Luka 11
11
Yesu a sasərakzata madarlaŋw anta ege ŋ rak Gazlavay
1A pes wende aka, Yesu a karak Gazlavay ata la wende aka. Maa káŋtakwza ŋ rak Gazlavay ca, ɗala teŋguleŋ ŋ taba madarlaŋw anta ege, a ɗawza, a ŋgaya: «Bay Madakal, sesərekzeney ŋ rak Gazlavay ana maa Yuhana maban hejəye a yam baptəysma a sesərekzetene ŋ madarlaŋw anta ege yam may!» 2A təwse ca, a zlepetene, a ŋgaya: «Mada hune karak Gazlavay cemey, hune zlap ca, hune:
“Vana ŋcene, Gazlavay,
a ɗaw ca, kaw vayay mahəmanza zlam ŋkwa ma keweɗ.
A ɗaw ca, bay ŋkwa mandaha.
3Veleney səkan ta zam tete ata pes anta, ata pes anta.
4Pelzeney gay ŋcene ege aka,
ana maa nene kepelzetene aka ŋ hejəye tewtew ma leney dadawar ege yam.
Cemey, həbereney, ndar səkan ege əy ɗaw ŋ beɗzeney ŋ la gay səkwaw.”»
5Aya, Yesu a zlepetene zeney, a ŋgaya: «Mada ɗala ŋkune wende aka, ŋgama anta aka, a nda ara mbe ŋ taba zaɗaw, a zlepene, a ŋgaya: “Mbahw ŋgama naka, velekey uda ma ɗembez mahkaɗ may, 6mavəday ɗala teŋguleŋ ŋ taba ŋgama naka ege a ndaha aka ata leŋcəwer, mbəy a wata, kaw səkan ara sa ŋ velene ŋ zam askwaw.” 7Mada ŋgama anta ma ŋ ujek wese, a zenene, a ŋgaya: “Yekzekey a zəhay! Na ŋgha ca, ma ujek kémpekeye aza. Sa zlaɓa uzəye naka ege tewtew, nene kawan. Sa kanala kula ŋ gwarzam ŋ valahwaw uda səkwaw.”» 8Yesu a zlap zeney, a ŋgaya: «Njenjəwen, sa kazlapahune, kaw ketegəre a kanagwarzam ŋ velene uda wese, mavəday ara ŋgama anta askwaw ca, a nagwarzam, a nevelene səkan tewtew maa a kaɗawaw, mavəday ŋgama anta wese a navas ŋ ɗawza, kaw hawa a kanajaw, askwaw.»
9«Cemey, sa, sa kazlapahune, hune rak səkan ara Gazlavay, hune nelemew. Hune mpam səkan ara Gazlavay, hune nendewzene. Hune ɗaf ma a ma ujek, əy nazlarzahune. 10Njəwen, kaw vayay ma ɗawza səkan ara mbe ca, a nelemew. Kaw vayay ma mpam səkan ara mbe ca, a nendewzene. Kaw vayay ma ɗaf ma a ma ujek ca, əy nezlerzene. 11Hune cen uzəye, mada uzəye ŋkune ege əy ɗawzahune a ŋkəlef ca, hune neveletene zezekw vaw? 12Askwaw ca, mada əy ɗawzahune a nesle ca, hune neveletene reje vaw? 13Cemey, hune hejəye dadawar ege, hune kasan ŋ veletene səkan ma tuwah tuwah ege ŋ uzəye ŋkune ege. Mada ana ebe ŋghe ca, Cehw ŋkune ma mgba ata uzlaf ca, kula ŋ veletene Zəwet anta ma keweɗ ŋ hejəye ma ɗawza ege, səkwaw vaw?»
Yesu a gam zəwet malula
14A pes wende aka, Yesu a gam zəwet malula ma ŋ ɗala ma kula ŋ zlap səkwaw aza. Maa zəwet wese a damha aza ca, heje wese a mar ŋ zlap. A təwse ca, hejəye tewtew əy kédeŋ ŋkwaɓ dakala. 15Cemey, hejəye vedəye ŋ taba tata əy ŋgaya: «Ara Beyelzebul, bay zəwet malula ege, mbəy ma velene ɓarɓar ŋ Yesu, ŋ gamata zəwet ŋghe ege.» 16Hejəye vedəye zeney, əy slanza Yesu ŋ lem taf ŋ ndavza. Əy zlepene ŋ la zaɓəla ŋ ghwalza ca, ɓarɓar anta a ndaha aka mgba ata uzlaf.
