Rúkasa 14
14
Yésusu a ondónámó isí yá sábata
1Yésusu iŋgaanámó na janje yá ogónó omo wa va parisene anáá enda nyányá, vato ava a ma etiye naate yá yanje mwané vá ma kate o mo kweesye. 2Enɔ yá moto emo nótó virusu na virusu eteremenámó na wuso wa Yésusu 3Kó Yésusu a susámó vá jembe mbéndɔ́ na va parisene anáá: «Ye moto a timbámó ŋguru éjé anáá odona moto esí yá ihuwe?» 4Kó vá tama ma wundiye ŋgarána. Kó Yésusu a tahetámó enɔ omo ndona a ye anáá ndá. 5Kó a ma járá na awo anáá: «Ane ójó na vinó kójó ombwene ráá itɔɔ ndɔne ráá yá oba na itamba a teno kuré otéta anáá enda ohumye itɔɔ omo rií isí yá ihuwe?» 6Vá ma bwena uŋgúté ka timbe wandá wá o me wundiye.
Wijata ówó undií
7Yésusu a ma ená ámó vato ává vá ma tehana na ibínó vá katé tutuwana indií ra wuso, kó a ma járá nawó anáá: 8«Tama éjé moto a mó wo tehana na ibínó yá noba, mamo ka nde nuumana na undií rá niimí esene éyé ó ámó orií anáá vá má téháná moto undyeé ójó na mpí o wo tómbá.» 9Njárámó náná esene éyé moto ójó a má nó tehana vinó bime a uré, a ámó ójó weŋga nɔɔ anáá hatena, nééná moto ojó undií, mámó nda núumana na nimé, kó o né haatenámó na wuswani bimé. 10Tama éjé o mó rií tehaneri, nda nuumana na undií ra mamana ombóta ójó anáá are moto ójó a má wo tehana a urámó, índi a járá nɔɔ anáá, mbérá wame haatena ondo nuumana na wuso, Hɔrɔnɔ kó owó o me timbana niimí na aŋgísó ra vato ava vá má téháná 11Esené eye anáá moto ójó ane vá netyámó a me ryámó sisyeri ójó ane va sisyámó ane ryámó netyéri.
12Yésusu a ma járá na ójó a má me tehana anáá: «Tama éjé otanámó ibínó na wusi itɔɔ na wutúú ma amo ka tehana bɛ́ŋ vá béra wɔ́ɔ́ itɔɔ va nɔɔvene wɔ́ɔ́ itɔɔ noyomo nɔ́ɔ́ va néŋgɔ́ néŋgɔ́ bɔɔ ává mbúti, esene éyé eye anáá ará vá mwané hónó vá tanámó ibínó vá ne wo tehanámó kó vá ne ówó wundiyámó ate eye o ma ówó hwá.» 13Wó je rií anáá tama éjé otanámó ibínó, téháná va wora va eŋgegewu na vato va muyemé 14Hɔrɔnɔ ówó omo rií ámó na vitaka esene éyé eye anáá va ta timbe wandá ówó vá mó owundiyé no ówó. O mó timbámó ipeyi yɔ́ɔ́ ará vato ává vá ma ríi ndíŋgirííŋ vá mó húmánámó na vivera.
