Márákoso 12
12
Nkaná ra vato vá manɔnɔwɔ ává vá béyáanámó etémá
(Mat 21:33-46; Rúk 20:9-19)
1Yésusu a ma késyé ojáráana nawó na va ŋgé ayáá: «Moto omo a ma atá apúú rá marété má vibomá íví vyó eréenámó mɔ́wɔ, wandeena apúú mwané na iruŋge, otímé yuru, oháá yanje yá magíré kó a ma wɔ́rɔ́ vato vá manɔnɔwɔ anáá vá béerye apúú mwané kaá a ma endá na oŋgendɔ.» 2«Ará itíndíkáná rá mebuwe í ma jiné, kó a ma tóméná vato vá manɔnɔwɔ moto índi vá me tóména ŋgava raá. 3Kó vato vá manɔnɔwɔ vá ma ambááná moto ójó mása wawó a ma tómá, o me gite na ikume o me micé a enda embɔɔ́ na embɔɔ́. 4Mása wawó a ma wó tóméná hée moto undyeé, ómwané hónó vá ma me bomóná mukɔrɔ́ɔndɔ na ucé o me seyá. 5Na eŋgendɔ etató, mása a ma tómá moto undyeé kó veŋga manɔnɔwɔ vá ma me oná, owunde otómá hée vato véndyé kó vá ma nubé vámó, woná vámó. 6Mása a ma ríi a ocáná bɛ́ŋ na ombwene ráa ójó a katé caka odiŋge. Kó a ma tómá ombwene ráa mwané na mamana a buŋgana anáá vato vá manɔnɔwɔ vá né me mítyámó. 7Kó vato vá manɔnɔwɔ vá katé járá vámwané na vámwané anáá: Ó ámó mwaná wa viíndé ojó! Uráno to me oná índi to cáná na viíndé. 8Vá ma me ambááná, o me oná, o me umbe na nimé ra apúú. 9Moto wa apúú a né eŋgámó twiiŋí? A né urámó, kó a né eŋgamá anáá vá oná vato va manɔnɔwɔ amáva kó a né neénámó vato véndyé apúú. 10No ta ma bána naáté yá aŋgóŋgí ájá mwáŋ mwáŋ anáá:
Itááné éné vahaá byanje vá ma váráŋgá
nó ma búndé itááné éné nó tímbámó yanje yimé?
11Wó ámó manɔnɔwɔ má Oki,
wó ríi hée ekáné yá usi wa wandá na aŋgísó rá visó!»
12Vagónó vá vacekiye mómí vá katé sɔsɔ anáá vá ambaana Yésusu esene éyé vá ma núútáná anáá a ma kweé nkaná eméje na wusó wáwó, kó vá katé tíné ncumbí wa vato, kaá vá ma me cé hɔ́rɔ́ ma osoŋgonana.
Oyáána ówó tása ra ŋgɔ́mɔnɔ
(Mat 22:15-22; Rúk 20:20-26)
13Kó vagónó vá vacekiye mómí vá ma tómá va Pariséne vámó na vato ává na ncámbá ra Eróde índi vá ambáana Yésusu na vipéŋgé íví ví húmánámó na uŋgúté ráa maté. 14Vá ma uré ondo járá naá anáá: «Oyéere, to jembámó anáá o ámó moto ójó a ojámó vatɔ́ɔ́tɔ́, o ta tiné itɔɔ moto, o ta nemena iku ra váto kó o wó yeérámó pé rá Irɔŋgɔ bɛ́ŋ na vatɔ́ɔ́tɔ́. Yé vá géréménámó oyáákana tásá ra ŋgɔ́mɔnɔ́ ye eeŋ ye ayá? Yé no géréménámó oyáákana, yé no ta géréména oyáákana o?» 15Kó o mwané a ma ijimé va ambé va mbuŋganawó a ye nawó anáá: «Na wusi wate kówo no bo wérámó? Ŋgurénámó ano na ekpáŋga a mwani, indi ŋgéná!» 16Vá má mo uráná na ekpaŋga yá mwani Yésusu a ye nawó anáá: Póta éjé aŋgɔɔŋgi ájá, mo amo mwa ane? Kó vá atɔ́wámó anáá: «Na wusó wa ŋgɔ́mɔnɔ ójó ogónó wa ahumu.» 17Yésusu a ye nawo anáá: «Néénáno ŋgɔ́mɔnɔ ówó omo na wuso wa ogónó wa ahumu, kó ówó omo na wuso Irɔŋgɔ o néna hónó Irɔŋgɔ.» Kó vá má kékembyé ŋgundíyé mwané.
