Yohánese 4
4
Yésusu a rényámó na ŋgwande ra va Samariténe
1Ará va Pariséne vá ma ová anáá Yésusu a katé uswiiyána vihoóhóná a wunde odwe vato otómbá Yohánese, 2na vatɔ́ɔ́tɔ́ até Yésusu maté kójo a katé dwe, wó katé rií vihoóhóná vyáa, 3kó a ma urúkyé na Yúdeyá owundé na Gariréya. 4Wó je rií anáá a ma geréméná ocaka Samaríyá. 5Ko vá ma húmé sɔ́ na oŋgórá omó na Samaríyá vá beráana anáá Sikáará, berebe na apúú ájá Yákɔwɔ a ma erééná ombwene ráa ójó Yóseve. 6Ɔ́wɔ́ kówo itamba ná Yákɔwɔ nó katé rií. Yésusu a ma ríi a otɔ́wɔ na oŋgendɔ kó a ma nuumáná na kɔ́ŋgɔ́ ra itamba mwané. Wó ma ríi wandá ámó twéfe. 7Kó okótó omo, ŋgwade ra va Samariténe a ma uré anáá a enda téyá mateyá. Yésusu a ma járá naá anáá: «Pwámó mateyá mbényú.» 8Vihoóhóná vyáa ví ma endá na oŋgórá anáá vá endá sɔsɔ wandá wá wonyá. 9Kó ŋgwande ra Samariténe eméje é ma járá naá anáá: «Twiiŋí kówo mámó ójó mwaná wa va Yúdene o cúsámó noó okótó ójó ŋgwande ra va Samariténe mateyá má ovényú?» Vinó o jembe anáá va Yúdene vá ta ma ré diŋgé anáá vá kériye wandá na va Samariténe. 10Yésusu a ma me wundíyé anáá: «O mó ríi wo ijíme até éyé Irɔŋgɔ a eréenámó owunde o jembe moto ójó a káte wo súsé matéyá, mámó kójo o mó éŋga o súsé matéyá, kó a mó éŋga a wo hwá matéyá má esɔ́tɔ́.» 11Okótó a ma me wundíyé anáá: «Okí, o ta timbé oroŋgó kó itamba nó ámó fyéém, twiiní sɔ́ kówo o mó éŋga o timbe matéyá má esɔ́tɔ́ mwané? 12Ye o ámó ogónó otómbá kókó wa visó ójó Yákɔwɔ ójó a ma só hwá itamba ené, kó ómwané maté a ma vényú matéyá máa ítɔɔ vaná váa na mutíri mwáa?» 13Yésusu a ma me wundíyé anáá: «Ojo a vényámó matéyá amá a né ovámó hée nití ná matéyá. 14Wó je rií anáá ojo a né vényámó matéyá ámá ŋgo né me hwámó, a ta mó ne ová hée nití, kaá matéyá ámá ŋgo né me hwámó má né búndámó itamba éné no neénámó esɔ́tɔ́ eyé kɔ́rɔ́tɔ́tɔ́ na ómwané.» 15Kó okótó a ma járá na Yésusu anáá: «Okí, pwámó matéyá mwané, índi ndií ka ne ová nití, ukú ójó anáá noó ka ne urána ondo teétana matéyá ará.» 16Yésusu a ma járá naá anáá: «Ndá, bérááná onómó kaá wo uré ará.» 17Okótó a ma me wundíyé anáá: «Ta timbé onómótó.» Yésusu a ma járá naá anáá: «O mó éŋga wusi ámó o mó járá anáá o ta timbé onómótó. 18Na vatɔ́ɔ́tɔ́, Na vatɔ́ɔ́tɔ́, na vatɔ́ɔ́tɔ́ o ma timbé vanómótó vatáánó kó ojo o timbamo tetee ojó a ta ámó onómó, o mó járá vatɔ́ɔ́tɔ́.» 