Yuhana 4
4
Ata Yesu ey wala ma ŋ Samarəya
1Yesu kásan aza, Farəysa ege əy kézləme, Yesu a kelem madarlaŋw ege vəram leŋ a kabanata hejəye vəram, a yam baptəysma day aha Yuhana. 2Njenjəwen ca, Yesu a ha anta ca, kában ɗala kaw teŋguleŋ a yam baptəysma, askwaw. Cemey, ara madarlaŋw anta ege ma kabanata hejəye a yam baptəysma. 3Mavəday anta, káyakza hayak Yahudəya aka, kézen anta ŋ hayak Galəyləy. 4Ŋ hwas ŋ hayak Galəyləy anta ca, səy a nda ta ŋ hayak Samarəya. 5Yesu a hwasha ŋ uzam Səykar ma ŋ hayak Samarəya, mbermber a la maa Yakubu a velene ŋ mba anta Yusufu. 6Təker maa Yakubu a raw, mbəy a təwse. Yesu ŋtəɓal ata landa, nja, a nja ka a mazlam təker anta. Pes a la anta wereywerey. 7A təwse ca, wala Samarəya wende aka, a ndaha ŋ ɗa yam. Aya, Yesu a zlepene, a ŋgaya: «Ɗekey yam ŋ sa.» 8Cemey, madarlaŋw anta ege ca, əy ɗak ŋ səkamaha səkan ta zam ŋ uzam. 9Wala ma ŋ Samarəya wese, a zlepene ŋ Yesu, a ŋgaya: «Hwa, hwa Yahudu, sa yam, sa Samarəya, hwa nasan ŋ ɗaw yam ŋ sa, ara sa ca, vaŋgay?» Yahudu ege cemey, əy kaŋgəlay nje a Samarəya ege səkwaw. 10Yesu a zenene, a ŋgaya: «Keɗe hwa kasan səkan maa Gazlavay a kavalza leŋ heje ma kaɗaw yam ŋ sa ara hwa ŋghe, ara vayay ca, hwa a ha ŋkwa, hwa naɗawza yam ŋ sa ara mbe. Aya, mbe yam, a navalahwaw yam ma kaval lanja.» 11Wala wese, a zlepene a ŋgaya: «Bay Madakal, səkan ma ta ɗa yam ara hwa ŋ ɗaza yam anta askwaw, təker anta yam, mbəy pəɗem. Ca, hwa naɗaza yam ma kaval lanja anta a katay? 12Hwa pa ma day aha vana ŋcene Yakubu ma veleney təker ŋghe anta vaw? Mbe a ha anta, kása yam anta leŋ uzəye anta ege ey səkan patakwar anta ege əy kása yam anta yam.» 13Yesu a zenene, a ŋgaya: «Kaw vayay ma sa yam ŋghe ca, yam a naja zeney. 14Cemey, heje ma sa yam maa sa kenevelene ca, yam a kenezen ŋ jaw, askwaw. Karba yam maa sa kenevelene ca, a nabaw anta ŋ mbe, ŋ təker maa kenevelene lanja ma katuwaɗ səkwaw, kaw vepey.» 15Wala wese, a zlepene ŋ Yesu, a ŋgaya: «Bay Madakal, ɗekey yam anta, ndar yam a ɗaw ŋ jekey zeney, səkwaw. Aya, sa ɗaw ŋ ndaha ŋ ɗa yam ete ŋghe zeney səkwaw.» 16Yesu a zlepene, a ŋgaya: «Nda, hwa yaɓa mawal ŋkwa, hune ndaha ete ŋghe.» 17Wala wese, a zenene, a ŋgaya: «Mawal naka, askwaw.» Yesu a zlepene, a ŋgaya: «Hwa zlap a heɗe a heɗe, mawal ŋkwa, askwaw njəwen. 18Cemey, hwa káɗa wala asa mawal ege jaɓan. Ca, heje ma hwa a səka na ŋgha ca, ara mawal ŋkwa səkwaw. Ebe ŋghe ca, hwa zlap a heɗe a heɗe.» 19Aya, wala wese, a zlepene, a ŋgaya: «Bay Madakal, sa kásanza, hwa ca, hwa mba ma zlap ma mala Gazlavay. 