Luka 1
1
Lamar zlap
1-2Ɗala naka, Tawfəylus, hejəye vəram əy kégəre səkan ege maa Gazlavay a lata ŋ taba ŋcene a nje tata ege, mar aka ata lamar. A dəwze anta ca, əy kághwalza zlap anta. Ca, əy késlepeney ma anta ege tewtew, aya, hejəye vəram əy kátal ŋ ŋterata səkan anta ege. 3A təwse ca, sa kénjenza ma anta kadak kadak ata səkan anta ege tewtew ma laha ata lamar wese, sa kédeŋza kadak ŋ ŋterahwaw ma anta ege a meɗeɗe a meɗeɗe ŋ hwa yam, Tawfəylus, ɗala naka ma taŋtaŋ. 4Ayaw, sa ŋterahwaw ca, ndar hwa san ma ege maa əy sasərakzahwaw wese ege ca, ara ma ma taŋtaŋ, ma njenjəwen ege.
Malaɓ mala Gazlavay a ghwalza lambaw mala Yuhana
5Ata vah maa Həyrudus, mbəy bay mala hayak Yahudəya ca, heje wende aka, zlam anta Zekarəya, ara ɗala ma ŋ taba lajav mala mala kwakwas mala Gazlavay ege maa əy kayaɓa Abəya. Wala anta yam, zlam anta Eləyzabet, ara ŋseŋ Haruna, ɗala ma dakal ma zlezle mala kwakwas mala Gazlavay. 6Ata Zekarəya ey wala anta anta ca, əy tuwah a tama Gazlavay, əy kasəbar ma maŋkanaŋkan a heɗe a heɗe tuwah ana maa Bay Madakal a kaɗawaw. 7Cemey, əy kámbawaha uzəye askwaw, mavəday Eləyzabet ca, ara ndel. Tata gbak tata, tata msəra ege dəydey.
8A pes wende aka, Zekarəya a kala zlan mala mala kwakwas anta a tama Gazlavay ŋ ujek kwakwas, mavəday ara vah mala lajav Abəya ma ata la zlan. 9A pes wese ca, Zekarəya a lem zlan ma ata ɗəbesene səkan ma kenjef ŋ Bay Madakal ŋ ujek kwakwas. A ɗəbesene səkan a pes wese ca, mavəday mala kwakwas Gazlavay ege əy kala ghərew ŋ taba tata ana ma a mpat a mpat ŋ ŋtez zlan maa əy kanalaw. 10Maa a keɗəbesene səkan wese ca, hejəye vəram əy a bəza, əy karak Gazlavay yam. 11Aya, a təwse a təwse ca, malaɓ mala Bay Madakal a ghwelene kusam ŋ Zekarəya. Malaɓ mala Gazlavay anta kédeŋeye ata kəva zam mala la səkan ma kaɗəbas wese. 12Maa Zekarəya a gəre malaɓ mala Gazlavay wese ca, kálalak anta mambaza a heɗe, kéŋgene ŋkwaɓ aza. 13Cemey, malaɓ mala Gazlavay wese, a zlepene, a ŋgaya: «Hwa lalak səkwaw Zekarəya, mavəday Gazlavay kézləme larak ŋkwa aza. Eləyzabet, wala ŋkwa, a nambawahwaw mba mawal, hwa necene zlam anta Yuhana. 14Hwa nasasam dakala mambaza, hejəye vəram əy nasasam ata lambawha mba anta yam, 15mavəday a nala ŋ ɗala ma dakal a tama Bay Madakal. A kanasa mavaw askwaw, kaw a kanasa səkan vedəye ma kaŋhwazaheje ege askwaw. Mar aka a pes maa maman a nala a dəmas a mbe ca, Zəwet ma keweɗ a nanja a heɗe. 16A nezenata hejəye Əysərayəyla ege aza vəram ara Bay Madakal, Gazlavay tata. 17A nandaha a zəwet ey ɓarɓar mala Eləya, mba ma zlap ma mala Gazlavay. A najavata unaf mala uzəye ey mala cen tata ege aka ŋ la anta. Hejəye ma kaɗaw ŋ lamza zlap mala Gazlavay səkwaw ege ca, a nebewzetene unaf tata ege aza, aya, əy nedeŋ ŋkwaɓ ma kadak ana hejəye ma kala zlan a heɗe a heɗe ege. Ana ebe ŋghe, a naslata hejəye aka ŋ lamza Bay Madakal.»
