Yuhana 12
12
Marəyama a temzene mel ma kenjef feŋfeŋ ata ŋgas Yesu
1A menha wan ŋkwah, ŋ ja gwaygwaya Paska mala Yahudu ege, Yesu a nda ŋ Baytanəya, uzam maa a gwarzamaza Lazarus aza ata lamac. 2A təwse ca, əy velene uda. Ara Marta ma ɓezetene uda anta. Lazarus mbəy ŋ taba hejəye ma kazam uda ege ata Yesu. 3Aya, Marəyama a ŋta mel ma kenjef feŋfeŋ reta ləytəyr. Mel anta lasəkam anta səlay dakala, əy laza a mpe nardəy ma kékəveɗeye, askwaw. A təwse ca, a tamza ata ŋgas Yesu. A dəwze anta a tukwaɗaw a jukwaɗ ha anta, aya, wata wese tewtew a njef mel anta. 4Aya, Yahuda Əyskarəyawt, ɗala teŋguleŋ ŋ taba madarlaŋw Yesu ege, ara ɗala ma kanasəkamaw aza, a zlap, a ŋgaya: 5«Əy səkam mel anta aza səlay temere mahkaɗ ŋ veletene ŋ metetekw ege səkwaw vemey?» 6A zlap ana ebe ŋghe ca, mavəday maa a kedeŋ ŋkwaɓ ata metetekw ege səkwaw. Cemey, mbe ca, ara ŋhel, mbəy ma kambal bakatar səlay tata ka, a keŋhel səlay maa əy kaca ŋma. 7Cemey, Yesu a ŋgaya: «Yakza wala ŋgha aka a zəhay! A zehzekey mel ŋghe ca, mavəday vah maa əy kenempesekey ŋ jeɓ. 8Ŋkune ca, hune nanja a metetekw ege kaw vepey, cemey, a naka ca, sa kananja ara hune kaw vepey, askwaw.»
Madakal dakal mala Yahudu ege əy jav ma tata aka, ŋ ja Lazarus aza
9Yahudu ege vəram, əy zləme Yesu mbəy ŋ uzam Baytanəya. Əy nda a təwse ca, mavəday Yesu gagaha səkwaw, cemey, əy ɗaw ŋ gəreza Lazarus, ɗala maa Yesu a gwarzamaza ata lamac yam. 10Aya, madakal dakal mala kwakwas ege, əy ŋkan ma tata aka, ŋ ja Lazarus aza yam. 11Cemey, mavəday Lazarus anta ca, Yahudu ege vəram, əy geɓzata aka, əy kálamza ma mala Yesu aza.
Yesu a dam ŋ Urusaləyma
12A mapat anta, hejəye vəram ma ɓecha ŋ ja gwaygwaya Paska ege wese, əy zləme ca, Yesu a kandaha ŋ Urusaləyma. 13Əy baw zləram gendew, əy nda ŋ ŋgelene ma. Əy ja kaja ula ara, əy ŋgaya: «Awzana! Bəzla Gazlavay manja ata ɗala ma kandaha a zlam Bay Madakal, bay Əysərayəyla!» 14Yesu a ndewzene a mba berjeŋ wende aka, a nja a heɗe ana maa kéŋtereye ŋ ɗerewel ma keweɗ, a ŋgaya:
15«Hwa lalak səkwaw, uzam Səyawna!
Ŋghe, Bay ŋkwa a kandaha,
mbəy ata mba berjeŋ.»
16A təwse, mampar anta ca, madarlaŋw Yesu ege, əy kasan səkan maa kalaha səkwaw. Cemey, maa Yesu a njaza ŋ ɓardakw mala Gazlavay ca, əy senzene ca, ma anta kéŋtereye a heɗe ŋ ɗerewel mala Gazlavay. Əy lene səkan ŋghe anta ana maa kéŋtereye wese. 17Maa Yesu a ɗefene maa ŋ Lazarus ŋ jeɓ, a gwarzamaza aza ata lamac ca, hejəye vəram ma a təwse ege, əy kaghwal zlap a heɗe. 18Ana ebe ŋghe, hejəye vəram, əy nda ŋ ŋgelene ma ŋ Yesu, mavəday əy kézləme zaɓəla ŋgha anta maa a law. 19Aya, Farəysa ege əy zlap ŋ taba tata, əy ŋgaya: «Heje kegəre ca, kaw heje kula ŋ la səkan, askwaw, hejəye tewtew əy kasəbaraw!»