20Jeje ŋcene ege, əy káhəmanza Gazlavay ata barla ŋghe. Cemey, ŋkune Yahudu ege ca, huney, la ma ata həmanza Gazlavay ca, səy Urusaləyma.» 21Yesu a zlepene, a ŋgaya: «Wala, lamza zlap naka, vah a kandaha, hune kanahəmanza Vana, ata barla ŋgha, askwaw, ŋ Urusaləyma, askwaw. 22Ŋkune Samarəya ege ca, hune kahəman səkan maa hune kasan, səkwaw. Ŋcene Yahudu ege ca, nene kasan ɗala maa nene kahəmanza, mavəday lereh ca, a ndaha ta ŋ ara Yahudu ege. 23Cemey, vah a ana ndaha, kándaha aza tew. Ata vah anta, hejəye ma kahəmanza Vana ege, əy nahəmanza a heɗe a heɗe, a zəwet. Vana a ɗaw ca, ŋseŋ hejəye ma kahəmanza ana ebe ŋghe ege. 24Gazlavay ca, ara zəwet, aya, a ɗaw ca, hejəye ma kahəmanza ege, əy həmanza a heɗe a heɗe, a zəwet.» 25Wala wese, a zlepene a ŋgaya: «Sa kasan ca, ɗala maa Gazlavay a mayaw, a nandaha, ana zlap ca, Almasəyhu. Mada kándaha aza ca, a naghwalaheje səkan ege tewtew.» 26Yesu a zlepene ŋ wala wese, a ŋgaya: «Almasəyhu ca, ara sa, sa ma kazlapahwaw ŋgha.»
27A təwse ca, maa madarlaŋw Yesu ege, əy kézenha aza, əy káŋga ŋkwaɓ dakala ata maa Yesu a kazlap a wala wese. Cemey, kaw ɗala teŋguleŋ ŋ taba tata káɗawza: «Hwa ɗaw ara mbe vemey?» ca, askwaw. Kaw ɗala ma ɗawza: «Hune zlap a wala anta ata vemey?» ca, askwaw. 28Aya, wala wese, a yakza dugwazl anta ka a ma təker, a nda ŋ uzam ŋ zlepetene ŋ hejəye, a ŋgaya: 29«Hune ndaha ŋ sarza heje wende ma zlepekey səkan maa sa lata a nuna anta ege tewtew. Ketegəre ara Almasəyhu ka vaw?» 30Hejəye əy damaha ŋ uzam, aya, əy nda ara Yesu. 31A təwse ca, madarlaŋw anta ege, əy kevesene kusam ŋ zam səkan, əy ŋgaya: «Rabəy, zamɓa səkan aza cekuɗe.» 32Cemey, Yesu a zenetene, a ŋgaya: «Səkan ta zam naka ma hune kasan səkwaw, aka.» 33A təwse ca, madarlaŋw Yesu ege, əy zlap ŋ taba tata, əy ŋgaya: «Ɗala kédene səkan ta zam aka vaw?» 34Yesu a zlepetene, a ŋgaya: «Səkan ta zam naka ca, sa la səkan maa heje ma leɓekey, a kaɗawaw leŋ sa la zlan anta maa a velekey ŋ law. 35Hune kazlap, huney: “Kémenha ŋtəra ŋfaɗ ŋ pet səkan ege a wata,” askwaw vaw? Cemey, a naka ca, sa kazlapahune, hune sarzata səkan ma ŋ la ege kadak kadak, əy kána tata tete ŋ petata. 36Maa na ŋgha, heje mepet səkan ca, a kelem laŋtar anta. Aya, a ɓec səkan, ŋ lanja ma katuwaɗ səkwaw, kaw vepey, ndar ata ɗala ma zlakaw ey ɗala ma petew, əy sasam ŋ la anta. 37Cemey, laslaŋgal ma maa a kazlap, a ŋgaya: “Ɗala ma kazlak matakan, ɗala ma kepet matakan” wese ca, ara ma ma njenjəwen. 38Sa kálaɓzahune ŋ petha səkan ata la maa kaw hune kálaha zlan, askwaw. Hejəye vedəye əy ma la zlan anta, cemey, hune ca, hune pet səkan ata la maa kaw hune kálaha zlan, askwaw.»
