Zlan mala malaɓ ege 23
23
1A təwse ca, Pawl a sarzata madakal dakal ma ata lajav ma dakal ma ata ja guma ege, a zlepetene, a ŋgaya: «Zlana ege, sa kasan ŋ ha naka ca, nja naka ata lanja naka a tama Gazlavay, ha hwas a tambaca ca, kaw gay ata sa, askwaw.» 2Cemey, Ananəyas, madakal mala kwakwas a zlepetene ŋ hejəye ma mbermber a həzlar Pawl ege wese, ŋ gazlaw, ŋ ma. 3Aya, Pawl a zlepene, a ŋgaya: «Karba, Gazlavay a nagazl ca, hwa, hwa ɗala ma a ganana gbak gbak ŋgha. Hwa kénjeye ete ŋghe, ŋ ghemekey ana maa ma maŋkanaŋkan mala Musa, a zlap, cemey, hwa kasəbar maŋkanaŋkan anta askwaw, hwa keveletene taf ŋ hejəye ŋ gezlekey.» 4A təwse ca, hejəye ma a həzlar Pawl ege, əy zlepene, əy ŋgaya: «Hwa nasan ŋ raɓa madakal mala kwakwas mala Gazlavay ca, vaŋgay!» 5Pawl a zenetene, a ŋgaya: «Zlana ege, sa kasan ara madakal mala kwakwas ca, askwaw. Mavəday, sa kasanaw, kéŋtereye ŋ Ɗerewel ma keweɗ, ende ŋghe: “Hwa ɗaw ŋ raɓa madakal ma a tama hejəye ŋkwa ege səkwaw.”»
6Pawl a kasanaw, ŋ lajav ma dakal ma ata ja guma anta ca, hejəye vedəye tata Sadukəy ege, vedəye yam tata Farəysa ege, mavəday anta, a zlepetene a mazlazlay, a ŋgaya: «Zlana ege, sa ca, sa ɗala Farəysa, mba ɗala Farəysa. Əy ŋkəɗewekey ca, mavəday, sa káca aka ŋ ŋkwaɓ ca, hejəye ma mac tata ege, əy nagwarzamha aza ata lamac.» 7Aya, maa Pawl a zlap ana ebe ŋghe wese ca, Sadukəy ege ey Farəysa ege əy ja səbakw ŋ taba tata, a təwse ca, lajav anta a ɓez aka ŋ gbak. 8A Sadukəy ege ca, əy ŋgaya: Lagwarzamha hejəye ata lamac ca, askwaw, malaɓ Gazlavay ege askwaw, zəwet ege askwaw. Cemey, a Farəysa ege ca, əy kálamza aza, səkan ŋghe anta ege tewtew, aka. 9Aya, maa hejəye əy kavas ŋ ɓam pakam ca, maghwal ma maŋkanaŋkan vedəye ma ata lajav Farəysa ege, əy gwarzam əy zlap a mazlazlay, əy ŋgaya: «Nene kéndew gay ata heje ŋghe anta kaw askwaw. Ketegəre ara zəwet, askwaw ca, malaɓ Gazlavay ma zlepene ka vaw!»
10A təwse ca, səbakw a kavas ŋ ja a mazlazlay, madakal sawje ege kálalak anta, a deŋza ca, əy napahw Pawl aka. Aya, a zlepetene ŋ sawje ege əy manda ŋ njew aza Pawl aza ŋ taba hejəye wese ege, əy mejeɓza a galaŋ tata.
11Cemey, a zaɗaw wese ca, Bay Madakal a ghwelene kusam ŋ Pawl, a zlepene a ŋgaya: «Hwa lalak səkwaw! Ana maa hwa ghwal ma ata sa ŋ Urusaləyma ete ŋghe ca, səy hwa nda ŋ ghwal ma ata sa ŋ Rawma yam.»