18Aya, Zekarəya a zenzene ŋ malaɓ mala Gazlavay wese, a ŋgaya: «Sa, sa msəra tew, wala naka yam, mbəy msəra tew zeney. Sa nasan njenjəwen ca, ata vemey?» 19A təwse ca, malaɓ wese, a zenene, a ŋgaya: «Sa, sa Jəybəyrəyla, mala zlan ara Gazlavay. Ara mbe ma leɓekey ŋ zlapahwaw, ŋ ghwalzahwaw Ma Mewe ma Taŋtaŋ ŋghe. 20Cemey, hwa kálamza ma naka ege maa sa zlapahwawata ata səkan ege ma kanala ata vah maa Gazlavay a kaɗawaw, askwaw. Mavəday anta, hwa nala ŋkwa ŋ ɓaɓa, hwa nezen ŋ zlar zlap ca, səy ata vah maa səkan anta ege əy kála tata.»
21Ata vah maa Zekarəya mbəy a ujek kwakwas wese ca, hejəye vəram əy kaŋkapaw, a bəza. Əy kédeŋ ŋkwaɓ dakala mavəday Zekarəya kánja ka səpek ŋ ujek kwakwas mala Gazlavay. 22A dəwze anta ca, a damha aza a bəza, mbəy kula ŋ zlepetene ŋ hejəye zeney səkwaw. A təwse ca, hejəye əy deŋza ca, zaɓəla kéndewzene ŋ ujek kwakwas mala Gazlavay anta. Mbəy kula ŋ zlap səkwaw, cemey, a zlepetene ca, a ra gagaha.
23Aya, maa Zekarəya a ŋtakwza zlan anta aza ŋ ujek kwakwas mala Gazlavay ca, tel a nda anta a wata anta. 24Ata wan ege cekuɗe maa a nda anta a wata wese ca, wala anta Eləyzabet la a la anta a dəmas. Ŋtəra jaɓan, káɓah aka. A kázlap ŋ ha anta, a ŋgaya: 25«Sarza, səkan maa Bay Madakal a lekey. Kéŋtekey hawa mala ndel naka aza a tama hejəye.»
Malaɓ mala Gazlavay a ghwalza lambawha mala Yesu
26Aya, ata ŋtəra maŋkwah anta maa Eləyzabet mbəy a dəmas ca, Gazlavay a laɓaza malaɓ anta Jəybəyrəyla ŋ uzam maa əy kayaɓa Nasaratu ŋ hayak Galəyləy. 27A laɓaza ara haldəma dalay, səbe heje wende aka, zlam anta heje anta ca, Yusufu, ara ŋseŋ Dawuda. Zlam haldəma anta yam, Marəyama. 28Malaɓ mala Gazlavay wese, a ndaha ara Marəyama wese, a zlepene, a ŋgaya: «Sa kazlapzahwaw, Marəyama. Hwa ca, hwa kélem bəzla mala Gazlavay aza. Bay Madakal mbəy a hwa.» 29Maa Marəyama a zləme maa malaɓ mala Gazlavay a zlepzene wese ca, ma anta kéŋgene ŋkwaɓ aza mambaza. Kédeŋ ŋkwaɓ a heɗe dakala, a ɗawza ha anta, a ŋgaya: «Lazlap ŋghe ca, a ɗaw ŋ zlap ca, vaŋgay?»
30Aya, malaɓ mala Gazlavay wese, a zlepene, a ŋgaya: «Hwa lalak səkwaw Marəyama, mavəday hwa kélem bəzla aza ara Gazlavay. 31Hwa nala a dəmas, hwa nambawha mba mawal, hwa necene zlam mba anta Yesu. 32A nala ŋ ɗala ma dakal, əy nayaɓa a Mba Gazlavay ma mgba ata uzlaf. Gazlavay, Bay Madakal a nevelene bay mala jeje anta Dawuda. 33A nazam bay ata hejəye Əysərayəyla ege, kaw vepey. Lazam bay anta a kanaŋtakw askwaw.»