Yunanəyŋkaw ege vedəye əy mpam Yesu
20Yunanəyŋkaw ege vedəye aka yam, əy kánda mgba ŋ Urusaləyma ŋ həmanza Gazlavay ŋ gwaygwaya. 21Əy nda ara Fəyləyp, ɗala ma ŋ uzam Baytəysayda, ŋ hayak Galəyləy, Əy ɗawza, əy ŋgaya: «Bay madakal, nene kaɗaw ŋ gəre Yesu.» 22Fəyləyp a nda, a zlepene ŋ Andəyre, aya, tata gbak tata əy nda, əy zlepene ma anta ŋ Yesu. 23Yesu a zenetene a ma ŋgha ege, a ŋgaya: «Na ŋgha ca, vah maa ɓardakw mala Mba Ɗala a naghwalaha, kála anta. 24Njenjəwen, sa kazlapahune, mada ŋseŋ ndərey maa əy kayaɓa alkamarəy ma nah ŋ hayak kámac, askwaw ca, a nja teŋguleŋ anta. Cemey, mada kámac anta, ana davha, a yasl mba dakala. 25Kaw vayay ma kaɗaw lanja anta ca, a nefətekza aza. Cemey, kaw vayay ma kececefza lanja anta ma a manhayak ŋgha səkwaw ca, a nahəbar aka ŋ lanja ma katuwaɗ, səkwaw, kaw vepey. 26Mada ɗala a kaɗaw ŋ lekey zlan ca, səy mesəberekey. Aya, ata la maa sa a təwse ca, mala zlan naka a nanja a təwse yam. Mada ɗala a kelekey zlan ca, Vana a naghavza.»
Yesu a zlap ata lamac anta
27Yesu a ŋgaya: «Na ŋgha ca, unaf naka a kember, sa nazlap vaŋgay? Vana, hwa rehzekey aza ŋ səkan ma kanalaha na ŋgha anta vaw? Cemey, njenjəwen ca, sa ndaha ca, mavəday vah ma na ŋgha anta. 28Vana, həmanza zlam ŋkwa.» Aya, ula a zlapaha aka ta mgba ata uzlaf, a ŋgaya: «Sa káhəmanza, sa nahəmanza zeney.» 29Hejəye vəram ma a təwse ege, maa əy zləme zlap anta ca, əy zlap, əy ŋgaya: «Ara van ma karav.» Vedəye zeney, əy ŋgaya: «Ara malaɓ mala Gazlavay, ma zlepene ŋ Yesu.» 30Cemey, Yesu a zlepetene, a ŋgaya: «Ula anta a zlapaha ca, mavəday sa səkwaw, cemey, mavəday ŋkune. 31Na ŋgha ca, ara vah ma ata ja guma ata manhayak. Na ŋgha ca, əy nanahaza bay ma ŋ manhayak aza a bəza. 32Cemey, sa, mada sa kékefeye ata hayak ete ŋghe mgba ata uzlaf ca, sa nenjewata hejəye aza tewtew ara sa.» 33A zlap ŋghe ege ca, Yesu a ghwelzetene ŋseŋ lamac maa a kanamac. 34Hejəye, əy zenene, əy ŋgaya: «Nene kézləme ŋ ɗerewel ma maŋkanaŋkan ca, Almasəyhu a nanja kaw vepey, a kanamac, askwaw. Cemey, hwa san ŋ zlap, səy Mba Ɗala makaf anta mgba ata uzlaf ca, vaŋgay? Mba Ɗala anta ca, ara vayay?» 35Yesu a zenetene, a ŋgaya: «Leweɗ mbəy ŋ taba ŋkune na ŋgha kwagwa cekuɗe. Hune nda ŋ leweɗ ata vah maa hune ŋ leweɗ, ndar kuzle a ɗaw ŋ jaɓahune aza səkwaw, mavəday ɗala ma kanda ŋ kuzle ca, a kasan ata la maa a kanda səkwaw 36Ata vah maa hune ŋ leweɗ ca, hune lamza leweɗ anta, ndar hune la ŋkune ŋ uzəye mala leweɗ ege.» A dəwze maa Yesu a zlepetene ma ŋgha ege aza ca, tel a nda, a ɓah anta ata tata.
