Yuhana 21
21
Yesu a ghweletene kusam ŋ madarlaŋw ege ŋsəleɗ
1A dəwze anta ca, Yesu a ghweletene kusam ŋ madarlaŋw ege zeney a mazlam ŋtele Təyberəyas. A ghweletene kusam ca, ana ebe ŋghe. 2Səymawn Pəyer, Tawmas maa əy kayaɓa musa, Natanayel ma ŋ uzam Kana ŋ hayak Galəyləy ey uzəye Zebede ege leŋ madarlaŋw Yesu ege vedəye gbak əy ŋ la anta. 3Səymawn Pəyer a zlepetene, a ŋgaya: «Sa nda ŋ mbalaha ŋkəlef.» A təwse ca, Madarlaŋw vedəye ege wese, əy zlepene, əy ŋgaya: «Kazakwaw tewtew.» Aya, tel əy nda, əy tev ŋ kwambawal. A zaɗaw wese ca, kaw əy kámbalaha səkan, askwaw. 4Maa mapat a la anta ca, Yesu kégereye a ma ŋtele. Cemey, madarlaŋw ege, əy kasan ara mbe səkwaw. 5A təwse ca, Yesu a ɗawzata, a ŋgaya: «Hey uzəye, ŋkəlef ara hune cekuɗe aka vaw?» Əy zenene, əy ŋgaya «Askwaw.» 6Aya, a zlepetene a ŋgaya: «Hune nahza taba ŋkune ata kəva zam kwambawal, hune nelemew.» A təwse ca, əy nahza, əy mbalaha ŋkəlef dakala mambaza ha əy kula ŋ njewaza taba ŋ yam səkwaw. 7Madarlaŋw maa Yesu a kaɗawaw, a zlepene ŋ Pəyer, a ŋgaya: «Ara Bay Madakal!» Maa Səymawn Pəyer a zləme ara Bay Madakal ca, a ca rəgwac anta ata kusam, mavəday kácakwza ŋ mbal ŋkəlef, aya, a mber ŋ yam. 8Madarlaŋw ege vedəye, əy kanda a kwambawal, əy kenjew taba ara a ŋkəlef ghef ŋma. Əy mbermber a mazlam ŋtele, gədak anta a la anta metəyr temere. 9Aya, maa əy tadakwha aza ŋ kwambawal ata hayak ca, əy gəre mpeseser, ŋkəlef a heɗe leŋ peŋ. 10Yesu a zlepetene, a ŋgaya: «Hune kwaraha ŋkəlef cekuɗe ŋ taba maa hune mbalata na ŋgha ege wese.» 11Aya, Səymawn Pəyer, a tev ŋ kwambawal, a njewaza taba ata hayak, ŋkəlef ma gwarkwakwakw ŋma temere a rajaɓan aha mahkaɗ. Cemey, kaw taba anta ghef mambaza a ŋkəlef ca, káslah, askwaw. 12A təwse ca, Yesu a zlepetene, a ŋgaya: «Hune ndaha ŋ zam səkan.» A təwse ca, kaw ɗala teŋguleŋ ŋ taba madarlaŋw anta ege wese, ma lem ɓarɓar ŋ ɗawza: «Hwa vayay?» ca, askwaw, mavəday əy kasan njenjəwen ca, ara Bay Madakal. 13Aya, Yesu a nda ara tata, a ŋta peŋ, a ɓezetene leŋ a ɓezetene ŋkəlef zeney. 14Mar aka a pes maa Yesu a gwarzamha aza ata lamac ca, ara mamahkaɗ anta, maa a ghweletene kusam ŋ madarlaŋw anta ege.