17Cemey, Yesu a kasan lulak ŋkwaɓ tata ege, aya, a zlepetene, a ŋgaya: «Mada hejəye mala lazam bay mala hayak ma teŋguleŋ ege, əy kéɓezeye, əy kaɗa gham ŋ taba tata ca, lazam bay anta a nagay anta, ujek ege tewtew əy naghwaram tata. 18Hune zlap, hune: Ara Beyelzebul, bay zəwet malula ege mbəy ma velekey ɓarɓar ŋ gamata zəwet malula ege aza. Cemey, mada njenjəwen, zəwet malula ege əy kaɗa gham ŋ taba tata ca, lazam bay malula anta a nasan ŋ nja vaŋgay? 19Mada ara Beyelzebul, bay zəwet malula ege ma velekey ɓarɓar ŋ gamata zəwet malula ege ca, a madarlaŋw ŋkune ege ca, ma veletene ɓarɓar anta ŋ gamata zəwet malula anta ege eze yam vayay? Hune zlap, hune ara ɓarɓar mala Gazlavay vaw sa ya? Ana ebe ŋghe, madarlaŋw ŋkune anta ege əy naghwalzahune ma ŋkune ŋghe anta ca, ara mbe səkwaw. 20Njenjəwen cemey, sa gamata zəwet malula ege ca, a ɓarɓar mala Gazlavay. A kaghwalza ca, Lazam bay mala Gazlavay hwas ara hune.»
21Yesu a zlap a laslaŋgal ma zeney, a ŋgaya: «Mada ɗala ma ɓarɓar a kahəbar ujek anta a səkan ma ata ɗa gham anta ege kadak kadak ca, səkan ma asa ra anta ege tewtew əy kéɓeheye kadak kadak, kaw səkan a kanagayzata aza ca, askwaw. 22Cemey, mada ɗala wende ma pa ma ɓarɓar aha mbe a ndaha ca, a nadayza a ɓarɓar anta, a nepəreslene səkan anta ege ma ata ɗa gham ege wese aza tewtew. Aya, a dəwze anta, a nepəreslene səkan ma asa ra anta ege wese aza tewtew, a neɓezetene səkan maa a pəraslata ege wese aza ŋ hejəye.»
23«Cemey, mada ɗala wese ara ɗala naka səkwaw ca, ara ɗala ma kaɗaw ŋ gərekey ata nje səkwaw. A zeney, mada ɗala a kecekzekey ŋ ɓec hejəye askwaw ca, a neweɗzata aza.»
Zəwet malula a zenha aza
24Yesu a zlap zeney, a ŋgaya: «Mada zəwet malula kádamha aza ŋ ɗala ca, a nda, a tawarha ŋ darzlam ŋ mpam la ma ata zazak a təwse. Mada kélem askwaw ca, a nazlap ŋ ha anta a ŋgaya: “Sa nezen ŋ ujek naka maa sa damaha aka ŋma.” 25Aya, a zenha, a ndewzene, la ma ŋma kézleɗeye, kélemeye kadak kadak. 26A təwse ca, a nda anta ŋ mpamha zəwet malula ege vedəye ŋsəleɗ zeney ma pa ma ɓarɓar aha mbe. Əy ndaha tewtew, əy nja ka ŋ ujek anta. Ana ebe ŋghe, heje anta a nasa gef day aha ma a ŋcəne anta.»
Bəzla Gazlavay ca, mbəy ata vayay
27Aya, maa Yesu a zlap ana ebe ŋghe ca, wala wende aka ŋ taba hejəye ma jamha ege, a zlepene a mazlazlay, a ŋgaya: «Bəzla Gazlavay mbəy ata wala ma mbawahwaw leŋ ma sahwaw wa anta!» 28Cemey, a zenzene, a ŋgaya: «Ayaw, bəzla Gazlavay karba ca, mbəy ata hejəye ma keteh zlap mala Gazlavay ege ey ma kala səkan ana maa zlap anta a kaɗawaw!»