Cúcáná na wusó wá ehonowa yá vigwé
(Mat 22:23-33; Rúk 20:27-38)
18Va Saduséne vá má uráná na kɔŋgɔ Yésusu. Vá mwané vá ma járá anáá watá ówó na evérá o támó. Kó vá mó mo súsé anáá: 19«Oyéere, Mósese a ma aŋgɔ so na wuso ino anáá: Ŋge moto a timbé navéne kó a ma ŋgwé otyé okótó ka tyé mwaná ómwané obá kusu ra navene anáá indi a bonda mbɔŋɔ na wuso wa nawene. 20Va vámó navéne vá ma rií barááto na omwési. Wá wusó owɔ́rɔ́ okótó ugwé ka tye mbɔŋɔ. 21Ojo tii obá okótó mwané omwesi ugwé katyé mbɔŋɔ na wa ojo na watató hónó ugwé katyé mbɔŋɔ. 22Na bimáná barááto na umwésií omo a ta ma tyé itɔɔ mwaná. Na nimé rá vá mwané bimé kó okótó hónó a ŋgwámó. 23Na watá ówó na evérá, na ma mana a ré váto vá me honowanámó okótó mwané a me rii a mo iwa ané? Esené baráátó na umwesií bimé vá ma me bá?» 24Yésusu aye nawó anáá: Vino bimé na omo na moba. No jembámó na wusó wá até? «Esené no ta ijimé tɔɔ aŋgóŋgí ra Irɔŋgɔ tɔɔ ŋguru ra Irɔŋgɔ. 25Wó je rií anáá, itíndíkáná íjí váto vá ne ohónówámó na pando rá vigwé, vá to mó wɔ́rɔ́ tɔɔ onomoto, tɔɔ okótó, vato vá mó riyámó ámó va éŋgerese ává na máná. 26Na a te éyé énunámó vigwé iwi vigéremenámó ováta na vivéra, no ta má bana na kárate wa Mósese na oráŋá rá ikite yá vitiné vyá maráte eye é ma kate hyá ámó Irɔŋgɔ a má járá naá anáá: Ndo ámó Irɔŋgɔ wa Abaraháma Irɔŋgo wa Isaka na Irɔŋgɔ wá Yákɔ́wɔ́? 27A ta mo Irɔŋgɔ a vigwé a mo iwa va hwéné vinó bimé nómó naate yá ekáné moba.»
Mbéndɔ́ ra makésyé na mbéndɔ́ iŋgímé
(Mat 22:34-40; Rúk 10:25-28; 20:39-40)
28Oyéere wa mbéndɔ́ omo a ma kérétetá kó a mó ama owa amo va katé opétaná kó a ma ena a mo Yésusu a katé wundiye vá Sadduséne wusi kó a mo susámó anáá: «Ŋgojánámó ano mbéndɔ́ rá makésyé na makésyé na mbéndɔ́ iŋgimé?» 29Ko Yésusu a mo wundiyámó anáá: «Mbéndɔ́ ra makésyé é ámó anáá: Hwéré Isaráyéré, Oki Irɔŋgɔ wa viso a ámó Okí ómwané moká. 30O né diŋgámó Irɔŋgɔ Oki wɔɔ na otémá rɔ́ɔ́ oŋgimé na pépénɔ ra esɔ́tɔ́ rɔ́ɔ́ iŋgimana, na mbuŋgáná rɔ́ɔ́ iŋgime, kó ná ŋguru rɔ́ɔ́ iŋgimé. 31Éjé tii kósejé: Diŋgé moto ojo na kɔŋgɔ rɔ́ɔ́ sɛ́ɛm ámó mámó maté. Ogónó wa mbéndɔ́ indyé itámó éjé itómbámó iji.» 32Oyéere wa mbéndɔ́ a járámó náá anáá: «Oyééré, womo wusi na wusi omo járá wa tɔ́ɔ́tɔ́ anáá: Okí Irɔŋgɔ a ámó moká undyé a ta mo ɔ́wɔ́, 33kó o mo diŋge ówó na otémá ráá oŋgimé na mbuŋgáná ráá iŋgimé, na ŋguru ráá iŋgimé kó na o ndiŋge ówó moto ojo na kɔ́ŋgɔ́ raá a mo mwa maáté mo omo nampi o tómbámó nama iŋgimé iji no ohéenyámó na mómí iŋgimé iji vá eréenamo Irɔŋgɔ.» 34Wéná ówó Yésusu a ma ena anáá a ma wundíyé na peyɔ́, kó a má járá náá anáá: «Ota ámó orehí na edɔŋgɔ yá Irɔŋgɔ.» Kó moto, umwesií a tá má né mo súsé hée Wanda.