19Okótó a ma járá naá anáá: «Okí ŋgo enámó anáá o ámó ahúmíye maró wa Irɔŋgɔ. 20Va kókó vá vísó vá katé endá gúmíye Irɔŋgɔ na yene ojó kó vinó, no járámó anáá pandó ra ogúmíye Irɔŋgɔ e ámó na Yerúsareme.» 21Yésusu a ma járá naá anáá: «Kaŋgámó okótó, itíndíkáná yó urámó íjí ó ta né ne rií na oŋgéné ojó tɔɔ na Yerúsareme kówo no né gúmíyámó Tetáŋgá. 22Vinó ává va Samariténe no gúmíyámó até éyé no ta jembé, wó je rií anáá visó ává va Yúdene to gúmíyámó até éyé to jembámó, esene éyé esɔ́tɔ́ yó endámó uré na va Yúdene. 23Vedá, itíndíkáná yó urámó, kó yó ojine hónó íjí mpaŋá rá vagúmíye vá né gúmíyámó Tetáŋgá na Ireréŋgi kó Na vatɔ́ɔ́tɔ́, na vatɔ́ɔ́tɔ́, esene éyé naná kówo vagúmíyé ává Tetáŋgá a vaŋgámó vá ámó. 24Irɔŋgɔ a ámó Ireréŋgi kó wó géremenámó anáá ava vá me gúmíyámó vá me gúmíye na ireréŋgi kó Na vatɔ́ɔ́tɔ́, na vatɔ́ɔ́tɔ́.» 25Okótó a ma me wundíyé anáá: «Njembámó anáá etómá yá Irɔŋgɔ é géremenámó wuré éyé vá béráanámó anáá Etómá yá Irɔŋgɔ. Ará a né urámó a né só ojánámó wandá wimé.» 26Yésusu a ma járá naá anáá: «Noó ójó njárámó nɔɔ ojó, ndo ámó Etómá yá Irɔŋgɔ.»
27Na itíndíkáná mwané, vihoóhóná vyá Yésusu ví ma endá wunde kó vá ma kémbyé ará vá ma me ená a járáana na okótó vedá, umweesií ójó na vámwané ka me súsé anáá: «Até kéye o sɔsɔmó?» Ítɔɔ anáá: «Na wusó wá até kówo o káte rényé naá?» 28Okótó a ma céŋgítyé kúrí ráa hɔ́rɔ́, wendá na oŋgórá ondo ojana vato anáá: 29«Uránó no enda ená moto omo ójó a móŋgojana wandá wimé ówó ŋgo ma eŋgá, ye wó ta hítí orií etómá yá Irɔŋgɔ?» 30Vato vá ma urúkyáná na oŋgórá ondo etíye Yésusu. 31Itíndíkáná mwané vihoóhóná vyáa ví katé me jitimiye vá járá naá anáá: «Oyéere nyá.» 32Kó Yésusu a ma járá nawó anáá: «Timbámó anáá nyá manyá ámá no ta jembé.» 33Vihoóhóná ví ma késyé ovásúsé vámwané na vámwané anáá: «Ye moto omo a mó me urána na manyá?» 34Yésusu a ma járá nawó anáá: «Manyá mamé má ámó anáá ŋgo eŋga mbaŋgéná ra ojo a ma tómá, ŋgunde omana manɔnɔwɔ ámá a ma pwá. 35Vinó maté no ta katé járá anáá: Wó a cáná ehé ene kó mebuwe má né késyámó? Kó noó ŋgo nó ojánámó anáá: Nɔɔ́no aŋgísó na kondo, mbasa yó mána ogónéna kó yó etá súsé anáá vá búwe. 36Ojo a buwámó a timbámó ipéyé yáa, kó a wónjéenámó nobótá na wusó wá esɔ́tɔ́ éyé kɔ́rɔ́tɔ́tɔ́, ukú ójó anáá ojo a nemámó na ojo a buwámó vá ová visaŋgena orɔŋgɔ, 37esene éyé nkaná éjé e járámó anáá: Omo a nemámó ojomo a buwe e ámó vatɔ́ɔ́tɔ́. 