Hejəye əy ɗawza Yesu ŋ ghwal zaɓəla
29Hejəye əy kájamha vəram a həzlar Yesu. A təwse ca, a zlepetene a ŋgaya: «Hejəye ma na ŋgha ege ca, ara hejəye dadawar ege, əy kaɗaw ŋ gəre zaɓəla ŋ san ca, ara Gazlavay mbəy ma leɓekey. Cemey, əy kenelem ŋ gəre askwaw, səy zaɓəla maa Gazlavay a ghwalaza ta ŋ Yawnas, mba ma zlap ma anta zlezle. 30Ana maa Gazlavay a ghwalza zaɓəla ta ŋ Yawnas ŋ hejəye ma ŋ Nəynəywe ege zlezle wese ca, sa, sa Mba Ɗala, sa nala ŋ səkan ma kaghwalza zaɓəla ŋ hejəye ma na ŋgha ege. 31A pes maa Gazlavay a naja guma ata laŋtakw manhayak ca, bay wala mala hayak Saba maa zlezle, a nagwarzam, a neghemata hejəye ma na ŋgha ege, mavəday a ndaha aka gədak, ŋ teh ma mala bay Suleymanu maa a kazlap a kəleŋ. Cemey, ɗala kəleŋ ma pa ma day aha bay Suleymanu ete ŋghe aka! 32A pes maa Gazlavay a naja guma ata laŋtakw manhayak ca, hejəye ma ŋ hayak Nəynəywe ege, əy nagwarzam, əy neghemata hejəye ma na ŋgha ege, mavəday maa əy zləme zlap mala Gazlavay ara Yawnas wese ca, əy kája mbahw aza, əy kábawza unaf tata ege aza a tama Gazlavay. Cemey, ɗala ma pa ma day aha Yawnas ca, ete ŋghe aka!»
Laslaŋgal ma ata la ma keweɗ
33Yesu a zlepetene, a laslaŋgal ma, a ŋgaya: «Mada ɗala kénef kwahwaw aza ata patarla ŋ weɗ la ca, a kanaɓahza ka askwaw, akwaw ca, a kanajaɓ ka a ɗawar askwaw. Cemey, a naca ka mgba ata la ma ata ca patarla, ndar hejəye ma kadam ŋ ujek ege, əy gəre la kadak kadak. 34Nje ŋkwa ca, a keweɗza kusam ŋkwa ana patarla ma keweɗ la. Mada nje ŋkwa a kegəre la kadak kadak ca, kusam ŋkwa tewtew a keweɗ. Ca, mada a kegəre la kadak kadak səkwaw ca, kusam ŋkwa tewtew mbəy ŋ kuzle yam. 35Cemey, sla ka kadak kadak! Leweɗ ma ŋ hwa a ɗaw ŋ baw anta ŋ kuzle səkwaw. 36Mada kusam ŋkwa tewtew a keweɗ, kaw kuzle cekuɗe ende ata kəva wende askwaw ca, kusam ŋkwa anta tewtew a neweɗ ana patarla ma keweɗzahwaw tezlezle.»
Yesu a ghemata Farəysa ege ey maghwal ma maŋkanaŋkan ege
37Maa Yesu káŋtakwza zlap aza ca, Farəysa wende aka, a yaɓa ŋ zam uda a wata anta. A təwse ca, a nda, a dam a wata heje wese, a nja ŋ zam uda. 38A təwse ca, Farəysa wese a ŋga ŋkwaɓ ata maa a gəre Yesu a zam uda delele, kaw kában ra anta mar ŋ zam uda ana maa kwakwas Farəysa ege a zlap, askwaw. 39Bay Madakal Yesu a zlepene, a ŋgaya: «Ŋkune, hune Farəysa ege ca, hune kaban dawan tekeɗ ŋkune ege ma ata sa səkan leŋ tekeɗ ŋkune ege ma ata zam uda aza kadak kadak ana maa kwakwas ŋkune a kaɗawaw. Cemey, unaf ŋkune ege ca, ghef a lulak ŋkwaɓ ma ata ŋhel leŋ ma ata la səkan ma kadak səkwaw ege. 40Hune hejəye ma kasan səkan səkwaw ege! Gazlavay ma laza bəza səkan ca, mbəy ma laza la ma uza ŋma səkwaw vaw? 41Cemey, mada hune kaɗaw unaf ŋkune ege əy weɗ a tama Gazlavay ca, hune veletene səkan ta zam ma ŋ tekeɗ ŋkune ege ŋ hejəye metetekw ege.»
