Zlan mala malaɓ ege 21
21
Pawl a nda ŋ Urusaləyma
1Aya, maa nene yakzata madakal dakal ma a tama hejəye ma ŋ Efesus ege wese aka ca, nene ŋta kwambawal ma dakal, nene nda delele ŋ Kaws. A mapat anta, nene gwarzam, nene hwas ŋ Rawdaws, aya, a təwse, nene nda ŋ Patara. 2A təwse ca, nene ndew ata kwambawal ma dakal matakan ma kanda kəɗa ŋ Fəynəykəya, nene dam ŋma, nene nda ŋcene. 3Maa nene kegəre Kəypərus mbəy mbermber ca, nene kégeɓza ka ata kəva ra gula ŋcene, nene nda kəɗa ŋ hayak Səyrəya. Aya, nene tadakwha aza ŋ uzam Təyrus, a təwse ca, əy tadakwata səkan ege ma ŋ kwambawal ma dakal wese aza. 4A təwse ca, nene ndew ata hejəye ma lamza ma mala Yesu aza ege, nene nja ara tata luma teŋguleŋ. Zəwet ma Keweɗ a ŋcakwzata hejəye wese ege ŋ zlepene ŋ Pawl, a ɗaw ŋ nda ŋ Urusaləyma anta səkwaw. 5Cemey, a dəwze ma nene ŋtakwza luma teŋguleŋ aza wese ca, nene ŋta taf ŋcene ma a ŋcəne anta, nene nda ŋcene. Aya, tata tewtew tata, weləye zlaɓa uzəye tata ege əy ceney ma pa ata taf. Aya, nene gəleɓ tewtew, nene rak Gazlavay a ma zlazlar. 6A dəwze maa nene kárak Gazlavay aza ca, nene ɓez kusam, aya, nene dam ŋcene ŋ kwambawal ma dakal. Tata yam, əy zen tata a wata.
7Aya, nene gwarzam a Təyrus ŋ nda uzam Pawtawlemayəys. A təwse ca, nene zlepzetene ara ŋ zlana ŋcene ege ma lamza ma mala Yesu aza ege, nene vah tewtew a pes wese. 8Aya, a mapat anta ca, nene ŋta taf, nene nda hwas ŋ Kaysarəya. A təwse ca, nene dam a wata Fəyləyp, ɗala ma ghwal Ma Mewe ma Taŋtaŋ, nene nja a wata anta. Cemey, Fəyləyp anta ca, ara ɗala ma teŋguleŋ ŋ taba hejəye ma ŋsəleɗ ege maa#21.8 Hejəye ma ŋsəleɗ ege: Sarza Zlan ege 6.1-6 əy mayata ŋ Urusaləyma ŋ la zlan ma ata ɓez uda wese. 9Heldəməye anta ege ŋfaɗ aka, əy káɗa wala kwagwa səkwaw, əy kazlap ana mazlap ma mala Gazlavay ege. 10Maa nene nja a təwse wan vəram wese ca, heje wende aka, zlam anta Agabus, ara mba ma zlap ma mala Gazlavay, a ndaha aka ŋ hayak Yahudəya. 11Aya, a hwasha ara nene, a ŋta serek ma ata jaw gaŋ mala Pawl. A jawata ŋgas anta ege ey ra anta ege ka tewtew, aya, a zlap, a ŋgaya: «Ŋghe ma maa Zəwet ma keweɗ a ghwalza, a zlap, a ŋgaya: “Heje serek ŋghe ca, Yahudu ma ŋ Urusaləyma ege əy najaw ana ebe ŋghe. A dəwze anta, əy navalza asa ra hejəye ma tata Yahudu ege səkwaw.”» 12Maa nene zləme ma ŋghe anta ege ca, nene zlaɓa hejəye ma lamza ma mala Yesu aza ege ma ŋ Kaysarəya, nene jene mbahw ŋ Pawl, a ɗaw ŋ nda ŋ Urusaləyma səkwaw. 13Cemey, Pawl a zeneney, a ŋgaya: «Hune han ca, mavəday vemey? Hune zlekey unaf aka ŋ vay? Sa ca, kaw əy nejewekey, kaw əy nejekey aza ŋ Urusaləyma anta ca, sa kásla ha naka aza ŋ mac mavəday zlam Bay Madakal Yesu.» 14Ana ebe ŋghe, nene kála kula ŋ bawza ledeŋ ŋkwaɓ anta səkwaw. A təwse ca, nene kézen ŋ zlepene zeney ca, askwaw, aya, nene zlap, neney: «Səkan maa Bay Madakal a kaɗaw ca, mala!»