34Aya, Marəyama a zlepene ŋ malaɓ mala Gazlavay wese, a ŋgaya: «Sa kasan mawal səkwaw aza ca, a nasan ŋ laha ca, vaŋgay!» 35Aya, malaɓ wese, a ŋgaya: «Zəwet ma keweɗ a nandaha ata hwa, ɓarɓar Gazlavay ma mgba a nadapahwaw a seŋseŋ anta. Mavəday anta, mba maa hwa kanambawaza ŋgha ca, kaw gay a heɗe askwaw. Aya, əy nayaɓa a Mba Gazlavay. 36Ŋghe, van ŋkwa Eləyzabet, kaw mbəy msəra mambaza ca, mbəy a dəmas na ŋgha yam. A nambawha mba mawal. Kaw hejəye əy ŋgaya: “Ara ndel,” əy ca, cemey, na ŋgha ca, mbəy a dəmas, ŋtəra anta ŋkwah, 37mavəday səkan maa Gazlavay kula ŋ la səkwaw ca, askwaw.» 38A təwse ca, Marəyama wese, a zenene, ŋgaya: «Sa, sa mala zlan mala Bay Madakal, melekey ana maa hwa zlap anta.» Malaɓ mala Gazlavay wese, a yakza aka, tel a nda anta.
Marəyama a nda a wata Eləyzabet
39Aya, wan ege cekuɗe a dəwze anta ca, Marəyama a gwarzam, a nda kəcaŋ ŋ uzam ma ŋ barla ma ŋ hayak Yahudəya. 40A hwasha a təwse, a dam a wata Zekarəya, a zlepzene ŋ Eləyzabet. 41A təwse ca, maa Eləyzabet a zləme Marəyama a zlepzene wese ca, mba a həɓal a dəmas anta. Eləyzabet mbəy ghef a Zəwet ma keweɗ. 42Aya, a ja ula a mazlazlay, a zlepene a Marəyama, a ŋgaya: «Gazlavay káca bəzla anta aka ata hwa day aha ma ata weləye vedəye tewtew. Bəzla anta mbəy ata mba maa hwa kanambawaza ŋgha! 43Sa ca, sa yam vayay, ha man Bay Madakal naka a ndaha ara sa ŋgha! 44Ayaw, maa sa zləme lazlap maa hwa zlepzekey ŋghe ca, mba a həɓal a dəmas naka a sasam. 45Bəzla Bay Madakal, mbəy ata hwa, mavəday hwa kálamza ma mala Gazlavay maa a zlapahwaw wese aza, səkan anta a nala njenjəwen!»
Marəyama a həmanza Gazlavay a dəraf
46A dəwze anta ca, Marəyama, a ŋgaya:
«Sa kahəmanza Bay Madakal a zəwet naka tewtew,
47sa kasasam dakala, mavəday Gazlavay, mereh sa,
48kaw sa ɗala ma dakal a tama hejəye səkwaw ca, késenzekey hahar aza ŋ sa, mala zlan anta.
Njəwen, mar aka ma na ŋgha ca, hejəye tewtew ma kanambawha ege, əy nazlap ca, bəzla mbəy ata sa.
49Əy nazlap ana ebe ŋghe ca, mavəday Gazlavay ma mbəy a ɓarɓar, kélekey səkan ma dakal dakal ege.
Zlam anta ca, ma keweɗ.
50A nala taŋtaŋ anta kaw vepey, ata hejəye ma kewenzene ha aka ege.
51Kála zlan ma ɓarɓar ege, a ɓarɓar ra anta.
Kéweɗzata hejəye ma kaŋta ha tata ege tata day aha hejəye aza.
52Kátadakwata bay ege aza ata lanja bay tata ege.
Kágalzata hejəye ma kawanzata ha tata ege aka, aza.
53Káhəraɗzata hejəye maa metes a kajata ege aza a səkan ta zam ma tuwah tuwah ege mambaza.
Kágamata maŋcaɗaŋcaɗ ege aza, əy nda a ra bəse.
54A ndaha ca, ŋ cekzene ŋ Əysərayəyla, mala zlan anta.
Kaw kéheseŋza ŋ lene taŋtaŋ anta, askwaw.
55Ana maa Gazlavay a zlepetene ŋ jeje ŋtakwaw ege,
ana zlap ca, ŋ Əybərahəyma leŋ ŋ uzəye dəmas anta ege, kaw vepey.»
56Marəyama a nja ara Eləyzabet a la anta ŋtəra mahkaɗ, a dəwze anta ca, tel a nda anta a wata.
Lambawha Yuhana ma ban hejəye a yam baptəysma
57Ŋtəra Eləyzabet ma ata mbaw hwas, aya a mbawaha mba mawal. 58Mesleje anta ege ey van anta ege əy zləme taŋtaŋ maa Bay Madakal a lene ca, əy sasam ŋ la anta, əy ata Eləyzabet.
