Yuhana 16
16
1Yesu, a zlap zeney, a ŋgaya: «Sa zlapahune ana ebe ŋghe ca, ndar hune ɗaw ŋ yakza lalam ŋkune aka səkwaw, cemey, hune lemzekey. 2Əy nagamahune aza a ujek ma ata rak Gazlavay mala Yahudu ege. Cemey, vah wende a kandaha, mada ɗala kája ɗala aza ca, a nacakza ca, a la zlan maa Gazlavay a kaɗawaw. 3Əy nala ana ebe ŋghe ca, mavəday, kaw əy kásan Vana səkwaw, əy késenekey askwaw yam. 4Cemey, sa kázlapahune aza, ndar mada vah tata kándaha aza ca, hune senzene, sa kázlapahune ma anta aza.»
Zlan mala Zəwet ma keweɗ
«Sa kázlapahune ma anta mar aka ata lamar, askwaw, mavəday sa ara hune. 5Cemey, na ŋgha ca, sa nanda naka ara ɗala ma leɓekey. Ca, kaw ɗala teŋguleŋ ŋ taba ŋkune ma ɗewzekey ene: “Hwa nda a vay?” ca, askwaw. 6Cemey, unaf ŋkune kághwaɗ anta mambaza, mavəday maa sa zlapahune ana ebe ŋghe. 7Na ŋgha ca, sa kazlapahune njenjəwen, mada sa kánda naka ca, pa ŋ kadak ŋ hune. Cemey, mada sa kánda naka askwaw ca, ɗala ma kanacakzahune wese, a kanandaha ara hune askwaw. Karba, mada sa kánda naka ca, sa nalaɓahune. 8Aya, mada kándaha aza ca, a neghwelzetene ŋ hejəye ma ŋ manhayak ege ca, tata mala gay ege, əy kasan səkan ma taŋtaŋ səkwaw, əy kasan laja guma Gazlavay səkwaw. 9Əy kábaɗza ha tata ege aza ŋ lala gay, mavəday əy kelemzekey, səkwaw. 10Əy kábaɗza ha tata ege aza ata lala səkan a heɗe a heɗe, mavəday sa kanda naka ara Vana, hune kenezen ŋ gərekey, askwaw. 11Əy kábaɗza ha tata ege aza ata laja guma mala Gazlavay, mavəday bay mala manhayak ŋghe, kéghemeye aza.
12Sa kaɗaw ŋ zlapahune səkan ege vəram zeney, cemey, hune kanala kula ŋ zləmeta na ŋgha səkwaw. 13Mada Zəwet ma njəwen kándaha aza ca, a nacakzahune ŋ ma ma njenjəwen tewtew. Mavəday a kanazlap a ɓarɓar anta askwaw, cemey, a nazlapahune ata səkan maa a zləmeta leŋ a naghwalzahune səkan ege tewtew ma kanandaha. 14A naghwalzahune ɓardakw naka, mavəday a naghwalzahune ca, səkan maa a lamata ara sa ege. 15Səkan ma ara Vana ege tewtew ca, ara mala naka ege. Mavəday anta, sa kázlapahune aza, sa ya: Zəwet ma keweɗ a naghwalzahune səkan ege maa a lamata ara sa.»
Lejejekw a nabaw anta ŋ sasam
16Yesu a zlap zeney, a ŋgaya: «A tama cekuɗe ete ŋghe ca, hune kenegərekey zeney, askwaw, aya, a dəwze anta cekuɗe zeney, hune negərekey.» 17Madarlaŋw anta ege vedəye, əy zlap ŋ taba tata, əy ŋgaya: «A tama cekuɗe ete ŋghe ca, hune kenegərekey zeney, askwaw, aya, a dəwze anta cekuɗe zeney, hune negərekey. A zeney, Sa nanda naka ara Vana. A ɗaw ŋ zlapaheje ca, vemey? 18A zeney, a ŋgaya: A tama cekuɗe əy ca, ma anta a ɗaw ŋ zlap ca, vaŋgay? Heje kezləme ma anta səkwaw.» 19Yesu kásanza, əy kaɗaw ŋ dawza, aya, a zlepetene, a ŋgaya: «Sa kázlapahune, “A tama cekuɗe ete ŋghe ca, hune kenegərekey zeney, askwaw, aya, a dəwze anta cekuɗe zeney, hune negərekey.” Hune kaɗawzata ha ŋkune ege ŋ taba ŋkune ca, ŋ san ma anta vaw? 20Sa kazlapahune njenjəwen, hune nahan, hune nejejekw, cemey, manhayak a nasasam. Hune nejejekw, cemey, lejejekw ŋkune a nabaw anta ŋ sasam. 21Mada wala maa mbəy dəmas, slaɓ ŋ mbaw ca, a nejejekw, mavəday vah anta kándaha aza. Cemey, mada kámbawaza mba anta aza ca, a kesenzene ata gef anta zeney səkwaw, a sasam mavəday kámbawha heje dakənak ŋ manhayak. 22Ana ebe ŋghe, hune yam, hune kejejekw na ŋgha, cemey, sa negərehune zeney, unaf ŋkune a nasasam, kaw ɗala a kanaŋtahune sasam anta aza askwaw. 23A pes wese ca, hune keneɗewzekey kaw ata səkan askwaw. Sa kazlapahune njenjəwen, mada hune ɗawza səkan ara Vana a zlam naka ca, a navalahune. 24Ha na ŋgha, kaw hune káɗawza səkan a zlam naka askwaw. Hune ɗawza, hune nelemew, ndar sasam ŋkune a ghef.»