Yahudu ege, əy kalamza Yesu səkwaw
37Ayaw, Yesu ca, kálata zaɓəla ege vəram a tama Yahudu ege, cemey, kaw əy kálamza ma anta, askwaw. 38Aya, səkan a la ana maa mba ma zlap ma mala Gazlavay Esaya, a zlap, a ŋgaya:
«Bay Madakal, ɗala ma lamza ma ŋcene ca, vayay?
Bay Madakal a ghwelene ɓarɓar anta ca, ŋ vayay?»
39Esaya anta kázlap zeney, ata ma maa əy kanalamza ma anta, askwaw, a ŋgaya:
40«Gazlavay kúlefetene nje tata ege aza,
kábawza unaf tata ege aza ɓarɓar,
ndar əy ɗaw ŋ gəre la a nje tata ege səkwaw,
əy ɗaw san səkan ŋ unaf tata ege səkwaw,
əy ɗaw ŋ ja mbahw səkwaw,
sa rehzata aza səkwaw.»
41Esaya a zlap ana ebe ŋghe ca, mavəday kégəre ɓardakw Yesu, a zlap ca, a heɗe.
42Cemey, kaw ŋ taba madakal dakal mala Yahudu ege yam, hejəye vəram, əy kálamza Yesu aza. Cemey, əy kazlap ma anta, səkwaw, mavəday əy kalalak ata Farəysa ege, əy nagamata aza a ujek ma ata rak Gazlavay mala Yahudu ege. 43Cemey, əy ɗawɓa ca, hejəye əy mahəmanzata day aha maa Gazlavay a kanahəmanzata.
44Cemey, Yesu a zlap a mazlazlay, a ŋgaya: «Kaw vayay ma lemzekey aza ca, a lamza ca, sa səkwaw, cemey, a lamza ca, ɗala ma leɓekey. 45Kaw vayay, ma gərekey, a gəre ca, ɗala ma leɓekey. 46Sa, sa ma keweɗ la, sa ndaha ŋ manhayak ca, ndar kaw vayay, ma lemzekey aza ca, a ɗaw ŋ nja ŋ kuzle səkwaw. 47Mada ɗala a kézləme zlap naka ege, a kalaw, ana maa ma anta ege, əy kazlap, askwaw ca, ara sa ma keneghem səkwaw. Cemey, sa ndaha ca, ŋ ghem manhayak səkwaw, sa ndaha, ŋ rehza. 48Kaw vayay, ma keɗewekey səkwaw, ma kalamza zlap naka səkwaw ca, mbəy ŋ səkan ma keneghemew, ara ma maa sa zlap ŋgha ma keneghemew, a pes laŋtakw manhayak. 49Zlap ege ŋghe ca, əy ndaha aka ara sa, səkwaw, cemey, ara Vana ma leɓekey ma keghwelzekey ma maa sa kazlap ey maa sa kaghwalza. 50Cemey, sa kasan ma maa a zlepekey ŋ la ca, ara lanja maa kanaŋtakw səkwaw kaw vepey. Ma maa sa kazlap ca, sa zlap ana maa Vana a zlepekey.»
