal mba berjeŋ anta ŋ vay?» 34Əy zenetene, əy ŋgaya: «Ara Bay Madakal ma kaɗawaw.» 35Aya, əy daza mba berjeŋ wese ara Yesu, əy bəlek rəgwac tata ege, əy tevza Yesu a heɗe. 36Maa Yesu a kanda ca, hejəye əy kebəlekene rəgwac ara ata taf a tama a tama. 37Maa Yesu mbəy slaɓ ŋ hwas ŋ Urusaləyma ta ŋ taf ma tadakwha aka ŋ barla Jaytun ca, madarlaŋw anta ege tewtew əy kasasam dakala. A təwse, əy mar ŋ həmanza Gazlavay Madakal a mazlazlay, mavəday zaɓəla ege tewtew maa əy gəreta. 38Əy ŋgaya: «A ɗaw ca, bəzla Gazlavay manja ata bay ma kandaha a zlam Bay Madakal! A ɗaw ca, Gazlavay malaɓaza zəhay anta. A ɗaw ca, hejəye əy mahəmanza ɓardakw a Gazlavay ma mgba ata uzlaf!»
39Farəysa ege vedəye ŋ taba hejəye a təwse aka. Əy zlepene ŋ Yesu, əy ŋgaya: «Madakal, zlepetene ŋ madarlaŋw ŋkwa ege əy manja ka tete!» 40Cemey, Yesu a zenetene, a ŋgaya: «Sa kazlapahune, mada əy kánja ka tete ca, kaw ŋkəɗaŋ ege əy naja ula!»
Yesu a han mavəday hejəye ma ŋ Urusaləyma ege
41Maa Yesu mbəy mbermber a Urusaləyma ca, a sarza uzam anta, a han mavəday səkan ma kenendewzetene ŋ hejəye ma ŋma ege. 42A ŋgaya: «Hune hejəye ma ŋ Urusaləyma ege, sa kaɗaw keɗe hune lem taf ma ata lem zəhay aza a tambaca. Cemey, na ŋgha ca, taf anta káɓahahune aza, hune kanala kula ŋ gəre zeney səkwaw. 43Vah maa hejəye ma kaɗaw ŋ gərehune ata nje səkwaw ege, a nandaha, əy nahacahune a gulam, əy naŋgacahune kaw ta ŋ kəva ege vekey vekey tewtew. 44Əy napəlah uzam ŋkune aza, kaw ŋkəɗaŋ a kenemenha ata ŋkəɗaŋ askwaw. Əy nabazlahune, hune zlaɓa uzəye ŋkune ege tewtew, mavəday hune kásan vah maa Gazlavay a ndaha ŋ cakzahune səkwaw.»
Yesu mbəy a ujek kwakwas
45Aya, Yesu a dam ŋ ujek kwakwas. A təwse ca, hejəye ma kala fəlew ege ŋma aka. A gamata hejəye ma kala fəlew anta ege, 46a zlepetene, a ŋgaya: «Kéŋtereye ŋ ɗerewel a Gazlavay, Gazlavay a ŋgaya: “Ujek naka ca, ara ujek maa hejəye əy kenerekekey ŋma.” Cemey, hune bawza aza ŋ bədam masulah ege!»
47Ata pes ata pes, a kasasərakzata hejəye a ujek kwakwas. A təwse ca, madakal dakal mala kwakwas ege, maghwal ma maŋkanaŋkan ege leŋ madakal dakal ma a tama hejəye ege yam, əy mpam taf ŋ ja aza. 48Cemey, əy kasan səkan maa əy kanala ŋ mbal səkwaw, mavəday hejəye tewtew əy ketehzene zlam kadak kadak.
ទើបបានជ្រើសរើសហើយ៖
Luka 19: BHS
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2025 CABTAL
Luka 19
19
Yesu ey Zakayus
1Yesu a dam ŋ Yerəykaw, a nda ta ŋ uzam ŋghe wese. 2A təwse, heje wende aka, zlam anta Zakayus. Ara madakal macak budaw ege, kéŋceɗeye dakala. 3A mpam taf ŋ gəre Yesu ca, ara vayay, cemey, mbəy kula ŋ gəre səkwaw, mavəday hejəye dəydey, mbəy def. 4Aya, a hey a tama, a tev ata gevde ŋ gəre Yesu maa a kananda ta ŋ təwse.
5Maa Yesu a hwasha ata la anta ca, a sar la kəɗa mgba ata mbe, a zlepene, a ŋgaya: «Zakayus, tadakwha kəcaŋ, mavəday a tambaca ca, səy sa nda ŋ wan a wata ŋkwa.» 6A təwse ca, a tadakwha kəcaŋ, a lamza a sasam.