38Ŋgo ma nó tómá anáá no buwe homó ówó no ta ma nɔ́nɔwɔ, avámó vá ma nɔnɔ́wɔ́ kó vinó no bíkyámó na manɔnɔwɔ máwó.» 39Na oŋgórá mwané, ombunu rá va Samariténe ó ma atɔ́wɔ́ Yésusu esene éyé okótó omójo a ma ojá anáá: «A móŋgojana wandá wimé ówó ŋgo ma eŋgá.» 40Wandá mwané kówo ará va Samariténe vá ma húmé na kɔ́ŋgɔ́ ra Yésusu, vá ma me deekáná anáá a riirií nawó, kó a ma túmbyé metúú máváné ɔ́wɔ́. 41Ombunu rá vato o ma wundé o me atɔ́wɔ na vipéŋgé íví ómwané maté a ma ré ojá. 42Kó vá katé járá na okótó omójo anáá: «Wó ta ne rií bɛ́ŋ na wusó wá até éyé o mó só ojána kówo to atɔ́wɔmó, to atɔ́wɔmó esene éyé visó maté to mó ová kó to jembámó anáá a ámó mwané asótyé wa cí ra ndono.»
Yésusu a ondónámó ombwene rá moto
(Mat 8:5-13; Rúk 7:1-10)
43Na nimé rá metúú máváné, Yésusu a ma urúkyé Samaríyá wenda na Gariréya. 44Ómwané maté a ma járá anáá ahúmíye maró wa Irɔŋgɔ a ta timbé urukú na edɔŋgɔ yáa. 45Ará a ma jiné na Gariréya, vato ává ɔ́wɔ́ vá ma me aká wusi, esene éyé vámwané hónó vá ma endá na ibínó na Yerúsareme kó vá ma ená wandá wímé ówó Yésusu a ma eŋgá na ibínó mwané. 46Yésusu a ma wundé na oŋgórá rá Kána ojó na Gariréya, homó ówó a ma búndyé mateyá mɔwɔ́. Yeŋga manɔnɔwɔ emó yá ahumu é katé timbe mwaná wáa a rií enɔ́ na Kaperenahumu. 47Ará a ma ová anáá Yésusu worúkye ówó na Yúdeyá a urámó na Gariréya, kó a ma endá me etíye o me deekáné anáá a enda na Kaperenahumu índi a ondóna ombwene ráa, esene éyé a ma ríi a etá berebe na ogwé. 48Yésusu a ma járá naá anáá: «No diŋgámó anáá no mana ená mesimbá na vidimé kaá no je atɔ́wɔ!» 49Yeŋga manɔnɔwɔ yá ahumu é ma me wundíyé anáá: «Okí, uré na edɔŋgɔ yámé hɔrɔ́ ombwene ramé wá arɔ́wɔ́ ka gwé.» 50Yésusu a jarámó naá anáá: «Ndá, ombwene rɔɔ́ ó hwenámó.» Moto omójó a ma atɔ́wɔ́ enjárá rá Yésusu kó a ma endá. 51A rií na pé, a ma bérúmé na veŋga manɔnɔwɔ váa, váye naá anáá: «Ombwene rɔɔ́ ó hwenámó!» 52A ma wó súsé noworo éné a ma ondówá kó vá ma me wundíyé anáá: «Ijó, na aworo dá kówo fíba a má me urúkyé.» 53Isyé maŋgájó a ma núútaná anáá ó ámó noworo éné Yésusu a má járá naá anáá: «Ombwene rɔɔ́ ó hwenámó.» Kó a ma atɔ́wɔ́ Yésusu ómwané na yanje yáa yá vato yimé. 54Wó ma ríi ndeme ra asimbá éjé tii éjé Yésusu a ma eŋgá ará a ma urúkyé Yúdeyá wenda na Gariréya.