Yahudu ege əy jav ma tata aka ŋ ja Pawl aza
12A mpat anta mala mapat ca, Yahudu ege vedəye əy ɓec, ŋ jav ma tata aka ŋ ja Pawl aza. Əy meɗ ma, əy ŋgaya: «Nene kanazam səkan askwaw, nene kanasa səkan askwaw, səy nene maja Pawl aza, kwagwa.» 13Hejəye anta ege ca, əy day aha raŋfaɗ. 14Aya, əy nda ara madakal dakal mala kwakwas ege, ey madakal dakal ma a tama ege, əy zlepetene, əy ŋgaya: «Nene kémeɗ ma ŋcene aza ŋ zam səkan askwaw, ŋ sa səkan askwaw, səy nene maja Pawl aza kwagwa. 15Na ŋgha ca, hune, zlaɓa lajav ma dakal ma ata ja guma, ma anta mbəy ara hune. Hune laɓ ata madakal sawje mala Rawma, hune zlepene madahune Pawl, ŋ sarza ma anta kadak kadak zeney. A ŋcene ca, nene kasla aza ŋ ja aza, a kanahwasha ara hune askwaw.» 16Cemey, maa əy kazlap wese ca, mba zlaŋgan Pawl, haldəma, kézləme ma anta aza, aya, a nda, a wata sawje ege, a ghwelzene ma anta ŋ Pawl. 17A təwse ca, Pawl a yaɓa ɗala teŋguleŋ ŋ taba madakal dakal ma ata ha sawje ege temere, a zlepene, a ŋgaya: «Jeɓza mba darlaŋw ŋgha ara madakal ŋkune, a ɗaw ŋ zlepene ma anta aka.» 18Sawje wese, a jeɓza mba darlaŋw anta ara madakal tata, a zlepene, a ŋgaya: «Pawl, ɗala ma ŋ daŋgay wese, a yekey, a zlepekey ŋ cene ma ŋ mba darlaŋw ŋgha ara hwa, ma anta ŋ zlapahwaw aka.» 19Aya, madakal sawje ege wese, a mbal mba darlaŋw wese ŋ ra, a njewza ata zlaŋgal, a zlepene, a ŋgaya: «Hwa ɗaw ŋ zlepekey ca, ma vekey?» 20Mba darlaŋw anta a zenene, a ŋgaya: «Yahudu ege əy kájav ma tata aza ŋ ɗawzahwaw, ndar hwa jeɓza Pawl ata lajav ma dakal ma ata ja guma a mapat. Əy nazlapahwaw ca, əy kaɗaw ŋ sarza ma anta kadak kadak zeney. 21Cemey, hwa ɗaw ŋ lamza ma tata anta səkwaw, mavəday hejəye day aha raŋfaɗ əy naɓah aka ŋ həbaraw, ŋ ja aza. Tata tewtew tata, əy kémeɗ ma tata aza, ŋ zam səkan səkwaw, ŋ sa səkan səkwaw, səy əy maja Pawl aza kwagwa. Əy kásla aza tuwaɗ, əy keteh lezen zlap ŋkwa.» 22A təwse ca, madakal sawje ege wese, a zlepene ŋ mba darlaŋw wese, a ŋgaya: «Kaw hwa ɗaw ŋ zlepene ma anta ŋ kaw vayay səkwaw.» Aya, a yakza mba darlaŋw aka, a nda anta.
Madakal sawje ege, a jeɓza Pawl ara Feləykus, mambal hayak
23A dəwze anta ca, madakal sawje ege wese, a yaha sawje madakal dakal ata ha sawje temere, temere ege gbak, a zlepetene, a ŋgaya: «Hune ɓec sawje ege temere gbak ŋ la anta, sawje ma kasan ŋ mber dakw ege reŋsəleɗ leŋ sawje ma zlaɓa bərəweŋ ege temere gbak. Əy masla kusam tata aka ŋ nda ŋ Kaysarəya tete ler jafaɗ mala zaɗaw. 24Hune slene dakw ege aka ŋ Pawl, hune jeɓza a zəhay ara Feləykus, mambal hayak.» 25Aya, a ŋterene ɗerewel ŋghe, a ŋgaya:
26«Sa, Kalawdəyus Ləysəyas, ma keŋterehwaw ɗerewel ŋghe, ŋ hwa, Feləykus, Madakal naka, mambal hayak, sa kazlapzahwaw aka. 27Heje maa sa kalaɓzahwaw ŋghe ca, ara Yahudu ege ma mbalaza, əy káɗaw ŋ jaza, sa kánda a sawje ege, sa kérehza aza asa ra tata. A dəwze anta, sa zləme ca, ara ɗala Rawma. 28Cemey, sa káɗaw ŋ san əy ŋkəɗaw ca, mavəday vemey, amba sa kálaɓza a tama lajav tata ma dakal ma ata ja guma. 29Sa kásarza ca, əy ŋkəɗaw mavəday laja səbakw ata ma maŋkanaŋkan tata. Kaw kálaha dadawar ma tete ma ata jaza, askwaw ca, ma ata nahza aza ŋ daŋgay ca, askwaw. 30Sa kézləme ca, Yahudu ege əy kájav ma tata ŋ jaw aza. Sa laɓza Sawje ege ŋ jeɓza kəcaŋ ara hwa ŋghe ca, mavəday anta. Sa kézlepetene ŋ hejəye ma kazlap ma ma kadak səkwaw a heɗe ege, əy manda ŋ ŋkəɗawaw ara hwa.»
