Zlan mala malaɓ ege 14
14
Ata Pawl ey Barnabas əy uzam Əykawnəya
1Ata Pawl ey Barnabas əy hwasha ŋ uzam Əykawnəya. A təwse ca, əy dam ŋ ujek ma ata rak Gazlavay mala Yahudu ege ana ma ŋ Antakəya. Əy ghwelzetene zlap mala Gazlavay ŋ hejəye. Aya, Yahudu ege leŋ Yunanəyŋkaw ege vəram əy baw tata ŋ hejəye ma lamza ma mala Gazlavay aza ege. 2Cemey, Yahudu ege vedəye ca, əy kálamza zlap anta askwaw. A təwse ca, əy ŋcakwzata hejəye vedəye ŋ deŋ ŋkwaɓ ma dadawar ata ata Pawl ey Barnabas wese. 3A mbe anta tewtew ca, ata Pawl ey Barnabas əy kánja dakala ŋ Əykawnəya. Əy kaghwal zlap ata Bay Madakal kaw a lalak askwaw. Əy ghwal zlap ata taŋtaŋ mala Gazlavay. Gazlavay yam a kaghwalza ca, ma tata anta ca, ara ma ma njenjəwen. Aya, Gazlavay a veletene ɓarɓar ŋ la səkan ma kaŋga ŋkwaɓ ege leŋ zaɓəla ege ta ŋ səkan ege vedəye vedəye. 4A təwse ca, hejəye ma ŋ uzam anta ege, əy kajav ma tata aka askwaw, əy keɓez kusam aka dəla gbak. Hejəye vedəye əy səbar ma mala Yahudu ege, vedəye yam, əy səbar ma mala malaɓ ege.
5A təwse ca, Yahudu ege leŋ hejəye ma tata Yahudu ege səkwaw wese zlaɓa bay tata ege əy jav ma tata ege aka ŋ setene gef ŋ ata Pawl ey Barnabas wese, əy ɗaw ŋ kwapata a ŋkəɗaŋ ŋ jata aza. 6Cemey, maa ata Pawl ey Barnabas, əy zləme ma anta ca, əy hey tata kəɗa ŋ Ləystəyra ey Derbe, uzam ege ma ŋ hayak Ləykawnəya leŋ ŋ uzam ma a həzlar tata ege. 7A təwse anta yam, əy kaghwalza Ma Mewe ma Taŋtaŋ.
Ata Pawl ey Barnabas əy ŋ uzam Ləystəyra
8Heje wende ŋ uzam Ləystəyra aka, mbawa anta a dəmas maman, ŋgas anta ege əy kémeceye. Mbəy halɓaya, kaw kágwarzam ŋ nda askwaw. 9A keteh zlam ata ma maa Pawl a kazlap. A təwse ca, Pawl a sarza kadak kadak, a gəre ca, lalam ŋ mbe ŋ reh aza ŋ dawar anta aka. 10Aya, Pawl a zlepene a mazlazlay, a ŋgaya: «Gwarzam, deŋ aka gbar ata ŋgas ŋkwa ege!» A təwse ca, heje wese a mber, a mar ŋ nda a ŋgas anta.