Ata Yesu ey Pəyer
15A dəwze maa əy kázam səkan aza ca, Yesu a zlepene ŋ Səymawn Pəyer, a ŋgaya: «Səymawn, mba Yuhana, hwa keɗewekey day aha ebe ŋghe ege vaw?» Səymawn a zenene, a ŋgaya: «Ayaw, Bay Madakal, hwa kasanaw, sa kaɗawahwaw.» Aya Yesu a zlepene, a ŋgaya: «Zamzata uzəye ŋtəməye naka ege.» 16Yesu a zlepene zeney, a ŋgaya: «Səymawn, mba Yuhana hwa keɗewekey vaw?» Səymawn a zenene, a ŋgaya: «Ayaw, Bay Madakal, hwa kasanaw, sa kaɗawahwaw.» Yesu a zlepene, a ŋgaya: «La a mba njəwen ŋtəməye naka ege.» 17Aya, Yesu a zlepene mamahkaɗ anta, a ŋgaya: «Səymawn, mba Yuhana hwa keɗewekey vaw?» A təwse ca, Pəyer a jejekw ata maa Yesu a zlepene gas mahkaɗ, «Hwa keɗewekey vaw?» wese. Aya, a zenene, a ŋgaya: «Bay Madakal, hwa ca, hwa kasan səkan tewtew, hwa kasan njenjəwen ca, sa kaɗawahwaw.» Aya, Yesu a zlepene, a ŋgaya: «Zamzata ŋtəməye naka ege. 18Sa kazlapahwaw njenjəwen, maa hwa darlaŋw ca, hwa kajaw gaŋ a ha ŋkwa, hwa kanda ata la maa hwa kaɗawaw. Cemey, mada hwa kála ŋkwa msəra ca, hwa nakaf ra ŋkwa ege, aya, ɗala matakan a najawahwaw gaŋ, a nejeɓzahwaw ata la maa hwa kaɗaw ŋ nda a təwse səkwaw.» 19Yesu a zlap ana ebe ŋghe ca, a ɗaw ŋ ghwalza ŋseŋ mac maa Pəyer a kanamac ŋ həmanza Gazlavay. A dəwze maa kázlapaza ana ebe ŋghe ca, a zlepene ŋ Pəyer, a ŋgaya: «Səberekey.»
Ata Yesu ey madarlaŋw maa a kaɗawaw
20Pəyer a sar la a dəwze ca, a gəre madarlaŋw maa Yesu a kaɗawaw mbəy a dəwze tata. Madarlaŋw anta ca, ara mbe ma ŋteŋ ha kəɗe ara Yesu maa əy kazam uda, maa ɗawza, a ŋgaya: «Bay Madakal, ma kanasəkamahwaw aza ca, vayay?» wese. 21Maa Pəyer a gəre madarlaŋw wese ca, a zlepene ŋ Yesu, a ŋgaya: «Bay Madakal, anta ca, ma kenendewzene vemey?» 22A təwse ca, Yesu a zenene a ŋgaya: «Mada sa kaɗaw a nja hwas ata vah maa sa kenezenha a manhayak ca, ma ŋkwa ŋma vemey? Ŋkwa ca, səberekey.» 23Ma anta a ɓez ŋ taba hejəye ma lamza ma mala Yesu aza ege, əy ŋgaya: «Madarlaŋw anta, a kanamac askwaw,» əy ya. Njenjəwen ca, Yesu kézlepene ŋ Pəyer a ŋgaya: «Madarlaŋw anta a kanamac askwaw,» ca, askwaw. Cemey, a zlepene ca, a ŋgaya: «Mada sa kaɗaw a nja hwas ata vah maa sa kenezenha a manhayak ca, ma ŋkwa ŋma vemey?»
24Madarlaŋw anta ca, ara mbe ma ghwalza ma anta ege a ha anta leŋ ara mbe ma ŋterata ma anta ege. Heje kasan ca, laghwal ma anta ca, ara ma ma njenjəwen.
25Yesu kála səkan ege vedəye vəram zeney. Mada əy ŋterata səkan anta ege ka teŋguleŋ teŋguleŋ ca, sa deŋza ca, ɗerewel anta ege maa əy keneŋterata ca, la ma ata cata ŋ manhayak ŋghe, askwaw.