Dáviti na Ojo Irɔŋgɔ a ma tómá
(Mat 22:41-46; Rúk 20:41-44)
35Ará Yésusu a ma ríi na oyeére ówó na yanje yá Irɔŋgɔ, kó a ma súsé cúcáná ejé: «Twiŋí kówo vayéere vá mbéndɔ́ vá hítyámó ojárá anáá ojo Irɔŋgɔ a ma tómá a ámó ukúmbú rá Dáviti? 36Dáviti maté naáté yá Ireréŋgi éyé mwáŋ mwáŋ a ma járá anáá:
Okí a ma járá na Okí wame anáá:
Úré ondo nuumana na ombaámbáné ramé,
ŋgo né váámó vambéebéná vɔɔ́ na cí rɔɔ ra eŋgoro.
37Dáviti maté a tɔ́ŋɔ́ anáá ojo Irɔŋgɔ a ma tómá a ámó Oki waá, kó twiŋí kówo Dáviti mwané umwesií a hítyámó orií kókó ráa?» Ncumbí wa vato a katé me vátɔ́rɔ́ na wosema wimé.
To ta geréméná weŋga ámó vayéere vá mbéndɔ́
(Mat 23:1-12; Rúk 20:45-47)
38Até éyé Yésusu a katé yeére moto uŋgimé kéeyé: «Kéríkyáno na vayéere vá mbéndɔ́ ává vá díŋgámó o té ndenda na mundute úmú mó ráhaanámó ukú ójó anáá vá wó vétíyé na urukú na pandó rá mbérúmáná; 39vá ijátámó indií ra makésyé na byanje vyá mbásóóríyé na indií ra jiní na pandó rá manyá. 40Vá mwané ává vá bɔ́wenámó kúsú rá vakótó até yimé éyé í tímbámó na itíndíkáná mwané ímwéesií vá eŋgá mbásóóríyé íjí í ráhaanámó ukú ójó anáá vá wó ená. Irɔŋgɔ a mó wó pwénísyámó otómbá vasɔ́ɔ́.»
Mómí ra owora wa kúsú ra okótó
(Rúk 21:1-4)
41Na yanje yá Irɔŋgɔ, pandó e katé rií ɔ́wɔ́ éjé vato vá katé vaána mómí ɔ́wɔ́, kó Yésusu a ma endá onuumana na wusó wá pandó mwané índi a ená ámó vato vá vaánamó mwení. Ombunu rá mbútí ó katé enda vaána vikáné vyá mwení. 42Owora wa kúsú ra okótó omo a ma endá uré, ovaá vikpama vyá mwení vívé íví ka na mpí. 43Kó Yésusu a ma bérááná vihoóhóná vyáá aye nawó anáá: «Ŋgo nó ojánámó na vatɔ́ɔ́tɔ́ anáá owora wa kúsú ra okótó ejé e mó eréena otómbá moto uŋgimé. 44Esené vasɔ́ɔ́ ávámó bimé vá mó eréena mwení íjí í ta caká o wó ríimíyé na mpí; wó je rií anáá ómwané ójó a jámámó wandá wimé, a mó eréena até yimé éyé a mó tímbe, wandá wimé ówó a mó tímbe anáá a sɔ́tɔ́ nowó.»
