Zlan mala malaɓ ege 5
5
Ata Ananəyas ey wala anta Safəyra
1Cemey, heje wende aka, zlam anta Ananəyas ey wala anta Safəyra, əy jav ma tata ka, ŋ səkam la tata aza. 2A təwse ca, Ananəyas anta, a ɓez səlay anta ka ŋ gbak. Wende, a ɓahza ka, wende yam a jeɓza, a veletene ŋ malaɓ Yesu ege wese. Wala anta a kasan səkan maa mawal anta a law. 3Aya, Pəyer a zlepene, a ŋgaya: «Ananəyas, hwa pelzene taf aka ŋ Sayɗanu ŋ dam ŋ unaf ŋkwa ca, ŋ vay? Hwa kézlene metəwle ŋ Zəwet ma keweɗ, hwa káɓahza kəva səlay wende maa hune səkam la ŋkune aza wese aka. 4Cemey, la ca, mala ŋkwa. Kaw hwa kásəkamza ana ebe ŋghe ca, səlay anta ca, mala ŋkwa war. Ca, hwa san ŋ deŋza ŋ la səkan ma da ebe ŋghe ca, ŋ vay? Hwa zlene metəwle ca, ŋ Gazlavay səkwaw ca, ŋ hejəye səkwaw.» 5Aya, maa Ananəyas a zləme ma ŋgha ege ca, a ndav ata hayak, a mac anta. Hejəye tewtew ma zləme ma ŋgha anta ege ca, əy kálalak tata mambaza. 6A təwse ca, darlaŋw ege əy ndaha əy mbahw mce anta, əy jeɓza ŋ mpas aza aka.
7A dəwze anta, a la anta ler mahkaɗ ege ca, wala Ananəyas a ndaha. Cemey, kásan səkan ma ndewzene ŋ mawal anta səkwaw. 8Aya, Pəyer a ɗawza, a ŋgaya: «Ghwelzekey, hune səkam la ŋkune ca, səlay anta ana ebe ŋghe tew vaw?» Aya, a zenene ŋ Pəyer, a ŋgaya: «Ayaw, nene səkam la anta ca, ana ebe ŋghe anta.» 9A təwse ca, Pəyer a zlepene, a ŋgaya: «Hune jav ma ŋkune aka a mawal ŋkwa ŋ slanza Zəwet Bay Madakal ca, ŋ vay? Teh zlam, darlaŋw ma mpas aza mawal ŋkwa ege, əy a ma ujek, əy netewahwaw ŋ mpasahwaw yam.» 10A təwse a təwse, wala wese a ndav a tama Pəyer, a mac anta. Darlaŋw ma mpas aza mawal anta ege wese, əy damha, əy ndewzene kámac anta. A təwse ca, əy jeɓza ŋ mpas aza a həzlar mawal anta. 11Cemey, lajav hejəye ma lamza ma mala Yesu aza ege tewtew, zlaɓa hejəye tewtew ma zləme səkan ma laha ŋgha anta ege, əy kálalak tata mambaza.
Malaɓ Yesu ege, əy la zaɓəla ege vəram
12Malaɓ Yesu ege, əy la zaɓəla ege leŋ səkan ma kaŋga ŋkwaɓ ege vəram ŋ taba hejəye. Hejəye ma lamza ma mala Yesu aza ege, əy kajav tewtew a unaf ma teŋguleŋ asa Galaɓ Suleymanu. 13Hejəye vedəye, əy kajav ara tata askwaw, mavəday, əy kalalak. Cemey, hejəye tewtew, əy kahəmanzata. 14Ata pes ata pes, hejəye vəram, mawal ege ey weləye, əy kalamza ma mala Bay Madakal, əy kafalha ata lajav anta. 15Ana ebe ŋghe, hejəye əy data hejəye ma kadawar ege aka a ma taf, əy wanzata aka ata lawan, askwaw ca, ata gədegəde tata ege, ndar, mada Pəyer a kanda ta ŋ təwse ca, ketegəre kaw seŋseŋ anta a hwasha aza ata hejəye tata ege vedəye ka vaw. 16Hejəye vəram əy ndaha aka ŋ uzam ege ma mbermber a Urusaləyma, əy data hejəye tata ege ma kadawar leŋ maa zəwet malula kámbalata aza ege. A təwse ca, hejəye anta ege tewtew, əy kéreh tata ŋ dawar tata anta ege.
