Matyáasa 25
25
Nkaná ra ŋgwande rá vakótó yábɔ́t íjí kím
1Yésusu a ma kweé hée nkaná ejé ayáá: «Edɔŋgɔ éyé na máná é ámó amó oráŋá rá ŋgwande rá vakótó yábɔ́t íjí í ma ríi yó arɔ́wɔ́ kím kó í ma wɔ́rɔ́ va rámba váwó ohúmé anáá vá endá bérúme na moto ójó a ma geréméná obaána. 2Vátáánó na raaté wawó vá ta ma táŋga, ávámó ává vátáánó vá taŋga. 3Ará vá ma wɔ́rɔ́ va rámba, ŋgwande rá vakótó ísáánó íjí í ta ma taŋga í ta ma vétéena keresíne wa wuswiiye na kɔ́ŋgɔ́. 4Kaá iji ísáánó íjí í ma taŋgá í ma vétééná keresíne omo na mbósó. 5Kó ámó moto ójó a ma gerémená obáána a ta ma soŋgíye ojine, kó bimé vá ma maná séremana, tonó o wó wɔ́rɔ́nɔ. 6Ohúmé ówó na raaté wa wutúú, vá ma híráná wová ekáné yá ndurume e járá anáá: Moto ójó a geremenamó obaána a enda húmé, húmáno no enda bérúme naá! 7Kó ŋgwande rá vakótó imíji íŋgímé í ma honówáná onévíyána va rámba váwó. 8Ŋgwande rá vakótó íjí ísáánó íjí ka taŋga í ma járá na iji í ma taŋgá anáá: Kutu kutu o só hwámáno mwaná wa keresíne wa vinó esene éyé va rámba vá visó vá hiíhindyámó. 9Ava vá ma taŋgá vá ma wó wundíyé anáá: Mbéndɔ́, to ta hítí o nó hwá esene éyé a ta né geremena na wusó wá vinó na visó! Ndáno na vato ává vá sérámó no kuse wa vinó. 10Na wéŋga ówó anáá vá endá ondo kuse, moto ójó a ma geréméná obaána a ma cáná jíne. Ŋgwande rá vakótó íjí í mwané í ma ríi váhéndé váhéndé í ma iŋgááná na yanje yá ibínó, kó vá ma bendééná ohótó. 11Na nimé raá, ŋgwande rá vakótó íjí í ma endá ondo sɔsɔ keresíne í ma endá váwúndye okésyé ogite ohótó vá járá anáá: Ogoó, Ogoó, o só bunénámó ohótó. 12Kó moto ójó a ma geréméná obaána a ma wó wúndíyé anáá: Ŋgo nó ojánámó na vatɔ́ɔ́tɔ́ anáá noó ta nó jémbé.» 13Kó Yésusu a ma uswíyé anáá: «Ríyánó sɔɔ́ kwɛ́ɛ́ŋ esene éyé no ta jembé isí ítɔɔ itíndíkáná.»
Nkaná ra veŋga manɔnɔwɔ vátátó
(Rúk 19:12-27)
14Ó ámó amó moto omo a ma eŋga na wéŋga ówó anáá a komesana oŋgendɔ, a ma bérááná veŋga manɔnɔwɔ váá o wó céná ekúmé ráá. 15A ma céná omo vikpama vyá mwení vítáánó, ojomo vívé, wa mamana ekpama imwéesií, a ma wó céná ámó moto na ŋguru raá kó a ma endá na oŋgendɔ. 16Kó ojó a ma tímbé vikpama vyá mwení vítáánó a ma endá kwakwa okésyé mékíte kó a ma wundé otimbe hée vikpama vítáánó na máná. 17Ojo a ma timbé vikpama vívé honó a ma eŋgá sɛ́ɛm wa wandá owunde otimbe vikpama vívé na máná. 18Kó ojo a ma timbé ekpama ímwéesií, ómwané a ma endá otímé evévérá naáté yá cí, waseena mwení rá mása waá ɔ́wɔ́. 19Kó na nimé ra vikáné vyá metúú, mása wawó a ma endá etá kó a ma késyé o wó césyé. 20Eŋga manɔnɔwɔ ójó a ma timbé vikpama vyá mwení vítáánó a ma téréméná otíhíye vikpama vítáánó íví a ma timbé na máná ayáá: «Mása, o ma céná vikpama vyá mwení vítáánó, kó ŋgo ma wundé otimbe hée vitáánó kíivi. 