Yesu pa ma ɓarɓar aha manhayak
25Yesu a zlap zeney, a ŋgaya: «Sa kázlapahune səkan ege aza tewtew a laslaŋgal ma. Cemey, vah a kandaha, sa kanazlapahune ana mbe zeney askwaw, cemey, sa naghwalzahune ma ata Vana delele. 26A pes wese ca, hune naɗawza səkan ara Vana a zlam naka, cemey, sa kázlapahune, sa ya, sa narak Vana mavəday ŋkune ca, askwaw. 27Cemey, Vana a ha anta a kaɗawahune mavəday hune kéɗewekey aza leŋ hune kálamza aza, sa ca, sa ndaha aka ara Gazlavay. 28Sa ndaha aka ara Vana, sa kándaha ŋ manhayak. Na ŋgha, sa kayakza manhayak aka, sa kanda naka ara Vana.» 29Madarlaŋw anta ege, əy zlepene, əy ŋgaya: «Ŋghe, na ŋgha ca, hwa kazlap delele, kaw a laslaŋgal ma səkwaw. 30Na ŋgha ca, nene kásan aza, hwa kasan səkan ege tewtew. Hwa kaɗaw kaw ɗala a ɗawzahwaw, askwaw. Mavəday anta, nene kálamza aza, hwa ndaha aka ara Gazlavay.» 31Yesu a zenetene, a ŋgaya: «Na ŋgha ca, hune kálamza aza, aza vaw? 32Vah a kandaha, kála anta na ŋgha tew, hune neweɗ, kaw vayay a naŋtaɓa taf anta, hune neyekzekey ka teŋguleŋ naka. Cemey, sa teŋguleŋ naka səkwaw, Vana mbəy ara sa. 33Sa zlapahune ana ebe ŋghe ca, ndar hune lem zəhay ŋ lajav ŋkune a sa. Hune nasa gef ŋ manhayak ŋghe, cemey, hune talaw ŋ nja ka ɓarɓar. Sa ca, sa pa ma ɓarɓar aha manhayak.»
ទើបបានជ្រើសរើសហើយ៖
Yuhana 16: BHS
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2025 CABTAL
Yuhana 16
16
1Yesu, a zlap zeney, a ŋgaya: «Sa zlapahune ana ebe ŋghe ca, ndar hune ɗaw ŋ yakza lalam ŋkune aka səkwaw, cemey, hune lemzekey. 2Əy nagamahune aza a ujek ma ata rak Gazlavay mala Yahudu ege. Cemey, vah wende a kandaha, mada ɗala kája ɗala aza ca, a nacakza ca, a la zlan maa Gazlavay a kaɗawaw. 3Əy nala ana ebe ŋghe ca, mavəday, kaw əy kásan Vana səkwaw, əy késenekey askwaw yam. 4Cemey, sa kázlapahune aza, ndar mada vah tata kándaha aza ca, hune senzene, sa kázlapahune ma anta aza.»
Zlan mala Zəwet ma keweɗ
«Sa kázlapahune ma anta mar aka ata lamar, askwaw, mavəday sa ara hune. 5Cemey, na ŋgha ca, sa nanda naka ara ɗala ma leɓekey. Ca, kaw ɗala teŋguleŋ ŋ taba ŋkune ma ɗewzekey ene: “Hwa nda a vay?” ca, askwaw. 6Cemey, unaf ŋkune kághwaɗ anta mambaza, mavəday maa sa zlapahune ana ebe ŋghe. 7Na ŋgha ca, sa kazlapahune njenjəwen, mada sa kánda naka ca, pa ŋ kadak ŋ hune. Cemey, mada sa kánda naka askwaw ca, ɗala ma kanacakzahune wese, a kanandaha ara hune askwaw. Karba, mada sa kánda naka ca, sa nalaɓahune. 8Aya, mada kándaha aza ca, a neghwelzetene ŋ hejəye ma ŋ manhayak ege ca, tata mala gay ege, əy kasan səkan ma taŋtaŋ səkwaw, əy kasan laja guma Gazlavay səkwaw. 9Əy kábaɗza ha tata ege aza ŋ lala gay, mavəday əy kelemzekey, səkwaw. 10Əy kábaɗza ha tata ege aza ata lala səkan a heɗe a heɗe, mavəday sa kanda naka ara Vana, hune kenezen ŋ gərekey, askwaw. 11Əy kábaɗza ha tata ege aza ata laja guma mala Gazlavay, mavəday bay mala manhayak ŋghe, kéghemeye aza.