Əy mbalata malaɓ Yesu ege
17Aya, madakal mala kwakwas leŋ hejəye tewtew ma a həzlar ege, ana zlap ca, hejəye ma ŋ lajav Sadukəy ege, əy la sərah mambaza ata malaɓ Yesu wese ege. 18A təwse ca, əy mbalata malaɓ ege wese, əy nahzata ŋ daŋgay ata nje hejəye tewtew. 19Cemey, a zaɗaw wese ca, malaɓ Bay Madakal a zlarza ma ujek daŋgay wese, a palata aza a bəza, a zlepetene, a ŋgaya: 20«Hune nda ŋ ujek kwakwas, hune ghwelzetene zlap mala lanja ŋghe ege ŋ hejəye tewtew.» 21Aya, malaɓ Yesu wese ege, əy la ana maa malaɓ Bay Madakal a zlepetene wese. Mala mapat beŋ, əy nda ŋ ujek kwakwas, əy mar ŋ sasərakzata hejəye.
Maa madakal mala kwakwas leŋ hejəye ma a həzlar ege, əy hwasha aza ca, əy ɓecata madakal dakal mala Əysərayəyla ege ma ata lajav ma dakal ma ata ja guma. Aya, əy laɓzata sawje ege ŋ data malaɓ Yesu ege ma ŋ daŋgay wese. 22Cemey, maa sawje ege əy hwas ŋ daŋgay wese ca, əy kéndewzetene ŋ malaɓ Yesu wese ege ŋma askwaw. A təwse ca, əy zen ara madakal dakal tata ege, əy zlepetene, əy ŋgaya: 23«Nene ndewzene a ma ujek daŋgay anta kémpekeye kadak kadak. Mahəbar ma ujek ege əy kahəbaraw. Cemey, maa nene zlarza ma ujek daŋgay anta ca, kaw nene kéndew ata ɗala teŋguleŋ ŋma askwaw.» 24Maa madakal mala mahəbar ujek kwakwas ege leŋ madakal dakal mala mala kwakwas ege əy zləme ma anta ca, əy káŋga ŋkwaɓ ata malaɓ ege. Aya, əy ɗawza ha tata ege ata səkan ma laha anta. 25Cemey, heje wende aka a ndaha, a zlepetene, a ŋgaya: «Ŋghe hejəye maa hune nahzata ŋ daŋgay ege wese, əy ŋ ujek kwakwas, əy kasasərakzata hejəye.» 26Aya, madakal mala mahəbar ujek kwakwas ege wese, a nda zlaɓa sawje anta ege ŋ data malaɓ Yesu ege wese. Cemey, əy data ca, ata gwaya səkwaw, mavəday əy kalalak, hejəye əy ɗaw ŋ kwapata a ŋkəɗaŋ səkwaw.
27A dəwze maa əy data aza ca, əy garzata ka a tama lajav ma dakal ma ata ja guma. A təwse ca, madakal mala kwakwas, a ɗawzata, a ŋgaya: 28«Nene kátakahune aza, hune ɗaw ŋ sesərekzetene zlam heje ŋghe ŋ hejəye zeney səkwaw. Cemey, hune kesesərekzetene war. Hune kéŋtez lasasərak ŋkune anta aza ŋ Urusaləyma tewtew. Hune ɗaw hejəye əy zlap ca, nene ma ja heje ŋghe anta aza vaw!» 29A təwse ca, ata Pəyer ey malaɓ ege vedəye, əy zenetene əy ŋgaya: «Nene netehzene zlam ca, səy ŋ Gazlavay səkwaw ca, ŋ hejəye səkwaw. 30Hune kája Yesu aza ata mpe gafaŋgal, cemey, Gazlavay jeje ŋtakwaw ege kágwarzamaza aza ata lamac. 31Gazlavay káŋta Yesu aza mgba ata uzlaf, kánjaza ka ata ra zam anta, káca ka ŋ Bay ey Mereh hejəye, ŋ veletene taf ŋ hejəye Əysərayəyla ege ŋ bawza lanja tata ege aza, ndar Gazlavay a pelzetene gay tata ege aka. 32Nene, zlaɓa Zəwet ma keweɗ maa Gazlavay a veletene ŋ hejəye ma ketehzene zlam ege, nene kaghwalza ma ata səkan ma laha ŋgha anta ege.»