59Ata wan majamahkaɗ, a dəwze lambaw mba anta ca, mesleje anta ege ey van anta ege, əy ndaha ŋ zlene mandulay aza, əy ɗaw ŋ cene zlam anta Zekarəya ana cen. 60Cemey, man mba anta, a zlap, a ŋgaya: «Andəwse səkwaw, zlam anta ca, Yuhana.» 61Aya, əy zenene, əy ŋgaya: «Ca, kaw ɗala teŋguleŋ ŋ taba ŋseŋ ŋkune maa zlam anta ana ebe ŋghe, askwaw ŋghe eze!» 62A təwse ca, əy zlepene ŋ cen mbaw a ra, ŋ ɗawza zlam maa a kaɗaw ŋ cene a mba anta ca, vekey? 63Aya, a zlepetene ŋ dene papalam, a ŋter a heɗe: «Zlam anta ca, Yuhana.» Hejəye tewtew əy kédeŋ ŋkwaɓ dakala. 64A təwse a təwse, Zekarəya a zen ŋ zlar zlap eze, a mar ŋ zlap. Aya, a həmanza Gazlavay ata taŋtaŋ anta. 65Cemey, mesleje anta ege əy kálalak tata dakala mambaza. Hejəye ma a uzam ma ŋ barla ege ma ŋ hayak Yahudəya ege tewtew əy kazlap ata səkan ma laha ŋghe anta ege tewtew. 66Kaw vayay ma zləme ma ŋghe ca, a mbal ka a unaf, a deŋ ŋkwaɓ a heɗe, a ɗawza ha anta, a ŋgaya: «Mba anta ca, a nala ŋ vemey?» Njenjəwen ca, ɓardakw Bay Madakal mbəy a mbe.
Zekarəya, a həmanza taŋtaŋ mala Gazlavay
67Aya, Zəwet ma keweɗ a ndaha ata Zekarəya, cen mbaw wese. A dəwze anta, a zlap ana mba ma zlap ma mala Gazlavay, a ŋgaya:
68«Ŋ həmanzakwaw Bay Madakal, Gazlavay mala Əysərayəyla,
mavəday kécekzetene ŋ hejəye anta ege, kérehzata aza.
69Kálaɓaheje ɗala mereh heje ma ɓarɓar,
ma ndaha aka ta ata ŋseŋ bay Dawuda, mala zlan anta.
70Kághwalaza ma ŋghe anta zlezle,
ta ŋ ma uzəye ma zlap ma anta ege ma keweɗ,
71a ŋgaya: “A nerehzaheje aza asa ra hejəye ma kaɗaw ŋ gəreheje ata nje səkwaw ege,
ey hejəye ma kaɗaw ŋ laheje dadawar ege.”
72Kághwalza taŋtaŋ anta ŋ jeje ŋtakwaw ege,
kéheseŋza laŋkan ma anta ma keweɗ maa a zlap wese askwaw.
73Cemey, lemeɗ ma maa a meɗene ŋ Əybərahəyma jeje ŋtakwaw wese ca,
a nalaheje səkan anta.
74A nerehzaheje aza asa ra hejəye ma kaɗaw ŋ gəreheje ata nje səkwaw ege,
ndar heje lene zlan a lalak səkwaw,
75ndar heje baw ŋtakwaw ŋ hejəye ma keweɗ ege ey hejəye ma kala səkan a heɗe a heɗe ege a tama Gazlavay,
ata lanja ŋtakwaw, kaw vepey.»
76Zekarəya a zlap zeney, a ŋgaya:
«Mba naka, hwa nala ŋ mba ma zlap ma mala Gazlavay ma mgba ata uzlaf,
mavəday hwa nanda mpar a tama Bay Madakal ŋ lemzene taf anta ka.
77Hwa neghwelzetene ŋ hejəye anta ege ca,
Gazlavay a nerehzata aza mavəday a nepelzetene gay tata ege aka.
78Gazlavay ŋtakwaw a nerehzaheje aza ca, mavəday kásan hahar ata heje,
kálaheje taŋtaŋ anta dakala.
Kálaɓaheje leweɗ ma mgba ata uzlaf ana pes ma kadamha,
79ŋ weɗ la ata hejəye ma ŋ kuzle ege ey ma ŋ seŋseŋ lamac ege,
ndar a jeɓzaheje ata taf mala zəhay.»
80Mba wese, a kagal, a kagal, ŋkwaɓ anta a keŋger, kála anta ŋ ɗala ma dakal. A dəwze anta, kánda anta, kánja ka ata darzlam, ha hwas ata vah maa a ghwalaza ha anta a tama hejəye Əysərayəyla ege.