39Hejəye Samarəya ege vəram, ma ŋ uzam wese ege, əy kálamza ma mala Yesu aza mavəday, maa wala wese a zlap, a ŋgaya: «Késlepekey səkan maa sa lata a nuna anta ege aza tewtew.» 40A zeney, maa hejəye Samarəya ege, əy ndaha ara Yesu ca, əy jene mbahw ŋ nja ka ara tata. Aya, a nja ka a təwse, wan gbak. 41Hejəye vəram mambaza zeney, əy kálamza Yesu aza mavəday zlap anta ege. 42Aya, əy zlepene ŋ wala wese, əy ŋgaya: «Nene lamza ca, mavəday ma maa hwa zlepeney zeney səkwaw. Cemey, nene a ha ŋcene, nene kézləme zlap anta leŋ nene kásan aza, njenjəwen mbəy ca, ara mereh hejəye ŋ manhayak.»
Yesu a zen anta ŋ hayak Galəyləy
43Aya, a dəwze wan ma gbak ege wese ca, Yesu a gwarzamha aza a təwse, a nda ŋ hayak Galəyləy. 44Cemey, Yesu a zlap, ŋ ha anta, a ŋgaya: «Əy kahəmanza mba ma zlap ma mala Gazlavay ŋ hayak anta, səkwaw.» 45Aya maa a hwasaha aza ŋ hayak Galəyləy ca, hejəye ma a təwse ege, əy kálamza kadak kadak, mavəday əy kégəre səkan maa a lata a ege tewtew ŋ gwaygwaya Paska ŋ Urusaləyma. 46Aya, Yesu a zen a uzam Kana, ŋ hayak Galəyləy, ata la maa a bawza yam aza ŋ mavaw wese. Madakal mala zlan a wata bay ŋ hayak Kafarnahum aka, mba anta mbəy werwer, askwaw. 47Maa a zləme Yesu a ndaha aka ŋ hayak Yahudəya, mbəy ŋ hayak Galəyləy ca, a nda ara mbe, a jene mbahw, a ŋgaya: «Mbahw! Mazaw gbak ŋ hayak Kafarnahum, mavəday mba naka mbəy werwer, askwaw, mbəy slaɓ ŋ mac.» 48Yesu a zlepene, a ŋgaya: «Mada hune kégəre zaɓəla ege, askwaw ca, hune kelemzekey səkwaw.» 49Madakal mala zlan a wata bay wese, a zlepene, a ŋgaya: «Bay Madakal, ndaha a wata naka mar mba naka a namac anta.» 50Yesu, a zlepene, a ŋgaya: «Nda a wata, mba ŋkwa kéreh anta.» Aya, heje wese a lamza ma maa Yesu a zlepene, a nda anta a wata. 51Aya, maa mbəy ata taf ule ca, mala zlan anta ege əy ŋgelene ma, əy zlepene, əy ŋgaya: «Mba ŋkwa kéreh anta.» 52A təwse ca, a ɗawzata, a ŋgaya: «Mba anta a la werwer ca, tete a la vaŋgay?» Əy zenene, əy ŋgaya: «Kwahwaw a tuwaɗ ata kusam anta ca, a njuna maa pes káŋga ma aza.» 53Cen mba wese, a senzene ata vah maa Yesu a zlepene, a ŋgaya: «Mba ŋkwa kéreh anta», wese. Aya, mbe, zlaɓa hejəye ma a wata anta ege tewtew, əy lamza Yesu. 54Ebe ŋghe ca, ara zaɓəla magbak maa Yesu a law, a dəwze maa a gwarzamaha aka ŋ hayak Yahudəya, a kanda kəɗa ŋ hayak Galəyləy.