31Aya sawje wese ege, əy la ana maa madakal tata a zlepetene wese, əy jeɓza Pawl a zaɗaw wese, ŋ uzam Antəypatərəys. 32A mpat anta ca, sawje ma nda a ŋgas ege, əy zenha aza a wata tata. Aya, əy geɓzata sawje ma nda a dakw ege, ŋ jeɓza Pawl aka. 33Maa əy hwas ŋ Kaysarəya ca, əy velene ɗerewel maa madakal sawje ege a ŋteraza wese ŋ Feləykus, mambal hayak, aya, əy dene Pawl a tama anta. 34Mambal hayak a jəŋge ɗerewel maa əy velene wese, aya, a ɗawza Pawl, a ŋgaya: «Hwa ndaha aka ca, ŋ hayak vekey?» Pawl a zenene, a ŋgaya: «Ŋ Səyləykəya.» 35A zlepene, a ŋgaya: «Mada hejəye ma zlap ma dadawar ata hwa ege, əy kándaha aza ca, sa naɗawzahwaw ata ma ŋkwa anta.» A dəwze anta, a zlepetene ŋ sawje ege, əy mahəbar Pawl aka a wata bay Həyrudus.
ទើបបានជ្រើសរើសហើយ៖
Zlan mala malaɓ ege 23: BHS
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2025 CABTAL
Zlan mala malaɓ ege 23
23
1A təwse ca, Pawl a sarzata madakal dakal ma ata lajav ma dakal ma ata ja guma ege, a zlepetene, a ŋgaya: «Zlana ege, sa kasan ŋ ha naka ca, nja naka ata lanja naka a tama Gazlavay, ha hwas a tambaca ca, kaw gay ata sa, askwaw.» 2Cemey, Ananəyas, madakal mala kwakwas a zlepetene ŋ hejəye ma mbermber a həzlar Pawl ege wese, ŋ gazlaw, ŋ ma. 3Aya, Pawl a zlepene, a ŋgaya: «Karba, Gazlavay a nagazl ca, hwa, hwa ɗala ma a ganana gbak gbak ŋgha. Hwa kénjeye ete ŋghe, ŋ ghemekey ana maa ma maŋkanaŋkan mala Musa, a zlap, cemey, hwa kasəbar maŋkanaŋkan anta askwaw, hwa keveletene taf ŋ hejəye ŋ gezlekey.» 4A təwse ca, hejəye ma a həzlar Pawl ege, əy zlepene, əy ŋgaya: «Hwa nasan ŋ raɓa madakal mala kwakwas mala Gazlavay ca, vaŋgay!» 5Pawl a zenetene, a ŋgaya: «Zlana ege, sa kasan ara madakal mala kwakwas ca, askwaw. Mavəday, sa kasanaw, kéŋtereye ŋ Ɗerewel ma keweɗ, ende ŋghe: “Hwa ɗaw ŋ raɓa madakal ma a tama hejəye ŋkwa ege səkwaw.”»