21Kó mása a ma járá naá anáá: Ó ámó wusi, o ámó kírítítí wa eŋga manɔnɔwɔ, ámó o mó rií kírítítí na motéé úmú dekétií, ŋgo né wo hwámó hée motéé mbunu. Úré ondo taka orɔŋgɔ name. 22Ojo a ma timbé vikpama vívé a ma téréméná aye naá anáá: Mása, o ma céná vikpama vívé, kó ŋgo má cáná tímbe vikpama vívé na máná, kíiví 23Kó mása waá a ma járá naá anáá: Ó ámó wusi, o ámó kírítítí wa eŋga manɔnɔwɔ, ámó o mó rií kírítítí na motéé úmú dekétií, ŋgo né wo hwámó hée motéé mbunu. Úré ondo taka orɔŋgɔ name. 24Kaá na mamana, ojo a ma tímbé ekpama ímwéesií a ma kera ayáá: Mása, ŋgo katé jembe anáá o ámó moto ójó a rarámó: O buwámó ará o ta ma néma, kó o tótámó vibomá na pandó éjé ó ta ma sása masámá ɔ́wɔ́. 25Ŋgo má tíné kó ŋgo má endá aseena mwení rɔɔ́ na cí, wɔ́rɔ́ kíijí. 26Mása waá a ma me wundíyé anáá: O ámó ombé wa eŋga manɔnɔwɔ, ondɔ́mbé! O ma jembé anáá mbuwámó pandó éjé ta ma néma, tótá vibomá pandó éjé ta ma sasa masámá. 27O ma geréméná sɔ́ ondo mice mwení ramé na báŋa ukú ójó anáá ará ŋgo mó éŋga ŋgo nde etá, noó wénda ondo wɔ́rɔ́ na ebyáná. 28Kó mása a ma járá anáá: Wɔ́rɔ́no ekpama éyé a timbámó no eréena ojo a timbámó vikpama vyábɔ́t. 29Ɛɛŋ, ojo a timbaanámó, vá mó wúndámó o me hwá kó a mó wúndámó hée otimbe nasesi, kaá ojo ka timbe, vá mó wúndámó hónó obɔɔ ítɔɔ mwaná wa abímí ójó a tímbámó. 30Kó naáté éyé é néménámó ondɔ́mbé wa eŋga manɔnɔwɔ eyé, o me umbámánó na naŋgáté na mbínó: Ɔ́wɔ́, a né endámó vaŋga a vandona vikárátá.»
Jósi wa mamana
31«Ará Mwaná moto a mó urámó naáté yá niimí náa orɔŋgɔ na va éŋgerese bimé, a mó núumanámó na undií ráa rá nohumu. 32Mayɔŋɔ mimé ámá na cí ra ndono má mó váwónjéenámó na aŋgísó ráa kó a mó sámó vato ámó abeerye mutíri a sámó vitómbá na mbuíní mbáambá. 33A mó váámó vitómbá na ombɔɔ́ ráa rá enémé, mbuíní mbáambá na ombɔɔ́ ráa rá vakótó. 34Kó ahumu a mó járámó na vato ává vá mó ríyámó na ombɔɔ́ ráá rá enémé anáá: Úráno, vinó ává Tetáŋgá a ma utáná nosanjá, wɔ́rɔ́no Edɔŋgɔ éyé Irɔŋgɔ a ma nó héehéndéná okésyé ówó na ebondéná yá cí ra ndono. 35Esené ŋgo ma ová njeŋge kó no ma pwá manyá, noó wová nití, vinó opwá até éyé ŋgo ma hítí ovényú, noó orií oŋgíní kó no ma ŋgaká, 36ŋgo ma ríi ntímbí, kó no ma káá cunú, ŋgo ma ríi enɔ́, vinó ombeerye, noó orií na mboo, vinó wuré ondo peremena. 37Kó ava vá ma eŋgá mbaŋgéna ra Irɔŋgɔ vá mó me súsámó anáá: Okí, héní kówo visó to ma wo ená njeŋge e wo nɔ́ kó to ma wo hwá manyá, ítɔɔ nití nó wo timbe kó to ma wo hwá até éyé o ma pítí ovényu? 38Héní kówo to ma wo ená oŋginí kó to ma wo aká, ítɔɔ orií ntímbí kó to ma wo váá cunú? 39Héní kówo to ma wo ená enɔ́ ítɔɔ na mboo kó to ma uré ondo wo ená? 40Kó ahumu a mó wó wúndiyámó anáá: Ŋgo nó ojánámó na vatɔ́ɔ́tɔ́ anáá: Itíndíkáná íŋgímé íjí no eŋgámó mambá mwané na mwaná wa navéne wame umweesií ojó, ó ámó noó kójo no mó ŋgéŋga. 