ទើបបានជ្រើសរើសហើយ៖
Yuhana 4: BHS
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2025 CABTAL
Yuhana 4
4
Ata Yesu ey wala ma ŋ Samarəya
1Yesu kásan aza, Farəysa ege əy kézləme, Yesu a kelem madarlaŋw ege vəram leŋ a kabanata hejəye vəram, a yam baptəysma day aha Yuhana. 2Njenjəwen ca, Yesu a ha anta ca, kában ɗala kaw teŋguleŋ a yam baptəysma, askwaw. Cemey, ara madarlaŋw anta ege ma kabanata hejəye a yam baptəysma. 3Mavəday anta, káyakza hayak Yahudəya aka, kézen anta ŋ hayak Galəyləy. 4Ŋ hwas ŋ hayak Galəyləy anta ca, səy a nda ta ŋ hayak Samarəya. 5Yesu a hwasha ŋ uzam Səykar ma ŋ hayak Samarəya, mbermber a la maa Yakubu a velene ŋ mba anta Yusufu. 6Təker maa Yakubu a raw, mbəy a təwse. Yesu ŋtəɓal ata landa, nja, a nja ka a mazlam təker anta. Pes a la anta wereywerey. 7A təwse ca, wala Samarəya wende aka, a ndaha ŋ ɗa yam. Aya, Yesu a zlepene, a ŋgaya: «Ɗekey yam ŋ sa.» 8Cemey, madarlaŋw anta ege ca, əy ɗak ŋ səkamaha səkan ta zam ŋ uzam. 9Wala ma ŋ Samarəya wese, a zlepene ŋ Yesu, a ŋgaya: «Hwa, hwa Yahudu, sa yam, sa Samarəya, hwa nasan ŋ ɗaw yam ŋ sa, ara sa ca, vaŋgay?» Yahudu ege cemey, əy kaŋgəlay nje a Samarəya ege səkwaw. 10Yesu a zenene, a ŋgaya: «Keɗe hwa kasan səkan maa Gazlavay a kavalza leŋ heje ma kaɗaw yam ŋ sa ara hwa ŋghe, ara vayay ca, hwa a ha ŋkwa, hwa naɗawza yam ŋ sa ara mbe. Aya, mbe yam, a navalahwaw yam ma kaval lanja.» 11Wala wese, a zlepene a ŋgaya: «Bay Madakal, səkan ma ta ɗa yam ara hwa ŋ ɗaza yam anta askwaw, təker anta yam, mbəy pəɗem. Ca, hwa naɗaza yam ma kaval lanja anta a katay? 12Hwa pa ma day aha vana ŋcene Yakubu ma veleney təker ŋghe anta vaw? Mbe a ha anta, kása yam anta leŋ uzəye anta ege ey səkan patakwar anta ege əy kása yam anta yam.» 13Yesu a zenene, a ŋgaya: «Kaw vayay ma sa yam ŋghe ca, yam a naja zeney. 14Cemey, heje ma sa yam maa sa kenevelene ca, yam a kenezen ŋ jaw, askwaw. Karba yam maa sa kenevelene ca, a nabaw anta ŋ mbe, ŋ təker maa kenevelene lanja ma katuwaɗ səkwaw, kaw vepey.» 15Wala wese, a zlepene ŋ Yesu, a ŋgaya: «Bay Madakal, ɗekey yam anta, ndar yam a ɗaw ŋ jekey zeney, səkwaw. Aya, sa ɗaw ŋ ndaha ŋ ɗa yam ete ŋghe zeney səkwaw.» 16Yesu a zlepene, a ŋgaya: «Nda, hwa yaɓa mawal ŋkwa, hune ndaha ete ŋghe.» 17Wala wese, a zenene, a ŋgaya: «Mawal naka, askwaw.» Yesu a zlepene, a ŋgaya: «Hwa zlap a heɗe a heɗe, mawal ŋkwa, askwaw njəwen. 18Cemey, hwa káɗa wala asa mawal ege jaɓan. Ca, heje ma hwa a səka na ŋgha ca, ara mawal ŋkwa səkwaw. Ebe ŋghe ca, hwa zlap a heɗe a heɗe.» 19Aya, wala wese, a zlepene, a ŋgaya: «Bay Madakal, sa kásanza, hwa ca, hwa mba ma zlap ma mala Gazlavay. 