ទើបបានជ្រើសរើសហើយ៖
Yuhana 12: BHS
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2025 CABTAL
Yuhana 12
12
Marəyama a temzene mel ma kenjef feŋfeŋ ata ŋgas Yesu
1A menha wan ŋkwah, ŋ ja gwaygwaya Paska mala Yahudu ege, Yesu a nda ŋ Baytanəya, uzam maa a gwarzamaza Lazarus aza ata lamac. 2A təwse ca, əy velene uda. Ara Marta ma ɓezetene uda anta. Lazarus mbəy ŋ taba hejəye ma kazam uda ege ata Yesu. 3Aya, Marəyama a ŋta mel ma kenjef feŋfeŋ reta ləytəyr. Mel anta lasəkam anta səlay dakala, əy laza a mpe nardəy ma kékəveɗeye, askwaw. A təwse ca, a tamza ata ŋgas Yesu. A dəwze anta a tukwaɗaw a jukwaɗ ha anta, aya, wata wese tewtew a njef mel anta. 4Aya, Yahuda Əyskarəyawt, ɗala teŋguleŋ ŋ taba madarlaŋw Yesu ege, ara ɗala ma kanasəkamaw aza, a zlap, a ŋgaya: 5«Əy səkam mel anta aza səlay temere mahkaɗ ŋ veletene ŋ metetekw ege səkwaw vemey?» 6A zlap ana ebe ŋghe ca, mavəday maa a kedeŋ ŋkwaɓ ata metetekw ege səkwaw. Cemey, mbe ca, ara ŋhel, mbəy ma kambal bakatar səlay tata ka, a keŋhel səlay maa əy kaca ŋma. 7Cemey, Yesu a ŋgaya: «Yakza wala ŋgha aka a zəhay! A zehzekey mel ŋghe ca, mavəday vah maa əy kenempesekey ŋ jeɓ. 8Ŋkune ca, hune nanja a metetekw ege kaw vepey, cemey, a naka ca, sa kananja ara hune kaw vepey, askwaw.»
Madakal dakal mala Yahudu ege əy jav ma tata aka, ŋ ja Lazarus aza
9Yahudu ege vəram, əy zləme Yesu mbəy ŋ uzam Baytanəya. Əy nda a təwse ca, mavəday Yesu gagaha səkwaw, cemey, əy ɗaw ŋ gəreza Lazarus, ɗala maa Yesu a gwarzamaza ata lamac yam. 10Aya, madakal dakal mala kwakwas ege, əy ŋkan ma tata aka, ŋ ja Lazarus aza yam. 11Cemey, mavəday Lazarus anta ca, Yahudu ege vəram, əy geɓzata aka, əy kálamza ma mala Yesu aza.
Yesu a dam ŋ Urusaləyma
12A mapat anta, hejəye vəram ma ɓecha ŋ ja gwaygwaya Paska ege wese, əy zləme ca, Yesu a kandaha ŋ Urusaləyma. 13Əy baw zləram gendew, əy nda ŋ ŋgelene ma. Əy ja kaja ula ara, əy ŋgaya: «Awzana! Bəzla Gazlavay manja ata ɗala ma kandaha a zlam Bay Madakal, bay Əysərayəyla!» 14Yesu a ndewzene a mba berjeŋ wende aka, a nja a heɗe ana maa kéŋtereye ŋ ɗerewel ma keweɗ, a ŋgaya:
15«Hwa lalak səkwaw, uzam Səyawna!
Ŋghe, Bay ŋkwa a kandaha,
mbəy ata mba berjeŋ.»