33Maa hejəye ma ata lajav ma dakal ma ata ja guma ege, əy zləme ma ŋgha anta ca, əy kághwaɗ tata mambaza, aya, əy ɗaw ŋ jata malaɓ wese ege aza. 34Cemey, heje Farəysa wende ŋ taba tata aka, zlam anta Gamaləyel, ara maghwal ma maŋkanaŋkan maa hejəye tewtew, əy kahəmanza. A gwarzam ŋ taba hejəye ma ata lajav ma dakal ma ata ja guma wese, a zlepetene ŋ sawje ege ŋ damata malaɓ ege wese aza a bəza cekuɗe. 35Aya, a zlepetene ŋ hejəye ma ata lajav ma dakal ma ata ja guma wese ege, a ŋgaya: «Hune hejəye Əysərayəyla ege, hune sla ka kadak kadak ata səkan maa hune kaɗaw ŋ letene ŋ hejəye ŋghe ege. 36Hune senzene, walaŋ anta askwaw, heje wende aka zlam anta Tewdas, a ndaha, a ghwalza ha anta, ana ɗala ma dakal. Hejəye əy kála tata temere ŋfaɗ ege ma səbar taf anta. Cemey, əy kája aza, hejəye ma səbar ege wese tewtew, əy kéweɗ tata, kaw əy kázlap ma anta zeney askwaw. 37A dəwze anta, heje Galəyləy wende aka, zlam anta Yahuda, a ndaha ata vah maa bay hayak a gwarzamaza ma ma ata ŋter zlam hejəye ma ŋ hayak ege tewtew. Hejəye vəram, əy kásəbaraw. Cemey, mbe yam, əy kája aza. A təwse ca, hejəye tewtew ma səbar ege wese, əy kéweɗ tata. 38Mavəday anta, sa kazlapahune na ŋgha, hune ŋga ŋkwaɓ ŋkune ege aka ata hejəye ŋghe ege səkwaw, hune palzata aka, əy manda tata. Mada ledeŋ ŋkwaɓ tata ey zlan tata, əy ndaha aka ŋ ledeŋ ŋkwaɓ mala hejəye ca, əy natuwaɗ tata. 39Cemey, mada əy ndaha aka ara Gazlavay njenjəwen ca, hune kula ŋ fətekzata aza səkwaw. Hune sla ka, hune ɗaw ŋ ɗa gham a Gazlavay səkwaw!» A təwse ca, hejəye ma ata lajav ma dakal ma ata ja guma ege wese, əy lamza zlap anta. 40A dəwze anta ca, əy yata malaɓ Yesu ege wese, əy ŋtawata, əy zlepetene, kaw əy ɗaw ŋ ya zlam Yesu zeney səkwaw, aya, əy palzata aka. 41Malaɓ Yesu wese ege, əy gwarzamha aza a təwse, əy nda tata, əy kasasam mavəday Gazlavay kásarzata aza, əy tete ŋ sa gef mavəday zlam Yesu. 42Aya, ata pes ata pes, əy kavas ŋ sasərakzata hejəye, əy keghwelzetene Ma Mewe ma Taŋtaŋ mala Yesu Almasəyhu, ŋ ujek kwakwas leŋ a wata ege.
