Márákoso 3
3
Yésusu a ondónámó moto isí yá ihuwe
(Mat 12:9-14; Rúk 6:6-11)
1Yésusu a ma iŋgááná hée na yanje yá mbásóóríyé. Moto a ma ríi naáté ójó a ma timbé igwé yá ombɔɔ́. 2Va fariséne vá ma ré me sórána índi vá ená ŋgé a né ondónámó moto isí yá ihuwe, ombótó ójó anáá vá me sɔ́mɔ́nɔ. 3Yésusu a ma járá na moto ójó a ma timbé igwé yá ombɔɔ́ anáá: «Hatééná, téréméná na raaté hɔ́rɔ́.» 4Kó a ma járá nawó anáá: Isí yá ihuwe vá géremenámó weŋga wusi kee wobé, vá géremenámó osótyé moto kee o me oná? Vá ma obá ihóhó puk. 5Yésusu a ma wó núné na aŋgísó rá ayɔ́ɔ́, otémá ráá ó ma káná esene éyé vá ma timbé etémá ra atááné kó a ma járá na moto anáá: «Ganóná ombɔɔ́ rɔ́ɔ́.» Moto a ma ganóná ombɔɔ́ kó ó ma tómbá wondówa. 6Va Pariséne vá ma húmáná ohírána weŋga isɔkí orɔŋgɔ na vato ává na ncámbá rá eróde vá sɔsɔ pé éjé anáá vá me oná.
Vato mbunu vá urámó na Yésusu
(Mat 4:25; 12:15-16; Rúk 6:17-19)
7Yésusu orɔŋgɔ na vihoóhóná vyáá vá ma vátúrátá iseri éyé na ekáné yá osombo ójó na Gariréya. Ncumbí wa vato a ma ré me byɔɔnɔ. Ava vá ma endá uré na Gariréya, ávámó na Yúdeyá, 8na ava na Yerúsareme, na ava na Idúmeyá, na ava mbóró ra Yudéne, na ava na kɔ́ŋgɔ́ ra Tíiri na Sídono vá ma uráná náná mbunu mbunu na Yésusu esene éyé vá ma ová wandá wimé ówó a katé eŋga. 9Yésusu a ma súsé vihoóhóná vyáá anáá vá heéhenda ŋgɔmbe ukú ójó anáá vato ka me retye. 10Esené a ma ondóná ombunu rá vato kó vinɔ́ bimé ví katé sɔsɔ anáá ví me edúmana na nótó índi ví me táátena. 11Ará vambé vá vireréŋgi vá ma ré ená Yésusu, vá ma ré me kútyé munú vá rúme anáá: «O ámó mwaná Irɔŋgɔ.» 12Kó Yésusu a katé wó bámáná anáá vá mwané ka oja áné ójó a ámó.
Yésusu a ijatámó enásá raá yábɔ́t na eba
(Mat 10:1-4; Rúk 6:12-16)
13Na nimé raá, a ma náátá yene, obéráana ava a ma vaŋgá kó vá ma endá na kɔ́ŋgɔ́ raá. 14Yésusu a ma ijátá vábɔ́tɔ́ na vává o wó béráana anáá enásá, vá rií orɔŋgɔ naá índi a wó tómá na wója owó Usi wa Cómó, 15na ŋguru ra ogúné ówó vambé vá vireréŋgi. 16Ava vábɔ́tɔ́ na vává ava a ma ijátá káává: Símono, ójó a ma rová anáá Pyéere, 17Yáka, ombwene rá Sébede, na Yohánese navéne Yáka ává a ma rová anáá Boyánéregese ójó a tirivanámó anáá: «Embwene ra mbemberitye.» 18Anderéya, Híripi, Barateremíya, Matyáasa, Tómasa, Yáka ombwene rá Aráfe, Tadéyá, Símono ójó a ma ré kamana na edɔŋgɔ. 19Na Yúdasa Isikaríyoto ójó a ma sérá Yésusu.
Yésusu na Besembúre
(Mat 12:24-32; Rúk 11:15-23; 12:10)
20Na nimé raá, Yésusu ama endá na yanje. Ombunu rá vato ó ma wundé ondo váwónjéena na kɔ́ŋgɔ́ raá ukú ójó anáá Yésusu na vihoóhóná vyáa ví ta ma hítí hónó onyányá. 21Ará vato ává na noyómó náa vá ma ová náná, vá ma báréyá anáá vá endá me wɔ́rɔ́ esene éyé vá katé járá anáá Yésusu a obúndé yejá.
22Vayéere vá mbéndɔ́ ává vá ma endá urána na Yerúrareme vá katé járá anáá: «Yésusu a timbámó Beresebúre Saátana ahumu wa vambé vá vireréŋgi, ó mwané kójo a me hwámó ŋguru ra ogúné ówó vambé vá vireréŋgi imívi.» 23Kó Yésusu a ma wó bérááná ojárá nawó hɔrɔ́ a wɔ́rɔ́nɔ viheya anáá: «Twiiŋí kówo Saátana a hítyámó ovágúné ómwané maté? 24Vato ává na edɔŋgɔ ímwéesií vá nywááná vá mwané na vá mwané, edɔŋgɔ mwané é ta hítí o ne rií; 25kó hónó vato ává na noyómó ná umwéesií vá núbááná vá mwané na vá mwané, noyómó mwané nó ta hítí o ne rií. 26Kó sɔ́ Saátana a nywááná na ómwané maté, ítɔɔ a ríi ka rií mií na ómwané maté, ŋguru raá e ta hítí orií kɔ́ɔ́m kó e né manámó.»