12Sa kaɗaw ŋ zlapahune səkan ege vəram zeney, cemey, hune kanala kula ŋ zləmeta na ŋgha səkwaw. 13Mada Zəwet ma njəwen kándaha aza ca, a nacakzahune ŋ ma ma njenjəwen tewtew. Mavəday a kanazlap a ɓarɓar anta askwaw, cemey, a nazlapahune ata səkan maa a zləmeta leŋ a naghwalzahune səkan ege tewtew ma kanandaha. 14A naghwalzahune ɓardakw naka, mavəday a naghwalzahune ca, səkan maa a lamata ara sa ege. 15Səkan ma ara Vana ege tewtew ca, ara mala naka ege. Mavəday anta, sa kázlapahune aza, sa ya: Zəwet ma keweɗ a naghwalzahune səkan ege maa a lamata ara sa.»
Lejejekw a nabaw anta ŋ sasam
16Yesu a zlap zeney, a ŋgaya: «A tama cekuɗe ete ŋghe ca, hune kenegərekey zeney, askwaw, aya, a dəwze anta cekuɗe zeney, hune negərekey.» 17Madarlaŋw anta ege vedəye, əy zlap ŋ taba tata, əy ŋgaya: «A tama cekuɗe ete ŋghe ca, hune kenegərekey zeney, askwaw, aya, a dəwze anta cekuɗe zeney, hune negərekey. A zeney, Sa nanda naka ara Vana. A ɗaw ŋ zlapaheje ca, vemey? 18A zeney, a ŋgaya: A tama cekuɗe əy ca, ma anta a ɗaw ŋ zlap ca, vaŋgay? Heje kezləme ma anta səkwaw.» 19Yesu kásanza, əy kaɗaw ŋ dawza, aya, a zlepetene, a ŋgaya: «Sa kázlapahune, “A tama cekuɗe ete ŋghe ca, hune kenegərekey zeney, askwaw, aya, a dəwze anta cekuɗe zeney, hune negərekey.” Hune kaɗawzata ha ŋkune ege ŋ taba ŋkune ca, ŋ san ma anta vaw? 20Sa kazlapahune njenjəwen, hune nahan, hune nejejekw, cemey, manhayak a nasasam. Hune nejejekw, cemey, lejejekw ŋkune a nabaw anta ŋ sasam. 21Mada wala maa mbəy dəmas, slaɓ ŋ mbaw ca, a nejejekw, mavəday vah anta kándaha aza. Cemey, mada kámbawaza mba anta aza ca, a kesenzene ata gef anta zeney səkwaw, a sasam mavəday kámbawha heje dakənak ŋ manhayak. 22Ana ebe ŋghe, hune yam, hune kejejekw na ŋgha, cemey, sa negərehune zeney, unaf ŋkune a nasasam, kaw ɗala a kanaŋtahune sasam anta aza askwaw. 23A pes wese ca, hune keneɗewzekey kaw ata səkan askwaw. Sa kazlapahune njenjəwen, mada hune ɗawza səkan ara Vana a zlam naka ca, a navalahune. 24Ha na ŋgha, kaw hune káɗawza səkan a zlam naka askwaw. Hune ɗawza, hune nelemew, ndar sasam ŋkune a ghef.»
Yesu pa ma ɓarɓar aha manhayak
25Yesu a zlap zeney, a ŋgaya: «Sa kázlapahune səkan ege aza tewtew a laslaŋgal ma. Cemey, vah a kandaha, sa kanazlapahune ana mbe zeney askwaw, cemey, sa naghwalzahune ma ata Vana delele. 26A pes wese ca, hune naɗawza səkan ara Vana a zlam naka, cemey, sa kázlapahune, sa ya, sa narak Vana mavəday ŋkune ca, askwaw. 27Cemey, Vana a ha anta a kaɗawahune mavəday hune kéɗewekey aza leŋ hune kálamza aza, sa ca, sa ndaha aka ara Gazlavay. 28Sa ndaha aka ara Vana, sa kándaha ŋ manhayak. Na ŋgha, sa kayakza manhayak aka, sa kanda naka ara Vana.» 29Madarlaŋw anta ege, əy zlepene, əy ŋgaya: «Ŋghe, na ŋgha ca, hwa kazlap delele, kaw a laslaŋgal ma səkwaw. 30Na ŋgha ca, nene kásan aza, hwa kasan səkan ege tewtew. Hwa kaɗaw kaw ɗala a ɗawzahwaw, askwaw. Mavəday anta, nene kálamza aza, hwa ndaha aka ara Gazlavay.» 31Yesu a zenetene, a ŋgaya: «Na ŋgha ca, hune kálamza aza, aza vaw? 32Vah a kandaha, kála anta na ŋgha tew, hune neweɗ, kaw vayay a naŋtaɓa taf anta, hune neyekzekey ka teŋguleŋ naka. Cemey, sa teŋguleŋ naka səkwaw, Vana mbəy ara sa. 33Sa zlapahune ana ebe ŋghe ca, ndar hune lem zəhay ŋ lajav ŋkune a sa. Hune nasa gef ŋ manhayak ŋghe, cemey, hune talaw ŋ nja ka ɓarɓar. Sa ca, sa pa ma ɓarɓar aha manhayak.»
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2025 CABTAL