ទើបបានជ្រើសរើសហើយ៖
Luka 1: BHS
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2025 CABTAL
Luka 1
1
Lamar zlap
1-2Ɗala naka, Tawfəylus, hejəye vəram əy kégəre səkan ege maa Gazlavay a lata ŋ taba ŋcene a nje tata ege, mar aka ata lamar. A dəwze anta ca, əy kághwalza zlap anta. Ca, əy késlepeney ma anta ege tewtew, aya, hejəye vəram əy kátal ŋ ŋterata səkan anta ege. 3A təwse ca, sa kénjenza ma anta kadak kadak ata səkan anta ege tewtew ma laha ata lamar wese, sa kédeŋza kadak ŋ ŋterahwaw ma anta ege a meɗeɗe a meɗeɗe ŋ hwa yam, Tawfəylus, ɗala naka ma taŋtaŋ. 4Ayaw, sa ŋterahwaw ca, ndar hwa san ma ege maa əy sasərakzahwaw wese ege ca, ara ma ma taŋtaŋ, ma njenjəwen ege.
Malaɓ mala Gazlavay a ghwalza lambaw mala Yuhana
5Ata vah maa Həyrudus, mbəy bay mala hayak Yahudəya ca, heje wende aka, zlam anta Zekarəya, ara ɗala ma ŋ taba lajav mala mala kwakwas mala Gazlavay ege maa əy kayaɓa Abəya. Wala anta yam, zlam anta Eləyzabet, ara ŋseŋ Haruna, ɗala ma dakal ma zlezle mala kwakwas mala Gazlavay. 6Ata Zekarəya ey wala anta anta ca, əy tuwah a tama Gazlavay, əy kasəbar ma maŋkanaŋkan a heɗe a heɗe tuwah ana maa Bay Madakal a kaɗawaw. 7Cemey, əy kámbawaha uzəye askwaw, mavəday Eləyzabet ca, ara ndel. Tata gbak tata, tata msəra ege dəydey.
8A pes wende aka, Zekarəya a kala zlan mala mala kwakwas anta a tama Gazlavay ŋ ujek kwakwas, mavəday ara vah mala lajav Abəya ma ata la zlan. 9A pes wese ca, Zekarəya a lem zlan ma ata ɗəbesene səkan ma kenjef ŋ Bay Madakal ŋ ujek kwakwas. A ɗəbesene səkan a pes wese ca, mavəday mala kwakwas Gazlavay ege əy kala ghərew ŋ taba tata ana ma a mpat a mpat ŋ ŋtez zlan maa əy kanalaw. 10Maa a keɗəbesene səkan wese ca, hejəye vəram əy a bəza, əy karak Gazlavay yam. 11Aya, a təwse a təwse ca, malaɓ mala Bay Madakal a ghwelene kusam ŋ Zekarəya. Malaɓ mala Gazlavay anta kédeŋeye ata kəva zam mala la səkan ma kaɗəbas wese. 12Maa Zekarəya a gəre malaɓ mala Gazlavay wese ca, kálalak anta mambaza a heɗe, kéŋgene ŋkwaɓ aza. 13Cemey, malaɓ mala Gazlavay wese, a zlepene, a ŋgaya: «Hwa lalak səkwaw Zekarəya, mavəday Gazlavay kézləme larak ŋkwa aza. Eləyzabet, wala ŋkwa, a nambawahwaw mba mawal, hwa necene zlam anta Yuhana. 14Hwa nasasam dakala mambaza, hejəye vəram əy nasasam ata lambawha mba anta yam, 15mavəday a nala ŋ ɗala ma dakal a tama Bay Madakal. A kanasa mavaw askwaw, kaw a kanasa səkan vedəye ma kaŋhwazaheje ege askwaw. Mar aka a pes maa maman a nala a dəmas a mbe ca, Zəwet ma keweɗ a nanja a heɗe. 16A nezenata hejəye Əysərayəyla ege aza vəram ara Bay Madakal, Gazlavay tata. 17A nandaha a zəwet ey ɓarɓar mala Eləya, mba ma zlap ma mala Gazlavay. A najavata unaf mala uzəye ey mala cen tata ege aka ŋ la anta. Hejəye ma kaɗaw ŋ lamza zlap mala Gazlavay səkwaw ege ca, a nebewzetene unaf tata ege aza, aya, əy nedeŋ ŋkwaɓ ma kadak ana hejəye ma kala zlan a heɗe a heɗe ege. Ana ebe ŋghe, a naslata hejəye aka ŋ lamza Bay Madakal.»