42«Gay a nandaha ata hune, hune hejəye Farəysa ege! Hune kaŋta səkan teŋguleŋ ŋ wam kaw ŋ vejeɗ ege ma kandəramza urey leŋ vejeɗ urey ege vedəye vedəye ma ŋ jarne ŋkune ege ca, hune kevelene ŋ Gazlavay. Cemey, hune kéheseŋza aza ŋ letene taŋtaŋ ŋ hejəye leŋ ŋ ɗaw Gazlavay. Karba səkan ma pa ma kadak ŋ la keɗe ca, ara mbe, kaw ŋ heseŋzata vedəye ege wese aza askwaw.»
43«Gay a nandaha ata hune, hune Farəysa ege! Hune kaɗaw lanja ma pa ŋ tuwah a tama ŋ ujek ma ata rak Gazlavay leŋ hune kaɗaw hejəye əy wanzahune ha ka ŋ zlapzahune a tama hejəye ma ŋ hubakw ege. 44Gay a nandaha ata hune, hune Farəysa ege! Mavəday, hune nja ana jeɓ ege maa hejəye əy kegəreta zeney askwaw, əy kanda ta ata tata, a kagayzata aza, cemey, kaw əy kasan səkwaw.»
45Aya, ɗala teŋguleŋ ŋ taba maghwal ma maŋkanaŋkan ege, a zlepene, a ŋgaya: «Madakal, hwa zlap ana ebe ŋghe ca, hwa la ca, hwa reney yam!»
46A təwse ca, Yesu a zenene, a ŋgaya: «Hune maghwal ma maŋkanaŋkan ege, gay a nandaha ata hune yam! Mavəday, hune keŋkenetene ma ma ndeɓndeɓ ŋ hejəye, cemey, hune kecekzetene ŋ səbar ma anta kaw askwaw. 47Gay a nandaha ata hune! Mavəday, hune kálam jeɓ ege ma tuwah tuwah mala uzəye ma zlap ma mala Gazlavay ege aza. Karba ara jeje ŋkune ege, əy ma jata aza ca! 48Ana ebe ŋghe, hune kaghwalza zlan maa jeje ŋkune ege əy lata zlezle ŋghe ege ca, kándəramzahune aza. Ara tata ma jata uzəye ma zlap ma mala Gazlavay ege aza, hune yam, hune ma lam jeɓ tata ege! 49Mavəday anta, Gazlavay kázlap a kəleŋ anta, a ŋgaya: “Sa neleɓzetene uzəye ma zlap ma mala Gazlavay ege leŋ malaɓ ege ŋ ɗala maa Gazlavay a laɓaza ŋ rehzaheje. Əy najata vedəye aza ŋ taba tata leŋ əy naŋgwavata vedəye aza zeney.” 50Mar aka ata labaha manhayak ca, əy kájata uzəye ma zlap ma mala Gazlavay ege aza vəram. Mavəday anta, mbambaz tata ma zaha wese, a naghwafata hejəye ma na ŋgha ege. 51Mar aka ata maa əy ja Habəyla aza ha hwas ata maa əy ja Zekarəya ŋ ujek kwakwas, ŋ taba la ma ata la ma ata fetene səkan ŋ Gazlavay ey la ma keweɗ ŋ ujek kwakwas. Ayaw, njenjəwen sa kazlapahune, hejəye ma na ŋgha ege əy nelem ghem, mavəday maa əy jata hejəye ŋghe anta ege aza!»
52«Hune maghwal ma maŋkanaŋkan ege, gay a nandaha ata hune! Mavəday, hune kémpeketene ma ujek ma ata dam ara Gazlavay aza ŋ hejəye ana ɗala ma mpak ma ujek aza a lekəle. Cemey, hune a ha ŋkune, hune kaɗaw ŋ dam ŋma səkwaw. A zeney, tak hune takata hejəye ma kaɗaw ŋ dam ŋma ege aka!»
53Maa Yesu a damha aza a wata Farəysa wese ca, maghwal ma maŋkanaŋkan ege leŋ Farəysa ege wese, əy kághwaɗ tata dakala ata mbe. Aya, əy ɗawza ata ma ege vəram parpar parpar, 54əy ɗaw keɗe ca, ŋ zləme ma ma kadak səkwaw ma ŋ pakam anta, ndar əy lem taf ŋ ghemew.