Nkana ra ekáné yá ibínó
15Na weŋga ówó anáá va mana watɔrɔ enjárá, umweesií na vato ava vá ma rií tehaneri a ma járá na Yésusu anáá: «Vitaka irií na ójó a mo timbámó gava ra manyá na ibínó eye na homó ówó Irɔŋgɔ a jwámó.» 16Yésusu ámó ojánámó oraŋá ayáá: Moto a ma tana ekáné yá ibínó kó a ma tehana vato mbunu. 17Na itíndíkáná rá onyányá a tomámó yeŋga mɔɔnɔ yá anáá enda járá na vato ává vá má rií tehanerí anáá: Úráno manyá mɔ humé 18kó vato ává vá má rií tehaneri vá ma késyé osúsé vijukáná váye na yeŋga manɔnɔwɔ anáá vá ta timbé tama. Wa makésyé a ye anáá, jwámó ŋgo ré kuse jáná ŋgeremenámó anáá ŋgo enda ená 19Ójó tii a ye anáá ŋge ma kuse ndɔne yábɔt ŋgo okoranámó jwámó ŋgo endámó owó máá na mɔɔnɔ 20Ojomo hée ayáá ŋge re baana na wuso mwané kó owó no ta hítí wa uré 21Yeŋga mɔɔnɔ e wundámó o nde ojána oyéére wa ŋgarána rá vato ává vá ma rií tehaneri. Moto wa yanje a ma ová urúndu kó a ma járá na yeŋga manɔnɔwɔ yáá anáá: Ndá kwa-kwa na masaráŋgana ítɔɔ na pé íjí na oŋgórá indi wuré na vawora, vato vá moyémé na byewu eéná. 22Mwa itíndíkáná otómbá, yeŋga mɔɔnɔ e wundamo wenda ojárá ná oyéere wáá anáá: Oyeere até eye o mó súsé yá má ne weŋgevena itɔɔ náná pando yá rɔ́ɔ́. 23Oyéére a ma járá na yeŋga mɔɔnɔ yáá anáá: Nda na pé ra nkɔndo ambaana vato na ŋguru ámó na oboto ójó anáá yanje yá ame enuwé 24Kó njárámó na vinó anáá, moto umweesií na vato ává vá ma rií téhánérí a ta né maa manyá mámé.
Wa ndiŋge anáá obyɔɔnɔ Yésusu yewe wandá wimé
25Ekane yá ijiŋge ra vato i kate byɔnɔ Yésusu kó Yésusu a búndámó eta ówó nemena a ma járá nawó a ye anáá: 26Moto eŋga anáá a byɔnámó a géremenámó o ndiŋge otómbá isyé na netí, itɔɔ egé na vaana, itɔɔ va navene, na mbéní ráá ítɔɔ ómwané mate ka náná a ta hítí orií ehoóhóná yámé. 27Ójó ata byá koroso ráá ombyɔnɔ ata hítí o rií ehóóhona yá ame 28Esené tama éjé umweesií ójó na vinó a diŋgámó anáá a háá yanje si a manámó onuumana obuŋgana, owoba taŋa na táŋgó ra mwení íjí a né húmyámó, kaá o wa súsé cucáná anáá ye ŋgo ne manámó maate mɔɔnɔ amo? 29Kó a kesye oháá yanje ka timbe ŋguru ra omana, kesí vato ává vá né enámó yanje eméye ka mana vá né me pkeérámó? 30Kó vá ne járámó anáá, heée! Moto ójó a má kesye oháá yanje ka timbe ŋguru ra omana! 31Sɛ́ɛm mwané kójo, tama éjé ahumu omó endámó na vita a kesyámó obuŋgana ŋge a vityámó o nɔ́ vita na sɔɔ ahumu. A kesyámó obuŋgana ŋge a pityámó o nɔɔ vita na visimbi tɔɔsini yábɔt hɔ́rɔ́ ojomo a timbámó visimbi tɔɔsini mawo mavane 32Ŋge a ená anáá a ta hítí, a tomámó moto hɔrɔ́ a árɔ́wɔ́ oyáva indi a me súsé ate eye a gérémenámó weŋga anáá dɔ́ŋgɔrɔ́ɔ́ŋ a rií na raaté wawó. 33Kó Yésusu a ma járá nawó anáá moto erií ka rií berebe anáá a céŋgítye até éyé a timbámó a ta hítí orií ehóóhona yámé.
Ŋgono éjé ka na mpí
34Ŋgono e nyemámó wandá, kó ŋgé ŋgono yá déŋgyé wosema wáá, na ate kówo vá ne me wundiyámó osema mwané? 35E ta ne rií na mpí tɔɔ na wusó ówó anáá vá váá na cí índi até éyé vá némámó é búkumana, e cánámó bɛ́ŋ anáá vá umbé. Ojo na etú rá wová ómwané wová.