ទើបបានជ្រើសរើសហើយ៖
Yuhana 21: BHS
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2025 CABTAL
Yuhana 21
21
Yesu a ghweletene kusam ŋ madarlaŋw ege ŋsəleɗ
1A dəwze anta ca, Yesu a ghweletene kusam ŋ madarlaŋw ege zeney a mazlam ŋtele Təyberəyas. A ghweletene kusam ca, ana ebe ŋghe. 2Səymawn Pəyer, Tawmas maa əy kayaɓa musa, Natanayel ma ŋ uzam Kana ŋ hayak Galəyləy ey uzəye Zebede ege leŋ madarlaŋw Yesu ege vedəye gbak əy ŋ la anta. 3Səymawn Pəyer a zlepetene, a ŋgaya: «Sa nda ŋ mbalaha ŋkəlef.» A təwse ca, Madarlaŋw vedəye ege wese, əy zlepene, əy ŋgaya: «Kazakwaw tewtew.» Aya, tel əy nda, əy tev ŋ kwambawal. A zaɗaw wese ca, kaw əy kámbalaha səkan, askwaw. 4Maa mapat a la anta ca, Yesu kégereye a ma ŋtele. Cemey, madarlaŋw ege, əy kasan ara mbe səkwaw. 5A təwse ca, Yesu a ɗawzata, a ŋgaya: «Hey uzəye, ŋkəlef ara hune cekuɗe aka vaw?» Əy zenene, əy ŋgaya «Askwaw.» 6Aya, a zlepetene a ŋgaya: «Hune nahza taba ŋkune ata kəva zam kwambawal, hune nelemew.» A təwse ca, əy nahza, əy mbalaha ŋkəlef dakala mambaza ha əy kula ŋ njewaza taba ŋ yam səkwaw. 7Madarlaŋw maa Yesu a kaɗawaw, a zlepene ŋ Pəyer, a ŋgaya: «Ara Bay Madakal!» Maa Səymawn Pəyer a zləme ara Bay Madakal ca, a ca rəgwac anta ata kusam, mavəday kácakwza ŋ mbal ŋkəlef, aya, a mber ŋ yam. 8Madarlaŋw ege vedəye, əy kanda a kwambawal, əy kenjew taba ara a ŋkəlef ghef ŋma. Əy mbermber a mazlam ŋtele, gədak anta a la anta metəyr temere. 9Aya, maa əy tadakwha aza ŋ kwambawal ata hayak ca, əy gəre mpeseser, ŋkəlef a heɗe leŋ peŋ. 10Yesu a zlepetene, a ŋgaya: «Hune kwaraha ŋkəlef cekuɗe ŋ taba maa hune mbalata na ŋgha ege wese.» 11Aya, Səymawn Pəyer, a tev ŋ kwambawal, a njewaza taba ata hayak, ŋkəlef ma gwarkwakwakw ŋma temere a rajaɓan aha mahkaɗ. Cemey, kaw taba anta ghef mambaza a ŋkəlef ca, káslah, askwaw. 12A təwse ca, Yesu a zlepetene, a ŋgaya: «Hune ndaha ŋ zam səkan.» A təwse ca, kaw ɗala teŋguleŋ ŋ taba madarlaŋw anta ege wese, ma lem ɓarɓar ŋ ɗawza: «Hwa vayay?» ca, askwaw, mavəday əy kasan njenjəwen ca, ara Bay Madakal. 13Aya, Yesu a nda ara tata, a ŋta peŋ, a ɓezetene leŋ a ɓezetene ŋkəlef zeney. 14Mar aka a pes maa Yesu a gwarzamha aza ata lamac ca, ara mamahkaɗ anta, maa a ghweletene kusam ŋ madarlaŋw anta ege.
