Yuhana 14
14
Yesu ca, ara taf ma ata nda ara Cen
1Yesu a zlepetene, ŋ madarlaŋw anta ege, a ŋgaya: «Hune ɗaw ŋ deŋ ŋkwaɓ səkwaw. Hune lamza Gazlavay leŋ hune lemzekey yam. 2A wata Vana ca, ujek ege vəram aka, sa nda ŋ slahune lanja ege ka a təwse. Mada ujek a təwse askwaw ca, sa kanazlapahune, askwaw. 3Mada sa kánda naka, sa káslahune lanja aza ca, sa nezenha, sa naŋtahune aza ara sa, ana ebe ŋghe, ata la maa sa a təwse ca, hune nanja a təwse yam. 4La maa sa kananda a təwse ca, hune kasan taf anta.» 5Aya, Tawmas a zlepene, a ŋgaya: «Bay Madakal, nene kasan ata la maa hwa kananda, səkwaw. Ca nene nasan, ŋ san taf anta ca, vaŋgay?» 6Yesu a zenene, a ŋgaya: «Sa ca, sa taf, sa njenjəwen, sa lanja. Kaw ɗala ma kananda ara Vana ta ŋ ara sa səkwaw ca, askwaw. 7Mada hune kesenekey ca, hune nasan Vana yam. Mar aka ma na ŋgha, hune kasanaw, hune kégəre.» 8Fəyləyp a zlepene, a ŋgaya: «Bay Madakal, ghwelzeney Cehw anta ca, ga.» 9Yesu a zenene, a ŋgaya: «Fəyləyp! Walaŋ aka, sa ara hune. Ca, hwa kesenekey səkwaw! Kaw vayay ma gərekey ca, kégəre Vana. Hwa san ŋ zlepekey, hwa ya: “Ghwelzeney Cehw” ca, ŋ vay? 10Hwa kalamza, sa, sa ŋ Vana, Vana yam mbəy ŋ sa ca, hwa kasan, səkwaw vaw? Ma maa sa kazlapahune ege ca, sa ma kazlapata a ha naka səkwaw. Cemey, ara Vana ma ŋ sa, mbəy ma kalata zlan anta ege a ha anta. 11Hune lemzekey, sa ca, sa ŋ Vana, Vana yam, mbəy ŋ sa. Mada kaw hune kalamza ma naka səkwaw ca, hune lamza mavəday zlan ŋghe ege may! 12Sa kazlapahune njenjəwen, ɗala ma lemzekey aza ca, a nalata zlan maa sa kalata ege yam. A nalata zlan ege ma pa ma day zeney, mavəday sa kanda naka ara Vana. 13Səkan ege tewtew maa hune kanaɗawzata a zlam naka ca, sa nalata, ndar ɓardakw mala Cen a ghwalha ta ŋ Mbaw. 14Mada hune rak səkan a zlam naka ca, sa nalaw.»
Yesu a nalaɓaha Zəwet ma keweɗ
15Yesu a zlepetene zeney, a ŋgaya: «Mada hune keɗewekey ca, hune nasəbar ma naka maŋkanaŋkan ege. 16Sa narak Vana mavalahune ɗala wende ma kananja ara hune kaw vepey ŋ cakzahune. 17Ara Zəwet ma kazlap njəwen. Manhayak kula ŋ lem səkwaw, mavəday a kegəre səkwaw, a kasan səkwaw. Cemey, ŋkune ca, hune kasanaw, mavəday mbəy ŋ hune, a nanja ŋ hune. 18Sa kanayakzahune ka gagaha ana mtahw ege, askwaw. Cemey, sa nandaha ara hune. 19A tama cekuɗe ca, manhayak a kenegərekey, askwaw. Cemey, hune ca, hune negərekey, sa a nje, hune yam, hune nanja a nje. 20A pes wese ca, hune nasan sa, sa ŋ Vana, hune yam, hune ŋ sa, sa yam, sa ŋ hune. 21Ɗala ma mbalata ma naka maŋkanaŋkan ege aka, ma kasəbarata ca, ara ɗala ma keɗewekey. Cemey, ɗala ma keɗewekey ca, Vana a naɗaw heje anta, sa yam, sa naɗawaw, sa neghwelzene ha naka.» 22Yahuda wende aka, ara Yahuda Əyskarəyawt səkwaw, a zlepene ŋ Yesu, a ŋgaya: «Bay Madakal, a nasan ŋ la ene, hwa ghwelzeney ha ŋkwa ŋ neney, cemey, ŋ manhayak ca, hwa kaghwalha, askwaw ca, vaŋgay?» 23Yesu a zenene, a ŋgaya: «Mada ɗala a keɗewekey ca, a nasəbar zlap naka ege, Vana yam a naɗawaw. Nene a Vana, nene nanda ara heje anta, nene nanja a mbe. 24Ɗala ma keɗewekey səkwaw ca, a kanasəbar zlap naka ege, askwaw. Zlap maa hune kezləme ŋghe ca, ara zlap naka səkwaw, cemey, ara zlap mala Vana ma leɓekey. 