15A dəwze maa nene nja wan ege cekuɗe ende ŋghe ŋ Kaysarəya wese ca, nene sla kusam, nene nda kəɗa ŋ Urusaləyma. 16Hejəye ma lamza ma mala Yesu aza ege vedəye ma ŋ uzam Kaysarəya ege əy ceney ma. Əy jeɓzeney hwas a wata heje wende aka, zlam anta Manasaŋw. Ara ɗala ma lamza ma mala Yesu aza zlezle ma ndaha aka ŋ hayak Kəypərus. Nene wan a wata anta.
Pawl a nda ara Yakuba
17Maa nene hwas ŋ Urusaləyma ca, hejəye ma lamza ma mala Yesu aza ege, əy lemzeney a sasam. 18Aya, a mapat anta ca, Pawl a cene ma, nene nda a wata Yakuba. A təwse ca, Madakal dakal ma a tama hejəye ma lamza ma mala Yesu aza ege tewtew, əy kéɓeceye a təwse. 19Aya, Pawl a zlepzetene, a dəwze anta ca, a ŋgeɗetene səkan ege tewtew maa Gazlavay a lata ŋ taba hejəye ma tata Yahudu ege səkwaw ta ŋ lala zlan anta. 20A dəwze maa əy zləme zlap ŋghe ege wese aza ca, əy həmanza Gazlavay. Aya, əy zlepene ŋ Pawl, əy ŋgaya: «Zlana, hwa kegəre Yahudu ege bəlakw vəram əy kálamza ma mala Yesu aza, tata tewtew tata, kaw əy káyakza ma maŋkanaŋkan mala Musa aka askwaw. 21Əy kézləme hwa kezlepetene ŋ Yahudu ma ŋ hayak mala hejəye ma tata Yahudu ege səkwaw, hwa ya, “Hune yakza ma maŋkanaŋkan mala Musa aka.” A zeney, hwa kezlepetene, əy ɗaw ŋ zletene mandulay aza ŋ uzəye tata ege səkwaw, əy ɗaw ŋ səbar kwakwas mala Yahudu ege zeney səkwaw. 22Njenjəwen, əy nezləme hwa kándaha aza hwas ete ŋghe. Ca, heje nala na ŋgha ca, vaŋgay? 23Cemey, la səkan maa nene kanazlapahwaw. Ŋghe, hejəye ŋfaɗ ete ŋghe aka, əy kémeɗene ma aza ŋ Gazlavay. 24Ŋtata ara, hune lene kwakwas ŋ Gazlavay ndar hune baw ŋkune ŋ hejəye makaɓakaɓ ege zeney səkwaw. Hwa səkemetene səkan ege tewtew ma ata la kwakwas anta a səlay ŋkwa, aya, əy faɗ ha tata ege aza. Ana ebe ŋghe, hejəye tewtew əy nasan ca, ma ege maa əy zləme ata hwa ca, ara metəwle. Karba əy nasan ca, hwa a ha ŋkwa yam, hwa kasəbar ma maŋkanaŋkan ma mala Musa. 25Cemey, ŋ hejəye maa tata Yahudu ege səkwaw ma lamza ma mala Yesu aza ege ca, nene kéŋteretene ma maa nene ŋkanaw ata lajav ŋtakwaw aza, neney: “Hune ɗaw ŋ zam zley ma ndaha aka ata kule səkwaw, hune ɗaw ŋ zam mbambaz səkwaw, hune ɗaw ŋ zam zley səkan maa ula kézləye səkwaw, səkwaw, hune ɗaw ŋ ŋta kusam a bəza səkwaw.”»
26Aya, a mpat anta ca, Pawl a ŋtata hejəye wese ege ara, əy mar ŋ la kwakwas maa ata bawzata aza ŋ hejəye ma ghwezlekghwezlek ege. Aya, a nda a ujek kwakwas ŋ ghwal lamaɗ pes ma ata ban kusam tata ege aza leŋ ŋ lene kwakwas ŋ kaw vayay tata.