ទើបបានជ្រើសរើសហើយ៖
Márákoso 12: tii
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2024, CABTAL
Márákoso 12
12
Nkaná ra vato vá manɔnɔwɔ ává vá béyáanámó etémá
(Mat 21:33-46; Rúk 20:9-19)
1Yésusu a ma késyé ojáráana nawó na va ŋgé ayáá: «Moto omo a ma atá apúú rá marété má vibomá íví vyó eréenámó mɔ́wɔ, wandeena apúú mwané na iruŋge, otímé yuru, oháá yanje yá magíré kó a ma wɔ́rɔ́ vato vá manɔnɔwɔ anáá vá béerye apúú mwané kaá a ma endá na oŋgendɔ.» 2«Ará itíndíkáná rá mebuwe í ma jiné, kó a ma tóméná vato vá manɔnɔwɔ moto índi vá me tóména ŋgava raá. 3Kó vato vá manɔnɔwɔ vá ma ambááná moto ójó mása wawó a ma tómá, o me gite na ikume o me micé a enda embɔɔ́ na embɔɔ́. 4Mása wawó a ma wó tóméná hée moto undyeé, ómwané hónó vá ma me bomóná mukɔrɔ́ɔndɔ na ucé o me seyá. 5Na eŋgendɔ etató, mása a ma tómá moto undyeé kó veŋga manɔnɔwɔ vá ma me oná, owunde otómá hée vato véndyé kó vá ma nubé vámó, woná vámó. 6Mása a ma ríi a ocáná bɛ́ŋ na ombwene ráa ójó a katé caka odiŋge. Kó a ma tómá ombwene ráa mwané na mamana a buŋgana anáá vato vá manɔnɔwɔ vá né me mítyámó. 7Kó vato vá manɔnɔwɔ vá katé járá vámwané na vámwané anáá: Ó ámó mwaná wa viíndé ojó! Uráno to me oná índi to cáná na viíndé. 8Vá ma me ambááná, o me oná, o me umbe na nimé ra apúú. 9Moto wa apúú a né eŋgámó twiiŋí? A né urámó, kó a né eŋgamá anáá vá oná vato va manɔnɔwɔ amáva kó a né neénámó vato véndyé apúú. 10No ta ma bána naáté yá aŋgóŋgí ájá mwáŋ mwáŋ anáá:
Itááné éné vahaá byanje vá ma váráŋgá
nó ma búndé itááné éné nó tímbámó yanje yimé?
11Wó ámó manɔnɔwɔ má Oki,
wó ríi hée ekáné yá usi wa wandá na aŋgísó rá visó!»
12Vagónó vá vacekiye mómí vá katé sɔsɔ anáá vá ambaana Yésusu esene éyé vá ma núútáná anáá a ma kweé nkaná eméje na wusó wáwó, kó vá katé tíné ncumbí wa vato, kaá vá ma me cé hɔ́rɔ́ ma osoŋgonana.
Oyáána ówó tása ra ŋgɔ́mɔnɔ
(Mat 22:15-22; Rúk 20:20-26)
13Kó vagónó vá vacekiye mómí vá ma tómá va Pariséne vámó na vato ává na ncámbá ra Eróde índi vá ambáana Yésusu na vipéŋgé íví ví húmánámó na uŋgúté ráa maté. 14Vá ma uré ondo járá naá anáá: «Oyéere, to jembámó anáá o ámó moto ójó a ojámó vatɔ́ɔ́tɔ́, o ta tiné itɔɔ moto, o ta nemena iku ra váto kó o wó yeérámó pé rá Irɔŋgɔ bɛ́ŋ na vatɔ́ɔ́tɔ́. Yé vá géréménámó oyáákana tásá ra ŋgɔ́mɔnɔ́ ye eeŋ ye ayá? Yé no géréménámó oyáákana, yé no ta géréména oyáákana o?» 15Kó o mwané a ma ijimé va ambé va mbuŋganawó a ye nawó anáá: «Na wusi wate kówo no bo wérámó? Ŋgurénámó ano na ekpáŋga a mwani, indi ŋgéná!» 16Vá má mo uráná na ekpaŋga yá mwani Yésusu a ye nawó anáá: Póta éjé aŋgɔɔŋgi ájá, mo amo mwa ane? Kó vá atɔ́wámó anáá: «Na wusó wa ŋgɔ́mɔnɔ ójó ogónó wa ahumu.» 17Yésusu a ye nawo anáá: «Néénáno ŋgɔ́mɔnɔ ówó omo na wuso wa ogónó wa ahumu, kó ówó omo na wuso Irɔŋgɔ o néna hónó Irɔŋgɔ.» Kó vá má kékembyé ŋgundíyé mwané.