Ata Yesu ey Pəyer
15A dəwze maa əy kázam səkan aza ca, Yesu a zlepene ŋ Səymawn Pəyer, a ŋgaya: «Səymawn, mba Yuhana, hwa keɗewekey day aha ebe ŋghe ege vaw?» Səymawn a zenene, a ŋgaya: «Ayaw, Bay Madakal, hwa kasanaw, sa kaɗawahwaw.» Aya Yesu a zlepene, a ŋgaya: «Zamzata uzəye ŋtəməye naka ege.» 16Yesu a zlepene zeney, a ŋgaya: «Səymawn, mba Yuhana hwa keɗewekey vaw?» Səymawn a zenene, a ŋgaya: «Ayaw, Bay Madakal, hwa kasanaw, sa kaɗawahwaw.» Yesu a zlepene, a ŋgaya: «La a mba njəwen ŋtəməye naka ege.» 17Aya, Yesu a zlepene mamahkaɗ anta, a ŋgaya: «Səymawn, mba Yuhana hwa keɗewekey vaw?» A təwse ca, Pəyer a jejekw ata maa Yesu a zlepene gas mahkaɗ, «Hwa keɗewekey vaw?» wese. Aya, a zenene, a ŋgaya: «Bay Madakal, hwa ca, hwa kasan səkan tewtew, hwa kasan njenjəwen ca, sa kaɗawahwaw.» Aya, Yesu a zlepene, a ŋgaya: «Zamzata ŋtəməye naka ege. 18Sa kazlapahwaw njenjəwen, maa hwa darlaŋw ca, hwa kajaw gaŋ a ha ŋkwa, hwa kanda ata la maa hwa kaɗawaw. Cemey, mada hwa kála ŋkwa msəra ca, hwa nakaf ra ŋkwa ege, aya, ɗala matakan a najawahwaw gaŋ, a nejeɓzahwaw ata la maa hwa kaɗaw ŋ nda a təwse səkwaw.» 19Yesu a zlap ana ebe ŋghe ca, a ɗaw ŋ ghwalza ŋseŋ mac maa Pəyer a kanamac ŋ həmanza Gazlavay. A dəwze maa kázlapaza ana ebe ŋghe ca, a zlepene ŋ Pəyer, a ŋgaya: «Səberekey.»
Ata Yesu ey madarlaŋw maa a kaɗawaw
20Pəyer a sar la a dəwze ca, a gəre madarlaŋw maa Yesu a kaɗawaw mbəy a dəwze tata. Madarlaŋw anta ca, ara mbe ma ŋteŋ ha kəɗe ara Yesu maa əy kazam uda, maa ɗawza, a ŋgaya: «Bay Madakal, ma kanasəkamahwaw aza ca, vayay?» wese. 21Maa Pəyer a gəre madarlaŋw wese ca, a zlepene ŋ Yesu, a ŋgaya: «Bay Madakal, anta ca, ma kenendewzene vemey?» 22A təwse ca, Yesu a zenene a ŋgaya: «Mada sa kaɗaw a nja hwas ata vah maa sa kenezenha a manhayak ca, ma ŋkwa ŋma vemey? Ŋkwa ca, səberekey.» 23Ma anta a ɓez ŋ taba hejəye ma lamza ma mala Yesu aza ege, əy ŋgaya: «Madarlaŋw anta, a kanamac askwaw,» əy ya. Njenjəwen ca, Yesu kézlepene ŋ Pəyer a ŋgaya: «Madarlaŋw anta a kanamac askwaw,» ca, askwaw. Cemey, a zlepene ca, a ŋgaya: «Mada sa kaɗaw a nja hwas ata vah maa sa kenezenha a manhayak ca, ma ŋkwa ŋma vemey?»
24Madarlaŋw anta ca, ara mbe ma ghwalza ma anta ege a ha anta leŋ ara mbe ma ŋterata ma anta ege. Heje kasan ca, laghwal ma anta ca, ara ma ma njenjəwen.
25Yesu kála səkan ege vedəye vəram zeney. Mada əy ŋterata səkan anta ege ka teŋguleŋ teŋguleŋ ca, sa deŋza ca, ɗerewel anta ege maa əy keneŋterata ca, la ma ata cata ŋ manhayak ŋghe, askwaw.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2025 CABTAL