41Tii waá ahumu ámó járámó na ava vá mó ríyámó na ombɔɔ́ ráa rá vakótó anáá: Ndáno urehí name vinó ává na iyɔɔ! Ndáno naáté yá ihyáné íjí na kɔ́rɔ́tɔ́tɔ́ íjí vá ma héehéndá na wusó wá Saátana na va éŋgerese váá. 42Esené ŋgo ma ová njeŋge kó no ta ma pwá manyá, noó wová nití, vinó ka pwá até éyé ŋgo ma pítí ovényú; 43noó orií oŋgíní kó no ta ma ŋgaká; ntímbí vinó ka nkaá cunú, enɔ́, vinó ka mbeerye, na mboo, vinó ka uré ondo peremena. 44Kó vá mwané hónó vá mó járámó na ahumu anáá: Okí, héní kówo visó to ma wo ená njeŋge, ítɔɔ na nití, ítɔɔ oŋginí, ntúmbí, enɔ́ ítɔɔ na mboo kó to ta ma wo aka? 45Kaá ahumu a mó wó wúndiyámó anáá: Ŋgo nó ojánámó na vatɔ́ɔ́tɔ́ anáá: Itíndíkáná iŋgímé íjí no ta eŋgá mamba amáma na wusó wá mwaná wa navéne wame umweesií ojó, ó ámó noó kójo no mó mbáráŋgena mamba mwané. 46Kó vato mwané ává vá ta eŋgá mbaŋgéná ra Irɔŋgɔ vá mó endámó naáté yá pwénísi éjé ka mana, kaá ava vá eŋgámó mbaŋgéná ra Irɔŋgɔ wenda na esɔ́tɔ́ éyé kɔ́rɔ́tɔ́tɔ́.»
ទើបបានជ្រើសរើសហើយ៖
Matyáasa 25: tii
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2024, CABTAL
Matyáasa 25
25
Nkaná ra ŋgwande rá vakótó yábɔ́t íjí kím
1Yésusu a ma kweé hée nkaná ejé ayáá: «Edɔŋgɔ éyé na máná é ámó amó oráŋá rá ŋgwande rá vakótó yábɔ́t íjí í ma ríi yó arɔ́wɔ́ kím kó í ma wɔ́rɔ́ va rámba váwó ohúmé anáá vá endá bérúme na moto ójó a ma geréméná obaána. 2Vátáánó na raaté wawó vá ta ma táŋga, ávámó ává vátáánó vá taŋga. 3Ará vá ma wɔ́rɔ́ va rámba, ŋgwande rá vakótó ísáánó íjí í ta ma taŋga í ta ma vétéena keresíne wa wuswiiye na kɔ́ŋgɔ́. 4Kaá iji ísáánó íjí í ma taŋgá í ma vétééná keresíne omo na mbósó. 5Kó ámó moto ójó a ma gerémená obáána a ta ma soŋgíye ojine, kó bimé vá ma maná séremana, tonó o wó wɔ́rɔ́nɔ. 6Ohúmé ówó na raaté wa wutúú, vá ma híráná wová ekáné yá ndurume e járá anáá: Moto ójó a geremenamó obaána a enda húmé, húmáno no enda bérúme naá! 7Kó ŋgwande rá vakótó imíji íŋgímé í ma honówáná onévíyána va rámba váwó. 8Ŋgwande rá vakótó íjí ísáánó íjí ka taŋga í ma járá na iji í ma taŋgá anáá: Kutu kutu o só hwámáno mwaná wa keresíne wa vinó esene éyé va rámba vá visó vá hiíhindyámó. 9Ava vá ma taŋgá vá ma wó wundíyé anáá: Mbéndɔ́, to ta hítí o nó hwá esene éyé a ta né geremena na wusó wá vinó na visó! Ndáno na vato ává vá sérámó no kuse wa vinó. 10Na wéŋga ówó anáá vá endá ondo kuse, moto ójó a ma geréméná obaána a ma cáná jíne. Ŋgwande rá vakótó íjí í mwané í ma ríi váhéndé váhéndé í ma iŋgááná na yanje yá ibínó, kó vá ma bendééná ohótó. 11Na nimé raá, ŋgwande rá vakótó íjí í ma endá ondo sɔsɔ keresíne í ma endá váwúndye okésyé ogite ohótó vá járá anáá: Ogoó, Ogoó, o só bunénámó ohótó. 12Kó moto ójó a ma geréméná obaána a ma wó wúndíyé anáá: Ŋgo nó ojánámó na vatɔ́ɔ́tɔ́ anáá noó ta nó jémbé.» 13Kó Yésusu a ma uswíyé anáá: «Ríyánó sɔɔ́ kwɛ́ɛ́ŋ esene éyé no ta jembé isí ítɔɔ itíndíkáná.»