Cúcáná na wusó wá ehonowa yá vigwé
(Mat 22:23-33; Rúk 20:27-38)
18Va Saduséne vá má uráná na kɔŋgɔ Yésusu. Vá mwané vá ma járá anáá watá ówó na evérá o támó. Kó vá mó mo súsé anáá: 19«Oyéere, Mósese a ma aŋgɔ so na wuso ino anáá: Ŋge moto a timbé navéne kó a ma ŋgwé otyé okótó ka tyé mwaná ómwané obá kusu ra navene anáá indi a bonda mbɔŋɔ na wuso wa nawene. 20Va vámó navéne vá ma rií barááto na omwési. Wá wusó owɔ́rɔ́ okótó ugwé ka tye mbɔŋɔ. 21Ojo tii obá okótó mwané omwesi ugwé katyé mbɔŋɔ na wa ojo na watató hónó ugwé katyé mbɔŋɔ. 22Na bimáná barááto na umwésií omo a ta ma tyé itɔɔ mwaná. Na nimé rá vá mwané bimé kó okótó hónó a ŋgwámó. 23Na watá ówó na evérá, na ma mana a ré váto vá me honowanámó okótó mwané a me rii a mo iwa ané? Esené baráátó na umwesií bimé vá ma me bá?» 24Yésusu aye nawó anáá: Vino bimé na omo na moba. No jembámó na wusó wá até? «Esené no ta ijimé tɔɔ aŋgóŋgí ra Irɔŋgɔ tɔɔ ŋguru ra Irɔŋgɔ. 25Wó je rií anáá, itíndíkáná íjí váto vá ne ohónówámó na pando rá vigwé, vá to mó wɔ́rɔ́ tɔɔ onomoto, tɔɔ okótó, vato vá mó riyámó ámó va éŋgerese ává na máná. 26Na a te éyé énunámó vigwé iwi vigéremenámó ováta na vivéra, no ta má bana na kárate wa Mósese na oráŋá rá ikite yá vitiné vyá maráte eye é ma kate hyá ámó Irɔŋgɔ a má járá naá anáá: Ndo ámó Irɔŋgɔ wa Abaraháma Irɔŋgo wa Isaka na Irɔŋgɔ wá Yákɔ́wɔ́? 27A ta mo Irɔŋgɔ a vigwé a mo iwa va hwéné vinó bimé nómó naate yá ekáné moba.»
Mbéndɔ́ ra makésyé na mbéndɔ́ iŋgímé
(Mat 22:34-40; Rúk 10:25-28; 20:39-40)
28Oyéere wa mbéndɔ́ omo a ma kérétetá kó a mó ama owa amo va katé opétaná kó a ma ena a mo Yésusu a katé wundiye vá Sadduséne wusi kó a mo susámó anáá: «Ŋgojánámó ano mbéndɔ́ rá makésyé na makésyé na mbéndɔ́ iŋgimé?» 29Ko Yésusu a mo wundiyámó anáá: «Mbéndɔ́ ra makésyé é ámó anáá: Hwéré Isaráyéré, Oki Irɔŋgɔ wa viso a ámó Okí ómwané moká. 30O né diŋgámó Irɔŋgɔ Oki wɔɔ na otémá rɔ́ɔ́ oŋgimé na pépénɔ ra esɔ́tɔ́ rɔ́ɔ́ iŋgimana, na mbuŋgáná rɔ́ɔ́ iŋgime, kó ná ŋguru rɔ́ɔ́ iŋgimé. 31Éjé tii kósejé: Diŋgé moto ojo na kɔŋgɔ rɔ́ɔ́ sɛ́ɛm ámó mámó maté. Ogónó wa mbéndɔ́ indyé itámó éjé itómbámó iji.» 32Oyéere wa mbéndɔ́ a járámó náá anáá: «Oyééré, womo wusi na wusi omo járá wa tɔ́ɔ́tɔ́ anáá: Okí Irɔŋgɔ a ámó moká undyé a ta mo ɔ́wɔ́, 33kó o mo diŋge ówó na otémá ráá oŋgimé na mbuŋgáná ráá iŋgimé, na ŋguru ráá iŋgimé kó na o ndiŋge ówó moto ojo na kɔ́ŋgɔ́ raá a mo mwa maáté mo omo nampi o tómbámó nama iŋgimé iji no ohéenyámó na mómí iŋgimé iji vá eréenamo Irɔŋgɔ.» 34Wéná ówó Yésusu a ma ena anáá a ma wundíyé na peyɔ́, kó a má járá náá anáá: «Ota ámó orehí na edɔŋgɔ yá Irɔŋgɔ.» Kó moto, umwesií a tá má né mo súsé hée Wanda.