18Aya, Zekarəya a zenzene ŋ malaɓ mala Gazlavay wese, a ŋgaya: «Sa, sa msəra tew, wala naka yam, mbəy msəra tew zeney. Sa nasan njenjəwen ca, ata vemey?» 19A təwse ca, malaɓ wese, a zenene, a ŋgaya: «Sa, sa Jəybəyrəyla, mala zlan ara Gazlavay. Ara mbe ma leɓekey ŋ zlapahwaw, ŋ ghwalzahwaw Ma Mewe ma Taŋtaŋ ŋghe. 20Cemey, hwa kálamza ma naka ege maa sa zlapahwawata ata səkan ege ma kanala ata vah maa Gazlavay a kaɗawaw, askwaw. Mavəday anta, hwa nala ŋkwa ŋ ɓaɓa, hwa nezen ŋ zlar zlap ca, səy ata vah maa səkan anta ege əy kála tata.»
21Ata vah maa Zekarəya mbəy a ujek kwakwas wese ca, hejəye vəram əy kaŋkapaw, a bəza. Əy kédeŋ ŋkwaɓ dakala mavəday Zekarəya kánja ka səpek ŋ ujek kwakwas mala Gazlavay. 22A dəwze anta ca, a damha aza a bəza, mbəy kula ŋ zlepetene ŋ hejəye zeney səkwaw. A təwse ca, hejəye əy deŋza ca, zaɓəla kéndewzene ŋ ujek kwakwas mala Gazlavay anta. Mbəy kula ŋ zlap səkwaw, cemey, a zlepetene ca, a ra gagaha.
23Aya, maa Zekarəya a ŋtakwza zlan anta aza ŋ ujek kwakwas mala Gazlavay ca, tel a nda anta a wata anta. 24Ata wan ege cekuɗe maa a nda anta a wata wese ca, wala anta Eləyzabet la a la anta a dəmas. Ŋtəra jaɓan, káɓah aka. A kázlap ŋ ha anta, a ŋgaya: 25«Sarza, səkan maa Bay Madakal a lekey. Kéŋtekey hawa mala ndel naka aza a tama hejəye.»
Malaɓ mala Gazlavay a ghwalza lambawha mala Yesu
26Aya, ata ŋtəra maŋkwah anta maa Eləyzabet mbəy a dəmas ca, Gazlavay a laɓaza malaɓ anta Jəybəyrəyla ŋ uzam maa əy kayaɓa Nasaratu ŋ hayak Galəyləy. 27A laɓaza ara haldəma dalay, səbe heje wende aka, zlam anta heje anta ca, Yusufu, ara ŋseŋ Dawuda. Zlam haldəma anta yam, Marəyama. 28Malaɓ mala Gazlavay wese, a ndaha ara Marəyama wese, a zlepene, a ŋgaya: «Sa kazlapzahwaw, Marəyama. Hwa ca, hwa kélem bəzla mala Gazlavay aza. Bay Madakal mbəy a hwa.» 29Maa Marəyama a zləme maa malaɓ mala Gazlavay a zlepzene wese ca, ma anta kéŋgene ŋkwaɓ aza mambaza. Kédeŋ ŋkwaɓ a heɗe dakala, a ɗawza ha anta, a ŋgaya: «Lazlap ŋghe ca, a ɗaw ŋ zlap ca, vaŋgay?»
30Aya, malaɓ mala Gazlavay wese, a zlepene, a ŋgaya: «Hwa lalak səkwaw Marəyama, mavəday hwa kélem bəzla aza ara Gazlavay. 31Hwa nala a dəmas, hwa nambawha mba mawal, hwa necene zlam mba anta Yesu. 32A nala ŋ ɗala ma dakal, əy nayaɓa a Mba Gazlavay ma mgba ata uzlaf. Gazlavay, Bay Madakal a nevelene bay mala jeje anta Dawuda. 33A nazam bay ata hejəye Əysərayəyla ege, kaw vepey. Lazam bay anta a kanaŋtakw askwaw.»