6Pawl a kasanaw, ŋ lajav ma dakal ma ata ja guma anta ca, hejəye vedəye tata Sadukəy ege, vedəye yam tata Farəysa ege, mavəday anta, a zlepetene a mazlazlay, a ŋgaya: «Zlana ege, sa ca, sa ɗala Farəysa, mba ɗala Farəysa. Əy ŋkəɗewekey ca, mavəday, sa káca aka ŋ ŋkwaɓ ca, hejəye ma mac tata ege, əy nagwarzamha aza ata lamac.» 7Aya, maa Pawl a zlap ana ebe ŋghe wese ca, Sadukəy ege ey Farəysa ege əy ja səbakw ŋ taba tata, a təwse ca, lajav anta a ɓez aka ŋ gbak. 8A Sadukəy ege ca, əy ŋgaya: Lagwarzamha hejəye ata lamac ca, askwaw, malaɓ Gazlavay ege askwaw, zəwet ege askwaw. Cemey, a Farəysa ege ca, əy kálamza aza, səkan ŋghe anta ege tewtew, aka. 9Aya, maa hejəye əy kavas ŋ ɓam pakam ca, maghwal ma maŋkanaŋkan vedəye ma ata lajav Farəysa ege, əy gwarzam əy zlap a mazlazlay, əy ŋgaya: «Nene kéndew gay ata heje ŋghe anta kaw askwaw. Ketegəre ara zəwet, askwaw ca, malaɓ Gazlavay ma zlepene ka vaw!»
10A təwse ca, səbakw a kavas ŋ ja a mazlazlay, madakal sawje ege kálalak anta, a deŋza ca, əy napahw Pawl aka. Aya, a zlepetene ŋ sawje ege əy manda ŋ njew aza Pawl aza ŋ taba hejəye wese ege, əy mejeɓza a galaŋ tata.
11Cemey, a zaɗaw wese ca, Bay Madakal a ghwelene kusam ŋ Pawl, a zlepene a ŋgaya: «Hwa lalak səkwaw! Ana maa hwa ghwal ma ata sa ŋ Urusaləyma ete ŋghe ca, səy hwa nda ŋ ghwal ma ata sa ŋ Rawma yam.»
Yahudu ege əy jav ma tata aka ŋ ja Pawl aza
12A mpat anta mala mapat ca, Yahudu ege vedəye əy ɓec, ŋ jav ma tata aka ŋ ja Pawl aza. Əy meɗ ma, əy ŋgaya: «Nene kanazam səkan askwaw, nene kanasa səkan askwaw, səy nene maja Pawl aza, kwagwa.» 13Hejəye anta ege ca, əy day aha raŋfaɗ. 14Aya, əy nda ara madakal dakal mala kwakwas ege, ey madakal dakal ma a tama ege, əy zlepetene, əy ŋgaya: «Nene kémeɗ ma ŋcene aza ŋ zam səkan askwaw, ŋ sa səkan askwaw, səy nene maja Pawl aza kwagwa. 15Na ŋgha ca, hune, zlaɓa lajav ma dakal ma ata ja guma, ma anta mbəy ara hune. Hune laɓ ata madakal sawje mala Rawma, hune zlepene madahune Pawl, ŋ sarza ma anta kadak kadak zeney. A ŋcene ca, nene kasla aza ŋ ja aza, a kanahwasha ara hune askwaw.» 16Cemey, maa əy kazlap wese ca, mba zlaŋgan Pawl, haldəma, kézləme ma anta aza, aya, a nda, a wata sawje ege, a ghwelzene ma anta ŋ Pawl. 17A təwse ca, Pawl a yaɓa ɗala teŋguleŋ ŋ taba madakal dakal ma ata ha sawje ege temere, a zlepene, a ŋgaya: «Jeɓza mba darlaŋw ŋgha ara madakal ŋkune, a ɗaw ŋ zlepene ma anta aka.» 18Sawje wese, a jeɓza mba darlaŋw anta ara madakal tata, a zlepene, a ŋgaya: «Pawl, ɗala ma ŋ daŋgay wese, a yekey, a zlepekey ŋ cene ma ŋ mba darlaŋw ŋgha ara hwa, ma anta ŋ zlapahwaw aka.» 19Aya, madakal sawje ege wese, a mbal mba darlaŋw wese ŋ ra, a njewza ata zlaŋgal, a zlepene, a ŋgaya: «Hwa ɗaw ŋ zlepekey ca, ma vekey?» 20Mba darlaŋw anta a zenene, a ŋgaya: «Yahudu ege əy kájav ma tata aza ŋ ɗawzahwaw, ndar hwa jeɓza Pawl ata lajav ma dakal ma ata ja guma a mapat. Əy nazlapahwaw ca, əy kaɗaw ŋ sarza ma anta kadak kadak zeney. 21Cemey, hwa ɗaw ŋ lamza ma tata anta səkwaw, mavəday hejəye day aha raŋfaɗ əy naɓah aka ŋ həbaraw, ŋ ja aza. Tata tewtew tata, əy kémeɗ ma tata aza, ŋ zam səkan səkwaw, ŋ sa səkan səkwaw, səy əy maja Pawl aza kwagwa. Əy kásla aza tuwaɗ, əy keteh lezen zlap ŋkwa.» 22A təwse ca, madakal sawje ege wese, a zlepene ŋ mba darlaŋw wese, a ŋgaya: «Kaw hwa ɗaw ŋ zlepene ma anta ŋ kaw vayay səkwaw.» Aya, a yakza mba darlaŋw aka, a nda anta.