25Sa kázlapahune səkan ŋghe anta ege aza ata a vah maa sa ara hune kwagwa. 26Ɗala ma kanacakzahune ca, ara Zəwet ma keweɗ maa Vana a kanalaɓaza a zlam naka, a naghwalzahune səkan ege tewtew leŋ a navalahune ŋkwaɓ ŋ senzene ata səkan maa sa zlapahune ege tewtew. 27Sa kayakzahune ka ŋ zəhay, sa kavalahune zəhay naka. Sa valahune ca, ana maa manhayak a kavalza səkwaw. Unaf ŋkune a ɗaw ŋ zla səkwaw, hune ɗaw ŋ lalak səkwaw. 28Hune kézləme, sa kázlapahune, sa ya: “Sa nanda naka, cemey, sa nezenaha ara hune.” Mada hune keɗewekey ca, hune nasasam mavəday maa sa kanda naka ara Vana. Cemey, Vana ca, mbəy pa ma day aha sa. 29Sa kázlapahune aza na ŋgha ata səkan ŋghe anta ege, mar əy nalaha, ndar kaw əy laha ca, hune lemzekey. 30Sa kenezen ŋ zlapahune zeney kaw askwaw, mavəday bay mala manhayak ŋgha a kandaha. Kaw ɓardakw anta ata sa cekuɗe ende ŋghe, askwaw, 31cemey, ndar manhayak a san ca, sa kaɗaw Vana leŋ sa la səkan ca, ana maa Vana a zlepekey. Hune gwarzam, mazakwaw aza!»
ទើបបានជ្រើសរើសហើយ៖
Yuhana 14: BHS
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2025 CABTAL
Yuhana 14
14
Yesu ca, ara taf ma ata nda ara Cen
1Yesu a zlepetene, ŋ madarlaŋw anta ege, a ŋgaya: «Hune ɗaw ŋ deŋ ŋkwaɓ səkwaw. Hune lamza Gazlavay leŋ hune lemzekey yam. 2A wata Vana ca, ujek ege vəram aka, sa nda ŋ slahune lanja ege ka a təwse. Mada ujek a təwse askwaw ca, sa kanazlapahune, askwaw. 3Mada sa kánda naka, sa káslahune lanja aza ca, sa nezenha, sa naŋtahune aza ara sa, ana ebe ŋghe, ata la maa sa a təwse ca, hune nanja a təwse yam. 4La maa sa kananda a təwse ca, hune kasan taf anta.» 5Aya, Tawmas a zlepene, a ŋgaya: «Bay Madakal, nene kasan ata la maa hwa kananda, səkwaw. Ca nene nasan, ŋ san taf anta ca, vaŋgay?» 6Yesu a zenene, a ŋgaya: «Sa ca, sa taf, sa njenjəwen, sa lanja. Kaw ɗala ma kananda ara Vana ta ŋ ara sa səkwaw ca, askwaw. 7Mada hune kesenekey ca, hune nasan Vana yam. Mar aka ma na ŋgha, hune kasanaw, hune kégəre.» 8Fəyləyp a zlepene, a ŋgaya: «Bay Madakal, ghwelzeney Cehw anta ca, ga.» 9Yesu a zenene, a ŋgaya: «Fəyləyp! Walaŋ aka, sa ara hune. Ca, hwa kesenekey səkwaw! Kaw vayay ma gərekey ca, kégəre Vana. Hwa san ŋ zlepekey, hwa ya: “Ghwelzeney Cehw” ca, ŋ vay? 10Hwa kalamza, sa, sa ŋ Vana, Vana yam mbəy ŋ sa ca, hwa kasan, səkwaw vaw? Ma maa sa kazlapahune ege ca, sa ma kazlapata a ha naka səkwaw. Cemey, ara Vana ma ŋ sa, mbəy ma kalata zlan anta ege a ha anta. 11Hune lemzekey, sa ca, sa ŋ Vana, Vana yam, mbəy ŋ sa. Mada kaw hune kalamza ma naka səkwaw ca, hune lamza mavəday zlan ŋghe ege may! 12Sa kazlapahune njenjəwen, ɗala ma lemzekey aza ca, a nalata zlan maa sa kalata ege yam. A nalata zlan ege ma pa ma day zeney, mavəday sa kanda naka ara Vana. 13Səkan ege tewtew maa hune kanaɗawzata a zlam naka ca, sa nalata, ndar ɓardakw mala Cen a ghwalha ta ŋ Mbaw. 14Mada hune rak səkan a zlam naka ca, sa nalaw.»