20Jeje ŋcene ege, əy káhəmanza Gazlavay ata barla ŋghe. Cemey, ŋkune Yahudu ege ca, huney, la ma ata həmanza Gazlavay ca, səy Urusaləyma.» 21Yesu a zlepene, a ŋgaya: «Wala, lamza zlap naka, vah a kandaha, hune kanahəmanza Vana, ata barla ŋgha, askwaw, ŋ Urusaləyma, askwaw. 22Ŋkune Samarəya ege ca, hune kahəman səkan maa hune kasan, səkwaw. Ŋcene Yahudu ege ca, nene kasan ɗala maa nene kahəmanza, mavəday lereh ca, a ndaha ta ŋ ara Yahudu ege. 23Cemey, vah a ana ndaha, kándaha aza tew. Ata vah anta, hejəye ma kahəmanza Vana ege, əy nahəmanza a heɗe a heɗe, a zəwet. Vana a ɗaw ca, ŋseŋ hejəye ma kahəmanza ana ebe ŋghe ege. 24Gazlavay ca, ara zəwet, aya, a ɗaw ca, hejəye ma kahəmanza ege, əy həmanza a heɗe a heɗe, a zəwet.» 25Wala wese, a zlepene a ŋgaya: «Sa kasan ca, ɗala maa Gazlavay a mayaw, a nandaha, ana zlap ca, Almasəyhu. Mada kándaha aza ca, a naghwalaheje səkan ege tewtew.» 26Yesu a zlepene ŋ wala wese, a ŋgaya: «Almasəyhu ca, ara sa, sa ma kazlapahwaw ŋgha.»
27A təwse ca, maa madarlaŋw Yesu ege, əy kézenha aza, əy káŋga ŋkwaɓ dakala ata maa Yesu a kazlap a wala wese. Cemey, kaw ɗala teŋguleŋ ŋ taba tata káɗawza: «Hwa ɗaw ara mbe vemey?» ca, askwaw. Kaw ɗala ma ɗawza: «Hune zlap a wala anta ata vemey?» ca, askwaw. 28Aya, wala wese, a yakza dugwazl anta ka a ma təker, a nda ŋ uzam ŋ zlepetene ŋ hejəye, a ŋgaya: 29«Hune ndaha ŋ sarza heje wende ma zlepekey səkan maa sa lata a nuna anta ege tewtew. Ketegəre ara Almasəyhu ka vaw?» 30Hejəye əy damaha ŋ uzam, aya, əy nda ara Yesu. 31A təwse ca, madarlaŋw anta ege, əy kevesene kusam ŋ zam səkan, əy ŋgaya: «Rabəy, zamɓa səkan aza cekuɗe.» 32Cemey, Yesu a zenetene, a ŋgaya: «Səkan ta zam naka ma hune kasan səkwaw, aka.» 33A təwse ca, madarlaŋw Yesu ege, əy zlap ŋ taba tata, əy ŋgaya: «Ɗala kédene səkan ta zam aka vaw?» 34Yesu a zlepetene, a ŋgaya: «Səkan ta zam naka ca, sa la səkan maa heje ma leɓekey, a kaɗawaw leŋ sa la zlan anta maa a velekey ŋ law. 35Hune kazlap, huney: “Kémenha ŋtəra ŋfaɗ ŋ pet səkan ege a wata,” askwaw vaw? Cemey, a naka ca, sa kazlapahune, hune sarzata səkan ma ŋ la ege kadak kadak, əy kána tata tete ŋ petata. 36Maa na ŋgha, heje mepet səkan ca, a kelem laŋtar anta. Aya, a ɓec səkan, ŋ lanja ma katuwaɗ səkwaw, kaw vepey, ndar ata ɗala ma zlakaw ey ɗala ma petew, əy sasam ŋ la anta. 37Cemey, laslaŋgal ma maa a kazlap, a ŋgaya: “Ɗala ma kazlak matakan, ɗala ma kepet matakan” wese ca, ara ma ma njenjəwen. 38Sa kálaɓzahune ŋ petha səkan ata la maa kaw hune kálaha zlan, askwaw. Hejəye vedəye əy ma la zlan anta, cemey, hune ca, hune pet səkan ata la maa kaw hune kálaha zlan, askwaw.»