7Hejəye tewtew maa əy gəre ana ebe ŋghe ca, əy ŋgwaŋgwar, əy ŋgaya: «Gwala! Heje anta a nda ŋ wan a wata ɗala ma la gay ca, vaŋgay!» 8Aya, Zakayus a deŋ a tama Bay Madakal Yesu, a zlepene, a ŋgaya: «Bay Madakal, tehzekey zlam, sa neɓez səkan ma asa ra naka aka ŋ gbak, sa navalza kəva wende ŋ hejəye metetekw ege. Mada sa kéŋtene səlay a ɗala aza ata gwaya ca, sa nezenzene aka hama hama mbe gas ŋfaɗ.» 9Aya, Yesu a zenene, a ŋgaya: «A tambaca, Gazlavay kérehzata hejəye ma ŋ ge ŋghe ege aza, mavəday heje ŋghe anta yam ca, ara mba dəmas Əybərahəyma, ɗala ma lamza Gazlavay aza a nuna anta zlezle. 10Cemey, sa, sa Mba Ɗala ca, sa ndaha ŋ mpam hejəye ma kéfətek tata ege leŋ ŋ rehzata aza.»
Laslaŋgal ma a səlay
11Hejəye vəram əy ketehzene zlam ŋ Yesu. Hejəye anta ege əy cakza ca, Lazam bay mala Gazlavay a nandaha a təwse a təwse mavəday mbəy slaɓ ŋ hwas ŋ Urusaləyma. Aya, a zlepetene a laslaŋgal ma zeney, 12a ŋgaya: «Heje wende aka, ara ŋseŋ bay. A nda ŋ hayak ma gədak, ndar əy ca ŋ bay. A dəwze anta ca, a nezenha aza ŋ hayak anta. 13Mar a nanda anta ca, a yata hejəye wam ŋ taba mala zlan anta ege, a velene ŋ kaw vayay tata, səlay bakatar temere temere. A zlepetene, a ŋgaya: “Hune nala fəlew a səlay anta, ha hwas a pes maa sa kenezenha aza.” Aya, tel a nda anta. 14Cemey, hejəye ma ŋ hayak anta ege ca, əy kaɗaw səkwaw. Aya, əy laɓzata hejəye a dəwze anta ŋ zlap: “Nene kaɗaw heje ŋghe a nja ŋ bay ŋcene səkwaw.”»
15«Aya, maa əy kácaza ŋ bay ca, a zenha aza ŋ hayak anta. A yahata mala zlan anta ege maa a veletene səlay wese, ŋ san səkan maa əy lemew, ata lala fəlew anta.»
16«Mala zlan ma mpar a ndaha a tama madakal anta, a zlepene, a ŋgaya: “Bay naka, ŋghe, sa kélemha səlay bakatar temere temere wam a səlay maa hwa velekey wese.” 17A təwse ca, a zenene, a ŋgaya: “Kadak, hwa ɗala mala zlan ma taŋtaŋ, hwa kála zlan tuwah a səkan ma pəzekw. Mavəday anta, sa kacahwaw ŋ mambal uzam ege wam.”»
18«Mala zlan magbak anta a ndaha a tama madakal anta, a zlepene, a ŋgaya: “Bay naka, ŋghe, sa kélemha səlay bakatar temere temere jaɓan a səlay maa hwa velekey wese.” 19A zenene, a ŋgaya: “Kadak, hwa yam, sa kacahwaw ŋ mambal uzam ege jaɓan.”»
20«Aya, mala zlan wende zeney, a ndaha a tama madakal anta, a zlepene, a ŋgaya: “Bay naka, ŋghe səlay ŋkwa maa hwa velekey wese, sa kápaɗ ka ŋ maslaga, sa káɓahza ka, 21mavəday, sa kálalak naka ata hwa. Hwa ca, hwa ɗala maa unaf anta ɓarɓar ma kasan hahar ata ɗala səkwaw. Hwa nja ana ɗala ma kaŋta səkan maa káca ka askwaw, ma kepet səkan maa kázlak askwaw.” 22Aya, madakal anta wese, a zenene, a ŋgaya: “Hwa mala zlan ma kadak səkwaw. Sa neghemahwaw ata zlap ŋkwa ŋghe ege. Mada hwa kesenekey, sa ɗala maa unaf anta ɓarɓar ma kasan hahar ata ɗala səkwaw, sa kaŋta səkan maa sa káca ka askwaw, sa kepet səkan maa sa kázlak askwaw ca, 23hwa velene səlay naka anta ka ŋ ɗala ŋ la fəlew a mbe səkwaw vemey? Mada sa kézenha aza ca, sa nalamaza səlay naka, a yam a heɗe.”»
24«Aya, madakal wese, a zlepetene ŋ hejəye ma a təwse ege, a ŋgaya: “Hune ŋtene səlay ma ara mbe wese aza, hune velene ŋ heje maa səlay bakatar temere temere wam ara mbe wese.” 25A təwse ca, hejəye wese ege, əy zlepene, əy ŋgaya: “Bay ŋcene, heje anta ca, səlay bakatar temere temere wam ara mbe aka tew ca!” 26Cemey, madakal wese, a zenetene, a ŋgaya: “Njenjəwen, sa kazlapahune, ɗala maa səkan anta aka, əy nevelene a heɗe zeney, cemey, a ɗala maa səkan anta cekuɗe ende ŋghe ca, əy neŋtene kaw ma cekuɗe anta aza. 27A hejəye ma kaɗaw ŋ gərekey ata nje səkwaw ege, ma káɗaw sa la ŋ bay tata səkwaw wese ca, hune data ete ŋghe, hune jata aza a tama naka.”»