16A təwse, mampar anta ca, madarlaŋw Yesu ege, əy kasan səkan maa kalaha səkwaw. Cemey, maa Yesu a njaza ŋ ɓardakw mala Gazlavay ca, əy senzene ca, ma anta kéŋtereye a heɗe ŋ ɗerewel mala Gazlavay. Əy lene səkan ŋghe anta ana maa kéŋtereye wese. 17Maa Yesu a ɗefene maa ŋ Lazarus ŋ jeɓ, a gwarzamaza aza ata lamac ca, hejəye vəram ma a təwse ege, əy kaghwal zlap a heɗe. 18Ana ebe ŋghe, hejəye vəram, əy nda ŋ ŋgelene ma ŋ Yesu, mavəday əy kézləme zaɓəla ŋgha anta maa a law. 19Aya, Farəysa ege əy zlap ŋ taba tata, əy ŋgaya: «Heje kegəre ca, kaw heje kula ŋ la səkan, askwaw, hejəye tewtew əy kasəbaraw!»
Yunanəyŋkaw ege vedəye əy mpam Yesu
20Yunanəyŋkaw ege vedəye aka yam, əy kánda mgba ŋ Urusaləyma ŋ həmanza Gazlavay ŋ gwaygwaya. 21Əy nda ara Fəyləyp, ɗala ma ŋ uzam Baytəysayda, ŋ hayak Galəyləy, Əy ɗawza, əy ŋgaya: «Bay madakal, nene kaɗaw ŋ gəre Yesu.» 22Fəyləyp a nda, a zlepene ŋ Andəyre, aya, tata gbak tata əy nda, əy zlepene ma anta ŋ Yesu. 23Yesu a zenetene a ma ŋgha ege, a ŋgaya: «Na ŋgha ca, vah maa ɓardakw mala Mba Ɗala a naghwalaha, kála anta. 24Njenjəwen, sa kazlapahune, mada ŋseŋ ndərey maa əy kayaɓa alkamarəy ma nah ŋ hayak kámac, askwaw ca, a nja teŋguleŋ anta. Cemey, mada kámac anta, ana davha, a yasl mba dakala. 25Kaw vayay ma kaɗaw lanja anta ca, a nefətekza aza. Cemey, kaw vayay ma kececefza lanja anta ma a manhayak ŋgha səkwaw ca, a nahəbar aka ŋ lanja ma katuwaɗ, səkwaw, kaw vepey. 26Mada ɗala a kaɗaw ŋ lekey zlan ca, səy mesəberekey. Aya, ata la maa sa a təwse ca, mala zlan naka a nanja a təwse yam. Mada ɗala a kelekey zlan ca, Vana a naghavza.»
Yesu a zlap ata lamac anta
27Yesu a ŋgaya: «Na ŋgha ca, unaf naka a kember, sa nazlap vaŋgay? Vana, hwa rehzekey aza ŋ səkan ma kanalaha na ŋgha anta vaw? Cemey, njenjəwen ca, sa ndaha ca, mavəday vah ma na ŋgha anta. 28Vana, həmanza zlam ŋkwa.» Aya, ula a zlapaha aka ta mgba ata uzlaf, a ŋgaya: «Sa káhəmanza, sa nahəmanza zeney.» 29Hejəye vəram ma a təwse ege, maa əy zləme zlap anta ca, əy zlap, əy ŋgaya: «Ara van ma karav.» Vedəye zeney, əy ŋgaya: «Ara malaɓ mala Gazlavay, ma zlepene ŋ Yesu.» 30Cemey, Yesu a zlepetene, a ŋgaya: «Ula anta a zlapaha ca, mavəday sa səkwaw, cemey, mavəday ŋkune. 31Na ŋgha ca, ara vah ma ata ja guma ata manhayak. Na ŋgha ca, əy nanahaza bay ma ŋ manhayak aza a bəza. 32Cemey, sa, mada sa kékefeye ata hayak ete ŋghe mgba ata uzlaf ca, sa nenjewata hejəye aza tewtew ara sa.» 33A zlap ŋghe ege ca, Yesu a ghwelzetene ŋseŋ lamac maa a kanamac. 34Hejəye, əy zenene, əy ŋgaya: «Nene kézləme ŋ ɗerewel ma maŋkanaŋkan ca, Almasəyhu a nanja kaw vepey, a kanamac, askwaw. Cemey, hwa san ŋ zlap, səy Mba Ɗala makaf anta mgba ata uzlaf ca, vaŋgay? Mba Ɗala anta ca, ara vayay?» 35Yesu a zenetene, a ŋgaya: «Leweɗ mbəy ŋ taba ŋkune na ŋgha kwagwa cekuɗe. Hune nda ŋ leweɗ ata vah maa hune ŋ leweɗ, ndar kuzle a ɗaw ŋ jaɓahune aza səkwaw, mavəday ɗala ma kanda ŋ kuzle ca, a kasan ata la maa a kanda səkwaw 36Ata vah maa hune ŋ leweɗ ca, hune lamza leweɗ anta, ndar hune la ŋkune ŋ uzəye mala leweɗ ege.» A dəwze maa Yesu a zlepetene ma ŋgha ege aza ca, tel a nda, a ɓah anta ata tata.
