Zlan mala malaɓ ege 3
3
Ɗala ma halɓaya, kéreh anta ŋ dawar anta
1Aya, a pes wende aka, ler mahkaɗ mala mackwahw, ata Pəyer ey Yuhana əy nda ŋ ujek kwakwas ŋ rak Gazlavay. 2Heje wende aka, mbawa anta mbəy halɓaya. Cemey, ata pes ata pes, hejəye anta ege əy ketewaza, əy kanjaza aka mbermber a ma ujek mala ujek kwakwas maa əy kayaɓa, «Ma Ujek ma Tuwah,» ŋ rakɓa səlay ara hejəye ma kadam ŋ ujek kwakwas anta ege. 3Aya, maa a gəre ata Pəyer ey Yuhana, əy kadam ŋ ujek kwakwas wese ca, a rak səlay ara tata. 4A təwse ca, ata Pəyer ey Yuhana, əy sarza kadak kadak, aya, Pəyer a zlepene, a ŋgaya: «Serzeney!» 5Cemey, heje wese a sarzata kadak kadak, a ulakza ŋ unaf anta ca, a nelem səkan ara tata. 6A təwse va, Pəyer a zlepene, a ŋgaya: «Kaw səlay ara sa askwaw, kaw bənaɓ ara sa askwaw, cemey, sa navalahwaw səkan ma ara sa aka: “A zlam Yesu Almasəyhu, ɗala Nasaratu, gwarzam, nda!”» 7Aya, Pəyer a mbal ra zam heje wese, a cekzene ŋ gwarzam. A təwse a təwse, ŋgas heje wese ege əy jar tata kəcaŋ. 8A təwse a təwse, heje wese perce a gwarzam, a gar aka, a mar ŋ nda. A dam a ujek kwakwas zlaɓa ata Pəyer ey Yuhana, a kanda kadak kadak, a kember, a kahəmanza Gazlavay. 9Hejəye tewtew əy kegəre a kanda, a kahəmanza Gazlavay. 10Aya, maa hejəye əy sanza ara heje ma halɓaya, ma kanja a ma ujek mala ujek kwakwas maa əy kayaɓa, «Ma Ujek ma Tuwah» ŋ rak səlay ara hejəye wese ca, ŋgəzleŋ kájata aza mambaza, əy káŋga ŋkwaɓ dakala ata səkan ma ndewzene anta.
Pəyer a ghwal zlap a ujek kwakwas
11Cemey, heje anta kégeɓzata ata Pəyer ey Yuhana askwaw. A təwse, hejəye tewtew ŋkwaɓ kéŋgetene aza mambaza, aya, əy hey kəɗe ara tata asa galaɓ ma dakal maa əy kayaɓa, «Galaɓ Suleymanu». 12Maa Pəyer a gəre hejəye ma ɓecha ege ara tata wese ca, a zlepetene, a ŋgaya: «Hune Əysərayəyla ege, hune ŋga ŋkwaɓ ata səkan ma laha ŋgha, ŋ vay? Hune serzeney ana ebe ŋghe ca, ŋ vay? Hune ulakza ca, ara ɓarɓar ŋcene ma jarzata ŋgas heje ŋghe anta ege ŋ nda vaw? Askwaw ca, mavəday maa nene kasəbar Gazlavay a heɗe a heɗe vaw? Kaw andəwse səkwaw! 13Cemey, ara Gazlavay mala Əybərahəyma, mala Əysəyaku, mala Yakubu, Gazlavay mala jeje ŋtakwaw ege maa əy həmanza, mbəy ma velene ɓardakw anta ŋ mala zlan anta Yesu. Hune a ha ŋkune ege, hune ma valza Yesu asa ra madakal dakal ege, hune kécecefza askwaw, hune káyakza ka asa ra Pəylatu ŋ jaw. Pəylatu anta, káɗaw ŋ palza ka keɗe, cemey, hune kálamza ma anta askwaw. 14Yesu ca, ara ɗala ma keweɗ ma taŋtaŋ ma ndaha aka ara Gazlavay. Cemey, hune kálamza askwaw, hune zlepene ŋ Pəylatu ca, ŋ palahune ɗala ma ja ŋkəɗeh aka. 15Ana ebe ŋghe, hune kája Bay ma kaval lanja aza, cemey, Gazlavay, kágwarzamaza aza ata lamac. Nene a ha ŋcene, nene kégəre lagwarzamha aza ata lamac anta anta. 16Cemey, heje maa hune kegəre ŋghe ca, hune kasanaw. Ara ɓarɓar lalam a zlam Yesu ma rehza aza ŋ dawar anta ŋgha. Ara lalam a zlam Yesu ma rehza aza ŋ dawar anta tewtew ata nje ŋkune tewtew.»