ទើបបានជ្រើសរើសហើយ៖
Luka 11: BHS
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2025 CABTAL
Luka 11
11
Yesu a sasərakzata madarlaŋw anta ege ŋ rak Gazlavay
1A pes wende aka, Yesu a karak Gazlavay ata la wende aka. Maa káŋtakwza ŋ rak Gazlavay ca, ɗala teŋguleŋ ŋ taba madarlaŋw anta ege, a ɗawza, a ŋgaya: «Bay Madakal, sesərekzeney ŋ rak Gazlavay ana maa Yuhana maban hejəye a yam baptəysma a sesərekzetene ŋ madarlaŋw anta ege yam may!» 2A təwse ca, a zlepetene, a ŋgaya: «Mada hune karak Gazlavay cemey, hune zlap ca, hune:
“Vana ŋcene, Gazlavay,
a ɗaw ca, kaw vayay mahəmanza zlam ŋkwa ma keweɗ.
A ɗaw ca, bay ŋkwa mandaha.
3Veleney səkan ta zam tete ata pes anta, ata pes anta.
4Pelzeney gay ŋcene ege aka,
ana maa nene kepelzetene aka ŋ hejəye tewtew ma leney dadawar ege yam.
Cemey, həbereney, ndar səkan ege əy ɗaw ŋ beɗzeney ŋ la gay səkwaw.”»
5Aya, Yesu a zlepetene zeney, a ŋgaya: «Mada ɗala ŋkune wende aka, ŋgama anta aka, a nda ara mbe ŋ taba zaɗaw, a zlepene, a ŋgaya: “Mbahw ŋgama naka, velekey uda ma ɗembez mahkaɗ may, 6mavəday ɗala teŋguleŋ ŋ taba ŋgama naka ege a ndaha aka ata leŋcəwer, mbəy a wata, kaw səkan ara sa ŋ velene ŋ zam askwaw.” 7Mada ŋgama anta ma ŋ ujek wese, a zenene, a ŋgaya: “Yekzekey a zəhay! Na ŋgha ca, ma ujek kémpekeye aza. Sa zlaɓa uzəye naka ege tewtew, nene kawan. Sa kanala kula ŋ gwarzam ŋ valahwaw uda səkwaw.”» 8Yesu a zlap zeney, a ŋgaya: «Njenjəwen, sa kazlapahune, kaw ketegəre a kanagwarzam ŋ velene uda wese, mavəday ara ŋgama anta askwaw ca, a nagwarzam, a nevelene səkan tewtew maa a kaɗawaw, mavəday ŋgama anta wese a navas ŋ ɗawza, kaw hawa a kanajaw, askwaw.»
9«Cemey, sa, sa kazlapahune, hune rak səkan ara Gazlavay, hune nelemew. Hune mpam səkan ara Gazlavay, hune nendewzene. Hune ɗaf ma a ma ujek, əy nazlarzahune. 10Njəwen, kaw vayay ma ɗawza səkan ara mbe ca, a nelemew. Kaw vayay ma mpam səkan ara mbe ca, a nendewzene. Kaw vayay ma ɗaf ma a ma ujek ca, əy nezlerzene. 11Hune cen uzəye, mada uzəye ŋkune ege əy ɗawzahune a ŋkəlef ca, hune neveletene zezekw vaw? 12Askwaw ca, mada əy ɗawzahune a nesle ca, hune neveletene reje vaw? 13Cemey, hune hejəye dadawar ege, hune kasan ŋ veletene səkan ma tuwah tuwah ege ŋ uzəye ŋkune ege. Mada ana ebe ŋghe ca, Cehw ŋkune ma mgba ata uzlaf ca, kula ŋ veletene Zəwet anta ma keweɗ ŋ hejəye ma ɗawza ege, səkwaw vaw?»
Yesu a gam zəwet malula
14A pes wende aka, Yesu a gam zəwet malula ma ŋ ɗala ma kula ŋ zlap səkwaw aza. Maa zəwet wese a damha aza ca, heje wese a mar ŋ zlap. A təwse ca, hejəye tewtew əy kédeŋ ŋkwaɓ dakala. 15Cemey, hejəye vedəye ŋ taba tata əy ŋgaya: «Ara Beyelzebul, bay zəwet malula ege, mbəy ma velene ɓarɓar ŋ Yesu, ŋ gamata zəwet ŋghe ege.» 16Hejəye vedəye zeney, əy slanza Yesu ŋ lem taf ŋ ndavza. Əy zlepene ŋ la zaɓəla ŋ ghwalza ca, ɓarɓar anta a ndaha aka mgba ata uzlaf.