11Maa hejəye ma ɓecha ege əy gəre səkan maa Pawl a la ca, əy ja ula a ma tata Ləykawnəya, əy ŋgaya: «Kule ege əy kábaw tata ana hejəye dakənak ege, əy kándaha aza ara heje.» 12Aya, əy yaɓa Barnabas ey Pawl a zlam mala kule tata ege. Əy yaɓa Barnabas «Jewus», a Pawl yam «Hermes», mavəday ara mbəy ma kezlepetene. 13Ujek kule maa əy kayaɓa Jewus wese ca, mbəy mbermber a ma ujek uzam anta. Aya, mala kwakwas ma kada kule anta, a daha mere zləye macafacaf a fafan maa kézeveye a ma ujek kule anta. A təwse ca, mala kwakwas wese ey hejəye tewtew əy ɗaw ŋ data ata Barnabas ey Pawl ana kule tata ege. 14Cemey, maa ata Barnabas ey Pawl əy zləme ma ŋghe anta ca, əy slah rəgwac ma ata kusam tata ege aza, əy hey kəɗa ara hejəye, əy kaja ula ara a mazlazlay, əy zlap, əy ŋgaya: 15«Ŋgama naka ege, hune la ŋghe ca, vemey? Nene ca, nene hejəye dakənak ege ana hune yam. Nene ndaha ete ŋghe ca, ŋ ghwalzahune Ma Mewe ma Taŋtaŋ mala Gazlavay. Hune geɓza ŋ da kule ma kula ŋ cakzahune səkwaw aka. Hune bawha ara Gazlavay ma kamac səkwaw, ɗala ma ba la ma mgba ata uzlaf, la ma ata hayak, ŋtele yam ey səkan ma ŋma ege tewtew. 16Zlezle, káyakzata hejəye ma ŋ manhayak ege aka tewtew ŋ səbar taf tata ana maa əy kaɗawaw. 17A mbe anta tewtew ca, Gazlavay kághwalza taŋtaŋ anta kaw vepey. Káɗahune van mgba ata uzlaf ata hayak, kávalahune vah ma ata pet səkan, kávalahune səkan ta zam dakala. Kéghefzahune aza a sasam.» 18Cemey, kaw maa əy kézlepetene aza ana ebe ŋghe anta ca, hejəye anta ege, əy kaɗawaw ŋ data ata Pawl ey Barnabas anta ana kule tata anta ege war. A təwse ca, ata Pawl ey Barnabas anta, əy kasa gef dakala ŋ takata hejəye anta ege ka, ndar əy ɗaw ŋ la səkan anta səkwaw.
19Yahudu ege ma ndaha aka ta ŋ uzam Antakəya ŋ hayak Pəysəydəya leŋ ŋ uzam Əykawnəya əy jav ma tata aka a hejəye. Əy ŋcakwzata hejəye, aya, əy kwap Pawl a ŋkəɗaŋ. A dəwze maa əy kákawpza ca, əy njew aza ŋ uzam wese, kəɗa a bəza, əy cakza ca, kámac anta. 20A təwse ca, madarlaŋw mala Yesu ege, əy ɓec a ara mbe, aya Pawl a gwarzam aza, a zen anta ŋ uzam anta. A mpat anta, əy nda a Barnabas ŋ Derbe.
Ata Pawl ey Barnabas əy zenha aza ŋ Antakəya ma ŋ Səyrəya
21Ata Pawl ey Barnabas əy ghwal Ma Mewe ma Taŋtaŋ ŋ uzam Derbe. A təwse ca, hejəye vəram əy kálamza ma mala Gazlavay aza. A dəwze anta, əy zenha aza ŋ Ləystəyra, ŋ Əykawnəya leŋ ŋ Antakəya ma ŋ hayak Pəysəydəya. 22A təwse ca, əy veletene ɓarɓar ŋ hejəye ma lamza ma mala Gazlavay aza ege, əy manja ka kadak kadak a lalam, əy zlepetene, əy ŋgaya: «Heje nadam ŋ lazam bay mala Gazlavay ca, a gef ege dakala.» 23Ata lajav hejəye ma lamza ma mala Gazlavay aza ege kaw vekey ca, əy meyetene madakal dakal ma a tama ege. A dəwze maa əy kámayata aza ca, əy la sumay, əy rak Gazlavay mavəday tata. Aya, ata Pawl ey Barnabas əy valzata hejəye wese ege aka asa ra Bay Madakal maa əy lamza aza.
24Aya, ata Pawl ey Barnabas wese əy nda ta ŋ uzam Pəysəydəya, əy hwas ŋ Pamfəyləya. 25Əy ghwal zlap Gazlavay ŋ Perge, a dəwze anta, əy nda ŋ Ataləya. 26A təwse ca, əy dam ŋ kwambawal, əy zen tata ŋ Antakəya. Antakəya anta ca, ara uzam maa hejəye ma lamza ma mala Gazlavay aza ege, əy valzata ata Pawl ey Barnabas aka asa ra Gazlavay, ndar a veletene ɓarɓar ŋ la zlan maa əy laza aza ŋgha. 27Maa əy hwas ŋ Antakəya ca, əy javata hejəye ma lamza ma mala Yesu aza ege, əy ghwelzetene səkan ege tewtew maa Gazlavay a laza a tata leŋ maa a zlerzetene taf ŋ hejəye ma tata Yahudu ege səkwaw ŋ lem lereh yam. 28Ata Pawl ey Barnabas əy kánja a təwse dakala a hejəye ma lamza ma mala Gazlavay aza ege.