Nkaná ra veŋga manɔnɔwɔ vátátó
(Rúk 19:12-27)
14Ó ámó amó moto omo a ma eŋga na wéŋga ówó anáá a komesana oŋgendɔ, a ma bérááná veŋga manɔnɔwɔ váá o wó céná ekúmé ráá. 15A ma céná omo vikpama vyá mwení vítáánó, ojomo vívé, wa mamana ekpama imwéesií, a ma wó céná ámó moto na ŋguru raá kó a ma endá na oŋgendɔ. 16Kó ojó a ma tímbé vikpama vyá mwení vítáánó a ma endá kwakwa okésyé mékíte kó a ma wundé otimbe hée vikpama vítáánó na máná. 17Ojo a ma timbé vikpama vívé honó a ma eŋgá sɛ́ɛm wa wandá owunde otimbe vikpama vívé na máná. 18Kó ojo a ma timbé ekpama ímwéesií, ómwané a ma endá otímé evévérá naáté yá cí, waseena mwení rá mása waá ɔ́wɔ́. 19Kó na nimé ra vikáné vyá metúú, mása wawó a ma endá etá kó a ma késyé o wó césyé. 20Eŋga manɔnɔwɔ ójó a ma timbé vikpama vyá mwení vítáánó a ma téréméná otíhíye vikpama vítáánó íví a ma timbé na máná ayáá: «Mása, o ma céná vikpama vyá mwení vítáánó, kó ŋgo ma wundé otimbe hée vitáánó kíivi. 21Kó mása a ma járá naá anáá: Ó ámó wusi, o ámó kírítítí wa eŋga manɔnɔwɔ, ámó o mó rií kírítítí na motéé úmú dekétií, ŋgo né wo hwámó hée motéé mbunu. Úré ondo taka orɔŋgɔ name. 22Ojo a ma timbé vikpama vívé a ma téréméná aye naá anáá: Mása, o ma céná vikpama vívé, kó ŋgo má cáná tímbe vikpama vívé na máná, kíiví 23Kó mása waá a ma járá naá anáá: Ó ámó wusi, o ámó kírítítí wa eŋga manɔnɔwɔ, ámó o mó rií kírítítí na motéé úmú dekétií, ŋgo né wo hwámó hée motéé mbunu. Úré ondo taka orɔŋgɔ name. 24Kaá na mamana, ojo a ma tímbé ekpama ímwéesií a ma kera ayáá: Mása, ŋgo katé jembe anáá o ámó moto ójó a rarámó: O buwámó ará o ta ma néma, kó o tótámó vibomá na pandó éjé ó ta ma sása masámá ɔ́wɔ́. 25Ŋgo má tíné kó ŋgo má endá aseena mwení rɔɔ́ na cí, wɔ́rɔ́ kíijí. 26Mása waá a ma me wundíyé anáá: O ámó ombé wa eŋga manɔnɔwɔ, ondɔ́mbé! O ma jembé anáá mbuwámó pandó éjé ta ma néma, tótá vibomá pandó éjé ta ma sasa masámá. 27O ma geréméná sɔ́ ondo mice mwení ramé na báŋa ukú ójó anáá ará ŋgo mó éŋga ŋgo nde etá, noó wénda ondo wɔ́rɔ́ na ebyáná. 28Kó mása a ma járá anáá: Wɔ́rɔ́no ekpama éyé a timbámó no eréena ojo a timbámó vikpama vyábɔ́t. 29Ɛɛŋ, ojo a timbaanámó, vá mó wúndámó o me hwá kó a mó wúndámó hée otimbe nasesi, kaá ojo ka timbe, vá mó wúndámó hónó obɔɔ ítɔɔ mwaná wa abímí ójó a tímbámó. 30Kó naáté éyé é néménámó ondɔ́mbé wa eŋga manɔnɔwɔ eyé, o me umbámánó na naŋgáté na mbínó: Ɔ́wɔ́, a né endámó vaŋga a vandona vikárátá.»