17Cemey, Yesu a kasan lulak ŋkwaɓ tata ege, aya, a zlepetene, a ŋgaya: «Mada hejəye mala lazam bay mala hayak ma teŋguleŋ ege, əy kéɓezeye, əy kaɗa gham ŋ taba tata ca, lazam bay anta a nagay anta, ujek ege tewtew əy naghwaram tata. 18Hune zlap, hune: Ara Beyelzebul, bay zəwet malula ege mbəy ma velekey ɓarɓar ŋ gamata zəwet malula ege aza. Cemey, mada njenjəwen, zəwet malula ege əy kaɗa gham ŋ taba tata ca, lazam bay malula anta a nasan ŋ nja vaŋgay? 19Mada ara Beyelzebul, bay zəwet malula ege ma velekey ɓarɓar ŋ gamata zəwet malula ege ca, a madarlaŋw ŋkune ege ca, ma veletene ɓarɓar anta ŋ gamata zəwet malula anta ege eze yam vayay? Hune zlap, hune ara ɓarɓar mala Gazlavay vaw sa ya? Ana ebe ŋghe, madarlaŋw ŋkune anta ege əy naghwalzahune ma ŋkune ŋghe anta ca, ara mbe səkwaw. 20Njenjəwen cemey, sa gamata zəwet malula ege ca, a ɓarɓar mala Gazlavay. A kaghwalza ca, Lazam bay mala Gazlavay hwas ara hune.»
21Yesu a zlap a laslaŋgal ma zeney, a ŋgaya: «Mada ɗala ma ɓarɓar a kahəbar ujek anta a səkan ma ata ɗa gham anta ege kadak kadak ca, səkan ma asa ra anta ege tewtew əy kéɓeheye kadak kadak, kaw səkan a kanagayzata aza ca, askwaw. 22Cemey, mada ɗala wende ma pa ma ɓarɓar aha mbe a ndaha ca, a nadayza a ɓarɓar anta, a nepəreslene səkan anta ege ma ata ɗa gham ege wese aza tewtew. Aya, a dəwze anta, a nepəreslene səkan ma asa ra anta ege wese aza tewtew, a neɓezetene səkan maa a pəraslata ege wese aza ŋ hejəye.»
23«Cemey, mada ɗala wese ara ɗala naka səkwaw ca, ara ɗala ma kaɗaw ŋ gərekey ata nje səkwaw. A zeney, mada ɗala a kecekzekey ŋ ɓec hejəye askwaw ca, a neweɗzata aza.»
Zəwet malula a zenha aza
24Yesu a zlap zeney, a ŋgaya: «Mada zəwet malula kádamha aza ŋ ɗala ca, a nda, a tawarha ŋ darzlam ŋ mpam la ma ata zazak a təwse. Mada kélem askwaw ca, a nazlap ŋ ha anta a ŋgaya: “Sa nezen ŋ ujek naka maa sa damaha aka ŋma.” 25Aya, a zenha, a ndewzene, la ma ŋma kézleɗeye, kélemeye kadak kadak. 26A təwse ca, a nda anta ŋ mpamha zəwet malula ege vedəye ŋsəleɗ zeney ma pa ma ɓarɓar aha mbe. Əy ndaha tewtew, əy nja ka ŋ ujek anta. Ana ebe ŋghe, heje anta a nasa gef day aha ma a ŋcəne anta.»
Bəzla Gazlavay ca, mbəy ata vayay
27Aya, maa Yesu a zlap ana ebe ŋghe ca, wala wende aka ŋ taba hejəye ma jamha ege, a zlepene a mazlazlay, a ŋgaya: «Bəzla Gazlavay mbəy ata wala ma mbawahwaw leŋ ma sahwaw wa anta!» 28Cemey, a zenzene, a ŋgaya: «Ayaw, bəzla Gazlavay karba ca, mbəy ata hejəye ma keteh zlap mala Gazlavay ege ey ma kala səkan ana maa zlap anta a kaɗawaw!»