39Hejəye Samarəya ege vəram, ma ŋ uzam wese ege, əy kálamza ma mala Yesu aza mavəday, maa wala wese a zlap, a ŋgaya: «Késlepekey səkan maa sa lata a nuna anta ege aza tewtew.» 40A zeney, maa hejəye Samarəya ege, əy ndaha ara Yesu ca, əy jene mbahw ŋ nja ka ara tata. Aya, a nja ka a təwse, wan gbak. 41Hejəye vəram mambaza zeney, əy kálamza Yesu aza mavəday zlap anta ege. 42Aya, əy zlepene ŋ wala wese, əy ŋgaya: «Nene lamza ca, mavəday ma maa hwa zlepeney zeney səkwaw. Cemey, nene a ha ŋcene, nene kézləme zlap anta leŋ nene kásan aza, njenjəwen mbəy ca, ara mereh hejəye ŋ manhayak.»
Yesu a zen anta ŋ hayak Galəyləy
43Aya, a dəwze wan ma gbak ege wese ca, Yesu a gwarzamha aza a təwse, a nda ŋ hayak Galəyləy. 44Cemey, Yesu a zlap, ŋ ha anta, a ŋgaya: «Əy kahəmanza mba ma zlap ma mala Gazlavay ŋ hayak anta, səkwaw.» 45Aya maa a hwasaha aza ŋ hayak Galəyləy ca, hejəye ma a təwse ege, əy kálamza kadak kadak, mavəday əy kégəre səkan maa a lata a ege tewtew ŋ gwaygwaya Paska ŋ Urusaləyma. 46Aya, Yesu a zen a uzam Kana, ŋ hayak Galəyləy, ata la maa a bawza yam aza ŋ mavaw wese. Madakal mala zlan a wata bay ŋ hayak Kafarnahum aka, mba anta mbəy werwer, askwaw. 47Maa a zləme Yesu a ndaha aka ŋ hayak Yahudəya, mbəy ŋ hayak Galəyləy ca, a nda ara mbe, a jene mbahw, a ŋgaya: «Mbahw! Mazaw gbak ŋ hayak Kafarnahum, mavəday mba naka mbəy werwer, askwaw, mbəy slaɓ ŋ mac.» 48Yesu a zlepene, a ŋgaya: «Mada hune kégəre zaɓəla ege, askwaw ca, hune kelemzekey səkwaw.» 49Madakal mala zlan a wata bay wese, a zlepene, a ŋgaya: «Bay Madakal, ndaha a wata naka mar mba naka a namac anta.» 50Yesu, a zlepene, a ŋgaya: «Nda a wata, mba ŋkwa kéreh anta.» Aya, heje wese a lamza ma maa Yesu a zlepene, a nda anta a wata. 51Aya, maa mbəy ata taf ule ca, mala zlan anta ege əy ŋgelene ma, əy zlepene, əy ŋgaya: «Mba ŋkwa kéreh anta.» 52A təwse ca, a ɗawzata, a ŋgaya: «Mba anta a la werwer ca, tete a la vaŋgay?» Əy zenene, əy ŋgaya: «Kwahwaw a tuwaɗ ata kusam anta ca, a njuna maa pes káŋga ma aza.» 53Cen mba wese, a senzene ata vah maa Yesu a zlepene, a ŋgaya: «Mba ŋkwa kéreh anta», wese. Aya, mbe, zlaɓa hejəye ma a wata anta ege tewtew, əy lamza Yesu. 54Ebe ŋghe ca, ara zaɓəla magbak maa Yesu a law, a dəwze maa a gwarzamaha aka ŋ hayak Yahudəya, a kanda kəɗa ŋ hayak Galəyləy.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2025 CABTAL