ទើបបានជ្រើសរើសហើយ៖
Yohánese 4: tii
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2024, CABTAL
Yohánese 4
4
Yésusu a rényámó na ŋgwande ra va Samariténe
1Ará va Pariséne vá ma ová anáá Yésusu a katé uswiiyána vihoóhóná a wunde odwe vato otómbá Yohánese, 2na vatɔ́ɔ́tɔ́ até Yésusu maté kójo a katé dwe, wó katé rií vihoóhóná vyáa, 3kó a ma urúkyé na Yúdeyá owundé na Gariréya. 4Wó je rií anáá a ma geréméná ocaka Samaríyá. 5Ko vá ma húmé sɔ́ na oŋgórá omó na Samaríyá vá beráana anáá Sikáará, berebe na apúú ájá Yákɔwɔ a ma erééná ombwene ráa ójó Yóseve. 6Ɔ́wɔ́ kówo itamba ná Yákɔwɔ nó katé rií. Yésusu a ma ríi a otɔ́wɔ na oŋgendɔ kó a ma nuumáná na kɔ́ŋgɔ́ ra itamba mwané. Wó ma ríi wandá ámó twéfe. 7Kó okótó omo, ŋgwade ra va Samariténe a ma uré anáá a enda téyá mateyá. Yésusu a ma járá naá anáá: «Pwámó mateyá mbényú.» 8Vihoóhóná vyáa ví ma endá na oŋgórá anáá vá endá sɔsɔ wandá wá wonyá. 9Kó ŋgwande ra Samariténe eméje é ma járá naá anáá: «Twiiŋí kówo mámó ójó mwaná wa va Yúdene o cúsámó noó okótó ójó ŋgwande ra va Samariténe mateyá má ovényú?» Vinó o jembe anáá va Yúdene vá ta ma ré diŋgé anáá vá kériye wandá na va Samariténe. 10Yésusu a ma me wundíyé anáá: «O mó ríi wo ijíme até éyé Irɔŋgɔ a eréenámó owunde o jembe moto ójó a káte wo súsé matéyá, mámó kójo o mó éŋga o súsé matéyá, kó a mó éŋga a wo hwá matéyá má esɔ́tɔ́.» 11Okótó a ma me wundíyé anáá: «Okí, o ta timbé oroŋgó kó itamba nó ámó fyéém, twiiní sɔ́ kówo o mó éŋga o timbe matéyá má esɔ́tɔ́ mwané? 12Ye o ámó ogónó otómbá kókó wa visó ójó Yákɔwɔ ójó a ma só hwá itamba ené, kó ómwané maté a ma vényú matéyá máa ítɔɔ vaná váa na mutíri mwáa?» 13Yésusu a ma me wundíyé anáá: «Ojo a vényámó matéyá amá a né ovámó hée nití ná matéyá. 14Wó je rií anáá ojo a né vényámó matéyá ámá ŋgo né me hwámó, a ta mó ne ová hée nití, kaá matéyá ámá ŋgo né me hwámó má né búndámó itamba éné no neénámó esɔ́tɔ́ eyé kɔ́rɔ́tɔ́tɔ́ na ómwané.» 15Kó okótó a ma járá na Yésusu anáá: «Okí, pwámó matéyá mwané, índi ndií ka ne ová nití, ukú ójó anáá noó ka ne urána ondo teétana matéyá ará.» 16Yésusu a ma járá naá anáá: «Ndá, bérááná onómó kaá wo uré ará.» 17Okótó a ma me wundíyé anáá: «Ta timbé onómótó.» Yésusu a ma járá naá anáá: «O mó éŋga wusi ámó o mó járá anáá o ta timbé onómótó. 18Na vatɔ́ɔ́tɔ́, Na vatɔ́ɔ́tɔ́, na vatɔ́ɔ́tɔ́ o ma timbé vanómótó vatáánó kó ojo o timbamo tetee ojó a ta ámó onómó, o mó járá vatɔ́ɔ́tɔ́.» 