Hejəye əy ɗawza Yesu ŋ ghwal zaɓəla
29Hejəye əy kájamha vəram a həzlar Yesu. A təwse ca, a zlepetene a ŋgaya: «Hejəye ma na ŋgha ege ca, ara hejəye dadawar ege, əy kaɗaw ŋ gəre zaɓəla ŋ san ca, ara Gazlavay mbəy ma leɓekey. Cemey, əy kenelem ŋ gəre askwaw, səy zaɓəla maa Gazlavay a ghwalaza ta ŋ Yawnas, mba ma zlap ma anta zlezle. 30Ana maa Gazlavay a ghwalza zaɓəla ta ŋ Yawnas ŋ hejəye ma ŋ Nəynəywe ege zlezle wese ca, sa, sa Mba Ɗala, sa nala ŋ səkan ma kaghwalza zaɓəla ŋ hejəye ma na ŋgha ege. 31A pes maa Gazlavay a naja guma ata laŋtakw manhayak ca, bay wala mala hayak Saba maa zlezle, a nagwarzam, a neghemata hejəye ma na ŋgha ege, mavəday a ndaha aka gədak, ŋ teh ma mala bay Suleymanu maa a kazlap a kəleŋ. Cemey, ɗala kəleŋ ma pa ma day aha bay Suleymanu ete ŋghe aka! 32A pes maa Gazlavay a naja guma ata laŋtakw manhayak ca, hejəye ma ŋ hayak Nəynəywe ege, əy nagwarzam, əy neghemata hejəye ma na ŋgha ege, mavəday maa əy zləme zlap mala Gazlavay ara Yawnas wese ca, əy kája mbahw aza, əy kábawza unaf tata ege aza a tama Gazlavay. Cemey, ɗala ma pa ma day aha Yawnas ca, ete ŋghe aka!»
Laslaŋgal ma ata la ma keweɗ
33Yesu a zlepetene, a laslaŋgal ma, a ŋgaya: «Mada ɗala kénef kwahwaw aza ata patarla ŋ weɗ la ca, a kanaɓahza ka askwaw, akwaw ca, a kanajaɓ ka a ɗawar askwaw. Cemey, a naca ka mgba ata la ma ata ca patarla, ndar hejəye ma kadam ŋ ujek ege, əy gəre la kadak kadak. 34Nje ŋkwa ca, a keweɗza kusam ŋkwa ana patarla ma keweɗ la. Mada nje ŋkwa a kegəre la kadak kadak ca, kusam ŋkwa tewtew a keweɗ. Ca, mada a kegəre la kadak kadak səkwaw ca, kusam ŋkwa tewtew mbəy ŋ kuzle yam. 35Cemey, sla ka kadak kadak! Leweɗ ma ŋ hwa a ɗaw ŋ baw anta ŋ kuzle səkwaw. 36Mada kusam ŋkwa tewtew a keweɗ, kaw kuzle cekuɗe ende ata kəva wende askwaw ca, kusam ŋkwa anta tewtew a neweɗ ana patarla ma keweɗzahwaw tezlezle.»
Yesu a ghemata Farəysa ege ey maghwal ma maŋkanaŋkan ege
37Maa Yesu káŋtakwza zlap aza ca, Farəysa wende aka, a yaɓa ŋ zam uda a wata anta. A təwse ca, a nda, a dam a wata heje wese, a nja ŋ zam uda. 38A təwse ca, Farəysa wese a ŋga ŋkwaɓ ata maa a gəre Yesu a zam uda delele, kaw kában ra anta mar ŋ zam uda ana maa kwakwas Farəysa ege a zlap, askwaw. 39Bay Madakal Yesu a zlepene, a ŋgaya: «Ŋkune, hune Farəysa ege ca, hune kaban dawan tekeɗ ŋkune ege ma ata sa səkan leŋ tekeɗ ŋkune ege ma ata zam uda aza kadak kadak ana maa kwakwas ŋkune a kaɗawaw. Cemey, unaf ŋkune ege ca, ghef a lulak ŋkwaɓ ma ata ŋhel leŋ ma ata la səkan ma kadak səkwaw ege. 40Hune hejəye ma kasan səkan səkwaw ege! Gazlavay ma laza bəza səkan ca, mbəy ma laza la ma uza ŋma səkwaw vaw? 41Cemey, mada hune kaɗaw unaf ŋkune ege əy weɗ a tama Gazlavay ca, hune veletene səkan ta zam ma ŋ tekeɗ ŋkune ege ŋ hejəye metetekw ege.»