Yesu a nda ŋ Urusaləyma
28A dəwze zlap ŋghe ege ca, Yesu a nda kəɗe ŋ Urusaləyma, hejəye əy kasəbar ara a dəwze. 29Maa mbəy slaɓ ŋ hwas ata kəva Baytəyfajəy ey Baytanəya mbermber a barla Jaytun ca, a laɓzata madarlaŋw anta ege gbak a tama, 30a zlepetene, a ŋgaya: «Hune nda ŋ kəva ma a tama ŋkune ŋghe. Mada hune hwas ŋ kəva anta ca, hune nendewzene ŋ mba berjeŋ kéjeweye, maa kaw ɗala kétev a heɗe askwaw. Hune palaza, hune daza ete ŋghe. 31Cemey, mada ɗala a ɗawzahune, a ŋgaya: “Hune pal ŋ vay?” əy ca, hune zenene ca: “Bay Madakal ma kaɗawaw.”»
32Aya, madarlaŋw ma gbak ege wese, əy nda, əy ndewzetene ŋ səkan ege tewtew ana maa Yesu a zlepetene. 33Maa əy kapal mba berjeŋ wese ca, hejəye mba berjeŋ anta ege əy ɗawzata, əy ŋgaya: «Hune pal mba berjeŋ anta ŋ vay?» 34Əy zenetene, əy ŋgaya: «Ara Bay Madakal ma kaɗawaw.» 35Aya, əy daza mba berjeŋ wese ara Yesu, əy bəlek rəgwac tata ege, əy tevza Yesu a heɗe. 36Maa Yesu a kanda ca, hejəye əy kebəlekene rəgwac ara ata taf a tama a tama. 37Maa Yesu mbəy slaɓ ŋ hwas ŋ Urusaləyma ta ŋ taf ma tadakwha aka ŋ barla Jaytun ca, madarlaŋw anta ege tewtew əy kasasam dakala. A təwse, əy mar ŋ həmanza Gazlavay Madakal a mazlazlay, mavəday zaɓəla ege tewtew maa əy gəreta. 38Əy ŋgaya: «A ɗaw ca, bəzla Gazlavay manja ata bay ma kandaha a zlam Bay Madakal! A ɗaw ca, Gazlavay malaɓaza zəhay anta. A ɗaw ca, hejəye əy mahəmanza ɓardakw a Gazlavay ma mgba ata uzlaf!»
39Farəysa ege vedəye ŋ taba hejəye a təwse aka. Əy zlepene ŋ Yesu, əy ŋgaya: «Madakal, zlepetene ŋ madarlaŋw ŋkwa ege əy manja ka tete!» 40Cemey, Yesu a zenetene, a ŋgaya: «Sa kazlapahune, mada əy kánja ka tete ca, kaw ŋkəɗaŋ ege əy naja ula!»
Yesu a han mavəday hejəye ma ŋ Urusaləyma ege
41Maa Yesu mbəy mbermber a Urusaləyma ca, a sarza uzam anta, a han mavəday səkan ma kenendewzetene ŋ hejəye ma ŋma ege. 42A ŋgaya: «Hune hejəye ma ŋ Urusaləyma ege, sa kaɗaw keɗe hune lem taf ma ata lem zəhay aza a tambaca. Cemey, na ŋgha ca, taf anta káɓahahune aza, hune kanala kula ŋ gəre zeney səkwaw. 43Vah maa hejəye ma kaɗaw ŋ gərehune ata nje səkwaw ege, a nandaha, əy nahacahune a gulam, əy naŋgacahune kaw ta ŋ kəva ege vekey vekey tewtew. 44Əy napəlah uzam ŋkune aza, kaw ŋkəɗaŋ a kenemenha ata ŋkəɗaŋ askwaw. Əy nabazlahune, hune zlaɓa uzəye ŋkune ege tewtew, mavəday hune kásan vah maa Gazlavay a ndaha ŋ cakzahune səkwaw.»
Yesu mbəy a ujek kwakwas
45Aya, Yesu a dam ŋ ujek kwakwas. A təwse ca, hejəye ma kala fəlew ege ŋma aka. A gamata hejəye ma kala fəlew anta ege, 46a zlepetene, a ŋgaya: «Kéŋtereye ŋ ɗerewel a Gazlavay, Gazlavay a ŋgaya: “Ujek naka ca, ara ujek maa hejəye əy kenerekekey ŋma.” Cemey, hune bawza aza ŋ bədam masulah ege!»
47Ata pes ata pes, a kasasərakzata hejəye a ujek kwakwas. A təwse ca, madakal dakal mala kwakwas ege, maghwal ma maŋkanaŋkan ege leŋ madakal dakal ma a tama hejəye ege yam, əy mpam taf ŋ ja aza. 48Cemey, əy kasan səkan maa əy kanala ŋ mbal səkwaw, mavəday hejəye tewtew əy ketehzene zlam kadak kadak.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2025 CABTAL