ទើបបានជ្រើសរើសហើយ៖
Zlan mala malaɓ ege 5: BHS
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2025 CABTAL
Zlan mala malaɓ ege 5
5
Ata Ananəyas ey wala anta Safəyra
1Cemey, heje wende aka, zlam anta Ananəyas ey wala anta Safəyra, əy jav ma tata ka, ŋ səkam la tata aza. 2A təwse ca, Ananəyas anta, a ɓez səlay anta ka ŋ gbak. Wende, a ɓahza ka, wende yam a jeɓza, a veletene ŋ malaɓ Yesu ege wese. Wala anta a kasan səkan maa mawal anta a law. 3Aya, Pəyer a zlepene, a ŋgaya: «Ananəyas, hwa pelzene taf aka ŋ Sayɗanu ŋ dam ŋ unaf ŋkwa ca, ŋ vay? Hwa kézlene metəwle ŋ Zəwet ma keweɗ, hwa káɓahza kəva səlay wende maa hune səkam la ŋkune aza wese aka. 4Cemey, la ca, mala ŋkwa. Kaw hwa kásəkamza ana ebe ŋghe ca, səlay anta ca, mala ŋkwa war. Ca, hwa san ŋ deŋza ŋ la səkan ma da ebe ŋghe ca, ŋ vay? Hwa zlene metəwle ca, ŋ Gazlavay səkwaw ca, ŋ hejəye səkwaw.» 5Aya, maa Ananəyas a zləme ma ŋgha ege ca, a ndav ata hayak, a mac anta. Hejəye tewtew ma zləme ma ŋgha anta ege ca, əy kálalak tata mambaza. 6A təwse ca, darlaŋw ege əy ndaha əy mbahw mce anta, əy jeɓza ŋ mpas aza aka.
7A dəwze anta, a la anta ler mahkaɗ ege ca, wala Ananəyas a ndaha. Cemey, kásan səkan ma ndewzene ŋ mawal anta səkwaw. 8Aya, Pəyer a ɗawza, a ŋgaya: «Ghwelzekey, hune səkam la ŋkune ca, səlay anta ana ebe ŋghe tew vaw?» Aya, a zenene ŋ Pəyer, a ŋgaya: «Ayaw, nene səkam la anta ca, ana ebe ŋghe anta.» 9A təwse ca, Pəyer a zlepene, a ŋgaya: «Hune jav ma ŋkune aka a mawal ŋkwa ŋ slanza Zəwet Bay Madakal ca, ŋ vay? Teh zlam, darlaŋw ma mpas aza mawal ŋkwa ege, əy a ma ujek, əy netewahwaw ŋ mpasahwaw yam.» 10A təwse a təwse, wala wese a ndav a tama Pəyer, a mac anta. Darlaŋw ma mpas aza mawal anta ege wese, əy damha, əy ndewzene kámac anta. A təwse ca, əy jeɓza ŋ mpas aza a həzlar mawal anta. 11Cemey, lajav hejəye ma lamza ma mala Yesu aza ege tewtew, zlaɓa hejəye tewtew ma zləme səkan ma laha ŋgha anta ege, əy kálalak tata mambaza.
Malaɓ Yesu ege, əy la zaɓəla ege vəram
12Malaɓ Yesu ege, əy la zaɓəla ege leŋ səkan ma kaŋga ŋkwaɓ ege vəram ŋ taba hejəye. Hejəye ma lamza ma mala Yesu aza ege, əy kajav tewtew a unaf ma teŋguleŋ asa Galaɓ Suleymanu. 13Hejəye vedəye, əy kajav ara tata askwaw, mavəday, əy kalalak. Cemey, hejəye tewtew, əy kahəmanzata. 14Ata pes ata pes, hejəye vəram, mawal ege ey weləye, əy kalamza ma mala Bay Madakal, əy kafalha ata lajav anta. 15Ana ebe ŋghe, hejəye əy data hejəye ma kadawar ege aka a ma taf, əy wanzata aka ata lawan, askwaw ca, ata gədegəde tata ege, ndar, mada Pəyer a kanda ta ŋ təwse ca, ketegəre kaw seŋseŋ anta a hwasha aza ata hejəye tata ege vedəye ka vaw. 16Hejəye vəram əy ndaha aka ŋ uzam ege ma mbermber a Urusaləyma, əy data hejəye tata ege ma kadawar leŋ maa zəwet malula kámbalata aza ege. A təwse ca, hejəye anta ege tewtew, əy kéreh tata ŋ dawar tata anta ege.