Əy mbal Pawl a ujek kwakwas
27Maa wan ma ŋsəleɗ ma ata tuwaɗza kwakwas wese slaɓ ca, Yahudu ege vedəye ma ndaha aka ŋ hayak Asəya, əy gəre Pawl mbəy a ujek kwakwas. A təwse ca, əy ŋcakwzata hejəye tewtew ŋ mbal Pawl. 28Əy ja ula, əy ŋgaya: «Hejəye Əysərayəyla ege, hune cekzeney! Heje ma kasasərakzata hejəye tewtew kaw a katay a zlap ma kadak səkwaw ata hejəye Əysərayəyla ege, ata ma maŋkanaŋkan mala Musa leŋ ata ujek kwakwas ŋghe wese ca, mbəy cakwa. Na ŋgha, kádamzata hejəye ma tata Yahudu ege səkwaw aza a ujek kwakwas, əy kákaɓaheje ujek kwakwas ŋtakwaw ma keweɗ aza.» 29Əy zlap ana ebe ŋghe ca, mavəday əy kégəreta ata Pawl ey Tawrawfəymus, ɗala ma ŋ uzam Efesus ŋ Urusaləyma. Əy cakza ca, Pawl kádamza Tawrawfəymus anta aza a ujek kwakwas. 30Aya, ma anta a ŋtez ŋ uzam tewtew, hejəye əy zləme ma anta, əy damaha ta ŋ ata kəva ege tewtew, əy mbal Pawl, əy njewaza aza a ujek kwakwas wese. A təwse a təwse, əy mpakata ma ujek mala ujek kwakwas ege aka tewtew. 31A təwse ca, hejəye tewtew əy ɗaw ŋ ja Pawl aza, cemey, madakal sawje mala Rawma ege, a zləme ca, hejəye ma ŋ Urusaləyma tewtew əy kaɓam pakam. 32A təwse a təwse, a ɓecata sawje ege zlaɓa madakal dakal tata ege, əy nda kəcaŋ ara hejəye meɓeceɓec ege wese. Kəɗe maa əy gəre madakal sawje ege zlaɓa sawje ege ca, əy yakza Pawl aka, əy kezen ŋ gazl zeney, askwaw.
33Aya, madakal sawje ege wese, a nda mbermber ara Pawl, a mbalaw, a zlepetene ŋ sawje ege əy majaw ka a sesele ege gbak. A dəwze anta ca, a ɗawzata hejəye, a ŋgaya: «Heje anta ca, ara vayay? A laha ca, vemey?» 34Cemey, ŋ taba hejəye meɓeceɓec ege wese ca, vedəye əy ja ula ata səkan wende, vedəye yam ata səkan matakan. A təwse ca, madakal sawje ege wese kaw kámbalaɓa ma anta ma delele ara askwaw, mavəday pakam a kaɓam dəydey. Aya, a zlepetene ŋ sawje ege ŋ jeɓza Pawl ŋ galaŋ tata. 35Cemey, maa əy hwas ata la ma ata təben ŋ dam a ujek ca, sawje ege əy tew Pawl metewetew mavəday hejəye əy kaɗa gham mambaza, 36a təwse ca, hejəye tewtew əy kasəbaraw, əy kaja ula ara, əy ŋgaya: «Hune ja aza, hune ja aza.»
Pawl a ghwalza ma anta a tama Yahudu ege
37Maa əy slaɓ ŋ damza Pawl ŋ galaŋ tata wese ca, a zlepene ŋ madakal tata wese, a ŋgaya: «Sa kula ŋ zlapahwaw ma naka aza teŋguleŋ vaw?» A təwse ca, madakal sawje ege wese, a zenene, a ŋgaya: «Hwa kasan ŋ zlap a ma Yunanəyŋkaw ege vaw? 38Hwa ca, hwa ɗala Məysəra ma ŋcakwzata hejəye ata wan ŋghe ege ŋ ɗa gham, a zeney, ara hwa ma jeɓzata, ma slerata hejəye aza bəlakw ŋfaɗ a damaw wese askwaw aza vaw?» 39A təwse ca, Pawl a zenene, a ŋgaya: «Sa ca, sa ɗala Yahudu, sa mbawha a uzam Tarsus ma ŋ Səyləykəya. Sa mba ma ŋ uzam madakal maa hejəye əy kasan tewtew. Mbahw, pelzekey taf ŋ zlepetene ŋ hejəye ŋghe ege.» 40Aya, madakal sawje ege wese, a pelzene taf ŋ zlap. A təwse ca, Pawl a gar ata la ma ata təben wese, aya, a letene ra ŋ nja ka tete. Aya, hejəye wese ege tewtew əy nja ka tete, Pawl a zlepetene a ma Əybəranəyŋkaw ege, a ŋgaya:
ទើបបានជ្រើសរើសហើយ៖
Zlan mala malaɓ ege 21: BHS
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2025 CABTAL
Zlan mala malaɓ ege 21
21
Pawl a nda ŋ Urusaləyma
1Aya, maa nene yakzata madakal dakal ma a tama hejəye ma ŋ Efesus ege wese aka ca, nene ŋta kwambawal ma dakal, nene nda delele ŋ Kaws. A mapat anta, nene gwarzam, nene hwas ŋ Rawdaws, aya, a təwse, nene nda ŋ Patara. 2A təwse ca, nene ndew ata kwambawal ma dakal matakan ma kanda kəɗa ŋ Fəynəykəya, nene dam ŋma, nene nda ŋcene. 3Maa nene kegəre Kəypərus mbəy mbermber ca, nene kégeɓza ka ata kəva ra gula ŋcene, nene nda kəɗa ŋ hayak Səyrəya. Aya, nene tadakwha aza ŋ uzam Təyrus, a təwse ca, əy tadakwata səkan ege ma ŋ kwambawal ma dakal wese aza. 4A təwse ca, nene ndew ata hejəye ma lamza ma mala Yesu aza ege, nene nja ara tata luma teŋguleŋ. Zəwet ma Keweɗ a ŋcakwzata hejəye wese ege ŋ zlepene ŋ Pawl, a ɗaw ŋ nda ŋ Urusaləyma anta səkwaw. 5Cemey, a dəwze ma nene ŋtakwza luma teŋguleŋ aza wese ca, nene ŋta taf ŋcene ma a ŋcəne anta, nene nda ŋcene. Aya, tata tewtew tata, weləye zlaɓa uzəye tata ege əy ceney ma pa ata taf. Aya, nene gəleɓ tewtew, nene rak Gazlavay a ma zlazlar. 6A dəwze maa nene kárak Gazlavay aza ca, nene ɓez kusam, aya, nene dam ŋcene ŋ kwambawal ma dakal. Tata yam, əy zen tata a wata.
7Aya, nene gwarzam a Təyrus ŋ nda uzam Pawtawlemayəys. A təwse ca, nene zlepzetene ara ŋ zlana ŋcene ege ma lamza ma mala Yesu aza ege, nene vah tewtew a pes wese. 8Aya, a mapat anta ca, nene ŋta taf, nene nda hwas ŋ Kaysarəya. A təwse ca, nene dam a wata Fəyləyp, ɗala ma ghwal Ma Mewe ma Taŋtaŋ, nene nja a wata anta. Cemey, Fəyləyp anta ca, ara ɗala ma teŋguleŋ ŋ taba hejəye ma ŋsəleɗ ege maa#21.8 Hejəye ma ŋsəleɗ ege: Sarza Zlan ege 6.1-6 əy mayata ŋ Urusaləyma ŋ la zlan ma ata ɓez uda wese. 9Heldəməye anta ege ŋfaɗ aka, əy káɗa wala kwagwa səkwaw, əy kazlap ana mazlap ma mala Gazlavay ege. 10Maa nene nja a təwse wan vəram wese ca, heje wende aka, zlam anta Agabus, ara mba ma zlap ma mala Gazlavay, a ndaha aka ŋ hayak Yahudəya. 11Aya, a hwasha ara nene, a ŋta serek ma ata jaw gaŋ mala Pawl. A jawata ŋgas anta ege ey ra anta ege ka tewtew, aya, a zlap, a ŋgaya: «Ŋghe ma maa Zəwet ma keweɗ a ghwalza, a zlap, a ŋgaya: “Heje serek ŋghe ca, Yahudu ma ŋ Urusaləyma ege əy najaw ana ebe ŋghe. A dəwze anta, əy navalza asa ra hejəye ma tata Yahudu ege səkwaw.”» 12Maa nene zləme ma ŋghe anta ege ca, nene zlaɓa hejəye ma lamza ma mala Yesu aza ege ma ŋ Kaysarəya, nene jene mbahw ŋ Pawl, a ɗaw ŋ nda ŋ Urusaləyma səkwaw. 13Cemey, Pawl a zeneney, a ŋgaya: «Hune han ca, mavəday vemey? Hune zlekey unaf aka ŋ vay? Sa ca, kaw əy nejewekey, kaw əy nejekey aza ŋ Urusaləyma anta ca, sa kásla ha naka aza ŋ mac mavəday zlam Bay Madakal Yesu.» 14Ana ebe ŋghe, nene kála kula ŋ bawza ledeŋ ŋkwaɓ anta səkwaw. A təwse ca, nene kézen ŋ zlepene zeney ca, askwaw, aya, nene zlap, neney: «Səkan maa Bay Madakal a kaɗaw ca, mala!»