ទើបបានជ្រើសរើសហើយ៖
Rúkasa 14: tii
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2024, CABTAL
Rúkasa 14
14
Yésusu a ondónámó isí yá sábata
1Yésusu iŋgaanámó na janje yá ogónó omo wa va parisene anáá enda nyányá, vato ava a ma etiye naate yá yanje mwané vá ma kate o mo kweesye. 2Enɔ yá moto emo nótó virusu na virusu eteremenámó na wuso wa Yésusu 3Kó Yésusu a susámó vá jembe mbéndɔ́ na va parisene anáá: «Ye moto a timbámó ŋguru éjé anáá odona moto esí yá ihuwe?» 4Kó vá tama ma wundiye ŋgarána. Kó Yésusu a tahetámó enɔ omo ndona a ye anáá ndá. 5Kó a ma járá na awo anáá: «Ane ójó na vinó kójó ombwene ráá itɔɔ ndɔne ráá yá oba na itamba a teno kuré otéta anáá enda ohumye itɔɔ omo rií isí yá ihuwe?» 6Vá ma bwena uŋgúté ka timbe wandá wá o me wundiye.
Wijata ówó undií
7Yésusu a ma ená ámó vato ává vá ma tehana na ibínó vá katé tutuwana indií ra wuso, kó a ma járá nawó anáá: 8«Tama éjé moto a mó wo tehana na ibínó yá noba, mamo ka nde nuumana na undií rá niimí esene éyé ó ámó orií anáá vá má téháná moto undyeé ójó na mpí o wo tómbá.» 9Njárámó náná esene éyé moto ójó a má nó tehana vinó bime a uré, a ámó ójó weŋga nɔɔ anáá hatena, nééná moto ojó undií, mámó nda núumana na nimé, kó o né haatenámó na wuswani bimé. 10Tama éjé o mó rií tehaneri, nda nuumana na undií ra mamana ombóta ójó anáá are moto ójó a má wo tehana a urámó, índi a járá nɔɔ anáá, mbérá wame haatena ondo nuumana na wuso, Hɔrɔnɔ kó owó o me timbana niimí na aŋgísó ra vato ava vá má téháná 11Esené eye anáá moto ójó ane vá netyámó a me ryámó sisyeri ójó ane va sisyámó ane ryámó netyéri.
12Yésusu a ma járá na ójó a má me tehana anáá: «Tama éjé otanámó ibínó na wusi itɔɔ na wutúú ma amo ka tehana bɛ́ŋ vá béra wɔ́ɔ́ itɔɔ va nɔɔvene wɔ́ɔ́ itɔɔ noyomo nɔ́ɔ́ va néŋgɔ́ néŋgɔ́ bɔɔ ává mbúti, esene éyé eye anáá ará vá mwané hónó vá tanámó ibínó vá ne wo tehanámó kó vá ne ówó wundiyámó ate eye o ma ówó hwá.» 13Wó je rií anáá tama éjé otanámó ibínó, téháná va wora va eŋgegewu na vato va muyemé 14Hɔrɔnɔ ówó omo rií ámó na vitaka esene éyé eye anáá va ta timbe wandá ówó vá mó owundiyé no ówó. O mó timbámó ipeyi yɔ́ɔ́ ará vato ává vá ma ríi ndíŋgirííŋ vá mó húmánámó na vivera.