ទើបបានជ្រើសរើសហើយ៖
Zlan mala malaɓ ege 14: BHS
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2025 CABTAL
Zlan mala malaɓ ege 14
14
Ata Pawl ey Barnabas əy uzam Əykawnəya
1Ata Pawl ey Barnabas əy hwasha ŋ uzam Əykawnəya. A təwse ca, əy dam ŋ ujek ma ata rak Gazlavay mala Yahudu ege ana ma ŋ Antakəya. Əy ghwelzetene zlap mala Gazlavay ŋ hejəye. Aya, Yahudu ege leŋ Yunanəyŋkaw ege vəram əy baw tata ŋ hejəye ma lamza ma mala Gazlavay aza ege. 2Cemey, Yahudu ege vedəye ca, əy kálamza zlap anta askwaw. A təwse ca, əy ŋcakwzata hejəye vedəye ŋ deŋ ŋkwaɓ ma dadawar ata ata Pawl ey Barnabas wese. 3A mbe anta tewtew ca, ata Pawl ey Barnabas əy kánja dakala ŋ Əykawnəya. Əy kaghwal zlap ata Bay Madakal kaw a lalak askwaw. Əy ghwal zlap ata taŋtaŋ mala Gazlavay. Gazlavay yam a kaghwalza ca, ma tata anta ca, ara ma ma njenjəwen. Aya, Gazlavay a veletene ɓarɓar ŋ la səkan ma kaŋga ŋkwaɓ ege leŋ zaɓəla ege ta ŋ səkan ege vedəye vedəye. 4A təwse ca, hejəye ma ŋ uzam anta ege, əy kajav ma tata aka askwaw, əy keɓez kusam aka dəla gbak. Hejəye vedəye əy səbar ma mala Yahudu ege, vedəye yam, əy səbar ma mala malaɓ ege.
5A təwse ca, Yahudu ege leŋ hejəye ma tata Yahudu ege səkwaw wese zlaɓa bay tata ege əy jav ma tata ege aka ŋ setene gef ŋ ata Pawl ey Barnabas wese, əy ɗaw ŋ kwapata a ŋkəɗaŋ ŋ jata aza. 6Cemey, maa ata Pawl ey Barnabas, əy zləme ma anta ca, əy hey tata kəɗa ŋ Ləystəyra ey Derbe, uzam ege ma ŋ hayak Ləykawnəya leŋ ŋ uzam ma a həzlar tata ege. 7A təwse anta yam, əy kaghwalza Ma Mewe ma Taŋtaŋ.
Ata Pawl ey Barnabas əy ŋ uzam Ləystəyra
8Heje wende ŋ uzam Ləystəyra aka, mbawa anta a dəmas maman, ŋgas anta ege əy kémeceye. Mbəy halɓaya, kaw kágwarzam ŋ nda askwaw. 9A keteh zlam ata ma maa Pawl a kazlap. A təwse ca, Pawl a sarza kadak kadak, a gəre ca, lalam ŋ mbe ŋ reh aza ŋ dawar anta aka. 10Aya, Pawl a zlepene a mazlazlay, a ŋgaya: «Gwarzam, deŋ aka gbar ata ŋgas ŋkwa ege!» A təwse ca, heje wese a mber, a mar ŋ nda a ŋgas anta.