15A dəwze maa nene nja wan ege cekuɗe ende ŋghe ŋ Kaysarəya wese ca, nene sla kusam, nene nda kəɗa ŋ Urusaləyma. 16Hejəye ma lamza ma mala Yesu aza ege vedəye ma ŋ uzam Kaysarəya ege əy ceney ma. Əy jeɓzeney hwas a wata heje wende aka, zlam anta Manasaŋw. Ara ɗala ma lamza ma mala Yesu aza zlezle ma ndaha aka ŋ hayak Kəypərus. Nene wan a wata anta.
Pawl a nda ara Yakuba
17Maa nene hwas ŋ Urusaləyma ca, hejəye ma lamza ma mala Yesu aza ege, əy lemzeney a sasam. 18Aya, a mapat anta ca, Pawl a cene ma, nene nda a wata Yakuba. A təwse ca, Madakal dakal ma a tama hejəye ma lamza ma mala Yesu aza ege tewtew, əy kéɓeceye a təwse. 19Aya, Pawl a zlepzetene, a dəwze anta ca, a ŋgeɗetene səkan ege tewtew maa Gazlavay a lata ŋ taba hejəye ma tata Yahudu ege səkwaw ta ŋ lala zlan anta. 20A dəwze maa əy zləme zlap ŋghe ege wese aza ca, əy həmanza Gazlavay. Aya, əy zlepene ŋ Pawl, əy ŋgaya: «Zlana, hwa kegəre Yahudu ege bəlakw vəram əy kálamza ma mala Yesu aza, tata tewtew tata, kaw əy káyakza ma maŋkanaŋkan mala Musa aka askwaw. 21Əy kézləme hwa kezlepetene ŋ Yahudu ma ŋ hayak mala hejəye ma tata Yahudu ege səkwaw, hwa ya, “Hune yakza ma maŋkanaŋkan mala Musa aka.” A zeney, hwa kezlepetene, əy ɗaw ŋ zletene mandulay aza ŋ uzəye tata ege səkwaw, əy ɗaw ŋ səbar kwakwas mala Yahudu ege zeney səkwaw. 22Njenjəwen, əy nezləme hwa kándaha aza hwas ete ŋghe. Ca, heje nala na ŋgha ca, vaŋgay? 23Cemey, la səkan maa nene kanazlapahwaw. Ŋghe, hejəye ŋfaɗ ete ŋghe aka, əy kémeɗene ma aza ŋ Gazlavay. 24Ŋtata ara, hune lene kwakwas ŋ Gazlavay ndar hune baw ŋkune ŋ hejəye makaɓakaɓ ege zeney səkwaw. Hwa səkemetene səkan ege tewtew ma ata la kwakwas anta a səlay ŋkwa, aya, əy faɗ ha tata ege aza. Ana ebe ŋghe, hejəye tewtew əy nasan ca, ma ege maa əy zləme ata hwa ca, ara metəwle. Karba əy nasan ca, hwa a ha ŋkwa yam, hwa kasəbar ma maŋkanaŋkan ma mala Musa. 25Cemey, ŋ hejəye maa tata Yahudu ege səkwaw ma lamza ma mala Yesu aza ege ca, nene kéŋteretene ma maa nene ŋkanaw ata lajav ŋtakwaw aza, neney: “Hune ɗaw ŋ zam zley ma ndaha aka ata kule səkwaw, hune ɗaw ŋ zam mbambaz səkwaw, hune ɗaw ŋ zam zley səkan maa ula kézləye səkwaw, səkwaw, hune ɗaw ŋ ŋta kusam a bəza səkwaw.”»
26Aya, a mpat anta ca, Pawl a ŋtata hejəye wese ege ara, əy mar ŋ la kwakwas maa ata bawzata aza ŋ hejəye ma ghwezlekghwezlek ege. Aya, a nda a ujek kwakwas ŋ ghwal lamaɗ pes ma ata ban kusam tata ege aza leŋ ŋ lene kwakwas ŋ kaw vayay tata.