Jósi wa mamana
31«Ará Mwaná moto a mó urámó naáté yá niimí náa orɔŋgɔ na va éŋgerese bimé, a mó núumanámó na undií ráa rá nohumu. 32Mayɔŋɔ mimé ámá na cí ra ndono má mó váwónjéenámó na aŋgísó ráa kó a mó sámó vato ámó abeerye mutíri a sámó vitómbá na mbuíní mbáambá. 33A mó váámó vitómbá na ombɔɔ́ ráa rá enémé, mbuíní mbáambá na ombɔɔ́ ráa rá vakótó. 34Kó ahumu a mó járámó na vato ává vá mó ríyámó na ombɔɔ́ ráá rá enémé anáá: Úráno, vinó ává Tetáŋgá a ma utáná nosanjá, wɔ́rɔ́no Edɔŋgɔ éyé Irɔŋgɔ a ma nó héehéndéná okésyé ówó na ebondéná yá cí ra ndono. 35Esené ŋgo ma ová njeŋge kó no ma pwá manyá, noó wová nití, vinó opwá até éyé ŋgo ma hítí ovényú, noó orií oŋgíní kó no ma ŋgaká, 36ŋgo ma ríi ntímbí, kó no ma káá cunú, ŋgo ma ríi enɔ́, vinó ombeerye, noó orií na mboo, vinó wuré ondo peremena. 37Kó ava vá ma eŋgá mbaŋgéna ra Irɔŋgɔ vá mó me súsámó anáá: Okí, héní kówo visó to ma wo ená njeŋge e wo nɔ́ kó to ma wo hwá manyá, ítɔɔ nití nó wo timbe kó to ma wo hwá até éyé o ma pítí ovényu? 38Héní kówo to ma wo ená oŋginí kó to ma wo aká, ítɔɔ orií ntímbí kó to ma wo váá cunú? 39Héní kówo to ma wo ená enɔ́ ítɔɔ na mboo kó to ma uré ondo wo ená? 40Kó ahumu a mó wó wúndiyámó anáá: Ŋgo nó ojánámó na vatɔ́ɔ́tɔ́ anáá: Itíndíkáná íŋgímé íjí no eŋgámó mambá mwané na mwaná wa navéne wame umweesií ojó, ó ámó noó kójo no mó ŋgéŋga. 41Tii waá ahumu ámó járámó na ava vá mó ríyámó na ombɔɔ́ ráa rá vakótó anáá: Ndáno urehí name vinó ává na iyɔɔ! Ndáno naáté yá ihyáné íjí na kɔ́rɔ́tɔ́tɔ́ íjí vá ma héehéndá na wusó wá Saátana na va éŋgerese váá. 42Esené ŋgo ma ová njeŋge kó no ta ma pwá manyá, noó wová nití, vinó ka pwá até éyé ŋgo ma pítí ovényú; 43noó orií oŋgíní kó no ta ma ŋgaká; ntímbí vinó ka nkaá cunú, enɔ́, vinó ka mbeerye, na mboo, vinó ka uré ondo peremena. 44Kó vá mwané hónó vá mó járámó na ahumu anáá: Okí, héní kówo visó to ma wo ená njeŋge, ítɔɔ na nití, ítɔɔ oŋginí, ntúmbí, enɔ́ ítɔɔ na mboo kó to ta ma wo aka? 45Kaá ahumu a mó wó wúndiyámó anáá: Ŋgo nó ojánámó na vatɔ́ɔ́tɔ́ anáá: Itíndíkáná iŋgímé íjí no ta eŋgá mamba amáma na wusó wá mwaná wa navéne wame umweesií ojó, ó ámó noó kójo no mó mbáráŋgena mamba mwané. 46Kó vato mwané ává vá ta eŋgá mbaŋgéná ra Irɔŋgɔ vá mó endámó naáté yá pwénísi éjé ka mana, kaá ava vá eŋgámó mbaŋgéná ra Irɔŋgɔ wenda na esɔ́tɔ́ éyé kɔ́rɔ́tɔ́tɔ́.»
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2024, CABTAL