34Aya, Marəyama a zlepene ŋ malaɓ mala Gazlavay wese, a ŋgaya: «Sa kasan mawal səkwaw aza ca, a nasan ŋ laha ca, vaŋgay!» 35Aya, malaɓ wese, a ŋgaya: «Zəwet ma keweɗ a nandaha ata hwa, ɓarɓar Gazlavay ma mgba a nadapahwaw a seŋseŋ anta. Mavəday anta, mba maa hwa kanambawaza ŋgha ca, kaw gay a heɗe askwaw. Aya, əy nayaɓa a Mba Gazlavay. 36Ŋghe, van ŋkwa Eləyzabet, kaw mbəy msəra mambaza ca, mbəy a dəmas na ŋgha yam. A nambawha mba mawal. Kaw hejəye əy ŋgaya: “Ara ndel,” əy ca, cemey, na ŋgha ca, mbəy a dəmas, ŋtəra anta ŋkwah, 37mavəday səkan maa Gazlavay kula ŋ la səkwaw ca, askwaw.» 38A təwse ca, Marəyama wese, a zenene, ŋgaya: «Sa, sa mala zlan mala Bay Madakal, melekey ana maa hwa zlap anta.» Malaɓ mala Gazlavay wese, a yakza aka, tel a nda anta.
Marəyama a nda a wata Eləyzabet
39Aya, wan ege cekuɗe a dəwze anta ca, Marəyama a gwarzam, a nda kəcaŋ ŋ uzam ma ŋ barla ma ŋ hayak Yahudəya. 40A hwasha a təwse, a dam a wata Zekarəya, a zlepzene ŋ Eləyzabet. 41A təwse ca, maa Eləyzabet a zləme Marəyama a zlepzene wese ca, mba a həɓal a dəmas anta. Eləyzabet mbəy ghef a Zəwet ma keweɗ. 42Aya, a ja ula a mazlazlay, a zlepene a Marəyama, a ŋgaya: «Gazlavay káca bəzla anta aka ata hwa day aha ma ata weləye vedəye tewtew. Bəzla anta mbəy ata mba maa hwa kanambawaza ŋgha! 43Sa ca, sa yam vayay, ha man Bay Madakal naka a ndaha ara sa ŋgha! 44Ayaw, maa sa zləme lazlap maa hwa zlepzekey ŋghe ca, mba a həɓal a dəmas naka a sasam. 45Bəzla Bay Madakal, mbəy ata hwa, mavəday hwa kálamza ma mala Gazlavay maa a zlapahwaw wese aza, səkan anta a nala njenjəwen!»
Marəyama a həmanza Gazlavay a dəraf
46A dəwze anta ca, Marəyama, a ŋgaya:
«Sa kahəmanza Bay Madakal a zəwet naka tewtew,
47sa kasasam dakala, mavəday Gazlavay, mereh sa,
48kaw sa ɗala ma dakal a tama hejəye səkwaw ca, késenzekey hahar aza ŋ sa, mala zlan anta.
Njəwen, mar aka ma na ŋgha ca, hejəye tewtew ma kanambawha ege, əy nazlap ca, bəzla mbəy ata sa.
49Əy nazlap ana ebe ŋghe ca, mavəday Gazlavay ma mbəy a ɓarɓar, kélekey səkan ma dakal dakal ege.
Zlam anta ca, ma keweɗ.
50A nala taŋtaŋ anta kaw vepey, ata hejəye ma kewenzene ha aka ege.
51Kála zlan ma ɓarɓar ege, a ɓarɓar ra anta.
Kéweɗzata hejəye ma kaŋta ha tata ege tata day aha hejəye aza.
52Kátadakwata bay ege aza ata lanja bay tata ege.
Kágalzata hejəye ma kawanzata ha tata ege aka, aza.
53Káhəraɗzata hejəye maa metes a kajata ege aza a səkan ta zam ma tuwah tuwah ege mambaza.
Kágamata maŋcaɗaŋcaɗ ege aza, əy nda a ra bəse.
54A ndaha ca, ŋ cekzene ŋ Əysərayəyla, mala zlan anta.
Kaw kéheseŋza ŋ lene taŋtaŋ anta, askwaw.
55Ana maa Gazlavay a zlepetene ŋ jeje ŋtakwaw ege,
ana zlap ca, ŋ Əybərahəyma leŋ ŋ uzəye dəmas anta ege, kaw vepey.»
56Marəyama a nja ara Eləyzabet a la anta ŋtəra mahkaɗ, a dəwze anta ca, tel a nda anta a wata.
Lambawha Yuhana ma ban hejəye a yam baptəysma
57Ŋtəra Eləyzabet ma ata mbaw hwas, aya a mbawaha mba mawal. 58Mesleje anta ege ey van anta ege əy zləme taŋtaŋ maa Bay Madakal a lene ca, əy sasam ŋ la anta, əy ata Eləyzabet.