Yahudu ege, əy kalamza Yesu səkwaw
37Ayaw, Yesu ca, kálata zaɓəla ege vəram a tama Yahudu ege, cemey, kaw əy kálamza ma anta, askwaw. 38Aya, səkan a la ana maa mba ma zlap ma mala Gazlavay Esaya, a zlap, a ŋgaya:
«Bay Madakal, ɗala ma lamza ma ŋcene ca, vayay?
Bay Madakal a ghwelene ɓarɓar anta ca, ŋ vayay?»
39Esaya anta kázlap zeney, ata ma maa əy kanalamza ma anta, askwaw, a ŋgaya:
40«Gazlavay kúlefetene nje tata ege aza,
kábawza unaf tata ege aza ɓarɓar,
ndar əy ɗaw ŋ gəre la a nje tata ege səkwaw,
əy ɗaw san səkan ŋ unaf tata ege səkwaw,
əy ɗaw ŋ ja mbahw səkwaw,
sa rehzata aza səkwaw.»
41Esaya a zlap ana ebe ŋghe ca, mavəday kégəre ɓardakw Yesu, a zlap ca, a heɗe.
42Cemey, kaw ŋ taba madakal dakal mala Yahudu ege yam, hejəye vəram, əy kálamza Yesu aza. Cemey, əy kazlap ma anta, səkwaw, mavəday əy kalalak ata Farəysa ege, əy nagamata aza a ujek ma ata rak Gazlavay mala Yahudu ege. 43Cemey, əy ɗawɓa ca, hejəye əy mahəmanzata day aha maa Gazlavay a kanahəmanzata.
44Cemey, Yesu a zlap a mazlazlay, a ŋgaya: «Kaw vayay ma lemzekey aza ca, a lamza ca, sa səkwaw, cemey, a lamza ca, ɗala ma leɓekey. 45Kaw vayay, ma gərekey, a gəre ca, ɗala ma leɓekey. 46Sa, sa ma keweɗ la, sa ndaha ŋ manhayak ca, ndar kaw vayay, ma lemzekey aza ca, a ɗaw ŋ nja ŋ kuzle səkwaw. 47Mada ɗala a kézləme zlap naka ege, a kalaw, ana maa ma anta ege, əy kazlap, askwaw ca, ara sa ma keneghem səkwaw. Cemey, sa ndaha ca, ŋ ghem manhayak səkwaw, sa ndaha, ŋ rehza. 48Kaw vayay, ma keɗewekey səkwaw, ma kalamza zlap naka səkwaw ca, mbəy ŋ səkan ma keneghemew, ara ma maa sa zlap ŋgha ma keneghemew, a pes laŋtakw manhayak. 49Zlap ege ŋghe ca, əy ndaha aka ara sa, səkwaw, cemey, ara Vana ma leɓekey ma keghwelzekey ma maa sa kazlap ey maa sa kaghwalza. 50Cemey, sa kasan ma maa a zlepekey ŋ la ca, ara lanja maa kanaŋtakw səkwaw kaw vepey. Ma maa sa kazlap ca, sa zlap ana maa Vana a zlepekey.»
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2025 CABTAL