Əy mbalata malaɓ Yesu ege
17Aya, madakal mala kwakwas leŋ hejəye tewtew ma a həzlar ege, ana zlap ca, hejəye ma ŋ lajav Sadukəy ege, əy la sərah mambaza ata malaɓ Yesu wese ege. 18A təwse ca, əy mbalata malaɓ ege wese, əy nahzata ŋ daŋgay ata nje hejəye tewtew. 19Cemey, a zaɗaw wese ca, malaɓ Bay Madakal a zlarza ma ujek daŋgay wese, a palata aza a bəza, a zlepetene, a ŋgaya: 20«Hune nda ŋ ujek kwakwas, hune ghwelzetene zlap mala lanja ŋghe ege ŋ hejəye tewtew.» 21Aya, malaɓ Yesu wese ege, əy la ana maa malaɓ Bay Madakal a zlepetene wese. Mala mapat beŋ, əy nda ŋ ujek kwakwas, əy mar ŋ sasərakzata hejəye.
Maa madakal mala kwakwas leŋ hejəye ma a həzlar ege, əy hwasha aza ca, əy ɓecata madakal dakal mala Əysərayəyla ege ma ata lajav ma dakal ma ata ja guma. Aya, əy laɓzata sawje ege ŋ data malaɓ Yesu ege ma ŋ daŋgay wese. 22Cemey, maa sawje ege əy hwas ŋ daŋgay wese ca, əy kéndewzetene ŋ malaɓ Yesu wese ege ŋma askwaw. A təwse ca, əy zen ara madakal dakal tata ege, əy zlepetene, əy ŋgaya: 23«Nene ndewzene a ma ujek daŋgay anta kémpekeye kadak kadak. Mahəbar ma ujek ege əy kahəbaraw. Cemey, maa nene zlarza ma ujek daŋgay anta ca, kaw nene kéndew ata ɗala teŋguleŋ ŋma askwaw.» 24Maa madakal mala mahəbar ujek kwakwas ege leŋ madakal dakal mala mala kwakwas ege əy zləme ma anta ca, əy káŋga ŋkwaɓ ata malaɓ ege. Aya, əy ɗawza ha tata ege ata səkan ma laha anta. 25Cemey, heje wende aka a ndaha, a zlepetene, a ŋgaya: «Ŋghe hejəye maa hune nahzata ŋ daŋgay ege wese, əy ŋ ujek kwakwas, əy kasasərakzata hejəye.» 26Aya, madakal mala mahəbar ujek kwakwas ege wese, a nda zlaɓa sawje anta ege ŋ data malaɓ Yesu ege wese. Cemey, əy data ca, ata gwaya səkwaw, mavəday əy kalalak, hejəye əy ɗaw ŋ kwapata a ŋkəɗaŋ səkwaw.
27A dəwze maa əy data aza ca, əy garzata ka a tama lajav ma dakal ma ata ja guma. A təwse ca, madakal mala kwakwas, a ɗawzata, a ŋgaya: 28«Nene kátakahune aza, hune ɗaw ŋ sesərekzetene zlam heje ŋghe ŋ hejəye zeney səkwaw. Cemey, hune kesesərekzetene war. Hune kéŋtez lasasərak ŋkune anta aza ŋ Urusaləyma tewtew. Hune ɗaw hejəye əy zlap ca, nene ma ja heje ŋghe anta aza vaw!» 29A təwse ca, ata Pəyer ey malaɓ ege vedəye, əy zenetene əy ŋgaya: «Nene netehzene zlam ca, səy ŋ Gazlavay səkwaw ca, ŋ hejəye səkwaw. 30Hune kája Yesu aza ata mpe gafaŋgal, cemey, Gazlavay jeje ŋtakwaw ege kágwarzamaza aza ata lamac. 31Gazlavay káŋta Yesu aza mgba ata uzlaf, kánjaza ka ata ra zam anta, káca ka ŋ Bay ey Mereh hejəye, ŋ veletene taf ŋ hejəye Əysərayəyla ege ŋ bawza lanja tata ege aza, ndar Gazlavay a pelzetene gay tata ege aka. 32Nene, zlaɓa Zəwet ma keweɗ maa Gazlavay a veletene ŋ hejəye ma ketehzene zlam ege, nene kaghwalza ma ata səkan ma laha ŋgha anta ege.»