59Ata wan majamahkaɗ, a dəwze lambaw mba anta ca, mesleje anta ege ey van anta ege, əy ndaha ŋ zlene mandulay aza, əy ɗaw ŋ cene zlam anta Zekarəya ana cen. 60Cemey, man mba anta, a zlap, a ŋgaya: «Andəwse səkwaw, zlam anta ca, Yuhana.» 61Aya, əy zenene, əy ŋgaya: «Ca, kaw ɗala teŋguleŋ ŋ taba ŋseŋ ŋkune maa zlam anta ana ebe ŋghe, askwaw ŋghe eze!» 62A təwse ca, əy zlepene ŋ cen mbaw a ra, ŋ ɗawza zlam maa a kaɗaw ŋ cene a mba anta ca, vekey? 63Aya, a zlepetene ŋ dene papalam, a ŋter a heɗe: «Zlam anta ca, Yuhana.» Hejəye tewtew əy kédeŋ ŋkwaɓ dakala. 64A təwse a təwse, Zekarəya a zen ŋ zlar zlap eze, a mar ŋ zlap. Aya, a həmanza Gazlavay ata taŋtaŋ anta. 65Cemey, mesleje anta ege əy kálalak tata dakala mambaza. Hejəye ma a uzam ma ŋ barla ege ma ŋ hayak Yahudəya ege tewtew əy kazlap ata səkan ma laha ŋghe anta ege tewtew. 66Kaw vayay ma zləme ma ŋghe ca, a mbal ka a unaf, a deŋ ŋkwaɓ a heɗe, a ɗawza ha anta, a ŋgaya: «Mba anta ca, a nala ŋ vemey?» Njenjəwen ca, ɓardakw Bay Madakal mbəy a mbe.
Zekarəya, a həmanza taŋtaŋ mala Gazlavay
67Aya, Zəwet ma keweɗ a ndaha ata Zekarəya, cen mbaw wese. A dəwze anta, a zlap ana mba ma zlap ma mala Gazlavay, a ŋgaya:
68«Ŋ həmanzakwaw Bay Madakal, Gazlavay mala Əysərayəyla,
mavəday kécekzetene ŋ hejəye anta ege, kérehzata aza.
69Kálaɓaheje ɗala mereh heje ma ɓarɓar,
ma ndaha aka ta ata ŋseŋ bay Dawuda, mala zlan anta.
70Kághwalaza ma ŋghe anta zlezle,
ta ŋ ma uzəye ma zlap ma anta ege ma keweɗ,
71a ŋgaya: “A nerehzaheje aza asa ra hejəye ma kaɗaw ŋ gəreheje ata nje səkwaw ege,
ey hejəye ma kaɗaw ŋ laheje dadawar ege.”
72Kághwalza taŋtaŋ anta ŋ jeje ŋtakwaw ege,
kéheseŋza laŋkan ma anta ma keweɗ maa a zlap wese askwaw.
73Cemey, lemeɗ ma maa a meɗene ŋ Əybərahəyma jeje ŋtakwaw wese ca,
a nalaheje səkan anta.
74A nerehzaheje aza asa ra hejəye ma kaɗaw ŋ gəreheje ata nje səkwaw ege,
ndar heje lene zlan a lalak səkwaw,
75ndar heje baw ŋtakwaw ŋ hejəye ma keweɗ ege ey hejəye ma kala səkan a heɗe a heɗe ege a tama Gazlavay,
ata lanja ŋtakwaw, kaw vepey.»
76Zekarəya a zlap zeney, a ŋgaya:
«Mba naka, hwa nala ŋ mba ma zlap ma mala Gazlavay ma mgba ata uzlaf,
mavəday hwa nanda mpar a tama Bay Madakal ŋ lemzene taf anta ka.
77Hwa neghwelzetene ŋ hejəye anta ege ca,
Gazlavay a nerehzata aza mavəday a nepelzetene gay tata ege aka.
78Gazlavay ŋtakwaw a nerehzaheje aza ca, mavəday kásan hahar ata heje,
kálaheje taŋtaŋ anta dakala.
Kálaɓaheje leweɗ ma mgba ata uzlaf ana pes ma kadamha,
79ŋ weɗ la ata hejəye ma ŋ kuzle ege ey ma ŋ seŋseŋ lamac ege,
ndar a jeɓzaheje ata taf mala zəhay.»
80Mba wese, a kagal, a kagal, ŋkwaɓ anta a keŋger, kála anta ŋ ɗala ma dakal. A dəwze anta, kánda anta, kánja ka ata darzlam, ha hwas ata vah maa a ghwalaza ha anta a tama hejəye Əysərayəyla ege.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2025 CABTAL