Dáviti na Ojo Irɔŋgɔ a ma tómá
(Mat 22:41-46; Rúk 20:41-44)
35Ará Yésusu a ma ríi na oyeére ówó na yanje yá Irɔŋgɔ, kó a ma súsé cúcáná ejé: «Twiŋí kówo vayéere vá mbéndɔ́ vá hítyámó ojárá anáá ojo Irɔŋgɔ a ma tómá a ámó ukúmbú rá Dáviti? 36Dáviti maté naáté yá Ireréŋgi éyé mwáŋ mwáŋ a ma járá anáá:
Okí a ma járá na Okí wame anáá:
Úré ondo nuumana na ombaámbáné ramé,
ŋgo né váámó vambéebéná vɔɔ́ na cí rɔɔ ra eŋgoro.
37Dáviti maté a tɔ́ŋɔ́ anáá ojo Irɔŋgɔ a ma tómá a ámó Oki waá, kó twiŋí kówo Dáviti mwané umwesií a hítyámó orií kókó ráa?» Ncumbí wa vato a katé me vátɔ́rɔ́ na wosema wimé.
To ta geréméná weŋga ámó vayéere vá mbéndɔ́
(Mat 23:1-12; Rúk 20:45-47)
38Até éyé Yésusu a katé yeére moto uŋgimé kéeyé: «Kéríkyáno na vayéere vá mbéndɔ́ ává vá díŋgámó o té ndenda na mundute úmú mó ráhaanámó ukú ójó anáá vá wó vétíyé na urukú na pandó rá mbérúmáná; 39vá ijátámó indií ra makésyé na byanje vyá mbásóóríyé na indií ra jiní na pandó rá manyá. 40Vá mwané ává vá bɔ́wenámó kúsú rá vakótó até yimé éyé í tímbámó na itíndíkáná mwané ímwéesií vá eŋgá mbásóóríyé íjí í ráhaanámó ukú ójó anáá vá wó ená. Irɔŋgɔ a mó wó pwénísyámó otómbá vasɔ́ɔ́.»
Mómí ra owora wa kúsú ra okótó
(Rúk 21:1-4)
41Na yanje yá Irɔŋgɔ, pandó e katé rií ɔ́wɔ́ éjé vato vá katé vaána mómí ɔ́wɔ́, kó Yésusu a ma endá onuumana na wusó wá pandó mwané índi a ená ámó vato vá vaánamó mwení. Ombunu rá mbútí ó katé enda vaána vikáné vyá mwení. 42Owora wa kúsú ra okótó omo a ma endá uré, ovaá vikpama vyá mwení vívé íví ka na mpí. 43Kó Yésusu a ma bérááná vihoóhóná vyáá aye nawó anáá: «Ŋgo nó ojánámó na vatɔ́ɔ́tɔ́ anáá owora wa kúsú ra okótó ejé e mó eréena otómbá moto uŋgimé. 44Esené vasɔ́ɔ́ ávámó bimé vá mó eréena mwení íjí í ta caká o wó ríimíyé na mpí; wó je rií anáá ómwané ójó a jámámó wandá wimé, a mó eréena até yimé éyé a mó tímbe, wandá wimé ówó a mó tímbe anáá a sɔ́tɔ́ nowó.»
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2024, CABTAL