Əy mbal Pawl a ujek kwakwas
27Maa wan ma ŋsəleɗ ma ata tuwaɗza kwakwas wese slaɓ ca, Yahudu ege vedəye ma ndaha aka ŋ hayak Asəya, əy gəre Pawl mbəy a ujek kwakwas. A təwse ca, əy ŋcakwzata hejəye tewtew ŋ mbal Pawl. 28Əy ja ula, əy ŋgaya: «Hejəye Əysərayəyla ege, hune cekzeney! Heje ma kasasərakzata hejəye tewtew kaw a katay a zlap ma kadak səkwaw ata hejəye Əysərayəyla ege, ata ma maŋkanaŋkan mala Musa leŋ ata ujek kwakwas ŋghe wese ca, mbəy cakwa. Na ŋgha, kádamzata hejəye ma tata Yahudu ege səkwaw aza a ujek kwakwas, əy kákaɓaheje ujek kwakwas ŋtakwaw ma keweɗ aza.» 29Əy zlap ana ebe ŋghe ca, mavəday əy kégəreta ata Pawl ey Tawrawfəymus, ɗala ma ŋ uzam Efesus ŋ Urusaləyma. Əy cakza ca, Pawl kádamza Tawrawfəymus anta aza a ujek kwakwas. 30Aya, ma anta a ŋtez ŋ uzam tewtew, hejəye əy zləme ma anta, əy damaha ta ŋ ata kəva ege tewtew, əy mbal Pawl, əy njewaza aza a ujek kwakwas wese. A təwse a təwse, əy mpakata ma ujek mala ujek kwakwas ege aka tewtew. 31A təwse ca, hejəye tewtew əy ɗaw ŋ ja Pawl aza, cemey, madakal sawje mala Rawma ege, a zləme ca, hejəye ma ŋ Urusaləyma tewtew əy kaɓam pakam. 32A təwse a təwse, a ɓecata sawje ege zlaɓa madakal dakal tata ege, əy nda kəcaŋ ara hejəye meɓeceɓec ege wese. Kəɗe maa əy gəre madakal sawje ege zlaɓa sawje ege ca, əy yakza Pawl aka, əy kezen ŋ gazl zeney, askwaw.
33Aya, madakal sawje ege wese, a nda mbermber ara Pawl, a mbalaw, a zlepetene ŋ sawje ege əy majaw ka a sesele ege gbak. A dəwze anta ca, a ɗawzata hejəye, a ŋgaya: «Heje anta ca, ara vayay? A laha ca, vemey?» 34Cemey, ŋ taba hejəye meɓeceɓec ege wese ca, vedəye əy ja ula ata səkan wende, vedəye yam ata səkan matakan. A təwse ca, madakal sawje ege wese kaw kámbalaɓa ma anta ma delele ara askwaw, mavəday pakam a kaɓam dəydey. Aya, a zlepetene ŋ sawje ege ŋ jeɓza Pawl ŋ galaŋ tata. 35Cemey, maa əy hwas ata la ma ata təben ŋ dam a ujek ca, sawje ege əy tew Pawl metewetew mavəday hejəye əy kaɗa gham mambaza, 36a təwse ca, hejəye tewtew əy kasəbaraw, əy kaja ula ara, əy ŋgaya: «Hune ja aza, hune ja aza.»
Pawl a ghwalza ma anta a tama Yahudu ege
37Maa əy slaɓ ŋ damza Pawl ŋ galaŋ tata wese ca, a zlepene ŋ madakal tata wese, a ŋgaya: «Sa kula ŋ zlapahwaw ma naka aza teŋguleŋ vaw?» A təwse ca, madakal sawje ege wese, a zenene, a ŋgaya: «Hwa kasan ŋ zlap a ma Yunanəyŋkaw ege vaw? 38Hwa ca, hwa ɗala Məysəra ma ŋcakwzata hejəye ata wan ŋghe ege ŋ ɗa gham, a zeney, ara hwa ma jeɓzata, ma slerata hejəye aza bəlakw ŋfaɗ a damaw wese askwaw aza vaw?» 39A təwse ca, Pawl a zenene, a ŋgaya: «Sa ca, sa ɗala Yahudu, sa mbawha a uzam Tarsus ma ŋ Səyləykəya. Sa mba ma ŋ uzam madakal maa hejəye əy kasan tewtew. Mbahw, pelzekey taf ŋ zlepetene ŋ hejəye ŋghe ege.» 40Aya, madakal sawje ege wese, a pelzene taf ŋ zlap. A təwse ca, Pawl a gar ata la ma ata təben wese, aya, a letene ra ŋ nja ka tete. Aya, hejəye wese ege tewtew əy nja ka tete, Pawl a zlepetene a ma Əybəranəyŋkaw ege, a ŋgaya:
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2025 CABTAL