Madakal sawje ege, a jeɓza Pawl ara Feləykus, mambal hayak
23A dəwze anta ca, madakal sawje ege wese, a yaha sawje madakal dakal ata ha sawje temere, temere ege gbak, a zlepetene, a ŋgaya: «Hune ɓec sawje ege temere gbak ŋ la anta, sawje ma kasan ŋ mber dakw ege reŋsəleɗ leŋ sawje ma zlaɓa bərəweŋ ege temere gbak. Əy masla kusam tata aka ŋ nda ŋ Kaysarəya tete ler jafaɗ mala zaɗaw. 24Hune slene dakw ege aka ŋ Pawl, hune jeɓza a zəhay ara Feləykus, mambal hayak.» 25Aya, a ŋterene ɗerewel ŋghe, a ŋgaya:
26«Sa, Kalawdəyus Ləysəyas, ma keŋterehwaw ɗerewel ŋghe, ŋ hwa, Feləykus, Madakal naka, mambal hayak, sa kazlapzahwaw aka. 27Heje maa sa kalaɓzahwaw ŋghe ca, ara Yahudu ege ma mbalaza, əy káɗaw ŋ jaza, sa kánda a sawje ege, sa kérehza aza asa ra tata. A dəwze anta, sa zləme ca, ara ɗala Rawma. 28Cemey, sa káɗaw ŋ san əy ŋkəɗaw ca, mavəday vemey, amba sa kálaɓza a tama lajav tata ma dakal ma ata ja guma. 29Sa kásarza ca, əy ŋkəɗaw mavəday laja səbakw ata ma maŋkanaŋkan tata. Kaw kálaha dadawar ma tete ma ata jaza, askwaw ca, ma ata nahza aza ŋ daŋgay ca, askwaw. 30Sa kézləme ca, Yahudu ege əy kájav ma tata ŋ jaw aza. Sa laɓza Sawje ege ŋ jeɓza kəcaŋ ara hwa ŋghe ca, mavəday anta. Sa kézlepetene ŋ hejəye ma kazlap ma ma kadak səkwaw a heɗe ege, əy manda ŋ ŋkəɗawaw ara hwa.»
31Aya sawje wese ege, əy la ana maa madakal tata a zlepetene wese, əy jeɓza Pawl a zaɗaw wese, ŋ uzam Antəypatərəys. 32A mpat anta ca, sawje ma nda a ŋgas ege, əy zenha aza a wata tata. Aya, əy geɓzata sawje ma nda a dakw ege, ŋ jeɓza Pawl aka. 33Maa əy hwas ŋ Kaysarəya ca, əy velene ɗerewel maa madakal sawje ege a ŋteraza wese ŋ Feləykus, mambal hayak, aya, əy dene Pawl a tama anta. 34Mambal hayak a jəŋge ɗerewel maa əy velene wese, aya, a ɗawza Pawl, a ŋgaya: «Hwa ndaha aka ca, ŋ hayak vekey?» Pawl a zenene, a ŋgaya: «Ŋ Səyləykəya.» 35A zlepene, a ŋgaya: «Mada hejəye ma zlap ma dadawar ata hwa ege, əy kándaha aza ca, sa naɗawzahwaw ata ma ŋkwa anta.» A dəwze anta, a zlepetene ŋ sawje ege, əy mahəbar Pawl aka a wata bay Həyrudus.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2025 CABTAL