17«Cemey, na ŋgha ca, zlana ege, sa kasanaw, zlan maa hune, zlaɓa madakal ŋkune ege hune lene ŋ Yesu ŋgha ca, hune la ca, mavəday hune kasan səkwaw. 18Cemey, Gazlavay kághwalaza zlezle ta ŋ ma mala uzəye ma zlap ma anta ege tewtew ata səkan ma laha ŋgha anta, a ŋgaya, “Səy, Almasəyhu anta anta masa gef aza. 19Mavəday anta, sa kazlapahune, hune bawza lanja ŋkune ege aza, hune zenha ara Gazlavay, ndar a palzahune gay ŋkune ege aka. 20Ana ebe ŋghe, Bay Madakal a navalahune vah ma ata zazak. A nalaɓahune Almasəyhu, ɗala maa a may aka zlezle ŋ rehzahune, ana zlap ca, Yesu. 21Cemey, na ŋgha ca, səy Yesu Almasəyhu manja ka mgba ata uzlaf kwagwa ha hwas a pes maa Gazlavay a nalamzata səkan ege aza tewtew, ana maa a ghwalaza zlezle ta ŋ ma uzəye ma zlap ma anta ma keweɗ ege”. 22Cemey, Musa kázlap zlezle, a ŋgaya: “Bay Madakal Gazlavay ŋkune a nambawahune mba ma zlap ma, ŋ taba van ŋkune ege, ana sa. Hune netehzene zlam ata ma maa a kanazlapahune ege tewtew. 23Kaw vayay ma tehzene zlam ŋ mba ma zlap ma ŋgha anta səkwaw ca, əy nagamaza aza ŋ taba hejəye Gazlavay ege, ŋ ja aza.” 24Uzəye ma zlap ma ege tewtew əy kázlap zlezle, a mar aka ata Samuyəyla ha hwas ata ma ndaha a dəwze anta ege, kaw vayay tata, kághwalza səkan ma kala ata wan ŋghe anta ege. 25Səkan maa Gazlavay a zlapaza ta ŋ ma uzəye ma zlap ma ege wese ca, a zlapaza ca, ŋ hune. Gazlavay kéŋkenetene ma ŋ jeje ŋkune ege, a zlepene ŋ Əybərahəyma, a ŋgaya: “Sa naca bəzla naka ka ata ŋseŋ ma ŋ manhayak ege tewtew ta ŋ mba dəmas ŋkwa.” 26Ana ebe ŋghe, Gazlavay a ghwalza mala zlan anta Yesu ca, ŋ hune kwagwa. A laɓaza ca, ŋ valahune bəzla, ŋ bawza lanja ma kadak səkwaw mala kaw vayay ŋkune ege aza.»
ទើបបានជ្រើសរើសហើយ៖
Zlan mala malaɓ ege 3: BHS
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2025 CABTAL
Zlan mala malaɓ ege 3
3
Ɗala ma halɓaya, kéreh anta ŋ dawar anta
1Aya, a pes wende aka, ler mahkaɗ mala mackwahw, ata Pəyer ey Yuhana əy nda ŋ ujek kwakwas ŋ rak Gazlavay. 2Heje wende aka, mbawa anta mbəy halɓaya. Cemey, ata pes ata pes, hejəye anta ege əy ketewaza, əy kanjaza aka mbermber a ma ujek mala ujek kwakwas maa əy kayaɓa, «Ma Ujek ma Tuwah,» ŋ rakɓa səlay ara hejəye ma kadam ŋ ujek kwakwas anta ege. 3Aya, maa a gəre ata Pəyer ey Yuhana, əy kadam ŋ ujek kwakwas wese ca, a rak səlay ara tata. 4A təwse ca, ata Pəyer ey Yuhana, əy sarza kadak kadak, aya, Pəyer a zlepene, a ŋgaya: «Serzeney!» 5Cemey, heje wese a sarzata kadak kadak, a ulakza ŋ unaf anta ca, a nelem səkan ara tata. 6A təwse va, Pəyer a zlepene, a ŋgaya: «Kaw səlay ara sa askwaw, kaw bənaɓ ara sa askwaw, cemey, sa navalahwaw səkan ma ara sa aka: “A zlam Yesu Almasəyhu, ɗala Nasaratu, gwarzam, nda!”» 7Aya, Pəyer a mbal ra zam heje wese, a cekzene ŋ gwarzam. A təwse a təwse, ŋgas heje wese ege əy jar tata kəcaŋ. 8A təwse a təwse, heje wese perce a gwarzam, a gar aka, a mar ŋ nda. A dam a ujek kwakwas zlaɓa ata Pəyer ey Yuhana, a kanda kadak kadak, a kember, a kahəmanza Gazlavay. 9Hejəye tewtew əy kegəre a kanda, a kahəmanza Gazlavay. 10Aya, maa hejəye əy sanza ara heje ma halɓaya, ma kanja a ma ujek mala ujek kwakwas maa əy kayaɓa, «Ma Ujek ma Tuwah» ŋ rak səlay ara hejəye wese ca, ŋgəzleŋ kájata aza mambaza, əy káŋga ŋkwaɓ dakala ata səkan ma ndewzene anta.