27«Moto a ta hítí wiŋgáana na yanje yá moto wa ŋguru owɔ́rɔ́nɔ ekúmé ráa naná, a geremenamó omana wótá moto mwané mbéne kaá oje wɔ́rɔ́nɔ wandá wimé na yanje yáa. 28Ŋgo nó ojánámó na vatɔ́ɔ́tɔ́ anáá vato vá mó hítyámó otimbe vijuká na nyéŋgé ráwó íŋgímé, ítɔɔ na ceyɔ́ iŋgímé íjí vá séyámó Irɔŋgɔ. 29Wó je rií anáá moto a séyá Mwáŋ mwáŋ wa ireréŋgí, a ta mó timbe vijuká na isí esene éyé a ma eŋgá nyéŋgé éjé ka na mamana.» 30Yésusu a katé járá naná na vayéere vá mbéndɔ́ esene éyé vá katé járá anáá ómwané ójó Yésusu a timbámó ombé wa ireréŋgi.
Tɔ́ɔ́tɔ́ wa noyómó ná Yésusu
(Mat 12:46-50; Rúk 8:19-21)
31Na nimé raá, netí na va navéne Yésusu vá ma endá jine, vá ma káŋgá ka iŋgáana kó vá ma tómá moto anáá a me béráana. 32Vato mbunu vá ma ríi vindindíi na kɔ́ŋgɔ́ ra Yésusu kó vá ma járá naá anáá: «Nowétí na va nɔvéne vá ámó na naŋgáté vá diŋgámó anáá vá wo ená.» 33Yésusu a ma wundíyé ayáá: «Áné kójo maágá kó avané káva va navéne vámé?» 34A ma néméná vato ává vá ma ríi vindindíi na kɔŋgɔ́ raá ayáá: «Maáŋgá na va navéne vámé káává. 35Esené moto ójó a eŋgámó mbaŋgéná ra Irɔŋgɔ, moto mwané a ámó navéne wame, mbéyí rame, maágá wame.»
ទើបបានជ្រើសរើសហើយ៖
Márákoso 3: tii
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2024, CABTAL
Márákoso 3
3
Yésusu a ondónámó moto isí yá ihuwe
(Mat 12:9-14; Rúk 6:6-11)
1Yésusu a ma iŋgááná hée na yanje yá mbásóóríyé. Moto a ma ríi naáté ójó a ma timbé igwé yá ombɔɔ́. 2Va fariséne vá ma ré me sórána índi vá ená ŋgé a né ondónámó moto isí yá ihuwe, ombótó ójó anáá vá me sɔ́mɔ́nɔ. 3Yésusu a ma járá na moto ójó a ma timbé igwé yá ombɔɔ́ anáá: «Hatééná, téréméná na raaté hɔ́rɔ́.» 4Kó a ma járá nawó anáá: Isí yá ihuwe vá géremenámó weŋga wusi kee wobé, vá géremenámó osótyé moto kee o me oná? Vá ma obá ihóhó puk. 5Yésusu a ma wó núné na aŋgísó rá ayɔ́ɔ́, otémá ráá ó ma káná esene éyé vá ma timbé etémá ra atááné kó a ma járá na moto anáá: «Ganóná ombɔɔ́ rɔ́ɔ́.» Moto a ma ganóná ombɔɔ́ kó ó ma tómbá wondówa. 6Va Pariséne vá ma húmáná ohírána weŋga isɔkí orɔŋgɔ na vato ává na ncámbá rá eróde vá sɔsɔ pé éjé anáá vá me oná.
Vato mbunu vá urámó na Yésusu
(Mat 4:25; 12:15-16; Rúk 6:17-19)
7Yésusu orɔŋgɔ na vihoóhóná vyáá vá ma vátúrátá iseri éyé na ekáné yá osombo ójó na Gariréya. Ncumbí wa vato a ma ré me byɔɔnɔ. Ava vá ma endá uré na Gariréya, ávámó na Yúdeyá, 8na ava na Yerúsareme, na ava na Idúmeyá, na ava mbóró ra Yudéne, na ava na kɔ́ŋgɔ́ ra Tíiri na Sídono vá ma uráná náná mbunu mbunu na Yésusu esene éyé vá ma ová wandá wimé ówó a katé eŋga. 9Yésusu a ma súsé vihoóhóná vyáá anáá vá heéhenda ŋgɔmbe ukú ójó anáá vato ka me retye. 10Esené a ma ondóná ombunu rá vato kó vinɔ́ bimé ví katé sɔsɔ anáá ví me edúmana na nótó índi ví me táátena. 11Ará vambé vá vireréŋgi vá ma ré ená Yésusu, vá ma ré me kútyé munú vá rúme anáá: «O ámó mwaná Irɔŋgɔ.» 12Kó Yésusu a katé wó bámáná anáá vá mwané ka oja áné ójó a ámó.