33Maa hejəye ma ata lajav ma dakal ma ata ja guma ege, əy zləme ma ŋgha anta ca, əy kághwaɗ tata mambaza, aya, əy ɗaw ŋ jata malaɓ wese ege aza. 34Cemey, heje Farəysa wende ŋ taba tata aka, zlam anta Gamaləyel, ara maghwal ma maŋkanaŋkan maa hejəye tewtew, əy kahəmanza. A gwarzam ŋ taba hejəye ma ata lajav ma dakal ma ata ja guma wese, a zlepetene ŋ sawje ege ŋ damata malaɓ ege wese aza a bəza cekuɗe. 35Aya, a zlepetene ŋ hejəye ma ata lajav ma dakal ma ata ja guma wese ege, a ŋgaya: «Hune hejəye Əysərayəyla ege, hune sla ka kadak kadak ata səkan maa hune kaɗaw ŋ letene ŋ hejəye ŋghe ege. 36Hune senzene, walaŋ anta askwaw, heje wende aka zlam anta Tewdas, a ndaha, a ghwalza ha anta, ana ɗala ma dakal. Hejəye əy kála tata temere ŋfaɗ ege ma səbar taf anta. Cemey, əy kája aza, hejəye ma səbar ege wese tewtew, əy kéweɗ tata, kaw əy kázlap ma anta zeney askwaw. 37A dəwze anta, heje Galəyləy wende aka, zlam anta Yahuda, a ndaha ata vah maa bay hayak a gwarzamaza ma ma ata ŋter zlam hejəye ma ŋ hayak ege tewtew. Hejəye vəram, əy kásəbaraw. Cemey, mbe yam, əy kája aza. A təwse ca, hejəye tewtew ma səbar ege wese, əy kéweɗ tata. 38Mavəday anta, sa kazlapahune na ŋgha, hune ŋga ŋkwaɓ ŋkune ege aka ata hejəye ŋghe ege səkwaw, hune palzata aka, əy manda tata. Mada ledeŋ ŋkwaɓ tata ey zlan tata, əy ndaha aka ŋ ledeŋ ŋkwaɓ mala hejəye ca, əy natuwaɗ tata. 39Cemey, mada əy ndaha aka ara Gazlavay njenjəwen ca, hune kula ŋ fətekzata aza səkwaw. Hune sla ka, hune ɗaw ŋ ɗa gham a Gazlavay səkwaw!» A təwse ca, hejəye ma ata lajav ma dakal ma ata ja guma ege wese, əy lamza zlap anta. 40A dəwze anta ca, əy yata malaɓ Yesu ege wese, əy ŋtawata, əy zlepetene, kaw əy ɗaw ŋ ya zlam Yesu zeney səkwaw, aya, əy palzata aka. 41Malaɓ Yesu wese ege, əy gwarzamha aza a təwse, əy nda tata, əy kasasam mavəday Gazlavay kásarzata aza, əy tete ŋ sa gef mavəday zlam Yesu. 42Aya, ata pes ata pes, əy kavas ŋ sasərakzata hejəye, əy keghwelzetene Ma Mewe ma Taŋtaŋ mala Yesu Almasəyhu, ŋ ujek kwakwas leŋ a wata ege.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2025 CABTAL