Pəyer a ghwal zlap a ujek kwakwas
11Cemey, heje anta kégeɓzata ata Pəyer ey Yuhana askwaw. A təwse, hejəye tewtew ŋkwaɓ kéŋgetene aza mambaza, aya, əy hey kəɗe ara tata asa galaɓ ma dakal maa əy kayaɓa, «Galaɓ Suleymanu». 12Maa Pəyer a gəre hejəye ma ɓecha ege ara tata wese ca, a zlepetene, a ŋgaya: «Hune Əysərayəyla ege, hune ŋga ŋkwaɓ ata səkan ma laha ŋgha, ŋ vay? Hune serzeney ana ebe ŋghe ca, ŋ vay? Hune ulakza ca, ara ɓarɓar ŋcene ma jarzata ŋgas heje ŋghe anta ege ŋ nda vaw? Askwaw ca, mavəday maa nene kasəbar Gazlavay a heɗe a heɗe vaw? Kaw andəwse səkwaw! 13Cemey, ara Gazlavay mala Əybərahəyma, mala Əysəyaku, mala Yakubu, Gazlavay mala jeje ŋtakwaw ege maa əy həmanza, mbəy ma velene ɓardakw anta ŋ mala zlan anta Yesu. Hune a ha ŋkune ege, hune ma valza Yesu asa ra madakal dakal ege, hune kécecefza askwaw, hune káyakza ka asa ra Pəylatu ŋ jaw. Pəylatu anta, káɗaw ŋ palza ka keɗe, cemey, hune kálamza ma anta askwaw. 14Yesu ca, ara ɗala ma keweɗ ma taŋtaŋ ma ndaha aka ara Gazlavay. Cemey, hune kálamza askwaw, hune zlepene ŋ Pəylatu ca, ŋ palahune ɗala ma ja ŋkəɗeh aka. 15Ana ebe ŋghe, hune kája Bay ma kaval lanja aza, cemey, Gazlavay, kágwarzamaza aza ata lamac. Nene a ha ŋcene, nene kégəre lagwarzamha aza ata lamac anta anta. 16Cemey, heje maa hune kegəre ŋghe ca, hune kasanaw. Ara ɓarɓar lalam a zlam Yesu ma rehza aza ŋ dawar anta ŋgha. Ara lalam a zlam Yesu ma rehza aza ŋ dawar anta tewtew ata nje ŋkune tewtew.»
17«Cemey, na ŋgha ca, zlana ege, sa kasanaw, zlan maa hune, zlaɓa madakal ŋkune ege hune lene ŋ Yesu ŋgha ca, hune la ca, mavəday hune kasan səkwaw. 18Cemey, Gazlavay kághwalaza zlezle ta ŋ ma mala uzəye ma zlap ma anta ege tewtew ata səkan ma laha ŋgha anta, a ŋgaya, “Səy, Almasəyhu anta anta masa gef aza. 19Mavəday anta, sa kazlapahune, hune bawza lanja ŋkune ege aza, hune zenha ara Gazlavay, ndar a palzahune gay ŋkune ege aka. 20Ana ebe ŋghe, Bay Madakal a navalahune vah ma ata zazak. A nalaɓahune Almasəyhu, ɗala maa a may aka zlezle ŋ rehzahune, ana zlap ca, Yesu. 21Cemey, na ŋgha ca, səy Yesu Almasəyhu manja ka mgba ata uzlaf kwagwa ha hwas a pes maa Gazlavay a nalamzata səkan ege aza tewtew, ana maa a ghwalaza zlezle ta ŋ ma uzəye ma zlap ma anta ma keweɗ ege”. 22Cemey, Musa kázlap zlezle, a ŋgaya: “Bay Madakal Gazlavay ŋkune a nambawahune mba ma zlap ma, ŋ taba van ŋkune ege, ana sa. Hune netehzene zlam ata ma maa a kanazlapahune ege tewtew. 23Kaw vayay ma tehzene zlam ŋ mba ma zlap ma ŋgha anta səkwaw ca, əy nagamaza aza ŋ taba hejəye Gazlavay ege, ŋ ja aza.” 24Uzəye ma zlap ma ege tewtew əy kázlap zlezle, a mar aka ata Samuyəyla ha hwas ata ma ndaha a dəwze anta ege, kaw vayay tata, kághwalza səkan ma kala ata wan ŋghe anta ege. 25Səkan maa Gazlavay a zlapaza ta ŋ ma uzəye ma zlap ma ege wese ca, a zlapaza ca, ŋ hune. Gazlavay kéŋkenetene ma ŋ jeje ŋkune ege, a zlepene ŋ Əybərahəyma, a ŋgaya: “Sa naca bəzla naka ka ata ŋseŋ ma ŋ manhayak ege tewtew ta ŋ mba dəmas ŋkwa.” 26Ana ebe ŋghe, Gazlavay a ghwalza mala zlan anta Yesu ca, ŋ hune kwagwa. A laɓaza ca, ŋ valahune bəzla, ŋ bawza lanja ma kadak səkwaw mala kaw vayay ŋkune ege aza.»
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2025 CABTAL