19Okótó a ma járá naá anáá: «Okí ŋgo enámó anáá o ámó ahúmíye maró wa Irɔŋgɔ. 20Va kókó vá vísó vá katé endá gúmíye Irɔŋgɔ na yene ojó kó vinó, no járámó anáá pandó ra ogúmíye Irɔŋgɔ e ámó na Yerúsareme.» 21Yésusu a ma járá naá anáá: «Kaŋgámó okótó, itíndíkáná yó urámó íjí ó ta né ne rií na oŋgéné ojó tɔɔ na Yerúsareme kówo no né gúmíyámó Tetáŋgá. 22Vinó ává va Samariténe no gúmíyámó até éyé no ta jembé, wó je rií anáá visó ává va Yúdene to gúmíyámó até éyé to jembámó, esene éyé esɔ́tɔ́ yó endámó uré na va Yúdene. 23Vedá, itíndíkáná yó urámó, kó yó ojine hónó íjí mpaŋá rá vagúmíye vá né gúmíyámó Tetáŋgá na Ireréŋgi kó Na vatɔ́ɔ́tɔ́, na vatɔ́ɔ́tɔ́, esene éyé naná kówo vagúmíyé ává Tetáŋgá a vaŋgámó vá ámó. 24Irɔŋgɔ a ámó Ireréŋgi kó wó géremenámó anáá ava vá me gúmíyámó vá me gúmíye na ireréŋgi kó Na vatɔ́ɔ́tɔ́, na vatɔ́ɔ́tɔ́.» 25Okótó a ma me wundíyé anáá: «Njembámó anáá etómá yá Irɔŋgɔ é géremenámó wuré éyé vá béráanámó anáá Etómá yá Irɔŋgɔ. Ará a né urámó a né só ojánámó wandá wimé.» 26Yésusu a ma járá naá anáá: «Noó ójó njárámó nɔɔ ojó, ndo ámó Etómá yá Irɔŋgɔ.»
27Na itíndíkáná mwané, vihoóhóná vyá Yésusu ví ma endá wunde kó vá ma kémbyé ará vá ma me ená a járáana na okótó vedá, umweesií ójó na vámwané ka me súsé anáá: «Até kéye o sɔsɔmó?» Ítɔɔ anáá: «Na wusó wá até kówo o káte rényé naá?» 28Okótó a ma céŋgítyé kúrí ráa hɔ́rɔ́, wendá na oŋgórá ondo ojana vato anáá: 29«Uránó no enda ená moto omo ójó a móŋgojana wandá wimé ówó ŋgo ma eŋgá, ye wó ta hítí orií etómá yá Irɔŋgɔ?» 30Vato vá ma urúkyáná na oŋgórá ondo etíye Yésusu. 31Itíndíkáná mwané vihoóhóná vyáa ví katé me jitimiye vá járá naá anáá: «Oyéere nyá.» 32Kó Yésusu a ma járá nawó anáá: «Timbámó anáá nyá manyá ámá no ta jembé.» 33Vihoóhóná ví ma késyé ovásúsé vámwané na vámwané anáá: «Ye moto omo a mó me urána na manyá?» 34Yésusu a ma járá nawó anáá: «Manyá mamé má ámó anáá ŋgo eŋga mbaŋgéná ra ojo a ma tómá, ŋgunde omana manɔnɔwɔ ámá a ma pwá. 35Vinó maté no ta katé járá anáá: Wó a cáná ehé ene kó mebuwe má né késyámó? Kó noó ŋgo nó ojánámó anáá: Nɔɔ́no aŋgísó na kondo, mbasa yó mána ogónéna kó yó etá súsé anáá vá búwe. 36Ojo a buwámó a timbámó ipéyé yáa, kó a wónjéenámó nobótá na wusó wá esɔ́tɔ́ éyé kɔ́rɔ́tɔ́tɔ́, ukú ójó anáá ojo a nemámó na ojo a buwámó vá ová visaŋgena orɔŋgɔ, 37esene éyé nkaná éjé e járámó anáá: Omo a nemámó ojomo a buwe e ámó vatɔ́ɔ́tɔ́. 