11Maa hejəye ma ɓecha ege əy gəre səkan maa Pawl a la ca, əy ja ula a ma tata Ləykawnəya, əy ŋgaya: «Kule ege əy kábaw tata ana hejəye dakənak ege, əy kándaha aza ara heje.» 12Aya, əy yaɓa Barnabas ey Pawl a zlam mala kule tata ege. Əy yaɓa Barnabas «Jewus», a Pawl yam «Hermes», mavəday ara mbəy ma kezlepetene. 13Ujek kule maa əy kayaɓa Jewus wese ca, mbəy mbermber a ma ujek uzam anta. Aya, mala kwakwas ma kada kule anta, a daha mere zləye macafacaf a fafan maa kézeveye a ma ujek kule anta. A təwse ca, mala kwakwas wese ey hejəye tewtew əy ɗaw ŋ data ata Barnabas ey Pawl ana kule tata ege. 14Cemey, maa ata Barnabas ey Pawl əy zləme ma ŋghe anta ca, əy slah rəgwac ma ata kusam tata ege aza, əy hey kəɗa ara hejəye, əy kaja ula ara a mazlazlay, əy zlap, əy ŋgaya: 15«Ŋgama naka ege, hune la ŋghe ca, vemey? Nene ca, nene hejəye dakənak ege ana hune yam. Nene ndaha ete ŋghe ca, ŋ ghwalzahune Ma Mewe ma Taŋtaŋ mala Gazlavay. Hune geɓza ŋ da kule ma kula ŋ cakzahune səkwaw aka. Hune bawha ara Gazlavay ma kamac səkwaw, ɗala ma ba la ma mgba ata uzlaf, la ma ata hayak, ŋtele yam ey səkan ma ŋma ege tewtew. 16Zlezle, káyakzata hejəye ma ŋ manhayak ege aka tewtew ŋ səbar taf tata ana maa əy kaɗawaw. 17A mbe anta tewtew ca, Gazlavay kághwalza taŋtaŋ anta kaw vepey. Káɗahune van mgba ata uzlaf ata hayak, kávalahune vah ma ata pet səkan, kávalahune səkan ta zam dakala. Kéghefzahune aza a sasam.» 18Cemey, kaw maa əy kézlepetene aza ana ebe ŋghe anta ca, hejəye anta ege, əy kaɗawaw ŋ data ata Pawl ey Barnabas anta ana kule tata anta ege war. A təwse ca, ata Pawl ey Barnabas anta, əy kasa gef dakala ŋ takata hejəye anta ege ka, ndar əy ɗaw ŋ la səkan anta səkwaw.
19Yahudu ege ma ndaha aka ta ŋ uzam Antakəya ŋ hayak Pəysəydəya leŋ ŋ uzam Əykawnəya əy jav ma tata aka a hejəye. Əy ŋcakwzata hejəye, aya, əy kwap Pawl a ŋkəɗaŋ. A dəwze maa əy kákawpza ca, əy njew aza ŋ uzam wese, kəɗa a bəza, əy cakza ca, kámac anta. 20A təwse ca, madarlaŋw mala Yesu ege, əy ɓec a ara mbe, aya Pawl a gwarzam aza, a zen anta ŋ uzam anta. A mpat anta, əy nda a Barnabas ŋ Derbe.
Ata Pawl ey Barnabas əy zenha aza ŋ Antakəya ma ŋ Səyrəya
21Ata Pawl ey Barnabas əy ghwal Ma Mewe ma Taŋtaŋ ŋ uzam Derbe. A təwse ca, hejəye vəram əy kálamza ma mala Gazlavay aza. A dəwze anta, əy zenha aza ŋ Ləystəyra, ŋ Əykawnəya leŋ ŋ Antakəya ma ŋ hayak Pəysəydəya. 22A təwse ca, əy veletene ɓarɓar ŋ hejəye ma lamza ma mala Gazlavay aza ege, əy manja ka kadak kadak a lalam, əy zlepetene, əy ŋgaya: «Heje nadam ŋ lazam bay mala Gazlavay ca, a gef ege dakala.» 23Ata lajav hejəye ma lamza ma mala Gazlavay aza ege kaw vekey ca, əy meyetene madakal dakal ma a tama ege. A dəwze maa əy kámayata aza ca, əy la sumay, əy rak Gazlavay mavəday tata. Aya, ata Pawl ey Barnabas əy valzata hejəye wese ege aka asa ra Bay Madakal maa əy lamza aza.
24Aya, ata Pawl ey Barnabas wese əy nda ta ŋ uzam Pəysəydəya, əy hwas ŋ Pamfəyləya. 25Əy ghwal zlap Gazlavay ŋ Perge, a dəwze anta, əy nda ŋ Ataləya. 26A təwse ca, əy dam ŋ kwambawal, əy zen tata ŋ Antakəya. Antakəya anta ca, ara uzam maa hejəye ma lamza ma mala Gazlavay aza ege, əy valzata ata Pawl ey Barnabas aka asa ra Gazlavay, ndar a veletene ɓarɓar ŋ la zlan maa əy laza aza ŋgha. 27Maa əy hwas ŋ Antakəya ca, əy javata hejəye ma lamza ma mala Yesu aza ege, əy ghwelzetene səkan ege tewtew maa Gazlavay a laza a tata leŋ maa a zlerzetene taf ŋ hejəye ma tata Yahudu ege səkwaw ŋ lem lereh yam. 28Ata Pawl ey Barnabas əy kánja a təwse dakala a hejəye ma lamza ma mala Gazlavay aza ege.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2025 CABTAL