Yesu a nalaɓaha Zəwet ma keweɗ
15Yesu a zlepetene zeney, a ŋgaya: «Mada hune keɗewekey ca, hune nasəbar ma naka maŋkanaŋkan ege. 16Sa narak Vana mavalahune ɗala wende ma kananja ara hune kaw vepey ŋ cakzahune. 17Ara Zəwet ma kazlap njəwen. Manhayak kula ŋ lem səkwaw, mavəday a kegəre səkwaw, a kasan səkwaw. Cemey, ŋkune ca, hune kasanaw, mavəday mbəy ŋ hune, a nanja ŋ hune. 18Sa kanayakzahune ka gagaha ana mtahw ege, askwaw. Cemey, sa nandaha ara hune. 19A tama cekuɗe ca, manhayak a kenegərekey, askwaw. Cemey, hune ca, hune negərekey, sa a nje, hune yam, hune nanja a nje. 20A pes wese ca, hune nasan sa, sa ŋ Vana, hune yam, hune ŋ sa, sa yam, sa ŋ hune. 21Ɗala ma mbalata ma naka maŋkanaŋkan ege aka, ma kasəbarata ca, ara ɗala ma keɗewekey. Cemey, ɗala ma keɗewekey ca, Vana a naɗaw heje anta, sa yam, sa naɗawaw, sa neghwelzene ha naka.» 22Yahuda wende aka, ara Yahuda Əyskarəyawt səkwaw, a zlepene ŋ Yesu, a ŋgaya: «Bay Madakal, a nasan ŋ la ene, hwa ghwelzeney ha ŋkwa ŋ neney, cemey, ŋ manhayak ca, hwa kaghwalha, askwaw ca, vaŋgay?» 23Yesu a zenene, a ŋgaya: «Mada ɗala a keɗewekey ca, a nasəbar zlap naka ege, Vana yam a naɗawaw. Nene a Vana, nene nanda ara heje anta, nene nanja a mbe. 24Ɗala ma keɗewekey səkwaw ca, a kanasəbar zlap naka ege, askwaw. Zlap maa hune kezləme ŋghe ca, ara zlap naka səkwaw, cemey, ara zlap mala Vana ma leɓekey. 25Sa kázlapahune səkan ŋghe anta ege aza ata a vah maa sa ara hune kwagwa. 26Ɗala ma kanacakzahune ca, ara Zəwet ma keweɗ maa Vana a kanalaɓaza a zlam naka, a naghwalzahune səkan ege tewtew leŋ a navalahune ŋkwaɓ ŋ senzene ata səkan maa sa zlapahune ege tewtew. 27Sa kayakzahune ka ŋ zəhay, sa kavalahune zəhay naka. Sa valahune ca, ana maa manhayak a kavalza səkwaw. Unaf ŋkune a ɗaw ŋ zla səkwaw, hune ɗaw ŋ lalak səkwaw. 28Hune kézləme, sa kázlapahune, sa ya: “Sa nanda naka, cemey, sa nezenaha ara hune.” Mada hune keɗewekey ca, hune nasasam mavəday maa sa kanda naka ara Vana. Cemey, Vana ca, mbəy pa ma day aha sa. 29Sa kázlapahune aza na ŋgha ata səkan ŋghe anta ege, mar əy nalaha, ndar kaw əy laha ca, hune lemzekey. 30Sa kenezen ŋ zlapahune zeney kaw askwaw, mavəday bay mala manhayak ŋgha a kandaha. Kaw ɓardakw anta ata sa cekuɗe ende ŋghe, askwaw, 31cemey, ndar manhayak a san ca, sa kaɗaw Vana leŋ sa la səkan ca, ana maa Vana a zlepekey. Hune gwarzam, mazakwaw aza!»
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2025 CABTAL