38Ŋgo ma nó tómá anáá no buwe homó ówó no ta ma nɔ́nɔwɔ, avámó vá ma nɔnɔ́wɔ́ kó vinó no bíkyámó na manɔnɔwɔ máwó.» 39Na oŋgórá mwané, ombunu rá va Samariténe ó ma atɔ́wɔ́ Yésusu esene éyé okótó omójo a ma ojá anáá: «A móŋgojana wandá wimé ówó ŋgo ma eŋgá.» 40Wandá mwané kówo ará va Samariténe vá ma húmé na kɔ́ŋgɔ́ ra Yésusu, vá ma me deekáná anáá a riirií nawó, kó a ma túmbyé metúú máváné ɔ́wɔ́. 41Ombunu rá vato o ma wundé o me atɔ́wɔ na vipéŋgé íví ómwané maté a ma ré ojá. 42Kó vá katé járá na okótó omójo anáá: «Wó ta ne rií bɛ́ŋ na wusó wá até éyé o mó só ojána kówo to atɔ́wɔmó, to atɔ́wɔmó esene éyé visó maté to mó ová kó to jembámó anáá a ámó mwané asótyé wa cí ra ndono.»
Yésusu a ondónámó ombwene rá moto
(Mat 8:5-13; Rúk 7:1-10)
43Na nimé rá metúú máváné, Yésusu a ma urúkyé Samaríyá wenda na Gariréya. 44Ómwané maté a ma járá anáá ahúmíye maró wa Irɔŋgɔ a ta timbé urukú na edɔŋgɔ yáa. 45Ará a ma jiné na Gariréya, vato ává ɔ́wɔ́ vá ma me aká wusi, esene éyé vámwané hónó vá ma endá na ibínó na Yerúsareme kó vá ma ená wandá wímé ówó Yésusu a ma eŋgá na ibínó mwané. 46Yésusu a ma wundé na oŋgórá rá Kána ojó na Gariréya, homó ówó a ma búndyé mateyá mɔwɔ́. Yeŋga manɔnɔwɔ emó yá ahumu é katé timbe mwaná wáa a rií enɔ́ na Kaperenahumu. 47Ará a ma ová anáá Yésusu worúkye ówó na Yúdeyá a urámó na Gariréya, kó a ma endá me etíye o me deekáné anáá a enda na Kaperenahumu índi a ondóna ombwene ráa, esene éyé a ma ríi a etá berebe na ogwé. 48Yésusu a ma járá naá anáá: «No diŋgámó anáá no mana ená mesimbá na vidimé kaá no je atɔ́wɔ!» 49Yeŋga manɔnɔwɔ yá ahumu é ma me wundíyé anáá: «Okí, uré na edɔŋgɔ yámé hɔrɔ́ ombwene ramé wá arɔ́wɔ́ ka gwé.» 50Yésusu a jarámó naá anáá: «Ndá, ombwene rɔɔ́ ó hwenámó.» Moto omójó a ma atɔ́wɔ́ enjárá rá Yésusu kó a ma endá. 51A rií na pé, a ma bérúmé na veŋga manɔnɔwɔ váa, váye naá anáá: «Ombwene rɔɔ́ ó hwenámó!» 52A ma wó súsé noworo éné a ma ondówá kó vá ma me wundíyé anáá: «Ijó, na aworo dá kówo fíba a má me urúkyé.» 53Isyé maŋgájó a ma núútaná anáá ó ámó noworo éné Yésusu a má járá naá anáá: «Ombwene rɔɔ́ ó hwenámó.» Kó a ma atɔ́wɔ́ Yésusu ómwané na yanje yáa yá vato yimé. 54Wó ma ríi ndeme ra asimbá éjé tii éjé Yésusu a ma eŋgá ará a ma urúkyé Yúdeyá wenda na Gariréya.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2024, CABTAL