42«Gay a nandaha ata hune, hune hejəye Farəysa ege! Hune kaŋta səkan teŋguleŋ ŋ wam kaw ŋ vejeɗ ege ma kandəramza urey leŋ vejeɗ urey ege vedəye vedəye ma ŋ jarne ŋkune ege ca, hune kevelene ŋ Gazlavay. Cemey, hune kéheseŋza aza ŋ letene taŋtaŋ ŋ hejəye leŋ ŋ ɗaw Gazlavay. Karba səkan ma pa ma kadak ŋ la keɗe ca, ara mbe, kaw ŋ heseŋzata vedəye ege wese aza askwaw.»
43«Gay a nandaha ata hune, hune Farəysa ege! Hune kaɗaw lanja ma pa ŋ tuwah a tama ŋ ujek ma ata rak Gazlavay leŋ hune kaɗaw hejəye əy wanzahune ha ka ŋ zlapzahune a tama hejəye ma ŋ hubakw ege. 44Gay a nandaha ata hune, hune Farəysa ege! Mavəday, hune nja ana jeɓ ege maa hejəye əy kegəreta zeney askwaw, əy kanda ta ata tata, a kagayzata aza, cemey, kaw əy kasan səkwaw.»
45Aya, ɗala teŋguleŋ ŋ taba maghwal ma maŋkanaŋkan ege, a zlepene, a ŋgaya: «Madakal, hwa zlap ana ebe ŋghe ca, hwa la ca, hwa reney yam!»
46A təwse ca, Yesu a zenene, a ŋgaya: «Hune maghwal ma maŋkanaŋkan ege, gay a nandaha ata hune yam! Mavəday, hune keŋkenetene ma ma ndeɓndeɓ ŋ hejəye, cemey, hune kecekzetene ŋ səbar ma anta kaw askwaw. 47Gay a nandaha ata hune! Mavəday, hune kálam jeɓ ege ma tuwah tuwah mala uzəye ma zlap ma mala Gazlavay ege aza. Karba ara jeje ŋkune ege, əy ma jata aza ca! 48Ana ebe ŋghe, hune kaghwalza zlan maa jeje ŋkune ege əy lata zlezle ŋghe ege ca, kándəramzahune aza. Ara tata ma jata uzəye ma zlap ma mala Gazlavay ege aza, hune yam, hune ma lam jeɓ tata ege! 49Mavəday anta, Gazlavay kázlap a kəleŋ anta, a ŋgaya: “Sa neleɓzetene uzəye ma zlap ma mala Gazlavay ege leŋ malaɓ ege ŋ ɗala maa Gazlavay a laɓaza ŋ rehzaheje. Əy najata vedəye aza ŋ taba tata leŋ əy naŋgwavata vedəye aza zeney.” 50Mar aka ata labaha manhayak ca, əy kájata uzəye ma zlap ma mala Gazlavay ege aza vəram. Mavəday anta, mbambaz tata ma zaha wese, a naghwafata hejəye ma na ŋgha ege. 51Mar aka ata maa əy ja Habəyla aza ha hwas ata maa əy ja Zekarəya ŋ ujek kwakwas, ŋ taba la ma ata la ma ata fetene səkan ŋ Gazlavay ey la ma keweɗ ŋ ujek kwakwas. Ayaw, njenjəwen sa kazlapahune, hejəye ma na ŋgha ege əy nelem ghem, mavəday maa əy jata hejəye ŋghe anta ege aza!»
52«Hune maghwal ma maŋkanaŋkan ege, gay a nandaha ata hune! Mavəday, hune kémpeketene ma ujek ma ata dam ara Gazlavay aza ŋ hejəye ana ɗala ma mpak ma ujek aza a lekəle. Cemey, hune a ha ŋkune, hune kaɗaw ŋ dam ŋma səkwaw. A zeney, tak hune takata hejəye ma kaɗaw ŋ dam ŋma ege aka!»
53Maa Yesu a damha aza a wata Farəysa wese ca, maghwal ma maŋkanaŋkan ege leŋ Farəysa ege wese, əy kághwaɗ tata dakala ata mbe. Aya, əy ɗawza ata ma ege vəram parpar parpar, 54əy ɗaw keɗe ca, ŋ zləme ma ma kadak səkwaw ma ŋ pakam anta, ndar əy lem taf ŋ ghemew.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2025 CABTAL