Yésusu a ijatámó enásá raá yábɔ́t na eba
(Mat 10:1-4; Rúk 6:12-16)
13Na nimé raá, a ma náátá yene, obéráana ava a ma vaŋgá kó vá ma endá na kɔ́ŋgɔ́ raá. 14Yésusu a ma ijátá vábɔ́tɔ́ na vává o wó béráana anáá enásá, vá rií orɔŋgɔ naá índi a wó tómá na wója owó Usi wa Cómó, 15na ŋguru ra ogúné ówó vambé vá vireréŋgi. 16Ava vábɔ́tɔ́ na vává ava a ma ijátá káává: Símono, ójó a ma rová anáá Pyéere, 17Yáka, ombwene rá Sébede, na Yohánese navéne Yáka ává a ma rová anáá Boyánéregese ójó a tirivanámó anáá: «Embwene ra mbemberitye.» 18Anderéya, Híripi, Barateremíya, Matyáasa, Tómasa, Yáka ombwene rá Aráfe, Tadéyá, Símono ójó a ma ré kamana na edɔŋgɔ. 19Na Yúdasa Isikaríyoto ójó a ma sérá Yésusu.
Yésusu na Besembúre
(Mat 12:24-32; Rúk 11:15-23; 12:10)
20Na nimé raá, Yésusu ama endá na yanje. Ombunu rá vato ó ma wundé ondo váwónjéena na kɔ́ŋgɔ́ raá ukú ójó anáá Yésusu na vihoóhóná vyáa ví ta ma hítí hónó onyányá. 21Ará vato ává na noyómó náa vá ma ová náná, vá ma báréyá anáá vá endá me wɔ́rɔ́ esene éyé vá katé járá anáá Yésusu a obúndé yejá.
22Vayéere vá mbéndɔ́ ává vá ma endá urána na Yerúrareme vá katé járá anáá: «Yésusu a timbámó Beresebúre Saátana ahumu wa vambé vá vireréŋgi, ó mwané kójo a me hwámó ŋguru ra ogúné ówó vambé vá vireréŋgi imívi.» 23Kó Yésusu a ma wó bérááná ojárá nawó hɔrɔ́ a wɔ́rɔ́nɔ viheya anáá: «Twiiŋí kówo Saátana a hítyámó ovágúné ómwané maté? 24Vato ává na edɔŋgɔ ímwéesií vá nywááná vá mwané na vá mwané, edɔŋgɔ mwané é ta hítí o ne rií; 25kó hónó vato ává na noyómó ná umwéesií vá núbááná vá mwané na vá mwané, noyómó mwané nó ta hítí o ne rií. 26Kó sɔ́ Saátana a nywááná na ómwané maté, ítɔɔ a ríi ka rií mií na ómwané maté, ŋguru raá e ta hítí orií kɔ́ɔ́m kó e né manámó.»
27«Moto a ta hítí wiŋgáana na yanje yá moto wa ŋguru owɔ́rɔ́nɔ ekúmé ráa naná, a geremenamó omana wótá moto mwané mbéne kaá oje wɔ́rɔ́nɔ wandá wimé na yanje yáa. 28Ŋgo nó ojánámó na vatɔ́ɔ́tɔ́ anáá vato vá mó hítyámó otimbe vijuká na nyéŋgé ráwó íŋgímé, ítɔɔ na ceyɔ́ iŋgímé íjí vá séyámó Irɔŋgɔ. 29Wó je rií anáá moto a séyá Mwáŋ mwáŋ wa ireréŋgí, a ta mó timbe vijuká na isí esene éyé a ma eŋgá nyéŋgé éjé ka na mamana.» 30Yésusu a katé járá naná na vayéere vá mbéndɔ́ esene éyé vá katé járá anáá ómwané ójó Yésusu a timbámó ombé wa ireréŋgi.
Tɔ́ɔ́tɔ́ wa noyómó ná Yésusu
(Mat 12:46-50; Rúk 8:19-21)
31Na nimé raá, netí na va navéne Yésusu vá ma endá jine, vá ma káŋgá ka iŋgáana kó vá ma tómá moto anáá a me béráana. 32Vato mbunu vá ma ríi vindindíi na kɔ́ŋgɔ́ ra Yésusu kó vá ma járá naá anáá: «Nowétí na va nɔvéne vá ámó na naŋgáté vá diŋgámó anáá vá wo ená.» 33Yésusu a ma wundíyé ayáá: «Áné kójo maágá kó avané káva va navéne vámé?» 34A ma néméná vato ává vá ma ríi vindindíi na kɔŋgɔ́ raá ayáá: «Maáŋgá na va navéne vámé káává. 35Esené moto ójó a eŋgámó mbaŋgéná ra Irɔŋgɔ, moto mwané a ámó navéne wame, mbéyí rame, maágá wame.»
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2024, CABTAL