Nkana ra ekáné yá ibínó
15Na weŋga ówó anáá va mana watɔrɔ enjárá, umweesií na vato ava vá ma rií tehaneri a ma járá na Yésusu anáá: «Vitaka irií na ójó a mo timbámó gava ra manyá na ibínó eye na homó ówó Irɔŋgɔ a jwámó.» 16Yésusu ámó ojánámó oraŋá ayáá: Moto a ma tana ekáné yá ibínó kó a ma tehana vato mbunu. 17Na itíndíkáná rá onyányá a tomámó yeŋga mɔɔnɔ yá anáá enda járá na vato ává vá má rií tehanerí anáá: Úráno manyá mɔ humé 18kó vato ává vá má rií tehaneri vá ma késyé osúsé vijukáná váye na yeŋga manɔnɔwɔ anáá vá ta timbé tama. Wa makésyé a ye anáá, jwámó ŋgo ré kuse jáná ŋgeremenámó anáá ŋgo enda ená 19Ójó tii a ye anáá ŋge ma kuse ndɔne yábɔt ŋgo okoranámó jwámó ŋgo endámó owó máá na mɔɔnɔ 20Ojomo hée ayáá ŋge re baana na wuso mwané kó owó no ta hítí wa uré 21Yeŋga mɔɔnɔ e wundámó o nde ojána oyéére wa ŋgarána rá vato ává vá ma rií tehaneri. Moto wa yanje a ma ová urúndu kó a ma járá na yeŋga manɔnɔwɔ yáá anáá: Ndá kwa-kwa na masaráŋgana ítɔɔ na pé íjí na oŋgórá indi wuré na vawora, vato vá moyémé na byewu eéná. 22Mwa itíndíkáná otómbá, yeŋga mɔɔnɔ e wundamo wenda ojárá ná oyéere wáá anáá: Oyeere até eye o mó súsé yá má ne weŋgevena itɔɔ náná pando yá rɔ́ɔ́. 23Oyéére a ma járá na yeŋga mɔɔnɔ yáá anáá: Nda na pé ra nkɔndo ambaana vato na ŋguru ámó na oboto ójó anáá yanje yá ame enuwé 24Kó njárámó na vinó anáá, moto umweesií na vato ává vá ma rií téhánérí a ta né maa manyá mámé.
Wa ndiŋge anáá obyɔɔnɔ Yésusu yewe wandá wimé
25Ekane yá ijiŋge ra vato i kate byɔnɔ Yésusu kó Yésusu a búndámó eta ówó nemena a ma járá nawó a ye anáá: 26Moto eŋga anáá a byɔnámó a géremenámó o ndiŋge otómbá isyé na netí, itɔɔ egé na vaana, itɔɔ va navene, na mbéní ráá ítɔɔ ómwané mate ka náná a ta hítí orií ehoóhóná yámé. 27Ójó ata byá koroso ráá ombyɔnɔ ata hítí o rií ehóóhona yá ame 28Esené tama éjé umweesií ójó na vinó a diŋgámó anáá a háá yanje si a manámó onuumana obuŋgana, owoba taŋa na táŋgó ra mwení íjí a né húmyámó, kaá o wa súsé cucáná anáá ye ŋgo ne manámó maate mɔɔnɔ amo? 29Kó a kesye oháá yanje ka timbe ŋguru ra omana, kesí vato ává vá né enámó yanje eméye ka mana vá né me pkeérámó? 30Kó vá ne járámó anáá, heée! Moto ójó a má kesye oháá yanje ka timbe ŋguru ra omana! 31Sɛ́ɛm mwané kójo, tama éjé ahumu omó endámó na vita a kesyámó obuŋgana ŋge a vityámó o nɔ́ vita na sɔɔ ahumu. A kesyámó obuŋgana ŋge a pityámó o nɔɔ vita na visimbi tɔɔsini yábɔt hɔ́rɔ́ ojomo a timbámó visimbi tɔɔsini mawo mavane 32Ŋge a ená anáá a ta hítí, a tomámó moto hɔrɔ́ a árɔ́wɔ́ oyáva indi a me súsé ate eye a gérémenámó weŋga anáá dɔ́ŋgɔrɔ́ɔ́ŋ a rií na raaté wawó. 33Kó Yésusu a ma járá nawó anáá moto erií ka rií berebe anáá a céŋgítye até éyé a timbámó a ta hítí orií ehóóhona yámé.
Ŋgono éjé ka na mpí
34Ŋgono e nyemámó wandá, kó ŋgé ŋgono yá déŋgyé wosema wáá, na ate kówo vá ne me wundiyámó osema mwané? 35E ta ne rií na mpí tɔɔ na wusó ówó anáá vá váá na cí índi até éyé vá némámó é búkumana, e cánámó bɛ́ŋ anáá vá umbé. Ojo na etú rá wová ómwané wová.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2024, CABTAL